स्कन्दप्रोक्ता साम्बशिवमहिमा
यथा श्रेष्ठो मनुष्येषु ब्राह्मणो ब्रह्मवित्तमः ।
तथा देवेषु सर्वेषु श्रेष्ठः साम्बः शिवः प्रभुः ॥ ११५॥
विद्यामध्ये यथा श्रेष्ठा वेदविद्या प्रकीर्तिता ।
तथा देवेषु सर्वेषु श्रेष्ठः साम्बः शिवः प्रभुः ॥ ११७॥
गौरुत्तमा कामदोग्ध्री यथा सर्वचतुष्पदाम् ।
तथा देवेषु सर्वेषु श्रेष्ठः साम्बः शिवः प्रभुः ॥ ११८॥
लोहमध्ये यथा श्रेष्ठं काञ्चनं सर्वकामदम् ।
तथा सर्वेषु देवेषु श्रेष्ठः साम्बः शिवः प्रभुः ॥ ११९॥
ऐरावतो यथा श्रेष्ठो गजेष्वमितविक्रमः ।
तथा सर्वेषु देवेषु श्रेष्ठः साम्बः शिवः प्रभुः ॥ १२०॥
हयेपूच्चैःश्रवाः श्रेष्ठो यथाऽमितपराक्रमः ।
तथा सर्वेषु देवेषु श्रेष्ठः साम्बः शिवः प्रभुः ॥ १२१॥
यथा सर्वमृगश्रेष्ठः सिह्मोऽलङ्घ्यपराक्रमः ।
तथा सर्वेषु देवेषु श्रेष्ठः साम्बः शिवः प्रभुः ॥ १२२॥
कैलासः सर्वलोकेषु यथा श्रेष्ठो नगोत्तमः ।
तथा सर्वेषु देवेषु श्रेष्ठः साम्बः शिवः प्रभुः ॥ १२३॥
पुष्यरागो ग्रथा श्रेष्ठो रत्नेषु त्रिविधेष्वपि ।
तथा सर्वेषु देवेषु श्रेष्ठः साम्बः शिवः प्रभुः ॥ १२४॥
समुद्रेषु यथा श्रेष्ठः क्षीराब्धिरमितप्रभः ।
तथा सर्वेषु देवेषु श्रेष्ठः साम्बः शिवः प्रभुः ॥ १२५॥
सिद्धानां कपिलः श्रेष्ठो यथा सिद्धाश्रयस्तथा ।
तथा सर्वेषु देवेषु श्रेष्ठः साम्बः शिवः प्रभुः ॥ १२६॥
यथा चित्ररथः श्रेष्ठो गन्धर्वेषु बलोन्नतः ।
तथा सर्वेषु देवेषु श्रेष्ठः साम्बः शिवः प्रभुः ॥ १२७॥
यथाऽगस्त्यो मुनिश्रैष्ठः सर्वदा शिवचिन्तकः ।
तथा सर्वेषु देवेषु श्रेष्ठः साम्बः शिवः प्रभुः ॥ १२८॥
शिवान्नस्त्यधिको देवः सत्यं सत्यं न संशयः ।
सत्यं सत्यं पुनः सत्यमुद्वृत्य भुजमुच्यते ॥ १२९॥
न शिवेन समो देवः सत्यं सत्यं न संशयः ।
सत्यं सत्यं पुनः सत्यमुद्वृत्य भुजमुच्यते ॥ १३०॥
शङ्करस्य प्रसादेन ज्ञानं भवति धीमताम् ।
शङ्करस्य प्रसादेन मोक्षो भवति धीमताम् ॥ १३१॥
शङ्करः सर्वभावेन शरण्यः शरणार्थिनाम् ।
सेव्यः पूज्य सदा साम्बः समेषामप्रमादतः ॥ १३२॥
॥ इति शिवरहस्यान्तर्गते स्कन्दप्रोक्ता साम्बशिवमहिमा पूर्णा ॥
- ॥ श्रीशिवरहस्यम् उग्राख्यः सप्तमांशः । अध्यायः १४ । ११५-१३२॥
- .. shrIshivarahasyam ugrAkhyaH saptamAMshaH . adhyAyaH 14 . 115-132 ..
Encoded and proofread by Ruma Dewan