%@@1 % File name : atharvashira.itx %-------------------------------------------- % Text title : Atharvashira Upanishad % Author : Vedic Tradition % Language : Sanskrit % Subject : philosophy/religion/hinduism % Description/comments : #22/108; Atharva Veda, Shaiva Upanishad % Transliterated by : Sunder Hattangadi (sunderh@hotmail.com) % Proofread by : Sunder Hattangadi (sunderh@hotmail.com) % Latest update : July 13, 1999 % Send corrections to : sanskrit@cheerful.com % % Special Instructions : i1h.hdr,ijag.inc,itrans.sty,multicol.sty,iarticle.sty % Transliteration scheme: ITRANS 5.2 % Site access : http://sanskrit.gde.to % http://sanskritdocuments.org/ %----------------------------------------------------- % The text is to be used for personal studies and research only. % Any use for commercial purpose is prohibited as a 'gentleman's' % agreement. %@@1 % % Please ignore the following commands upto #indian and others with % \ mark, % which are needed for devanaagarii output and formatting. %-------------------------------------------------------- %-------------------------------------------------------- \documentstyle[11pt,multicol,itrans]{article} %\documentclass[11pt]{article} %\usepackage{multicol} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. atharvashira upanishad ..}## \itxtitle{.. atharvashiropaniShat ..}##\endtitles ## atharvavedIya shaiva upaniShat.h .. atharvashirasAmarthamanarthaprochavAchakam.h . sarvAdhAramanAdhAra.n svamAtratraipadAkSharam.h .. AUM bhadra.n karNebhiH shR^iNuyAma devA bhadraM pashyemAkShabhiryajatrAH . sthiraira~NgaistuShTuvA.nsastanUbhi\- rvyashema devahita.n yadAyuH .. svasti na indro vR^IddhashravAH svasti naH pUShA vishvavedAH . svasti nastArkShyo ariShTanemiH svasti no bR^ihaspatirdadhAtu .. AUM shAntiH shAntiH shAntiH .. AUM devA ha vai svarga.n lokamAya.nste rudramapR^ichChanko bhavAniti . so.abravIdahamekaH prathamamAsa.n vartAmi cha bhavishyAmi cha nAnyaH kashchinmatto vyatirikta iti . so.antarAdantaraM prAvishat.h dishashchAntaraM prAvishat.h so.aha.n nityAnityo.aha.n vyaktAvyakto brahmAbrahmAhaM prA~nchaH pratya~ncho.aha.n dakShiNA~ncha uda~nchohaM adhashchordhva.n chAha.n dishashcha pratidishashchAhaM pumAnapumAn striyashchAha.n gAyatryaha.n sAvitryaha.n triShTubjagatyanuShTup chAha.n Chando.aha.n gArhapatyo dakShiNAgnirAhavanIyo.aha.n satyo.aha.n gauraha.n gauryahamR^igaha.n yajuraha.n sAmAhamatharvA~Ngiraso.aha.n jyeShTho.aha.n shreShTho.aha.n variShTho.ahamApo.aha.n tejo.aha.n guhyoha.maraNyo.ahamakSharamaha.n kSharamahaM puShkaramahaM pavitramahamugra.n cha madhya.n cha bahishcha purastAjjyotirityahameva sarvebhyo mAmeva sa sarvaH samA.n yo mA.n veda sa sarvAndevAnveda sarvA.nshcha vedAnsA~NgAnapi brahma brAhmaNaishcha gA.n gobhirbrAhmANAnbrAhmaNena havirhaviShA AyurAyuShA satyena satya.n dharmeNa dharma.n tarpayAmi svena tejasA . tato ha vai te devA rudramapR^ichChan.h te devA rudramapashyan.h . te devA rudramadhyAyan.h tato devA UrdhvabAhavo rudra.n stuvanti .. 1.. AUM yo vai rudraH sa bhagavAnyashcha brahmA tasmai vai namonamaH .. 1.. yo vai rudraH sa bhagavAn.h yashcha viShNustasmai vai namonamaH .. 2.. yo vai rudraH sa bhagavAnyashcha skandastasmai vai namonamaH .. 3.. yo vai rudraH sa bhagavAnyashchendrastasmai vai namonamaH .. 4.. yo vai rudraH sa bhagavAnyashchAgnistasmai vai namonamaH .. 5.. yo vai rudraH sa bhagavAnyashcha vAyustasmai vai namonamaH .. 6.. yo vai rudraH sa bhagavAnyashcha sUryastasmai vai namonamaH .. 7.. yo vai rudraH sa bhagavAnyashcha somastasmai vai namonamaH .. 8.. yo vai rudraH sa bhagavAnye chAShTau grahAstasmai vai namonamaH .. 9.. yo vai rudraH sa bhagavAnye chAShTau pratigrahAstasmai vai namonamaH .. 10.. yo vai rudraH sa bhagavAnyachcha bhUstasmai vai namonamaH .. 11.. yo vai rudraH sa bhagavAnyachcha bhuvastasmai vai namonamaH .. 12.. yo vai rudraH sa bhagavAnyachcha svastasmai vai namonamaH .. 13.. yo vai rudraH sa bhagavAnyachcha mahastasmai vai namonamaH .. 14.. yo vai rudraH sa bhagavAnyA cha pR^ithivI tasmai vai namonamaH .. 15.. yo vai rudraH sa bhagavAnyachchAntarikSha.n tasmai vai namonamaH .. 16.. yo vai rudraH sa bhagavAnyA cha dyaustasmai vai namonamaH .. 17.. yo vai rudraH sa bhagavAnyAshchApastasmai vai namonamaH .. 18.. yo vai rudraH sa bhagavAnyachcha tejastasmai vai namonamaH .. 19.. yo vai rudraH sa bhagavAnyashcha kAlastasmai vai namonamaH .. 20.. yo vai rudraH sa bhagavAnyashcha yamastasmai vai namonamaH .. 21.. yo vai rudraH sa bhagavAnyashcha mR^ityustasmai vai namonamaH .. 22.. yo vai rudraH sa bhagavAnyachchAmR^ita.n tasmai vai namonamaH .. 23.. yo vai rudraH sa bhagavAnyachchAkAsha.n tasmai vai namonamaH .. 24.. yo vai rudraH sa bhagavAnyachcha vishva.n tasmai vai namonamaH .. 25.. yo vai rudraH sa bhagavAnyAchcha sthUla.n tasmai vai namonamaH .. 26.. yo vai rudraH sa bhagavAnyachcha sUkShma.n tasmai vai namonamaH .. 27.. yo vai rudraH sa bhagavAnyachcha shukla.n tasmai namonamaH .. 28.. yo vai rudraH sa bhagavAnyachcha kR^iShNa.n tasmai vai namonamaH .. 29.. yo vai rudraH sa bhagavAnyachcha kR^itsna.n tasmai vai namonamaH .. 30.. yo vai rudraH sa bhagavAnyachcha satya.n tasmai vai namonamaH .. 31.. yo vai rudraH sa bhagavAnyachcha sarva.n tasmai vai namonamaH .. 32.. .. 2.. bhUste AdirmadhyaM bhuvaH svaste shIrSha.n vishvarUpo.asi brahmaikastva.n dvidhA tridhA vR^iddhista.n shAntistvaM puShTistva.n hutamahuta.n dattamadatta.n sarvamasarva.n vishvamavishva.n kR^itamakR^itaM paramaparaM parAyaNa.n cha tvam.h . apAma somamamR^itA abhUmAganma jyotiravidAma devAn.h . ki.n nUnamasmAnkR^iNavadarAtiH kimu dhUrtiramR^itaM mArtyasya . somasUryapurastAt.h sUkShmaH puruShaH . sarva.n jagaddhita.n vA etadakSharaM prAjApatya.n sUkShma.n saumyaM puruSha.n grAhyamagrAhyeNa bhAvaM bhAvena saumya.n saumyena sUkShma.n sUkShmeNa vAyavya.n vAyavyena grasati svena tejasA tasmAdupasa.nhartre mahAgrAsAya vai namo namaH . hR^idisthA devatAH sarvA hR^idi prANAH pratiShThitAH . hR^idi tvamasi yo nitya.n tisro mAtrAH parastu saH . tasyottarataH shiro dakShiNataH pAdau ya uttarataH sa o~NkAraH ya o~NkAraH sa praNavaH yaH praNavaH sa sarvavyApI yaH sarvavyApI so.anantaH yo.anantastattAra.n yattAra.n tatsUkShma.n tachChukla.n yachChukla.n tadvaidyuta.n yadvaidyuta.n tatparaM brahma yatparaM brahma sa ekaH ya ekaH sa rudraH ya rudraH yo rudraH sa IshAnaH ya IshAnaH sa bhagavAn.h maheshvaraH .. 3.. atha kasmAduchyata o~NkAro yasmAduchchAryamANa eva prANAnUrdhvamutkrAmayati tasmAduchyate o~NkAraH . atha kasmAduchyate praNavaH yasmAduchchAryamANa eva R^igyajuHsAmAtharvA~Ngirasa.n brahma brAhmaNebhyaH praNAmayati nAmayati cha tasmAduchyate praNavaH . atha kasmAduchyate sarvavyApI yasmAduchchAryamANa eva sarvA.nlokAnvyApnoti sneho yathA palalapiNDamiva shAntarUpamotaprotamanuprApto vyatiShaktashcha tasmAduchyate sarvavyApI . atha kasmAduchyate.ananto yasmAduchchAryamANa eva tiryagUrdhvamadhastAchchAsyAnto nopalabhyate tasmAduchyate.anantaH . atha kasmAduchyate tAra.n yasmAduchchAramANa eva garbhajanmavyAdhijarAmaraNasa.nsAramahAbhayAttArayati trAyate cha tasmAduchyate tAram.h . atha kasmAduchyate shukla.n yasmAduchchAryamANa eva klandate klAmayati cha tasmAduchyate shuklam.h . atha kasmAduchyate sUkShma.n yasmAduchchAryamANa eva sUkShmo bhUtvA sharIrANyadhitiShThati sarvANi chA~NgAnyamimR^ishati tasmAduchyate sUkShmam.h . atha kasmAduchyate vaidyuta.n yasmAduchchAryamANa eva vyakte mahati tamasi dyotayati tasmAduchyate vaidyutam.h . atha kasmAduchyate paraM brahma yasmAtparamaparaM parAyaNa.n cha bR^ihadbR^ihatyA bR^i.nhayati tasmAduchyate paraM brahma . atha kasmAduchyate ekaH yaH sarvAnprANAnsaMbhakShya saMbhakShaNenAjaH sa.nsR^ijati visR^ijati tIrthameke vrajanti tIrthameke dakShiNAH pratya~ncha uda~nchaH prA~ncho.abhivrajantyeke teShA.n sarveShAmiha sadgatiH . sAka.n sa eko bhUtashcharati prajAnA.n tasmAduchyata ekaH . atha kasmAduchyate rudraH yasmAdR^iShibhirnAnyairbhaktairdrutamasya rUpamupalabhyate tasmAduchyate rudraH . atha kasmAduchyate IshAnaH yaH sarvAndevAnIshate IshAnIbhirjananIbhishcha paramashaktibhiH . amitvA shUra No numo dugdhA iva dhenavaH . IshAnamasya jagataH svardR^ishamIshAnamindra tasthiSha iti tasmAduchyate IshAnaH . atha kasmAduchyate bhagavAnmaheshvaraH yasmAdbhaktA j~nAnena bhajantyanugR^ihNAti cha vAcha.n sa.nsR^ijati visR^ijati cha sarvAnbhAvAnparityajyAtmaj~nAnena yogeshvairyeNa mahati mahIyate tasmAduchyate bhagavAnmaheshvaraH . tadetadrudracharitam.h .. 4.. eko ha devaH pradisho nu sarvAH pUrvo ha jAtaH sa u garbhe antaH . sa eva jAtaH janiShyamANaH pratya~NjanAstiShThati sarvatomukhaH . eko rudro na dvitIyAya tasmai ya imA.nllokAnIshata IshanIbhiH . pratya~NjanAstiShThati sa.nchukochAntakAle sa.nsR^ijya vishvA bhuvanAni goptA . yo yoni.n yonimadhitiShThatityeko yeneda.n sarva.n vicharati sarvam.h . tamIshAnaM puruSha.n devamIDya.n nichAyyemA.n shAntimatyantameti . kShamA.n hitvA hetujAlAsya mUlaM buddhyA sa.nchita.n sthApayitvA tu rudre . rudramekatvamAhuH shAshvata.n vai purANamiShamUrjeNa pashavo.anunAmayantaM mR^ityupAshAn.h . tadetenAtmannetenArdhachaturthena mAtreNa shAnti.n sa.nsR^ijanti pashupAshavimokShaNam.h . yA sA prathamA mAtrA brahmadevatyA raktA varNena yastA.n dhyAyate nitya.n sa gachChetbrahmapadam.h . yA sA dvitIyA mAtrA viShNudevatyA kR^iShNA varNena yastA.n dhyAyate nitya.n sa gachChedvaiShNavaM padam.h . yA sA tR^itIyA mAtrA IshAnadevatyA kapilA varNena yastA.n dhyAyate nitya.n sa gachChedaishAnaM padam.h . yA sArdhachaturthI mAtrA sarvadevatyA.avyaktIbhUtA kha.n vicharati shuddhA sphaTikasannibhA varNena yastA.n dhyAyate nitya.n sa gachChetpadamanAmayam.h . tadetadupAsIta munayo vAgvadanti na tasya grahaNamayaM panthA vihita uttareNa yena devA yAnti yena pitaro yena R^iShayaH paramaparaM parAyaNa.n cheti . vAlAgramAtra.n hR^idayasya madhye vishva.n deva.n jAtarUpa.n vareNyam.h . tamAtmastha.n yenu pashyanti dhIrAsteShA.n shAntirbhavati netareShAm.h . yasminkrodha.n yA.n cha tR^iShNA.n kShamA.n chAkShamA.n hitvA hetujAlasya mUlam.h . buddhyA sa.nchita.n sthApayitvA tu rudre rudramekatvamAhuH . rudro hi shAshvatena vai purANeneShamUrjeNa tapasA niyantA . agniriti bhasma vAyuriti bhasma jalamiti bhasma sthalamiti bhasma vyometi bhasma sarva.nha vA idaM bhasma mana etAni chakShU.nShi yasmAdvratamidaM pAshupata.n yadbhasma nA~NgAni sa.nspR^ishettasmAdbrahma tadetatpAshupataM pashupAsha vimokShaNAya .. 5.. yo.agnau rudro yo.apsvantarya oShadhIrvIrudha Avivesha . ya imA vishvA bhuvanAni chaklR^ipe tasmai rudrAya namo.astvagnaye . yo rudro.agnau yo rudro.apsvantaryo oShadhIrvIrudha Avivesha . yo rudra imA vishvA bhuvanAni chaklR^ipe tasmai rudrAya namonamaH . yo rudro.apsu yo rudra oShadhIShu yo rudro vanaspatiShu . yena rudreNa jagadUrdhva.ndhAritaM pR^ithivI dvidhA tridhA dhartA dhAritA nAgA ye.antarikShe tasmai rudrAya vai namonamaH . mUrdhAnamasya sa.nsevyApyatharvA hR^idaya.n cha yat.h . mastiShkAdUrdhvaM prerayatyavamAno.adhishIrShataH .tadvA atharvaNaH shiro devakoshaH samujjhitaH . tatprANo.abhirakShati shiro.antamatho manaH . na cha divo devajanena guptA na chAntarikShANi na cha bhUma imAH . yasminnida.n sarvamotaprota.n tasmAdanyanna para.n ki~nchanAsti . na tasmAtpUrva.n na para.n tadasti na bhUta.n nota bhavya.n yadAsIt.h . sahasrapAdekamUrdhnA vyApta.n sa evedamAvarIvarti bhUtam.h . akSharAtsa.njAyate kAlaH kAlAdvyApaka uchyate . vyApako hi bhagavAnrudro bhogAyamano yadA shete rudrastadA sa.nhAryate prajAH . uchChvAsite tamo bhavati tamasa Apo.apsva~NgulyA mathite mathita.n shishire shishiraM mathyamAnaM phenaM bhavati phenAdaNDaM bhavatyaNDAdbrahmA bhavati brahmaNo vAyuH vAyoro~NkAraH AUMkArAtsAvitrI sAvityA gAyatrI gAyatryA lokA bhavanti . archayanti tapaH satyaM madhu kSharanti yadbhuvam.h . etaddhi parama.n tapaH . Apo.ajyotI raso.amR^itaM brahma bhUrbhuvaH svaro nama iti .. 6.. ya idamatharvashiro brAhmaNo.adhIte ashrotriyaH shrotriyo bhavati anupanIta upanIto bhavati so.agnipUto bhavati sa vAyupUto bhavati sa sUryapUto bhavati sa sarverdevairj~nAto bhavati sa sarvairvedairanudhyAto bhavati sa sarveShu tIrtheShu snAto bhavati tena sarvaiH kratubhiriShTaM bhavati gAyatryAH ShaShTisahasrANi japtAni bhavanti itihAsapurANAnA.n rudrANA.n shatasahasrANi japtAni bhavanti . praNavAnAmayuta.n japtaM bhavati . sa chakShuShaH pa~NktiM punAti . A saptamAtpuruShayugAnpunAtItyAha bhagavAnatharvashiraH sakR^ijjaptvaiva shuchiH sa pUtaH karmaNyo bhavati . dvitIya.n japtvA gaNAdhipatyamavApnoti . tR^itIya.n japtvaivamevAnupravishatyo.n satyamo.n satyamo.n satyam.h .. 7.. AUM bhadra.n karNebhiriti shAntiH .. .. ityatharvashira_upaniShatsamAptA .. ## Encoded by Sunder Hattangadi (sunderh at hotmail.com) \medskip\hrule\obeylines \medskip {\rm Please send corrections to sanskrit@cheerful.com} {\rm Last updated \today} {\rm http://sanskritdocuments.org} \end{document}