% Text title            : Mantrika Upanishad
% File name             : mantrika.itx
% Category              : upanishhat
% Location              : doc\_upanishhat
% Author                : Vedic tradition
% Transliterated by     : Sunder Hattangadi
% Proofread by          : Sunder Hattangadi
% Description-comments  : 32/108; Shuklayajurveda Samanya upanishad
% Latest update         : Jan. 11, 2000
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Mantrika Upanishad ..}##
\itxtitle{.. mantrikopaniShat athavA chUlikopaniShat ..}##\endtitles ##
svAvidyAdvayatatkAryApahnavaj~nAnabhAsuram |
mantrikopaniShadvedyaM rAmachandramahaM bhaje ||
OM pUrNamadaH pUrNamidaM pUrNAtpUrNamudachyate |
pUrNasya pUrNamAdAya pUrNamevAvashiShyate ||
OM shAntiH shAntiH shAntiH ||
OM aShTapAdaM shuchiM ha.nsaM trisUtramaNumavyayam |
trivartmAnaM tejasohaM sarvataHpashyanna pashyati || 1||
bhUtasaMmohane kAle bhinne tamasi vaikhare |
antaH pashyanti sattvasthA nirguNaM guNagahvare || 2||
ashakyaH so.anyathA draShTuM dhyAyamAnaH kumArakaiH |
vikArajananImaj~nAmaShTarUpAmajAM dhruvAm || 3||
dhyAyate.adhyAsitA tena tanyate preryate punaH |
sUyate puruShArthaM cha tenaivAdhiShThitaM jagat || 4||
gauranAdyantavatI sA janitrI bhUtabhAvinI |
sitAsitA cha raktA cha sarvakAmadudhA vibhoH || 5||
pibantyenAmaviShayAmavij~nAtAM kumArakAH |
ekastu pibate devaH svachChando.atra vashAnugaH || 6||
dhyAnakriyAbhyAM bhagavAnbhu~Nkte.asau prasahadvibhuH |
sarvasAdhAraNIM dogdhrIM pIyamAnAM tu yajvamiH || 7||
pashyantyasyAM mahAtmAnaH suvarNaM pippalAshanam |
udAsInaM dhruvaM ha.nsaM snAtakAdhvaryavo jaguH || 8||
sha.nsantamanusha.nsanti bahvR^ichAH shAstrakovidAH |
rathantaraM bR^ihatsAma saptavaidhaistu gIyate || 9||
mantropaniShadaM brahma padakramasamanvitam |
paThanti bhArgavA hyete hyatharvANo bhR^igUttamAH || 10||
sabrahmachArivR^ittishcha stambho.atha phalitastathA |
anaDvAnrohitochChiShTaH pashyanto bahuvistaram || 11||
kAlaH prANashcha bhagavAnmR^ityuH sharvo maheshvaraH |
ugro bhavashcha rudrashcha sasuraH sAsurastathA || 12||
prajApatirvirAT chaiva puruShaH salilameva cha |
stUyate mantrasa.nstutyairatharvaviditairvibhuH || 13||
taM ShaDvi.nshaka ityete saptavi.nshaM tathApare |
puruShaM nirguNaM sA~Nkhyamatharvashiraso viduH || 14||
chaturvi.nshatisa.nkhyAtaM vyaktamavyaktameva cha |
advaitaM dvaitamityAhustridhA taM pa~nchadhA tathA || 15||
brahmAdyaM sthAvarAntaM cha pashyanti j~nAnachakShuShaH |
tamekameva pashyanti parishubhraM vibhuM dvijAH || 16||
yasminsarvamidaM protaM brahma sthAvaraja~Ngamam |
tasminneva layaM yAnti sravantyaH sAgare yathA || 17||
yasminbhAvAH pralIyante lInAshchAvyaktatAM yayuH |
pashyanti vyaktatAM bhUyo jAyante budbudA iva || 18||
kShetraj~nAdhiShThitaM chaiva kAraNairvidyate punaH |
evaM sa bhagavAndevaM pashyantyanye punaH punaH || 19||
brahma brahmetyathAyAnti ye vidurbrAhmaNAstathA |
atraiva te layaM yAnti lInAshchAvyaktashAlinaH ||
lInAshchAvyaktashAlina ityupaniShat ||

OM pUrNamadaH pUrNamidaM pUrNAtpUrNamudachyate |
pUrNasya pUrNamAdAya pUrNamevAvashiShyate ||
OM shAntiH shAntiH shAntiH  ||

iti mantrikopaniShatsamAptA ||
chUlikopaniShad
##
Encoded and proofread by Sunder Hattangadi

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}