%@@1 % File name : bhasma.itx %-------------------------------------------- % Text title : Bhasmajabala Upanishad % Author : Vedic tradition % Language : Sanskrit % Subject : philosophy/hinduism % Description/comments : # 87 / 108; Atharva Veda - Shaiva upanishad % Transliterated by : Sunder Hattangadi (sunderh@hotmail.com) % Proofread by : Sunder Hattangadi (sunderh@hotmail.com) % Latest update : August 17, 2000, May 20, 2007 % Send corrections to : sanskrit@cheerful.com % % Special Instructions: % i1h.hdr,ijag.inc,itrans.sty,multicol.sty,iarticle.sty % Transliteration scheme: ITRANS 5.2 % Site access : % http://sanskrit.gde.to % http://sanskritdocuments.org/ %----------------------------------------------------- % The text is to be used for personal studies and research only. % Any use for commercial purpose is prohibited as a 'gentleman's' % agreement. % @@2 % % Please ignore the following commands upto #indian and others with % \ mark, % which are needed for devanaagarii output and formatting. %-------------------------------------------------------------------------- \documentstyle[11pt,multicol,itrans]{article} %\documentclass[11pt]{article} %\usepackage{multicol} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Bhasmajabala Upanishad ..}## \itxtitle{.. bhasmajAbAlopaniShat ..}##\endtitles ## yatsAmyaj~nAnakAlAgnisvAtiriktAstitAbhramam.h . karoti bhasma niHsheSha.n tadbrahmaivAsmi kevalam.h .. AUM bhadra.n karNebhiH shR^iNuyAma devAH .. bhadraM pashyemAkShabhiryajatrAH .. sthiraira~NgaistuShTuvA{\m+}sastanUbhiH .. vyashema devahita.n yadAyuH .. svasti na indro vR^iddhashravAH .. svasti naH pUShA vishvavedAH .. svasti nastArkShyo ariShTanemiH .. svasti no bR^ihaspatirdadhAtu .. AUM shAntiH shAntiH shAntiH .. hariH AUM .. atha jAbAlo bhusuNDaH kailAsashikharAvAsamo.nkArasvarUpiNaM mahAdevamumArdhakR^itashekhara.n somasUryAgninayanamanantenduraviprabha.n vyAghracharmAmbaradharaM mR^igahastaM bhasmoddhUlitavigraha.n tiryaktripuNDrarekhAvirAjamAnabhAlapradesha.n smitasaMpUrNapa~nchavidha\- pa~nchAnana.n vIrAsanArUDhamaprameyamanAdyananta.n niShkala.n nirguNa.n shAta.n nira~njanamanAmaya.n huMphaTkurvANa.n shivanAmAnyanishamuchcharanta.n hiraNyabAhu.n hiraNyarUpa.n hiraNyavarNa.n hiraNyanidhimadvaita.n chaturthaM brahmaviShNurudrAtItamekamAshAsyaM bhagavanta.n shivaM praNamya muhurmuhurabhyarchya shrIphaladalaistena bhasmanA cha natottamA~NgaH kR^itA~njalipuTaH paprachChAdhIhi bhagavanvedasAramuddhR^itya tripuNDravidhi.n yasmAdanyAnaprekShameva mokShopalabdhiH . kiM bhasmano dravyam.h . kAni sthAnAni . manavo.apyatra ke vA . kati vA tasya dhAraNam.h . ke vAtrAdhikAriNaH . niyamasteShA.n ko vA . mAmantevAsinamanushAsayAmokShamiti . atha sa hovAcha bhagavAnparameshvaraH paramakAruNikaH pramathAnsurAnapi so.anvIkShya pUtaM prAtarudayAdgomayaM brahmaparNe nidhAya tryambakamiti mantreNa shoShayet.h . yena kenApi tejasA tatsvagR^ihyoktamArgeNa pratiShThApya vahni.n tatra tadgomayadravya.n nidhAya somAya svAheti mantreNa tatastilabrIhibhiH sAjyairjuhuyAt.h . aya.n tenAShTottarasahasra.n sArdhametadvA . tatrAjyasya parNamayI juhUrbhavati . tena na pApa.n shR^iNoti . tadghomamantrasryambakamityeva ante sviShTakR^itpUrNAhutistenaivAShTadikShu balipradAnam.h . tadbhasma gAyatryA saMprokShya taddhaime rAjate tAmre mR^iNmaye vA pAtre nidhAya rudramantraiH punarabhyukShya shuddhadeshe sa.nsthApayet.h . tato bhojayedbrAhmaNAn.h . tataH svayaM pUto bhavati . mAnastoka iti sadyo jAtamityAdi pa~nchabrahmamantrairbhasma sa.ngR^ihyAgniriti bhasma vAyuriti bhasma jalamiti bhasma sthalamiti bhasma vyometi bhasma devA bhasma R^iShayo bhasma . sarva.n ha vA etadidaM bhasma . pUtaM pAvana.n namAmi sadyaH samastAghashAsakamiti shirasAbhinamya . pUte vAmahaste vAmadevAyeti nidhAya tryambakamiti saMprokShya shuddha.n shuddheneti saMmR^ijya sa.nshodhya tenaivApAdashIrShamuddhUlanamAcharet.h . tatra brahmamantrAH pa~ncha . tataH sheShasya bhasmano viniyogaH . tarjanImadhyamAnAmikAbhiragnerbhasmAsIti bhasma sa.ngR^ihya mUrdhAnamiti mUrdhanyagre nyaset.h . tryambakamiti lalATe nIlagrIvAyeti kaNThe kaNThasya dakShiNe pArshve tryAyuShamiti vAmeti kapolayoH kAlAyeti netrayostrilochanAyeti shrotrayoH shR^iNavAmeti vaktre prabravAmeti hR^idaye Atmana iti nAbhau nAbhiriti mantreNa dakShiNabhujamUle bhavAyeti tanmadhye rudrAyeti tanmaNibandhe sharvAyeti tatkarapR^iShThe pashupataya iti vAmabAhumUle ugrAyeti tanmadhye agrevadhAyeti tanmaNibandhe dUrevadhAyeti tatkarapR^iShThe namo hantra iti a.nse sha~NkarAyeti yathAkramaM bhasma dhR^itvA somAyeti shiva.n natvA tataH prakShAlya tadbhasmApaH punantviti pibet.h . nAdho tyAjya.n nAdho tyAjyam.h . etanmadhyAhnasAyAhneShu trikAleShu vidhivadbhasmadhAraNamapramAdena kAryam.h . pramAdAtpatito bhavati . brAhmaNAnAmayameva dharmo.ayameva dharmaH . evaM bhasmadhAraNamakR^itvA nAshnIyAdApo.annamanyadvA . pramAdAttyaktvA bhasmadhAraNa.n na gAyatrI.n japet.h . na juhuyAdagnau tarpayeddevAnR^iShInpitrAdIn.h . ayameva dharmaH sanAtanaH sarvapApanAshako mokShahetuH . nityo.aya.n dharmo brAhmaNAnAM brahmachArigR^ihivAnaprasthayatInAm.h . etadakaraNe pratyavaiti brAhmaNaH . akR^itvA pramAdenaitadaShTottarashata.n jalamadhye sthitvA gAyatrI.n japtvopoShaNenaikena shuddho bhavati . yatirbhasmadhAraNa.n tyaktvaikadopoShya dvAdashasahasrapraNava.n japtvA shuddho bhavati . anyathendro yatInsAlAvR^ikebhyaH pAtayati . bhasmano yadyabhAvastadA naryabhasmadAhanajanyamanyadvAvashyaM mantrapUta.n dhAryam.h . etatprAtaH prayu~njAno ratrikR^itAtpApAtpUto bhavati . svarNasteyAtpramuchyate . madhyandine mAdhyandina.n kR^itvopasthAnAnta.n dhyAyamAna AdityAbhimukho.adhIyAnaH surApAnAtpUto bhavati . svarNasteyAtpUto bhavati . brAhmaNavadhAtpUto bhavati . govadhAtpUto bhavati . ashvavadhAtpUto bhavati . guruvadhAtpUto bhavati . mAtR^ivadhAtpUto bhavati . pitR^ivadhAtpUto bhavati . trikAlametatprayu~njAnaH sarvavedapArAyaNaphalamavApnoti . sarvatIrthaphalamashnute . anapabruvaH sarvamAyureti . vindate prAjApatya.n rAyaspoSha.n gaupatyam.h . evamAvartayedupaniShadamityAha bhagavAnsadAshivaH sAmbaH sadAshivaH sAmbaH .. iti prathamo.adhyAyaH .. 1.. atha bhusuNDo jAbAlo mahAdeva.n sAmbaM praNamya punaH paprachCha ki.n nityaM brAhmaNAnA.n kartavya.n yadakaraNe pratyavaiti brAhmaNaH . kaH pUjanIyaH . ko vA dhyeyaH . kaH smartavyaH . katha.n dhyeyaH . kva sthAtavyametadbrUhIti . samAsena ta.n hovAcha . prAgudayAnnirvartya shauchAdika.n tataH snAyAt.h . mArjana.n rudrasUktaiH . tatashchAhata.n vAsaH paridhatte pApmanopahR^ityai . udyantamAdityamabhidhyAyannuddhUlitA~Nga.n kR^itvA yathAsthAnaM bhasmanA tripuNDra.n shvetenaiva rudrAkShA~nChvetAnbibhR^iyAt.h . naitatsaMmarshaH . tathAnye . mUrdhni chatvAri.nshat.h . shikhAyAmeka.n traya.n vA . shrotrayordvAdasha . kaNThe dvAtri.nshat.h . bAhvoH ShoDashaShoDasha . dvAdashadvAdasha maNibandhayoH . ShaTShaDa~NguShThayoH . tataH sandhyA.n sakusho.aharaharupAsIta . agnirjyotirityAdibhiragnau juhuyAt.h . shivali~Nga.n trisandhyamabhyarchya kusheShvAsIno dhyAtvA sAmbaM mAmeva vR^iShabhArUDha.n hiraNyabAhu.n hiraNyavarNa.n hiraNyarUpaM pashupAshavimochakaM puruSha.n kR^iShNapi~NgalamUrdhvareta.n virUpAkSha.n vishvarUpa.n sahasrAkSha.n sahasrashIrSha.n sahasracharaNa.n vishvatobAhu.n vishvAtmAnamekamadvaita.n niShkala.n niShkriya.n shAnta.n shivamakSharamavyaya.n hariharahiraNyagarbhasraShTAramaprameyamanAdyanta.n rudrasUktairabhiShichya sitena bhasmanA shrIphaladalaishcha trishAkhairArdrairanArdrairvA . naitatra sa.nsparshaH . tatpUjAsAdhana.n kalpayechcha naivedyam.h . tatashchaikAdashaguNarudro japanIyaH . ekaguNo.anantaH . ShaDakSharo.aShTAkSharo vA shaivo mantro japanIyaH . omityagre vyAharet.h . nama iti pashchAt.h . tataH shivAyetyakSharatrayam.h . omityagre vyAharet.h . nama iti pashchAt.h . tato mahAdevayeti pa~nchAkSharANi . nAtastArakaH paramo mantraH . tArako.ayaM pa~nchAkSharaH . ko.aya.n shaivo manuH . shaivastArako.ayamupadishyate manuravimukte shaivebhyo jIvebhyaH . shaivo.ayameva mantrastArayati . sa eva brahmopadeshaH . brahma somo.ahaM pavanaH somo.ahaM pavate somo.aha.n janitA matInAM somo.aha.n janitA pR^ithivyAH somo.aha.n janitA.agneH somo.aha.n janitA sUryasya somo.aha.n janitendrasya somo.aha.n janitota viShNoH somo.ahameva janitA sa yashchandramaso devAnAM bhUrbhuvasvarAdInA.n sarveShA.n lokAnA.n cha . vishvaM bhUtaM bhuvana.n chitraM bahudhA jAta.n jAyamAna.n cha yatsarvasya somo.ahameva janitA vishvAdhiko rudro maharShiH . hiraNyagarbhAdInaha.n jAyamAnAnpashyAmi . yo rudro agnau yo apsu ya oShadhIShu yo rudro vishvA bhuvanA viveshaivameva . ayamevAtmAntarAtmA brahmajyotiryasmAnna matto.anyaH paraH . ahameva paro vishvAdhikaH . mAmeva viditvAmR^itatvameti . tarati shokam.h . mAmeva viditvA sA.nsR^itikI.n ruja.n drAvayati . tasmAdaha.n rudro yaH sarveShAM paramA gatiH . so.aha.n sarvAkAraH . yato vA imAni bhUtAni jAyante . yena jAtAni jIvanti . yatprayantyabhisa.nvishanti . taM mAmeva viditvopAsIta . bhUtebhirdevebhirabhiShTuto.ahameva . bhIShAsmAdvAtaH pavate . bhIShodeti sUryaH . bhIShAsmAdagnishchendrashcha . somo.ata eva yo.aha.n sarveShAmadhiShThAtA sarveShA.n cha bhUtAnAM pAlakaH . so.ahaM pR^ithivI . so.ahamApaH . so.aha.n tejaH . so.aha.n vAyuH . so.aha.n kAlaH . so.aha.n dishaH . so.ahamAtmA . mayi sarvaM pratiShThitam.h . brahmavidApnoti param.h . brahmA shivo me astu sadAshivom.h . achakShurvishvatashchakShurakarNo vishvataH karNo.apAdo vishvataHpAdo.apANirvishvataHpANirAhamashirA vishvataHshirA vidyAmantraikasa.nshrayo vidyArUpo vidyAmayo vishveshvaro.ahamajaro.aham.h . mAmeva.n viditvA sa.nsR^itipAshAtpramuchyate . tasmAdahaM pashupAshavimochakaH . pashavashchAmAnavAntaM madhyavartinashcha yuktAtmAno yatante mAmeva prAptum.h . prApyante mA.n na punarAvartante . trishUlagA.n kAshImadhishritya tyaktAsavo.api mayyeva sa.nvishanti . prajvalavahniga.n haviryathA na yajamAnamAsAdayati tathAsau tyaktvA kuNapa.n na tattAdR^ishaM purA prApnuvanti . eSha evAdeshaH . eSha upadeshaH . eSha eva paramo dharmaH . satyAttatra kadAchinna pramaditavya.n tatroddhUlanatripuNDrAbhyAm.h . tathA rudrAdyAkShadhAraNAttathA madarchanAchcha . pramAdenApi nAntardevasadane purISha.n kuryAt.h . vratAnna pramaditavyam.h . taddhi tapastaddhi tapaH kAshyAmeva muktikAmAnAm.h . na tattyAjya.n na tattyAjyaM mochako.ahamavimukte nivasatAm.h . nAvimuktAtparama.n sthAnam.h . nAvimuktAtparama.n sthAnam.h . kAshyA.n sthAnAni chatvAri . teShAmabhyarhitamantargR^iham.h . tatrApyavimuktamabhyarhitam.h . tatra sthAnAni pa~ncha . tanmadhye shivAgAramabhyarhitam.h . tatra prAchyAmaishvaryasthAnam.h . dakShiNAyA.n vichAlanasthAnam.h . pashchimAyA.n vairAgyasthAnam.h . uttarAyA.n j~nAnasthAnam.h . tasminyadantarnirliptamavyayamanAdyanta\- masheShavedavedAntavedyamanirdeshyamaniruktamaprachyavamAshAsyamadvaita.n sarvAdhAramanAdhAramanirIkShyamaharaharbrahmaviShNupurandarAdyamaravarasevitaM mAmeva jyotiHsvarUpa.n li~NgaM mAmevopAsitavya.n tadevopAsitavyam.h . naiva bhAvayanti talli~NgaM bhAnushchandro.agnirvAyuH . svaprakAsha.n vishveshvarAbhidhaM pAtAlamadhitiShThati . tadevAham.h . tatrArchito.aham.h . sAkShAdarchitaH . trishAkhairbilvadalairdIptairvA yo.abhisaMpUjayenmanmanA mayyAhitAsurmayyevArpitAkhilakarmA bhasmadigdhA~Ngo rudrAkShabhUShaNo mAmeva sarvabhAvena prapanno madekapUjAnirataH saMpUjayet.h . tadahamashnAmi . taM mochayAmi sa.nsR^itipAshAt.h . aharaharabhyarchya vishveshvara.n li~Nga.n tatra rudrasUktairabhiShichya tadeva snapanapayastriH pItvA mahApAtakebhyo muchyate . na shokamApnoti . muchyate sa.nsArabandhanAt.h . tadanabhyarchya nAshnIyAtphalamannamanyadvA . yadashnIyAdretobhakShIbhavet.h . nApaH pibet.h . yadi pibetpUyapo bhavet.h . pramAdenaikadA tvanabhyarchya mAM bhuktvA bhojayitvA keshAnvApayitvA gavyAnAM pa~ncha sa.ngR^ihyopoShya jale rudrasnAnam.h . japettrivAra.n rudrAnuvAkam.h . AdityaM pashyannabhidhyAya\- nsvakR^itakarmakR^idraudrereva mantraiH kuryAnmArjanam.h . tato bhojayitvA brAhmaNAnpUto bhavati . anyathA pareto yAtanAmashnute . patraiH phalairvA jalairvAnyairvAbhipUjya vishveshvaraM mA.n tato.ashnIyAt.h . kApilena payasAbhiShichya rudrasUktena mAmeva shivali~NgarUpiNaM brahmahatyAyAH pUto bhavati . kApilenAjyenAbhiShichya svarNasteyAtpUto bhavati . madhunAbhiShichya gurudAragamanAtpUto bhavati . sitayA sharkarayAbhiShichya sarvajIvavadhAtpUto bhavati . kShIrAdibhiretairabhiShichya sarvAnavApnoti kAmAn.h . ityekaikaM mahAnprasthashataM mahAnprasthashatamAnaiH shatairabhipUjya mukto bhavati sa.nsArabandhanAt.h . mAmeva shivali~NgarUpiNamArdrAyAM paurNamAsyA.n vAmAvAsyAyA.n vA mahAvyatIpAte grahaNe sa.nkrAntAvabhiShichya tilaiH sataNDulaiH sayavaiH saMpUjya bilvadalairabhyarchya kApilenAjyAnvita\- gandhasAradhUpaiH parikalpya dIpa.n naivedya.n sAjyamupahAra.n kalpayitvA dadyAtpuShpA~njalim.h . evaM prayato.abhyarchya mama sAyujyameti . shatairmahAprasthairakhaNDaistaNDulairabhiShichya chandralokakAmashchandralokamavApnoti . tilairetAvadbhirabhiShichya vAyulokakAmo vAyulokamavApnoti . mAShairetAvadbhirabhiShichya varuNalokakAmo varuNalokamavApnoti . yavairetAvadbhirabhiShichya sUryalokakAmaH sUryalokamavApnoti . etairetAvadbhirdviguNairabhiShichya svargalokakAmaH svargalokamavApnoti . etairetAvadbhishchaturguNairabhiShichya chaturjAlaM brahmakosha.n yanmR^ityurnAvapashyati . tamatItya mallokakAmo mallokamavApnoti nAnyaM mallokAtparam.h . yamavApya na shochati . na sa punarAvartate na sa punarAvartate . li~NgarUpiNaM mA.n saMpUjya chintayanti yoginaH siddhAH siddhi.n gatAH . yajanti yajvAnaH . mAmeva stuvanti vedAH sA~NgAH sopaniShadaH setihAsaH . na matto.anyadahameva sarvam.h . mayi sarvaM pratiShThitam.h . tataH kAshyAM prayatairevAhamanvahaM pUjyaH . tatra gaNA raudrAnanA nAnAmukhA nAnAshastradhAriNo nAnArUpadharA nAnAchihnitAH . te sarve bhasmadigdhA~NgA rudrAkShAbharaNAH kR^itA~njalayo nityamabhidhyAyanti . tatra pUrvasya.n dishi brahmA kR^itA~njaliraharnishaM mAmupAste . dakShiNasyA.n dishi viShNuH kR^itvaiva mUrdhA~njaliM mAmupAste . pratIchyAmindraH sannatA~Nga upAste . udIchyAmagnikAyamumAnuraktA hemA~NgavibhUShaNA hemavastrA mAmupAsate mAmeva vedAshchaturmUrtidharAH . dakShiNAyA.n dishi muktisthAna.n tanmuktimaNDapasa.nj~nitam.h . tatrAnekagaNAH pAlakAH sAyudhAH pApaghAtakAH . tatra R^iShayaH shAMbhavAH pAshupatA mahAshaivA vedAvata.nsa.n shaivaM pa~nchAkShara.n japantastAraka.n sapraNavaM modamAnAstiShThanti . tatraikA ratnavedikA . tatrAhamAsInaH kAshyA.n tyaktakuNapA~nChaivAnAnIya svasyA~Nke sa.nniveshya bhasitarudrAkShabhUShitAnupaspR^ishya mA bhUdeteShA.n janma mR^itishcheti tAraka.n shavaM manumupadishAmi . tataste muktA mAmanuvishanti vij~nAnamayenA~Ngena . na punarAvartante hutAshanapratiShTha.n haviriva tatraiva muktyarthamupadishyate shaivo.ayaM mantraH pa~nchAkSharaH . tanmuktisthAnam.h . tata o~NkArarUpam.h . tato madarpitakarmaNAM madAviShTachetasAM madrUpatA bhavati . nAnyeShamiyaM brahmavidyeyaM brahmavidyA . mumukShavaH kAshyAmevAsInA vIryavanto vidyAvantaH . vij~nAnamayaM brahmakosham.h . chaturjAlaM brahmakosham.h . yanmR^ityurnAvapashyati . yaM brahmA nAvapashyati . ya.n viShNurnAvapashyati . yamindrAgnI nAvapashyetAm.h . ya.n varuNAdayo nAvapashyanti . tameva tatteja pluShTaviDbhAva.n haimamumA.n sa.nshliShya vasanta.n chandrakoTisamaprabha.n chandrakirITa.n somasUryAgninayanaM bhUtibhUShitavigraha.n shivaM mAmevamabhidhyAyanto muktakilbiShAstyaktabandhA mayyeva lInA bhavanti . ye chAnye kAshyAM purISha kAriNaH pratigraharatAstyaktabhasmadhAraNAstyaktarudrAkShadhAraNAstyakta\- somavAravratAstyaktagrahayAgAstyaktavishveshvarArchanAstyakta\- pa~nchAkSharajapAstyaktabhairavArchanA bhairavI.n ghorAdiyAtanA.n nAnAvidhA.n kAshyAM paretA bhuktvA tataH shuddhA mAM prapadyante cha . antargR^ihe reto mUtraM purISha.n vA visR^ijanti tadA tena si~nchante pitR^In.h . tameva pApakAriNaM mR^itaM pashyannIlalohito bhairavastaM pAtayatyasramaNDale jvalajjvalanakuNDeShvanyeShvapi . tatashchApramAdena nivasedapramAdena nivasetkAshyA.n li~NgarUpiNyAmityupaniShat.h .. AUM bhadra.n karNebhiH shR^iNuyAma devAH .. bhadraM pashyemAkShabhiryajatrAH .. sthiraira~NgaistuShTuvA{\m+}sastanUbhiH .. vyashema devahita.n yadAyuH .. svasti na indro vR^iddhashravAH .. svasti naH pUShA vishvavedAH .. svasti nastArkShyo ariShTanemiH .. svasti no bR^ihaspatirdadhAtu .. AUM shAntiH shAntiH shAntiH .. hariH AUM tatsat.h .. iti bhasmajAbAlopaniShatsamAptA .. ## Encoded by Sunder Hattangadi (sunderh at hotmail.com) \medskip\hrule\obeylines \medskip {\rm Please send corrections to sanskrit@cheerful.com} {\rm Last updated \today} {\rm http://sanskritdocuments.org} \end{document}