%@@1 % File name : krishnopan.itx %-------------------------------------------- % Text title : kR^iShNopaniShat % Author : % Language : Sanskrit % Subject : philosophy/hinduism/religion % Description/comments : % Transliterated by : H.P. Raghunandan hpraghu@genius.tisl.soft.net % Proofread by : H.P. Raghunandan hpraghu@genius.tisl.soft.net % OR Shrisha Rao shrao@nyx.net OR Vijay S. Pai vijaypai@rice.edu}} % Translation by : % Latest update : April 23, 1996 % Send corrections to : sanskrit@cheerful.com % % Special Instructions: % i1h.hdr,ijag.inc,itrans.sty,multicol.sty,iarticle.sty % Transliteration scheme: ITRANS 5.2 % Site access : % http://sanskritdocuments.org % http://sanskrit.gde.to/ %----------------------------------------------------- % The text is to be used for personal studies and research only. % Any use for commercial purpose is prohibited as a 'gentleman's' % agreement. % @@2 % % Commands upto engtitle are % needed for devanaagarii output and formatting. %-------------------------------------------------------- \documentstyle[11pt,multicol,itrans]{article} %\documentclass[11pt]{article} %\usepackage{multicol} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Krishna Upanishad ..}## \itxtitle{.. kR^iShNopaniShat ..}##\endtitles ## .. shrI gurubhyo namaH hariH OM .. yo rAmaH kR^iShNatAmetya sArvAtmyaM prApya lIlayA . atoShayaddevamaunipaTalaM taM nato.asmyaham.h .. 1.. OM bhadraM karNebhiH shR^iNuyAma devAH bhadraM pashyemAkShabhiryajatrAH . sthirairaN^gaistuShTuvA.nsastanUbhirvyashema devahitaM yadAyuH . svasti na indro vR^iddhashravAH svasti naH pUShA vishvavedAH . svasti nastArkShyo.ariShTanemiH svasti no bR^ihaspatirdadhAtu . OM shAntiH shAntiH shAntiH . .. atha prathama kha.nDaH .. hariH AUM . shrImahAviShNuM sachchidAnandalaxaNaM rAmachandraM dR^iShTvA sarvAN^gasundaraM munayo vanavAsino vismitA babhUvuH . taM hochurno.avadyamavatArAnvai gaNyante AliN^gAmo bhavantamiti . bhavAntare kR^iShNAvatAre yUyaM gopikA bhUtva mAmAliN^gatha anye ye.avatArAste hi gopA na strIshcha no kuru . anyonyavigrahaM dhAryaM tavAN^gasparshanAdiha . shAshvatasparshayitAsmAkaM gR^iNhImo.avatArAnvayam.h .. 1.. rudrAdInAM vachaH shR^itvA provAcha bhagavAnsvayam.h . aN^gayaN^gaM kariShyAmi bhavadvAkyaM karomyaham.h .. 2.. moditAste surA sarve kR^itakR^ityAdhunA vayam.h . yo nandaH paramAnando yashodo muktigehinI .. 3.. mAyA sA trividhA proktA sattvarAjasatAmasI . proktA cha sAttvikI rudre bhakte brahmaNi rAjasI .. 4.. tAmasI daityapaxeShu mAyA tredhA hyudAhR^itA . ajeyA vaiShNavI mAyA japyena cha sutA purA .. 5.. devakI brahmaputra sA yA vedairupagIyate . nigamo vasudevo yo vedArthaH kR^iShNarAmayoH .. 6.. stuvate satataM yastu so.avatIrNo mahItale . vane vR^indAvane krIDaN^gopagopIsuraiH saha .. 7.. gopyo gAva R^ichastasya yaShTikA kamalAsanaH . vaMshastu bhagavAn.h rudraH shR^iN^gamindraH sagosuraH .. 8.. gokulaM vanavaikuNThaM tApasAstatra te drumAH . lobhakrodhAdayo daityAH kalikAlastiraskR^itaH .. 9.. goparUpo hariH sAxAnmAyAvigrahadhAraNaH . durbodhaM kuhakaM tasya mAyayA mohitaM jagat.h .. 10.. durjayA sA suraiH sarvairdhR^iShTirUpo bhavedvijaH . rudro yena kR^ito vaMshastasya mAyA jagatkatham.h .. 11.. balaM GYAnaM surANAM vai teShAM GYAnaM hR^itaM xaNAt.h . sheshanAgo bhavedrAmaH kR^iShNo brahmaiva shAshvatam.h .. 12.. aShTAvaShTasahasre dve shatAdhikyaH striyastathA . R^ichopaniShadastA vai brahmarUpA R^ichaH striyAH .. 13.. dveShAshchANUramallo.ayaM matsaro muShTiko jayaH . darpaH kuvalayApIDo garvo raxaH khago bakaH .. 14.. dayA sA rohiNI mAtA satyabhAmA dhareti vai . aghAsuro mAhAvyAdhiH kaliH kaMsaH sa bhUpatiH .. 15.. shamo mitraH sudAmA cha satyAkroddhavo damaH . yaH shaN^khaH sa svayaM viShNurlaxmIrupo vyavasthitaH .. 16.. dugdhasindhau samutpanno meghaghoShastu saMsmR^itaH . dugdodadhiH kR^itastena bhagnabhANDo dadhigR^ihe .. 17.. krIDate bAlako bhUtvA pUrvavatsumahodadhau . saMhArArthaM cha shatrUNAM raxaNAya cha saMsthitaH .. 18.. kR^ipArthe sarvabhUtAnAM goptAraM dharmamAtmajam.h . yatsraShTumIshvareNAsItachchakraM brahmarUpadR^ik.h .. 19.. jayantIsaMbhavo vAyushchamaro dharmasa.nGYitaH . yasyAsau jvalanAbhAsaH khaDgarUpo maheshvaraH .. 20.. kashyapolUkhalaH khyAto rajjurmAtA.aditistathA . chakraM shaN^khaM cha saMsiddhiM binduM cha sarvamUrdhani .. 21.. yAvanti devarUpANi vadanti vibhudhA janAH . namanti devarUpebhya evamAdi na saMshayaH .. 22.. gadA cha kALikA sAxAtsarvashatrunibarhiNI . dhanuH shArN^gaM svamAyAcha sharatkAlaH subhojanaH .. 23.. abjakANDaM jagatbIjaM dhR^itaM pANau svalIlayA . garuDo vaTabhANDIraH sudAmA nArado muniH .. 24.. vR^indA bhaktiH kriyA buddhIH sarvajantuprakAshinI . tasmAnna bhinnaM nAbhinnamAbhirbhinno na vai vibhuH . bhUmAvuttAritaM sarvaM vaikuNThaM svargavAsinAm.h .. 25.. .. iti prathama khaNDaH .. \medskip\hrule\medskip .. atha dvitIyaH khaNDaH .. sheSho ha vai vAsudevAt.h sa.nkarShaNo nAma jIva AsIt.h . so.akAmayata prajAH sR^ijeyeti . tataH pradyumnasa.nGYaka AsIt.h . tasmAt.h aha.nkAranAmAniruddho hiraNyagarbho.ajAyata . tasmAt.h dasha prajApatayo marIchyAdyAH sthANudakShakardamapriyavratottanapAdavAyavo vyajAyanta . tebhyoH sarvANi bhUtAni cha . tasmAchchheShAdeva sarvANi ca bhUtAni samutpadyante . tasminneva pralIyante . sa eva bahudhA jAyamAnaH sarvAn.h paripAti . sa eva kAdraveyo vyAkaraNajyotiShAdishAstraNi nirmimANo bahubhirmumukShubhirupAsyamAno.akhilAM bhuvamekasmin.h shIrShNa siddhArthavadavadhriyamANaH sarvairmunibhiH saMprArthyamAnaH sahasrashikharANi meroH shirobhirAvAryamANo mahAvAyvaha.nkAraM nirAchakAra . sa eva bhagavAn.h bhagavantaM bahudhA viprIyamANaH akhilena svena rupeNa yuge yuge tenaiva jayamAnaH sa eva saumitriraikShvAkaH sarvANi dhAnuShashAstrANi sarvANyastrashAstrANi bahudhA viprIyamAno rakShA.nsi sarvANi vinighna.nshchAturvarNyadharmAn.h pravartayAmAsa . sa eva bhagavAn.h yugasa.ndhikAle shAradAbhrasa.nnikAsho rauhineyo vAsudevaH sarvANi gadAdyAyudhashAstrANi vyAchakShANo naikAn.h rAjanyamaNDalAnnirAchikIrShuH bhubhAramakhilaM nichakhAna . sa eva bhagavAn.h yuge turiye.api brahmakule jAyamAnaH sarva upaniShadaH uddidhIrShuH sarvANi dharmashAstrANi vistArayiShNuH sarvAnapi janAn.h sa.ntArayiShNuH sarvAnapi vaiShNavAn.h dharmAn.h vijR^imbhayan.h sarvAnapi pAShaNDAn.h nichakhAna . sa eSha jagadantaryAmI . sa eSha sarvAtmakaH . sa eva mumukShubhirdhyeyaH . sa eva mokShapradaH . etaM smR^itvA sarvebhyaH pApebhyo muchyate . tannAma sa.nkIrtayan.h viShNusAyujyaM gachchhati . tadetad.h divA adhIyAnaH rAtrikR^itaM pApaM nAshayati . naktamadhIyAno divasakR^itaM pApaM nAshayati . tadetadvedAnAM rahasyaM tadetadupaniShadAM rahasyam.h etadadhIyAnaH sarvatratuphalaM labhate shAntimeti manaHshuddhimeti sarvatIrthaphalaM labhate ya evaM veda dehabandhAdvimuchyate ityupaniShat.h .. .. iti dvitIyaH khaNDaH .. hariH AUM tatsat.h OM bhadraM karNebhiH shR^iNuyAma devAH bhadraM pashyemAkShabhiryajatrAH . sthirairaN^gaistuShTuvA.nsastanUbhirvyashema devahitaM yadAyuH . svasti na indro vR^iddhashravAH svasti naH pUShA vishvavedAH . svasti nastArkShyo.ariShTanemiH svasti no bR^ihaspatirdadhAtu . OM shAntiH shAntiH shAntiH . .. iti kR^iShNopaniShatsamAptA .. .. bhAratIramaNamukhyaprANa.ntargata shrIkR^iShNArpaNamastu .. ## Encoded by H.P. Raghunandan hpraghu@genius.tisl.soft.net Profread by H.P. Raghunandan, Shrisha Rao, Vijay S. Pai \medskip\hrule\obeylines \medskip {\rm Please send corrections to sanskrit@cheerful.com} {\rm Last updated \today} {\rm http://sanskritdocuments.org} \end{document}