ब्रह्माप्रोक्तं शिवार्चनोपदेशम् १
कुर्वन्तु देवदेवस्य महादेवस्य शूलिनः ।
स्मरणं पूजनं भक्तया भयनिर्णोदनाय वः ॥ ७१॥
शङ्करार्चनशीलानां शिवैकरतचेतसाम् ।
भयलेशोऽपि नास्त्येव भयदोऽपि स भीतिहा ॥ ७२॥
गौरीकान्तो यदा चित्ते शङ्करः परिवर्तते ।
तदा भयानि यान्त्येव दूरतः शिवशासनात् ॥ ७३॥
लाभः प्रतिपदं तेषां तेषां प्रतिपदं जयः ।
येषां चेतसि कुन्देदुधवलः पार्वतीपतिः ॥ ७४॥
तेषां पुत्राश्च पौत्राश्च वेदशास्त्रविशारदाः ।
येषां चेतसि कुन्देन्दुधवलः पार्वतीपतिः ॥ ७५॥
तेषामारोग्यमैश्वर्यं तेषामौदार्यमुत्कटम् ।
येषां चेतसि कुन्देदुधवलः पार्वतीपतिः ॥ ७६॥
सम्पदोऽनुदिनं तेषां तेषां कल्याणमन्वहम् ।
येषां चेतसि कुन्देदुधवलः पार्वतीपतिः ॥ ७७॥
तेषां भाग्यानि पुण्यानि तेषां श्रेयांसि चान्वहम् ।
येषां चेतसि कुन्देदुधवलः पार्वतीपतिः ॥ ७८॥
तेषां द्वारि मदोन्मत्तमातङ्गोत्तमकोटयः ।
येषां चेतसि कुन्देदुधवलः पार्वतीपतिः ॥ ७९॥
तेषां गृहेषु कुण्डोध्न्यो गावः क्षीरामृताशयाः ।
येषां चेतसि कुन्देदुधवलः पार्वतीपतिः ॥ ८०॥
तेषां करस्थितः स्वर्गो नानायज्ञफलः शिवः ।
येषां चेतसि कुन्देदुधवलः पार्वतीपतिः ॥ ८१॥
तेषां हस्तगतो मोक्षः पुनरावृत्तिवर्जितः ।
येषां चेतसि कुन्देदुधवलः पार्वतीपतिः ॥ ८२॥
भाग्यं शङ्करभक्तानाममेयममलं ध्रुवम ।
येषां वयमपीन्द्राद्याः सेवका नात्र संशयः ॥ ८३॥
धन्याः शङ्करपादाब्जध्यानमात्रपरा नराः ।
येषां वयमपीन्द्राद्याः सेवका नात्र संशयः ॥ ८४॥
धन्यास्ते शिवलिङ्गार्चासक्तान्तःकरणा नराः ।
येषां वयमपीन्द्राद्याः सेवका नात्र संशयः ॥ ८५॥
धन्यास्ते शिवपूजार्थमुपात्तद्रविणा नराः ।
येषां वयमपीन्द्राद्याः सेवका नात्र संशयः ॥ ८६॥
धन्यास्ते मन्त्रपूताश्च भस्मभाला नरोत्तमाः ।
येषां वयमपीन्द्राद्याः सेवका नात्र संशयः ॥ ८७॥
धन्यास्ते कण्ठसंसक्तरुद्राक्षाभरणा नराः ।
येषां वयमपीन्द्राद्याः सेवका नात्र संशयः ॥ ८८॥
धन्यास्ते शिवनामैकजीवनाः शिवपूजकाः ।
येषां वयमपीन्द्राद्याः सेवका नात्र संशयः ॥ ८९॥
धन्यास्ते शिवनामाङ्ककथाश्रवणतत्पराः ।
येषां वयमपीन्द्राद्याः सेवका नात्र संशयः ॥ ९०॥
धन्यास्ते शिवनामाङ्कगानासक्तात्मचेतसः ।
येषां वयमपीन्द्राद्याः सेवका नात्र संशयः ॥ ९१॥
धन्यास्ते शिवभक्तेभ्यो दत्तवित्ता नरोत्तमाः ।
येषां वयमपीन्द्राद्याः सेवका नात्र संशयः ॥ ९२॥
॥ इति शिवरहस्यान्तर्गते ब्रह्माप्रोक्तं शिवार्चनोपदेशं १ सम्पूर्णम् ॥
- ॥ श्रीशिवरहस्यम् उग्राख्यः सप्तमांशः । अध्यायः १५ । ७१-९२॥
- .. shrIshivarahasyam ugrAkhyaH saptamAMshaH . adhyAyaH 15 . 71-92 ..
Notes:
Upon being approached by distressed Deva-s देवाः, Brahmā ब्रह्मा gives Upadeśa उपदेश to them about worshipping Pārvatipati Śiva पार्वतिपति शिव.
Encoded and proofread by Ruma Dewan