% Text title            : tattvAryAstavaH Hymn on Lord Nataraja at Chidambaram
% File name             : tattvAryA.itx
% Category              : shiva, stotra
% Location              : doc\_shiva
% Transliterated by     : Sridhar  Seshagiri sridhar.seshagiri at gmail.com
% Proofread by          : Sridhar  Seshagiri sridhar.seshagiri at gmail.com
% Description-comments  : Hymn on Lord Nataraja at Chidambaram
% Latest update         : December 29, 2001
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. tattvAryAstavaH Hymn on Lord Nataraja at Chidambaram ..}##
\itxtitle{.. tattvAryAstavaH ..}##\endtitles ##
shivakAmasundarIsha.n shivaga~NgAtIrakalpitanivesham |
shivamAshraye dyukesha.n shivamichChanmA vapuShyabhinivesham || 1||
gIrvANachakravartI gIshchetomArgadUratovartI |
bhaktAshayAnuvartI bhavatu naTesho.akhilAmayanivartI || 2||
vaiyAghrapAdabhAgya.n vaiyAghra.n charma ka.nchana vasAnam |
vaiyAkaraNaphaNIDya.n vaiyAsikyA girA stuta.n praNumaH || 3||
hATakasabhAnivAsaH shATakatApannasakalaharidantaH |
ghoTakanigamo mAyAnATakasAkShI jagatpatirjayati || 4||
shailUSharAjamAdya.n mAlUraprasavamAlikAbharaNam |
pIlUpamo.andhujIryachChAlUrAbhaH katha.n vijAnIyAm || 5||
kanakasabhaikaniketa.n kaThinapurANoktisArasa.nketam |
nArAdhayanti ke ta.n nArAyaNyA yuta.n svatoketam || 6||
tillavane kShullavane pallavasa.nbhinnaphullapuShpaghane |
chillaharImullalayan vallabhayA bhillatallajo naTati || 7||
vairAjahR^itsaroje vairAjAdyaiH sa sAmabhiH stavyaH |
vairAgyAdiguNADhyaiH vairAdyutsR^ijya dR^ishyate nR^ityan || 8||
DhakkAninadaiH sUtrANya~NgadanAdairaho mahadbhAShyam |
vyAkaraNasya vivR^iNvan nR^ityati bhR^ityAn kR^itArthayan martyAn || 9||
naTanAyaka naTanAya ka iha sukR^itI no tava spR^ihayet |
man~julatAma~njulatAmahite vastu.n cha tillavane || 10||
atiduritottArakR^ite chiradhR^itaharShaH sabhApatiH sadyaH |
agaNeyAghaghana.n mAmAsAdyAnandameduro naTati || 11||
matpAdalagnajanatAmuddhartAsmIti chitsabhAnAthaH |
tANDavamiShoddhR^itaikasavA~NghriH sarvAn vibodhayati || 12||
ApannalokapAlini kapAlini strIkR^itA~NgapAlini me |
shamitavidhishrIsharaNe sharaNA dhIrastu chitsabhAsharaNe || 13||
bhikShurmaheshvaro.api shrutyA proktaH shivo.apyugraH |
api bhavahArI cha bhavo naTo.api chitra.n sabhAnAthaH || 14||
nR^ityannaTeshamaulitva~Ngadga~NgAtara~NgashIkariNaH |
bhUShAhipItashiShTAH punantu mA.n tillavanavAtAH || 15||
kanakasabhAsamrAjo naTanArambhe jhala.njhala.njhaliti |
ma~njIrama~njuninadA dhvaniyuH shrotre kadA nu mama || 16||
parvatarAjatanUjAkuchataTasa.nkrAntaku~NkumonmishrAH |
naTanArbhaTIvidhUtA bhUtikaNAste spR^isheyurapi me.a~Ngam || 17||
naTanochchalatkapAlAmarditachandrakSharatsudhAmilitAH |
AdinaTamaulitaTinIpR^iShato gotre.atra me skhaleyuH kim || 18||
pashyAni sabhAdhIsha.n kadA nu ta.n mUrdhani sabhAdhIsham |
yaH kShayarasika.n kAla.n jitavAn dhatte cha shirasi ka~NkAlam || 19||
tanujAyAtanujAyAsaktAnA.n durlabha.n sabhAnAtham |
nagatanayA nagatanayA vashayati dattvA sharIrArdham || 20||
AnandatANDava.n yastavesha pashyenna chApi nR^igaNe yaH |
sa cha sa cha na chandramaule vidvadbhirjanmavatsu vigaNeyaH || 21||
kAmaparavasha.n kR^itvA kAmaparavasha.n tvakR^itvA mAm |
kanakasabhA.n gamayasi re kanakasabhA.n hA na yApayasi || 22||
naTana.n vihAya sha.nbhorghaTana.n pInastanIbhirAshAsse |
aTana.n bhave durante viTa nandasi na svabhUmasukham || 23||
kalitabhavala~NghanAnA.n ki.n karaiva chitsukhaghanAnAm |
sumudA.n sApaghanAnA.n shivakAmeshyAH kR^ipAmR^itaghanAnAm || 24||
ninilIye mAyAyA.n na viliye vA shuchA para.n lIye |
AnandasImani lasattillavanIdhAmani svabhUmani tu || 25||
adhihemasabha.n prasabha.n bisabha~NgavadAnyadhanyarucham |
shrutagalagarala.n sarala.n nirata.n bhaktAvane bhaje devam || 26||
sabhayA chitsabhayAsInmAyA mAyAprabodhashItarucheH |
suhitA dhIH suhitA me somA somArdhadhAriNI mUrtiH || 27||
patyA hemasabhAyAH satyAnandaikachidvapuShA |
katyArtA na trAtA nR^ityAyattena mAdR^ishA martyAH || 28||
bhajatA.n mumukShayA tvA.n naTesha labhayAstrayaH pumarthAshcha |
phalalipsayAmrabhAjA.n ChAyAsaurabhyamAdhavya iva || 29||
ka~nchukapa~nchakanaddha.n naTayasi mA.n ki.n naTesha nATayasi |
naTasi nirAvR^itisukhito jahi mAyA.n tvAdR^isho.ahamapi tat syAm || 30||
AstA.n naTesha tadyannaTati bhavAnambare nirAlambe |
tvannaTane.api hi naTana.n vedapurAnAgamAH samAdadhati || 31||
vedhasi sarvAdhIshe.amedhasi vA mAdR^ishe sarUpakR^itA |
rodhasi shivaga~NgAyA bodhasirA kAchidullasati || 32||
haTTAyita.n vimukteH kuTTAka.n ta.n bhajAmi mAyAyAH |
bhaTTAraka.n sabhAyAH kiTTAtmanya~Ngake tyajanmamatAm || 33||
shrImachchidambareshAdanyatrAnandatANDavAsaktAt |
brAhma.n lakShaNamAste kutrachidAnandarUpatA deve || 34||
kShullakakAmakR^ite.api tvatsevA syAdvimuktimapi dAtrI |
pItAmR^ito.apyudanyAshAntyai syAchchitsabhAdhipAmartyaH || 35||
satya.n satya.n gatyantaramutsR^ijya te padApAtyam |
atyantArta.n bhR^itya.n na tyaja nitya.n naTesha mA.n pAhi || 36||
ShaTtri.nshatA tattvamayIbhirAbhiH sopAnabhUtAbhirumAsahAyam |
AryAbhirAdya.n paratattvabhUta.n chidambarAnandanaTa.n bhajadhvam || 37||

        || iti shrItattvAryAstavaH sampUrNaH ||
##
Encoded by Sridhar Seshagiri seshagir at engineering.sdsu.edu

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}