%@@1
% File name             : brahma_upan.itx
%--------------------------------------------
% Text title            : brahma upanishhat
% Author                : 
% Language              : Sanskrit
% Subject               : philosophy/hinduism/religion
% Description/comments  : 
% Transliterated by     : Anshuman Pandey <apandey@u.washington.edu>
% Proofread by          : Anshuman Pandey <apandey@u.washington.edu>
% Latest update         : 16 April 1996
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskritdocuments.org
% http://sanskrit.gde.to/
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
% Commands upto engtitle are 
% needed for devanaagarii output and formatting.
%--------------------------------------------------------

\documentstyle[11pt,multicol,itrans]{article}
%\documentclass[11pt]{article}
%\usepackage{multicol}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{.. Brahma Upanishad ..}##
\itxtitle{.. brahmopaniShat ..}##\endtitles ##
AUM shaunako ha chai mahAshAlo.a~NgirasaM bhagavantaM
pippalAdamapR^ichChat.h .  divye brahmapure saMpratiShTitA
bhavanti kathaM sR^ijanti kasyaiSha mahimA babhUva yo
hmaShe mahimA babhUva ka eShaH .
tasmai sa hovAcha brahmavidyaM variShThAm.h .  prANo hyaShe
AtmA .  Atmano mahimA babhuva devAnAmAyuH sa devAnAM
nidhanamanidhanaM divye brahmapure virajaM niShkalaM
shubhramakSharaM yadbrahma vibhAti sa niyachChati
maghukararAjAnaM mAkShikavaditi . yathA mAkShIkaikena
tantunA jAlaM vakShipati tenApakarShati tathaivaiSha prANo
yadA yAti sa.nsR^iShTamAkR^iShya . prANadevatAstAH sarvA
nADyaH . suShvape shyenAkAshavadyathA khaM shyenamAshritya
yAti svamAlayamevaM suShupto brUte yathaivaiSha devadatto
yaShTyA.api tADyamAno na yatyevamiShTApUrtaiH
shubhAshubhairna lipyate . yathA kumAro niShkAma
AnandamupayAti tathaivaiSha devadattaH svapna AnandamabhiyAti
. veda eva paraM jyotiH jyotiShkAmo jyotirAnandayate .
bhUyastenaiva svapnAya gachChati jalaukAvat.h . yathA
jalaukA.agramagraM nayatyAtmAnaM nayati paraM sa.ndhaya .
yatparaM nAparaM tyajati sa jAgradabhidhiyate . yathaivaiSha
kapAlAShTakaM sa.nnayati . tameva stana iva lambate
vedadevayonaH . yatra jAgrati shubhAshubhaM niruktamasya
devasya sa saMprasAro.antharyAmI khagaH karkaTakaH puShkaraH
puruShaH grANo hi.nsA parAparaM brahma AtmA devatA vedayati
. ya evaM veda sa paraM brahma dhaM kShetraj~namupaiti .. 1..
athAsya puruShasya chatvAri sthAnAni bhavanti
nAbhirhR^idayaM kaNThaM bhUrdheti . tatra chatuShpAdaM
brahma vibhAti . jAgaritaM svapnaM suShuptaM turIyamiti .
jAgarite brahmA svapne viShNuH suShuptau rudrasturIyaM
paramAkSharaM Adityashcha viShNushcheshvarashcha sa puruShaH
sa prANaH sa jIvaH so.agniH seshvarashcha jAgratteShaM madhye
yatparaM brahma vibhAti . svayamamanaskamashrotramapANipAdaM
jyotirvarjitaM na tatra lokA na lokA vedA na vedA devA na
devA yaj~nA na yaj~na mAtA na mAtA pitA na pitA snuSha na
snuSha chANDAlo na chANDAlaH pailkaso na pailkasaH shramaNo na
shramaNaH pashavo na pashavastApaso na tApasa ityekameva
paraM brahma vibhAti . hR^idyAkAshe tadvij~nAnamAkAshaM
tatsuShiramAkAshaM tadvedyaM hR^idyAkAshaM yasminnidaM
sa.ncharati vacharati yasminnidaM sarvamotaM protaM . saM
vibhoH prajA j~nAyeran.h . na tatra devA R^iShayaH pitara rishate
pratibuddhaH sarvaviditi .. 2..
hR^idisthA devathAH sarvA hR^idi prANAH pratiShThitAH .
hR^idi prANashcha jyotishcha trivR^itsUtraM cha yanmahat.h ..
hR^idi chaitanye tiShThati yaj~nopavItaM paramaM pavitraM
prajApateryatsahajaM purastAt.h .
AyuShyamagrapaM pratimu~ncha shubhraM yaj~nopavItaM balamastu tejaH ..
sashikhaM vapanaM kR^itvA bahiHsUtraM tyajed.hbudhaH .
yadakSharaM paraM brahma tatsUtramiti dhArayet.h ..
sUchanAtsUtramityAhuH sUtraM nAma paraM padam.h .
tatsUtraM viditaM yena sa vipro vedapAragaH ..
tena sarvamidaM protaM sUtre maNigaNA iva .
tatsUtraM dhArayedyogI yogavittattvadarshivAn.h ..
bahiHsUtraM tyajedvidvAnyogamuttamamAsthitaH .
brahmabhAvamayaM sUtraM dhArayedyaH sa chetanaH ..
dhAraNAttasya sUtrasya nochChiShTho nAshuchirbhavet.h .
sUtramantargataM yeShAM j~nAnayaj~nopavItinAm.h ..
te chai sUtravido loke te cha yaj~nopavItinaH .
j~nAnashikhino j~nAnaniShThA j~nAnayaj~nopavItihaH ..
j~nAnameva paraM teShAM pavitraM j~nAnamuttamam.h .
agneriva shikhA nAnyA yasya j~nAnamayI shikhA ..
sa shikhItyuchyate vidvAnitare keshadhAriNaH .. 3..
karmaNyadhikR^itA ye tu vaidike brAhmaNAdayaH .
taiH sa.ndhAryamida sUtraM kriyA~NgaM taddhi vai smR^itam.h ..
shikhA j~nAnamayI yasya upavItaM cha tanmayam.h .
brAhmaNyaM sakalaM tasya iti brahmavido viduH ..
idaM yaj~nopavItaM tu pavitraM yatparAyaNam.h .
sa vidvAnyaj~nopavItI syAtsa yaj~naH sa cha yaj~navit.h ..
eko devaH sarvabhUteShu gUDhaH sarvavyApI sarvabhUtAntarAtmA .
karmAdhyakShaH sarvabhUtAdhivAsaH sAkShI chetA kevalo nirguNashcha ..
eko manIShI niShkiyANAM bahUnAmekaM santaM bahudhA yaH karoti .
tamAtmAnaM ye.anupaShyanti dhIrAsteShaM shAntiH shAshvatI netareShAm.h ..
AtmAnamaraNiM kR^itvA praNavaM chottarAraNim.h .
dhyAnanormathanAbhyAsAddevaM pashyennigUDhavat.h ..
tileShu tailaM dadhinIva sarpirApaH strotaHsvaraNIShu chAnniH .
evamAtmA.a.atmani gR^ihmate.asau satyenainaM tapasA yo.anupashyati ..
UrNanAbhiryathA tantUnsR^ijate sa.nharatyapi .
jAgratsvapne tathA jIvo gachChatyAgachChate punaH ..
padmakoshapratIkAshaM suShiraM chApyadhomukham.h .
hR^idayaM tadvijAnIyAdvishvasyA.a.ayatanaM mahat.h ..
netrasthaM jAgrataM vidyAtkaNThe svapnaM vinirdiShet.h .
suShuptaM hR^idayasthaM tu turIyaM mUrdhni sa.nsthitam.h ..
yadAtmA praj~nayA.a.atmAnaM sa.ndhatte paramAtmani .
tena sa.ndhyA dhyAnameva tasmAtsandhyAbhivandanam.h ..
nirodakAdhyAnasa.ndhyA vAkkAyakleshavarjitA .
sa.ndhinI sarvabhUtAnAM sA sa.ndhyA hyekadaNDinAm.h ..
yato vAcho nivartante aprApya manasA saha .
AnnandametajjIvasya yaM j~nAtvA muchyate budhaH ..
sarvavyApinamAtmAnaM kShIre sarprivArpitam.h .
AtmAtapomUlaM tadbrahmopaniShatparam.h .
sarvAtmaikatvarIpeNa tadbrahmopaniShatparamiti .. 4..
          ityatharvavede brahmopaniShatsamAptA ..
##
Encoded by Anshuman Pandey pandey at u.washington.edu
\medskip\hrule\obeylines
\medskip
{\rm Please send corrections to sanskrit@cheerful.com}
{\rm Last updated \today}
{\rm http://sanskritdocuments.org}
\end{document}