% Text title            : Atharvashikha Upanishad
% File name             : atharvashikha.itx
% Category              : upanishhat, svara, shiva
% Location              : doc\_upanishhat
% Author                : Vedic Tradition
% Transliterated by     : Sunder Hattangadi
% Proofread by          : Sunder Hattangadi
% Description-comments  : 23/108; Atharva Veda, Shaiva Upanishad
% Latest update         : October 14, 1999, March 17, 2017
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Atharvashikha Upanishad ..}##
\itxtitle{.. atharvashikhopaniShat ..}##\endtitles ##
o~NkArArthatayA bhAtaM turyo~NkArAgrabhAsuram |
turyaturya.ntripAdrAmaM svamAtraM kalaye.anvaham ||
OM bhadraM karNebhiH shR^iNuyAma devAH | bhadraM pashyemAkShabhiryajatrAH |
sthiraira~NgaistuShTuvA{\m+}sastanUbhirvyashema devahitaM yadAyuH |
svasti na indro vR^iddhashravAH | svasti naH pUShA vishvavedAH |
svasti nastArkShyo ariShTanemiH | svasti no bR^ihaspatirdadhAtu ||
OM   shAntiH   shAntiH   shAntiH ||

OM atha hainaM paippalAdo.a~NgirAH sanatkumArashchAtharvaNamuvAcha
bhagavan kimAdau prayuktaM dhyAnaM dhyAyitavyaM kiM taddhyAnaM ko
vA dhyAtA kashcha dhyeyaH |

sa ebhyotharvA pratyuvAcha |
omityetadakSharamAdau prayuktaM dhyAnaM dhyAyitavyamityetadakSharaM
paraM brahmAsya pAdAshchatvAro vedAshchatuShpAdidamakSharaM paraM brahma |
pUrvAsya mAtrA pR^ithivyakAraH R^igbhirR^igvedo brahmA vasavo gAyatrI gArhapatyaH |
dvitIyAntarikShaM sa ukAraH sa yajubhiryajurvedo viShNurudrAstriShTubdakShiNAgniH |
tR^itIyaH dyauH sa makAraH sa sAmabhiH sAmavedo rudrA AdityA jagatyAhavanIyaH |
yAvasAne.asya chaturthyardhamAtrA sA somaloka o~NkAraH
sAtharvaNamantrairatharvavedaH sa.nvartako.agnirmaruto
virADekarShirbhAsvatI smR^itA |
prathamA raktapItA mahadbrahma daivatyA |
dvitIyA vidyumatI kR^iShNA viShNudaivatyA |
tR^itIyA shubhAshubhA shuklA rudradaivatyA |
yAvAsAne.asya chaturthyardhamAtrA sA vidyumatI sarvavarNA puruShadaivatyA |
sa eSha hyo~NkArashchaturakSharashchatuShpAdashchatuHshirashchaturthamAtraH
sthUlametad_hrasvadIrghapluta iti ||
OM OM OM iti triruktvA chaturthaH shAnta AtmAplutapraNavaprayogeNa
samastamomiti prayukta AtmajyotiH sakR^idAvartate sakR^iduchchAritamAtraH
sa eSha UrdhvamannamayatItyo~NkAraH |
prANAnsarvAnpralIyata iti pralayaH |
prANAnsarvAnparamAtmani praNAmayatItyetasmAtpraNavaH |
chaturthAvasthita iti sarvadevavedayoniH sarvavAchyavastu praNavAtmakam || 1||
devAshcheti sa.ndhattAM sarvebhyo duHkhabhayebhyaH sa.ntArayatIti
tAraNAttAraH | sarve devAH sa.nvishantIti viShNuH | sarvANi
bR^ihayatIti brahmA | sarvebhyo.antasthAnebhyo dhyeyebhyaH
pradIpavatprakAshayatIti prakAshaH | prakAshebhyaH sadomityantaH sharIre
vidyudvaddyotayati muhurmuhuriti vidyudvatpratIyAddishaM dishaM bhittvA
sarvA.nllokAnvyApnoti vyApayatIti vyApanAdvyApI mahAdevaH || 2||
pUrvAsya mAtrA jAgarti jAgaritaM dvitIyA svapnaM tR^itIyA
suShuptishchaturthI turIyaM mAtrA mAtrAH pratimAtrAgatAH
samyaksamastAnapi pAdA~njayatIti svayaMprakAshaH svayaM brahma
bhavatItyeSha siddhikara etasmAddhyAnAdau prayujyate | sarva
karaNopasa.nhAratvAddhAryadhAraNAdbrahma turIyam | sarvakaraNAni
manasi sampratiShThApya dhyAnaM viShNuH prANaM manasi saha karaNaiH
sampratiShThApya dhyAtA rudraH prANaM manasi sahakaraNairnAdAnte
paramAtmani sampratiShThApya dhyAyIteshAnaM pradhyAyitavyaM sarvamidaM
brahmaviShNurudrendrAste samprasUyante sarvANi chendriyANi saha bhUtairna
kAraNaM kAraNAnAM dhyAtA kAraNaM tu dhyeyaH sarvaishvaryasampannaH
shaMbhurAkAshamadhye dhruvaM stabdhvAdhikaM kShaNamekaM kratushatasyApi
chatuHsaptatyA yatphalaM tadavApnoti kR^itsnamo~NkAragatiM cha
sarvadhyAnayogaj~nAnAnAM yatphalamo~NkAro veda para Isho vA shiva eko
dhyeyaH shiva.nkaraH sarvamanyatparityajya samastAtharvashikhaitAmadhItya
dvijo garbhavAsAdvimukto vimuchyata etAmadhItya dvijo garbhavAsAdvimukto
vimuchyata ityo{\m+}satyamityupaniShat || 3||

OM bhadraM karNebhiH shR^iNuyAma devAH | bhadraM pashyemAkShabhiryajatrAH |
sthiraira~NgaistuShTuvA{\m+}sastanUbhirvyashema devahitaM yadAyuH |
svasti na indro vR^iddhashravAH | svasti naH pUShA vishvavedAH |
svasti nastArkShyo ariShTanemiH | svasti no bR^ihaspatirdadhAtu ||
OM   shAntiH   shAntiH   shAntiH ||

|| iti atharvavedIya atharvashikhopaniShatsamAptA ||
##

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}