atha shrIrAdhAprakaraNam tatrApi sarvathA shreShThe rAdhAchandrAvalItyubhe | yUthayostu yayoH santi koTisa~NkhyA mR^igIdR^ishaH|| 1|| abhUdAkulito rAsaH pramadAshatakoTibhiH | puline yAmune tasminnityeShAgamikI prathA|| 2|| tayorapyubhayormadhye rAdhikA sarvathAdhikA | mahAbhAvasvarUpeyaM guNairativarIyasI|| 3|| gopAlottaratApanyAM yadgAndharveti vishrutA | rAdhetyR^ikparishiShTe cha mAdhavena sahoditA | atastadIyamAhAtmyaM pAdme devarShiNoditam|| 4|| tathA hi yathA rAdhA priyA viShNostasyAH kuNDaM priyaM tathA | sarvagopIShu saivaikA viShNoratyantavallabhA|| 5|| hlAdinI yA mahAshaktiH sarvashaktivarIyasI | tatsArabhAvarUpeyamiti tantre pratiShThitA|| 6|| suShThukAntasvarUpeyaM sarvadA vArShabhAnavI | dhR^itaShoDashashR^i~NgArA dvAdashAbharaNAnvitA|| 7|| tatra suShThukAntasvarUpA yathA shrIkR^iShNavAkyam kachAstava suku~nchitA mukhamadhIradIrghekShaNaM kaThorakuchabhAguraH krashimashAli madhyasthalam | nate shirasi dorlate karajaratnaramyau karau vidhUnayati rAdhike trijagadeSha rUpotsavaH|| 8|| atha dhR^itaShoDashashR^i~NgArA snAtA nAsAgrajAgranmaNirasitapaTA sUtriNI baddhaveNI sottaMsA charchitA~NgI kusumitachikurA sragviNI padmahastA | tAmbUlAsyorubindustavakitachibukA kajjalAkShI suchitrA rAdhAlaktojjvalA~NghriH sphuriti tilakinI ShoDashAkalpinIyam|| 9|| atha dvAdashAbharaNAshritA divyashchUDAmaNIndraH puraTavirachitAH kuNDaladvandvakA~nchi- niShkAshchakrIshalAkAyugavalayaghaTAH kaNThabhUShormikAshcha | hArAstArAnukArA bhujakaTakatulAkoTayo ratnakL^iptA- stu~NgA pAdA~NgurIyachChaviriti ravibhirbhUShaNairbhAti rAdhA|| 10||| atha vR^indAvaneshvaryAH kIrtyante pravarA guNAH | madhureyaM navavayAshchalApA~NgojjvalasmitA|| 11|| chArusaubhAgyarekhADhyA gandhonmAditamAdhavA | sa~NgItaprasarAbhij~nA ramyavA~NnarmapaNDitA|| 12|| vinItA karuNApUrNA vidagdhA pATavAnvitA | lajjAshIlA sumaryAdA dhairyagAmbhIryashAlinI|| 13|| suvilAsA mahAbhAvaparamotkarShatarShiNI | gokulapremavasatirjagachChreNIlasadyashAH|| 14|| gurvarpitagurusnehA sakhIpraNayitAvashA | kR^iShNapriyAvalImukhyA santatAshravakeshavA | bahunA kiM guNAstasyAH sa~NkhyAtItA hareriva|| 15|| itya~NgoktimanaHsthAste parasambandhagAstathA | guNA vR^indAvaneshvaryA iha proktAshchaturvidhAH|| 16|| mAdhuryaM chArutA navyaM vayaH kaishoramadhyamam | saubhAgyarekhA pAdAdisthitAshchandrakalAdayaH|| 17|| sAdhumArgAdachalanaM maryAdetyuditaM budhaiH | lajjAbhijAtyashIlAdyairdhairyaM duHkhasahiShNutA|| 18|| vyaktatvAllakShitatvAchcha nAnyeShAM lakShaNaM kR^itam|| 19|| tatra madhurA yathA vidagdhamAdhave 132 balAdakShNorlakShmIH kavalayati navyaM kuvalayaM mukhollAsaH phullaM kamalavanamulla~Nghayati cha | dashAM kaShTAmaShTApadamapi nayatyA~Ngikaruchi- rvichitraM rAdhAyAH kimapi kila rUpaM vilasati|| 20|| atha navavayAH shroNiH syandanatAM kR^ishodari kuchadvandvaM kramAchchakratAM bhrUshchApashriyamIkShaNadvayamidaM yAtyAshugatvaM tava | sainApatyamataH pradAya bhuvi te kAmaH pashUnAM patiM dhunva~njitvaramAninaM tvayi nijaM sAmrAjyabhAraM nyadhAt || 21|| atha chalApA~NgI taDidatichalatAM te kiM dR^igantAdapAThI- dvidhumakhi taDito vA kiM tavAyaM dR^igantaH | dhruvamiha gurutAbhUttvaddR^igantasya rAdhe varamatijavinAM me yena jigye mano.api || 22|| atha ujjvalasmitA tava vadanavidhau vidhautamadhyAM smitasudhayAdharalekhikAmudIkShya | sakhi laghuraghabhichchakoravaryaH pramadamadoddhurabuddhirujjihIte|| 23|| atha chArusaubhAgyarekhADhyA aghahara bhaja tuShTiM pashya yachchandralekhA- valayakusumavallIkuNDalAkArabhAgbhiH | abhidadhati nilInAmatra saubhAgyarekhA- vitatibhiranuviddhAH suShThu rAdhAM padA~NkAH|| 24|| atha gandhonmAditamAdhavA vallImaNDalapallavAlibhiritaH sa~NgopanAyAtmano mA vR^indAvanachakravartini kR^ithA yatnaM mudhA mAdhavi | bhrAmyadbhiH svavirodhibhiH parimalairunmAdanaiH sUchitAM kR^iShNastAM bhramAdhipaH sakhi dhuvandhUrto dhruvaM dhAsyati|| 25|| atha sa~NgItaprasarAbhij~nA kR^iShNasAraharapa~nchamasvare mu~ncha gItakutukAni rAdhike | prekShate.atra hariNAnudhAvitAM tvAM na yAvadatiroShaNaH patiH|| 26|| atha ramyavAk suvadane vadane tava radhike sphurati keyamihAkSharamAdhurI | vikalatAM labhate kila kokilaH sakhi yayAdya sudhApi mudhArthatAm|| 27|| atha narmapaNDitA vaMshyAstvamupAdhyAyaH kimupAdhyAyI tavAtra vaMshI vA | kulayuvatidharmaharaNAdasti yuyornAparaM karma|| 28|| yathA vA deva prasIda vR^iShavardhana puNyakIrte sAdhvIgaNastanashivArchananityapUta | nirma~nChanaM tava bhaje ravipUjanAya snAtAsmi hanta mama na spR^isha na spR^ishA~Ngam|| 29|| atha vinItA api gokule prasiddhA bhrUbhramibhiH parijanairniShiddhApi | pIThaM mumocha rAdhA bhadrikAmapi dUrataH prekShya|| 30|| yathA vA vidagdhamAdhave 515 bhUyo bhUyaH kalivilasitaiH sAparAdhApi rAdhA shlAghyenAhaM yadagharipuNA bADhama~NgIkR^itAsmi | tatra kShAmodari kimaparaM kAraNaM vaH sakhInAM dattAmodAM praguNakaruNAma~njarImantareNa|| 31|| atha karuNApUrNA tArNashuchishikhayApi tarNakaM viddhavaktramavalokya sAsrayA | lipyate kShatamavAptabAdhayA ku~Nkumena kR^ipayAsya rAdhayA|| 32|| atha vidagdhA AchAryA dhAtuchitre pachanavirachanAchAturIchAruchittA vAgyuddhe mugdhayantI gurumapi cha girAM paNDitA mAlyagumphe | pAThe shArIshukAnAM paTurajitamapi dyUtakeliShu jiShNu- rvidyAvidyotibuddhiH sphurati ratikalAshAlinI rAdhikeyam|| 33|| atha pATavAnvitA yathA vidagdhamAdhave 33 ChinnaH priyo maNisaraH sakhi mauktikAni vR^ittAnyahaM vichinuyAmiti kaitavena | mugdhaM vivR^itya mayi hanta dR^igantabha~NgIM rAdhA gurorapi puraH praNayAdvyatAnIt|| 34|| atha lajjAshIlA vrajanarapatisUnurdurlabhAlokano.ayaM sphurati rahasi tAmyatyeSha tarShAjjano.api | virama janani lajje ki~nchidudghATya vaktraM nimiShamiha manAgapyakShikoNaM kShipAmi|| 35|| atha sumaryAdA prANAnakR^itAhArA sakhi rAdhAchAtakI varaM tyajati | na tu kR^iShNamudiramuktAdamR^itAdvR^ittiM bhajedaparAm|| 36|| yathA vA AhUyamAnA vrajanAthayAsmi yukto.abhisAraH sakhi nAdhunA me | na tAdR^ishInAM hi gurUttamAnAmAj~nAsvavaj~nA valate shivAya|| 37|| yathA vA pUrNAshIH pUrNimAsAvanavahitatayA yA tvayAsyai vitIrNA vaShTi tvAmeva tanvannakhilamadhurimotsekamasyAM mukundaH | diShTyA parvodagAtte svayamabhisaraNe chittamAdhatsva vatse yuktyApyuktA mayeti dyumaNisakhasutA prAhiNodeva chitrAm|| 38|| atha dhairyashAlinI tIvrastarjati bhinnadhIrgR^ihapatishChadmaj~nayA padmayA hAraM hArayati haripraNihitaM kIshena bhartuH svasA | mallIM lumpati kR^iShNakAmyakusumAM shaibyA priyA varkarI rAdhA pashya tathApyatIva sahanA tuShNImasau tiShThati|| 39|| atha gAmbhIryashAlinI kalahAntaritApade sthitiM sakhi dhIrAdya gatApi rAdhikA bahirudbhaTamAnalakShaNA sudurUhA lalitAdhiyApyabhUt|| 40|| atha suvilAsA tiryakkShiptachaladdR^iga~nchalaruchirlAsyollasadbhrUlatA kundAbhasmitachandikojjvalamukhI gaNDochChalatkuNDalA | kandarpAgamasiddhamantragahanAmardhaM duhAnA giraM hAriNyadya harerjahAra hR^idayaM rAdhA vilAsormibhiH|| 41|| atha mahAbhAvaparamotkarShatarShiNI ashrUNAmativR^iShTibhirdviguNayantyarkAtmajAnirjharaM jyotsnIsyandividhUpalapratikR^itichChAyaM vapurbibhratI | kaNThAntastruTadakSharAdyapulakairlabdhA kadambAkR^itiM rAdhA veNudhara pravAtakadalItulyA kvachidvartate|| 42|| atha gokulapremavasatiH premasantatibhireva nirmame vedhasA nu vR^iShabhAnunandinI | yAdR^ishAM padamitA manAMsi naH snehayatyakhilagoShThavAsinAm|| 43|| atha jagachChreNIlasadyashAH utphullaM kila kurvatI kuvalayaM devendrapatnIshrutau kundaM nikShipatI viri~nchIgR^ihiNIromauShadhIharShiNI | karNottaMsasudhAMshuratnasakalaM vidrAvya bhadrA~Ngi te lakShmImapyadhunA chakAra chakitAM rAdhe yashaHkaumudI|| 44|| atha gurvarpitagurusnehA na sutAsi kIrtidAyAH kintu mamaiveti tathyamAkhyAmi | prANimi vIkShya mukhante kR^iShNasyeveti kiM trapase|| 45|| atha sakhIpraNayAdhInA upadisha sakhi vR^inde vallavendrasya sUnuM kimayamiha sakhInAM mAmadhInAM dunoti | apasaratu sasha~NkaM mandirAnmAninInAM kalayati lalitAyAH kiM na shauTIryadhATIm|| 46|| atha kR^iShNapriyAvalImukhyA yathA lalitamAdhave 1010 santu bhrAmyadapADgabha~NgikhuralIkhelAbhuvaH subhruvaH svasti syAnmadirekShaNe kShaNamapi tvAmantarA me kutaH | tArANAM nikurambakeNa vR^itayA shliShTe.api somAbhayA nAkAshe vR^iShabhAnujAM shriyamR^ite niShpadyate svachChatA|| 47|| atha santatAshravakeshavA ShaDa~NghribhiramarditAnkusumasa~nchayAnAchinod akhaNDamapi rAdhike bahushikhaNDakaM tvadgirA | amuM cha navapallavavrajamuda~nchadarkojjvalaM karotu vashago janaH kimayamanyadAj~nApaya|| 48|| yasyAH sarvottame yUthe sarvasadguNamaNDitAH | samantAnmAdhavAkarShivibhramAH santi subhruvaH|| 49|| tAstu vR^indAvaneshvaryAH sakhyaH pa~nchavidhA matAH | sakhyashcha nityasakhyashcha prANasakhyashcha kAshchana | priyasakhyashcha paramapreShThasakhyashcha vishrutAH|| 50|| sakhyaH kusumikAvindhyAdhaniShThAdyAH prakIrtitAH | nityasakhyashcha kastUrImaNima~njarikAdayaH|| 51|| prANasakhyaH shashimukhIvAsantIlAsikAdayaH | gatA vR^indAvaneshvaryAH prAyeNemAH svarUpatAm|| 52|| priyasakhyaH kura~NgAkShI sumadhyA madanAlasA | kamalA mAdhurI ma~njukeshI kandarpasundarI | mAdhavI mAlatI kAmalatA shashikalAdayaH|| 53|| paramapreShThasakhyastu lalitA savishAkhikA | sachitrA champakalatA tu~NgavidyendulekhikA | ra~NgadevI sudevI chetyaShTau sarvagaNAgrimAH|| 54|| AsAM suShThu dvayoreva premNaH paramakAShThayA | kvachijjAtu kvachijjAtu tadAdhikyamivekShate|| 55|| iti shrIshrIujjvalanIlamaNau shrIrAdhAprakaraNam|| 4||