%@@1
% File name             : hayagriva.itx
%--------------------------------------------
% Text title            : Hayagriva Upanishad
% Author                : Vedic tradition
% Language              : Sanskrit
% Subject               : philosophy/religion
% Description/comments  : # 100 / 108; Atharva Veda - Vaishnava upanishad 
% Transliterated by     : Sunder Hattangadi (sunderh@hotmail.com)
% Proofread by          : Sunder Hattangadi (sunderh@hotmail.com)
% Latest update         : April, 19, 2000
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskrit.gde.to
% http://www.alkhemy.com/sanskrit/
% ftp://jaguar.cs.utah.edu/sanskrit/sanskrit.html
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
% Please ignore the following commands upto #indian and others with
% \ mark,
% which are needed for devanaagarii output and formatting.
%--------------------------------------------------------
%--------------------------------------------------------
%--------------------------------------------------------


\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=50pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\large #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{.. Hayagriva Upanishad ..}##
\itxtitle{.. hayagriivopanishhat.h ..}##\endtitles##
svaj~no.api yatprasaadena j~naana.n tatphalamaapnuyaat.h .
so.aya.n hayaasyo bhagavaanhR^idi me bhaatu sarvadaa ..
AUM bhadra.n karNebhiH shruNuyaama devaaH . 
bhadraM pashyemaakshabhiryajatraaH .
sthiraira~NgaistushhTuvaa{\m+}sastanuubhiH .
vyashema devahita.n yadaayuH ..
svasti na indro vR^iddhashravaaH . svasti naH puushhaa vishvavedaaH .
svasti nastaarkshyo arishhTanemiH . svasti no bR^ihaspatirdadhaatu ..
AUM shaantiH shaantiH shaantiH ..
hariH AUM .. naarado brahmaaNamupasametyovaachaadhiihi bhagavan
brahmavidyaa.n varishhThaa.n yayaa chiraatsarvapaapa.n vyapohya
brahmavidyaa.n labdhvaishvaryavaanbhavati . brahmovaacha 
hayagriivadaivatyaanmantraanyo veda sa shrutismR^itiitihaasapuraaNaani veda .
sa sarvaishvaryavaanbhavati . ta ete mantraaH . 
vishvottiirNasvaruupaaya chinmayaanandaruupiNe .
tubhya.n namo hayagriiva vidyaaraajaaya svaahaa svaahaa namaH .. 1..
R^igyajuHsaamaruupaaya vedaaharaNakarmaNe .
praNavodgiithavapushhe mahaashvashirase namaH svaahaa svaahaa namaH .. 2..
udgiitha praNavodgiitha sarvavaagiishvareshvara .
sarvavedamayaachintya sarvaM bodhaya bodhaya svaahaa svaahaa namaH .. 3..
brahmaatriravisavitR^ibhaargavaa R^ishhayaH . gaayatriitrishhTubanushhTup chhandaa.nsi .
shriimaan hayagriivaH paramaatmaa devateti . lhaumiti biijam.h .
so.ahamiti shaktiH . lhuumiti kiilakam.h . bhogamokshayorviniyogaH .
akaarokaaramakaaraira~NganyaasaH . dhyaanam.h . 
sha~NkhachakramahaamudraapustakaaDhya.n chaturbhujam.h .
saMpuurNachandrasa.nkaasha.n hayagriivamupaasmahe ..
AUM shriimiti dve akshare . lhaumityekaaksharam.h . AUM namo
bhagavata iti saptaaksharaaNi . hayagriivaayeti pa~nchaaksharaaNi . 
vishhNava iti tryaksharaaNi . mahyaM medhaaM praj~naamiti
shhaDaksharaaNi , prayachchha svaaheti pa~nchaaksharaaNi .
hayagriivasya turiiyo bhavati .. 4..
AUM shriimiti dve akshare . lhaumityekaaksharam.h . aimaimaimiti 
triiNyaksharaaNi . klii.n kliimiti dve akshare . sauH sauriti dve akshare .
hriimityekaaksharam.h . AUM namo bhagavata iti saptaaksharaaNi . 
mahyaM medhaaM praj~naamiti shhaDaksharaaNi . prayachchha 
svaaheti pa~nchaaksharaaNi . pa~nchamo manurbhavati .. 5..
hayagriivaikaakshareNa brahmavidyaaM pravakshyaami . brahmaa
maheshvaraaya maheshvaraH sa.nkarshhaNaaya sa.nkarshhaNo naaradaaya
naarado vyaasaaya vyaaso lokebhyaH praayachchhaditi 
hakaaro.nsakaaromakaaroM trayamekasvaruupaM bhavati . lhau
biijaaksharaM bhavati . biijaakshareNa lhau.n ruupeNa tajjaapakaanaa.n 
saMpatsaarasvatau bhavataH . tatsvaruupaj~naanaa.n vaidehii
muktishcha bhavati . dikpaalaanaa.n raaj~naa.n naagaanaa.n 
kinnaraaNaamadhipatirbhavati . hayagriivaikaaksharajapashiilaaj~nayaa
suuryaadayaH svataH svasvakarmaNi pravartante . sarveshhaaM 
biijaanaa.n hayagriivaikaaksharabiijamanuttamaM mantraraajaatmakaM 
bhavati . lhau.n hayagriivasvaruupo bhavati . amR^ita.n kurukuru svaahaa . 
tajjaapakaanaa.n vaaksiddhiH shriisiddhirashhTaa~Ngayogasiddhishcha 
bhavati . agamyaagamanaatpuuto bhavati . patitasaMbhaashhaNaatpuuto
bhavati . brahmahatyaadipaatakairmukto bhavati . gR^iha.n gR^ihapatiriva
dehii dehaante paramaatmaanaM pravishati . praj~naanamaanandaM brahma 
tattvamasi ayamaatmaa brahma ahaM brahmaasmiiti mahaavaakyaiH 
pratipaaditamartha.n ta ete mantraaH pratipaadayanti . svaravya~njanabhedena
dvidhaa ete . athaanumantraa~njapati . 
yadvaagvadantyavichetanaani raashhTrii devaanaa.n nishhasaada mandraa . 
chatasra uurja.n duduhe payaa.nsi kva svidasyaaH parama.n jagaama .. 1.. 
gauriirmimaaya salilaani takshatyekapadii dvipadii saa chatushhpadii .
ashhTaapadii navapadii babhuuvushhii sahasraaksharaa parame vyoman.h .. 2..
oshhThaapidhaanaa nakulii dantaiH parivR^itaa paviH .
sarvasyai vaacha iishaanaa chaaru maamiha vaadayeti cha vaagrasaH .. 3..
sasarpariiramatiM baadhamaana bR^ihanmimaaya jamadagnidatta .
aasuuryasya duritaa tanaana shravo deveshhvamR^itamajuryam.h .. 4..
ya imaaM brahmavidyaamekaadashyaaM paTheddhayagriivaprabhaavena
mahaapurushho bhavati . sa jiivanmukto bhavati . AUM namo brahmaNe
dhaaraNaM me astvaniraakaraNa.n dhaarayitaa bhuuyaasa.n karNayoH 
shrutaM maachyoDhvaM mamaamushhya omityupanishhat.h .. 
AUM bhadra.n karNebhiH shruNuyaama devaaH . bhadraM pashyemaakshabhiryajatraaH .
sthiraira~NgaistushhTuvaa{\m+}sastanuubhirvyashema devahita.n yadaayuH ..
AUM svasti na indro vR^iddhashravaaH . svasti naH puushhaa vishvavedaaH .
svasti nastaarkshyo arishhTanemiH . svasti no bR^ihaspatirdadhaatu ..
AUM shaantiH shaantiH shaantiH .. hariH AUM tatsat.h ..
atha hayagriivopanishhatsamaaptaa ..
##\medskip\hrule\obeylines
Encoded by Sunder Hattangadi (sunderh@hotmail.com)
{\rm Please send corrections to sanskrit@cheerful.com}
{\rm Last updated \today}
\end{document}