%@@1 % File name : paramahansaparivrAjaka.pdf %-------------------------------------------- % Text title : paramahamsa-parivrAjaka upanishad % Author : - % Language : Sanskrit % Subject : philosophy, vedanta % Description/comments : #66, Sanyasa upaishad fro Atharva Veda % Transliterated by : Sunder Hattangadi (sunderh@hotmail.com) % Proofread by : Sunder Hattangadi (sunderh@hotmail.com) % Latest update : Jan. 20, 2008 % Send corrections to : sanskrit@cheerful.com % Special Instructions: % i1h.hdr,ijag.inc,itrans.sty,multicol.sty,iarticle.sty % Transliteration scheme: ITRANS 5.2 % Site access : % http://sanskritdocuments.org/ % http://sanskrit.gde.to %----------------------------------------------------- % The text is to be used for personal studies and research only. % Any use for commercial purpose is prohibited as a 'gentleman's' % agreement. % @@2 % % Please ignore the following commands upto #indian and others with % \ mark, % which are needed for devanaagarii output and formatting. %-------------------------------------------------------- %-------------------------------------------------------- % \documentstyle[11pt,multicol,itrans]{article} %\documentclass[11pt]{article} %\usepackage{multicol} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Paramahamsa-Parivrajaka Upanishad ..}## \itxtitle{.. paramahaMsa\-parivraajaka upaniShat.h ..}##\endtitles## paarivraajyadharmavanto yajj~naanaadbrahmataaM yayuH . tadbrahma praNavaikaarthaM turyaturyaM hariM bhaje .. OM bhadraM karNebhiH shRRiNuyaama devaaH . bhadraM pashyemaakShabhiryajatraaH. sthiraira~NgaistuShTuvaaMstanuubhiH . vyashema devahitaM yadaayuH . svasti na indro vRRiddhashravaaH . svasti naH puuShaa vishvavedaaH . svasti nastaarkShyo.ariShTanemiH . svasto no bRRihaspatirdadhaatu .. OM shaantiH shaantiH shaantiH .. hariH OM atha pitaamahaH svapitaramaadinaaraayaNamupasametya praNamya paprachchha bhagavaMstvanmukhaadvarNaashramadharma\- kramaM sarvaM shrutaM viditamavagatam.h . idaaniiM paramahaMsaparivraajakalakShaNaM veditumichchhaami kaH parivrajanaadhikaarii kiidRRishaM parivraajakalakShaNaM kaH paramahaMsaH parivraajakatvaM kathaM tatsarvaM me bruuhiiti . sa hovaacha bhagavaanaadinaaraayaNaH . sadgurusamiipe sakalavidyaaparishramaj~no bhuutvaa vidvaansarva\- maihikaamuShmikasukhashramaM j~naatvaiShaNaatrayavaasanaatraya\- mamatvaaha~NkaaraadikaM vamanaannamiva heyamadhigamya mokSha\- maargaikasaadhano brahmacharyaM samaapya gRRihii bhavet.h . gRRihaadvanii bhuutvaa pravrajet.h . yadi vetarathaa brahmacharyaadeva pravrajedgRRihaadvaa vanaadvaa . atha punaravratii vaa vratii vaa snaatako vaa.asnaatako votsannaagni\- ranagniko vaa yadahareva virajettadahareva pravrajediti buddhvaa sarvasaMsaareShu virakto brahmachaarii gRRihii vaanaprastho vaa pitaraM maataraM kalatraputramaaptabandhuvargaM tadabhaave shiShyaM sahavaasinaM vaanumodayitvaa taddhaike praajaapatyaameveShTiM kurvanti tadu tathaa na kuryaat.h . aagneyyaameva kuryaat.h . agnirhi praaNaH praaNamevaitayaa karoti traidhaataviiyaameva kuryaat.h . etayaiva trayo dhaatavo yaduta sattvaM rajastama iti . ayaM te yonirRRitviyo yato jaato aarochathaaH . taM jaanannagna aarohaathaano vardhayaa rayimityanena mantreNaagni\- maajighret.h . eSha vaa agneryoniryaH praaNaM gachchha svaaM yoniM gachchhasvaa\- hetyevamevaitadaaha . graamaachchhrotriyaagaaraadagnimaahRRitya svavidhyuktakrameNa puurvavadagnimaajighret.h . yadyaaturo vaagniM na vinedapsu juhuyaat.h . aapo vai sarvaa devataaH sarvaabhyo devataabhyo juhomi svaaheti hutvoddhRRitya praashniiyaat.h saajyaM haviranaamayam.h . eSha vidhirviiraadhvaane vaa.anaashake vaa sampraveshe vaagnipraveshe vaa mahaaprasthaane vaa . yadyaaturaH syaanmanasaa vaachaa vaa saMnyasedeSha panthaaH . svasthakrameNaiva chedaatmashraaddhaM virajaahomaM kRRitvaagni\- maatmanyaaropya laukikavaidikasaamrthyaM svachaturdashakaraNa\- pravRRittiM cha putre samaaropya tadabhaave shiShye vaa tadabhaave svaatmanyeva vaa brahmaa tvaM yaj~nastvamityabhimantrya brahma\- bhaavanayaa dhyaatvaa saavitriipraveshapuurvakamapsu sarvavidyaartha\- svaruupaaM braahmaNyaadhaaraaM vedamaataraM kramaadvyaahRRitiShu triShu pravilaapya vyaahRRititrayamakaarokaaramakaareShu pravilaapya tatsaavadhaanenaapaH praashya praNavena shikhaamutkRRiShya yaj~nopaviitaM chhittvaa vastramapi bhuumau vaapsu vaa visRRijya AUM bhuuH svaahaa AUM bhuvaH svaahaa AUM suvaH svaahetyanena jaataruupadharo bhuutvaa svaM ruupaM dhyaayanpunaH pRRithak.h praNavavyaahRRitipuurvakaM manasaa vachasaapi saMnyastaM mayaa saMnyastaM mayaa saMnyastaM mayeti mandramadhyamataaradhvani\- bhistrivaaraM triguNiikRRitapreShochchaaraNaM kRRitvaa praNavaika\- dhyaanaparaayaNaH sannabhayaM sarvabhuutebhyo mattaH svaahetyuurdhva\- baahurbhuutvaa brahmaahamasmiiti tattvamasyaadivaakyaarthasvaruupaa\- nusandhaanaM kurvannudiichiM dishaM gachchhet.h . jaataruupadharashcharet.h . eSha saMnyaasaH . tadadhikaarii na bhavedyadi gRRihasthapraarthanaapuurvakamabhayaM sarvabhuutebhyo mattaH sarvaM pravartate sakhaa maa gopaayaujaH sakhaa yo.asiindrasya vrajo.asi vaargaghnaH sharma me bhava yatpaapaM tannivaarayetyanena mantreNa praNavapuurvakaM salakShaNaM vaaiNavaM daNDaM kaTisuutraM kaupiinaM kamaNDaluM vivarNavastramekaM parigRRihya sadgurumupagamya natvaa gurumukhaattattvamasiiti mahaavaakyaM praNavapuurvakamupalabhyaatha jiirNavalkalaajinaM dhRRitvaatha jalaavataraNamuurdhvagamanamekabhikShaaM parityajya trikaalasnaanamaacharanvedaantashravaNapuurvakaM praNavaanuShThaanaM kurvanbrahmamaarge samyak.h sampannaH svaabhimatamaatmani gopayitvaa nirmamo.adhyaatmaniShThaH kaamakrodhalobhamohamadamaatsarya\- dambhadarpaaha~NkaaraasuuyaagarvechchhaadveShaharShaamarSha\- mamatvaadiiMshcha hitvaa j~naanavairaagyayukto vittastriiparaa~NmukhaH shuddhamaanasaH sarvopaniShadarthamaalochya brahmacharyaa\- parigrahaahiMsaasatyaM yatnena rakSha~njitendriyo bahirantaHsnehavarjitaH shariirasaMdhaaraNaarthaM vaa triShu varNeShvabhishastapatitavarjiteShu pashuradrohii bhaikShyamaaNo brahmabhuuyaaya bhavati . sarveShu kaaleShu laabhaalaabhau samau kRRitvaa parapaatramadhuukare\- NaannamashnanmedovRRiddhimakurvankRRishiibhuutvaa brahmaahamasmiiti bhaavayangurvarthaM graamamupetya dhruvashiilo.aShTau maasyekaakii chareddvaavevaacharet.h . yadaalaMbuddhirbhavettadaa kuTiichako vaa bahuudako vaa haMso vaa paramahaMso vaa tattanmantrapuurvakaM kaTisuutraM kaupiinaM daNDaM kamaNDaluM sarvamapsu visRRijyaatha jaataruupadharashcharet.h . graama ekaraatraM tiirthe triraatraM pattane pa~ncharaatraM kShetre saptaraatramaniketaH sthiramatiranagnisevii nirvikaaro niyamaaniyaama\- mutsRRijya praaNasandhaaraNaarthamayameva laabhaalaabhau samau kRRitvaa govRRittyaa bhaikShamaacharannudakasthalakamaNDalur\- rabaadhakarahasyasthalavaaso na punarlaabhaalaabharataH shubhaashubha\- karmanirmuulanaparaH sarvatra bhuutalashayanaH kShaurakarmaparityakto yuktachaaturmaasyavrataniyamaH shukladhyaanaparaayaNo.arthastriipura\- paraa~Nmukho.anunmatto.apyunmattavadaacharannavyaktali~Ngo.ali~Ngo.avya\- ktaachaaro divaanaktasamatvenaasvapnaH svaruupaanusandhaanabrahma\- praNavadhyaanamaargeNaavahitaH saMnyaasena dehatyaagaM karoti sa paramahaMsaparivraajako bhavati . bhagavan.h brahmapraNavaH kiidRRisha iti brahmaa pRRichchhati . sa hovaacha naaraayaNaH . brahmapraNavaH ShoDashamaatraatmakaH so.avasthaachatuShTaya\- chatuShTayagocharaH . jaagradavasthaayaaM jaagradaadicharasro.avasthaaH svapne svapnaadi\- chatasrovasthaaH suShuptau suShuptyaadichatasro.avasthaaturiiye turiiyaadichatasro.avasthaa bhavantiiti . jaagradavasthaayaaM vishvasya chaaturvidhyaM vishvavishvo vishvataijaso vishvapraaj~no vishvaturiiya iti . svapnaavasthaayaaM taijasasya chaaturvidhyaM taijasavishvastaijasataijasastaijasapraaj~nastaijasaturiiya iti . suShuptyavasthaayaaM praaj~nasya chaaturvidhyaM praaj~navishvaH praaj~nataijasaH praaj~napraaj~naH praaj~naturiiya iti. turiiyaavasthaayaaM turiiyasya chaaturvidhyaM turiiyavishvasturiiyataijasasturiiyapraaj~nastuturiiyaturiiya iti . te krameNa ShoDashamaatraa ruuDhaaH akaare jaagradvishva ukaare jaagrattaijaso makaare jaagratpraaj~na ardhamaatraayaaM jaagratturiiyo bindau svapnavishvonaade svapnataijasaH kalaayaaM svapnapraaj~naH kalaatiite svapnaturiiyaH shaantau suShuptavishvaH shaantyaatiite suShuptataijasa unmanyaaM suShuptapraaj~no manonmanyaaM suShuptaturiiyaH puryaaM turiiyavishvo madhyamaayaaM turiiyataijasaH pashyantaaM turiiyapraaj~naH paraayaaM turiiyaturiiyaH . jaagranmaatraachatuShTayamakaaraaMshaM svapnamaatraachatuShTaya\- mukaaraaMshaM suShuptimaatraachatuShTayaM makaaraaMshaM turiiyamaatraachatuShTayamardhamaatraaMsham.h . ayameva brahmapraNavaH . sa paramahaMsaturiiyaatiitaavadhuutairupaasyaH . tenaiva brahma prakaashate tena videhamuktiH . bhagavan.h kathamayaj~nopaviittyashikhii sarvakarmaparityaktaH kathaM brahmaniShThaaparaH kathaM braahmaNa iti brahmaa pRRichchhati . sa hovaacha viShNurbhobho.arbhaka yasyaastyadvaitamaatmaj~naanaM tadeva yaj~nopaviitam.h . tasya dhyaananiShThaiva shikhaa . tatkarma sa pavitram.h . sa sarvakarmakRRit.h . sa braahmaNaH . sa brahmaniShThaaparaH . sa devaH . sa RRiShiH . sa tapasvii . sa shreShThaH . sa eva sarvajyeShThaH . sa eva jagadguruH . sa evaahaM viddhi . loke paramahaMsaparivraajako durlabhataro yadyeko.asti . sa eva nityapuutaH . sa eva vedapuruSho mahaapuruSho yastachchittaM mayyevaavatiShThate . ahaM cha tasminnevaavasthitaH . sa eva nityatRRiptaH . sa shiitoShNasukhaduHkhamaanaavamaanavarjitaH . sa nindaamarShasahiShNuH . sa ShaDuurmivarjitaH . ShaDbhaavavikaarashuunyaH . sa jyeShThaajyeShThavyavadhaanarahitaH . sa svavyatirekeNa naanyadraShTaa . aashaambaro nanamaskaaro na svaahaakaaro na svadhaakaarashcha navisarjanaparo nindaastuti\- vyatirikto namantratantropaasako devaantaradhyaanashuunyo lakShyaalakShyanivartakaH sarvoparataH sasachchidaanandaadvaya\- chidghanaH sampuurNaanandaikabodho brahmaivaahamamiityanavarataM brahmapraNavaanusandhaanena yaH kRRitakRRityo bhavati sa ha paramahaMsaparivraaDityupaniShat.h .. hariH AUM tatsat.h . OM bhadraM karNebhiH shRRiNuyaama devaaH . bhadraM pashyemaakShabhiryajatraaH. sthiraira~NgaistuShTuvaaMstanuubhiH . vyashema devahitaM yadaayuH . svasti na indro vRRiddhashravaaH . svasti naH puuShaa vishvavedaaH . svasti nastaarkShyo.ariShTanemiH . svasti no bRRihaspatirdadhaatu .. OM shaantiH shaantiH shaantiH .. iti paramahaMsaparivraajakopaniShatsamaaptaa .. ## Encoded and proofread by Sunder Hattangadi sunderh@hotmail.com \medskip\hrule\obeylines \medskip {\rm Please send corrections to sanskrit@cheerful.com} {\rm Last updated \today} \end{document}