%@@1
% File name             : maha.itx
%--------------------------------------------
% Text title            : Maha Upanishad
% Author                : Vedic Tradition
% Language              : Sanskrit
% Subject               : philosophy/religion
% Description/comments  : # 61 / 108; Sama Veda Samanya upanishad
% Transliterated by     : Sunder Hattangadi (sunderh@hotmail.com)
% Proofread by          : Sunder Hattangadi (sunderh@hotmail.com)
% Latest update         : June  24, 2000
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskrit.gde.to
% http://www.alkhemy.com/sanskrit/
% ftp://jaguar.cs.utah.edu/sanskrit/sanskrit.html
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
% Please ignore the following commands upto #indian and others with
% \ mark,
% which are needed for devanaagarii output and formatting.
%--------------------------------------------------------
%--------------------------------------------------------
%--------------------------------------------------------

\documentstyle[11pt,multicol,itrans]{article}
%\documentclass[11pt]{article}
%\usepackage{multicol}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\large #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{.. Maha Upanishad ..}##
\itxtitle{.. mahopanishhat.h ..}##\endtitles##
yanmahopanishhadvedya.n chidaakaashatayaa sthitam.h .
paramaadvaitasaamraajya.n tadraamabrahma me gatiH ..
AUM aapyaayantu maamaa~Ngaani vaakpraaNashchakshuH
shrotramatho balamindriyaaNi cha .. sarvaaNi sarvaM brahmopanishhadaM 
maahaM brahma niraakuryaaM maa maa brahma niraakarodanirakaraNama\-
stvaniraakaaraNaM mestu tadaatmani nirate ya upanishhatsu dharmaaste
mayi santu te mayi santu..
AUM shaantiH shaantiH shaantiH ..
athaato mahopanishhada.n vyaakhyaasyamastadaahureko ha vai naaraayaNa 
aasiinna brahmaa neshaano naapo naagniishhomau neme dyaavaapR^ithivii na 
nakshatraaNi na suuryo na chandramaaH . sa ekaakii na ramate . tasya
dhyaanaantaHsthasya yaj~nastomamuchyate . tasminpurushhaashchaturdasha 
jaayante . ekaa kanyaa . dashendriyaaNi mana ekaadasha.n tejaH . 
dvaadasho.aha~NkaaraH . trayodashakaH praaNaH . chaturdasha aatmaa .
pa~nchadashii buddhiH . bhuutaani pa~ncha tanmaatraaNi . pa~ncha mahaabhuutaani .
sa ekaH pa~nchavi.nshatiH purushhaH . tatpurushhaM purushho niveshya naasya
pradhaanasa.nvatsaraa jaayante . sa.nvatsaraadadhijaayante . atha punareva
naaraayaNaH so.anyatkaamo manasaadhyaayata . tasya dhyaanaantaHsthasya
lalaaTaattryakshaH shuulapaaNiH purushho jaayate . bibhrachchhriya.n yashaH 
satyaM brahmacharya.n tapo vairaagyaM mana aishvarya.n sapraNavaa vyaahR^itaya 
R^igyajuHsaamaatharvaa~NgirasaH sarvaaNi chhandaa.nsi taanya~Nge
samaashritaani . tasmaadiishaano mahaadevo mahaadevaH . atha punareva
naaraayaNaH so.anyatkaamo manasaadhyaayata . tasya dhyaanaantaHsthasya 
lalaaTaatsvedo.apapat.h . taa imaaH pratataa aapaH . tatastejo hiraNmayamanDalam.h .
tatra brahmaa chaturmukho.ajaayata . so.adhyaayt.h . puurvaabhimukho bhuutvaa 
bhuuriti vyaahR^itirgaayatra.n chhanda R^igvedo.agnirdevataa . pashchimaabhimukho 
bhuutvaa bhuvariti vyaahR^itistraishhTubha.n chhando yajurvedo vaayurdevataa .
uttaraabhimukho bhuutvaa svariti vyaahR^itirjaagrata.n chhandaH saamavedaH suuryo 
devataa . dakshiNaabhimukho bhuutvaa maharitivyaahR^itiraanushhTabha
chhando.atharvavedaaH somo devataa . 
sahasrashiirshha.n deva.n sahasraakshaM vishvasambhuvam.h . 
vishvataH parama.n nitya.n vishva.n naaraayaNa.n harim.h .
vishvameveda.n purushhastadvishvamupajiivati . 
pati.n vishveshvara.n deva.n samudre vishvaruupiNam.h . 
padmakoshapratiikaasha.n lambatyaakoshasa.nnibham.h .
hR^idaya.n chaapyadhomukha.n santatyai siitkaraabhiishcha . 
tasya madhye mahaanarchirvishvarchirvishvatomukham.h . 
tasya madhye vahnishikhaa aNiiyordhvaa vyavasthitaa . 
tasyaaH shikhaayaa madhye paramaatmaa vyavasthitaa .
sa brahmaa sa iishaanaH sendraH so.aksharaH paramaH svaraaDiti mahopanishhat.h ..
iti prathamodhyaayaH .. 1..
shuko naama mahaatejaaH svaruupaanandatatparaH .
jaatamaatreNa muniraaD yatsatya.n tadavaaptavaan.h .. 1..
tenaasau svavivekena svayameva mahaamanaaH .
pravichaarya chira.n saadhu svaatmanishchayamaaptavaan.h .. 2..
anaakhyatvaadagamyatvaanmanaHshhashhThendriyasthiteH .
chinmaatramevamaatmaaNuraakaashaadapi suukshmakaH .. 3..
chidaNoH paramasyaantaH koTibrahmaaNDareNavaH . 
utpattisthitimabhyetya liiyante shaktiparyayaat.h .. 4..
aakaashaM baahyashuunyatvaadanaakaasha.n tu chittvataH .
na ki.nchidyadanirdeshya.n vastu satteti ki.nchana .. 5..
chetano.asau prakaashatvaadvedyaabhaavaachchhilopamaH .
svaatmani vyomani svasthe jagadunmeshhachitrakR^it.h .. 6..
tadbhaamaatramida.n vishvamiti na syaattataH pR^ithak.h .
jagadbhedo.api tadbhaanamiti bhedo.api tanmayaH .. 7..
sarvagaH sarvasambandho gatyabhaavaanna gachchhati .
naastyasaavashrayaabhaavaatsadruupatvaadathaasti cha .. 8..
vij~naanamaanandaM brahma raaterdaatuH paraayaNam.h .
sarvasa.nkalpasa.nnyaasashchetasaa yatparigrahaH .. 9..
jaagrataH pratyayaabhaava.n yasyaahuH pratyayaM budhaaH .
yatsa.nkochavikaasaabhyaa.n jagatpralayasR^ishhTayaH .. 10..
nishhThaa vedaantavaakyaanaamatha vaachaamagocharaH .
aha.n sachchitparaanandabrahmaivaasmi na chetaraH .. 11..
svayaiva suukshmayaa buddhyaa sarva.n vij~naatavaa~nchhukaH .
svayaM praapte pare vastunyavishraantamanaaH sthitaH .. 12..
ida.n vastviti vishvaasa.n naasaavaatmanyupaayayau .
kevala.n viraraamaasya cheto vishhayachaapalam.h .
bhogebhyo bhuuribha~Ngebhyo dhaaraabhya iva chaatakaH .. 13..
ekadaa so.amalapraj~no meraavekaantasa.nsthitaH .
paprachchha pitaraM bhaktyaa kR^ishhNadvaipaayanaM munim.h .. 14..
sa.nsaaraaDambaramida.n kathamabhyutthitaM mune .
katha.n cha prashama.n yaati ki.n yatkasya kadaa vada .. 15..
evaM pR^ishhTena muninaa vyaasenaakhilamaatmaje .
yathaavadakhilaM prokta.n vaktavya.n viditaatmanaa .. 16..
aj~naasishhaM puurvamevamahamityatha tatpituH .
sa shukaH svakayaa buddhyaa na vaakyaM bahu manyate .. 17..
vyaaso.api bhagavaanbuddhvaa putraabhipraayamiidR^isham.h .
pratyuvaacha punaH putra.n naaha.n jaanaami tattvataH .. 18..
janako naama bhuupaalo vidyate mithilaapure .
yathaavadvettyasau vedya.n tasmaatsarvamavaapsyasi .. 19..
pitretyuktaH shukaH praayaatsumerorvasudhaatalam.h .
videhanagariiM praapa janakenaabhipaalitaam.h .. 20..
aavedito.asau yaashhTiikairjanakaaya mahaatmane .
dvaari vyaasasuto raaja~nchhuko.atra sthitavaaniti .. 21..
jij~naasaartha.n shukasyaasaavaastaamevetyavaj~nayaa .
uktvaa babhuuva janakastuushhNii.n sapta dinaanyatha .. 22..
tataH praveshayaamaasa janakaH shukama~NgaNe .
tatraahaani sa saptaiva tathaivaavasadunmanaaH .. 23..
tataH praveshayaamaasa janako.antaHpuraajire .
raajaa na dR^ishyate taavaditi saptadinaani tam.h .. 24..
tatronmadaabhiH kaantaabhirbhojanairbhogasa.nchayaiH .
janako laalayaamaasa shuka.n shashinibhaananam.h .. 25..
te bhogaastaani bhojyaani vyaasaputrasya tanmanaH .
naajahvurmandapavano baddhapiiThamivaachalam.h .. 26..
kevala.n susamaH svachchho maunii muditamaanasaH .
saMpuurNa iva shiitaa.nshuratishhThadamalaH shukaH .. 27..
parij~naatasvabhaava.n ta.n shuka.n sa janako nR^ipaH .
aaniiya muditaatmaanamavalokya nanaama ha .. 28..
niHsheshhitajagatkaaryaH praaptaakhilamanorathaH .
kimiipsita.n tavetyaaha kR^itasvaagata aaha tam.h .. 29..
sa.nsaaraaDambaramida.n kathamabhyutthita.n guro .
kathaM prashamamaayaati yathaavatkathayaashu me ..30..
yathaavadakhilaM prokta.n janakena mahaatmanaa .
tadeva tatpuraa prokta.n tasya pitraa mahaadhiyaa .. 31..
svayameva mayaa puurvamabhij~naata.n visheshhataH .
etadeva hi pR^ishhTena pitraa me samudaahR^itam.h .. 32..
bhavataapyeshha evaarthaH kathito vaagvidaa.n vara .
eshha eva hi vaakyaarthaH shaastreshhu paridR^ishyate .. 33..
manovikalpasa.njaata.n tadvikalpaparikshayaat.h .
kshiiyate dagdhasa.nsaaro niHsaara iti nishchitaH .. 34..
tatkimetanmahaabhaaga satyaM bruuhi mamaachalam.h .
tvatto vishramamaapnomi chetasaa bhramataa jagat.h .. 35..
shruNu taavadidaanii.n tva.n kathyamaanamidaM mayaa .
shriishuka.n j~naanavistaara.n buddhisaaraantaraantaram.h .. 36..
yadvij~naanaatpumaansadyo jiivanmuktatvamaapnuyaat.h .. 37..
dR^ishya.n naastiiti bodhena manaso dR^ishyamaarjanam.h .
saMpanna.n chettadutpannaa paraa nirvaaNanirvR^itiH .. 38..
asheshheNa parityaago vaasanaayaa.n ya uttamaH .
moksha ityuchyate sadbhiH sa eva vimalakramaH .. 39..
ye shuddhavaasanaa bhuuyo na janmaanarthabhaaginaH .
j~naataj~neyaasta uchyante jiivanmuktaa mahaadhiyaH .. 40..
padaarthabhaavanaadaarDhyaM bandha ityabhidhiiyate .
vaasanaataanavaM brahmanmoksha ityabhidhiiyate .. 41..
tapaH prabhR^itinaa yasmai hetunaiva vinaa punaH .
bhogaa iha na rochante sa jiivanmukta uchyate .. 42..
aapatatsu yathaakaala.n sukhaduHkheshhvanaarataH .
na hR^ishhyati glaayati yaH sa jiivanmukta uchyate .. 43..
harshhaamarshhabhayakrodhakaamakaarpaNyadR^ishhTibhiH .
na paraamR^ishyate yo.antaH sa jiivanmukta uchyate .. 44..
aha.nkaaramayii.n tyaktvaa vaasanaa.n liilayaiva yaH .
tishhThati dhyeyasa.ntyaagii sa jiivanmukta uchyate .. 45..
iipsitaaniipsite na sto yasyaantarvartidR^ishhTishhu .
sushhuptivadyashcharati sa jiivanmukta uchyate .. 46..
adhyaatmaratiraasiinaH puurNaH paavanamaanasaH .
praaptaanuttamavishraantirna ki.nchidiha vaa~nchhati .
yo jiivati gatasnehaH sa jiivanmukta uchyate .. 47..
sa.nvedyena hR^idaakaashe manaagapi na lipyate .
yasyaasaavajaDaa sa.nvitsa jiivanmukta uchyate .. 48..
raagadveshhau sukha.n duHkha.n dharmaadharmau phalaaphale .
yaH karotyanapekshyaiva sa jiivanmukta uchyate .. 49..
maunavaannirahaMbhaavo nirmaano muktamatsaraH .
yaH karoti gatodvegaH sa jiivanmukta uchyate .. 50..
sarvatra vigatasneho yaH saakshivadavasthitaH .
nirichchho vartate kaarye sa jiivanmukta uchyate .. 51..
yena dharmamadharma.n cha manomananamiihitam.h .
sarvamantaH parityakta.n sa jiivanmukta uchyate .. 52..
yaavatii dR^ishyakalanaa sakaleya.n vilokyate .
saa yena sushhThu sa.ntyaktaa sa jiivanmukta uchyate .. 53..
kaTvamlalavaNa.n tiktamamR^ishhTaM mR^ishhTameva cha .
samameva cha yo bhu~Nkte sa jiivanmukta uchyate .. 54..
jaraamaraNamaapachcha raajya.n daaridryameva cha .
ramyamityeva yo bhu~Nkte sa jiivanmukta uchyate .. 55..
dharmaadharmau sukha.n duHkha.n tathaa maraNajanmanii .
dhiyaa yena susa.ntyakta.n sa jiivanmukta uchyate .. 56..
udvegaanandarahitaH samayaa svachchhayaa dhiyaa .
na shochate na chodeti sa jiivanmukta uchyate .. 57..
sarvechchhaaH sakalaaH sha~NkaaH sarvehaaH sarvanishchayaaH .
dhiyaa yena parityaktaaH sa jiivanmukta uchyate .. 58..
janmasthitivinaasheshhu sodayaastamayeshhu cha .
samameva mano yasya sa jiivanmukta uchyate .. 59..
na ki.nchana dveshhTi tathaa na ki.nchidapi kaa~Nkshati .
bhu~Nkte yaH prakR^itaanbhogaansa jiivanmukta uchyate .. 60..
shaantasa.nsaarakalanaH kalaavaanapi nishhkalaH .
yaH sachitto.api nishchittaH sa jiivanmukta uchyate .. 61..
yaH samastaarthajaaleshhu vyavahaaryapi niHspR^ihaH .
paraartheshhviva puurNaatmaa sa jiivanmukta uchyate .. 62..
jiivanmuktapada.n tyaktvaa svadehe kaalasaatkR^ite .
vishatyadehamuktatvaM pavano.aspandataamiva .. 63..
videhamukto nodeti naastameti na shaamyati .
na sannaasanna duurastho na chaaha.n na cha netaraH .. 64..
tataH stimitagaMbhiira.n na tejo na tamastatam.h .
anaakhyamanabhivyakta.n satki.nchidavashishhyate .. 65..
na shuunya.n naapi chaakaaro na dR^ishya.n naapi darshanam.h .
na cha bhuutapadaarthaughasadanantatayaa sthitam.h .. 66..
kimapyavyapadeshaatmaa puurNaatpuurNataraakR^itiH .
na sannaasanna sadasanna bhaavo bhaavana.n na cha .. 67..
chinmaatra.n chaityarahitamanantamajara.n shivam.h .
anaadimadhyaparyanta.n yadanaadi niraamayam.h .. 68..
drashhTR^idarshanadR^ishyaanaaM madhye yaddarshana.n smR^itam.h .
naataH paratara.n ki.nchinnishchayo.astyaparo mune .. 69..
svayameva tvayaa j~naata.n gurutashcha punaH shrutam.h .
svasa.nkalpavashaadbaddho niHsa.nkalpaadvimuchyate .. 70..
tena svaya.n tvayaa j~naata.n j~neya.n yasya mahaatmanaH .
bhogebhyo hyaratirjaataa dR^ishyaadvaa sakalaadiha .. 71..
praaptaM praaptavyamakhilaM bhavataa puurNachetasaa .
svaruupe tapasi brahmanmuktastvaM bhraantimutsR^ija .. 72..
atibaahya.n tathaa baahyamantaraabhyantara.n dhiyaH .
shuka pashyanna pashyestva.n saakshii saMpuurNakevalaH .. 73..
vishashraama shukastuushhNii.n svasthe paramavastuni .
viitashokabhayaayaaso niriihashchhinnasa.nshayaH .. 74..
jagaama shikharaM meroH samaadhyarthamakhaNDitam.h .. 75..
tatra varshhasahasraaNi nirvikalpasamaadhinaa .
deshe sthitvaa shashaamaasaavaatmanyasnehadiipavat.h .. 76..
vyapagatakalanaakala~NkashuddhaH 
     svayamamalaatmani paavane pade.asau .
salilakaNa ivaaMbudhau mahaatmaa 
     vigalitavaasanamekataa.n jagaama .. 77..
iti mahopanishhat.h . iti dvitiiyo.adhyaayaH .. 2.. 
nidaagho naama muniraaT praaptavidyashcha baalakaH .
vihR^itastiirthayaatraarthaM pitraanuj~naatavaansvayam.h .. 1..
saardhatrikoTitiirtheshhu snaatvaa gR^ihamupaagataH . 
svodanta.n kathayaamaasa R^ibhu.n natvaa mahaayashaaH .. 2..
saardhatrikoTitiirtheshhu snaanapuNyaprabhaavataH .
praadurbhuutomanasi me vichaaraH so.ayamiidR^ishaH .. 3..
jaayate mriyate loko mriyate jananaaya cha .
asthiraH sarva eveme sacharaacharacheshhTitaaH .
sarvaapadaaM padaM paapaa bhaavaa vibhavabhuumayaH .. 4..
ayaHshalaakaasadR^ishaaH parasparamasa~NginaH .
shushhyante kevalaa bhaavaa manaHkalpanayaanayaa .. 5..
bhaaveshhvaratiraayaataa pathikasya marushhviva .
shaamyatiida.n katha.n duHkhamiti tapto.asmi chetasaa .. 6..
chintaanichayachakraaNi naanandaaya dhanaani me .
saMprasuutakalatraaNi gR^ihaaNyugraapadaamiva .. 7..
iyamasmi sthitodaaraa sa.nsaare paripelavaa .
shriirmune parimohaaya saapi nuuna.n na sharmadaa .. 8..
aayuH pallavakoNaagralambaambukaNabha~Nguram.h .
unmatta iva sa.ntyajya yaamyakaaNDe shariirakam.h .. 9..
vishhayaashii vishhaasa~Ngaparijarjarachetasaam.h .
aprauDhaatmavivekaanaamaayuraayaasakaaraNam.h .. 10..
yujyate veshhTana.n vaayoraakaashasya cha khaNDanam.h .
granthana.n cha tara~NgaaNaamaasthaa naayushhi yujyate .. 11..
praapya.n saMpraapyate yena bhuuyo yena na shochyate .
paraayaa nirvR^iteH sthaana.n yattajjiivitamuchyate .. 12..
taravo.api hi jiivanti jiivanti mR^igapakshiNaH .
sa jiivati mano yasya mananenopajiivati .. 13..
jaataasta eva jagati jantavaH saadhujiivitaaH .
ye punarneha jaayante sheshhaa jaraThagardabhaaH .. 14..
bhaaro vivekinaH shaastraM bhaaro j~naana.n cha raagiNaH .
ashaantasya mano bhaaro bhaaro.anaatmavido vapuH .. 15..
aha.nkaaravashaadaapadaha.nkaaraadduraadhayaH .
aha.nkaaravashaadiihaa naaha.nkaaraatparo ripuH .. 16..
aha.nkaaravashaadyadyanmayaa bhukta.n charaacharam.h .
tattatsarvamavastveva vastvaha.nkaarariktataa .. 17..
itashchetashcha suvyagra.n vyarthamevaabhidhaavati .
mano duuratara.n yaati graame kauleyako yathaa .. 18..
kruureNa jaDataa.n yaataa tR^ishhNaabhaaryaanugaaminaa .
vashaH kauleyakeneva brahmanmukto.asmi chetasaa .. 19..
apyabdhipaanaanmahataH sumeruunmuulanaadapi .
api vahnyashanaadbrahmanvishhamashchittanigrahaH .. 20..
chitta.n kaaraNamarthaanaa.n tasminsati jagattrayam.h .
tasminkshiiNe jagatkshiiNa.n tachchikitsyaM prayatnataH .. 21..
yaa.n yaamahaM munishreshhTha sa.nshrayaami guNashriyam.h .
taa.n taa.n kR^intati me tR^ishhNaa tantriimiva kumuushhikaa .. 22..
pada.n karotyala~Nghye.api tR^iptaa viphalamiihate .
chira.n tishhThati naikatra tR^ishhNaa chapalamarkaTii .. 23..
kshaNamaayaati paataala.n kshaNa.n yaati nabhasthalam.h .
kshaNaM bhramati dikku~nje tR^ishhNaa hR^itpadmashhaTpadii .. 24..
sarvasa.nsaaraduHkhaanaa.n tR^ishhNaikaa diirghaduHkhadaa .
antaHpurasthamapi yaa yojayatyatisa.nkaTe .. 25..
tR^ishhNaavishhuuchikaamantrashchintaatyaago hi sa dvija .
stokenaanandamaayaati stokenaayaati khedataam.h .. 26..
naasti dehasamaH shochyo niicho guNavivarjitaH .. 27..
kalevaramaha.nkaaragR^ihasthasya mahaagR^iham.h .
luThatvabhyetu vaa sthairya.n kimanena guro mama .. 28..
pa~Nktibaddhendriyapashu.n valgattR^ishhNaagR^ihaa~NgaNam.h .
chittabhR^ityajanaakiirNa.n neshhTa.n dehagR^ihaM mama .. 29..
jihvaamarkaTikaakraantavadanadvaarabhiishhaNam.h .
dR^ishhTadantaasthishakala.n neshhTa.n dehagR^ihaM mama .. 30..
raktamaa.nsamayasyaasya sabaahyaabhyantare mune .
naashaikadharmiNo bruuhi kaiva kaayasya ramyataa .. 31..
taDitsu sharadabhreshhu gandharvanagareshhu cha .
sthairya.n yena vinirNiita.n sa vishvasitu vigrahe .. 32..
shaishave guruto bhiitirmaatR^itaH pitR^itastathaa .
janato jyeshhThabaalaachcha shaishavaM bhayamandiram.h .. 33..
svachittabilasa.nsthena naanaavibhramakaariNaa .
balaatkaamapishaachena vivashaH paribhuuyate .. 34..
daasaaH putraaH striyashchaiva baandhavaaH suhR^idastathaa .
hasantyunmattakamiva nara.n vaardhakakampitam.h .. 35..
dainyadoshhamayii diirghaa vardhate vaardhake spR^ihaa .
sarvaapadaamekasakhii hR^idi daahapradaayinii .. 36..
kvachidvaa vidyate yaishhaa sa.nsaare sukhabhaavanaa .
aayuH stambamivaasaadya kaalastaamapi kR^intati .. 37..
tR^iNaM paa.nsuM mahendra.n cha suvarNaM merusarshhapam.h .
aatmaMbharitayaa sarvamaatmasaatkartumudyataH .
kaalo.aya.n sarvasa.nhaarii tenaakraanta.n jagattrayam.h .. 38..
maa.nsapaa~nchaalikaayaastu yantralolea~Ngapa~njare .
snaayvasthigranthishaalinyaaH striyaH kimiva shobhanam.h .. 39..
tva~Nmaa.nsaraktabaashhpaambu pR^ithakkR^itvaa vilochane .
samaalokaya ramya.n chetkiM mudhaa parimuhyasi .. 40..
merushR^i~NgataTollaasiga~Ngaachalarayopamaa .
dR^ishhTaa yasminmune muktaahaarasyollaasashaalitaa .. 41..
shmashaaneshhu diganteshhu sa eva lalanaastanaH .
shvabhiraasvaadyate kaale laghupiNDa ivaandhasaH .. 42..
keshakajjaladhaariNyo duHsparshaa lochanapriyaaH .
dushhkR^itaagnishikhaa naaryo dahanti tR^iNavannaram.h .. 43..
jvalataamatiduure.api sarasaa api niirasaaH .
striyo hi narakaagniinaamindhana.n chaaru daaruNam.h .. 44..
kaamanaamnaa kiraatena vikiirNaa mugdhachetasaH .
naaryo naraviha~Ngaanaama~NgabandhanavaaguraaH .. 45..
janmapalvalamatsyaanaa.n chittakardamachaariNaam.h .
pu.nsaa.n durvaasanaarajjurnaarii baDishapiNDikaa .. 46..
sarveshhaa.n doshharatnaanaa.n susamudgikayaanayaa .
duHkhashR^i~Nkhalayaa nityamalamastu mama striyaa .. 47..
yasya strii tasya bhogechchhaa niHstriikasya kva bhogabhuuH .
striya.n tyaktvaa jagattyakta.n jagattyaktvaa sukhii bhavet.h .. 48..
disho.api na hi dR^ishyante desho.apyanyopadeshakR^it.h .
shailaa api vishiiryante shiiryante taarakaa api .. 49..
shushhyantyapi samudraashcha dhruvo.apyadhruvajiivanaH .
siddhaa api vinashyanti jiiryante daanavaadayaH .. 50..
parameshhThyapi nishhThaavaanhiiyate harirapyajaH .
bhaavo.apyabhaavamaayaati jiiryante vai digiishvaraaH .. 51..
brahmaa vishhNushcha rudrashcha sarvaa vaa bhuutajaatayaH .
naashamevaanudhaavanti salilaaniiva vaaDavam.h .. 52..
aapadaH kshaNamaayaanti kshaNamaayaanti saMpadaH .
kshaNa.n janmaatha maraNa.n sarva.n nashvarameva tat.h .. 53..
ashuureNa hataaH shuuraa ekenaapi shata.n hatam.h .
vishha.n vishhayavaishhamya.n na vishha.n vishhamuchyate .. 54..
janmaantaraghnaa vishhayaa ekajanmahara.n vishham.h .
iti me doshhadaavaagnidagdhe saMprati chetasi .. 55..
sphuranti hi na bhogaashaa mR^igatR^ishhNaasaraHsvapi .
ato maaM bodhayaashu tva.n tattvaj~naanena vai guro .. 56..
no chenmauna.n samaasthaaya nirmaano gatamatsaraH .
bhaavayanmanasaa vishhNu.n lipikarmaarpitopamaH .. 57..
iti mahopanishhat.h . iti tR^itiiyo.adhyaayaH .. 3..
nidaagha tava naastanyajj~neya.n j~naanavataa.n vara . 
praj~nayaa tva.n vijaanaasi iishvaraanugR^ihiitayaa .
chittamaalinyasa.njaataM maarjayaami bhramaM mune .. 1..
mokshadvaare dvaarapaalashchatvaaraH parikiirtitaaH .
shamo vichaaraH santoshhashchaturthaH saadhusa~NgamaH .. 2..
eka.n vaa sarvayatnena sarvamutsR^ijya sa.nshrayet.h .
ekasminvashage yaanti chatvaaro.api vasha.n gataaH .. 3..
shaastraiH sajjanasaMparkapuurvakaishcha tapodamaiH .
aadau sa.nsaaramuktyarthaM praj~naamevaabhivardhayet.h .. 4..
svaanubhuuteshcha shaastrasya guroshchevaikavaakyataa .
yasyaabhyaasena tenaatma satata.n chaavalokyate .. 5..
sa.nkalpaashaanusandhaanavarjana.n chetpratikshaNam.h .
karoshhi tadachittatvaM praapta evaasi paavanam.h .. 6..
chetaso yadakartR^itva.n tatsamaadhaanamiiritam.h .
tadeva kevaliibhaava.n saashubhaa nirvR^itiH paraa .. 7..
chetasaa saMparityajya sarvabhaavaatmabhaavanaam.h .
yathaa tishhThasi tishhTha tvaM muukaandhabadhiropamaH .. 8..
sarvaM prashaantamajamekamanaadimadhya\-
    maabhaasvara.n svadanamaatramachaityachihnam.h .
sarvaM prashaantamiti shabdamayii cha dR^ishhTi\-
    rbaadhaarthameva hi mudhaiva tadomitiidam.h .. 10..
nityaprabuddhachittastva.n kurvanvaapi jagatkriyaam.h .
aatmaikatva.n viditvaa tva.n tishhThaakshubdhamahaabdhivat.h .. 11..
tattvaavabodha evaasau vaasanaatR^iNapaavakaH .
proktaH samaadhishabdena natu tuushhNiimavasthitiH .. 12..
nirichchhe sa.nsthite ratne yathaa lokaH pravartate .
sattaamaatre pare tattve tathaivaaya.n jagadgaNaH .. 13..
atashchaatmani kartR^itvamakartR^itva.n cha vai mune .
nirichchhatvaadakartaasau kartaa sa.nnidhimaatrataH .. 14..
te dve brahmaNi vindeti kartR^itaakartR^ite mune .
yatraivaishha chamatkaarastamaashritya sthiro bhava .. 15..
tasmaannityamakartaahamiti bhaavanayeddhayaa .
paramaamR^itanaamnii saa samataivaavashishhyate .. 16..
nidaagha shR^iNu sattvasthaa jaataa bhuvi mahaaguNaaH .
te nityamevaabhyuditaa muditaaH sva ivendavaH .. 17..
naapadi glaanimaayaanti nishi hemaambuja.n yathaa .
nehante prakR^itaadanyadramante shishhTavartmani .. 18..
aakR^ityaiva viraajante maitryaadiguNavR^ittibhiH .
samaaH samarasaaH saumya satata.n saadhuvR^ittayaH .. 19..
abdhivaddhatamaryaada bhavati vishadaashayaaH .
niyati.n na vimu~nchanti mahaanto bhaaskaraa iva .. 20.. 
ko.aha.n kathamida.n cheti sa.nsaaramalamaatatam.h .
pravichaaryaM prayatnena praaj~nena sahasaadhunaa .. 21..
naakarmasu niyoktavya.n naanaaryeNa sahaavaset.h .
drashhTavyaH sarvasa.nhartaa na mR^ityuravahelayaa .. 22..
shariiramasthimaa.nsa.n cha tyaktvaa raktaadyashobhanam.h .
bhuutamuktaavaliitantu.n chinmaatramavalokayet.h .. 23..
upaadeyaanupatana.n heyaikaantavisarjanam.h .
yadetanmanaso ruupa.n tadbaahya.n viddhi netarat.h .. 24..
gurushaastroktamaargeNa svaanubhuutyaa cha chidghane .
brahmaivaahamiti j~naatvaa viitashoko bhavenmuniH .. 25..
yatra nishitaasishatapaatanamutpalataaDanavatsoDhavyamagninaa
daaho himasechanamivaa~Ngaaravartana.n chandanacharcheva 
niravadhinaaraachavikirapaato nidaaghavinodanadhaaraa\-
gR^ihashiikaravarshhaNamiva svashirachchhedaH sukhanidreva
muukiikaraNamaananamudreva baadhiryaM mahaanupachaya iveda.n 
naavahelanayaa bhavitavyameva.n dR^iDhavairaagyaadbodho bhavati ..
guruvaakyasamudbhuutasvaanubhuutyaadishuddhayaa .
yasyaabhyaasena tenaatmaa satata.n chaavalokyate .. 26..
vinashhTadigbhramasyaapi yathaapuurva.n vibhaati dik.h .
tathaa vij~naanavidhvasta.n jagannaastiiti bhaavaya .. 27..
na dhanaanypakurvanti na mitraaNi na baandhavaaH .
na kaayakleshavaidhurya.n na tiirthaayatanaashrayaH .
kevala.n tanmanomaatramayenaasaadyate padam.h .. 28..
yaani duHkhaani yaa tR^ishhNaa duHsahaa ye duraadhayaH .
shaantachetaHsu tatsarva.n tamo.arkeshhviva nashyati .. 29..
maatariiva para.n yaanti vishhamaaNi mR^iduuni cha .
vishvaasamiha bhuutaani sarvaaNi shamashaalini .. 30.. 
na rasaayanapaanena na lakshmyaali~Ngitena cha .
na tathaa sukhamaapnoti shamenaantaryathaa janaH .. 31..
shrutvaa spR^ishhTvaa cha bhuktvaa cha dR^ishhTvaa j~naatvaa shubhaashubham.h .
na hR^ishhyati glaayati yaH sa shaanta iti kathyate .. 32..
tushhaarakarabiMbaachchhaM mano yasya niraakulam.h .
maraNotsavayuddheshhu sa shaanta iti kathyate .. 33..
tapasvishhu bahuj~neshhu yaajakeshhu nR^ipeshhu cha .
balavatsu guNaaDhyeshhu shamavaaneva raajate .. 34..
santoshhaamR^itapaanena ye shaantaastR^iptimaagataaH .
aatmaaraamaa mahaatmaanaste mahaapadamaagataaH .. 35..
apraapta.n hi parityajya saMpraapte samataa.n gataH .
adR^ishhTakhedaakhedo yaH santushhTa iti kathyate .. 36..
naabhinandatyasaMpraaptaM praaptaM bhu~Nkte yathepsitam.h .
yaH sa saumyasamaachaaraH santushhTa iti kathyate .. 37..
ramate dhiiryataapraapte saadhviivaa.antaHpuraajire .
saa jiivanmuktatodeti svaruupaanandadaayinii .. 38..
yathaakshaNa.n yathaashaastra.n yathaadesha.n yathaasukham.h .
yathaasaMbhavasatsa~NgamimaM mokshapathakramam.h .
taavadvichaarayetpraaj~no yaavadvishraantimaatmani .. 39..
turyavishraantiyuktasya nivR^ittasya bhavaarNavaat.h .
jiivato.ajiivatashchaiva gR^ihasthasyaathavaa yateH .. 40..
naakR^itena kR^itenaartho na shrutismR^itivibhramaiH .
nirmandara ivaambodhiH sa tishhThati yathaasthitaH .. 41..
sarvaatmavedana.n shuddha.n yadodeti tavaatmakam.h .
bhaati prasR^itidikkaalabaahya.n chidruupadehakam.h .. 42..
evamaatmaa yathaa yatra samullaasamupaagataH .
tishhThatyaashu tathaa tatra tadruupashcha viraajate .. 43..
yadida.n dR^ishyate sarva.n jagatsthaavaraja~Ngamam.h .
tatsushhuptaaviva svapnaH kalpaante pravinashyati .. 44..
R^itamaatmaa paraMbrahma satyamityaadikaa budhaiH .
kalpitaa vyavahaaraartha.n yasya sa.nj~naa mahaatmanaH .. 45..
yathaa kaTakashabdaarthaH pR^ithagbhaavo na kaa~nchanaat.h .
na hemakaTakaattadvajjagachchhabdaarthataa paraa .. 46..
teneyamindrajaalashriirjagati pravitanyate .
drashhTudR^ishyasya sattaantarbandha ityabhidhiiyate .. 47..
drashhTaa dR^ishyavashaadbaddho dR^ishyaabhaave vimuchyate .
jagattvamahamityaadisargaatmaa dR^ishyamuchyate .. 48..
manasaivendrajaalashriirjagati pravitanyate .
yaavadetatsaMbhavati taavanmoksho na vidyate .. 49..
brahmaNaa tanyate vishvaM manasaiva svayaMbhuvaa .
manomayamato vishva.n yannaama paridR^ishyate .. 50..
na baahye naapi hR^idaye sadruupa.n vidyate manaH .
yadartha.n pratibhaana.n tanmana ityabhidhiiyate .. 51..
sa.nkalpanaM mano viddhi sa.nkalpastanna vidyate .
yatra sa.nkalpana.n tatra mano.astiityavagamyataam.h .. 52..
sa.nkalpamanasii bhinne na kadaachana kenachit.h .
sa.nkalpajaate galite svaruupamavashishhyate .. 53..
aha.n tva.n jagatityaadau prashaante dR^ishyasaMbhrame .
syaattaadR^ishii kevalataa dR^ishye sattaamupaagate .. 54..
mahaapralayasaMpattau hyasattaa.n samupaagate .
asheshhadR^ishye sargaadau shaantamevaavashishhyate .. 55..
astyanastamito bhaasvaanajo devo niraamayaH .
sarvadaa sarvakR^itsarvaH paramaatmetyudaahR^itaH .. 56..
yato vaacho nivartante yo muktairavagamyate .
yasya chaatmaadikaaH sa.nj~naaH kalpitaa na svabhaavataH .. 57..
chittaakaasha.n chidaakaashamaakaasha.n cha tR^itiiyakam.h .
dvaabhyaa.n shuunyatara.n viddhi chidaakaashaM mahaamune .. 58..
deshaaddeshaantarapraaptau sa.nvido madhyameva yat.h .
nimeshheNa chidaakaasha.n tadviddhi munipu~Ngava .. 59..
tasminnirastaniHsheshhasa.nkalpasthitimeshhi chet.h .
sarvaatmakaM pada.n shaanta.n tadaa praapnoshhyasa.nshayaH .. 60..
uditaudaaryasaundaryavairaagyarasagarbhiNii .
aanandasyandinii yaishhaa samaadhirabhidhiiyate .. 61..
dR^ishyaasaMbhavabodhena raagadveshhaaditaanave .
ratirbaloditaa yaasau samaadhirabhidhiiyate .. 62..
dR^ishyaasaMbhavabodho hi j~naana.n j~neya.n chidaatmakam.h .
tadeva kevaliibhaava.n tato.anyatsakalaM mR^ishhaa .. 63..
matta airaavato baddhaH sarshhapiikoNakoTare .
mashakena kR^ita.n yuddha.n si.nhaughaireNukoTare .. 64..
padmaakshe sthaapito merurnigiirNo bhR^i~Ngasuununaa .
nidaagha viddhi taadR^iktva.n jagatetadbhramaatmakam.h .. 65..
chittameva hi sa.nsaaro rogaadikleshaduushhitam.h .
tadeva tairvinirmuktaM bhavaanta iti kathyate .. 66..
manasaa bhaavyamaano hi dehataa.n yaati dehakaH .
dehavaasanayaa mukto dehadharmairna lipyate .. 67..
kalpa.n kshaNiikarotyantaH kshaNa.n nayati kalpataam.h .
manovilaasasa.nsaara iti me nishchitaa matiH .. 68..
naavirato dushcharitaannaashaanto naasamaahitaH .
naashaantamanaso vaapi praj~naanenainamaapnuyaat.h .. 69..
tadbrahmaanandamadvandva.n nirguNa.n satyachidghanam.h .
viditvaa svaatmano ruupa.n na bibheti kadaachana .. 70..
paraatpara.n yanmahato mahaantaM
     svaruupatejomayashaashvata.n shivam.h .
kaviM puraaNaM purushha.n sanaatanaM
     sarveshvara.n sarvadevairupaasyam.h .. 71..
ahaM brahmeti niyataM mokshaheturmahaatmanaam.h .
dve pade bandhamokshaaya nirmameti mameti cha .
mameti badhyate janturnirmameti vimuchyate .. 72..
jiiveshvaraadiruupeNa chetanaachetanaatmakam.h .
iikshaNaadipraveshaantaa sR^ishhTiriishena kalpitaa .
jaagradaadivimokshaantaH sa.nsaaro jiivakalpitaH .. 73..
triNaachikaadiyogaantaa iishvarabhraantimaashritaaH .
lokaayataadisaa.nkhyaantaa jiivavibhraantimaashritaaH .. 74..
tasmaanmumukshibhirnaiva matirjiiveshavaadayoH .
kaaryaa ki.ntu brahmatattva.n nishchalena vichaaryataam.h .. 75..
avisheshheNa sarva.n tu yaH pashyati chidanvayaat.h .
sa eva saakshaadvij~naanii sa shivaH sa harirvidhiH .. 76..
durlabho vishhayatyaago durlabha.n tattvadarshanam.h .
durlabhaa sahajaavasthaa sadguroH karuNaa.n vinaa .. 77..
utpannashaktirbodhasya tyaktaniHsheshhakarmaNaH .
yoginaH sahajaavasthaa svayamevopajaayate .. 78..
yadaa hyevaishha etasminnalpamapyantara.n naraH .
vijaanaati tadaa tasya bhaya.n syaannatra sa.nshayaH .. 79..
sarvaga.n sachchidaananda.n j~naanachakshurniriikshate .
aj~naanachakshurneksheta bhaasvantaM bhaanumandahvat.h .. 80..
praj~naanameva tadbrahma satyapraj~naanalakshaNam.h .
evaM brahmaparij~naanaadeva martyaa.amR^ito bhavet.h .. 81..
bhidyate hR^idayagranthishchhidyante sarvasa.nshayaaH .
kshiiyante chaasya karmaaNi tasmindR^ishhTe paraavare .. 82..
anaatmataaM parityajya nirvikaarau jagatsthitau .
ekanishhThatayaantasthaH sa.nvinmaatraparo bhava .. 83..
marubhuumau jala.n sarvaM marubhuumaatrameva tat.h .
jagattrayamida.n sarva.n chinmaatra.n svavichaarataH .. 84..
lakshyaalakshyamati.n tyaktvaa yastishhThetkevalaatmanaa .
shiva eva svaya.n saakshaadayaM brahmaviduttamaH .. 85..
adhishhThaanamanaupamyamavaa~Nmanasagocharam.h .
nitya.n vibhu.n sarvagata.n susuukshma.n cha tadavyayam.h .. 86..
sarvashaktermaheshasya vilaaso hi mano jagat.h .
sa.nyamaasa.nyamaabhyaa.n cha sa.nsaara.n shaantimanvagaat.h .. 87..
manovyaadheshchikitsaarthamupaaya.n kathayaami te .
yadyatsvaabhimata.n vastu tattyajanmokshamashnute .. 88..
svaayattamekaantahita.n svepsitatyaagavedanam.h .
yasya dushhkarataa.n yaata.n dhiktaM purushhakiiTakam.h .. 89..
svapaurushhekasaadhyena svepsitatyaagaruupiNaa .
manaHprashamamaatreNa vinaa naasti shubhaa gatiH .. 90..
asa.nkalpanashastreNa chhinna.n chittamida.n yadaa .
sarva.n sarvagata.n shaantaM brahma saMpadyate tadaa .. 91..
bhava bhaavanayaa mukto muktaH paramayaa dhiyaa .
dhaarayaatmaanamavyagro grastachitta.n chitaH padam.h .. 92..
paraM paurushhamaashritya niitvaa chittamachittataam.h .
dhyaanato hR^idayaakaashe chiti chichchakradhaarayaa .. 93..
mano maaraya niHsha~Nka.n tvaaM prabadhnanti naarayaH .. 94..
aya.n so.ahamida.n tanma etaavanmaatrakaM manaH .
tadabhaavanamaatreNa daatreNeva viliiyate .. 95..
chhinnaabhramaNDala.n vyomni yathaa sharadi dhuuyate .
vaatena kalpakenaiva tathaantardhuuyate manaH .. 96..
kalpaantapavanaa vaantu yaantu chaikatvamarNavaaH .
tapantu dvaadashaadityaa naasti nirmanasaH kshatiH .. 97..
asa.nkalpanamaatraikasaadhye sakalasiddhide .
asa.nkalpaatisaamraajye tishhThavashhTabdhatatpadaH .. 98..
na hi cha~nchalataahiinaM manaH kvachana dR^ishyate .
cha~nchalatvaM manodharmo vahnerdharmo yathoshhNataa .. 99..
eshhaa hi cha~nchalaaspandashaktishchittatvasa.nsthitaa .
taa.n viddhi maanasii.n shakti.n jagadaaDaMbaraatmikaam.h .. 100..
yattu cha~nchalataahiina.n tanmano.amR^itamuchyate .
tadeva cha tapaH shaastrasiddhaante moksha uchyate .. 101..
tasya cha~nchalataa yaishhaa tvavidyaa vaasanaatmikaa .
vaasanaaparanaamnii.n taa.n vichaareNa vinaashaya .. 102..
paurushheNa prayatnena yasminnaiva pade manaH .
yojyate tatpadaM praapya nirvikalpo bhavaanagha .. 103..
ataH paurushhamaashritya chittamaakramya chetasaa .
vishokaM padamaalambya niraata~NkaH sthiro bhava .. 104..
mana eva samartha.n hi manaso dR^iDhanigrahe .
araajakaH samarthaH syaadraaj~no nigrahakarmaNi .. 105..
tR^ishhNaagraahagR^ihiitaanaa.n sa.nsaaraarNavapaatinaam.h .
aavartairuuhyamaanaanaa.n duura.n svamana eva nauH .. 106..
manasaiva manashchhittvaa paashaM paramabandhanam.h .
bhavaaduttaarayaatmaana.n naasaavanyena taaryate .. 107..
yaa yodeti manonaamnii vaasanaa vaasitaantaraa .
taa.n taaM pariharetpraaj~nastato.avidyaakshayo bhavet.h .. 108..
bhogaikavaasanaa.n tyaktvaa tyaja tvaM bhedavaasanaam.h .
bhaavaabhaavau tatastyaktyaa nirvikalpaH sukhii bhava .. 109..
eshha eva manonaashastvavidyaanaasha eva cha .
yattatsa.nvedyate ki.nchittatraasthaaparivarjanam.h .. 110..
anaasthaiva hi nirvaaNa.n duHkhamaasthaaparigrahaH .. 111..
avidyaa vidyamaanaiva nashhTapraj~neshhu dR^ishyate .
naamnaivaa~NgiikR^itaakaaraa samyakpraj~nasya saa kutaH .. 112..
taavatsa.nsaarabhR^igushhu svaatmanaa saha dehinam.h .
aandolayati niirandhra.n duHkhakaNTakashaalishhu .. 113..
avidyaa yaavadasyaastu notpannaa kshayakaariNii .
svayamaatmaavalokechchhaaa mohasa.nkshayakaariNii .. 114..
asyaaH paraM prapashyantaaH svaatmanaashaH prajaayate .
dR^ishhTe sarvagate bodhe svaya.n hyeshhaa viliiyate .. 115..
ichchhaamaatramavidyeya.n tannaasho moksha uchyate .
sa chaasa.nkalpamaatreNa siddho bhavati vai mune .. 116..
manaagapi manovyomni vaasanaarajanii kshaye .
kaalikaa tanutaameti chidaadityaaprakaashanaat.h .. 117..
chaitaanyupaatarahita.n saamaanyena cha sarvagam.h .
yachchittattvamanaakhyeya.n sa aatmaa parameshvaraH .. 118..
sarva.n cha khalvidaM brahma nityachidghanamakshatam.h .
kalpanaanyaa manonaamnii vidyate na hi kaachana .. 119..
na jaayate na mriyatte ki.nchidatra jagattraye .
na cha bhaavavikaaraaNaa.n sattaa kvachana vidyate .. 120..
kevala.n kevalaabhaasa.n sarvasaamaanyamakshatam.h .
chaityaanupaatarahita.n chinmaatramiha vidyate .. 121..
tasminnitye tate shuddhe chinmaatre nirupadrave .
shaante shamasamaabhoge nirvikaare chidaatmani .. 122..
yaishhaa svabhaavaabhimata.n svaya.n sa.nkalpya dhaavati .
chichchaitya.n svayamamlaanaM maananaanmana uchyate .
ataH sa.nkalpasiddheya.n sa.nkalpenaiva nashyati .. 123..
naahaM brahmeti sa.nkalpaatsudR^iDhaadbadhyate manaH .
sarvaM brahmeti sa.nkalpaatsudR^iDhaanmuchyate manaH .. 124..
kR^isho.aha.n duHkhabaddho.aha.n hastapaadaadimaanaham.h .
iti bhaavaanuruupeNa vyavahaareNa badhyate .. 125..
naaha.n duHkhii na me deho bandhaH ko.asyaatmani sthitaH .
iti bhaavaanuruupeNa vyavahaareNa muchyate .. 126..
naahaM maa.nsa.n na chaasthiini dehaadanyaH paro.asmyaham.h .
iti nishchitavaanantaH kshiiNaavidyo vimuchyate .. 127..
kalpiteyamavidyeyamanaatmanyaatmabhaavanaat.h .
paraM paurushhamaashritya yatnaatparamayaa dhiyaa .
bhogechchhaa.n duuratastyaktvaa nirvikalpaH sukhii bhava .. 128..
mama putro mama dhanamaha.n so.ayamidaM mama .
itiiyamindrajaalena vaasanaiva vivalgati .. 129..
maa bhavaaj~no bhava j~nastva.n jahi sa.nsaarabhaavanaam.h .
anaatmanyaatmabhaavena kimaj~na iva rodishhi .. 130..
kastavaaya.n jaDo muuko deho maa.nsamayo.ashuchiH .
yadartha.n sukhaduHkhaabhyaamavashaH paribhuuyase .. 131..
aho nu chitra.n yatsatyaM brahma tadvismR^ita.n nR^iNaam.h .
tishhThatastava kaaryeshhu maastu raagaanura~njanaa .. 132..
aho nu chitraM padmotthairbaddhaastantubhiradrayaH .
avidyamaana yaa vidyaa tayaa vishva.n khiliikR^itam.h .. 133..
ida.n tadvajrataa.n yaata.n tR^iNamaatra.n jagattrayam.h ..
ityupanishhat.h .. iti chaturtho.adhyaayaH .. 4.. 
R^ibhuH .. athaaparaM pravakshyaami shR^iNu taata yathaayatham.h .
aj~naanabhuuH saptapadaa j~nabhuuH saptapadaiva hi .. 1..
padaantaraaNyasa.nkhyaani prabhavantyanyathaitayoH .
svaruupaavasthitirmuktistadbhra.nsho.aha.ntvavedanam.h .. 2..
shuddhasanmaatrasa.nvitteH svaruupaanna chalanti ye .
raagadveshhaadayo bhaavaasteshhaa.n naaj~natvasaMbhavaH .. 3..
yaH svaruupaparibhra.nshashchetvaarthe chiti majjanam.h .
etasmaadaparo moho na bhuuto na bhavishhyati .. 4..
arthaadarthaantara.n chitte yaati madhye tu yaa sthitiH .
saa dhvastamananaakaaraa svaruupasthitiruchyate .. 5..
sa.nshaantasarvasa.nkalpaa yaa shilaavadavasthitiH .
jaagrannidraavinirmuktaa saa svaruupasthitiH paraa .. 6..
ahantaa.nshe kshate shaante bhedanishhpandachittataa .
ajaDaa yaa prachalati tatsvaruupamitiiritam.h .. 7..
biija.n jaagrattathaa jaagranmahaajaagrattathaiva cha .
jaagratsvapnastathaa svapnaH svapnajaagratsushhuptikam.h .. 8..
iti saptavidho mohaH punareshha parasparam.h .
shlishhTo bhavatyanekaagrya.n shruNu lakshaNamasya tu .. 9..
prathama.n chetana.n yatsyaadanaakhya.n nirmala.n chitaH .
bhavishhyachchittajiivaadinaamashabdaarthabhaajanam.h .. 10..
biijaruupasthita.n jaagradbiijajaagrattaduchyate .
eshhaa j~napternavaavasthaa tvajaagratsa.nsthiti.n shruNu .. 11..
navaprasuutasya paraadaya.n chaahamidaM mama .
iti yaH pratyayaH svasthastajjaagratpraagabhaavanaat.h .. 12..
aya.n so.ahamida.n tanma iti janmaantaroditaH .
piivaraH pratyayaH prokto mahaajaagraditi sphuTam.h .. 13..
aruuDhamathavaa ruuDha.n sarvathaa tanmayaatmakam.h .
yajjaagrato manoraajya.n yajjaagratsvapna uchyate .. 14..
dvichandrashuktikaaruupyamR^igatR^ishhNaadibhedataH .
abhyaasaM praapya jaagrattatsvapno naanaavidho bhavet.h .. 15..
alpakaalaM mayaa dR^ishhTametannodeti yatra hi .
paraamarshhaH prabuddhasya sa svapna iti kathyate .. 16..
chira.n sa.ndarshanaabhaavaadapraphullaM bR^ihadvachaH .
chirakaalaanuvR^ittistu svapno jaagradivoditaH .. 17..
svapnajaagraditi prokta.n jaagratyapi parisphurat.h .
shhaDavasthaa parityaago jaDaa jiivasya yaa sthitiH .. 18..
bhavishhyadduHkhabodhaaDhyaa saushhuptiH sochyate gatiH .
jagattasyaamavasthaayaamantastamasi liiyate .. 19..
saptaavasthaa imaaH proktaa mayaa j~naanasya vai dvija .
ekaikaa shatasa.nkhyaatra naanaavibhavaruupiNii .. 20..
imaa.n saptapadaa.n j~naanabhuumimaakarNayaanagha .
naanayaa j~naatayaa bhuuyo mohapa~Nke nimajjati .. 21..
vadanti bahubhedena vaadino yogabhuumikaaH .
mama tvabhimataa nuunamimaa eva shubhapradaaH .. 22..
avabodha.n vidurj~naana.n tadida.n saaptabhuumikam.h .
muktistu j~neyamityuktaa bhuumikaasaptakaatparam.h .. 23..
j~naanabhuumiH shubhechchhaakhyaa prathamaa samudaahR^itaa .
vichaaraNaa dvitiiyaa tu tR^itiiyaa tanumaanasii .. 24..
sattvaapattishchaturthii syaattato.asa.nsaktinaamikaa .
padaarthabhaavanaa shhashhThii saptamii turyagaa smR^itaa .. 25..
aasaamantasthitaa muktiryasyaaM bhuuyo na shochati .
etaasaaM bhuumikaanaa.n tvamida.n nirvachana.n shruNu .. 26..
sthitaH kiM muuDha evaasmi prekshe.aha.n shaastrasajjanaiH .
vairaagyapuurvamichchheti shubhechchhetyuchyate budhaiH .. 27..
shaastrasajjanasaMparkavairaagyaabhyaasapuurvakam.h .
sadaachaarapravR^ittiryaa prochyate saa vichaaraNaa .. 28..
vichaaraNaashubhechchhaabhyaamindriyaartheshhu raktataa .
yatra saa tanutaameti prochyate tanumaanasii .. 29..
bhuumikaatritayaabhyaasaachchitte tu viratervashaat.h .
sattvaatmani sthite shuddhe sattvaapattirudaahR^itaa .. 30..
dashaachatushhTayaabhyaasaadasa.nsargakalaa tu yaa .
ruuDhasattvachamatkaaraa proktaa sa.nsaktinaamikaa .. 31..
bhuumikaapa~nchakaabhyaasaatsvaatmaaraamatayaa dR^iDham.h .
aabhyantaraaNaaM baahyaanaaM padaarthaanaamabhaavanaat.h .. 32..
paraprayuktena chiraM prayatnenaavabodhanam.h .
padaarthabhaavanaa naama shhashhThii bhavati bhuumikaa .. 33..
bhuumishhaTkachiraabhyaasaadbhedasyaanupalambanaat.h .
yatsvabhaavaikanishhThatva.n saa j~neyaa turyagaa gatiH .. 34..
eshhaa hi jiivanmukteshhu turyaavastheti vidyate .
videhamuktivishhaya.n turyaatiitamataH param.h .. 35..
ye nidaagha mahaabhaagaaH saaptamiiM bhuumimaashritaaH .
aatmaaraamaa mahaatmaanaste mahatpadamaagataaH .. 36..
jiivanmuktaa na majjanti sukhaduHkharasasthite .
prakR^itenaatha kaaryeNa ki.nchitkurvanti vaa na vaa .. 37..
paarshvasthabodhitaaH santaH puurvaacharakramaagatam.h .
aachaaramaacharatyeva suptabuddhavadutthitaaH .. 38..
bhuumikaasaptaka.n chaitaddhiimataameva gocharam.h .
praapya j~naanadashaametaaM pashumlechchhaadayo.api ye .. 39..
sadehaa vaapyadehaa vaa te muktaa naatra sa.nshayaH .
j~naptirhi granthivichchhedastasminsati vimuktataa .. 40..
mR^igatR^ishhNaambubuddhyyaadishaantimaatraatmakastvasau .
ye tu mohaarNavaattiirNaastaiH praaptaM paramaM padam.h .. 41..
te sthitaa bhuumikaasvaasu svaatmalaabhaparaayaNaaH .
manaHprashamanopaayo yoga ityabhidhiiyate .. 42..
saptabhuumiH sa vij~neyaH kathitaastaashcha bhuumikaaH .
etaasaaM bhuumikaanaa.n tu gamaM brahmaabhidhaM padam.h .. 43..
tvattaahantaatmataa yatra parataa naasti kaachana .
na kvachidbhaavakalanaa na bhaavaabhaava gocharaa .. 44..
sarva.n shaanta.n niraalamba.n vyomastha.n shaashvata.n shivam.h .
anaamayamanaabhaasamanaamakamakaaraNam.h .. 45..
na sannasanna madhyaanta.n na sarva.n sarvameva cha .
manovachobhiragraahyaM puurNaatpuurNa.n sukhaatsukham.h .. 46..
asa.nvedanamaashaantamaatmavedanamaatatam.h .
sattaa sarvapadaarthaanaa.n naanyaa sa.nvedanaadR^ite .. 47..
saMbandhe drashhTR^idR^ishyaanaaM madhye dR^ishhTirhi yadvapuH .
drashhTR^idarshanadR^ishyaadivarjita.n tadidaM padam.h .. 48..
deshaaddesha.n gate chitte madhye yachchetaso vaouH .
ajaaDyasa.nvinmanana.n tanmayo bhava sarvadaa .. 49..
ajaagratsvapnanidrasya yatte ruupa.n sanaatanam.h .
achetana.n chaajaDa.n cha tanmayo bhava sarvadaa .. 50..
jaDataa.n varjayitvaikaa.n shilaayaa hR^idaya.n hi tat.h .
amanaskasvaruupa.n yattanmayo bhava sarvadaa .
chitta.n duure parityajya yo.asi so.asi sthiro bhava .. 51..
puurvaM manaH samuditaM paramaatmatattvaa\-
     ttenaatata.n jagadida.n savikalpajaalam.h .
shuunyena shuunyamapi vipra yathaambareNa
     niilatvamullasati chaarutaraabhidhaanam.h .. 52..
sa.nkalpasa.nkshayadgalite tu chitte
     sa.nsaaramohamihikaa galitaa bhavanti .
svachchha.n vibhaati sharadiiva khamaagataayaaM
     chinmaatramekamajamaadyamanantamantaH .. 53..
akartR^ikamara~Nga.n cha gagane chitramutthitam.h .
adrashhTR^ika.n svaanubhavamanidrasvapnadarshanam.h .. 54..
saakshibhuute same svachchhe nirvikalpe chidaatmani .
nirichchhaM pratibimbanti jaganti mukure yathaa .. 55..
ekaM brahma chidaakaasha.n sarvaatmakamakhaNDitam.h .
iti bhaavaya yatnena chetashchaa~nchalyashaantaye .. 56..
rekhoparekhaavalitaa yathaikaa piivarii shilaa .
tathaa trailokyavalitaM brahmaikamiha dR^ishyataam.h .. 57..
dvitiiyakaaraNaabhaavaadanutpannamida.n jagat.h .
j~naata.n j~naatavyamadhunaa dR^ishhTa.n drashhTavyamadbhutam.h .. 58..
vishraanto.asmi chira.n shraantashchinmaatraannaasti ki.nchana .
pashya vishraantasandeha.n vigataasheshhakautukam.h .. 59..
nirastakalpanaajaalamachittatvaM paraM padam.h .
ta eva bhuumataaM praaptaaH sa.nshaantaasheshhakilbishhaaH .. 60..
mahaadhiyaH shaantadhiyo ye yaataa vimanaskataam.h .
jantoH kR^itavichaarasya vigaladvR^ittichetasaH .. 61..
manana.n tyajato nitya.n ki.nchitpariNataM manaH .
dR^ishya.n santyajato heyamupaadeyamupeyushhaH .. 62..
drashhTaaraM pashyato nityamadrashhTaaramapashyataH .
vij~naatavye pare tattve jaagaruukasya jiivataH .. 63..
suptasya dhanasaMmohamaye sa.nsaaravartmani .
atyantapakvavairaagyaadaraseshhu raseshhvapi .. 64..
sa.nsaaravaasanaajaale khagajaala ivaadhunaa .
troTite hR^idayagranthau shlathe vairaagyara.nhasaa .. 65..
kaatakaM phalamaasaadya yathaa vaari prasiidati .
tathaa vij~naanavashataH svabhaavaH saMprasiidati .. 66..
niiraaga.n nirupaasa~Nga.n nirdvandva.n nirupaashrayam.h .
viniryaati mano mohaadviha~NgaH pa~njaraadiva .. 67..
shaantasandehadauraatmya.n gatakautukavibhramam.h .
paripuurNaantara.n chetaH puurNenduriva raajate .. 68..
naaha.n na chaanyadastiiha brahmaivaasmi niraamayam.h .
ittha.n sadastormadhyaadyaH pashyati sa pashyati .. 69..
ayatnopateshhvakshidR^igdR^ishyeshhu yathaa manaH .
niiraagameva patati tadvatkaaryeshhu dhiiradhiiH .. 70..
parij~naayopabhukto hi bhogo bhavati tushhTaye .
vij~naaya sevitashchoro maitriimeti na chorataam.h .. 71..
asha~Nkitaapi saMpraaptaa graamayaatraa yathaadhvagaiH .
prekshyate tadvadeva j~nairbhogashriiravalokyate .. 72..
manaso nigR^ihiitasya liilaabhogo.alpako.api yaH .
tamevaalabdhavistaara.n klishhTatvaadbahu manyate .. 73..
baddhamukto mahiipaalo graasamaatreNa tushhyati .
parairabaddho naakraanto na raashhTraM bahu manyate .. 74..
hasta.n hatena saMpiiDya dantairdantaanvichuurNya cha .
a~Ngaanya~Ngairivaakramya jayedaadau svakaM manaH .. 75..
manaso vijayaannaanyaa gatirasti bhavaarNave .
mahaanarakasaamraajye mattadushhkR^itavaaraNaaH .. 76..
aashaasharashalaakaaDhyaa durjayaa hiindriyaarayaH .
prakshiiNachittadarpasya nigR^ihiitendriyadvishhaH .. 77..
padminya iva hemante kshiiyante bhogavaasanaaH .
taavannishiiva vetaalaa vasanti hR^idi vaasanaaH .
ekatattvadR^iDhaabhyaasaadyaavanna vijitaM manaH .. 78..
bhR^ityo.abhimatakartR^itvaanmantrii sarvaarthakaaraNaat.h .
saamantashchendriyaakraantermano manye vivekinaH .. 79..
laalanaatsnigdhalalanaa paalaanaatpaalakaH pitaa .
suhR^iduttamavinyaasaanmano manye maniishhiNaH .. 80..
svaalokataH shaastradR^ishaa svabuddhyaa svaanubhaavataH .
prayachchhati paraa.n siddhi.n tyaktvaatmaanaM manaHpitaa .. 81..
suhR^ishhTaH sudR^iDhaH svachchhaH sukraantaH suprabodhitaH .
svaguNenorjito bhaati hR^idi hR^idyo manomaNiH .. 82..
enaM manomaNiM brahmanbahupa~Nkakala~Nkitam.h .
vivekavaariNaa siddhyai prakshaalyaalokavaanbhava .. 83..
vivekaM paramaashritya buddhyaa satyamavekshya cha .
indriyaariinala.n chhittvaa tiirNo bhava bhavaarNavaat.h .. 84..
aasthaamaatramanantaanaa.n duHkhaanaamaakara.n viduH .
anaasthaamaatramabhitaH sukhaanaamaalaya.n viduH .. 85..
vaasanaatantubaddho.aya.n loko viparivartate .
saa prasiddhaatiduHkhaaya sukhaayochchhedamaagataa .. 86..
dhiiro.apyatibahuj~no.api kulajo.api mahaanapi .
tR^ishhNayaa badhyate jantuH si.nhaH shR^i~Nkhalayaa yathaa .. 87..
paramaM paurushha.n yatnamaasthaadaaya sR^idyamam.h .
yathaashaastramanudvegamaacharanko na siddhibhaak.h .. 88..
aha.n sarvamida.n vishvaM paramaatmaahamachyutaH .
naanyadastiiti sa.nvittyaa paramaa saa hyaha~NkR^itiH .. 89..
sarvasmaadvyatirikto.aha.n vaalaagraadapyaha.n tanuH .
iti yaa sa.nvido brahmandvitiiyaaha~NkR^itiH shubhaa .. 90..
mokshaayaishhaa na bandhaaya jiivanmuktasya vidyate .. 91..
paaNipaadaadimaatro.ayamahamityeshha nishchayaH .
aha.nkaarastR^itiiyo.asau laikikastuchchha eva saH .. 92..
jiiva eva duraatmaasau kandaH sa.nsaaradustaroH .
anenaabhihato janturadho.adhaH paridhaavati .. 93..
anayaa duraha.nkR^ityaa bhaavaatsa.ntyaktayaa chiram.h .
shishhTaaha.nkaaravaa~njantuH shamavaanyaati muktataam.h .. 94..
prathamau dvaavaha.nkaaraava~NgiikR^itya tvalaukikau .
tR^itiiyaaha.nkR^itistyaajyaa laukikii duHkhadaayinii .. 95..
atha te api sa.ntyajya sarvaaha.nkR^itivarjitaH .
sa tishhThati tathaatyuchchaiH paramevaadhirohati .. 96..
bhogechchhaamaatrako bandhastattyaago moksha uchyate .
manaso.abhyudayo naasho manonaasho mahodayaH .. 97..
j~namano naashamabhyeti mano.aj~nasya hi shR^i~Nkhalaa .
naananda.n na niraananda.n na chala.n naachala.n sthiram.h .
na sannaasanna chaiteshhaaM madhya.n j~naanimano viduH .. 98..
yathaa saukshmyaachchidaabhaasya aakaasho nopalakshyate .
tathaa nira.nshashchidbhaavaH sarvago.api na lakshyate .. 99..
sarvasa.nkalparahitaa sarvasa.nj~naavivarjitaa .
saishhaa chidavinaashaatmaa svaatmetyaadikR^itaabhidhaa .. 100..
aakaashashatabhaagaaNchhaa j~neshhu nishhkalaruupiNii .
sakalaamalasa.nsaarasvaruupaikaatmadarshinii .. 101..
naastameti na chodeti nottishhThati na tishhThati .
na cha yaati na chaayaati na cha neha na cheha chit.h .. 102..
saishhaa chiyamalaakaaraa nirvikalpaa niraaspadaa .. 103..
aadau shamadamapraayairguNaiH shishhya.n vishodhayet.h .
pashchaatsarvamidaM brahma shuddhastvamiti bodhayet.h .. 104..
aj~nasyaardhaprabuddhasya sarvaM brahmeti yo vadet.h .
mahaanarakajaaleshhu sa tena viniyojitaH .. 105..
prabuddhabuddheH prakshiiNabhogechchhasya niraashishhaH .
naastyavidyaamalamiti praaj~nastuupadishedguruH .. 106..
sati diipa ivaalokaH satyarka iva vaasaraH .
sati pushhpa ivaamodashchiti satya.n jagattathaa .. 107..
pratibhaasata eveda.n na jagatparamaarthataH .
j~naanadR^ishhTau prasannaayaaM prabodhavitatodaye .. 108..
yathaavajj~naasyasi svastho madvaagvR^ishhTibalaabalam.h .
avidyayaivottamayaa svaarthanaashodyamaarthayaa .. 109..
vidyaa saMpraapyate brahmansarvadoshhaapahaariNii .
shaamyati hyastramastreNa malena kshaalyate malam.h .. 110..
shama.n vishha.n vishheNaiti ripuNaa hanyate ripuH .
iidR^ishii bhuutamaayeya.n yaa svanaashena harshhadaa .. 111..
na lakshyate svabhaavo.asyaa viikshyamaaNaiva nashyati .
naastyeshhaa paramaarthenetyevaM bhaavanayeddhayaa .. 112..
sarvaM brahmeti yasyaantarbhaavanaa saa hi muktidaa .
bhedadR^ishhTiravidyeya.n sarvathaa taa.n visarjayet.h .. 113..
mune naasaadyate taddhi padamakshayamuchyate .
kuto jaateyamiti te dvija maastu vichaaraNaa .. 114..
imaa.n kathamaha.n hanmiityeshhaa te.astu vichaaraNaa .
asta.n gataayaa.n kshiiNaayaamasyaa.n j~naasyasi tatpadam.h .. 115..
yata eshhaa yathaa chaishhaa yathaa nashhTetyakhaNDitam.h .
tadasyaa rogashaalaayaa yatna.n kuru chikitsane .. 116..
yathaishhaa janmaduHkheshhu na bhuuyastvaa.n niyokshyati .
svaatmani svaparispandaiH sphuratyachchhaishchidarNavaH .. 117..
ekaatmakamakhaNDa.n tadityantarbhaavyataa.n dR^iDham.h .
ki.nchitkshubhitaruupaa saa chichchhaktishchinmayaarNave.. 118..
tanmayaiva sphuratyachchhaa tatraivormirivaarNave .
aatmanyevaatmanaa vyomni yathaa sarasi maarutaH .. 119..
tathaivaatmaatmashaktyaiva svaatmanyevaiti lolataam.h .
kshaNa.n sphurati saa devii sarvashaktitayaa tathaa .. 120..
deshakaalakriyaashaktirna yasyaaH saMprakarshhaNe .
svasvabhaava.n viditvochchairapyanantapade sthitaa .. 121..
ruupaM parimitenaasau bhaavayatyavibhaavitaa .
yadaivaM bhaavita.n ruupa.n tayaa paramakaantayaa .. 122..
tadaivainaamanugataa naamasa.nkhyaadikaa dR^ishaH .
vikalpakalitaakaara.n deshakaalakriyaaspadam.h .. 123..
chito ruupamidaM brahmankshetraj~na iti kathyate .
vaasanaaH kalpayanso.api yaatyaha.nkaarataaM punaH .. 124..
aha~Nkaaro vinirNetaa kala~Nkii buddhiruchyate .
buddhiH sa.nkalpitaakaaraa prayaati mananaaspadam.h .. 125..
mano ghanavikalpa.n tu gachchhatiindriyataa.n shanaiH .
paaNipaadamaya.n dehamindriyaaNi vidurbudhaaH .. 126..
eva.n jiivo hi sa.nkalpavaasanaarajjuveshhTitaH .
duHkhajaalapariitaatmaa kramaadaayaati niichataam.h .. 127..
iti shaktimaya.n cheto ghanaaha.nkaarataa.n gatam.h .
koshakaarakrimiriva svechchhayaa yaati bandhanam.h .. 128..
svaya.n kalpita tanmaatraajaalabhyantaravarti cha .
paraa.n vivashataameti shR^i~Nkhalaabaddhasi.nhavat.h .. 129..
kvachinmanaH kvachidbuddhiH kvachijj~naana.n kvachitkriyaa .
kvachidetadaha.nkaaraH kvachichchittamiti smR^itam.h .. 130..
kvachitprakR^itirityukta.n kvachinmaayeti kalpitam.h .
kvachinmalamiti prokta.n kvachitkarmeti sa.nsmR^itam.h .. 131..
kvachidbandha iti khyaata.n kvachitpuryashhTaka.n smR^itam.h .
prokta.n kvachidavidyeti kvachidichchheti saMmatam.h .. 132..
iama.n sa.nsaaramakhilamaashaapaashavidhaayakam.h .
dadhadantaHphalairhiina.n vaTadhaanaa vaTa.n yathaa .. 133..
chintaanalashikhaadagdha.n kopaajagaracharvitam.h .
kaamaabdhikallolarata.n vismR^itaatmapitaamaham.h .. 134..
samuddhara mano brahmanmaata~Ngamiva kardamaat.h .
eva.n jiivaashritaa bhaavaa bhavabhaavanayaahitaaH .. 135..
brahmaNaa kalpitaakaaraa lakshasho.apyatha koTishaH .
sa.nkhyaatiitaaH puraa jaataa jaayante.adyaapi chaabhitaH .. 136..
utpatsyante.api chaivaanye kaNaughaa iva nirjharaat.h .
kechitprathamajanmaanaH kechijjanmashataadhikaaH .. 137..
kechichchaasa.nkhyajanmaanaH kechiddvitribhavaantaraaH .
kechitkinnaragandharvavidyaadharamahoragaaH .. 138..
kechidarkenduvaruNaastryakshaadhokshajapadmajaaH .
kechidbrahmaNabhuupaalavaishyashuudragaNaaH sthitaaH .. 139..
kechittR^iNaushhadhiivR^ikshaphalamuulapata~NgakaaH .
kechitkadambajambiirasaalataalatamaalakaaH .. 140..
kechinmahendramalayasahyamandarameravaH .
kechitkshaarodadhikshiiraghR^itekshujalaraashayaH .. 141..
kechidvishaalaaH kukubhaH kechinnadyo mahaarayaaH .
vihaayasyuchchakaiH kechinnipatantyutpatanti cha .. 142..
kantukaa iva hastena mR^ityunaa.avirata.n hataaH .
bhuktvaa janmasahasraaNi bhuuyaH sa.nsaarasa.nkaTe .. 143..
patanti kechidabudhaaH saMpraapyaapi vivekataam.h .
dikkaalaadyanavachchhinnamaatmatattva.n svashaktitaH .. 144..
liilayaiva yadaadatte dikkaalakalita.n vapuH .
tadeva jiivaparyaayavaasanaaveshataH param.h .. 145..
manaH saMpadyate lola.n kalanaakalanonmukham.h .
kalayantii manaHshaktiraadau bhaavayati kshaNaat.h .. 146..
aakaashabhaavanaamachchhaa.n shabdabiijarasonmukhiim.h .
tatastadghanataa.n yaata.n ghanaspandakramaanmanaH .. 147..
bhaavayatyanilaspanda.n sparshabiijarasonmukham.h .
taabhyaamaakaashavaataabhyaa.n dR^iDhaabhyaasavashaattataH .. 148..
shabdasparshasvaruupaabhyaa.n sa.ngharshhaajjanyate.analaH .
ruupatanmaatrasahita.n tribhistaiH saha saMmitam.h .. 149..
manastaaddR^igguNagata.n rasatanmaatravedanam.h .
kshaNaachchetatyapaa.n shaitya.n jalasa.nvittato bhavet.h .. 150..
tatastaadR^igguNagataM mano bhaavayati kshaNaat.h .
gandhatanmaatrametasmaadbhuumisa.nvittato bhavet.h .. 151..
athetthaMbhuutatanmaatraveshhTita.n tanutaa.n jahat.h .
vapurvahnikaNaakaara.n sphurita.n vyomni pashyati .. 152..
aha.nkaarakalaayuktaM buddhibiijasamanvitam.h .
tatpuryashhTakamityuktaM bhuutahR^itpadmashhaTpadam.h .. 153..
tasmi.nstu tiivrasa.nvegaadbhaavayadbhaasura.n vapuH .
sthuulataameti paakena mano bilvaphala.n yathaa .. 154..
muushhaasthadrutahemaabha.n sphurita.n vimalaambare .
sa.nniveshamathaadatte tattejaH svasvabhaavataH .. 155..
uurdhva.n shiraHpiNDamayamadhaH paadamaya.n tathaa .
paarshvayorhastasa.nsthaanaM madhye chodaradharmiNam.h .. 156..
kaalena sphuTataametya bhavatyamalavigraham.h .
buddhisattvabalotsaahavij~naanaishvaryasa.nsthitaH .. 157..
sa eva bhagavaanbrahmaa sarvalokapitaamahaH .
avalokya vapurbrahmaa kaantamaatmiiyamuttamam.h .. 158..
chintaamabhyetya bhagavaa.nstrikaalaamaladarshanaH .
etasminparamaakaashe chinmaatraikaatmaruupiNii .. 159..
adR^ishhTapaaraparyante prathama.n kiM bhavediti .
iti chintitavaanbrahmaa sadyo jaataamalaatmadR^ik.h .. 160..
apashyatsargavR^indaani samatiitaanyanekashaH .
smaratyatho sa sakalaansarvadharmaguNakramaat.h .. 161..
liilayaa kalpayaamaasa chitraaH sa.nkalpataH prajaaH .
naanaachaarasamaarambhaa gandharvanagara.n yathaa .. 162..
taasaa.n svargaapavargaartha.n dharmakaamaarthasiddhaye .
anantaani vichitraaNi shaastraaNi samakalpayat.h .. 163..
vira~nchiruupaanmanasaH kalpitatvaajjagatsthiteH .
taavatsthitiriyaM proktaa tannaashe naashamaapnuyaat.h .. 164..
na jaayate na mriyate kvachitki.nchitkadaachana .
paramaarthena viprendra mithyaa sarva.n tu dR^ishyate .. 165..
koshamaashaabhuja~Ngaanaa.n sa.nsaaraaDaMbara.n tyaja .
asadetaditi j~naatvaa maatR^ibhaava.n niveshaya .. 166..
gandharvanagarasyaarthe bhuushhite.abhuushhite tathaa . 
avidyaa.nshe sutaadau vaa kaH kramaH sukhaduHkhayoH .. 167..
dhanadaareshhu vR^iddheshhu duHkhayukta.n na tushhTataa .
vR^iddhaayaaM mohamaayaayaa.n kaH samaashvaasavaaniha .. 168..
yaireva jaayate raago muurkhasyaadhikataa.n gataiH .
taireva bhaagaiH praaj~nasya viraaga upajaayate .. 169..
ato nidaagha tattvaj~na vyavahaareshhu sa.nsR^iteH .
nashhTa.n nashhTamupekshasva praaptaM praaptamupaahara .. 170..
anaagataanaaM bhogaanaamavaa~nchhanamakR^itrimam.h .
aagataanaa.n cha saMbhoga iti paNDitalakshaNam.h .. 171..
shuddha.n sadasatormadhyaM padaM buddhvaavalaMbya cha .
sabaahyaabhyantara.n dR^ishyaM maa gR^ihaaNa vimu~ncha maa .. 172..
yasya chechchhaa tathaanichchhaa j~nasya karmaNi tishhThataH .
na tasya lipyate praj~naa padmapatramivaambubhiH .. 173..
yadi te nendriyaarthashriiH spandate hR^idi vai dvija .
tadaa vij~naatavij~neyaa samuttiirNo bhavaarNavaat.h .. 174..
uchchaiHpadaaya parayaa praj~nayaa vaasanaagaNaat.h .
pushhpaadgandhamapohyaara.n chetovR^ittiM pR^ithakkuru .. 175..
sa.nsaaraambunidhaavasminvaasanaambupariplute .
ye praj~naanaavamaaruuDhaaste tiirNaaH paNDitaaH pare .. 176..
na tyajanti na vaa~nchhanti vyavahaara.n jagadgatam.h .
sarvamevaanuvartante paaraavaaravido janaaH .. 177..
anantasyaatmatattvasya sattaasaamaanyaruupiNaH .
chitashchetyonmukhatva.n yattatsa.nkalpaa~Nkura.n viduH .. 178..
leshataH praaptasattaakaH sa eva ghanataa.n shanaiH .
yaati chittatvamaapuurya dR^iDha.n jaaDyaaya meghavat.h .. 179..
bhaavayanti chitishchaitya.n vyatiriktamivaatmanaH .
sa.nkalpataamivaayaati biijama~Nkurataamiva .. 180..
sa.nkalpana.n hi sa.nkalpaH svayameva prajaayate .
vardhate svayamevaashu duHkhaaya na sukhaaya yat.h .. 181..
maa sa.nkalpaya sa.nkalpaM maa bhaavaM bhaavaya sthitau .
sa.nkalpanaashane yatto na bhuuyo.ananugachchhati .. 182..
bhaavanaabhaavamaatreNa sa.nkalpaH kshiiyate svayam.h .
sa.nkalpenaiva sa.nkalpaM manasaiva mano mune .. 183..
chhittvaa svaatmani tishhTha tva.n kimetaavati dushhkaram.h .
yathaiveda.n nabhaH shuunya.n jagachchhuunya.n tathaiva hi .. 184..
taNDulasya yathaa charma yathaa taamrasya kaalimaa .
nashyati kriyayaa vipra purushhasya tathaa malam.h .. 185..
jiivasya taNDulasyeva mala.n sahajamapyalam.h .
nashyatyeva na sandehastasmaadudyogavaanbhavet.h .. 186..
iti mahopanishhat.h .. iti pa~nchamo.adhyaayaH .. 5..
antaraasthaaM parityajya bhaavashriiM bhaavanaamayiim.h .
yo.asi so.asi jagatyasmi.nlliilayaa viharaanagha .. 1..
sarvatraahamakarteti dR^iDhabhaavanayaanayaa .
paramaamR^itanaamnii saa samataivaavashishhyate .. 2..
khedollaasavilaaseshhu svaatmakartR^itayaikayaa .
svasa.nkalpe kshaya.n yaate samataivaavashishhyate .. 3..
samataa sarvabhaaveshhu yaasau satyaparaa sthitiH .
tasyaamavasthita.n chitta.n na bhuuyo janmabhaagbhavet.h .. 4..
athavaa sarvakartR^itvamakartR^itva.n cha vai mune .
sarva.n tyaktvaa manaH piitvaa yo.asi so.asi sthiro bhava .. 5..
sheshhasthiro samaadhaano yena tyajasi tattyaja .
chinmanaHkalanaakaaraM prakaashatimiraadikam.h .. 6..
vaasanaa.n vaasitaara.n cha praaNaspandanapuurvakam.h .
samuulamakhila.n tyaktvaa vyomasaamyaH prashaantadhiiH .. 7..
hR^idayaatsaMparityajya sarvavaasanapa~NktayaH .
yastishhThati gatavyagraH sa muktaH parameshvaraH .. 8..
dR^ishhTa.n drashhTavyamakhilaM bhraantaM bhraantyaa disho dasha .
yuktyaa vai charato j~nasya sa.nsaaro goshhpadaakR^itiH .. 9..
sabaahyaabhyantare dehe hyadha uurdhva.n cha dikshu cha .
ita aatmaa tato.apyaatmaa naastyanaatmamaya.n jagat.h .. 10..
na tadasti na yatraaha.n na tadasti na tanmayam.h .
kimanyadabhivaa~nchhaami sarva.n sachchinmaya.n tatam.h .. 11..
samasta.n khalvidaM brahma sarvamaatmedamaatatam.h .
ahamanya ida.n chaanyaditi bhraanti.n tyajaanagha .. 12..
tate brahmaghane nitye saMbhavanti na kalpitaaH .
na shoko.asti na moho.asti na jaraasti na janma vaa .. 13..
yadastiiha tadevaasti vijvaro bhava sarvadaa .
yathaapraaptaanubhavataH sarvatraanabhivaa~nchhanaat.h .. 14..
tyaagaadaanaparityaagii vijvaro bhava sarvadaa .
yasyeda.n janma paashchaatya.n tamaashveva mahaamate .. 15..
vishanti vidyaa vimalaa muktaa veNumivottamam.h .
viraktamanasaa.n samyaksvaprasa~NgaadudaahR^itam.h .. 16..
drashhTurdR^ishyasamaayogaatpratyayaanandanishchayaH .
yasta.n svamaatmatattvottha.n nishhpanda.n samupaasmahe .. 17..
drashhTR^idarshanadR^ishyaani tyaktvaa vaasanayaa saha .
darshanapratyayaabhaasamaatmaana.n samupaasmahe .. 18..
dvayormadhyagata.n nityamastinaastiiti pakshayoH .
prakaashanaM prakaashaanaamaatmaana.n samupaasmahe .. 19..
santyajya hR^idguheshaana.n devamanyaM prayaanti ye .
te ratnamabhivaa~nchhanti tyaktahastasthakaustubhaaH .. 20..
utthitaanutthitaanetaanindriyaariinpunaH punaH .
hanyaadvivekadaNDena vajreNeva harirgiriin.h .. 21..
sa.nsaararaatriduHsvapne shuunye dehamaye bhrame .
sarvamevaapavitra.n taddR^ishhTa.n sa.nsR^itivibhramam.h .. 22..
aj~naanopahato baalye yauvane vanitaahataH .
sheshhe kalatrachintaartaH ki.n karoti naraadhamaH .. 23..
sato.asattaa sthitaa muurdhni ramyaaNaaM muurdhnyaramyataa .
sukhaanaaM muurdhniduHkhaani kimeka.n sa.nshrayaamyaham.h .. 24..
yeshhaa.n nimeshhaNaameshhau jagataH pralayodayau .
taadR^ishaaH purushhaa yaanti maadR^ishaa.n gaNanaiva kaa .. 25..
sa.nsaara eva duHkhaanaa.n siimaanta iti kathyate .
tanmadhye patite dehe sukhamaasaadyate katham.h .. 26..
prabuddho.asmi prabuddho.asmi dushhTashchoro.ayamaatmanaH .
mano naama nihanmyenaM manasaasmi chira.n hR^itaH .. 27..
maa khedaM bhaja heyeshhu nopaadeyaparo bhava .
heyaadeyaadR^ishau tyaktvaa sheshhasthaH susthiro bhava .. 28..
niraashataa nirbhayataa nityataa samataa j~nataa .
niriihataa nishhkriyataa saumyataa nirvikalpataa .. 29..
dhR^irmaitrii manastushhTirmR^idutaa mR^idubhaashhitaa .
heyopaadeyanirmukte j~ne tishhThantyapavaasanam.h .. 30..
gR^ihiitatR^ishhNaashabariivaasanaajaalamaatatam.h .
sa.nsaaravaariprasR^ita.n chintaatantubhiraatatam.h .. 31..
anayaa tiikshNayaa taata chhindhi buddhishalaakayaa .
vaatyayevaambuda.n jaala.n chhittvaa tishhTha tate pade .. 32..
manasaiva manashchhittvaa kuThaareNeva paadapam.h .
padaM paavanamaasaadya sadya eva sthiro bhava .. 33..
tishhThangachchhantsvapa~njaagrannivasannutpatanpatan.h .
asadevedamityanta.n nishchityaastaaM parityaja .. 34..
dR^ishyamaashrayasiida.n chettatsachchito.asi bandhavaan.h .
dR^ishya.n santyajasiida.n chettadaa.achitto.asi mokshavaan.h .. 35..
naaha.n nedamiti dhyaaya.nstishhTha tvamachalaachalaH .
aatmano jagatashchaantardrashhTR^idR^ishyadashaantare .. 36..
darshanaakhya.n svamaatmaana.n sarvadaa bhaavayanbhava .
svaadyasvaadakasa.ntyakta.n svaadyasvaadakamadhyagam.h .. 37..
svadana.n kevala.n dhyaayanparamaatmamayo bhava .
avalambya niraalambaM madhyemadhye sthiro bhava .. 38..
rajjubaddhaa vimuchyante tR^ishhNaabaddhaa na kenachit.h .
tasmaannidaagha tR^ishhNaa tva.n tyaja sa.nkalpavarjanaat.h .. 39..
etaamahaMbhaavamayiipapuNyaa.n 
        chhittvaanahaMbhaava shalaakayaiva ..
svabhaavajaaM bhavyabhavantabhuumau 
        bhava prashaantaakhilabhuutabhiitiH .. 40.. 
ahameshhaaM padaarthaanaamete cha mama jiivitam.h .
naahamebhirvinaa ki.nchinna mayaite vinaa kila .. 41..
ityantarnishchaya.n tyaktvaa vichaarya manasaa saha .
naahaM padaarthasya na me padaartha iti bhaavite .. 42..
antaHshiitalayaa buddhyaa kurvato liilayaa kriyaam.h .
yo nuuna.n vaasanaatyaago dhyeyo brahmanprakiirtitaH .. 43..
sarva.n samatayaa buddhyaa yaH kR^itvaa vaasanaakshayam.h .
jahaati nirmamo deha.n neyo.asau vaasanaakshayaH .. 44..
aha.nkaaramayii.n tyaktvaa vaasanaa.n liilayaiva yaH .
tishhThati dhyeyasa.ntyaagii sa jiivanmukta uchyate .. 45..
nirmuula.n kalanaa.n tyaktvaa vaasanaa.n yaH shama.n gataH .
j~neya.n tyaagamima.n viddhi mukta.n taM braahmaNottamam.h .. 46..
dvaavetau brahmataa.n yaatau dvaavetau vigatajvarau .
aapatatsu yathaakaala.n sukhaduHkheshhvanaaratau .
sa.nnyaasiyoginau daantau viddhi shaantau muniishvara .. 47..
iipsitaaniipsite na sto yasyaantarvartidR^ishhTishhu .
sushhuptavadyashcharati sa jiivanmukta uchyate .. 48..
harshhaamarshhabhayakrodhakaamakaarpaNyadR^ishhTibhiH .
na hR^ishhyati glaayati yaH paraamarshavivarjitaH .. 49..
baahyaarthavaasanodbhuutaa tR^ishhNaa baddheti kathyate .
sarvaarthavaasanonmuktaa tR^ishhNaa mukteti bhaNyate .. 50..
idamastu mametyantamichchhaaM praarthanayaanvitaam.h .
taa.n tiikshNaa.n shR^i~Nkhalaa.n viddhi duHkhajanmabhayapradaam.h .. 51..
taametaa.n sarvabhaaveshhu satsvasatsu cha sarvadaa .
sa.ntyajya paramodaaraM padameti mahaamanaaH .. 52..
bandhaasthaamatha mokshaasthaa.n sukhaduHkhadashaamapi .
tyaktvaa sadasadaasthaa.n tva.n tishhThaakshubdhamahaabdhivat.h .. 53..
jaayate nishchayaH saadho purushhasya chaturvidhaH .. 54..
aapaadamastakamahaM maataapitR^ivinirmitaH .
ityeko nishchayo brahmanbandhaayaasavilokanaat.h .. 55..
atiitaH sarvabhaavebhyo vaalaagraadapyaha.n tanuH .
iti dvitiiyo mokshaaya nishchayo jaayate sataam.h .. 56..
jagajjaala padaarthaatmaa sarva evaahamakshayaH .
tR^itiiyo nishchayashchokto mokshaayaiva dvijottama .. 57..
aha.n jagadvaa sakala.n shuunya.n vyoma sama.n sadaa .
evameshha chaturtho.api nishchayo mokshasiddhidaH .. 58..
eteshhaaM prathamaH proktastR^ishhNayaa bandhayogyayaa .
shuddhatR^ishhNaastrayaH svachchhaa jiivanmuktaa vilaasinaH .. 59..
sarva.n chaapyahameveti nishchayo yo mahaamate .
tamaadaaya vishhaadaaya na bhuuyo jaayate matiH .. 60..
shuunya.n tatprakR^itirmaayaa brahmavij~naanamityapi .
shivaH purushha iishaano nityamaatmeti kathyate .. 61..
dvaitaadvaitasamudbhuutairjagannirmaaNaliilayaa .
paramaatmamayiishaktiradvaitaiva vijR^imbhate .. 62..
sarvaatiitapadaalambii paripuurNaikachinmayaH .
nodvegii na cha tushhTaatmaa sa.nsaare naavasiidati .. 63..
praaptakarmakaro nitya.n shatrumitrasamaanadR^ik.h .
iihitaaniihitairmukto na shochati na kaa~Nkshati .. 64..
sarvasyaabhimata.n vaktaa choditaH peshaloktimaan.h .
aashayaj~nashcha bhuutaanaa.n sa.nsaare naavasiidati .. 65..
puurvaa.n dR^ishhTimavashhTabhya dhyeyatyaagavilaasiniim.h .
jiivanmuktatayaa svastho loke vihara vijvaraH .. 66..
antaHsa.ntyaktasarvaasho viitaraago vivaasanaH .
bahiHsarvasamaachaaro loke vihara vijvaraH .. 67..
bahiHkR^itrimasa.nraMbho hR^idi sa.nrambhavarjitaH .
kartaa bahirakartaantarloke vihara shuddhadhiiH .. 68..
tyaktaaha.nkR^itiraashvastamatiraakaashashobhanaH .
agR^ihiitakala~Nkaa~Nko loke vihara shuddhadhiiH .. 69..
udaaraH peshalaachaaraH sarvaachaaraanuvR^ittimaan.h .
antaHsa~Ngaparityaagii bahiHsaMbhaaravaaniva .
antarvairaagyamaadaaya bahiraashonmukhehitaH .. 70..
ayaM bandhuraya.n neti gaNanaa laghuchetasaam.h .
udaaracharitaanaa.n tu vasudhaiva kuTumbakam.h .. 71..
bhaavaabhaavavinirmukta.n jaraamaraNavarjitam.h .
prashaantakalanaarabhya.n niiraagaM padamaashraya .. 72..
eshhaa braahmii sthitiH svachchhaa nishhkaamaa vigataamayaa .
aadaaya viharanneva.n sa.nkaTeshhu na muhyati .. 73..
vairaagyeNaatha shaastreNa mahattvaadiguNairapi .
yatsa.nkalpaharaartha.n tatsvayamevonnayenmanaH .. 74..
vairaagyaatpuurNataameti mano naashavashaanugam.h .
aashayaa raktataameti sharadiiva saro.amalam.h .. 75..
tameva bhuktivirasa.n vyaapaaraughaM punaH punaH .
divasedivase kurvanpraaj~na kasmaanna lajjate .. 76..
chichchaityakalito bandhastanmuktau muktiruchyate .
chidachaityaa kilaatmeti sarvasiddhaantasa.ngrahaH .. 77..
etannishchayamaadaaya vilokaya dhiyeddhayaa .
svayamevaatmanaatmaanamaanandaM padamaapsyasi .. 78..
chidaha.n chidime lokaashchidaashaashchidimaaH prajaaH .
dR^ishyadarshananirmuktaH kevalaamalaruupavaan.h .. 79..
nityodito niraabhaaso drashhTaa saakshii chidaatmakaH .. 80..
chaityanirmuktachidruupaM puurNajyotiHsvaruupakam.h .
sa.nshaantasarvasa.nvedya.n sa.nvinmaatramahaM mahat.h .. 81..
sa.nshaantasarvasa.nkalpaH prashaantasakaleshhaNaH .
nirvikalpapada.n gatvaa svastho bhava muniishvara .. 82.. iti .
ya imaaM mahopanishhadaM braahmaNo nityamadhiite .
ashrotriyaH shrotriyo bhavati . anupaniita upaniito bhavati .
so.agnipuuto bhavati . sa vaayupuuto bhavati . sa somapuuto bhavati .
sa satyapuuto bhavati . sa sarvapuuto bhavati . sa sarvardevairj~naato bhavati .
sa sarveshhu tiirtheshhu snaato bhavati . sa sarvairdevairanudhyaato bhavati .
sa sarvakratubhirishhTavaanbhavati . gaayatryaaH shhashhTisahasraaNi 
japtaani phalaani bhavanti . itihaasapuraaNaanaa.n shatasahasraaNi japtaani 
phalaani bhavanti . praNavaanaamayuta.n japtaM bhavati . 
aachakshushhaH pa~NktiM punaati . aasaptamaanpurushhayugaanpunaati .
ityaaha bhagavaan hiraNyagarbhaH . japyenaamR^itattva.n cha 
gachchhatiityupanishhat.h . .. iti shhashhTho.adhyaayaH .. 6..
AUM aapyaayantu mamaa~Ngaani vaakpraaNashchakshuH shrotramatho
balamindriyaaNi cha .. sarvaaNi sarvaM brahmopanishhadaM maahaM
brahma niraakuryaaM maa maa brahma niraakarodaniraakaraNama\-
stvaniraakaraNaM mestu tadaatmani nirate ya upanishhatsu dharmaaste
mayi santu te mayi santu .. AUM shaantiH shaantiH shaantiH ..
iti mahopanishhatsamaaptaa..
##
\medskip\hrule\obeylines
Encoded by Sunder Hattangadi (sunderh@hotmail.com)
{\rm Please send corrections to sanskrit@cheerful.com}
{\rm Last updated \today}
\end{document}