% Text title            : parApraveshikAkShemarAja
% File name             : parApraveshikAkShemarAja.itx
% Category              : shiva, major\_works
% Location              : doc\_shiva
% Proofread by          : Swamini Tattvapriyananda tattvapriya3108 at gmail.com
% Latest update         : October 20, 2019
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Parapraveshika ..}##
\itxtitle{.. parApraveshikA ..}##\endtitles ##
OM namaH parAshaktyai ||
vishvAtmikAM taduttIrNA hR^idayaM parameshituH |
parAdishaktibhedena sphurantIM saMvidaM numaH || ## var ## parAdishaktirUpeNa
iha khalu parameshvaraH prakAshAtmA prakAshashcha vimarshasvabhAvaH ||
vimarsho hi nAma vishvAkAreNa vishvaprakAshena vishvasaMharaNena
chAkR^itrimAhamiti visphuraNam | yadi nirvimarshaH syAdanIshvaro
jaDashcha prasajyeta | eSha eva cha vimarshaH \- chichchaitanyaM
svarasoditAparAvAksvAtantryaM paramAtmano mukhyamaishvaryaM kartR^itvaM
sphurattA sAro hR^idayaM spanda ityAdishabdairAgameShUdghoShyate.ata
evAkR^itrimAhamiti\-satattvam | svayamprakAshasvarUpaH
parameshvaraH pArameshvaryAt shivAdidharaNyantaM jagadAtmanA
sphurati prakAshate | etadevAsya janArtR^itvamajaDatvaM cha |
jagatashcha kAryatvama.apyetadadhInaprakAshatvamevaivambhUtaM
jagat prakAsharUpAt karturmaheshvarAdabhinnameva | bhinnatve hi
aprakAshamAnatvena prakAshanAyogAd na ki~nchitsyAd | anena cha
jagatAsya bhagavataH prakAshAtmakaM rUpaM na kadAchidtirodhIyata
etatprakAshanena pratiShThAM labdhvA prakAshamAnamidaM jagadAtmanaH
prANabhUtaM kathaM niroddhuM shaknuyAt | kathaM cha rUpaM tannirudhya
svayamavatiShTheta | atashchAsya vastunaH sAdhakamidaM vAdhakamidaM
pramANamityanusandhAnAtmakasAdhakavAdhakapramAtR^irUpatayA chAsya
sadbhAvaH | tatsadbhAve kiM pramANam \- iti vastusadbhAvamanumanye |
tAdR^iksvabhAvavatve kiM pramANam \- iti praShTR^irUpatayA
cha pUrvasiddhasya parameshvarasya svayamprakAshatvaM sarvasya
svasaMvedanasiddham | ki~ncha pramANamapi yamAshritya pramANaM
bhavati tasya pramANasya tadadhInasharIraprANanIlasukhAdivedyaM
chAtishayya sadA bhAsamAnasya vedakaikarUpasya sarvapramitibhAjaH
siddhAvabhinavArthaprakAshasya pramANavarAkasya kashchopayogaH |
evaM cha shabdarAshimayapUrNAnantAhantAparAmarshasAratvAt
paramashiva eva ShaTtriMshattattvAni | kAni ityAha ||
shivashaktisadAshiveshvarashuddhavidyAmAyAkalAvidyAkAlaniyatipuruSha
prakR^itimanobud.hdhyaha~NkArashrotratvakchakShurjihvAghrANa\-
vAkpANipAdapAyUpasthashabdasparshUparasagandhAkAshavAyuvahnisalilabhUmayaH
ityetAni ShaTtriMshat lakShaNAni | tatra shivatattvaM nAma
ichChAj~nAnakriyAtmakakevalapUrNAnandasvabhAvarUpaH paramashiva eva || 1||

asya jagatsraShTumichChAparigR^ihItavataH parameshvarasya prathamaspanda
evechChAshaktitattvam || 2||

apratihatechChatvAta sadaivA~NkurAyamANamidaM jagat
svAtmanAhantayAchChAdyAvasthitaM sadAshivatattvam || 3||

a~NkuritaM jagadidantayAvR^ityAsthitamIshvaratattvam || 4||

ahantvedantayoraikyasvarUpeShu bhedabhAvaprathA mAyA || 5||

svasvarUpeShu bhedabhAvaprathA mAyA || 6||

yadA tu parameshvaraH pArameshvaryA mAyAshaktyA svarUpaM gR^ihayitvA
sa~NkuchitagrAhakatAmashnute tadA puruShasa.nj~no.ayameva mAyAmohitaH
karmabandhanaH saMsArI parameshvarAdabhinno.apyasya mohaH parameshvarasya
na bhavet | indrajAlamiva aindrajAlikasya svechChayA sampAditabhrAnteH
bhrAnta eva rvidyAbhij~nAteshvaryastu chidghano muktaH paramashivaH |
asyaiva sarvakartR^itvaM sarvaj~natvaM pUrNatvaM vyApakatvaM
nityatvaM cha | shaktayo.asa~NkuchitA api sa~NkochagrahaNena
kalAvidyArAgakAlaniyatirUpatayA bhavanti || 7||

tatra kalAnAmasya puruShasya ki~nchitkartR^itvahetuH || 8||

vidyA ki~nchijj~natvakAraNam || 9||

rAgo viShayeShvabhiShva~NgaH || 10||

kAlo hi bhAvanAM bhAsanAbhAsanAtmakAnAM kramo.avachChedako
bhUtAdirniyatirmamedaM kartavyamiti niyamanahetuH || 11||

etatpa~nchakamasya svarUpAvarakatvAtka~nchukamityuchyate |
mahadAdipR^ithivyantAnAM tattvAnAM kAraNaM mUlaprakR^itiH |
eShA cha sattvarajastamasAM sAmyAvasthA | avibhaktarUpaM manaH
sa~NkalpasAdhanAbuddhiH  nishchayasAdhanA aha~NkAro nAma \-
mamedaM na mamedamityabhimAnasAdhanam | etattrayamantaHkaraNam |
shabdasparsharUparasagandhAtmakAnAM viShayANAM krameNa sAdhanAni
shrotratvakchakShurjihvAghrANAni pa~ncha j~nAnendriyANi |
vachanAdAnaviharaNavisargAnandAtmakriyAsAdhanAni
paripAThya vAkpANipAdapAyUpasthAni pa~ncha karmendriyANi |
shabdasparsharUparasagandhasAmAnyAkArANi pa~nchatanmAtrANi |
AkAshamavakAshapradam | vAyuH sa~njIvanam | agnirdAhakaH pAchakashcha
salilamApyAyanaM dravarUpaM cha |  bhUmirdhArikA kaThinarUpA cha | etat
sarvam |
yathA nyagrodhabIjasthaH shaktirUpo mahAdrumaH |
tathA hR^idayabIjasthaM jagadetachcharAcharam ||

ityAmnAyarItyA parAbhaTTArikArUpe hR^idayabIje.antarbhUtam | kathamityAha
|| \- yathA ghaTasharAvAdInAM mR^idvikArANAM pAramArthikaM rUpaM mR^ideva
bhavati | yathA vA jalAdidravajAtInAM vichAryamANaM vyavasthitaM rUpaM
jalAdisAmAnyameva bhavati tathA pR^ithivyAdimAyAntAnAM tattvAnAM satattvaM
mImAMsyamAnaM sadeva bhaved, asyApi padasya nirUpyamANaM svalakShaNaM
dhAtvarthavya~njakaM pratyayAMshaM visR^ijya prakR^itimAtrarUpaM
sAkAramAtram  evAvashiShyate | tadantargatamekatriMshattatvam | ataH paraM
shuddhavidyeshvarasadAshivatattvAni j~nAnakriyAsArANi | shaktivisheShatvAt
o~NkAre.abhyupagamarUpe anuttarashaktimaye paramarahasye ye.antarbhUtAni
| ataH paramUrdhvAdhaH sR^iShTimaye tu visarjanIyaH | evambhUtasya
hR^idayabIjasya mahAmantrAtmako vishvamayo vishvottIrNaH paramashiva
evodayavishrAntisthAnatvAnnija svabhAvaH | IdR^ishaM hR^idayaM bIjaM
tattvato yo veda svAtmatayA samAvishati cha sa paramArthato dIkShitaH
prANAn dhArayan laukikavadvartamAno jIvanmukta eva bhaviShyati ||
## var ## jIvanmukta eva bhavati, dehapAte parashivabhaTTAraka ve bhavati ||

iti parApraveshikAkR^itiriyaM kShemarAjasya ||

##
Proofread by Swamini Tattvapriyananda tattvapriya3108 at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}