% Text title            : Shiva Ashtottarasahasranama Stotram
% File name             : shivAShTottarasahasranAmastotram.itx
% Category              : shiva, sahasranAma, stotra, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | ugrAkhyaH saptamAMshaH | adhyAyaH 1 | 33-188||
% Latest update         : March 8, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shiva Ashtottarasahasranama Stotram ..}##
\itxtitle{.. shivAShTottarasahasranAmastotram ..}##\endtitles ##
shrIshiva uvAcha \-
sAdhu sAdhu kumArAdya samyakpR^iShTaM svayAdhunA |
yadidAnIM tvayApR^iShTaM tadvakShye shR^iNu sAdaram || 33||
evameva purA gauryA pR^iShTaH kAshyAmahaM tadA |
samAkhyAtaM mayA samyaksarveShAM mokShasAdhanam || 34||
divyAnyanantanAmAni santi tanmadhyagaM parama |
aShTottarasahasraM tu nAmnAM priyataraM mama || 35||
ekaikameva tanmadhye nAma sarvArthasAdhakam |
mayApi nAmnAM sarveShAM phalaM vaktuM na shakyate || 36||
tilAkShatairbilvapatraiH kamalaiH komalairnavaiH |
pUjayiShyati mAM bhaktayA yastvetannAmasa~NkhyayA || 37||
sa pApebhyaH saMsR^iteshcha muchyate nAtra saMshayaH |
tato mamAntikaM yAti punarAvR^ittidurlabham || 38||
ekaikenaiva nAmnA mAmarchayitvA dR^iDhavratAH |
sveShTaM phalaM prApnuvanti satyamevochyate mayA || 39||
etannAmAvalI yastu paThatAM (paThanmAM) praNametsadA |
sa yAti mama sAyujyaM sveShTaM bandhusamanvitaH || 40||
spR^iShTvA mAM li~Nga mamalaM (malli~Nga) etannAmAni yaH paThet |
sa pAtakebhyaH sarvebhyaH satyameva pramuchyate || 41||
yastvetannAmabhiH samyak trikAlaM vatsarAvadhi |
mAmarchayati nirdambhaH sa devendro bhaviShyati || 42||
etannAmAnusandhAnanirataH sarvadAmunA |
mama priyakarastasmAnnivasAmyatra sAdaram || 43||
tatpUjayA pUjito.ahaM sa evAhaM mato mama |
tasmAtpriyataraM sthAnamanyannaiva hi dR^ishyate || 44||
hiraNyabAhurityAdinAmnAM shambhurahaM R^iShiH |
devatApyahamevAtra shaktigaurI mama priyA || 45||
mahesha eva saMsevyaH sarvairiti hi kIlakam |
dharmAdyarthAH phalaM j~neyaM phaladAyI sadAshivaH || 46||
\- \-
shrIgaNeshAya namaH |
OM hiraNyabAhuH senAnIrdikpatistarurAT haraH | (rarAT ??)
harikeshaH pashupatiH mahAn saspi~njaro mR^iDaH || 47||
vivyAdhI babhlushaH shreShThaH paramAtmA sanAtanaH |
sarvAnnarAT jagatkartA puShTesho nandikeshvaraH || 48||
AtatAyI mahArudraH saMsArAstraH sureshvaraH |
upavItirahantyAtmA kShetresho vananAyakaH || 49||
rohitaH sthapatiH sUto vAgIsho mantrirunnataH |
vR^ikShesho hutabhugdevo bhuvantirvArivaskR^itaH || 50||
uchchairghoSho ghorarUpaH pattIshaH pAshamochakaH |
oShadhIshaH pa~nchavaktraH kR^itsnavIto bhayAnakaH || 51||
sahamAnaH svarNaretAH vi(ni)vyAdhirnirupaplavaH |
a(A)vyAdhinIshaH kakubho niSha~Ngi(~NgI)stenarakShakaH || 52||
mantrAtmA taskarAdhyakSho va~nchakaH pariva~nchakaH |
araNyeshaH paricharo nicheruHstAyurakShakaH || 53||
prakR^itI(nte)sho giricharaH kuli(lu)~nchesho graheShTakaH |
bhavaHsharvo nIlakaNThaH kapardI tripurAntakaH || 54||
vyuptakesho girishayaH sahasrAkShaH sahasrapAt |
shipiviShTashchandramaulirhrasvo mIDhuShTamo.anaghaH || 55||
vAmano vyApakaHshUlI varShIyAnajaDo.anaNuH |
urvyaH (UrmyaH) sUrmyapriyaH shIbhyaH prathamaH pAvakAkR^itiH || 56||
kucherastArakastAro.avasvanyo.anantavigrahaH |
dI(dvI)pyaH srotasya IshAno dhuryo gavyayano yamaH || 57||
pUrvajo.aparajo jyeShThaH kaniShTho vishvalochanaH |
apagalbhyo(lbho) madhyamaurvyo jaghanyo budhniyaHprabhu || 58||
pratisU(sa)ryo.anantarUpaH sobhyo yAmyo.asurAshrayaH |
khalyorvaryo bhavachChedyaH shlokyaH pathyo nabho.agraNIH || 59||
vanyo.avasAnyaH pUtAtmA shravaH kakShyaH pratishravaH |
AshuSheNo mahAseno mahAvIro mahArathaH || 60||
shUro.atighAtako varmI varUthI bilmirudyataH |
shrutasenaH shrutaH sAkShI kavachI vashakR^iddhashI || 61||
Ahananyo.ananyanAtho dundubhyo.ariShTanAshaka |
shR^iShNuH pramR^isha ityAtmA vadAnyo vedasammataH || 62||
tIkShNeShupANiH prahitaH svAyudhaH shAstravittamaH |
sudhanvA suprasannAtmA vishvavakvaH sadAgatiH || 63||
stu(sru)tyaH pathyo vishvabAhuH kATyo nIpyo shuchismitaH |
sUdyaH sarasyo vaishanto nAdyaH kUpyo R^iShirmanuH || 64||
sarvo varShyo varSharUpaH kumAraH kushalo.amalaH |
medhyo.avarShyo.amoghashaktiH vidyutyo.amoghavikramaH || 65||
durAsado durArAdhyo nirdvandvo duHsaharShabhaH |
indri (IdhriyaH) kruddhashamano jAtukarNaH puruShTutaH || 66||
Atapyo vAyurajaro vAtyaH kAtyAyanIpriyaH |
vAstavyo vAstupo reNyo (reShmyo) vishvamUrdhA vasupradaH || 67||
somastAmro.aruNo(NaH) shambhU (sha~NgaH) rudraH sukhakaraH sukR^it |
ugro.anugro bhImakarmA bhImo bhImaparAkramaH || 68||
agrevadho hanIyAtmA hantA dUrevadho vadhaH |
shambhurmayobhu(bha)vo nityaH sha~NkaraH kIrtisAgaraH || 69||
mayaskaraH shivataraH khaNDaparashurajaH shuchiH |
tIrthaH(rthyaH) kUlyo.amR^itAdhIshaH pAryo.avAryo.amR^itAkaraH || 70||
shuddhaH prataraNo mukhyaH shuddha (shUla) pANiralolupaH |
uchcha uttaraNastAryastArya (ra) j~nastAryadUragaH (?) || 71||
AtAryaH sArabhUtAtmA sAragrAhI duratyayaH |
AlAdyo mokShadaH pathyo.anarthahA satyasa~NgaraH || 72||
shaShpaH phenyaH pravAhyoDhA sikatyaH saikatAshrayaH |
iriNyo grAmaNiH(NIH) puNyaH sharaNyaH shuddhashAsanaH || 73||
vareNyo yaj~narUpashcha yaj~nesho yaj~nanAyakaH |
yaj~nakartA yaj~nabhoktA yaj~navighnavinAshakaH || 74||
yaj~nakarmaphalAdhyakSho yaj~namUrtiranAturaH |
prapathyaH kiMshuko medyo(dhyo) gR^ihyastalpyo dhanAkaraH || 75||
pulastyaHkShaNayo(kShayaNo) gehyo govindo gItasatkriyaH |
hR^idadyo(hradayyo) hR^ida(dya)kR^it hR^idyo gahvareShThaH prabhAkaraH || 76||
(niveShTayo(Shpyo) niyato yantA pA.Nsavya) |
niveShTayo (Shpyo) niyato yantA pA.NsatyaH(vyaH) pratApanaH || 77||
shuShkyo harityaH pUtAtmA rajasyaH sAtvikapriyaH |
lopyolupyaH (lapyaH) parNashadyaH parNapUrNaH purAtanaH || 78||
bhUto bhUtapatirbhUyo bhUdharo bhUdharAyudhaH |
bhUtasa~Ngho bhUtamUrtirbhUti(ta)hA (bhUtido) bhUtibhUShaNaH || 79||
madano mAdako mAdyo madahA madhurapriyaH |
madhurmadhukaraH krUro madano madanAntakaH || 80||
nira~njano nirAkAro nirlupto nirupAdhikaH |
niShprapa~ncho nirAkAro nirIho nirupadravaH || 81||
sattvaH sattvaguNopetaH sattvavit sattvavitpriyaH |
sattvaniShThaH sattvamUrtiH sattveshaH sattvavittamaH || 82||
samastajagadAdhAraH samastaguNasAgaraH |
samastaduHkhavidhvaMsI samastAnandakAraNaH || 83||
rudrAkShamAlAbharaNo rudrAkShapriyavatsalaH |
rudrAkShavakShA rudrAkSharUpo rudrAkShabhakShakaH || 84||
vishveshvaro vIrabhadraH samrAT dakShamakhAntakaH |
vidhneshvaro vighnakartA gururdevashikhAmaNiH || 85||
bhujagendralasatkaNTho bhuja~NgAbharaNapriyaH |
bhuja~NgavilasatkarNo bhuja~NgavalayAvR^itaH || 86||
munivandyo munishreShTho munivR^indaniShevitaH |
munihR^itpuNDarIkastho munisa~NghaikajIvanaH || 87||
munimR^igyo vedamR^igyo mR^igahasto munIshvaraH |
mR^igendracharmavasano narasihmanipAtanaH || 88||
mR^ityu~njayo mR^ityurmR^ityurapammR^ityuvinAshakaH |
duShTamR^ityuraduShTeShTaH mR^ityuhA mR^ityupUjitaH || 89||
urvyo hiraNyaH paramo nidhanesho dhanAdhipaH |
yajurmUrtiH sAmamUrtiH R^i~NmUrtirmUrtivarjitaH || 90||
vyakto vyaktatamo.avyakto vyaktAvyaktastamo javI |
li~NgamUrtirali~NgAtmA li~NgAli~NgAtmavigrahaH || 91||
graho.agraho grahAdhAro grahAkAro graheshvaraH |
grahakR^idgrahabhidgrAhI graho grahavilakShaNaH || 92||
kalpAkAraH kalpakartA kalpalakShaNatatparaH |
kalpo kalpAkR^itiH kalpanAshakaH kalpakalpakaH || 93||
paramAtmA pradhAnAtmA pradhAnapuruShaH shivaH |
vedyo vaidyo vedavedyo vedavedAntasaMstutaH || 94||
vedavaktro vedajihvo vijihvo jihmanAshakaH |
kalyANarUpaH kalyANaH kalyANaguNasaMshrayaH || 95||
bhaktakalyANado bhaktakAmadhenuH surAdhipaH |
pAvanaH pAvako vAmo mahAkAlo madApahaH || 96||
ghorapAtakadAvAgnirdavabhasmakaNapriyaH |
anantasomasUryAgnimaNDalapratimaprabhaH || 97||
jagadekaprabhuHsvAmI jagadvandyo jaganmayaH |
jagadAnandado janmajarAmaraNavarjitaH || 98||
khaTvA~NgI nItimAn sadyodevatAtmAtmasambhavaH |
kapAlamAlAbharaNaH kapAlI viShNuvallabhaH || 99||
kamalAsanakAlAgniH kamalAsanapUjitaH |
kAlAdhIshastrikAlaj~no duShTavigrahavArakaH || 100||
nATyakartA naTaparo mahAnATyavishAradaH |
virADrUpadharo dhIro vIro vR^iShabhavAhanaH || 101||
vR^iShA~Nko vR^iShabhAvIsho vR^iShAtmA vR^iShabhadhvajaH |
mahonnato mahAvakShyo(kShmyo) mahAvIro mahAbhujaH || 102||
mahAskandho mahAgrIvo mahAdvaktro mahachCharaH |
(mahAskandho mahAgrIvo mahAvaktro mahAshirAH)
mahAhanurmahAdaMShTro mahAdoShTo(ShmAn) (mahadoShThaH) mahodaraH || 103||
sundarabhruH sunayanaH sulalATaH suga(ka)ndharaH |
satyavAkyo dharmavettA satyaj~naH satyavittamaH || 104||
dharmavAndharmanipuNo dharmo dharmapravartakaH |
kR^itaj~naH kR^itakR^ityAtmA kR^itakR^ityaH kR^itAgamaH || 105||
kR^ityavitkR^ityavichChreShThaH kR^itaj~napriyakR^ittamaH |
vratakR^idvratavichChreShTho vratavidvAn mahAvratI || 106||
vratapriyo vratAkAro vratAdhAro vrateshvaraH |
atirAgI vItarAgo rAgaheturvirAgavit || 107||
rAgaghno rAgi(ga)shamano rAgado rAgirAgavit |
vidvAn vidvattamo vidvajjanamAnasasaMshrayaH || 108||
vidvajjanAshrayo vidvajjanastavyaparAkramaH |
nItikR^innItivinnItipradAtA nItivitpriyaH || 109||
vinItivatsalo nItisvarUpo nItisaMshrayaH |
krodhajitkrodhilaH(dhanaH) krodhijanavitkrodharUpadhR^ik || 110||
krodhadaHkrodhahA krodhI(dhi)janahA krodhakAraNaH |
guNavAn guNavichChreShTho nirguNo guNavatpriyaH || 111||
guNAdhAro guNakAro guNakR^idguNanAshakaH |
vIryavAn vIryakashreShTho vIryavidvIryasaMshraya || 112||
vIryAkAro vIryakaro vIryahA vIryavardhakaH |
kAlavitkAlakR^itkAlo balakR^idbalavidbalI || 113||
manonmano manorUpo balapramathano balaH |
vidyApradAtA vidyesho vidyAmAtraikasaMshrayaH || 114||
vidyAkAro mahAvidyo vidyAvidyo vishArada |
vasantakR^idvasantAtmA vasantesho vasantadaH || 115||
grIShmAtmA grIShmakR^id grIShma(ma)vardhako grIShmanAshakaH |
prAvR^iTkR^itprAvR^iDAkAraH prIvR^iTkAlapravartakaH || 116||
prAvR^iTpravardhakaH prAvR^iNNAthaH prAvR^iDvinAshakaH |
sharadAtmA sharaddhetuH sharatkAlapravartakaH || 117||
sharannAthaH sharatkAlanAshakaH sharadAshrayaH |
himasvarUpo himado himahA himanAyakaH || 118||
shaishirAtmA shaishireshaH shaishirartupravartakaH |
prAchyAtmA dakShiNAkAraH pratIchyAtmottarAkR^itiH || 119||
UrdhvAdanyadigAkAro nAnAdeshaikanAyakaH |
sarvapakShI(kShi)mR^igAkAraH sarvapakShimR^igAdhipaH || 120||
sarvapakShimR^igAdhAro mR^igAdyutpattikAraNaH |
jIvAdhyakSho jIvabandho(dhuH) jIvavijjIvarakShakaH || 121||
jIvakR^ijjIvahA jIvajIvano jIvasaMshrayaH |
jyotiHsvarUpo vishvAtmA vishvanAtho viyatpati || 122||
vajrAtmA vajrahastAtmA vajrasho vajrabhUShitaH |
kumAragururIshAno gaNAdhyakSha gaNAdhipaH || 123||
pinAkapANiH sUryAtmA somasUryAgnilochana |
apAyarahitaH shAnto dAnto damayitA damaH || 124||
R^iShiH purANapuruShaH puruSheshaH purandaraH |
akShobhyaH kShobharahitaH kShobhadaH kShobhanAshakaH || 125||
kAlAgnirudra sarveshaH shamarUpo maheshvaraH |
pralayAnalakR^iddivyaH pralayAnalanAshaka || 126||
tryambako(triyambako).ariShaDvarganAshako dhanadapriyaH |
sadambho dambharahito dambho dambhavinAshakaH || 127||
kundendusha~Nkhadhavalo bhasmoddhUlitavigrahaH |
bhasmadhAraNahR^iShTAtmA tuShTaH puShTo.arisUdanaH || 128||
sthANurdigambaro bhargo bhaganetrabhidu(do)dyamaH |
trikAgniH kAlakAlAgniradvitIyo mahAyashAH || 129||
sAmapriyaH sAmavettA sAmagaH sAmagapriyaH |
dhIrodAtto mahAdhIro dhairyado dhairyavardhakaH || 130||
lAvaNyarAshiH sarvaj~naH subuddhirbuddhimadvaraH |
tumbavINA(NaH)kambukaNThaH shambarArinikR^intana || 131||
shArdUlacharmavasaNaH pUrNAnando jagatpriyaH |
jayapriyo jayAdhyakSho jayAtmA jayakAraNa || 132||
ja~NgamAja~NgamAkArI jagadutpattikAraNaH |
jagadrakShAkaro vashyo jagatpralayakAraNaH || 133||
pUShadantabhidutkR^iShTaH pa~nchayaj~naprabha~njakaH |
aShTamUrtirvishvamUrtiratimUrtiramUrtimAn || 134||
kailAsashikharAvAsaH kailAsashikharapriyaH |
bhaktakailAsadaH sUkShmo va(ma)rmaj~naH sarvashikShakaH || 135||
somaH somakalAkAro mahAtejA mahAtapAH |
hiraNyashmashrurAnandaH svarNakesha suvarNadR^ik || 136||
brahmA vishvasR^iDurvIsho mochako bandhavarjitaH |
svatantraH sarvamantrAtmA dyutimAnamitaprabhaH || 137||
puShkarAkShaH puNyakIrtiH puNyashravaNakIrtanaH |
puNyamUrtiH puNyadAtA puNyApuNyaphalapradaH || 138||
sArabhUtaH sArameyo rasabhUto rasAshrayaH |
o~NkAraH praNavo nAdo praNatArtiprabha~njanaH || 139||
nikaTastho.atidUrastho vashI brahmANDanAyakaH |
mandAramUlanilayo mandArakusumAvR^itaH || 140||
vR^indArakapriyatamo vR^indArakavarArchitaH |
shrImAnanantakalyANaparipUrNo mahodayaH || 141||
mahotsAho vishvabhoktA vishvAshAparipUrakaH |
sulabho.asulabho labhyo.alabhyo lAbhapravardhakaH || 142||
lAbhAtmA lAbhado vaktA dyutimAnanasUyakaH |
brahmachArI dR^iDhAchArI devasihmo dhanapriyaH || 143||
vedapo devadevesho devadevottamottamaH |
bIjarAjo bIjaheturbIjado bIjavR^iddhidaH || 144||
bIjAdhArI bIjarUpo nirbIjo bIjanAshakaH |
parAparesho varadaH pi~Ngalo.ayugmalochanaH || 145||
pi~NgalAkShaH suraguruH guruH suraguruH priyaH |
yugAvaho yugAdhIsho yugakR^idyuganAshakaH || 146||
karpUragauro gaurIsho gaurIguruguhAshrayaH |
dhUrjaTiH pi~NgalajaTo jaTAmaNDalamaNDitaH || 147||
manojavo jIvaheturandhakAsurasUdanaH |
lokabandhuH kalAdhAraH pANDuraH pramathAdhipaH || 148||
avyaktA(kta)lakShaNo yogI yogIsho yogapu~NgavaH |
shritAvAso janAvAso surAvAsaH sumaNDalaH || 149||
bhavavaidyo yogivaidyo yogi(ga)siddho hR^idAsanaH |
uttamo.anuttamo.ashaktaH kAlakaNTho viShAdana || 150||
AshAsya kamanIyAtmA shubhaH sundaravigrahaH |
bhaktakalpataruH stotA stavyaH stotravarapriyaH || 151||
aprameyaguNAdhAro vedakR^idvedavigrahaH |
krIrtyAdhAraH kIrtikara kIrtiheturahetukaH || 152||
apradhR^iShya shAntabhadraH kIrtistambho manomayaH |
bhUshayo.annamayo bhoktA maheShvAso mahItanuH || 153||
vij~nAnamaya AnandamayaH prANamayo.annadaH |
sarvalokamayo yaShTA dharmAdharmapravartakaH || 154||
anirviNNo guNagrAhI sarvadharmapravartakaH |
dayAsudhArdranayano nirAshIraparigraha || 155||
parArthavR^iddhi(tti)rmadhuro madhurapriyadarshanaH |
muktAdAmaparItA~Ngo niHsa~Ngo ma~NgalAkaraH || 156||
sukhapradaH sukhAkAraH sukhaduHkhavivarjita |
vishR^i~Nkhalo jagatkartA jitasarvaH pitAmahaH || 157||
anapAyo.akShayo muNDI surUpyo rUpavarjitaH |
atIndriyo mahAmAyo mAyAvI vigatajvaraH || 158||
amR^ita shAshvataH shAnto mR^ityuhA mUkanAshanaH |
mahApretAsanAsInaH pishAchAnucharAvR^itaH || 159||
gaurIvilAsasadano nAgAnana (nagarAjo) vishAradaH |
vichitramAlyavasano divyachandanacharchitaH || 160||
viShNubrahmAdivandyA~NghriH surAsuranamaskR^itaH |
kirITaleDhibhAlendurmaNika~NkaNabhUShitaH || 161||
ratnA~NgadA~Ngo ratnesho ratnara~njitapAdukaH |
navaratnagaNopetakirITo ratnaka~nchukaH || 162||
nAnAvidhAnekaratnalasatkuNDalamaNDitaH |
divyaratnagaNAkIrNakaNThAbharaNabhUShitaH || 163||
galavyAlamaNirnAsApuTabhrAjitamauktikaH |
ratnA~NgulIyavilasatkarashAkhAnakhaprabhaH || 164||
ratnabhrAjaddhemasUtralasatkaTitaTaH paTuH |
vAmA~NkabhAgavilasatpArvatIvIkShNapriyaH || 165||
lIlAbalambitavapurbhaktamAnasamandiraH |
mandamandArapuShpaughalasadvAyuniShevitaH || 166||
kastUrIvilasadbhAlo divyaveShavirAjitaH |
divyadehaprabhAkUTasandIpitadigantaraH || 167||
devAsuragaruHstavyo devAsuranamaskR^itaH |
hastarAjatpuNDarIkaH puNDarIkanibhekShaNaH || 168||
sarvAshAsyaguNo.ameyaH sarvalokeShTabhUShaNaH |
sarveShTadAtA sarveShTaH sphuranma~NgalavigrahaH || 169||
avidyAlesharahito nAnAvidyaikasaMshrayaH |
mUrtIbhavatkR^ipApUro bhakteShTaphalapUrakaH || 170||
sampUrNakAmaH saubhAgyanidhiH saubhAgyadAyakaH |
hitaiShI hitakR^itsaumyaH parArthaikaprayojanaH || 171||
sharaNAgatadInArtaparitrANaparAyaNaH |
jiShNurnetA vaShaTkAro bhrAjiShNurbhojanaM haviH || 172||
bhoktA bhojayitA jetA jitArirjitamAnasaH |
akSharaH kAraNaM kruddhaHsamara (kruddhasamaraH) shAradaplavaH || 173||
Aj~nApake(re)chCho(pso) gambhIra kavirduHsvapnanAshakaH |
pa~nchabrahmasamutpattiH kShetraj~naH kShetrapAlakaH || 174||
vyomakesho bhImaveSho gaurIpatiranAmayaH |
bhavAbdhitaraNopAyo bhagavAnbhaktavatsalaH || 175||
varo variShTho nediShThaH priyaH priyadavaH sudhIH |
yantA yaviShThaH kShodiShTho yaviShTho yamashAsakaH || 176||
hiraNyagarbho hemA~Ngo hemarUpo hiraNyadaH |
brahmajyotiratA(nA)vekShyashchAmuNDAjanako raviH || 177||
mokShArthI janasaMsevyo mokShado mokShanAyakaH |
mahAshmashAnanilayo vedAshvo bhUrathasthitaH || 178||
mR^igavyAdho(ghra) charmadhAmA prachChannaH sphaTikaprabha |
sarvaj~naH paramArthAtmA brahmAnandAshrayo vibhuH || 179||
maheshvaro mahAdevaH parabrahma sadAshivaH |
\- \-
evametAni nAmAni mukhyAni mama sha~NkarI (shA~Nkare) || 180||
shubhadAni vichitrANi gauryai proktAni sAdaram |
etannAmajape yogyaH(yAH) viprA devA munIshvarAH || 181||
shuchirbhU(chibhU)tAH shivaparA nAnye rAgAdimohitAH |
vibhUtibhUShitavapuH shuddho rudrAkShabhUShaNaH || 182||
shivali~NgasamIpastho nissa~Ngo nirjitAsana |
ekAgrachitto niyato vashI bhUtahite rataH || 183||
shivali~NgArchako nityaM shivaikasharaNaH sadA |
mama nAmAni divyAni yo japedbhaktipUrvakam || 184||
evamuktaguNopetaH sa devaiH pUjito bhavet |
saMsArapAshasambaddhajanamokShaikasAdhanam || 185||
mannAmasmaraNaM nUnaM tadeva sakalArthadam |
mannAmaiva paraM japyamahamevAkShayArthadaH || 186||
ahameva sadAsevyo dhyeyo muktyarthamAdarAt |
vibhUtivajrakavachairmannAmasmaraNArthibhiH || 187||
vijayaH sarvato labhyo na teShAM dR^ishyate bhayam || 188||

|| iti shivarahasyAntargate shivAShTottarasahasranAmastotraM sampUrNam ||

\- || shrIshivarahasyam | ugrAkhyaH saptamAMshaH | adhyAyaH 1 | 33\-188||
##
- .. shrIshivarahasyam . ugrAkhyaH saptamAMshaH . adhyAyaH 1 . 33-188..

Notes:
Upon being requested by Kumāra ##kumAra## and Gaurī ##gaurI##; Śiva ##shiva## reveals the choicest 1008 Names (Aṣṭottarasahasranāma ##aShTottarasahasranAma##) from all of His several Names that have a benevolent effect. He describes the merits of reciting these names.

There is an extended version of the sahasarnAmastotram with variations and pUrva/uttarapIThikA.

Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}