%@@1
% File name             : mudgala.itx
%--------------------------------------------
% Text title            : Mudgala Upanishad
% Author                : Vedic tradition
% Language              : Sanskrit
% Subject               : philosophy/hinduism
% Description/comments  : # 57 / 108; Rig Veda - Samanya upanishad
% Transliterated by     : Sunder Hattangadi (sunderh@hotmail.com)
% Proofread by          : Sunder Hattangadi (sunderh@hotmail.com)
% Latest update         : Mar. 21, 2000
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskrit.gde.to
% http://www.alkhemy.com/sanskrit/
% ftp://jaguar.cs.utah.edu/sanskrit/sanskrit.html
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
% Please ignore the following commands upto #indian and others with
% \ mark,
% which are needed for devanaagarii output and formatting.
%--------------------------------------------------------
%--------------------------------------------------------
%--------------------------------------------------------




\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=50pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\large #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{.. MudgalaUpanishad ..}##
\itxtitle{.. mudgalopanishhat.h ..}##\endtitles##
shriimatpurushhasuuktaarthaM puurNaanandakalevaram.h .
purushhottamavikhyaataM puurNaM brahma bhavaamyaham.h .. 
AUM vaa~N me manasi pratishhThitaa 
mano me vaachi pratishhThitamaaviraaviirma edhi ..
vedasya ma aaNiisthaH . shrutaM me maa prahaasiiranenaadhiite\-
naahoraatraansandadhaamyR^ita.n vadishhyaami satya.n vadishhyaami ..
tanmaamavatu tadvaktaaramavatu avatu maamavatu vaktaaramavatu vaktaaram.h ..
AUM purushhasuuktaarthanirNaya.n vyaakhyaasyaamaH 
purushhasa.nhitaayaaM purushhasuuktaarthaH sa.ngraheNa prochyate .
sahasrashiirshhetyatra sashabdo.anantavaachakaH .
anantayojanaM praaha dashaa~Ngulavachastathaa .. 1..
tasya prathamayaa vishhNordeshato vyaaptiriiritaa .
dvitiiyayaa chaasya vishhNoH kaalato vyaaptirucyate .. 2..
vishhNormokshapradatva.n cha kathita.n tu tR^itiiyayaa .
etaavaaniti mantreNa vaibhava.n kathita.n hareH .. 3..
etenaiva cha mantreNa chaturvyuuho vibhaashhitaH .
tripaadityanayaa proktamaniruddhasya vaibhavam.h .. 4..
tasmaadviraaDityanayaa paadanaaraayaNaaddhareH .
prakR^iteH purushhasyaapi samutpattiH pradarshitaa .. 5..
yatpurushheNetyanayaa sR^ishhTiyaj~naH samiiritaH .
saptaasyaasanparidhayaH samidhashcha samiiritaaH .. 6..
ta.n yaj~namiti mantreNa sR^ishhTiyaj~naH samiiritaH .
anenaiva cha mantreNa mokshashcha samudiiritaH .. 7..
tasmaaditi cha mantreNa jagatsR^ishhTiH samiiritaa .
vedaahamiti mantraabhyaa.n vaibhava.n kathita.n hareH .. 8..
yaj~nenetyupasa.nhaaraH sR^ishhTermokshasya cheritaH .
ya evametajjaanaati sa hi mukto bhavediti .. 9.. 1..
atha tathaa mudgalopanishhadi purushhasuuktasya vaibhava.n
vistareNa pratipaaditam.h . vaasudeva indraaya bhagavajj~naanamupadishya
punarapi suukshmashravaNaaya praNataayendraaya paramarahasyabhuutaM
purushhasuuktaabhyaa.n khaNDadvayaabhyaamupaadishat.h .
dvau khaNDaavuchyete . yo.aya muktaH sa purushho 
naamaruupaj~naanaagochara.n sa.nsaariNaamatidurj~neya.n
vishhaya.n vihaaya kleshaadibhiH sa.nklishhTadevaadijihiirshhayaa 
sahasrakalaavayavakalyaaNa.n dR^ishhTamaatreNa mokshada.n 
veshhamaadade . tena veshheNa bhuumyaadiloka.n vyaapyaananta\-
yojanamatyatishhThat.h . purushho naaraayaNo bhuutaM bhavyaM 
bhavishhyachchaasiit.h . sa cha sarvasmaanmahimno jyaayaan.h .
tasmaanna ko.api jyaayaan.h . mahaapurushha aatmaana.n 
chaturdhaa kR^itvaa tripaadena parame vyomni chaasiit.h . itareNa 
chaturthenaaniruddhanaaraayaNena vishvaanyaasan.h . sa cha
paadanaaraayaNo jagatsrashhTuM prakR^itimajanayat.h . sa
samR^iddhakaayaH sansR^ishhTikarma na jaj~nivaan.h . 
so.aniruddhanaaraayaNastasmai sR^ishhTimupaadishat.h .
brahma.nstavendriyaaNi yaajakaani dhyaatvaa koshabhuuta.n 
dR^iDha.n granthikalevara.n havirdhyaatvaa maa.n havirbhuja.n 
dhyaatvaa vasantakaalamaajya.n dhyaatvaa griishhmamidhma.n 
dhyaatvaa sharadR^itu.n rasa.n dhyaatvaivamagnau hutvaa~Nga\-
sparshaatkalevaro vajra.n hiishhyate . tataH svakaaryaansarva\-
praaNijiivaansR^ishhTvaa pashvaadyaaH praadurbhavishhyanti .
tataH sthaavaraja~Ngamaatmaka.n jagadbhavishhyati . etena
jiivaatmanoryogena mokshaprakaarashcha kathita ityanusandheyam.h .
ya ima.n sR^ishhTiyaj~na.n jaanaati mokshaprakaara.n cha 
sarvamaayureti .. 2..
eko devo bahudhaa nivishhTa ajaayamaano bahudhaa vijaayate .
tametamagnirityadhvaryava upaasate . yajurityeshha hiida.n 
sarva.n yunakti . saameti chhandogaaH . etasminhiida.n sarvaM
pratishhThitam.h . vishhamiti sarpaaH . sarpa iti sarpavidaH . 
uurgiti devaaH . rayiriti manushhyaaH . maayetyasuraaH .
svadheti pitaraH . devajana iti devajanavidaH . ruupamiti gandharvaaH .
gandharva iti apsarasaH . ta.n yathaayathopaasate tathaiva bhavati .
tasmaadbraahmaNaH purushharuupaM paraMbrahmaivaahamiti 
bhaavayet.h . tadruupo bhavati . ya eva.n veda .. 3..
tadbrahma taapatrayaatiita.n shhaTkoshavinirmukta.n shhaDuurmivarjitaM
pa~nchakoshaatiita.n shhaDbhaavavikaarashuunyamevamaadi\-
sarvavilakshaNaM bhavati . taapatraya.n tvaadhyaatmikaadhibhauti\-
kaadhidaivika.n kartR^ikarmakaaryaj~naatR^ij~naanaj~neya\-
bhoktR^ibhogabhogyamiti trividham.h . tva~Nmaa.nsashoNitaasthi\-
snaayumajjaaH shhaTkoshaaH . kaamakrodhalobhamohamada\-
maatsaryamityarishhaDvargaH . annamayapraaNamayamanomaya\-
vij~naanamayaanandamayaa iti pa~nchakoshaaH .
priyaatmajananavardhanapariNaamakshayanaashaaH shhaDbhaavaaH .
ashanaayaapipaasaashokamohajaraamaraNaaniiti shhaDuurmayaH .
kulagotrajaativarNaashramaruupaaNi shhaD bhramaaH .
etadyogena paramapurushho jiivo bhavati naanyaH .
ya etadupanishhada.n nityamadhiite so.agnipuuto bhavati . sa vaayupuuto
bhavati . sa aadityapuuto bhavati . arogii bhavati . shriimaa.nshcha bhavati .
putrapautraadibhiH samR^iddho bhavati . vidvaa.nshcha bhavati .
mahaapaatakaatpuuto bhavati . suraapaanaatpuuto bhavati .
agamyaagamanaatpuuto bhavati . maatR^igamanaatpuuto bhavati .
duhitR^isnushhaabhigamanaatpuuto bhavati . svarNasteyaatpuuto bhavati . 
vedijanmahaanaatpuuto bhavati . gurorashushruushhaNaatpuuto bhavati .
ayaajyayaajanaatpuuto bhavati . abhakshyabhakshaNaatpuuto bhavati . 
ugrapratigrahaatpuuto bhavati . paradaaragamanaatpuuto bhavati .
kaamakrodhalobhamohershhyaadibhirabaadhito bhavati . sarvebhyaH 
paapebhyo mukto bhavati . iha janmani purushho bhavati tasmaadeta\-
tpurushhasuuktaarthamatirahasya.n raajaguhya.n devaguhya.n guhyaadapi
guhyatara.n naadiikshitaayopadishet.h .
naanuuchaanaaya . naayaj~nashiilaaya . naavaishhNavaaya .
naayogine . na bahubhaashhiNe . naapriyavaadine . 
naasa.nvatsaravedine . naatushhTaaya . naanadhiitavedaayopadishet.h .
gururapyeva.nvichchhuchau deshe puNyanakshatre 
praaNaanaayamya purushha.n dhyaayannupasannaaya 
shishhyaaya dakshiNakarNe purushhasuuktaarthamupadishedvidvaan.h .
na bahusho vadet.h . yaatayaamo bhavati . asakR^itkarNamupadishet.h .
etatkurvaaNo.adhyetaadhyaapakashcha iha janmani purushho
bhavatiityupanishhat.h ..
AUM vaa~Nme manasi pratishhThitaa mano me vaachi pratishhThita\-
maaviraaviirma edhi .. vedasya ma aaNiisthaH shrutaM me maa 
prahaasiiranenaadhiitenaahoraatraansandadhaamyR^ita.n vadishhyaami
satya.n vadishhyaami .. tanmaamavatu tadvaktaaramavatu avatu
maamavatu vaktaaramavatu vaktaaram.h ..
AUM shaantiH shaantiH shaantiH ..
iti mudgalopanishhatsamaaptaa ..
##






  
\medskip\hrule\obeylines
Encoded by Sunder Hattangadi (sunderh@hotmail.com)
{\rm Please send corrections to sanskrit@cheerful.com}
{\rm Last updated \today}
\end{document}