% Text title            : Shivaradhanamahimanuvarnanam 1
% File name             : shivArAdhanamahimAnuvarNanam1.itx
% Category              : shiva, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shivarahasyam | harAkhyaH tRitIyAMshaH | uttarArdham | adhyAyaH 24 | vAvRittashlokAH ||
% Latest update         : January 30, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shivaradhanamahimanuvarnanam ..}##
\itxtitle{.. shivArAdhanamahimAnuvarNanam ..}##\endtitles ##
shivapUjanameva kevalaM sakalArthapradamarthasiddhibhiH |
tadapekShitameva sAdhanaM vividhaM tAvadasheShasiddhidam || 24\.2||
yadA sha~NkarArAdhanAsaktametanmanaH syAt tadA kAlabhItiH kutaH syAt |
vayaM sha~NkarArAdhanenaiva kAlaM nayAmo nayAmo nayAmo nayAmaH || 24\.11||
idaM cheyaH sha~NkarArAdhanena kShayaM yAti puNyairagaNyaistadA kim |
sa kAlo.api bhIto.atinityaM prapannaH bhavedasmadIyAMstathA.asmAn vishiShya || 24\.12||
mahAkAlakAlArchanAsaktachittaH kShaNaM vA kShaNArdhaM ya eva prabuddhaH |
tamArAdhayatyeva kAlo.api nUnaM sa bhItastadIyAMstadArAdhakAMshcha || 24\.13||
kaH kAlakAlabhajanAnurato na loke shokApahArakaraNodyatachittavR^ittiH |
sarvAghanAshaka iti prathitaH sa shokaM nirmUlayiShyati sadAshiva eva nityam || 24\.14||
mahAmR^ityumR^ityuM mahAdevamekaM samArAdhya ko vA na yAtyeva muktim |
jarAjanmaduHkhAdisaMhArahetuH vR^iShAdhIshaketurhatAmbhojaketuH || 24\.16||
maheshvarakathArasaH sarasamAnase kevalaM
sukhAni janayatyaho muhurapArarUpANyapi |
kShaNArdhamapi sha~Nkaro yadi mudA hR^idambhojagaH
kadA sukhamahodadhiH kimiti na prabuddho bhavet || 24\.29||
apArasukharUpatAmupagato.api mukto bhavet
umApatipadAmbujasmaraNalAlase mAnase |
kadApi na janirbhavet na cha jarA.api mR^ityurbhavet
iti smaraharaM smara smara punaH punaH sha~Nkaram || 24\.30||
shivArchanAkAramahAgnidagdhamapArapAporupata~NgajAtam |
bhavatyavashyaM tata eva nityaM maheshvarArAdhanameva kurmaH || 24\.55||
shivapUjanarUpamauShadhaM hR^idaye yasya niviShTamekadA |
tadapAramahAbhayApahaM bhavatItyeva matirmamAdhunA || 24\.56||
dhanyAste hR^idi santataM shivapadAmbhojaM nidhAyAdarAt
AnandAmR^itadhArayA.api parayA gambhIrayA sechanam |
kurvanto viratiM na yAnti sukR^itairapyantahInairmuhuH
tadbhAgyaM bhuvaneShu durlabhataraM tadbhuktimuktipradam || 24\.60||
nidhAya hR^idi sha~NkaraM yadi vidhAya pUjAM muhuH pranR^ityati maheshvara smarahareti hAraH param |
tadA paramavApnuyAt girishapAdukArAdhanaprasAdamatidurlabhaM shubhamadbhutaM santatam || 24\.61||
tiraskarotyeva yamaM yamAdibhiH vinApi tAvat sakR^idAdareNa |
smR^itvA sakR^idvA shivamAdareNa prayAti duHkhaughamahAbdhipAram || 24\.62||
shivanAmasudhAmuhurmuhuH yadi pItA sakR^ideva vA tadA |
sakalAghaviparyaMyo bhavedapi muktishcha bhavatyapi dhruvam || 24\.68||
vAraM vAraM sha~NkaradhyAnarUpaM pIyUShaM chet pItamatyAdareNa |
pApairbhIti nopayAtyeva satyaM mokShashrIrapyAdareNAvR^itA syAt || 24\.71||

|| iti shivarahasyAntargate shivArAdhanamahimAnuvarNanaM sampUrNam ||
\- || shrIshivarahasyam | harAkhyaH tR^itIyAMshaH | uttarArdham | adhyAyaH 24| vAvR^ittashlokAH ||
##
- .. shrIshivarahasyam . harAkhyaH tRRitIyAMshaH . uttarArdham . adhyAyaH 24. vAvRRittashlokAH ..

Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}