%@@1
% File name             : aatmabodha_upan.itx
%--------------------------------------------
% Text title            : Atmabodha Upanishad
% Author                : Vedic Tradition
% Language              : Sanskrit
% Subject               : philosophy/religion/hinduism
% Description/comments  : #42/108; RigVeda, Samanya Upanishad
% Transliterated by     : Sunder Hattangadi (sunderh at hotmail.com)
% Proofread by          : Sunder Hattangadi (sunderh at hotmail.com)
% Latest update         : September 25, 1999
% Send corrections to   : sanskrit@cheerful.com
%
% Special Instructions  : i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access           : http://sanskrit.gde.to
%                         http://sanskritdocuments.org
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's' agreement.
%@@2
%
% Please ignore the following commands upto #indian and others with \ mark,
% which are needed for devanaagarii output and formatting.
%--------------------------------------------------------
%--------------------------------------------------------

\documentstyle[11pt,multicol,itrans]{article}
%\documentclass[11pt]{article}
%\usepackage{multicol}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{.. Atmabodha Upanishad ..}##
\itxtitle{.. AtmabodhopaniShat ..}##\endtitles ##
.. AtmabodhopaniShat.h ..    ##42##
shrImannArAyaNAkAramaShTAkSharamahAshayam.h .
svamAtrAnubhavAtsiddhamAtmabodha.n hariM bhaje ..
AUM vA~Nme manasIti shAntiH ..
AUM pratyagAnandaM brahmapuruShaM praNavasvarUpaM akAra ukAra
makAra iti tryakSharaM praNava.n tadetadomiti . yamuktvA muchyate
yogI janmasa.nsArabandhanAt.h . AUM namo nArAyaNAya
sha~NkhachakragadAdharAya tasmAt.h AUM namo nArAyaNAyeti
mantropAsako vaikuNThabhavana.n gamiShyati . atha yadidaM
brahmapuraM puNDarIka.n tasmAttaDitAbhamAtra.n
dIpavatprakAsham.h ..
brahmaNyo devakIputro brahmaNyo madhusUdanaH .
brahmaNyaH puNDarIkAkSho brahmaNyo viShNurachyutaH ..
sarvabhUtasthameka.n nArAyaNa.n kAraNapuruShamakAraNaM paraM
brahmom.h . shokamohavinirmukto viShNu.n dhyAyanna sIdati .
dvaitAdvaitamabhayaM bhavati . mR^ityoH sa mR^ityumApnoti ya iha
nAneva pashyati . hR^itpadmamadhye sarva.n yattatpraj~nAne
pratiShThitam.h . praj~nAnetro lokaH praj~nA pratiShThA
praj~nAnaM brahma . sa etena
praj~nenAtmanAsmAllokAdutkramyAmuShminsvarge loke
sarvAnkAmAnAptvA.amR^itaH samabhavadamR^itaH samabhavat.h .
yatra jyotirajasra.n yasmi.nlloke.abhyarhitam.h . tasminmA.n dehi
svamAnamR^ite loke akShate achyute loke akShate amR^itatva.n cha
gachChatyoM namaH .. 1..
pragalitanijamAyo.aha.n nistuladR^ishirUpavastumAtro.aham.h .
astamitAhanto.ahaM pragalitajagadIshajIvabhedo.aham.h .. 1..
pratyagabhinnaparo.aha.n vidhvastAsheShavidhiniShedho.aham.h .
samudastAshramito.ahaM pravitatasukhapUrNasa.nvidevAham.h .. 2..
sAkShyahamanapekSho.aha.n nijamahimni sa.nsthito.ahamachalo.aham.h .
ajaro.ahamavyayo.ahaM pakShavipakShAdibhedavidhuro.aham.h .. 3..
avabodhaikaraso.ahaM mokShAnandaikasindhurevAham.h .
sUkShmo.ahamakSharo.aha.n vigalitaguNajAlakevalAtmA.aham.h .. 4..
nistraiguNyapado.aha.n kukShisthAnekalokakalano.aham.h .
kUTasthachetano.aha.n niShkriyadhAmAhamapratarkyo.aham.h .. 5..
eko.ahamavikalo.aha.n nirmalanirvANamUrtirevAham.h .
niravayo.ahamajo.aha.n kevalasanmAtrasArabhUto.aham.h .. 6..
niravadhinijabodho.aha.n shubhatarabhAvo.ahamaprabhedyo.aham.h .
vibhurahamanavadyo.aha.n niravadhiniHsImatattvamAtro.aham.h .. 7..
vedyo.ahamagamAstairArAdhyo.aha.n sakalabhuvanahR^idyo.aham.h .
paramAnandaghano.aham paramAnandaikabhUmarUpo.aham.h .. 8..
shuddho.ahamadvayo.aha.n santatabhAvo.ahamAdishUnyo.aham.h .
shamitAntatritayo.ahaM baddho mukto.ahamadbhutAtmAham.h .. 9..
shuddho.ahamAntaro.aha.n shAshvatavij~nAnasamarasAtmAham.h .
shodhitaparatattvo.ahaM bodhAnandaikamUrtirevAham.h .. 10..
vivekayuktibuddhyAha.n jAnAmyAtmAnamadvayam.h .
tathApi bandhamokShAdivyavahAraH pratIyate .. 11..
nivR^itto.api prapa~ncho me satyavadbhAti sarvadA .
sarpAdau rajjusatteva brahmasattaiva kevalam.h .
prapa~nchAdhArarUpeNa vartate.ato jaganna hi .. 12..
yathekShurasasa.nvyAptA sharkarA vartate tathA .
advayabrahmarUpeNa vyApto.aha.n vai jagattrayam.h .. 13..
brahmAdikITaparyantAH prANino mayi kalpitAH .
budbudAdivikArAntastara~NgaH sAgare yathA .. 14..
tara~Ngastha.n drava.n sindhurna vA~nChati yathA tathA .
viShayAnandavA~nChA me mA bhUdAnandarUpataH .. 15..
dAridryAshA yathA nAsti saMpannasya tathA mama .
brahmAnande nimagnasya viShayAshA na tadbhavet.h .. 16..
viSha.n dR^iShTvA.amR^ita.n dR^iShTvA viSha.n tyajati
buddhimAn.h .
AtmAnamapi dR^iShTvAhamanAtmAna.n tyajAmyaham.h .. 17..
ghaTAvabhAsako bhAnurghaTanAshe na nashyati .
dehAvabhAsakaH sAkShI dehanAshe na nashyati .. 18..
na me bandho na me muktirna me shAstra.n na me guruH .
mAyAmAtravikAsatvAnmAyAtIto.ahamadvayaH .. 19..
prANAshchalantu taddharmaiH kAmairvA hanyatAM manaH .
AnandabuddhipUrNasya mama duHkha.n kathaM bhavet.h .. 20..
AtmAnama~njasA vedmi kvApyaj~nAnaM palAyitam.h .
kartR^itvamadya me naShTa.n kartavya.n vApi na kvachit.h .. 21..
brAhmaNya.n kulagotre cha nAmasaundaryajAtayaH .
sthUladehagatA ete sthUlAdbhinnasya me nahi .. 22..
kShutpipAsAndhyabAdhiryakAmakrodhAdayo.akhilAH .
li~NgadehagatA ete hyali~Ngasya na santi hi .. 23..
jaDatvapriyamodatvadharmAH kAraNadehagAH .
na santi mama nityasya nirvikArasvarUpiNaH .. 24..
ulUkasya yathA bhAnurandhakAraH pratIyate .
svaprakAshe parAnande tamo mUDhasya jAyate .. 25..
chakShurdR^iShTinirodhe.abhraiH sUryo nAstIti manyate .
tathA.aj~nAnAvR^ito dehI brahma nAstIti manyate .. 26..
yathAmR^ita.n viShAdbhinna.n viShadoShairna lipyate .
na spR^ishAmi jaDAdbhinno jaDadoShAnprakAshataH .. 27..
svalpApi dIpakaNikA bahula.n nAshayettamaH .
svalpo.api bodho nibiDe bahula.n nAshayettamaH .. 28..
kAlatraye yathA sarpo rajjau nAsti tathA mayi .
aha~NkArAdidehAnta.n jagannAstyahamadvayaH .. 29..
chidrUpatvAnna me jADya.n satyatvAnnAnR^itaM mama .
AnandatvAnna me duHkhamaj~nAnAdbhAti satyavat.h .. 30..
AtmaprabodhopaniShadaM muhUrtamupAsitvA na sa punarAvartate na
sa punarAvartata ityupaniShat.h ..
AUM vA~Nme manasIti shAntiH ..
iti AtmabodhopaniShatsamAptA ..
##
Encoded by Sunder Hattangadi (sunderh at hotmail.com)
\medskip\hrule\obeylines
\medskip
{\rm Please send corrections to sanskrit@cheerful.com}
{\rm Last updated \today}
{\rm http://sanskritdocuments.org}
\end{document}