%@@1
% File name             : atma.itx
%--------------------------------------------
% Text title            : Atma Upanishad 
% Author                : traditional
% Translation by        : -
% Language              : Sanskrit
% Subject               : hinduism/philosophy
% Description/comments  : Atharva-veda - Samanya Upanishad # 76
% Transliterated by     : Sunder Hattangadi sunderh@hotmail.com
% Proofread by          : Sunder Hattangadi sunderh@hotmail.com
% Latest update         : May 3, 2003
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskrit.gde.to
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
% Please ignore the following commands upto #indian and others with
% \ mark,
% which are needed for devanaagarii output and formatting.
%--------------------------------------------------------
%--------------------------------------------------------
%--------------------------------------------------------

\documentstyle[11pt,multicol,itrans]{article}
%\documentclass[11pt]{article}
%\usepackage{multicol}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{\Large Atma Upanishad}##
\itxtitle{.. AtmopaniShat .. ..}##\endtitles ##
yatra nAtmaprapa~ncho.ayamapahnavapada.n gataH .
pratiyogivinirmuktaH paramAtmAvashiShyate ..
OM bhadra.n karNebhiH shruNuyAma devAH . bhadraM pashyemAkShabhiryajatrAH .
sthiraira~NgaistuShTuvA{\m+}sastanUbhiH . vyashema devahita.n yadAyuH ..
OM shAntiH shAntiH shAntiH ..
OM athA~NgirAstrividhaH puruSho.ajAyatAtmAntarAtmA paramAtmA cheti .
tvak.hcharmamA.nsaromA~NguShThA~NgulyaH pR^iShThava.nshanakhagulphodara\-
nAbhimeDhrakaTUrukapolashrotrabhrUlalATabAhupArshvashiro.akShINi bhavanti
jAyate mriyata ityeSha AtmA .
athAntarAtmAnAma pR^ithivyApastejovAyurAkAshamichChAdveShasukhaduHkha\-
kAmamohavikalpAnAdismR^itili~NgodAttAnudAttahrsvadIrghaplutaH
khalitagarjitasphuTitamuditanR^ittagItavAditrapralayavijR^imbhitAdibhiH
shrotA ghrAtA rasayitA netA kartA vij~nAnAtmA puruShaH
purANanyAyamImA.nsAdharmashAstrANIti shravaNaghrANAkarShaNakarmavisheShaNa.n
karotyeSho.antarAtmA .
atha paramAtmA nAma yathAkShara upAsanIyaH .
sa cha prANAyAmapratyAhAradhArNAdhyAnasamAdhiyogAnumAnAtmachintakavaTakaNikA
vA shyAmAkataNDulo vA vAlAgrashatasahasravikalpanAbhiH sa labhyate
nopalabhyate na jAyate na mriyate na shuShyati na klidyate na dahyate na kampate
na bhidyate na chChidyate nirguNaH sAkShibhUtaH shuddho niravayavAtmA kevalaH
sUkShmo nirmamo nira~njano nirvikAraH shabdasparsharUparasagandhavarjito nirvikalpo
nirAkA~NkShaH sarvavyApI so.achintyo nirvarNyashcha punAtyashuddhAnyapUtAni .
niShkriyastasya sa.nsAro nAsti .
Atmasa.nj~naH shivaH shuddha eka evAdvayaH sadA .
brahmarUpatayA brahma kevalaM pratibhAsate .. 1..
jagadrUpatayApyetadbrahmaiva pratibhAsate .
vidyAvidyAdibhedena bhAvAbhAvAdibhedataH .. 2..
gurushiShyAdibhedena brahmaiva pratibhAsate .
brahmaiva kevala.n shuddha.n vidyate tattvadarshane .. 3..
na cha vidyA na chAvidyA na jagachcha na chAparam.h .
satyatvena jagadbhAna.n sa.nsArasya pravartakam.h .. 4..
asatyatvena bhAna.n tu sa.nsArasya nivartakam.h .
ghaTo.ayamiti vij~nAtu.n niyamaH konvapekShate .. 5..
vinA pramANasuShThutva.n yasminsati padArthadhIH .
ayamAtmA nityasiddhaH pramANe sati bhAsate .. 6..
na desha.n nApi kAla.n vA na shuddhi.n vApyapekShate .
devadatto.ahamityetadvij~nAna.n nirapekShakam.h .. 7..
tadvadbrahmavido.apyasyabrahmAhamiti vedanam.h .
bhAnuneva jagatsarvaM bhAsyate yasya tejasA .. 8..
anAtmakamasattuchCha.n ki.n nu tasyAvabhAsakam.h .
vedashAstrapurANAni bhUtAni sakalAnyapi .. 9..
yenArthavanti ta.n ki.n nu vij~nAtAraM prakAshayet.h .
kShudhA.n dehavyathA.n tyaktvA bAlaH krIDati vastuni .. 10..
tathaiva vidvAnramate nirmamo niraha.n sukhI .
kAmAnniShkAmarUpI sa.ncharatyekacharo muniH .. 11..
svAtmanaiva sadA tuShTaH svaya.n sarvAtmanA sthitaH .
nirdhano.api sadA tuShTo.apyasahAyo mahAbalaH .. 12..
nityatR^ipto.apyabhu~njAno.apyasamaH samadarshanaH .
kurvannapi na kurvANashchAbhoktA phalabhogyapi .. 13..
sharIryapyasharIryeSha parichChinno.api sarvagaH .
asharIra.n sadA santamidaM brahmavida.n kvachit.h .. 14..
priyApriye na spR^ishatastathaiva cha shubhA shubhe .
tamasA grastavadbhAnAdagrasto.api ravirjanaiH .. 15..
grasta ityuchyate bhrAntyA hyaj~nAtvA vastulakShaNam.h .
tadvaddehAdibandhebhyo vimuktaM brahmavittamam.h .. 16..
pashyanti dehivanmUDhAH sharIrAbhAsadarshanAt.h .
ahinirlvayanIvAyaM muktadehastu tiShThati .. 17..
itastatashchAlyamAno yatki~nchitprANavAyunA .
srotasA nIyate dAru yathA nimnonnatasthalam.h .. 18..
daivena nIyate deho yathA kAlopabhuktiShu .
lakShyAlakShyagati.n tyaktvA yastiShThetkevalAtmanA .. 19..
shiva eva svaya.n sAkShAdayaM brahmaviduttamaH .
jIvanneva sadA muktaH kR^itArtho brahmavittamaH .. 20..
upAdhinAshAdbrahmaiva sadbrahmApyeti nirdvayam.h .
shailUSho veShasadbhAvAbhAvayoshcha yathA pumAn.h .. 21..
tathaiva brahmavichChreShThaH sadA brahmaiva nAparaH .
ghaTe naShTe yathA vyoma vyomaiva bhavati svayam.h .. 22..
tathaivopAdhivilaye brahmaiva brahmavitsvayam.h .
kShIra.n kShIre yathA kShipta.n taila.n taile jala.n jale .. 23..
sa.nyuktamekatA.n yAti tathAtmanyAtmavinmuniH .
eva.n videhakaivalya.n sanmAtratvamakhaNDitam.h .. 24..
brahmabhAvaM prapadyaiSha yatirnAvartate punaH .
sadAtmakatvavij~nAnadagdhA vidyAdivarShmaNaH .. 25..
amuShya brahmabhUtattvAdbrahmaNaH kuta udbhavaH .
mAyAklR^iptau bandhamokShau na staH svAtmani vastutaH .. 26..
yathA rajjau niShkriyAyA.n sarpAbhAsavinirgamau .
avR^iteH sadasattvAbhyA.n vaktavye bandhamokShaNe .. 27..
nAvR^ittirbrahmaNaH kvAchidanyAbhAvAdanAvR^itam.h .
astIti pratyayo yashcha yashcha nAstIti vastuni .. 28..
buddhereva guNAvetau na tu nityasya vastunaH .
atastau mAyayA klR^iptau bandhamokShau na chAtmani .. 29..
niShkale niShkriye shAnte niravadye nira.njane .
advitIye pare tattve vyomavatkalpanA kutaH .. 30..
na nirodho na chotpattirna baddho na cha sAdhakaH .
na mumukShurna vai mukta ityeShA paramArthatA .. 31..
ityupaniShat.h ..
OM bhadra.n karNebhiH shruNuyAma devAH . bhadraM pashyemAkShabhiryajatrAH .
sthiraira~NgaistuShTuvA{\m+}sastanUbhiH . vyashema devahita.n yadAyuH ..
OM shAntiH shAntiH shAntiH ..
.. hariH OM tatsat.h ..
##
\medskip\hrule\obeylines
\medskip
{\rm Please send corrections to sanskrit@cheerful.com}
{\rm Last updated \today}
{\rm http://sanskritdocuments.org}
\end{document}