% Text title            : Kanvaprati Kashyapaproktam Shivarchanopadesham
% File name             : shivArchanopadeshamkashyapa.itx
% Category              : shiva, shivarahasya, upadesha, advice
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | ugrAkhyaH saptamAMshaH | adhyAyaH 13 | 109-151.1||
% Latest update         : April 28, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Kanvaprati Kashyapaproktam Shivarchanopadesham ..}##
\itxtitle{.. kaNvaprati kashyapaproktaM shivArchanopadesham ..}##\endtitles ##
kaNva uvAcha \-
saMsAradAvakhinnAnAM martyAnAmakR^itAtmanAm |
ghorasaMsAravichChedaH kathaM bhavati satvaram || 109||
kimarchanIyaM kiM dhyeyaM ki vA sarvArthadaM mahaH |
kimArAdhyaM kimAshAsyaM tadvadasva mahAmune || 110||
kAshyapa uvAcha \-
shivAbhidhaM mahaH sevyaM sarvavedAntasammatam |
tatsevayaiva sarveShAM muktirbhavati shAshvatI || 111||
sachchidAnandamadvaitaM yanmahaH shivasaMj~nitam |
tanmahaH satataM sevyamanyattyaktvAkhilaM mune || 112||
turIyamekaM vimalaM shivaM matvA yathArthataH |
ye bhavanti shivaM nityaM na te saMsArabhAginaH || 113||
ye mAyAtItamadvaitaM shivameva bhajanti te |
kadApi jananIgarbhaM na vishantyeva sarvathA || 114||
saMsAradandashUkena sandaShTA ye muhurmuhuH |
te tadviShAdvimuchyante shivasevauShadhAshanAH || 115||
saMsArasAgaroddhArA shivasevAratiH shubhA |
tataH sarvAtmanA nityaM kartavyaM shivasevanam || 116||
saMsArasAgare ghore te majjanti muhurmuhuH |
ye muhurna bhajantIshaM shivaM saMsAratArakam || 117||
ananyasharaNA nityaM shivamavyabhichArataH |
ye bhajantyanvahaM bhaktyA te yAnti shivamadvayam || 118||
bahupuNyaphalaiH kaNva shive bhaktiH prajAyate |
sApyanantatapodharmairbhavatyavyabhichAriNI || 119||
yeShAM chetastapaHpUtaM teShAmeva mahAtmanAm |
jAyate girijAkAnte bhaktiravyabhichAriNI || 120||
yA bhaktiH shrImahAdeve bhavatyavyabhichAriNI |
saiva mokShapradetyAhurvedAH sarve.api sarvadA || 121||
brahmaviShNvAdidevAnAmadhipaM girijAdhipam |
bhajanti dhIrAH satataM niShkalaM nirguNaM shivam || 122||
rasanA yasya satataM shivanAmarasaiShiNI |
sa dhanyaH sa kR^itArthashcha tIrNaH saMsArasAgarAt || 123||
saMsArapAshasambaddhastAvadbhavati mAnavaH |
na yAvadbhajati prItyA devadevaM maheshvaram || 124||
devottamamanAdyantaM niravadyaM maheshvaram |
bhajanti ye.anvahaM prItyA te dhanyA iti manmahe || 125||
shivaM prayAntyayatnena sarve.api shivapUjayA |
ato nAnAvidhopAyaiH kartavyaM shivapUjanam || 126||
sarvaj~naH shrImahAdevaH sa sarvavyApako.api san |
svabhaktAnugrahAyAtra li~NgAkAreNa tiShThati || 127||
vibhUtirAshayo yatra yatra bilvavanAnyapi |
yatra shaivAH shivaparAstatra sannihitaH shivaH || 128||
yatra rudrAkShataravo yatra rudrAkShabhUShaNAH |
yatra li~NgAni shaivAni tatra sannihitaH shivaH || 129||
yatra pa~nchAkSharAsakto yatra shrIrudrapUjakAH |
yatra pAshupatAchArAstatra sannihitaH shivaH || 130||
vibhUtirAshayaH santi pashyAtra shatasho mune |
koTishaH santi pashyAtra navabilvadalAnyapi || 131||
rudrAkShavR^ikShAnpashyAtra pakvarudrAkShasaMyutAn |
koTishaH santi rudrAkShA mahArudrapriyA mune || 132||
rudrAkShadarshanenApi nashyatyaghakulaM kShaNAt |
pashya pashyAtra rudrAkShAn rAshIbhUtAnanekadhA || 133||
atra nAnAmukhAH santi rudrAkShAH shivasammatAH |
rudrAkShamAlikAM kR^itvA kuru rudrAkShadhAraNam || 134||
mukhaM mukhena saMyojya kuru rudrAkShamAlikAm |
kaNThakarNAdidesheShu bahurudrAkShamAlikAH || 135||
sahasramAtraM rudrAkShA yasyA~Nge santi sarvadA |
sa sarvaduHkhanirmuktaH prayAti shivasannidhim || 136||
etAnekAdashamukhAn rudrAkShAnpashya koTishaH |
anarghyAnanaghAnpuNyAndhArayasva yathechChayA || 137||
rudrAkShadhAraNaM kR^itvA bhasmadhAraNapUrvakam |
kR^itAnantamahApApo.apyanAyAsena muchyate || 138||
mune kevalabhasmA~NgaiH kAryaM rudrAkShadhAraNam |
teShAmevAdhikAro.asti puNye rudrAkShadhAraNe || 139||
vedasyAdhyayanaM kAryamupanItairyathA tathA |
rudrAkShadhAraNaM kAryaM bhasmoddhUlanapUrvakam || 140||
yaH shivaM pUjayedbhaktayA sa mokShamadhigachChati |
bhUtirudrAkShapUtA~NgaiH shivaikaparadaivataiH || 141||
pUjitaH shrImahAdevastebhyo mokShaM prayachChati |
bhuktimuktipradaM matvA shivaM shaivAH samAhitAH || 142||
pUjayantyatiyatnena nityamavyabhichArataH |
na jAnImaH shitAdanyaM na jAnIma itIshvaram || 143||
pUjayantyanvahaM bhaktayA saMsArachChedakAraNam |
saMsAratarumUlAni maheshArchanavahninA || 144||
sadyo bhavanti dagdhAni niHsheShaM prabalAnyapi |
prarUDhamUlasambaddha mahAsaMsArapAdapam || 145||
shaivAH padanakhAgreNa ChitvA yAnti paraM shivam |
ataH shivaparo bhUtvA bhasmarudrAkShabhUShitaH || 146||
pUjayasva mahAdevaM pUjayasvottamaM shivam |
idaM siddhipradaM kShetraM siddhili~NgamidaM mune || 147||
atra saMsArashAntyarthaM pUjayasva maheshvaram |
shivArAdhanavR^iShTyaiva chittagahvaradAhakaH || 148||
shAnto bhavatyujjvalo.api saMsAravanapAvakaH |
purA saMsArashAntyarthaM bahavo.atra munIshvarAH || 149||
maheshArAdhanaM kR^itvA muktAH saMsArabandhanAt |
vinA shivArchanaM kaNva saMsAro na vinashyati || 150||
ataH saMsArashAntyarthaM kuruShva shivapUjanam | 151\.1|

|| iti shivarahasyAntargate kaNvaprati kashyapaproktaM shivArchanopadeshaM sampUrNam ||

\- || shrIshivarahasyam ugrAkhyaH saptamAMshaH | adhyAyaH 13 | 109\-151.1||
##
- .. shrIshivarahasyam ugrAkhyaH saptamAMshaH . adhyAyaH 13 . 109-151.1 ..

Notes:
Upon being queried by Ṛṣi Kaṇva ##R^iShi kaNva## about who is to be worshipped and meditated upon, in order to find relief from the fiery heat of this saṁsāra ##saMsAra##; Ṛṣi Kaśyapa ##R^iShi kashyapa## delivers the Upadeśa ##upadesha## that Worship of Śiva ##shiva## is the only means to be liberated from the bondage of saṁsāra ##saMsAra##. He indicates about worshipping the Siddhiliṅga ##siddhili~Nga####
##
Encoded and proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}