%@@1
% File name             : shivaananda.itx
%--------------------------------------------
% Text title            : shivAnanda laharI
% Author                :
% Language              : Sanskrit
% Subject               : philosophy/hinduism/religion
% Description/comments  : ????Source
% Transliterated by     : P. P. Narayanaswami swami at math.mun.ca
% Proofread by          : P. P. Narayanaswami swami at math.mun.ca
% Latest update         : November 1, 2010
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :
% http://sanskritdocuments.org
% http://sanskrit.gde.to/
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
% Commands upto engtitle are
% needed for devanaagarii output and formatting.
%--------------------------------------------------------

\documentstyle[11pt,multicol,itrans]{article}
%\documentclass[11pt]{article}
%\usepackage{multicol}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{.. shivAnanda laharI   ..}##
\itxtitle{.. shivAnanda laharI ..}##\endtitles ##
          shivAnandalaharI
## Encoded and proofread by P . P .  Narayanaswami at
 swami at math.mun.ca
##
kalAbhyAM chUDAla~NkR^itashashikalAbhyAM nijatapaH##-##
phalAbhyAM bhakteShu prakaTitaphalAbhyAM bhavatu me .
shivAbhyAmastokatribhuvanashivAbhyAM hR^idi puna##-##
rbhavAbhyAmAnandasphuradanubhavAbhyAM natiriyam.h .. 1..
galantI shaMbho tvachcharitasaritaH kilbiSharajo
dalantI dhIkulyAsaraNiShu patantI vijayatAm.h .
dishantI saMsArabhramaNaparitApopashamanaM
vasantI machchetohR^idabhuvi shivAnandalaharI .. 2..
trayIvedyaM hR^idyaM tripuraharamAdyaM trinayanaM
jaTAbhArodAraM chaladuragahAraM mR^igadharam.h .
mahAdevaM devaM mayi sadayabhAvaM pashupatiM
chidAlambaM sAmbaM shivamativiDambaM hR^idi bhaje .. 3..
sahasraM vartante jagati vibudhAH kShudraphaladA
na manye svapne vA tadanusaraNaM tatkR^itaphalam.h .
haribrahmAdInAmApi nikaTabhAjAmasulabhaM
chiraM yAche shaMbho tava padAMbhojabhajanam.h .. 4..
smR^itau shAstre vaidye shakunakavitAgAnaphaNitau
purANe mantre vA stutinaTanahAsyeShvachaturaH .
kathaM rAj~nAM prItirbhavati mayi ko.ahaM pashupate
pashuM mAM sarvaj~na prathita kR^ipayA pAlaya vibho .. 5..
ghaTo vA mR^itpiNDo.apyaNurapi cha dhUmo.agnirachalaH
paTo vA tanturvA pariharati kiM ghorashamanam.h .
vR^ithA kaNThakShobhaM vahasi tarasA tarkavachasA
padAmbhojaM shaMbhorbhaja paramasaukhyaM vraja sudhIH .. 6..
manaste pAdAbje nivasatu vachaH stotraphaNitau
karau chAbhyarchAyAM shrutirapi kathAkarNanavidhau .
tava dhyAne buddhirnayanayugalaM mUrtivibhave
paragranthAn.h kairvA paramashiva jAne paramataH .. 7..
yathA buddhiH shuktau rajatamiti kAchAshmani maNi##-##
rjale paiShTe kShIraM bhavati mR^igatR^iShNAsu salilam.h .
tathA devabhrAntyA bhajati bhavadanyaM jaDajano
mahAdeveshaM tvAM manasi cha na matvA pashupate .. 8..
gabhIre kAsAre vishati vijane ghoravipine
vishAle shaile cha bhramati kusumArthaM jaDamatiH .
samarpyaikaM chetaH sarasijamumAnAtha bhavate
sukhenAvasthAtuM jana iha na jAnAti kimaho .. 9..
naratvaM devatvaM nagavanamR^igatvaM mashakatA
pashutvaM kITatvaM bhavatu vihagatvAdi jananam.h .
sadA tvatpAdAbjasmaraNaparamAnandalaharI##-##
vihArAsaktaM ched.hdhR^idayamiha kiM tena vapuShA .. 10..
vaTurvA gehI vA yatirapi jaTI vA taditaro
naro vA yaH kashchidbhavatu bhava kiM tena bhavati .
yadIyaM hR^itpadmaM yadi bhavadadhInaM pashupate
tadIyastvaM shaMbho bhavasi bhavabhAraM cha vahasi .. 11..
guhAyAM gehe vA bahirapi vane vA.adrishikhare
jale vA vahnau vA vasatu vasateH kiM vada phalam.h .
sadA yasyaivAntaHkaraNamapi shaMbho tava pade
sthitaM chedyogo.asau sa cha paramayogI sa cha sukhI .. 12..
asAre saMsAre nijabhajanadUre jaDadhiyA
bhramantaM mAmandhaM paramakR^ipayA pAtumuchitam.h .
madanyaH ko dInastava kR^ipaNarakShAtinipuNa##-##
stvadanyaH ko vA me trijagati sharaNyaH pashupate .. 13..
prabhustvaM dInAnAM khalu paramabandhuH pashupate
pramukhyo.ahaM teShAmapi kimuta bandhutvamanayoH .
tvayaiva kShantavyAH shiva madaparAdhAshcha sakalAH
prayatnAtkartavyaM madavanamiyaM bandhusaraNiH .. 14..
upekShA no chet.h kiM na harasi bhavad.hdhyAnavimukhAM
durAshAbhUyiShThAM vidhilipimashakto yadi bhavAn.h .
shirastadvaidhAtraM na nakhalu suvR^ittaM pashupate
kathaM vA niryatnaM karanakhamukhenaiva lulitam.h .. 15..
viri~nchirdIrghAyurbhavatu bhavatA tatparashira##-##
shchatuShkaM saMrakShyaM sa khalu bhuvi dainyaM likhitavAn.h .
vichAraH ko vA mAM vishada kR^ipayA pAti shiva te
kaTAkShavyApAraH svayamapi cha dInAvanaparaH .. 16..
phalAdvA puNyAnAM mayi karuNayA vA tvayi vibho
prasanne.api svAmin.h bhavadamalapAdAbjayugalam.h .
kathaM pashyeyaM mAM sthagayati namaH saMbhramajuShAM
nilimpAnAM shroNirnijakanakamANikyamakuTaiH .. 17..
tvameko lokAnAM paramaphalado divyapadavIM
vahantastvanmUlAM punarapi bhajante harimukhAH .
kiyadvA dAkShiNyaM tava shiva madAshA cha kiyatI
kadA vA madrakShAM vahasi karuNApUritadR^ishA .. 18..
durAshAbhUyiShThe duradhipagR^ihadvAraghaTake
durante saMsAre duritanilaye duHkhajanake .
madAyAsaM kiM na vyapanayasi kasyopakR^itaye
vadeyaM prItishchettava shiva kR^itArthAH khalu vayam.h .. 19..
sadA mohATavyAM charati yuvatInAM kuchagirau
naTatyAshAshAkhAsvaTati jhaTiti svairamabhitaH .
kapAlin.h bhikSho me hR^idayakapimatyantachapalaM
dR^iDhaM bhaktyA baddhvA shiva bhavadadhInaM kuru vibho .. 20..
dhR^itistaMbhAdhArAM dR^iDhaguNanibaddhAM sagamanAM
vichitrAM padmADhyAM pratidivasasanmArgaghaTitAm.h .
smarAre machchetaHsphuTapaTakuTIM prApya vishadAM
jaya svAmin.h shaktyA saha shivagaNaiH sevita vibho .. 21..
pralobhAdyairarthAharaNaparatantro dhanigR^ihe
praveshodyuktassan.h bhramati bahudhA taskarapate .
imaM chetashchoraM kathamiha sahe shaMkara vibho
tavAdhInaM kR^itvA mayi niraparAdhe kuru kR^ipAm.h .. 22..
karomi tvatpUjAM sapadi sukhado me bhava vibho
vidhitvaM viShNutvaM dishasi khalu tasyAH phalamiti .
punashcha tvAM draShTuM divi bhuvi vahan.h pakShimR^igatA##-##
madR^iShTvA tatkhedaM kathamiha sahe shaMkara vibho .. 23..
kadA vA kailAse kanakamaNisaudhe sahagaNai##-##
rvasan.h shaMbhoragre sphuTaghaTitamUrdhA~njalipuTaH .
vibho sAmba svAmin.h paramashiva pAhIti nigadan.h
vidhAtR^INAM kalpAn.h kShaNamiva vineShyAmi sukhataH .. 24..
stavairbrahmAdInAM jayajayavachobhirniyaminAM
gaNAnAM kelIbhirmadakalamahokShasya kakudi .
sthitaM nIlagrIvaM trinayanamumAshliShTavapuShaM
kadA tvAM pashyeyaM karadhR^itamR^igaM khaNDaparashum.h .. 25..
kadA vA tvAM dR^iShTvA girisha tava bhavyA~NghriyugalaM
gR^ihItvA hastAbhyAM shirasi nayane vakShasi vahan.h .
samAshliShyAghrAya sphuTajalajagandhAn.h parimalA##-##
nalAbhyAM brahmAdyairmudamanubhaviShyAmi hR^idaye .. 26..
karasthe hemAdrau girisha nikaTasthe dhanapatau
gR^ihasthe svarbhUjA.amarasurabhichintAmaNigaNe .
shirasthe shItAMshau charaNayugalasthe.akhilashubhe
kamarthaM dAsye.ahaM bhavatu bhavadarthaM mama manaH .. 27..
sArUpyaM tava pUjane shiva mahAdeveti saMkIrtane
sAmIpyaM shivabhaktidhuryajanatAsAMgatyasaMbhAShaNe .
sAlokyaM cha charAcharAtmakatanudhyAne bhavAnIpate
sAyujyaM mama siddhamatra bhavati svAmin.h kR^itArtho.asmyaham.h
.. 28..
tvatpAdAmbujamarchayAmi paramaM tvAM chintayAmyanvahaM
tvAmIshaM sharaNaM vrajAmi vachasA tvAmeva yAche vibho .
vIkShAM me disha chAkShuShIM sakaruNAM divyaishchiraM prArthitAM
shaMbho lokaguro madIyamanasaH saukhyopadeshaM kuru .. 29..
vastroddhUtavidhau sahasrakaratA puShpArchane viShNutA
gandhe gandhavahAtmatA.annapachane barhirmukhAdhyakShatA .
pAtre kA~nchanagarbhatAsti mayi ched.h bAlenduchUDAmaNe
shushrUShAM karavANi te pashupate svAmin.h trilokIguro .. 30..
nAlaM vA paramopakArakamidaM tvekaM pashUnAM pate
pashyan.h kukShigatAn.h charAcharagaNAn.h bAhyasthitAn.h rakShitum.h .
sarvAmartyapalAyanauShadhamatijvAlAkaraM bhIkaraM
nikShiptaM garalaM gale na gilitaM nodgIrNameva tvayA .. 31..
jvAlograH sakalAmarAtibhayadaH kShvelaH kathaM vA tvayA
dR^iShTaH kiM cha kare dhR^itaH karatale kiM pakvajaMbUphalam.h .
jihvAyAM nihitashcha siddhaghuTikA vA kaNThadeshe bhR^itaH
kiM te nIlamaNirvibhUShaNamayaM shaMbho mahAtman.h vada .. 32..
nAlaM vA sakR^ideva deva bhavataH sevA natirvA nutiH
pUjA vA smaraNaM kathAshravaNamapyAlokanaM mAdR^ishAm.h .
svAminnasthiradevatAnusaraNAyAsena kiM labhyate
kA vA muktiritaH kuto bhavati chet.h kiM prArthanIyaM tadA
.. 33..
kiM brUmastava sAhasaM pashupate kasyAsti shaMbho bhava##-##
ddhairyaM chedR^ishamAtmanaH sthitiriyaM chAnyaiH kathaM labhyate .
bhrashyaddevagaNaM trasanmunigaNaM nashyatprapa~nchaM layaM
pashyannirbhaya eka eva viharatyAnandasAndro bhavAn.h .. 34..
yogakShemadhuraMdharasya sakalashreyaHpradodyogino
dR^iShTAdR^iShTamatopadeshakR^itino bAhyAntaravyApinaH .
sarvaj~nasya dayAkarasya bhavataH kiM veditavyaM mayA
shaMbho tvaM paramAntara~Nga iti me chitte smarAmyanvaham.h .. 35..
bhakto bhaktiguNAvR^ite mudamR^itApUrNe prasanne manaH
kumbhe sAmba tavA~NghripallavayugaM saMsthApya saMvitphalam.h .
satvaM mantramudIrayannijasharIrAgArashuddhiM vahan.h
puNyAhaM prakaTIkaromi ruchiraM kalyANamApAdayan.h .. 36..
AmnAyAmbudhimAdareNa sumanassaMghAH samudyanmano
manthAnaM dR^iDhabhaktirajjusahitaM kR^itvA mathitvA tataH .
somaM kalpataruM suparvasurabhiM chintAmaNiM dhImatAM
nityAnandasudhAM nirantararamAsaubhAgyamAtanvate .. 37..
prAkpuNyAchalamArgadarshitasudhAmUrtiHprasannaH shivaH
somaH sadguNasevito mR^igadharaH pUrNastamomochakaH .
chetaH puShkaralakShito bhavati chedAnandapAthonidhiH
prAgalbhyena vijR^imbhate sumanasAM vR^ittistadA jAyate .. 38..
dharmo me chatura~NghrikaH sucharitaH pApaM vinAshaM gataM
kAmakrodhamadAdayo vigalitAH kAlAH sukhAviShkR^itAH .
j~nAnAnandamahauShadhiH suphalitA kaivalyanAthe sadA
mAnye mAnasapuNDarIkanagare rAjAvataMse sthite .. 39..
dhIyantreNa vachoghaTena kavitAkulyopakulyAkramai##-##
rAnItaishcha sadAshivasya charitAmbhorAshidivyAmR^itaiH .
hR^itkedArayutAshcha bhaktikalamAH sAphalyamAtanvate
durbhikShAn.h mama sevakasya bhagavan.h vishvesha bhItiH kutaH .. 40..
pApotpAtavimochanAya ruchiraishvaryAya mR^ityuMjaya
stotradhyAnanatipradakShiNasaparyAlokanAkarNane .
jihvAchittashiro~N.hghrihastanayanashrotrairahaM prArthito
mAmAj~nApaya tannirUpaya muhurmAmeva mA me.avachaH .. 41..
gAmbhIryaM parikhApadaM ghanadhR^itiH prAkAra udyad.hguNa##-##
stomashchAptabalaM ghanendriyachayo dvArANi dehe sthitaH .
vidyAvastusamR^iddhirityakhilasAmagrIsamete sadA
durgAtipriyadeva mAmakamanodurge nivAsaM kuru .. 42..
mA gachCha tvamitastato girisha bho mayyeva vAsaM kuru
svAminnAdikirAta mAmakamanaHkAntArasImAntare .
vartante bahusho mR^igA madajuSho mAtsaryamohAdaya##-##
stAn.h hatvA mR^igayAvinodaruchitAlAbhaM cha saMprApsyasi
.. 43..
karalagnamR^igaH karIndrabha~Ngo
ghanashArdUlavikhaNDano.astajantuH .
girisho vishadAkR^itishcha chetaH##-##
kuhare pa~nchamukhosti me kuto bhIH .. 44..
ChandaHshAkhishikhAnvitairdvijavaraiH saMsevite shAshvate
saukhyApAdini khedabhedini sudhAsAraiH phalairdIpite .
chetaHpakShishikhAmaNe tyaja vR^ithAsaMchAramanyairalaM
nityaM shaMkarapAdapadmayugalInIDe vihAraM kuru .. 45..
AkIrNe nakharAjikAntivibhavairudyatsudhAvaibhavai##-##
rAdhautepi cha padmarAgalalite haMsavrajairAshrite .
nityaM bhaktivadhUgaNaishcha rahasi svechChAvihAraM kuru
sthitvA mAnasarAjahaMsa girijAnAthA~NghrisaudhAntare .. 46..
shaMbhudhyAnavasantasaMgini hR^idArAme.aghajIrNachChadAH
srastA bhaktilatAchChaTA vilasitAH puNyapravAlashritAH .
dIpyante guNakorakA japavachaHpuShpANi sadvAsanA
j~nAnAnandasudhAmarandalaharI saMvitphalAbhyunnatiH .. 47..
nityAnandarasAlayaM suramunisvAntAmbujAtAshrayaM
svachChaM sad.hdvijasevitaM kaluShahR^itsadvAsanAviShkR^itam.h .
shaMbhudhyAnasarovaraM vraja mano haMsAvataMsa sthiraM
kiM kShudrAshrayapalvalabhramaNasaMjAtashramaM prApsyasi .. 48..
AnandAmR^itapUritA harapadAmbhojAlavAlodyatA
sthairyopaghnamupetya bhaktilatikA shAkhopashAkhAnvitA .
uchChairmAnasakAyamAnapaTalImAkramya niShkalmaShA
nityAbhIShTaphalapradA bhavatu me satkarmasaMvardhitA .. 49..
sandhyAraMbhavijR^imbhitaM shrutishirasthAnAntarAdhiShThitaM
sapremabhramarAbhirAmamasakR^it.h sadvAsanAshobhitam.h .
bhogIndrAbharaNaM samastasumanaHpUjyaM guNAviShkR^itaM
seve shrIgirimallikArjunamahAli~NgaM shivAli~NgitaM .. 50..
bhR^iMgIchChAnaTanotkaTaH karamadigrAhI sphuranmAdhavA##-##
hlAdo nAdayuto mahAsitavapuH pa~ncheShuNA chAdR^itaH .
satpakShaH sumanovaneShu sa punaH sAkShAnmadIye mano##-##
rAjIve bhramarAdhipo viharatAM shrIshailavAsI vibhu: .. 51.
kAruNyAmR^itavarShiNaM ghanavipad.hgrIShmachChidAkarmaThaM
vidyAsasyaphalodayAya sumanaHsaMsevyamichChAkR^itim.h .
nR^ityadbhaktamayUramadrinilayaM cha~nchajjaTAmaNDalaM
shaMbho vA~nChati nIlakandhara sadA tvAM me manashchAtakaH
.. 52..
AkAshena shikhI samastaphaNinAM netrA kalApI natA##-##
.anugrAhipraNavopadeshaninadaiH kekIti yo gIyate .
shyAmAM shailasamudbhavAM ghanaruchiM dR^iShT.hvA naTantaM mudA
vedAntopavane vihArarasikaM taM nIlakaNThaM bhaje .. 53..
sandhyAgharmadinAtyayo harikarAghAtaprabhUtAnaka##-##
dhvAno vAridagarjitaM diviShadAM dR^iShTichChaTA ca~nchalA .
bhaktAnAM paritoShabAShpavitatirvR^iShTirmayUrI shivA
yasminnujjvalatANDavaM vijayate taM nIlakaNThaM bhaje .. 54..
AdyAyAmitatejase shrutipadairvedyAya sAdhyAya te
vidyAnandamayAtmane trijagataH saMrakShaNodyogine .
dhyeyAyAkhilayogibhiH suragaNairgeyAya mAyAvine
samyaktANDavasaMbhramAya jaTine seyaM natiH shaMbhave .. 55..
nityAya triguNAtmane purajite kAtyAyanIshreyase
satyAyAdikuTumbine munimanaH pratyakShachinmUrtaye .
mAyAsR^iShTajagattrayAya sakalAmnAyAntasaMchAriNe
sAyaM tANDavasaMbhramAya jaTine seyaM natiH shaMbhave .. 56..
nityaM svodarapoShaNAya sakalAnuddishya vittAshayA
vyarthaM paryaTanaM karomi bhavataH sevAM na jAne vibho .
majjanmAntarapuNyapAkabalatastvaM sharva sarvAntara##-##
stiShThasyeva hi tena vA pashupate te rakShanIyo.asmyaham.h .. 57..
eko vArijabAndhavaH kShitinabho vyAptaM tamomaNDalaM
bhitvA lochanagocharo.api bhavati tvaM koTisUryaprabhaH .
vedyaH kinna bhavasyaho ghanataraM kIdR^igbhavenmattama##-##
statsarvaM vyapanIya me pashupate sAkShAt prasanno bhava .. 58..
haMsaH padmavanaM samichChati yathA nIlAmbudaM chAtakaH
kokaH kokanadapriyaM pratidinaM chandraM chakorastathA .
cheto vA~nChati mAmakaM pashupate chinmArgamR^igyaM vibho
gaurInAtha bhavatpadAbjayugalaM kaivalyasaukhyapradam.h .. 59..
rodhastoyahR^itaH shrameNa pathikashChAyAM tarorvR^iShTito
bhItaH svasthagR^ihaM gR^ihasthamatithirdInaH prabhuM dhArmikam.h .
dIpaM santamasAkulashcha shikhinaM shItAvR^itastvaM tathA
chetaH sarvabhayApahaM vraja sukhaM shaMbhoH padAmbhoruham.h .. 60..
a~NkolaM nijabIjasantatirayaskAntopalaM sUchikA
sAdhvI naijavibhuM latA kShitiruhaM sindhuH saridvallabham.h .
prApnotIha yathA tathA pashupateH pAdAravindadvayaM
chetovR^ittirupetya tiShThati sadA sA bhaktirityuchyate .. 61..
AnandAshrubhirAtanoti pulakaM nairmalyatachChAdanaM
vAchA sha~Nkhamukhe sthitaishcha jaTharApUrtiM charitrAmR^itaiH .
rudrAkShairbhasitena deva vapuSho rakShAM bhavadbhAvanA##-##
parya~Nke viniveshya bhaktijananI bhaktArbhakaM rakShati .. 62..
mArgAvartitapAdukA pashupatera~Ngasya kUrchAyate
gaNDUShAMbuniShechanaM puraripordivyAbhiShekAyate .
kiMchidbhakShitamAMsasheShakabalaM navyopahArAyate
bhaktiH kiM na karotyaho vanacharo bhaktAvataMsAyate .. 63..
vakShastADanamantakasya kaThinApasmArasaMmardanaM
bhUbhR^itparyaTanaM namassurashiraHkoTIrasaMgharShaNam.h .
karmedaM mR^idulasya tAvakapadadvandvasya gaurIpate
machchetomaNipAdukAviharaNaM shaMbho sadA~NgIkuru .. 64..
vakShastADanasha~NkayA vichalito vaivasvato nirjarAH
koTIrojjvalaratnadIpakalikAnIrAjanaM kurvate .
dR^iShTvA muktivadhUstanoti nibhR^itAshleShaM bhavAnIpate
yachchetastava pAdapadmabhajanaM tasyeha kiM durlabham.h .. 65..
krIDArthaM sR^ijasi prapa~nchamakhilaM krIDAmR^igAste janAH
yatkarmAcharitaM mayA cha bhavataH prItyai bhavatyeva tat.h .
shaMbho svasya kutUhalasya karaNaM machcheShTitaM nishchitaM
tasmAnmAmakarakShaNaM pashupate kartavyameva tvayA .. 66..
bahuvidhaparitoShabAShpapUra##-##
sphuTapulakA~NkitachArubhogabhUmim.h .
chirapadaphalakA~NkShisevyamAnAM
paramasadAshivabhAvanAM prapadye .. 67..
amitamudamR^itaM muhurduhantIM
vimalabhavatpadagoShThamAvasantIm.h .
sadaya pashupate supuNyapAkAM
mama paripAlaya bhaktidhenumekAm.h .. 68..
jaDatA pashutA kala~NkitA
kuTilacharatvaM cha nAsti mayi deva .
asti yadi rAjamaule
bhavadAbharaNasya nAsmi kiM pAtram.h .. 69..
arahasi rahasi svatantrabuddhyA
varivasituM sulabhaH prasannamUrtiH .
agaNitaphaladAyakaH prabhurme
jagadadhiko hR^idi rAjashekharo.asti .. 70..
ArUDhabhaktiguNaku~nchitabhAvachApa##-##
yuktaiH shivasmaraNabANagaNairamoghaiH .
nirjitya kilbiSharipUn.h vijayI sudhIndraH
sAnandamAvahati susthirarAjalakShmIm.h .. 71..
dhyAnA~njanena samavekShya tamaHpradeshaM
bhitvA mahAbalibhirIshvaranAmamantraiH .
divyAshritaM bhujagabhUShaNamudvahanti
ye pAdapadmamiha te shiva te kR^itArthAH .. 72..
bhUdAratAmudavahadyadapekShayA shrI##-##
bhUdAra eva kimataH sumate labhasva .
kedAramAkalitamuktimahauShadhInAM
pAdAravindabhajanaM parameshvarasya . 73..
AshApAshakleshadurvAsanAdi##-##
bhedodyuktairdivyagandhairamandaiH .
AshAshATIkasya pAdAravindaM
chetaHpeTIM vAsitAM me tanotu .. 74..
kalyANinAM sarasachitragatiM savegaM
sarve~Ngitaj~namanaghaM dhruvalakShaNADhyam.h .
chetastura~Ngamadhiruhya chara smarAre
netaH samastajagatAM vR^iShabhAdhirUDha .. 75..
bhaktirmaheshapadapuShkaramAvasantI
kAdambinIva kurute paritoShavarSham.h .
saMpUrito bhavati yasya manasttaTAka##-##
stajjanmasasyamakhilaM saphalaM cha nA.anyat.h .. 76..
buddhiHsthirA bhavitumIshvarapAdapadma##-##
saktA vadhUrvirahiNIva sadA smarantI .
sadbhAvanAsmaraNadarshanakIrtanAdi
saMmohiteva shivamantrajapena vinte .. 77..
sadupachAravidhiShvanubodhitAM
savinayAM sahR^idayaM sadupAshritAm.h .
mama samuddhara buddhimimAM prabho
varaguNena navoDhavadhUmiva .. 78..
nityaM yogimanaH sarojadalasa~nchArakShamastvatkramaH
shaMbho tena kathaM kaThorayamarAD.hvakShaHkavATakShatiH .
atyantaM mR^idulaM tvada~NghriyugalaM hA me manashchintaya##-##
tyetallochanagocharaM kuru vibho hastena saMvAhaye .. 79.
eShyatyeSha janiM mano.asya kaThinaM tasminnaTAnIti ma##-##
drakShAyai girisImni komalapadanyAsaH purAbhyAsitaH .
nocheddivyagR^ihAntareShu sumanastalpeShu vedyAdiShu
prAyaH satsu shilAtaleShu naTanaM shaMbho kimarthaM tava .. 80..
kaMchitkAlamumAmahesha bhavataH pAdAravindArchanaiH
kaMchiddhyAnasamAdhibhishcha natibhiH kaMchitkathAkarNanaiH .
kaMchit.h kaMchidavekShanaishcha nutibhiH kaMchiddashAmIdR^ishIM
yaH prApnoti mudA tvadarpitamanA jIvan.h sa muktaH khalu
.. 81..
bANatvaM vR^iShabhatvamardhavapuShA bhAryAtvamAryApate
ghoNitvaM sakhitA mR^ida~NgavahatA chetyAdi rUpaM dadhau .
tvatpAde nayanArpaNaM cha kR^itavAn.h tvaddehabhAgo hariH
pUjyAtpUjyataraH sa eva hi na chet.h ko vA tadAnyo.adhikaH .. 82..
jananamR^itiyutAnAM sevayA devatAnAM
na bhavati sukhaleshaH saMshayo nAsti tatra .
ajanimamR^itarUpaM sAmbamIshaM bhajante
ya iha paramasaukhyaM te hi dhanyA labhante .. 83..
shiva tava paricharyAsannidhAnAya gauryA
bhava mama guNadhuryAM buddhikanyAM pradAsye .
sakalabhuvanabandho sachchidAnandasindho
sadaya hR^idayagehe sarvadA saMvasa tvam.h .. 84..
jaladhimathanadakSho naiva pAtAlabhedI
na cha vanamR^igayAyAM naiva lubdhaH pravINaH .
ashanakusumabhUShAvastramukhyAM saparyAM
kathaya kathamahaM te kalpayAnIndumaule .. 85..
pUjAdravyasamR^iddhayo virachitAH pUjAM kathaM kurmahe
pakShitvaM na cha vA kiTitvamapi na prAptaM mayA durlabham.h .
jAne mastakama~NghripallavamumAjAne na te.ahaM vibho
na j~nAtaM hi pitAmahena hariNA tattvena tadrUpiNA .. 86..
ashalaM garalaM phaNI kalApo
vasanaM charma cha vAhanaM mahokShaH .
mama dAsyasi kiM kimasti shaMbho
tava pAdAmbujabhaktimeva dehi .. 87..
yadA kR^itAMbhonidhisetubandhanaH
karasthalAdhaHkR^itaparvatAdhipaH .
bhavAni te la~NghitapadmasaMbhavaH
tadA shivArchAstavabhAvanakShamaH .. 88..
natibhirnutibhistvamIshapUjA##-##
vidhibhirdhyAnasamAdhibhirna tuShTaH .
dhanuShA musalena chAshmabhirvA
vada te prItikaraM tathA karomi .. 89..
vachasA charitaM vadAmi shaMbho##-##
rahamudyogavidhAsu te.aprasaktaH .
manasA kR^itimIshvarasya seve
shirasA chaiva sadAshivaM namAmi .. 90..
AdyA.avidyA hR^idgatA nirgatAsI##-##
dvidyA hR^idyA hR^idgatA tvatprasAdAt.h .
seve nityaM shrIkaraM tvatpadAbjaM
bhAve mukterbhAjanaM rAjamaule .. 91..
dUrIkR^itAni duritAni durakSharANi
daurbhAgyaduHkhadurahaMkR^itidurvachAMsi .
sAraM tvadIyacharitaM nitarAM pibantaM
gaurIsha mAmiha samuddhara satkaTAkShaiH .. 92..
somakalAdharamaulau
komalaghanakandhare mahAmahasi .
svAmini girijAnAthe
mAmakahR^idayaM nirantaraM ramatAm.h .. 93..
sA rasanA te nayane
tAveva karau sa eva kR^itakR^ityaH .
yA ye yau yo bhargaM
vadatIkShete sadArchataH smarati .. 94..
atimR^idulau mama charaNA##-##
vatikaThinaM te mano bhavAnIsha .
iti vichikitsAM saMtyaja
shiva kathamAsIdgirau tathA praveshaH .. 95..
dhairyA~Nkushena nibhR^itaM
rabhasAdAkR^iShya bhaktishR^i~NkhalayA .
purahara charaNAlAne
hR^idayamadebhaM badhAna chidyantraiH .. 96..
pracharatyabhitaH pragalbhavR^ittyA
madavAneSha manaH karI garIyAn.h .
parigR^ihya nayena bhaktirajjvA
parama sthANupadaM dR^iDhaM nayAmum.h .. 97..
sarvAlaMkArayuktAM saralapadayutAM sAdhuvR^ittAM suvarNAM
sadbhiHsaMstUyamAnAM sarasaguNayutAM lakShitAM lakShaNADhyAm.h .
udyadbhUShAvisheShAmupagatavinayAM dyotamAnArtharekhAM
kalyANIM deva gaurIpriya mama kavitAkanyakAM tvaM gR^ihANa
.. 98..
idaM te yuktaM vA paramashiva kAruNyajaladhe
gatau tiryagrUpaM tava padashirodarshanadhiyA .
haribrahmANau tau divi bhuvi charantau shramayutau
kathaM shaMbho svAmin.h kathaya mama vedyo.asi purataH .. 99..
stotreNAlamahaM pravachmi na mR^iShA devA viri~nchAdayH
stutyAnaM gaNanAprasa~Ngasamaye tvAmagragaNyaM viduH .
mAhAtmyAgravichAraNaprakaraNe dhAnAtuShastomava##-##
ddhUtAstvAM viduruttamottamaphalaM shaMbho bhavatsevakAH .. 100..
           .. iti shrImachCha~NkarAchAryavirachita
           shivAnandalaharI samAptA ..
#endsanskrit
\medskip\hrule\obeylines
\medskip
{\rm Please send corrections to sanskrit@cheerful.com}
{\rm Last updated \today}
{\rm http://sanskritdocuments.org}
\end{document}