ब्रह्माप्रोक्तं साम्बमहादेवलिङ्गनिरूपणम्
तत्राप्यत्युत्तमं स्थानं सर्वदेवस्तुतं सदा ।
शिवागारमिति ज्ञेयं तत्तु सर्वोत्तमोत्तमम् ॥ १५३॥
तत्र साम्बो महादेवः सर्वदेवोत्तमोत्तमः ।
सर्ववेदस्तुतो नित्यं लिङ्गाकारेण तिष्ठति ॥ १५४॥
यस्य भासा विभातीदं भुवनं सचराचरम् ।
स एव भगवांस्तत्र लिङ्गरूपेण तिष्ठति ॥ १५५॥
विभाति यस्य भासैव सहस्रकिरणो रविः ।
स एव भगवांस्तत्र लिङ्गरूपेण तिष्ठति ॥ १५६॥
येनैव भास्यते चन्द्रः पूर्णः सर्वकलाश्रयः ।
स एव भगवांस्तत्र लिङ्गरूपेण तिष्ठति ॥ १५७॥
येनैव भान्ति नभसि तारकाः सप्रभा अपि ।
स एव भगवांस्तत्र लिङ्गरूपेण तिष्ठति ॥ १५८॥
यो निष्कलो निर्गुणश्च निराकरो निरञ्जनः ।
स एव भगवांस्तत्र लिङ्गरूपेण तिष्ठति ॥ १५९॥
यः शान्तो निष्क्रियो नित्यो निरवद्यो निरामयः ।
स एव भगवांस्तत्र लिङ्गरूपेण तिष्ठति ॥ १६०॥
यः सर्वरूपः सर्वात्मा यः सर्वान्तरगः सदा ।
स एव भगवांस्तत्र लिङ्गरूपेण तिष्ठति ॥ १६१॥
यः प्रविश्यान्तरं सुप्तं प्रचोदयति मानसम् ।
स एव भगवांस्तत्र लिङ्गरूपेण तिष्ठति ॥ १६२॥
यः प्रविश्यान्तरं वाचं प्रचोदयति सर्वगः ।
स एव भगवांस्तत्र लिङ्गरूपेण तिष्ठति ॥ १६३॥
यः प्रविश्यान्तरं जिह्वां प्रचोदयति सर्वगः ।
स एव भगवांस्तत्र लिङ्गरूपेण तिष्ठति ॥ १६४॥
यः प्रविश्यान्तरं नित्यमिन्द्रियाणी प्रचोदयेत् ।
स एव भगवांस्तत्र लिङ्गरूपेण तिष्ठति ॥ १६५॥
यद्भीत्या वाति पवन यद्भीत्योदेति भानुमान् ।
स एव भगवांस्तत्र लिङ्गरूपेण तिष्ठति ॥ १६६॥
यद्धीत्या ज्वलते वह्विरिन्द्रश्च कुलिशायुधः ।
स एव भगवांस्तत्र लिङ्गरूपेण तिष्ठति ॥ १६७॥
यत्प्रसादेन वैकुण्ठं प्राप पूर्वं जनार्दनः ।
स एव भगवांस्तत्र लिङ्गरूपेण तिष्ठति ॥ १६८॥
यत्प्रसादेन लोकानां पालकोऽभूज्जनार्दनः ।
स एव भगवांस्तत्र लिङ्गरूपेण तिष्ठति ॥ १६९॥
यत्प्रसादान्महालक्ष्मी प्राप पूर्वं जनार्दनः ।
स एव भगवांस्तत्र लिङ्गरूपेण तिष्ठति ॥ १७०॥
यत्प्रसादेन दीनोऽपि जायते धनिनां वरः ।
स एव भगवांस्तत्र लिङ्गरूपेण तिष्ठति ॥ १७१॥
यत्प्रसादेन मोक्षोऽपि सुलभः सर्वजन्मनाम् ।
स एव भगवांस्तत्र लिङ्गरूपेण तिष्ठति ॥ १७२॥
न यस्मादधिको देवः सुरासुरनमस्कृतः ।
स एव भगवांस्तत्र लिङ्गरूपेण तिष्ठति ॥ १७३॥
यतो वाचो निवर्तन्ते अप्राप्य मनसा सह ।
स एव भगवांस्तत्र लिङ्गरूपेण तिष्ठति ॥ १७४॥
यस्य स्मरणमात्रेण जन्तुर्मुच्येत बन्धनात् ।
स एव भगवांस्तत्र लिङ्गरूपेण तिष्ठति ॥ १७५॥
तलिङ्गपूजर्यानन्तफलं सम्प्राप्यते जनैः ।
तल्लिङ्गपूजापुण्यस्य नेयत्ता सत्यमुच्यते ॥ १७६॥
तलिङ्गं वीक्षितं येन स्पृष्टमभ्यार्चितं मुदा ।
तस्य पापानि सर्वाणि सत्यं नश्यन्ति मूलतः ॥ १७७॥
॥ इति शिवरहस्यान्तर्गते ब्रह्माप्रोक्तं साम्बमहादेवलिङ्गनिरूपणं सम्पूर्णम् ॥
- ॥ श्रीशिवरहस्यम् उग्राख्यः सप्तमांशः । अध्यायः १५ । १५३-१७७॥
- .. shrIshivarahasyam ugrAkhyaH saptamAMshaH . adhyAyaH 15 . 153-177 ..
Notes:
While delivering the Upadeśa उपदेश to Deva-s देवाः, Brahmā ब्रह्मा tells them about a certain Abode of Śiva शिव, where He - the Sāmba Mahādeva साम्ब महादेव, who indeed is beyond all forms, yet permeating them all - resides in the form of Śivaliñga शिवलिङ्ग. He concludes by mentioning the merits of worshiping that Śivaliñga शिवलिङ्ग of Sāmba Mahādeva साम्ब महादेव.
Encoded and proofread by Ruma Dewan