%@@1 % File name : devi.itx %-------------------------------------------- % Text title : Devi Upanishad % Author : Vedic Tradition % Language : Sanskrit % Subject : philosophy/religion/hinduism % Description/comments : #89/108; Atharva Veda, Shakta Upanishad % Transliterated by : Sunder Hattangadi (sunderh@hotmail.com) % Proofread by : Sunder Hattangadi (sunderh@hotmail.com) % Latest update : July, 3, 1999 % Send corrections to : sanskrit@cheerful.com % % Special Instructions : i1h.hdr,ijag.inc,itrans.sty,multicol.sty,iarticle.sty % Transliteration scheme: ITRANS 5.2 % Site access : http://sanskrit.gde.to % http://www.alkhemy.com/sanskrit/ % ftp://jaguar.cs.utah.edu/private/sanskrit/sanskrit.html %----------------------------------------------------- % The text is to be used for personal studies and research only. % Any use for commercial purpose is prohibited as a 'gentleman's' agreement. %@@1 % % Please ignore the following commands upto #indian and others with \ mark, % which are needed for devanaagarii output and formatting. %-------------------------------------------------------- %-------------------------------------------------------- \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=50pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\large #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document}\engtitle{.. Devi Upanishad ..}## \itxtitle{.. devii upanishhat.h ..}##\endtitles## .. atha devyupanishhat.h .. atharvavediiya shaaktopanishhat.h .. shriidevyupanishhadvidyaavedyaapaarasukhaakR^iti . traipadaM brahmachaitanya.n raamachandrapadaM bhaje .. AUM bhadra.n karNebhiH shR^iNuyaama devaaH bhadraM pashyemaakshabhiryajatraaH . sthirairaN^gaistushhTuvaa{\m+}sastanuubhi\- vya.rshema devahita.n yadaayuH .. svasti na indro vR^iddhashravaaH svasti naH puushhaa vishvavedaaH . svasti nastaarkshyo arishhTanemiH svasti no bR^ihaspatirdadhhaatu .. AUM shaantiH shaantiH shaantiH .. hariH AUM .. sarve vai devaa deviimupatasthuH . kaasi tvaM mahaadevi . saabraviidahaM brahmasvaruupiNii . mattaH prakR^itipurushhaatmaka.n jagachchhuunya.n chaashuunya.n cha . ahamaanandaanaanandaaH viGYaanaaviGYaane aham.h . brahmaa brahmaNi veditavye . ityaahaatharvaNi shrutiH .. 1.. ahaM paJNchabhuutaanyabhuutaani . ahamakhila.n jagat.h . vedo.ahamavedo.aham.h . vidyaahamavidyaaham.h . ajaahamanajaaham.h . adhashchordhva.n cha tiryakchaaham.h . aha.n rudrebhirvasubhishcharaamyahamaadityairuta vishvadevaiH . ahaM mitraavaruNaavubhau bibharmyahamindraagnii ahamashvinaavubhau . aha.n soma.n tvashhTaaraM puushhaNaM bhaga.n dadhaamyaham.h . vishhNumurukramaM brahmaaNamuta prajaapati.n dadhaami . aha.n dadhaami draviNa.n havishhmate supraavye 3 yajamaanaaya sunvate .. 2.. aha.n raashhTrii saN^gamanii vasuunaamaha.n suve pitaramasya muurdhanmama yonirapsvantaH samudre . ya eva.n veda sa deviipadamaapnoti . te devaa abruvan.h . namo devyai mahaadevyai satata.n namaH . namaH prakR^ityai bhadraayai niyataaH praNataaH sma taam.h .. 3.. taamagnivarNaa.n tapasaa jvalantii.n vairochanii.n karmaphaleshhu jushhTaam.h . durgaa.n devii.n sharaNamahaM prapadye sutaraa.n naashayate tamaH .. 4.. devii.n vaachamajanayanta devaastaa.n vishvaruupaaH pashavo vadanti . saa no mandreshamuurja.n duhaanaa dhenurvaagasmaanupasushhTutaitu .. 5.. kaalaraatriM brahmastutaa.n vaishhNavii.n skandamaataram.h . sarasvatiimaditi.n dakshaduhitara.n namaamaH paavanaa.n shivaam.h .. 6.. mahaalakshmiishcha vidmahe sarvasiddhishcha dhiimahi . tanno devii prachodayaat.h .. 7.. aditirhyajanishhTa daksha yaa duhitaa tava . taa.n devaa anvajaayanta bhadraa amR^itabandhavaH .. 8.. kaamo yoniH kaamakalaa vajrapaaNirguhaa hasaa . maatarishvaabhramindraH punarguhaa sakalaa maayayaa cha punaH koshaa vishvamaataa divi dyom.h .. 9.. eshhaatmashaktiH . eshhaa vishvamohinii paashaaN^kushadhanurbaaNadharaa . eshhaa shriimahaavidyaa . ya eva.n veda sa shoka.n tarati . namaste astu bhagavati bhavati maatarasmaanpaatu sarvataH . saishhaashhTau vasavaH . saishhaikaadasha rudraaH . saishhaa dvaadashaadityaaH . saishhaa vishvedevaaH somapaa asomapaashcha . saishhaa yaatudhaanu asuraa rakshaa.nsi pishaachayakshaaH siddhaaH . saishhaa sattvarajastamaa.nsi . saishhaa prajaapatiindramanavaH . saishhaa grahaa nakshatrajyotii.nshhi kalaakaashhThaadikaalaruupiNii . taamahaM praNaumi nityam.h . taapaapahaariNii.n deviiM bhuktimuktipradaayiniim.h . anantaa.n vijayaa.n shuddhaa.n sharaNyaa.n shivadaa.n shivaam.h .. 10.. viyadaakaarasa.nyukta.n viitihotrasamanvitam.h . ardhendulasita.n devyaa biija.n sarvaarthasaadhakam.h .. 11.. evamekaaksharaM mantra.n yatayaH shuddhachetasaH . dhyaayanti paramaanandamayaa GYaanaamburaashayaH .. 12.. vaaN^mayaa brahmabhuutasmaatshhashhTha.n vaktrasamanvitam.h . suuryo vaamashrotrabinduH sa.nyutaashhTakatR^itiiyakaH .. 13.. naaraayaNena sa.nyukto vaayushchaadharasa.nyutaH . vichche navaarNako.arNaH syaanmahadaanandadaayakaH .. 14.. hR^itpuNDariikamadhyasthaaM praataHsuuryasamaprabhaam.h . paashaaN^kushadharaa.n saumyaa.n varadaabhayahastakaam.h . trinetraa.n raktavasanaaM bhaktakaamadughaaM bhaje .. 15.. namaami tvaamaha.n deviiM mahaabhayavinaashiniim.h . mahaadurgaprashamaniiM mahaakaaruNyaruupiNiim.h .. 16.. yasyaaH svaruupaM brahmaadayo na jaananti tasmaaduchyate.aGYeyaa . yasyaa anto na vidyate tasmaaduchyate anantaa . yasyaa grahaNa.n nopalabhyate tasmaaduchyate.alakshyaa . yasyaa janana.n nopalabhyate tasmaaduchyate.ajaa . ekaiva sarvatra vartate tasmaaduchyata ekaa . ekaiva vishvaruupiNii tasmaaduchyate naikaa .ata evochyate.aGYeyaanantaalakshyaajaikaa naiketi . mantraaNaaM maatR^ikaa devii shabdaanaa.n GYaanaruupiNii . GYaanaanaa.n chinmayaatiitaa shuunyaanaa.n shuunyasaakshiNii .. 17.. yasyaaH paratara.n naasti saishhaa durgaa prakiirtitaa . ##[##durgaatsa.ntraayate yasmaaddevii durgeti kathyate .. 18.. prapadye sharaNa.n devii.n du.ndurge durita.n hara ..##]## taa.n durgaa.n durgamaa.n devii.n duraachaaravighaatiniim.h . namaami bhavabhiito.aha.n sa.nsaaraarNavataariNiim.h .. 19.. idamatharvashiirshha.n yo.adhiite paJNchaatharvashiirshhajapaphalamavaapnoti . idamatharvashiirshha.n GYaatvaa yo.archaa.n sthaapayati . shatalaksha.n prajaptvaapi so.archaasiddhi.n cha vindati . shatamashhTottara.n chaasyaaH purashcharyaavidhiH smR^itaH .. 20.. dashavaaraM paThedyastu sadyaH paapaiH pramuchyate . mahaadurgaaNi tarati mahaadevyaaH prasaadataH .. 21.. praataradhiiyaano raatrikR^itaM paapa.n naashayati . saayamadhiiyaano divasakR^itaM paapa.n naashayati . tatsaayaM praataH prayuJNjaanaH paapo.apaapo bhavati . nishiithe turiiyasandhyaayaa.n japtvaa vaaksiddhirbhavati . nuutanapratimaayaa.n japtvaa devataasaa.nnidhyaM bhavati . praaNapratishhThaayaa.n japtvaa praaNaanaaM pratishhThaa bhavati . bhaumaashvinyaaM mahaadevii sa.nnidhau japtvaa mahaamR^ityu.n tarati . ya eva.n vedetyupanishhat.h .. 22.. AUM bhadra.n karNebhiH shR^iNuyaama devaa bhadraM pashyemaakshabhiryajatraaH . sthirairaN^gaistushhTuvaa{\m+}sastanuubhi\- rvyashema devahita.n yadaayuH .. svasti na indro vR^iddhashravaaH svasti naH puushhaa vishvavedaaH . svasti nastaarkshyo arishhTanemiH svasti no bR^ihaspatirdadhaatu .. AUM shaantiH shaantiH shaantiH .. .. iti shriidevyupanishhatsamaaptaa .. ## \medskip\hrule\obeylines Encoded by Sunder Hattangadi (sunderh@hotmail.com) {\rm Please send corrections to sanskrit@cheerful.com} {\rm Last updated \today} \end{document}