%@@1 % File name : nadabindu.itx %-------------------------------------------- % Text title : Nadabindu Upanishad % Author : Vedic Tradition % Language : Sanskrit % Subject : philosophy/religion/hinduism % Description/comments : #38/108; Rig Veda, Yoga Upanishad % Transliterated by : Sunder Hattangadi (sunderh@hotmail.com) % Proofread by : Sunder Hattangadi (sunderh@hotmail.com) % Latest update : July, 3, 1999 % Send corrections to : sanskrit@cheerful.com % % Special Instructions : i1h.hdr,ijag.inc,itrans.sty,multicol.sty,iarticle.sty % Transliteration scheme: ITRANS 5.2 % Site access : http://sanskrit.gde.to % http://www.alkhemy.com/sanskrit/ % ftp://jaguar.cs.utah.edu/private/sanskrit/sanskrit.html %----------------------------------------------------- % The text is to be used for personal studies and research only. % Any use for commercial purpose is prohibited as a 'gentleman's' agreement. %@@1 % % Please ignore the following commands upto #indian and others with \ mark, % which are needed for devanaagarii output and formatting. %-------------------------------------------------------- %-------------------------------------------------------- \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=50pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\large #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document}\engtitle{.. Nadabindu Upanishad ..}## \itxtitle{.. naadabinduupanishhat.h ..}##\endtitles## .. naadabinduupanishhat.h .. (R^igvediiya yogopanishhat.h) vairaajaatmopaasanayaa saJNjaataGYaanavahninaa . dagdhvaa karmatraya.n yogii yatpada.n yaati tadbhaje .. AUM vaaN^me manasi pratishhThitaa . mano me vaachi pratishhTitam.h . aaviraaviirma edhi . vedasya maa aaNiisthaH .shrutaM me maa prahaasiiH . anenaadhiitenaahoraatraansandadhaami . R^ita.n vadishhyaami . satya.n vadishhyaami . tanmaamavatu . tadvaktaaramavatu . avatu maamavatu vaktaaram.h .. AUM shaantiH shaantiH shaantiH .. AUM akaaro dakshiNaH paksha ukaarastuuttaraH smR^itaH . makaaraM puchchhamityaahurardhamaatraa tu mastakam.h .. 1.. paadaadika.n guNaastasya shariira.n tattvamuchyate . dharmo.asya dakshiNashchakshuradharmo yo.aparaH smR^itaH .. 2.. bhuurlokaH paadayostasya bhuvarlokastu jaanuni . suvarlokaH kaTiideshe naabhideshe maharjagat.h .. 3.. janolokastu hR^iddeshe kaNThe lokastapastataH . bhruvorlalaaTamadhye tu satyaloko vyavasthitaH .. 4.. sahasraarNamatiivaatra mantra eshha pradarshitaH . evametaa.n samaaruuDho ha.nsayogavichakshaNaH .. 5.. na bhidyate karmachaaraiH paapakoTishatairapi . aagneyii prathamaa maatraa vaayavyeshhaa tathaaparaa .. 6.. bhaanumaNDalasa.nkaashaa bhavenmaatraa tathottaraa . paramaa chaardhamaatraa yaa vaaruNii.n taa.n vidurbudhaaH .. 7.. kaalatraye.api yatremaa maatraa nuunaM pratishhThitaaH . eshha oN^kaara aakhyaato dhaaraNaabhirnibodhata .. 8.. ghoshhiNii prathamaa maatraa vidyunmaatraa tathaa.aparaa . pataN^ginii tR^itiiyaa syaachchaturthii vaayuveginii .. 9.. paJNchamii naamadheyaa tu shhashhThii chaindryabhidhiiyate . saptamii vaishhNavii naama ashhTamii shaaN^kariiti cha .. 10.. navamii mahatii naama dhR^itistu dashamii mataa . ekaadashii bhavennaarii braahmii tu dvaadashii paraa .. 11.. prathamaayaa.n tu maatraayaa.n yadi praaNairviyujyate . bharate varshharaajaasau saarvabhaumaH prajaayate .. 12.. dvitiiyaayaa.n samutkraanto bhavedyaksho mahaatmavaan.h . vidyaadharastR^itiiyaayaa.n gaandharvastu chaturthikaa .. 13.. paJNchamyaamatha maatraayaa.n yadi praaNairviyujyate . ushhitaH saha devatva.n somaloke mahiiyate .. 14.. shhashhThyaamindrasya saayujya.n saptamyaa.n vaishhNavaM padam.h . ashhTamyaa.n vrajate rudraM pashuunaa.n cha pati.n tathaa .. 15.. navamyaa.n tu maharloka.n dashamyaa.n tu jana.n vrajet.h . ekaadashyaa.n tapoloka.n dvaadashyaa.n brahma shaashvatam.h .. 16.. tataH paratara.n shuddha.n vyaapaka.n nirmala.n shivam.h . sadoditaM paraM brahma jyotishhaamudayo yataH .. 17.. atiindriya.n guNaatiitaM mano liina.n yadaa bhavet.h . anuupama.n shiva.n shaanta.n yogayukta.n sadaa vishet.h .. 18.. tadyuktastanmayo jantuH shanairmuJNchetkalevaram.h . sa.nsthito yogachaareNa sarvasaN^gavivarjitaH .. 19.. tato viliinapaasho.asau vimalaH kamalaaprabhuH . tenaiva brahmabhaavena paramaanandamashnute .. 20.. aatmaana.n satata.n GYaatvaa kaala.n naya mahaamate . praarabdhamakhilaM bhuJNjannodvega.n kartumarhasi .. 21.. utpanne tattvaviGYaane praarabdha.n naiva muJNchati . tattvaGYaanodayaaduurdhvaM praarabdha.n naiva vidyate .. 22.. dehaadiinaamasattvaattu yathaa svapno vibodhataH . karma janmaantariiya.n yatpraarabdhamiti kiirtitam.h .. 23.. tattu janmaantaraabhaavaatpu.nso naivaasti karhichit.h . svapnadeho yathaadhyastastathaivaaya.n hi dehakaH .. 24.. adhyastasya kuto janma janmaabhaave kutaH sthitiH . upaadaanaM prapaJNchasya mR^idbhaaNDasyeva pashyati .. 25.. aGYaana.n cheti vedaantaistasminnashhTe kva vishvataa . yathaa rajjuaM parityajya sarpa.n gR^ihNaati vai bhramaat.h .. 26.. tadvatsatyamaviGYaaya jagatpashyati muuDhadhiiH . rajjukhaNDe pariGYaate sarparuupa.n na tishhThati .. 27.. adhishhThaane tathaa GYaate prapaJNche shuunyataa.n gate . dehasyaapi prapaJNchatvaatpraarabdhaavasthitiH kR^itaH .. 28.. aGYaanajanabodhaarthaM praarabdhamiti chochyate . tataH kaalavashaadeva praarabdhe tu kshaya.n gate .. 29.. brahmapraNavasandhaana.n naado jyotirmayaH shivaH . svayamaavirbhavedaatmaa meghaapaaye.n.ashumaaniva .. 30.. siddhaasane sthito yogii mudraa.n sandhaaya vaishhNaviim.h . shR^iNuyaaddakshiNe karNe naadamantargata.n sadaa .. 31.. abhyasyamaano naado.ayaM baahyamaavR^iNute dhvanim.h . pakshaadvipakshamakhila.n jitvaa turyapada.n vrajet.h .. 32.. shruuyate prathamaabhyaase naado naanaavidho mahaan.h . vardhamaanastathaabhyaase shruuyate suukshmasuukshmataH .. 33.. aadau jaladhimuutabheriinirjharasambhavaH . madhye mardalashabdaabho ghaNTaakaahalajastathaa .. 34.. ante tu kiN^kiNiiva.nshaviiNaabhramaraniHsvanaH . iti naanaavidhaa naadaaH shruuyante suukshmasuukshmataH .. 35.. mahati shruuyamaaNe tu mahaabheryaadikadhvanau . tatra suukshma.n suukshmatara.n naadameva paraamR^ishet.h .. 36.. ghanamutsR^ijya vaa suukshme suukshmamutsR^ijya vaa ghane . ramamaaNamapi kshiptaM mano naanyatra chaalayet.h .. 37.. yatra kutraapi vaa naade lagati prathamaM manaH . tatra tatra sthiriibhuutvaa tena saardha.n viliiyate .. 38.. vismR^itya sakalaM baahya.n naade dugdhaambuvanmanaH . ekiibhuuyaatha sahasaa chidaakaashe viliiyate .. 39.. udaasiinastato bhuutvaa sadaabhyaasena sa.nyamii . unmaniikaaraka.n sadyo naadamevaavadhaarayet.h .. 40.. sarvachintaa.n samutsR^ijya sarvacheshhTaavivarjitaH . naadamevaanusa.ndadhyaannaade chitta.n viliiyate .. 41.. makarandaM pibanbhR^iN^go gandhaannaapekshate tathaa . naadaasakta.n sadaa chitta.n vishhaya.n na hi kaaN^kshati .. 42.. baddhaH sunaadagandhena sadyaH sa.ntyaktachaapalaH . naadagrahaNatashchittamantaraN^gabhujaN^gamaH .. 43.. vismR^itya vishvamekaagraH kutrachinna hi dhaavati . manomattagajendrasya vishhayodyaanachaariNaH .. 44.. niyaamanasamartho.aya.n ninaado nishitaaN^kushaH . naado.antaraN^gasaaraN^gabandhane vaaguraayate .. 45.. antaraN^gasamudrasya rodhe velaayate.api cha . brahmapraNavasa.nlagnanaado jyotirmayaatmakaH .. 46.. manastatra laya.n yaati tadvishhNoH paramaM padam.h . taavadaakaashasaN^kalpo yaavachchhabdaH pravatate .. 47.. niHshabda.n tatparaM brahma paramaatmaa samiiryate . naado yaavanmanastaavannaadaante.api manonmanii .. 48.. sashabdashchaakshare kshiiNe niHshabdaM paramaM padam.h . sadaa naadaanusandhaanaatsa.nkshiiNaa vaasanaa bhavet.h .. 49.. niraJNjane viliiyete manovaayuu na sa.nshayaH . naadakoTisahasraaNi bindukoTishataani cha .. 50.. sarve tatra laya.n yaanti brahmapraNavanaadake . sarvaavasthaavinirmuktaH sarvachintaavivarjitaH .. 51.. mR^itavattishhThate yogii sa mukto naatra sa.nshayaH . shaN^khadundubhinaada.n cha na shruNoti kadaachana .. 52.. kaashhThavajGYaayate deha unmanyaavasthayaa dhruvam.h . na jaanaati sa shiitoshhNa.n na duHkha.n na sukha.n tathaa .. 53.. na maana.n naavamaana.n cha sa.ntyaktvaa tu samaadhinaa . avasthaatrayamanveti na chitta.n yoginaH sadaa .. 54.. jaagrannidraavinirmuktaH svaruupaavasthataamiyaat.h .. 55.. dR^ishhTiH sthiraa yasya vinaa sadR^ishyam.h vaayuH sthiro yasya vinaa prayatnam.h . chitta.n sthira.n yasya vinaavalambam.h sa brahmataaraantaranaadaruupaH .. 56.. ityupanishhat.h .. AUM vaaN^me manasiiti shaantiH .. iti naadabinduupanishhatsamaaptaa .. ## \medskip\hrule\obeylines Encoded by Sunder Hattangadi (sunderh@hotmail.com) {\rm Please send corrections to sanskrit@cheerful.com} {\rm Last updated \today} \end{document}