% Text title            : muNDakopaniShat
% File name             : mundaka.itx
% Category              : upanishhat, svara
% Location              : doc\_upanishhat
% Author                : Vedic Rishis
% Transliterated by     : Kim Paulsen
% Proofread by          : Avinash Sathaye, P.P.Narayanaswami. John Manetta, NA
% Description-comments  : 5/108; Atharva Veda, Mukhya upanishad
% Latest update         : July 20,1999, November 5, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Mundaka Upanishad ..}##
\itxtitle{.. muNDakopaniShat ..}##\endtitles ##
             || shrIH ||
          || muNDakopaniShat  ||
OM bhadraM karNebhiH shR^iNuyAma devA bhadraM pashyemAxabhiryajatrAH |
sthiraira~NgaistuShTuvA{\m+}sastanUbhirvyashema devahitaM yadAyuH ||
svasti na indro vR^iddhashravAH svasti naH pUShA vishvavedAH |
svasti nastArkShyo ariShTanemiH svasti no bR^ihaspatirdadhAtu ||
|| OM shAntiH shAntiH shAntiH ||
|| OM brahmaNe namaH ||
\section{1}
|| prathamamuNDake prathamaH khaNDaH ||
OM brahmA devAnAM prathamaH sa.nbabhUva vishvasya kartA
bhuvanasya goptA | sa brahmavidyAM sarvavidyApratiShThAmatharvAya
jyeShThaputrAya prAha || 1||
atharvaNe yAM pravadeta brahmA.atharvA taM
      purovAchA~Ngire brahmavidyAm |
sa bhAradvAjAya satyavAhAya prAha
      bhAradvAjo.a~Ngirase parAvarAm || 2||
shaunako ha vai mahAshAlo.a~NgirasaM vidhivadupasannaH paprachCha |
kasminnu bhagavo vij~nAte sarvamidaM vij~nAtaM bhavatIti || 3||
      tasmai sa hovAcha |
dve vidye veditavye iti ha sma
      yadbrahmavido vadanti parA chaivAparA cha || 4||
tatrAparA R^igvedo yajurvedaH sAmavedo.atharvavedaH
shikShA kalpo vyAkaraNaM niruktaM Chando jyotiShamiti |
atha parA yayA tadakSharamadhigamyate || 5||
yattadadreshyamagrAhyamagotramavarNa\-
      machakShuHshrotraM tadapANipAdam |
nityaM vibhuM sarvagataM susUkShmaM
      tadavyayaM yadbhUtayoniM paripashyanti dhIrAH || 6||
yathorNanAbhiH sR^ijate gR^ihNate cha
      yathA pR^ithivyAmoShadhayaH sa.nbhavanti |
yathA sataH puruShAtkeshalomAni
      tathA.akSharAtsa.nbhavatIha vishvam || 7||
tapasA chIyate brahma tato.annamabhijAyate |
annAtprANo manaH satyaM lokAH karmasu chAmR^itam || 8||
yaH sarvaj~naH sarvavidyasya j~nAnamayaM tapaH |
tasmAdetadbrahma nAma rUpamannaM ca jAyate || 9||
|| iti muNDakopaniShadi prathamamuNDake prathamaH khaNDaH ||

|| prathamamuNDake dvitIyaH khaNDaH ||
tadetatsatyaM mantreShu karmANi kavayo
      yAnyapashyaMstAni tretAyAM bahudhA sa.ntatAni |
tAnyAcharatha niyataM satyakAmA eSha vaH
      panthAH sukR^itasya loke || 1||
yadA lelAyate hyarchiH samiddhe havyavAhane |
tadA.a.ajyabhAgAvantareNA.a.ahutIH pratipAdayet || 2|| (pratipAdayechChraddhayA hutam)

yasyAgnihotramadarshamapaurNamAsa\-
      machAturmAsyamanAgrayaNamatithivarjitaM cha |
ahutamavaishvadevamavidhinA huta\-
      mAsaptamAMstasya lokAn hinasti || 3||
kAlI karAlI cha manojavA cha
      sulohitA yA cha sudhUmravarNA |
sphuli~NginI vishvaruchI cha devI
      lelAyamAnA iti sapta jihvAH || 4||
eteShu yashcharate bhrAjamAneShu yathAkAlaM
      chAhutayo hyAdadAyan |
taM nayantyetAH sUryasya rashmayo yatra (tannayantyetAH)
      devAnAM patireko.adhivAsaH || 5||
ehyehIti tamAhutayaH suvarchasaH
      sUryasya rashmibhiryajamAnaM vahanti |
priyAM vAchamabhivadantyo.archayantya
      eSha vaH puNyaH sukR^ito brahmalokaH || 6||
plavA hyete adR^iDhA yaj~narUpA
      aShTAdashoktamavaraM yeShu karma |
etachChreyo ye.abhinandanti mUDhA
      jarAmR^ityuM te punarevApi yanti || 7||
avidyAyAmantare vartamAnAH
      svayaM dhIrAH paNDitaMmanyamAnAH |
ja~NghanyamAnAH pariyanti mUDhA
      andhenaiva nIyamAnA yathAndhAH || 8||
avidyAyAM bahudhA vartamAnA vayaM
      kR^itArthA ityabhimanyanti bAlAH |
yatkarmiNo na pravedayanti rAgA\-
      ttenAturAH kShINalokAshchyavante || 9||
iShTApUrtaM manyamAnA variShThaM
      nAnyachChreyo vedayante pramUDhAH |
nAkasya pR^iShThe te sukR^ite.anubhUtvemaM
      lokaM hInataraM vA vishanti || 10||
tapaHshraddhe ye hyupavasantyaraNye
      shAntA vidvAMso bhaikShyacharyAM charantaH |
sUryadvAreNa te virajAH prayAnti
      yatrAmR^itaH sa puruSho hyavyayAtmA || 11||
parIkShya lokAn karmachitAn brAhmaNo
      nirvedamAyAnnAstyakR^itaH kR^itena |
tadvij~nAnArthaM sa gurumevAbhigachChet
      samitpANiH shrotriyaM brahmaniShTham || 12||
tasmai sa vidvAnupasannAya samyak
      prashAntachittAya shamAnvitAya |
yenAkSharaM puruShaM veda satyaM provAcha
      tAM tattvato brahmavidyAm || 13||
|| iti muNDakopaniShadi prathamamuNDake dvitIyaH khaNDaH ||

\section{2}
|| dvitIya muNDake prathamaH khaNDaH ||
tadetatsatyaM
yathA sudIptAtpAvakAdvisphuli~NgAH
      sahasrashaH prabhavante sarUpAH |
tathA.akSharAdvividhAH somya bhAvAH
      prajAyante tatra chaivApiyanti || 1||
divyo hyamUrtaH puruShaH sabAhyAbhyantaro hyajaH |
aprANo hyamanAH shubhro hyakSharAtparataH paraH || 2||
etasmAjjAyate prANo manaH sarvendriyANi cha |
khaM vAyurjyotirApaH pR^ithivI vishvasya dhAriNI || 3||
agnirmUrdhA chakShuShI chandrasUryau
      dishaH shrotre vAgvivR^itAshcha vedAH |
vAyuH prANo hR^idayaM vishvamasya padbhyAM
      pR^ithivI hyeSha sarvabhUtAntarAtmA || 4||
tasmAdagniH samidho yasya sUryaH
      somAtparjanya oShadhayaH pR^ithivyAm |
pumAn retaH si~nchati yoShitAyAM
      bahvIH prajAH puruShAtsa.nprasUtAH || 5||
tasmAdR^ichaH sAma yajU{\m+}Shi dIkShA
      yaj~nAshcha sarve kratavo dakShiNAshcha |
saMvatsarashcha yajamAnashcha lokAH
      somo yatra pavate yatra sUryaH || 6||
tasmAchcha devA bahudhA sa.nprasUtAH
      sAdhyA manuShyAH pashavo vayA{\m+}si |
prANApAnau vrIhiyavau tapashcha
      shraddhA satyaM brahmacharyaM vidhishcha || 7||
sapta prANAH prabhavanti tasmA\-
      tsaptArchiShaH samidhaH sapta homAH |
sapta ime lokA yeShu charanti prANA
      guhAshayA nihitAH sapta sapta || 8||
ataH samudrA girayashcha sarve.asmA\-
      tsyandante sindhavaH sarvarUpAH |
atashcha sarvA oShadhayo rasashcha
      yenaiSha bhUtaistiShThate hyantarAtmA || 9||
      puruSha evedaM vishvaM karma tapo brahma parAmR^itam |
etadyo veda nihitaM guhAyAM
      so.avidyAgranthiM vikiratIha somya || 10||
|| iti muNDakopaniShadi dvitIyamuNDake prathamaH khaNDaH ||

|| dvitIya muNDake dvitIyaH khaNDaH ||
AviH sa.nnihitaM guhAcharaM nAma
      mahatpadamatraitatsamarpitam |
ejatprANannimiShachcha yadetajjAnatha
      sadasadvareNyaM paraM vij~nAnAdyadvariShThaM prajAnAm || 1||
yadarchimadyadaNubhyo.aNu cha
      yasmi.NllokA nihitA lokinashcha |
tadetadakSharaM brahma sa prANastadu vA~NmanaH
      tadetatsatyaM tadamR^itaM tadveddhavyaM somya viddhi || 2||
dhanurgR^ihItvaupaniShadaM mahAstraM
      sharaM hyupAsAnishitaM sa.ndhayIta | (sa.ndadhIta)
Ayamya tadbhAvagatena chetasA
      lakShyaM tadevAkSharaM somya viddhi || 3||
praNavo dhanuH sharo hyAtmA brahma tallakShyamuchyate |
apramattena veddhavyaM sharavattanmayo bhavet || 4||
yasmin dyauH pR^ithivI chAntarikShamotaM
      manaH saha prANaishcha sarvaiH |
tamevaikaM jAnatha AtmAnamanyA vAcho
      vimu~nchathAmR^itasyaiSha setuH || 5||
arA iva rathanAbhau saMhatA yatra nADyaH  |
      sa eSho.antashcharate bahudhA jAyamAnaH |
omityevaM dhyAyatha AtmAnaM svasti vaH
      pArAya tamasaH parastAt || 6|| (parAya)

yaH sarvaj~naH sarvavidyasyaiSha mahimA bhuvi |
divye brahmapure hyeSha vyomnyAtmA pratiShThitaH || (sa.npratiShThitaH)

manomayaH prANasharIranetA
      pratiShThito.anne hR^idayaM sa.nnidhAya |
tadvij~nAnena paripashyanti dhIrA
      AnandarUpamamR^itaM yadvibhAti || 7||
bhidyate hR^idayagranthishChidyante sarvasaMshayAH |
kShIyante chAsya karmANi tasmindR^iShTe parAvare || 8||
hiraNmaye pare koshe virajaM brahma niShkalam |
tachChubhraM jyotiShAM jyotistadyadAtmavido viduH || 9||
na tatra sUryo bhAti na chandratArakaM
      nemA vidyuto bhAnti kuto.ayamagniH |
tameva bhAntamanubhAti sarvaM
      tasya bhAsA sarvamidaM vibhAti || 10||
brahmaivedamamR^itaM purastAdbrahma pashchAdbrahma dakShiNatashchottareNa |
adhashchordhvaM cha prasR^itaM brahmaivedaM vishvamidaM variShTham || 11||
|| iti muNDakopaniShadi dvitIyamuNDake dvitIyaH khaNDaH ||

\section{3}
|| tR^itIya muNDake prathamaH khaNDaH ||
dvA suparNA sayujA sakhAyA samAnaM vR^ikShaM pariShasvajAte |
tayoranyaH  pippalaM svAdvattyanashnannanyo abhichAkashIti || 1||
samAne vR^ikShe puruSho nimagno\-
      .anIshayA shochati muhyamAnaH |
juShTaM yadA pashyatyanyamIsha\-
      masya mahimAnamiti vItashokaH || 2||
yadA pashyaH pashyate rukmavarNaM
      kartAramIshaM puruShaM brahmayonim |
tadA vidvAn puNyapApe vidhUya
      nira~njanaH paramaM sAmyamupaiti || 3||
prANo hyeSha yaH sarvabhUtairvibhAti
      vijAnan vidvAn bhavate nAtivAdI |
AtmakrIDa AtmaratiH kriyAvA\-
      neSha brahmavidAM variShThaH || 4||
satyena labhyastapasA hyeSha AtmA
      samyagj~nAnena brahmacharyeNa nityam |
antaHsharIre jyotirmayo hi shubhro
      yaM pashyanti yatayaH kShINadoShAH || 5||
satyameva jayate nAnR^itaM (jayati)
      satyena panthA vitato devayAnaH |
yenAkramantyR^iShayo hyAptakAmA
      yatra tatsatyasya paramaM nidhAnam || 6||
bR^ihachcha taddivyamachintyarUpaM
      sUkShmAchcha tatsUkShmataraM vibhAti |
dUrAtsudUre tadihAntike cha
      pashyatsvihaiva nihitaM guhAyAm || 7||
na chakShuShA gR^ihyate nApi vAchA
      nAnyairdevaistapasA karmaNA vA |
j~nAnaprasAdena vishuddhasattva-
      statastu taM pashyate niShkalaM dhyAyamAnaH || 8||
eSho.aNurAtmA chetasA veditavyo
      yasminprANaH pa~nchadhA saMvivesha |
prANaishchittaM sarvamotaM prajAnAM
      yasminvishuddhe vibhavatyeSha AtmA || 9||
yaM yaM lokaM manasA saMvibhAti
      vishuddhasattvaH kAmayate yAMshcha kAmAn |
taM taM lokaM jayate tAMshcha kAmAM\-
      stasmAdAtmaj~naM hyarchayedbhUtikAmaH || 10||
|| iti muNDakopaniShadi tR^itIyamuNDake prathamaH khaNDaH ||

||  tR^itIyamuNDake dvitIyaH khaNDaH ||
sa vedaitatparamaM brahma dhAma
      yatra vishvaM nihitaM bhAti shubhram |
upAsate puruShaM ye hyakAmAste
      shukrametadativartanti dhIrAH ||  1||
kAmAn yaH kAmayate manyamAnaH
      sa kAmabhirjAyate tatra tatra |
paryAptakAmasya kR^itAtmanastu
      ihaiva sarve pravilIyanti kAmAH || 2||
nAyamAtmA pravachanena labhyo
      na medhayA na bahunA shrutena |
yamevaiSha vR^iNute tena labhya\-
      stasyaiSha AtmA vivR^iNute tanUM svAm || 3|| (AtmA vR^iNute)

nAyamAtmA balahInena labhyo
      na cha pramAdAttapaso vApyali~NgAt |
etairupAyairyatate yastu vidvAM-
      stasyaiSha AtmA vishate brahmadhAma || 4||
sa.nprApyainamR^iShayo j~nAnatR^iptAH
      kR^itAtmAno vItarAgAH prashAntAH |
te sarvagaM sarvataH prApya dhIrA
      yuktAtmAnaH sarvamevAvishanti || 5||
vedAntavij~nAnasunishchitArthAH
      sa.nnyAsayogAdyatayaH shuddhasattvAH |
te brahmalokeShu parAntakAle
      parAmR^itAH parimuchyanti sarve || 6||
gatAH kalAH pa~nchadasha pratiShThA
      devAshcha sarve pratidevatAsu |
karmANi vij~nAnamayashcha AtmA
      pare.avyaye sarve ekIbhavanti || 7||
yathA nadyaH syandamAnAH samudre\-
      .astaM gachChanti nAmarUpe vihAya |
tathA vidvAn nAmarUpAdvimuktaH
      parAtparaM puruShamupaiti divyam || 8||
sa yo ha vai tatparamaM brahma veda
      brahmaiva bhavati nAsyAbrahmavitkule bhavati |
tarati shokaM tarati pApmAnaM guhAgranthibhyo
      vimukto.amR^ito bhavati || 9||
tadetadR^ichA.abhyuktam |
kriyAvantaH shrotriyA brahmaniShThAH
      svayaM juhvata ekarShiM shraddhayantaH |
teShAmevaitAM brahmavidyAM vadeta
      shirovrataM vidhivadyaistu chIrNam || 10||
tadetatsatyamR^iShira~NgirAH
purovAcha naitadachIrNavrato.adhIte |
namaH paramaR^iShibhyo namaH paramaR^iShibhyaH || 11||
|| iti muNDakopaniShadi tR^itIyamuNDake dvitIyaH khaNDaH ||

OM bhadraM karNebhiH shR^iNuyAma devA bhadraM pashyemAxabhiryajatrAH |
sthiraira~NgaistuShTuvA{\m+}sastanUbhirvyashema devahitaM yadAyuH ||
svasti na indro vR^iddhashravAH svasti naH pUShA vishvavedAH |
svasti nastArkShyo ariShTanemiH svasti no bR^ihaspatirdadhAtu ||
|| OM shAntiH shAntiH shAntiH ||

|| ityatharvavedIya muNDakopaniShatsamAptA ||
##

Encoded by Kim Paulsen
Proofread by Avinash Sathaye, P.P.Narayanaswami. John Manetta, NA

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}