% Text title            : Upamanyukritam Shiva Stotram
% File name             : upamanyukRRitaMshivastotraM.itx
% Category              : shiva, shivarahasya, stotra
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | shivAkhyaH chaturthAMshaH | adhyAyaH 12 | 19-41||
% Latest update         : August 20, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Upamanyukritam Shiva Stotram ..}##
\itxtitle{.. upamanyukR^itaM shivastotram ..}##\endtitles ##
jaya sha~Nkara pArvatIpate mR^iDa shambho shashikhaNDamaNDana |
madanAntaka bhaktavatsala priyakailAsa dayAsudhAmbudhe || 19||
sadupAyakathAsvapaNDito hR^idaye duHkhashareNa khaNDitaH |
shashikhaNDashikhaNDamaNDanaM sharaNaM yAmi sharaNyamIshvaram || 20||
mahataH paritaH prasarpataH tamaso darshanabhedino bhide |
dinanAtha iva svatejasA hR^idayavyomni manAgudehi naH || 21||
na vayaM tava charmachakShuShA padavImapyamitrIkShituM kShamAH |
kR^ipayA.abhayadena chakShupA sakalenesha vilokapAshu mAm || 22||
tvadanusmR^itireva pAvanI stutiyuktA nahi vaktumIsha sA |
madhuraM hi payaH svabhAvato nanu kIdR^iksitasharkarAnvitam || 23||
saviSho.apyamR^itAyate bhavAn shavamuNDAmaraNo.api pAvanaH |
bhava eva bhavAntakaH satAM samadR^iShTirviShamekShaNo.api san || 24||
api shUladharo nirAmayo dR^iDhavairAgyarato.api rAgavAn |
api bhaikShacharo maheshvara charitaM chitramidaM hi te prabho || 25||
vitaratyabhivA~nChitaM nR^iNAM paripR^iShTaH kila kalpapAdapaH |
hR^idaye svata eva dhImate namate.abhIShTaphalaprado bhavAn || 26||
sahasaiva bhuja~NgapAshavAnvinigR^ihNAti na yAvadantakaH |
abhayaM kuru tAvadAshu me gatajIvasya punaH kimaupaghaiH || 27||
saviShairiva bhImapannagaiH viShayairebhiralaM parIkShitum |
amR^itairiva sambhrameNa mAmabhipi~nchAshu dayAvalokanaiH || 28||
munayo bahavo.atha dhanyatAM gamitAH svAbhimatArthalAbhataH |
karuNAkara yena tena mAmavasannaM nanu pashya chakShupA || 29||
praNamAmyatha yAmi chAparaM sharaNaM kaM kR^ipaNAbhayapradam |
virahIva vibho priyAmayaM paripashyAmi bhavanmayaM jagat || 30||
bahavo bhavatA.anukampitAH kimitIshAna na mA.anukampase |
dadhatA kimu mandarAchalaM paramANuH kamaThena durdharaH || 31||
ashuchi yadi mAM nu manyase kimidaM mUrdhni kapAladAma te |
atha shAThyamasAdhusa~NgamaM viShalakShmAsi na ki dvijihvabhR^it || 32||
viluThAmyavanau kimAkulaH kimuge hanmi shiro bhinadmi vA |
kimu rodimi rAraTImi vA kR^ipaNaM mAM na yadIkShase prabho || 33||
shiva sarvaga sharva sarvataH praNato deva dayAM kuruShva me |
nama Ishvara nAtha dikpate punarevesha namo namostu te || 34||
kva dR^ishaM vidadhAmi kiM karomyadhitiShThAmi kathaM bhayAkulaH |
kanu tiShThasi rakSha rakSha mAM mayi shambho sharaNAgato.asmi te || 35||
sharaNaM taruNendushekharaH sharaNaM me girirAjakanyakA |
sharaNaM punareva tAvubhau sharaNaM nAnyadupaimi daivataH || 36||
paralokabhayAtpratikShaNaM me hR^idayaM muhyati mugdhachandramaule |
sadayaM parigR^ihya sAdhu bandho kuru mAM nirbhayamarbhakaM tvadIyam || 37||
hara hara bhava bhIma bharga shambho trinayana rudra mahesha vishva shambho |
hara hara duritaM trishUlapANe shiva shiva sha~Nkara ki~NkarastavAham || 38||
yathA mR^ikaNDostanayaM yamAre yathaiva pANDostanayaM makhAre |
yathA shilAdasya sutaM kR^ipAbdhe tathaitra mAM pAhi pinAkapANe || 39||
\- \-
sUtaH \- (phalam)
upamanyukR^itaM stotraM yaH paThechshivasannidhau |
shivalokamavApnoti shivena saha modate || 40||
tatstutyA moditaH shambhuH taM prAha vinayAnatam |
devyAH pashyanmukhAmbhojaM gaNAnAM pashyatAM tadA || 41||

|| iti shivarahasyAntargate shivAkhye upamanyukR^itaM shivastotraM sampUrNam ||

\- || shrIshivarahasyam | shivAkhyaH chaturthAMshaH | adhyAyaH 12 | 19\-41||
##
- .. shrIshivarahasyam . shivAkhyaH chaturthAMshaH . adhyAyaH 12 . 19-41..

Notes: Upamanyu ##upamanyu## eulogizes Śiva ##shiva## who appears to him, after due penance.##
##
Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}