%@@1
% File name             : parabrahma.itx
%--------------------------------------------
% Text title            : Prabrahma Upanishad
% Author                : Vedic tradition
% Language              : Sanskrit
% Subject               : philosophy/hinduism
% Description/comments  : # 78 / 108; Atharva Veda - Sanyasa upanishad
% Transliterated by     : Sunder Hattangadi (sunderh@hotmail.com)
% Proofread by          : Sunder Hattangadi (sunderh@hotmail.com)
% Latest update         : August  12, 2000
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskrit.gde.to
% http://www.alkhemy.com/sanskrit/
% ftp://jaguar.cs.utah.edu/sanskrit/sanskrit.html
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
% Please ignore the following commands upto #indian and others with
% \ mark,
% which are needed for devanaagarii output and formatting.
%--------------------------------------------------------------------------


\documentstyle[11pt,multicol,itrans]{article}
%\documentclass[11pt]{article}
%\usepackage{multicol}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\large #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{.. Parabrahma Upanishad ..}##
\itxtitle{.. parabrahmopanishhat.h ..}##\endtitles##
parabrahmopanishhadi vedyaakhaNDasukhaakR^iti .
parivraajakahR^idgeyaM paritastraipadaM bhaje ..
AUM bhadra.n karNebhiH shR^iNuyaama devaaH .. bhadraM pashyemaakshabhiryajatraaH ..
sthiraira~NgaistushhTuvaa{\m+}sastanuubhiH .. vyashema devahita.n yadaayuH ..
svasti na indro vR^iddhashravaaH .. svasti naH puushhaa vishvavedaaH ..
svasti nastaarkshyo arishhTanemiH .. svasti no bR^ihaspatirdadhaatu ..
AUM shaantiH shaantiH shaantiH .. 
hariH AUM .. atha hainaM mahaashaalaH shaunako.a~NgirasaM bhagavantaM pippalaada.n 
vidhivadupasannaH paprachchha divye brahmapure ke saMpratishhThitaa bhavanti . katha.n
sR^ijyante . nityaatmana eshha mahimaa . vibhajya eshha mahimaa vibhuH . ka eshhaH .
tasmai sa hovaacha . etatsatya.n yatprabraviimi brahmavidyaa.n varishhThaa.n devebhyaH
praaNebhyaH . parabrahmapure viraja.n nishhkala.n shubhamakshara.n viraja.n vibhaati .
sa niyachchhati madhukaraH shveva vikarmakaH . akarmaa svaamiiva sthitaH . karmataraH
karshhakavatphalamanubhavati . karmamarmaj~naataa karma karoti . karmamarma j~naatvaa
karma kuryaat.h . ko jaala.n vikshipedeko nainamapakarshhatyapakarshhati . praaNadevaa\-
shchatvaaraH . taaH sarvaa naaDyaH sushhuptashyenaakaashavat.h . yathaa shyenaH 
khamaashritya yaati svamaalaya.n kulaayam.h . eva.n sushhuptaM bruuta . aya.n cha parashcha 
sa sarvatra hiraNmaye pare koshe . amR^itaa hyeshhaa naaDii traya.n sa.ncharati . tasya
tripaadaM brahma . eshhaatreshhya tato.anutishhThati . anyatra bruuta . aya.n cha para.n cha 
sarvatra hiraNmaye koshe .   
yathaishha devadatto yashhTyaa cha taaDyamaano naivaiti . 
evamishhTaapuurtakarmashubhaashubhairna lipyate . yathaa
kumaarako nishhkaama aanandamabhiyaati . tathaishha devaH
svapna aanandamabhiyaati veda eva para.n jyotiH . jyotishhaamaa
jyotiraanandayatyevameva . tatpara.n yachchittaM paramaatmaana\-
maanandayati . shubhravarNamaajaayateshvaraat.h . bhuuyastenaiva
maargeNa svapnasthaana.n niyachchhati . jaluukaabhaavavadyathaa\-
kaamamaajaayateshvaraat.h . taavataatmaanamaanandayati . parasandhi
yadaparasandhiiti . tatpara.n naapara.n tyajati . tadaiva kapaalashhTaka.n 
sandhaaya ya eshha stana ivaavalambate sendrayoniH sa vedayoniriti .
atra jaagrati . shubhaashubhaatiriktaH shubhaashubhairapi karmabhirna lipyate .
ya eshha devo.anyadevaasya saMprasaado.antaryaamyasa~NgachidruupaH 
purushhaH . praNavaha.nsaH paraM brahma . na praaNaha.nsaH . praNavo
jiivaH . aadyaa devataa nivedayati . ya eva.n veda . tatkatha.n nivedayate .
jiivasya brahmatvamaapaadayati . sattvamathaasya purushhasyaantaH 
shikhopaviitatvaM braahmaNasya . mumukshorantaH shikhopaviitadhaaraNam.h . 
bahirlakshyamaaNashikhaayaj~nopaviitadhaaraNa.n karmiNo gR^ihasthasya . 
antarupaviitalakshaNa.n tu bahistantuvadavyaktamantastattvamelanam.h .
na sannaasanna sadasadbhinnaabhinna.n na chobhayam.h . na sabhaaga.n 
na nirbhaaga.n na chaapyubhayaruupakam.h .. 
brahmaatmaikatvavij~naana.n heyaM mithyatvakaaraNaaditi .
pa~nchapaadbrahmaNo na ki.nchana . chatushhpaadantarvartino.anta\-
rjiivabrahmaNashchatvaari sthaanaani . naabhihR^idayakaNThamuurdhasu
jaagratsvapnasushhuptituriiyaavasthaaH . aahavaniiyagaarhapatya\-
dakshiNasabhyaagnishhu . jaagarite brahmaa svapne vishhNuH 
sushhuptau rudrasturiiyamakshara.n chinmayam.h . tasmaachchaturavasthaa .
chatura~NgulaveshhTanamiva shhaNNavatitattvaani tantuvadvibhajya tadaa 
hita.n triguNiikR^itya dvaatri.nshattattvanishhkarshhamaapaadya 
j~naanapuuta.n triguNasvaruupa.n trimuurtitvaM pR^ithagvij~naaya
navabrahmaakhyanavaguNopeta.n j~naatvaa navamaanamitastriguNiikR^itya
suuryendvagnikalaasvaruupatvenaikiikR^ityaadyantarekatvamapi madhye
triraavR^itya brahmavishhNumaheshvaratvamanusa.ndhaayaadyantamekiikR^itya
chidgranthaavadvaitagranthi.n kR^itvaa naabhyaadibrahmabilapramaaNaM 
pR^ithak pR^ithak saptavi.nshatitattvasaMbandha.n triguNopeta.n 
trimuurtilakshaNalakshitamapyekatvamaapaadya vaamaa.nsaadidakshiNakaNThyanta.n
vibhaavyaadyantagrahasaMmelanameka.n j~naatvaa muulameka.n satyaM 
mR^iNmaya.n vij~naata.n syaadvaachaarambhaNa.n vikaaro naamadheyaM mR^ittiketyeva satyam.h .
ha.nseti varNadvayenaantaH shikhopaviititva.n nishchitya braahmaNatvaM brahmadhyaanaarhatva.n 
yatitvamalakshitaantaHshikhopaviititvamevaM bahirlakshitakarmashikhaa j~naanopaviita.n
gR^ihasthasyaabhaasabrahmaNatvasya keshasamuuhashikhaapratyakshakaarpaasatantu\-
kR^itopaviitatva.n chaturguNiikR^itya chaturvi.nshatitattvaapaadanatantukR^ittva.n
navatattvamekameva .. paraMbrahma tatpratisarayogyatvaadbahumaargapravR^itti.n
kalpayanti . sarveshhaaM brahmaadiinaa.n devarshhiiNaaM manushhyaaNaaM muurtirekaa .
brahmaikameva . braahmaNatvamekameva . varNaashramaachaaravisheshhaaH pR^ithakpR^ithak 
shikhaavarNaashramiNaamekakaiva . apavargasya yateH shikhaayaj~nopaviitamuulaM
praNavamekameva vadanti . ha.nsaH shikhaa . praNava upaviitam.h . naadaH sa.ndhaanam.h .
eshha dharmo netaro dharmaH . tatkathamiti . praNavaha.nso naadastrivR^itsuutra.n
svahR^idi chaitanye tishhThati trividhaM brahma . tadviddhi praapa~nchikashikhopaviita.n tyajet.h . 
sashikha.n vapana.n kR^itvaa bahiHsuutra.n tyajedbudhaH . 
yadaksharaM paraMbrahma tatsuutramiti dhaarayet.h .. 1..  
punarjanmanivR^ityarthaM mokshasyaaharnisha.n smaret.h .
suuchanaatsuutramityukta.n suutra.n naama paraM padam.h .. 2..
tatsuutra.n vidita.n yena sa mumukshuH sa bhikshukaH . 
sa vedavitsadaachaaraH sa vipraH pa~NktipaavanaH .. 3..
yena sarvamidaM prota.n suutre maNigaNaa iva .
tatsuutra.n dhaarayedyogii yogavidbraahmaNo yatiH .. 4..
bahiHsuutra.n tyajedvipro yogavij~naanatatparaH .
brahmabhaavamida.n suutra.n dhaarayedyaH sa muktibhaak.h .. 5..
naashuchitva.n na chochchhishhTa.n tasya suutrasya dhaaraNaat.h .
suutramantargata.n yeshhaa.n j~naanayaj~nopaviitinaam.h .. 6..
ye tu suutravido loke te cha yaj~nopaviitinaH .
j~naanashikhino j~naananishhThaa j~naanayaj~nopaviitinaH .
j~naanameva para.n teshhaaM pavitra.n j~naanamiiritam.h .. 7..
agneriva shikhaa naanyaa yasya j~naanamayii shikhaa .
sa shikhiityuchyate vidvaannetare keshadhaariNaH .. 8..
karmaNyadhikR^itaH ye tu vaidike laukike.api vaa .
braahmaNaabhaasamaatreNa jiivante kukshipuurakaaH .
vrajante niraya.n te tu punarjanmani janmani .. 9..
vaamaa.nsadakshakaNThyantaM brahmasuutra.n tu savyataH .
antarbahirivaatyartha.n tattvatantusamanvitam.h .. 10..
naabhyaadibrahmarandhraantapramaaNa.n dhaarayetsudhiiH .
tebhirdhaaryamida.n suutra.n kriyaa~Nga.n tantunirmitam.h .. 11..
shikhaa j~naanamayii yasya upaviita.n cha tanmayam.h .
braahmaNya.n sakala.n tasya netareshhaa.n tu ki.nchana .. 12..
ida.n yaj~nopaviita.n tu parama.n yatparaayaNam.h .
vidvaanyaj~nopaviitii sa.ndhaarayedyaH sa muktibhaak.h .. 13..
bahirantashchopaviitii vipraH sa.nnyastumarhati .
ekayaj~nopaviitii tu naiva sa.nnyastumarhati .. 14..
tasmaatsarvaprayatnena mokshaapekshii bhavedyatiH .
bahiHsuutraM parityajya svaantaHsuutra.n tu dhaarayet.h .. 15..
bahiHprapa~nchashikhopaviititvamanaadR^itya praNavaha.nsashikhopaviititvamavalambya
mokshasaadhana.n kuryaadityaaha bhagavaa~nchhaunaka ityupanishhat.h ..
AUM bhadra.n karNebhiH shR^iNuyaama devaaH .. bhadraM pashyemaakshabhiryajatraaH ..
sthiraira~NgaistushhTuvaa{\m+}sastanuubhiH .. vyashema devahita.n yadaayuH ..
svasti na indro vR^iddhashravaaH .. svasti naH puushhaa vishvavedaaH ..
svasti nastaarkshyo arishhTanemiH .. svasti no bR^ihaspatirdadhaatu ..
AUM shaantiH shaantiH shaantiH .. hariH AUM tatsat.h ..
iti parabrahmopanishhatsamaaptaa..
##
\medskip\hrule\obeylines
Encoded by Sunder Hattangadi (sunderh@hotmail.com)
{\rm Please send corrections to sanskrit@cheerful.com}
{\rm Last updated \today}
\end{document}