% Text title            : Sutaproktam Shivavishvadhikyapramanam Tatha Shivadveshaprakaravarnanam
% File name             : shivadveShaprakAravarNanam.itx
% Category              : shiva, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | ugrAkhyaH saptamAMshaH | adhyAyaH 13 | 37-84||
% Latest update         : April 28, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Sutaproktam Shivavishvadhikyapramanam Tatha Shivadveshaprakaravarnanam ..}##
\itxtitle{.. sUtaproktaM shivavishvAdhikyapramANaM tathA shivadveShaprakAravarNanam ..}##\endtitles ##
sUtaH
shivaM vishvAdhikaM sAmbamananyasadR^ishaM prabhum |
yo.anyathA manute mohAtsa bhavetpulkasAdhamaH || 37||
shivadveSho.api vividhaH sa mayAtra nirUpyate |
shrotavyaM sAvadhAnena shuddhanishchalachetasA || 38||
viShNvAdidevatAsAmyaM yo vadedIshvare shive |
sa durbhagaH shivadveShTA dveShastatsAmyadhIH shive || 39||
shivena devadevena sadR^isho nAsti sarvathA |
tasmAdvishvAdhikatvena shivaH sarvashrutishrutaH || 40||
yataH shrutau shivAnyasya viShNorArAdhanaM dvijAH |
vishvAdhikatvaM naivoktaM stotrArthamapi sarvathA || 41||
ato vishvAdhiko rudraH kathaM viShNusamo bhavet |
rudro vishvAdhikaH shreShTho devottama iti shruteH || 42||
viprA vishvAdhiko rudro yadi viShNusamastadA |
shrutirvishvAdhiko rudro hyanyeShAM bAdhitA bhavet || 43||
viShNorvishvAdhikaH somo janiteti shrutiryataH |
tato viShNurna somena janakaina samo dhruvam || 44||
pavanAdibhirapyenaM na somaH soma uchyate |
somo.ayaM pavanAdInAM janiteti shrutiryataH || 45||
shivaM vishvAdhikatvena shrutishrutamanAmayam |
yo viShNusAmyatAM brUyAtsa devebhyo bahiShkR^itaH || 46||
vishvAdhikaH shivo neti yo vadenmohato.api vA |
sa nUnaM karmachaNDAlo rauravAya prakalpate || 47||
vishvAdhike mahArudre yo viShNusamatAM vadet |
sa nUnaM karmachaNDAlo rauravAya prakalpate || 48||
vishvAdhikaM mahArudraM yo.anyathA varNayedbhramAt |
sa nUnaM karmachaNDAlaH kumbhIpAkAya kalpate || 49||
chakrA~NkagrAvasAmyena shivali~Ngasya pUjanam |
shivadveShaH sutadveShaH sarvathA nirayapradaH || 50||
shivali~NgaM shivAkAraM chakrA~NkaprastaraiH saha |
taM niveshya mahApApaiH saMyuto bhavati dhruvam || 51||
atyuttamasthAnasaMsthaM shivali~NgaM shivAtmakam |
pUjanIyaM prayatnena tyaktvAnyArAdhanaM dvijAH || 52||
pativratA yathA bhaktayA patimAtraparAyaNA |
tathA dvijaiH shivo dhyeyaH shivaH pUjyo na saMshayaH || 53||
maheshvarAtiriktaM yo bhrameNArAdhayedapi |
sa chaNDAla iti j~neyaH satyaM satyaM na saMshayaH || 54||
vibhUtidhAraNaM tyaktvA yaH shivaM pUjayiShyate |
sa durbhagaH shivadveShTA sa dveSho narakapradaH || 55||
sarvakarmabahirbhUto bhasmadhAraNavarjitaH |
bhasmanA rahitaM karma vR^ithA bhavati sarvathA || 56||
vibhUtidhAraNaM tyaktvA kurvanhematulAmapi |
tatphalaM na samApnoti patito.api bhaviShyati || 57||
sandhyAshivArchanAdIni karmANyetAni vastutaH |
vaidikAni tatasteShu kartavyaM bhasmadhAraNam || 58||
yathopavItarahitaiH sandhyA na kriyate dvijaiH ||
tathA sandhyA (pUjA) na kartavyA vibhUtirahitairapi || 59||
gatopavItaiH sandhyAyAM kAryaH pratinidhiH kvachit |
vibhUtidhAraNe.apya(tva)nyo nAsti pratinidhidhruvam || 60||
vibhUtidhAraNAbhAve sandhyAtyAgo.api vastutaH |
dvijo na prachyavatyeva nAdhikArI yatastadA || 61||
vibhUtidhAraNAbhAve yadi sandhyAM karoti saH |
pratyavaityeva yenAsau nAdhikArI tadA dvijaH || 62||
yathA.adhItAMstyajan vedAnpratyavaiti dvijottamaH |
pratyavaiti na sandehaH sandhyAkR^idbhasmavarjitaH || 63||
sandhyAyAM nAdhikAro.asti mUrChitAnAM yathA tathA |
vibhUtirahitAnAM cha sandhyAyAM nAdhikAritA || 64||
sampAdanIyaM yatnena shrautabhasma sadA dvijaiH |
smArtaM vA tadabhAve tu laukikaM vA samAhitaiH || 65||
yAdR^ishaM tAdR^ishaM vAstu pavitraM bhasma sammatam |
dhAraNIyaM prayatnena dvijaiH sandhyAdikarmasu || 66||
na saMvishanti pApAni bhasmaliptaM naraM sadA |
kartavyamatiyatnena brAhmaNairbhasmadhAraNam || 67||
yatkR^itaM bhasmaliptena shrImahAdevapUjanam |
tatsarvAbhIdaM tasmAtkartavyaM bhasmadhAraNam || 68||
shivasyArdhanamaskAraH shivadveSha iti shrutaH |
sa puNyanAshakastasmAttatkartA pApakR^idbhavet || 69||
sAShTA~NgaM daNDavadbhUmau praNAmo bhaktipUrvakam |
nirantaraM dvijaiH kAryaH shAmbhavebhyastathaiva hi || 70||
shivasyArdhenamaskAro mahAdoShAvaho bhuvi |
sa puNyanAshakastasmAttatkartA pApakR^idbhavet || 71||
sAShTA~NgaM daNDavadbhUmau praNAmo bhaktipUrvakaH |
kartavyaH shrImaheshAya devAdhIshAya sarvadA || 72||
maheshvarajanadveShaH shivadveSha iti shrutaH |
sa puNyanAshakastasmAttatkartA pApakR^idbhavet || 73||
sa dveShaH pApaphaladaH pApakarmapravardhakaH |
shivabhaktAH pUjanIyA svashaktyA sAdhusammatAH || 74||
hemaraupyAnnavastrAdyaiH prINanIyAH prayatnataH |
shAmbhavAnmadhurAlApaiH praNAmAdyaishcha santatam || 75||
yaH praNIyetsa gaurIshaM prINayatyeva vastutaH |
yA kR^itA shAmbhave pUjA sA shambhoreva vastutaH || 76||
sAkShAdabhyarchitaH shambhuH shAmbhavasyaiva pUjayA |
yataH shambhoH priyatamAH shAmbhavA bhasmabhUShaNAH || 77||
tataH kartavyamanishaM shAmbhavAbhyarchanaM mudA |
sadAshivakathAbhinnakathAshravaNavAchane || 78||
shivadveSho duranto.asAvaghoranarakapradaH |
shrotavyAH sarvadA.anena sadAshivakathAH shubhAH || 79||
tatastA mokShadAH shrautAH sarvapAtakanAshakAH |
kIrtanIyo mahAdevo jihvayA puNyapUtayA || 80||
maheshakIrtanaM yasmAnmahApAtakanAshakam |
bhuktimuktipradaM puNyaM shivashravaNakIrtanam || 81||
tatastairyatnataH kAryaM brAhmaNAdyairmumukShubhiH |
shivetarasuradhyAnaM shivadveSha iti shrutiH || 82||
sa dveShaH sarvapuNyAnni vinAshayati sarvathA |
etatprabhR^itayo dveShA bahavaH pApahetavaH || 83||
tasmAdetAdR^ishaiH pApaiH pachyante narake janAH |
tasmAdetAdR^ishairdoShaivimuktA ye bhavAdR^ishAH || 84||

|| iti shivarahasyAntargate sUtaproktaM shivavishvAdhikyapramANaM tathA shivadveShaprakAravarNanaM sampUrNam ||

\- || shrIshivarahasyam ugrAkhyaH saptamAMshaH | adhyAyaH 13 | 37\-84||
##
- .. shrIshivarahasyam ugrAkhyaH saptamAMshaH . adhyAyaH 13 . 37-84 ..

Notes:
Sūta ##sUta## elucidates the Supremacy of Śiva ##shiva## and enumerates the types of Śivadveṣa ##shivadveSha##.##
##
Encoded and proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}