atha shrIharipriyAprakaraNam hareH sAdhAraNaguNairupetAstasya vallabhAH | pR^ithupremNAM sumAdhuryasampadA~nchAgrimAshrayAH|| 1|| yathA praNamAmi tAH paramamAdhurIbhR^itaH kR^itapuNyapu~njaramaNIshiromaNIH | upasannayauvanaguroradhItya yAH smarakelikaushalamudAharanharau|| 2|| svakIyAH parakIyAshcha dvidhA tAH parikIrtitAH|| 3|| tatra svakIyAH karagrahavidhiM prAptAH patyurAdeshatatparAH | pAtivratyAdavichalAH svakIyAH kathitA iha|| 4|| yathA sunirmANe dharmAdhvani patiparAbhiH parichite mudA baddhashraddhA giri cha guruvargasya paritaH | gR^ihe yAH sevante priyamaparatantrAH pratidinaM mahiShyastAH shaurestava mudamudagrAM vidadhatu|| 5|| yathA vA shrIdashame 106055 na tvAdR^ishIM praNayinIM gR^ihiNIM gR^iheShu pashyAmi mAnini yayA svavivAhakAle | prAptAnnR^ipAnna vigaNayya rahoharo me prasthApito dvija upashrutasatkathasya|| 6|| tAstu shrIyaduvIrasya sahasrANyasya ShoDasha | aShTottarashatAgrANi dvAravatyAM suvishrutAH|| 7|| AsAM sakhyashcha dAsyashcha pratyekaM syuH sahasrashaH | tulyarUpaguNAH sakhyaH ki~nchinnyUnAstu dAsikAH|| 8|| tatrApi rukmiNI satyA jAmbavatyarkanandinI | shaibyA bhadrA cha kaushalyA mAdrItyaShTau gaNAgrimAH|| 9|| tatrApi rukmiNIsatye varIyasyau prakIrtite | aishvaryAdrukmiNI tatra satyA saubhAgyato varA|| 10|| tathA hi harivaMshe kuTumbasyeshvarI yAsIdrukmiNI bhIShmakAtmajA | satyabhAmottamA strINAM saubhAgye chAdhikAbhavat|| 11|| pAdme 68828 cha kArttikamAhAtmye tAM prati shrIkR^iShNavAkyaM na me tvattaH priyatamA kAchidanyA nitambinI | ShoDashastrIsahasrANAM priye prANasamA hyasi|| 12|| anayoH sakalotkR^iShTAH sakhyo dAsyashcha lakShashaH | svIyAjAtIyabhAvena nikhilA eva bhAvitAH|| 13|| yAshcha gokulakanyAsu patibhAvaratA harau | tAsAM tadvR^ittiniShThAnna svIyAtvamasAmpratam|| 14|| yathA AryA chedativatsalA mayi muhurgoShTheshvarI kiM tataH prANebhyaH praNayAspadaM priyasakhIvR^indaM kimetena me | vaikuNThATavImaNDalIvijayI chedvR^indAvanaM tena kiM dIvyatyatra na chedumAvrataphalaM pichChAvataMsI patiH|| 15|| gAndharvarItyA svIkArAtsvIyAtvamiha vastutaH | avyaktatvAdvivAhasya suShThu prachChannakAmatA|| 16|| atha parakIyA rAgeNaivArpitAtmano lokayugmAnapekShiNA | dharmeNAsvIkR^itA yAstu parakIyA bhavanti tAH|| 17|| yathA rAgollAsavila~NghitAryapadavIvishrAntayo.apyuddhura- shraddhArajyadarundhatImukhasatIvR^indena vandyehitAH | AraNyA api mAdhurIparimalavyAkShiptalakShmIshriyas tAstrailokyavilakShaNA dadatu vaH kR^iShNasya sakhyaH sukham|| 18|| kanyakAshcha paroDhAshcha parakIyA dvidhA matAH | vrajeshavrajavAsinya etAH prAyeNa vishrUtAH | prachChannakAmatA hyatra gokulendrasya saukhyadA|| 19|| tathA hi rudraH shR^i~NgAratilake 230 vAmatA durlabhatvaM cha strINAM yA cha nivAraNA | tadeva pa~nchabANasya manye paramamAyudham|| 20|| viShNuguptasaMhitAyAM cha yatra niShedhavisheShaH sudurlabhatvaM cha yanmR^igAkShINAm | tatraiva nAgarANAM nirbharamAsajjate hR^idayam|| 21|| AH kiMvAnyadyatastasyAmidameva mahAmuniH | jagau pAramahaMsyA~ncha saMhitAyAM svayaM shukaH|| 22|| yathA shrIdashame 103319 kR^itvA tAvantamAtmAnaM yAvatIrgopayoShitaH | reme sa bhagavAMs tAbhirAtmArAmo.api lIlayA|| 23|| vartitavyaM shamichChadbhirbhaktavanna tu kR^iShNavat | ityevaM bhaktishAstrANAM tAtparyasya vinirNayaH|| 24|| rAmAdivadvartitavyaM na kvachidrAvaNAdivat | ityeSha muktidharmAdiparANAM naya Iryyate|| 25|| tathA cha tatraiva 103331 36 naitatsamAcharejjAtu manasApi hyanIshvaraH | vinashyatyAcharanmauDhyAdyathArudro.abdhijaM viSham|| 26|| anugrahAya bhaktAnAM mAnuShaM dehamAshritaH | bhajate tAdR^ishIH krIDA yAH shrutvA tatparo bhavet|| 27|| shrImukhena tu mAhAtmyamAsAM prAha svayaM hariH|| 28|| yathA tatraiva 103222 na pAraye.ahaM niravadyasaMyujAM svasAdhukR^ityaM vibudhAyuShApi vaH | yA mAbhajandurjaragehashR^i~NkhalAH saMvR^ishchya tadvaH pratiyAtu sAdhunA|| 29|| uddhavo.api jagau suShThu sarvabhAgavatottamaH|| 30|| yathA bhAg 104761 AsAmaho charaNareNujuShAmahaM syAM vR^indAvane kimapi gulmalatauShadhInAm | yA dustyajaM svajanamAryapathaM cha hitvA bhejurmukundapadavIM shrutibhirvimR^igyAm|| 31|| mAyAkalitatAdR^ikstrIshIlanenAnasUyubhiH | na jAtu vrajadevInAM patibhiH saha sa~NgamaH|| 32|| tathA hi shrIdashame 103337 nAsUyankhalu kR^iShNAya mohitAstasya mAyayA | manyamAnAH svapArshvasthAnsvAnsvAndArAnvrajaukasaH || 33|| tatra kanyakAH anUDhAH kanyakAH proktAH salajjAH pitR^ipAlitAH | sakhIkeliShu visrabdhAH prAyo mugdhAguNAnvitAH|| 34|| tatra durgAvrataparAH kanyA dhanyAdayo matAH | hariNA pUritAbhIShTAstena tAstasya vallabhAH|| 35|| yathA visrabdhA sakhi dhUlikeliShu paTAsaMvItavakShaHsthalA bAlAsIti na vallavastava pitA jAmAtaraM mR^igyati | tvantu bhrAntavilochanAntamachirAdAkarNya vR^indAvane kUjantIM shikhipichChamaulimuralIM sotkampamAghUrNasi|| 36|| atha paroDhAH gopairvyUDhA api hareH sadA sambhogalAlasAH | paroDhA vallabhAstasya vrajanAryo.aprasUtikAH|| 37|| yathA padyAvalyAm 312 kAtyAyanI kusumakAmanayA kimarthaM kAntArakukShikuharaM kutukAdgatAsi | sadyastanaM stanayuge tava kaNTakA~NkaM patyuH svasA sakhi sasha~NkamudIkShate.asau|| 38|| etAH sarvAtishAyinyaH shobhAsAdguNyavaibhavaiH | ramAdibhyo.apyurupremamAdhuryabharabhUShitAH|| 39|| tathA shrIdashame 104760 nAyaM shriyo.a~Nga u nitAntarateH prasAdaH svaryoShitAM nalinagandharuchAM kuto.anyAH | rAsotsave.asya bhujadaNDagR^ihItakaNTha- labdhAshiShAM ya udagAdvrajavallabhInAm|| 40|| tAstridhA sAdhanaparA devyo nityapriyAstathA|| 41|| tatra sAdhanaparAH syuryauthikyastvayauthikya iti tatrAdimA dvidhA|| 42|| tatra yauthikyaH yauthikyastatra saMbhUya gaNashaH sAdhane ratAH | dvividhAstAstu munayastathopaniShado matAH|| 43|| tatra munayaH gopAlopAsakAH pUrvamaprAptAbhIShTasiddhayaH | chirAdudbuddharatayo rAmasaundaryavIkShayA|| 44|| munayastannijAbhIShTasiddhisampAdane ratAH | labdhabhAvA vraje gopyo jAtAH pAdma itIritam|| 45|| kathApyanyA kila bR^ihadvAmane cheti vishrutiH | siddhiM katichidevAsAM rAsArambhe prapedire | iti kechitprabhAShante prakaTArthAnusAriNaH|| 46|| atha upaniShadaH samantAtsUkShmadarshinyo mahopaniShado.akhilAH | gopInAM vIkShya saubhAgyamasamordhvaM suvismitAH|| 47|| tapAMsi shraddhayA kR^itvA premADhyA jaj~nire vraje| vallavya iti paurANI tathaupaniShadI prathA|| 48|| athAyauthikyaH tadbhAvabaddharAgA ye janAste sAdhane ratAH | tadyogyamanurAgaughaM prApyotkaNThAnusArataH|| 49|| tA ekasho.athavA dvitrAH kAle kAle vraje.abhavan| prAchInAshcha navAshcha syurayauthikyastato dvidhA|| 50|| nityapriyAbhiH sAlokyaM prAchInAshchiramAgatAH | vraje jAtA navAstvetA martyAmartyAdiyonitaH || 51|| atha devyaH deveShvaMshena jAtasya kR^iShNasya divi tuShTaye | nityapriyANAmaMshAstu yA yAtA devayonayaH|| 52|| atra devAvataraNe janitvA gopakanyakAH | tA aMshinInAmevAsAM priyasakhyo.abhavanvraje|| 53|| atha nityapriyAH rAdhAchandrAvalImukhyAH proktAH nityapriyA vraje | kR^iShNavannityasaundaryavaidagdhyAdiguNAshrayAH|| 54|| tathA cha brahmasaMhitAyAM 548 AnandachinmayarasapratibhAvitAbhis tAbhirya eva nijarUpatayA kalAbhiH | goloka eva nivasatyakhilAtmabhUto govindamAdipuruShaM tamahaM bhajAmi|| 55|| tatra shAstrasiddhAstu rAdhA chandrAvalI tathA | vishAkhA lalitA shyAmA padmA shaibyA cha bhadrikA | tArA vichitrA gopAlI dhaniShThA pAlikAdayaH|| 56|| chandrAvalyeva somAbhA gAndharvA rAdhikaiva sA | anurAdhA tu lalitA naitAstenoditAH pR^ithak|| 57|| lokaprasiddhanAmnyastu kha~njanAkShI manoramA | ma~NgalA vimalA lIlA kR^iShNA shArI vishAradA | tArAvalI chakorAkShI sha~NkarI ku~NkumAdayaH|| 58|| ityAdInAntu shatasho yUthAni vrajasubhruvAm | lakShasa~NkhyAstu kathitA yUthe yUthe varA~NganAH|| 59|| sarvA yUthAdhipA etA rAdhAdyAH ku~NkumAntimAH | vishAkhAM lalitAM padmAM shaibyA~ncha prohya kIrtitAH|| 60|| kintu saubhAgyadhaureyA aShTau rAdhAdayo matAH | yUthAdhipAtve.apyauchityaM dadhAnA lalitAdayaH | sveShTarAdhAdibhAvasya lobhAtsakhyaruchiM dadhuH|| 61|| iti shrIshrIujjvalanIlamaNau shrIharipriyAprakaraNam|| 3|| the sechond hal o this verse as ound in the padyAvalI pashya stanastavakayostava kaNTakA~NkaM gopaH sukaNThi bata pashyati jAtakopaH|| 38||