\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=50pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\large #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}\engtitle{.. Maitreyi Upanishad..}##
\itxtitle{.. maitreyyupanishhat.h ..}##\endtitles##
shrutyaachaaryopadeshena munayo yatpada.n yayuH .
tatsvaanubhuutisa.nsiddha.n svamaatraM brahma bhaavaye ..
AUM aapyaayantu mamaa~Ngaani vaakpraaNashchakshuH shrotram.h .
atho balamindriyaaNi cha sarvaaNi sarvaM brahmopanishhadaM
maahaM brahma niraakuryaam.h . maa maa brahma niraakaro\-
daniraakaraNamastu . aniraakaraNaM me.astu . tadaatmani nirate
ya upanishhatsu dharmaaste mayi santu  te mayi santu ..
AUM shaantiH shaantiH shaantiH ..
AUM bR^ihadratho vai naama raajaa raajye jyeshhThaM
putra.n nidhaapayitvedamashaashvataM manyamaanaH
shariira.n vairaagyamupeto.araNya.n nirjagaama . sa tatra
parama.n tapa aasthaayaadityamiikshamaaNa uurdhvabaahu\-
stishhThatyante sahasrasya munirantikamaajagaamaagni
rivaadhuumakastejasaa nirdahannivaatmavidbhagavaa~nchhaa\-
kaayanya uttishhThottishhTha vara.n vR^iNiishveti
raajaanamabraviitsa tasmai namaskR^ityovaacha
bhagavannaahamaatmavittva.n tattvavichchhR^iNumo vaya.n
sa tva.n no bruuhiityetadvR^ittaM purastaadashakyaM maa
pR^ichchha prashnamaikshvaakaanyaankaamaanvR^iNiishveti
shaakaayanyasya charaNaavabhimR^ishyamaano
raajemaa.n gaathaa.n jagaada .. 1..
atha kimaetairmaanyanaa.n shoshhaNaM mahaarNavaanaa.n
shikhariNaaM prapatana.n dhruvasya prachalana.n sthaana.n
vaa taruuNaa.n nimajjanaM pR^ithivyaaH sthaanaadapasaraNa.n
suraaNaa.n so.ahamityetadvidhe.asminsa.nsaare ki.n
kaamopabhogairyairevaashritasyaasakR^idupaavartana.n
dR^ishyata ityuddhartumarhasiityandhodapaanastho bheka
ivaahamasminsa.nsaare bhagava.nstva.n no gatiriti .. 2..
bhagava~nshariiramida.n maithunaadevodbhuuta.n sa.nvidapeta.n
niraya eva muutradvaareNa nishhkraantamasthibhishchitaM
maa.nsenaanulipta.n charmaNaavabaddha.n viNmuutravaatapitta\-
kaphamajjaamedovasaabhiranyaishcha malairbahubhiH
paripuurNametaadR^ishe shariire vartamaanasya bhagava.nstva.n
no gatiriti .. 3..
atha bhagavaa~nchhakaayanyaH supriito.abraviidraajaanaM
mahaaraaja bR^ihadrathekshvaakurva.nshadhvajashiirshhaatmaj~naH
kR^itakR^ityastvaM marunnaamno vishruto.asiityaya.n
khalvaatmaa te katamo bhagavaanvarNya iti ta.n hovaacha ..
shabdasparshamayaa ye.arthaa anarthaa iva te sthitaaH .
yeshhaa.n saktastu bhuutaatmaa na smarechcha paraM padam.h .. 1..
tapasaa praapyate sattva.n sattvaatsaMpraapyate manaH .
manasaa praapyate hyaatmaa hyaatmaapattyaa nivartate .. 2..
yathaa nirindhano vahniH svayonaavupashaamyati .
tathaa vR^ittikshayachchitta.n svayonaavupashaamyati .. 3..
svayonaavupashaantasya manasaH satyagaaminaH .
indriyaarthavimuuDhasyaanR^itaaH karmavashaanugaaH .. 4..
chittameva hi sa.nsaarastatprayatnena shodhayet.h .
yachchittastanmayo bhavati guhyametatsanaatanam.h .. 5..
chittasya hi prasaadena hanti karma shubhaashubham.h .
prasannaatmaatmani sthitvaa sukhamakshayamashnute .. 6..
samaasakta.n yadaa chitta.n jantorvishhayagocharam.h .
yadyevaM brahmaNi syaattatko na muchyeta bandhanaat.h .. 7..
hR^itpuNDariikamadhye tu bhaavayetparameshvaram.h .
saakshiNaM buddhivR^ittasya paramapremagocharam.h .. 8..
agocharaM manovaachaamavadhuutaadisaMplavam.h .
sattaamaatraprakaashaikaprakaashaM bhaavanaatigam.h .. 9..
aheyamanupaadeyamasaamaanyavisheshhaNam.h .
dhruva.n stimitagaMbhiira.n na tejo na tamastatam.h .
nirvikalpa.n niraabhaasa.n nirvaaNamayasa.nvidam.h .. 10..
nityaH shuddho buddhamuktasvabhaavaH
       satyaH suukshmaH sa.nvibhushchaadvitiiyaH .
aanandaabdhiryaH paraH so.aha\-
       masmi pratyagdhaaturnaatra sa.nshiitirasti .. 11..
aanandamantarnijamaashraya.n ta\-
       maashaapishaachiimavamanayantam.h .
aalokayanta.n jagadindrajaala\-
       maapatkathaM maaM pravishedasa~Ngam.h .. 12..
varNaashramaachaarayutaa vimuuDhaaH
       karmaanusaareNa phala.n labhante .
varNaadidharma.n hi parityajantaH
       svaanandatR^iptaaH purushhaa bhavanti .. 13..
varNaashrama.n saavayava.n svaruupa\-
       maadyantayukta.n hyatikR^ichchhramaatram.h .
putraadideheshhvabhimaanashuunyaM
       bhuutvaa vasetsaukhyatame hyananta iti .. 14..  4..
iti prathamo.adhyaayaH .. 1..
atha bhagavaanmaitreyaH kailaasa.n jagaama ta.n gatvovaacha
bho bhagavanparamatattvarahasyamanubruuhiiti ..
sa hovaacha mahaadevaH ..
deho devaalayaH proktaH sa jiivaH kevalaH shivaH .
tyajedaj~naananirmaalya.n so.ahaMbhaavena puujayet.h .. 1..
abhedadarshana.n j~naana.n dhyaana.n nirvishhayaM manaH.
snaanaM manomalatyaagaH shauchamindriyanigrahaH .. 2..
brahmaamR^itaM pibedbhaikshamaachareddeharakshaNe .
vasedekaantiko bhuutvaa chaikaante dvaitavarjite .
ityevamaachareddhiimaansa evaM muktimaapnuyaat.h .. 3..
jaataM mR^itamida.n dehaM maataapitR^imalaatmakam.h .
sukhaduHkhaalayaamedhya.n spR^ishhTvaa snaana.n vidhiiyate .. 4..
dhaatubaddhaM mahaarogaM paapamandiramadhruvam.h .
vikaaraakaaravistiirNa.n spR^ishhTvaa snaana.n vidhiiyate .. 5..
navadvaaramalasraava.n sadaa kaale svabhaavajam.h .
durgandha.n durmalopeta.n spR^ishhTvaa snaana.n vidhiiyate .. 6..
maatR^isuutakasambandha.n suutake saha jaayate .
mR^itasuutakaja.n deha.n spR^ishhTvaa snaana.n vidhiiyate .. 7..
ahaMmameti viNmuutralepagandhaadimochanam.h .
shuddhashauchamiti proktaM mR^ijjalaabhyaa.n tu laukikam.h .. 8..
chittashuddhikara.n shaucha.n vaasanaatrayanaashanam.h .
j~naanavairaagyamR^ittoyaiH kshaalanaachchhauchamuchyate .. 9..
advaitabhaavanaabhaikshamabhakshya.n dvaitabhaavanam.h .
gurushaastroktabhaavena bhikshorbhaiksha.n vidhiiyate .. 10..
vidvaansvadeshamutsR^ijya sa.nnyaasaanantara.n svataH .
kaaraagaaravinirmuktachoravadduurato vaset.h .. 11..
aha~Nkaarasuta.n vittabhraataraM mohamandiram.h .
aashaapatnii tyajedyaavattaavanmukto na sa.nshayaH .. 12..
mR^itaa mohamayii maataa jaato bodhamayaH sutaH .
suutakadvayasaMpraaptau katha.n sandhyaamupaasmahe .. 13..
hR^idaakaashe chidaadityaH sadaa bhaasati bhaasati .
naastameti na chodeti katha.n sandhyaamupaasmahe .. 14..
ekamevaadvitiiya.n yadgurorvaakyena nishchitam.h .
etadekaantamityukta.n na maTho na vanaantaram.h .. 15..
asa.nshayavataaM muktiH sa.nshayaavishhTachetasaam.h .
na muktirjanmajanmaante tasmaadvishvaasamaapnuyaat.h .. 16..
karmatyaagaanna sa.nnyaaso na preshhochchaaraNena tu .
sandhau jiivaatmanoraikya.n sa.nnyaasaH parikiirtitaH .. 17..
vamanaahaaravadyasya bhaati sarveshhaNaadishhu .
tasyaadhikaaraH sa.nnyaase tyaktadehaabhimaaninaH .. 18..
yadaa manasi vairaagya.n jaata.n sarveshhu vastushhu .
tadaiva sa.nnyasedvidvaananyathaa patito bhavet.h .. 19..
dravyaarthamannavastraartha.n yaH pratishhThaarthameva vaa .
sa.nnyaseddubhayabhrashhTaH sa mukti.n naaptumarhati .. 20..
uttamaa tattvachintaiva madhyama.n shaastrachintanam.h .
adhamaa mantrachintaa cha tiirthabhraantyadhamaadhamaa .. 21..
anubhuti.n vinaa muuDho vR^ithaa brahmaNi modate .
pratibimbitashaakhaagraphalaasvaadanamodavat.h .. 22..
na tyajechchedyatirmukto yo maadhukaramaataram.h .
vairaagyajanaka.n shraddhaakalatra.n j~naananandanam.h .. 23..
dhanavR^iddhaa vayovR^iddhaa vidyaavR^iddhaastathaiva cha .
te sarve j~naanavR^iddhasya ki.nkaraaH shishhyaki.nkaraaH .. 24..
yanmaayayaa mohitachetaso maa\-
        maatmaanamaapuurNamalabdhavantaH .
para.n vidagdodharapuuraNaaya
        bhramanti kaakaa iva suurayo.api .. 25..
paashhaaNalohamaNimR^iNmayavigraheshhu
         puujaa punarjananabhogakarii mumukshoH .
tasmaadyatiH svahR^idayaarchanameva kuryaa\-
         dbaahyaarchanaM pariharedapunarbhavaaya .. 26..
antaHpuurNo bahiHpuurNaH puurNakumbha ivaarNave .
antaHshuunyo bahiHshuunyaH shuunyakumbha ivaambare ..27..
maa bhava graahyabhaavaatmaa graahakaatmaa cha maa bhava .
bhaavanaamakhila.n tyaktvaa yachchhishhTa.n tanmayo bhava .. 28..
drashhTR^idarshanadR^ishyaani tyaktvaa vaasanayaa saha .
darshanaprathamaabhaasamaatmaana.n kevalaM bhaja .. 29..
sa.nshaantasarvasa.nkalpaa yaa shilaavadavasthitiH .
jaagrannidraavinirmuktaa saa svaruupasthitiH paraa .. 30..
iti dvitiiyo.adhyaayaH .. 2..
ahamasmi parashchaasmi brahmaasmi prabhavo.asmyaham.h .
sarvalokagurushchaami sarvaloke.asmi so.asmyaham.h .. 1..
ahamevaasmi siddho.asmi shuddho.asmi paramo.asmyaham.h .
ahamasmi somo.asmi nityo.asmi vimalo.asmyaham.h .. 2..
vij~naano.asmi visheshho.asmi somo.asmi sakalo.asmyaham.h .
shubho.asmi shokahiino.asmi chaitanyo.asmi samo.asmyaham.h .. 3..
maanaavamaanahiino.asmi nirguNo.asmi shivo.asmyaham.h .
dvaitaadvaitavihiino.asmi dvandvahiino.asmi so.asmyaham.h .. 4..
bhaavaabhaavavihiino.asmi bhaasaahiino.asmi bhaasmyaham.h .
shuunyaashuunyaprabhaavo.asmi shobhanaashobhano.asmyaham.h .. 5..
tulyaatulyavihiino.asmi nityaH shuddhaH sadaashivaH .
sarvaasarvavihiino.asmi saattviko.asmi sadaasmyaham.h .. 6..
ekasa~Nkhyaavihiino.asmi dvisa~Nkhyaavaahana.n na cha .
sadasadbhedahiino.asmi sa~Nkalpsrahitosmyaham.h .. 7..
naanaatmabhedahiino.asmi hyakhaNDaanandavigrahaH .
naahamasmi na chaanyo.asmi dehaadirahito.asmyaham.h .. 8..
aashrayaashrayahiino.asmi aadhaararahito.asmyaham.h .
bandhamokshaadihiino.asmi shuddhabrahmaasmi so.asmyaham.h .. 9..
chittaadisarvahiino.asmi paramo.asmi paraatparaH .
sadaa vichaararuupo.asmi nirvichaaro.asmi so.asmyaham.h .. 10..
akaarokaararuupo.asmi makaro.asmi sanaatanaH .
dhaatR^idhyaanavihiino.asmi dhyeyahiino.asmi so.asmyaham.h .. 11..
sarvapuurNasvaruupo.asmi sachchidaanandalakshaNaH .
sarvatiirthasvaruupo.asmi paramaatmaasmyaha.n shivaH .. 12..
lakshyaalakshyavihiino.asmi layahiinaraso.asmyaham.h .
maatR^imaanavihiino.asmi meyahiinaH shivo.asmyaham.h .. 13..
na jagatsarvadrashhTaasmi netraadirahitosmyaham.h .
pravR^iddho.asmi prabuddho.asmi prasanno.asmi paro.asmyaham.h .. 14..
sarvendriyavihiino.asmi sarvakarmakR^idapyaham.h .
sarvavedaantatR^ipto.asmi sarvadaa sulabho.asmyaham.h .. 15..
muditaamuditaakhyo.asmi sarvamaunaphalo.asmyaham.h .
nityachinmaatraruupo.asmi sadaa sachchinmayo.asmyaham.h .. 16..
yatki~nchidapi hiino.asmi svalpamapyati naasmyaham.h .
hR^idayagranthihiino.asmi hR^idayaambhojamadhyagaH .. 17..
shhaDvikaaravihiino.asmi shhaTkoshharahito.asmyaham.h .
arishhaDvargamukto.asmi antaraadantaro.asmyaham.h .. 18..
deshakaalavimukto.asmi digambarasukho.asmyaham.h .
naasti naasti vimukto.asmi nakaarahito.asmyaham.h .. 19..
akhaNDaakaasharuupo.asmi hyakhaNDaakaaramasmyaham.h .
prapa~nchamuktachitto.asmi prapa~ncharahito.asmyaham.h .. 20..
sarvaprakaasharuupo.asmi chinmaatrajyotirasmyaham.h .
kaalatrayavimukto.asmi kaamaadirahito.asmyaham.h .. 21..
kaayikaadivimukto.asmi nirguNaH kevalo.asmyaham.h .
muktihiino.asmi mukto.asmi mokshahiino.asmyaham.h sadaa .. 22..
satyaasatyaadihiino.asmi sanmaatraannaasmyaha.n sadaa .
gantavyadeshahiino.asmi gamanaadivivarjitaH .. 23..
sarvadaa samaruupo.asmi shaanto.asmi purushhottamaH .
eva.n svaanubhavo yasya so.ahamasmi na sa.nshayaH .. 24..
yaH shR^iNoti sakR^idvaapi brahmaiva bhavati svayamityupanishhat.h ..
iti tR^itiiyo.adhyaayaH .. 3..
AUM aapyaantu maamaa~Ngaani vaakpraaNashchakshuH shrotra\-
matho balamindriyaaNi cha . sarvaaNi sarvaM brahmopanishhadaM
maahaM brahma niraakuryaaM maa maa brahma niraakaro\-
daniraakaraNamastvaniraakaraNaM mestu tadaatmani nirate ya
upanishhatsu dharmaaste mayi santu te mayi santu ..
AUM shaantiH shaantiH shaantiH ..
iti maitreyyupanishhatsamaaptaa ..
##\medskip\hrule\obeylines
{\rm Please send corrections to sanskrit@cheerful.com}
{\rm Last updated \today}
\end{document}