%@@1 % File name : avyakta.itx %-------------------------------------------- % Text title : Avyakta Upanishad % Author : Vedic tradition % Language : Sanskrit % Subject : philosophy/religion % Description/comments : # 68 / 108; Sama Veda - Vaishnava upanishad % Transliterated by : Sunder Hattangadi (sunderh@hotmail.com) % Proofread by : Sunder Hattangadi (sunderh@hotmail.com) % Latest update : July 27, 2000 % Send corrections to : sanskrit@cheerful.com % % Special Instructions: % i1h.hdr,ijag.inc,itrans.sty,multicol.sty,iarticle.sty % Transliteration scheme: ITRANS 5.2 % Site access : % http://sanskrit.gde.to % http://sanskritdocuments.org/ %----------------------------------------------------- % The text is to be used for personal studies and research only. % Any use for commercial purpose is prohibited as a 'gentleman's' % agreement. % @@2 % % Please ignore the following commands upto #indian and others with % \ mark, % which are needed for devanaagarii output and formatting. %-------------------------------------------------------- %-------------------------------------------------------- %-------------------------------------------------------- \documentstyle[11pt,multicol,itrans]{article} %\documentclass[11pt]{article} %\usepackage{multicol} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Avyakta Upanishad ..}## \itxtitle{.. avyaktopaniShat ..}##\endtitles ## svAj~nAnAsurarADgrAsasvaj~nAnanarakesarI . pratiyogivinirmuktaM brahmamAtra.n karotu mAm.h .. AUM ApyAyantu mamA~NgAni vAkprANashchakShuH shrotramatho balamindriyANi cha .. sarvANi sarvaM brahmopaniShadaM mAhaM brahma nirAkuryAM mA mA brahma nirAkarodanirAkaraNa\- mastvanirAkaraNaM mestu tadAtmani nirate ya upaniShatsu dharmAste mayi santu te mayi santu .. AUM shAntiH shAntiH shAntiH .. hariH AUM . purA kileda.n na ki.nchannAsInna dyaurnAntarikSha.n na pR^ithivI kevala.n jyotIrUpamanAdyanantamanaNvasthUlarUpamarUpa.n rUpavadavij~neya.n j~nAnarUpamAnandamayamAsIt.h . tadananyattaddvedhAbhUddharitameka.n raktamaparam.h . tatra yadrakta.n tatpu.nso rUpamabhUt.h . yaddharita.n tanmAyAyAH . tau samagachChataH . tayorvIryamevamanandat.h . tadavardhata . tadaNDamabhUdhaimam.h . tatpariNamamAnamabhUt.h . tataH parameShThI vyajAyata . so.abhijij~nAsata kiM me kula.n kiM me kR^ityamiti . ta.n ha vAgadR^ishyamAnAbhyuvAcha bhobho prajApate tvamavyaktAdutpanno.asi vyakta.n te kR^ityamiti . kimavyakta.n yasmAdahamAsiSham.h . ki.n tadvyakta.n yanme kR^ityamiti . sAbravIdavij~neya.n hi tatsaumya tejaH . yadavij~neya.n tadavyaktam.h . tachchejjij~nAsasi mAvagachCheti . sa hovAcha kaiShA tvaM brahmavAgyadasi sha.nsAtmAnamiti . sA tvabravIttapasA mA.n vijij~nAsasveti . sa ha sahasra.n samA brahmacharyamadhyuvAsAdhyuvAsa .. 1.. athApashyadR^ichamAnuShTubhIM paramA.n vidyA.n yasyA~NgAnyanye mantrAH . yatra brahma pratiShThitam.h . vishvedevAH pratiShThitAH . yastA.n na veda kimanyairvedaiH kariShyati . tA.n viditvA sa cha rakta.n jij~nAsayAmAsa . tAmevamanUchAnA.n gAyannAsiShTa . sahasra.n samA Adyantanihito~NkAreNa padAnyagAyat.h . sahasra.n samAstathaivAkSharashaH . tato.apashyajjyotirmaya.n shriyAli~Ngita.n suparNaratha.n sheShaphaNAchChaditamauliM mR^igamukha.n naravapuSha.n shashisUryahavyavAhanAtmakanayanatrayam.h . tataH prajApatiH praNipapAta namonama iti . tathaivarchAtha tamastaut.h . ugramityAha ugraH khalu vA eSha mR^igarUpatvAt.h . vIramityAha vIro vA eSha vIryavattvAt.h . mahAviShNumityAha mahatA.n vA ayaM mahAnrodasI vyApya sthitaH . jvalantamityAha jvalanniva khalvasAvavasthitaH . sarvatomukhamityAha sarvataH khalvayaM mukhavAnvishvarUpatvAt.h . nR^isi.nhamityAha yathA yajurevaitat.h . bhIShaNamityAha bhIShA vA asmAdAditya udeti bhItashchandramA bhIto vAyurvAti bhIto.agnirdahati bhItaH parjanyo varShati . bhadramityAha bhadraH khalvaya.n shriyA juShTaH . mR^ityormR^ityumityAha mR^ityorvA ayaM mR^ityuramR^itatvaM prajAnAmannAdAnAm.h . namAmItyAha yathA yajurevaitat.h . ahamityAha yathA yajurevaitat.h .. 2.. atha bhagavA.nstamabravItprajApate prIto.aha.n ki.n tavepsita.n tadAsha.nseti . sa hovAcha bhagavannavyaktAdutpanno.asmi vyaktaM mama kR^ityamiti purAshrAvi . tatrAvyaktaM bhavAnityaj~nAyi vyaktaM me kathayeti . vyakta.n vai vishva.n charAcharAtmakam.h . yadvyajyate tadvyaktasya vyaktatvamiti . sa hovAcha na shaknomi jagatsraShTumupAyaM me kathayeti . tamuvAcha puruShaH prajApate shR^iNu sR^iShTerupAyaM parama.n ya.n viditvA sarva.n j~nAsyasi . sarvatra shakShyasi sarva.n kariShyasi . mayyagnau svAtmAna.n havirdhyAyettayaivAnuShTubharchA . dhyAnayaj~no.ayameva . etadvai mahopaniShaddevAnA.n guhyam.h . na ha vA etasya sAmnA narchA na yajuShArtho nu vidyate . ya imA veda sa sarvAnkAmAnavApya sarvA.nllokA~njitvA mAmevAbhyupaiti na sa punarAvartate ya eva.n vedeti .. 3.. prajApatista.n yaj~nAya.n vasIyA.nsamAtmAnaM manyamAno manoyaj~neneje . sapraNavayA tayaivarchA havirdhyAtvAtmAna\- mAtmanyagnau juhuyAt.h . sarvamajAnAtsarvatrAshakatsarvamakarot.h . ya eva.nvidvAnima.n dhyAnayaj~namanutiShThetsa sarvaj~no.anantashaktiH sarvakartA bhavati . sa sarvA.n.cllokA~njitvA brahma paraM prApnoti .. 4.. atha prajApatirlokAnsisR^ikShamANastasyA eva vidyAyA yAni tri.nshadakSharANi tebhyastrI.n.cllokAn.h . atha dve dve akShare tAbhyAmubhayato dadhAra . tasyA evarcho dvAtri.nshadbhirakSharai\- stAndevAnnirmame . sarvaireva sa indro.abhavat.h . tasmAdindro devAnAmadhiko.abhavat.h . ya eva.n veda samAnAnAmadhiko bhavet.h . tasyA ekAdashabhiH pAdairekAdasha rudrAnnirmame . tasyA ekAdashabhirekAdashAdityAnnirmame . sarvaireva sa viShNurabhavat.h . tasmAdviShNurAdityAnAmadhiko.abhavat.h . ya eva.n veda samAnAnAmadhiko bhavet.h . sa chaturbhishchaturbhirakSharairaShTau vasUnajanayat.h . sa tasyA AdyairdvAdashabhirakSharairbrAhmaNamajanayat.h . dashabhirdashabhirviTkShatre . tasmAdbrAhmaNo mukhyo bhavati . eva.n tanmukhyo bhavati ya eva.n veda . tUShNI.n shUdramajanayattasmAchChUdro nirvidyo.abhavat.h . na veda.n ivA na naktamAsIdavyAvR^itam.h . sa prajApatirAnuShTubhAbhyAmardharchAbhyAmahorAtrAvakalpayat.h . tato vyaichChat vyevAsmA uchChati . atho tama evApahate . R^igvedamasyA AdyAtpAdAdakalpayat.h . yajurdvitIyAt.h . sAma tR^itIyAt.h . atharvA~NgirasashchaturthAt yadaShTAkSharapadA tena gAyatrI . yadekAdashapadA tena triShTup.h . yachchatuShpadA tena jagatI yaddvAtri.nshadakSharA tenAnuShTup.h . sA vA eShA sarvANi ChandA.nsi . ya imA.n sarvANi ChandA.nsi veda . sarva.n jagadAnuShTubha evotpannamanuShTuppratiShThitaM pratitiShThati yashchaiva.n veda .. 5.. atha yadA prajAH sR^iShTA na jAyante prajApatiH katha.n nvimAH prajAH sR^ijeyamiti chintayannugramitImAmR^icha.n gAtumupAkrAmat.h . tataH prathamapAdAdugrarUpo devaH prAdurabhUt ekaH shyAmaH purato raktaH pinAkI strIpu.nsarUpasta.n vibhajya strIShu tasya strIrUpaM pu.nsi cha pu.nrUpa.n vyadhAt.h . ubhAbhyAna.nshAbhyA.n sarvamAdiShTaH . tataH prajAH prajAyante . ya eva.n veda prajApateH so.api tryambaka imAmR^ichamudgAya\- nnudgrathitajaTAkalApaH pratyagjyotiShyAtmanyeva rantAramiti . indro vai kila devAnAmanujAvara AsIt.h . taM prajApatirabravIdgachCha devAnAmadhipatirbhaveti . so.agachChat.h . ta.n devA UchuranujAvaro.asi tvamasmAka.n kutastvAdhipatyamiti . sa prajApatimabhyetyovAchaiva.n devA UchuranujAvarasya kutastavAdhipatyamiti . taM prajApatirindra.n trikalashairamR^itapUrNairAnuShTubhAbhimantritairabhiShichya ta.n sudarshanena dakShiNato rarakSha pA~nchajanyena vAmato dvayenaiva surakShito.abhavat.h . raukme phalake sUryavarchasi mantramAnuShTubha.n vinyasya tadasya kaNThe pratyamu~nchat.h . tataH sudurnirIkSho.abhavat.h . tasmai vidyAmAnuShTubhIM prAdAt.h . tato devAstamAdhipatyAyAnumenire . sa svarADabhUt.h . ya eva.n veda svarAD bhavet.h . so.amanyata pR^ithivImapi kathamapA.n jayeyamiti . sa prajApatimupAdhAvat.h . tasmAtprajApatiH kamaThAkAramindranAgabhujagendrAdhAraM bhadrAsanaM prAdAt.h . sa pR^ithivImabhyajayat.h . tataH sa ubhayorlokayoradhipatirabhUt.h . ya eva.n vedobhayorlokayoradhipatirbhavati . sa pR^ithivI.n jayati yo vA apratiShThita.n shithilaM bhrAtR^ivebhyo vasIyAnbhavati yashchaiva.n veda yashchaiva.n veda .. 6.. ya imA.n vidyAmadhIte sa sarvAnvedAnadhIte . sa sarvaiH kratubhiryajate . sa sarvatIrtheShu snAti . sa mahApAtakopapAtakaiH pramuchyate . sa brahmavarchasaM mahadApnuyAt.h . AbrahmaNaH pUrvAnAkalpA.ashchottarA.nshcha va.nshAnpunIte . nainamapasmArAdayo rogA AdidheyuH . sayakShAH sapretapishAchA apyena.n spR^iShTvA dR^iShTvA shrutvA vA pApinaH puNyA.n.cllokAnavApnuyuH . chintitamAtrAdasya sarve.arthAH siddhyeyuH . pitaramivaina.n sarve manyante . rAjAnashchAsyAdeshakAriNo bhavanti . na chAchAryavyatirikta.n shreyA.nsa.n dR^iShTvA namaskuryAt.h . na chAsmAdupAvarohet.h . jIvanmuktashcha bhavati . dehAnte tamasaH para.n dhAma prApnuyAt.h . yatra virAN nR^isi.nho.avabhAsate tatra khalUpAsate . tatsvarUpadhyAnaparA munaya AkalpAnte tasminnevAtmani lIyante . na cha punarAvartante . na chemA.n vidyAmashraddadhAnAya brUyAnnAsUyAvate nAnUchAnAya nAviShNubhaktAya nAnR^itine nAtapase nAdAntAya nAshAntAya nAdIkShitAya nAdharmashIlAya na hi.nsakAya nAbrahmachAriNa ityeShopaniShat.h .. AUM ApyAyantu mamA~NgAni vAkprANashchakShuH shrotramatho balamindriyANi cha .. sarvANi sarvaM brahmopaniShadaM mAhaM brahma nirAkuryAM mA mA brahma nirAkarodanirAkaraNa\- mastvanirAkaraNaM mestu tadAtmani nirate ya upaniShatsu dharmAste mayi santu te mayi santu .. AUM shAntiH shAntiH shAntiH .. hariH AUM tatsat.h .. ityavyaktopaniShatsamAptA .. ## Encoded by Sunder Hattangadi (sunderh at hotmail.com) \medskip\hrule\obeylines \medskip {\rm Please send corrections to sanskrit@cheerful.com} {\rm Last updated \today} {\rm http://sanskritdocuments.org} \end{document}