shrI-rUpa-gosvAmi-virachito bR^ihad-dhyAnaH

koNenAkShNoH pR^ithu-ruchiH mitho hAriNA lihyamAnAv
ekaikena prachura-pulakenopaguDhau bhujena |
gaurI-shyAmau vasana-yugalaM shyAma-gauraM vasAnau
rAdhA-kR^iShNau smara-vilasitoddAma-tR^iShNau smarAmi ||1||

bhR^i~NgAn suhR^id-vadana-gandha-bhareNa lolAn
lIlAmbujena mR^idulena nivArayantyA |
udvIkShyamANa-mukha-chandramasau rasaugha-
vistAriNA lalitayA nayanA~nchalena ||2||

chAmarabha-nava-ma~nju-ma~njarI-
bhrAjamAna-karayA vishAkhayA |
chitrayA cha kila dakSha-vAmayor
vIjyamAna-vapuShau vilAsataH ||3||

nAga-valli-dala-baddha-vITikA-
sampUTa-sphurita-pANi-padmayA |
champakAdilatayA sakampayA
dR^iShTa-pR^iShTa-taTa-rUpa-sampadau ||4||

ramyendulekhA-kala-gIta-mishritair
vaMshI-vilAsAnu-guNair guNa-j~nayA |
vINA-ninAda-prasaraiH purasthayA
prArabdha-ra~Ngau kila tu~NgavidyayA ||5||

tara~Ngad-a~NgyA kila ra~Nga-devyA
savye sudevyA cha shanair asavye |
shlakShNAbhimarshana-vimR^ijyamAna-
svedAshru-dhArau sichayA~nchalena ||6||