% Text title            : Vishnukritam Shiva Stotram 2
% File name             : viShNukRRitaMshivastotram2.itx
% Category              : shiva, stotra, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | ugrAkhyaH saptamAMshaH | adhyAyaH 11 | 550-568||
% Latest update         : March 8, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Vishnukritam Shiva Stotram 2 ..}##
\itxtitle{.. viShNukR^itaM shivastotram 2 ..}##\endtitles ##
viShNuruvAcha \-
namAmi vishveshvaramAdidevaM namAmi vishvottamamIshamekam |
namAmi sarvAdhikamaprameyaM namAmi shambhuM girijAsahAyam || 550||
namAmi kAlAntakamugramIshaM namAmi khaTvA~NgadharaM mahesham
namAmi somAnalabhAskarAkShaM namAmi vAhIkR^itasanmahokSham |
namAmi sarvAdhikakaNThabhUShaM namAmi nAnAvidhadivyaveSham
namAmi shuddhottamabhUtibhUShaM namAmi saMrakShitabhUtasheSham || 552||
namAmi sarvA~NgamavedyamAdyaM namAmi mAyArahitaM vishuddham |
namAmi lokaikanidAnabhUtaM namAmi nAnAvidhasR^iShTihetum || 553||
namAmi nAgeshasamarchitA~NghriM namAmi shuddhendukalAvataMsam |
namAmyanekenduraviprabhAsaM namAmi nityaM karuNArdrabhAvam || 554||
namAmi ramyottamavaktrachandraM namAmi dIrghoruhiraNyabAhum |
namAmi shAntAchChahiraNyarUpaM namAmi divyoruhiraNyavarNam || 555||
namAmi somaM vR^iSharAjaketuM namAmi sharvaM varadharmasetum |
namAmi bhImaM jagadekanAthaM namAmi rudraM janamokShahetum || 556||
namAmi vIreshvaramugravIryaM namAmi devaM bhavanIlakaNTham |
namAmi sarvAtiharaM sureshaM namAmi dIrghorujaTAkalApam || 557||
shiva eva sharaNyapuNyamUrtiH shiva evAkhiladevachakravartI |
shiva eva vidAritAmarArtiH shiva evAkhilavedagItakIrtiH || 558||
tvadanyaM sharaNyaM vareNyaM na jAne na jAne shivAmeyakudhreDjajAne |
tvadanyo na devastvadanyau na devastvadanyo na devastvadanyo na devaH || 559||
tvameva prabhuH sarvalokaikanAthastvamIshastvamArAdhyabhUtastvameva |
tvadanyo na pUjyastvadanyo na pUjyastvamevAsi pUjyastvamevAsi sevyaH || 560||
tvadanyatparaM vastu mAstyeva loke tvadanyo na vedAntavedyaH pareshaH |
tvamevAsi sarvaM tvadanyanna ki~nchiddhruvaM satyametaddhruvaM satyametat || 561||
shivAtparaM neti vadanti vedAH shivAtparaM neti vadanti devAH |
shivAtparaM neti vadanti siddhAH shivAtparaM neti vadanti shuddhAH || 562||
shiva evAkhilArAdhyaH shiva eva jagatprabhuH |
na shivAtparamastyekaM satyaM satyaM mayochyate || 563||
shivAj~nayaiva sUryo.ayaM tapati prativAsaram |
shivAj~nayaiva chandro.ayaM dIpayatyakhilA dishaH || 564||
shivAj~nayaiva shailendrAH phaNidikkariNaH sadA |
dhR^itvA tiShThanti pR^ithivIM bhotyA kampitamAnasAH || 565||
shivAj~nayaiva nitarAM prajvalatyanalaH sadA |
shivAj~nayaiva vAntyete vAyavaH sukhahetavaH || 566||
shivasyaiva prasAdena devendraH sarvapAlakaH |
shivasyaiva prasAdena sarjako.api prajApatiH || 567||
shivasyaiva prasAdena mayA prAptaM paraM padam |
shivasyaiva prasAdena shambhuH shambhutvamAptavAn || 568||

|| iti shivarahasyAntargate viShNukR^itaM shivastotraM sampUrNam ||

\- || shrIshivarahasyam | ugrAkhyaH saptamAMshaH | adhyAyaH 11 | 550\-568||
##
- .. shrIshivarahasyam . ugrAkhyaH saptamAMshaH . adhyAyaH 11 . 550-568..##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}