% Text title : Shri Natarajarajapanchavarana Stotram % File name : naTarAjarAjapanchAvaraNastotraM.itx % Category : shiva, stotra % Location : doc\_shiva % Proofread by : Aruna Narayanan % Description/comments : From shrInaTarAjastavamanjarI % Latest update : July 10, 2022 % Send corrections to : Sanskrit@cheerful.com % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Natarajarajapanchavarana Stotram ..}## \itxtitle{.. shrInaTarAjarAjapa~nchAvaraNastotram ..}##\endtitles ## shrIgaNeshAya namaH | shrIchitsabheshAya namaH | || shrIchitsabhAdhyAnam || vAmAdyA navashaktayo yadupari shrIsvarNakumbhAnavai\- vAsyAM chinmayasaMsadi pratanute nR^ittaM naTeshaH sadA | tadvAme nagajA rahasyamapi taddakShe.asti chaidambaraM shrIvyAghrA~Nghripata~njalI munivarau tatpArshvayoH saMsthitau || 1|| || shrIrahasyadhyAnam || shrIchakrAdivisheShayantraghaTitaM bhittisvarUpaM sadA.a.a\- nandaj~nAnamayaM naTeshashivayoH sammelanaM bodhayat | shrIjAmbUnadabilvapatrarachitairmAlAgaNairlakShitaM kastUrImasR^iNaM chidambaramidaM sthAnaM rahasyaM numaH || 2|| || nava chakrANi || shrIchakraM shivachakraM cha dhvanichakraM cha tANDavam | sammelanaM shrIlalitAchakraM chintAmaNestathA | gaNeshaskandayoshchaiva chakraM j~neyaM navAtmakam || 3|| || shrInaTarAjarAjamUrtidhyAnam || saptArNavaparikShepAM dvIpaissaptabhirAvR^itAm | pa~nchAshatkoTivistIrNAM dhyAyetsarvAM sabhAM mahIm || 4|| tasyAshcha hR^idayAmbhoje mAtR^ikAkSharakesaram | dhyAyedaShTadalaM dhImAn mahIhR^idayapa~Nkajam || 5|| tasya madhye trikoNe tu taruNendu shikhAmaNim | chArudIrghajaTApAshaM chaladbhogIndrakuNDalam || 6|| tripuNDravilasatbhAlaM chandrArkAnalalochanam | vAmabhAge sthitAM devI lakShayantamapA~NgataH || 7|| adharolla~NghanAkArasandihAnasmitA~Nkuram | kastUrikAsitoddAmakAlakUTalasadgalam || 8|| mahADamarukAptordhvadakShapANisaroruham | tadanyakarapadmAntarjvaladuchChikhapAvakam || 9|| dakShAdhaH karapadmena harantaM prANinAM bhayam | vikShiptAnyakaraM tiryak ku~nchitenA~NghriNA svayam || 10|| vAmetaraprakoShThAntanR^ityatphaNadhareshvaram | kalpabrahmakapAlAnAM mAlayA lambamAnayA || 11|| svAtantryamAtmano rUpaM AchakShANaM svabhAvataH | vyAghra charmAmbaradharaM kaTisUtrita pannagam || 12|| dakShapAdAbjavinyAsAt adhaH kR^itatamoguNam | bhasmoddhUlitasarvA~NgaM paramAnandatANDavam | evaM dhyAyet pareshAnaM puNDarIkapureshvaram || 13|| || shrIshivakAmasundarIdhyAnam || tatassvarNanibhAM devIM vidyullekheva bhAsvarAm | nIvArashUkavattanvIM pItAM bhAsvattanUpamAm || 14|| svechChApa~NkajamadhyasthAM svechChAkalpitavigrahAm | sadvinetrAM chaturhastAM madhye sUkShmAM stanonnatAm || 15|| nitambataTavistIrNAM shyAmAM nIlAlakAnvitAm | hArakeyUrarashanAmekhalAdyupashobhitAm || 16|| sphuranmakuTamANikyaki~NkiNIravashobhitAm | dukUlavasanopetAM ki~nchitprahasitAnanAm || 17|| anaupamyaguNAM saumyAM mahAsAtvikarUpiNIm | dakShiNordhvakarAbjena chAkShamAlAdharAM shivAm || 18|| vAmenordhvakarAbjena shukavatsadharAM parAm | dakShAdhaHkarapadmena phullakalhAradhAriNIm || 19|| lambitAnyakarAbjena kaTideshe samanvitAm | brahmaviShNvindramakuTaiH sandharShitapadAmbujAm | evaM dhyAyet pareshAnIM puNDarIka pureshvarIm || 20|| || shrInaTeshaprathamAvaraNadevatAstotram || pa~ncha brahmadevatAH \- OM aghorAyanamaH | OM IshAnAya namaH | OM tatpuruShAya namaH | OM vAmadevAya namaH | OM sadyojAtAya namaH | OM aghorAya namaH || aghorama~njanAbhAsaM dadhataM vahniDiNDimau | varAbhayakaraM daMShTrAbhImavaktraM mahojjvalam || 21|| nIlavastra paritA~NgaM nIlotpalavibhUShitam | jvAlAkeshograrUpaM cha soShNIShaM yaj~nasUtrakam || 22|| bhasmarudrAkShashobhADhyaM vIramAsanasaMsthitam | maulauchandradharaM shyAmaM kuNDalAla~NkR^itaM param || 23|| babhrUshmashrUshirojaM cha daMShTrAlaM vikR^itAnanam | kapAlamAlAbharaNaM sarpavR^ishchika bhUShaNam || 24|| khaTvA~NgakaM kapAlaM cha kheTakaM pAshameva cha | vAmahasta chatuShke tu dakShahasta chatuShTaye || 25|| trishUlaM parashuM khaDgaM daNDa~nchArivimardanam | devaM navAmbudAbhAsaM aghoraM sarvakAmadam | yasmAtparaM na ghoro.anyaH taM namAmi maheshvaram || 26|| kAlAbhrabhramarA~njanadyutinibhaM vyAvR^ittapi~NgekShaNaM karNodbhAsitabhogimastakamaNiprodbhinnadaMShTrA~Nkuram | sarpaprotakapAlashuktishakalavyAkIrNatAshekharaM vande dakShiNamIshvarasya vadanaM chAtharvanAdodayam || 27|| kuThArakheTA~Nkusha shUlaDhakkArudrAkShamAlAgnivarAn dadhAnaH | chaturmukho nIlaruchistriNetraH pAyAdaghoro dishi dakShiNasyAm || 28|| 2\. OM IshAnAya namaH | shuddhasphaTikasa~NkAshaM shubhavaktraM trilochanam | sAbhayaM varadaM chaiva vajrashUladharaM shivam || 29|| shvetavasraparItA~NgaM shvetamAlyairvibhUShitam | rudrAkShamAlAbharaNaM tripuNDrAdyupashobhitam || 30|| yaj~nasUtrasamAyuktaM shvetoShNIShavirAjitam | nAgAbharaNasaMyuktaM UrdhvamIshAnakaM smaret || 31|| sphaTikAbhaM jagaddhetuM triNetraM chandramaulinam | saumyaM prasannamIshAnaM trishUlAbhayadhAriNam | vande samastalokasya kAraNaM parameshvaram || 32|| vyaktAvyaktanirUpitaM cha paramaM ShaTtriMshatattvAdhikaM tasmAduttaratattvamakSharamiti dhyeyaM sadA yogibhiH | o~NkArAdisamastamantrajanakaM sUkShmAtisUkShmaM paraM vande pa~nchamamIshvarasya vadanaM khavyApi tejomayam || 33|| vedAbhayeShTA~Nkusha Ta~NkapAshakapAlaDhakkAkSharashUlapANiH | sitadyutiH pa~nchamukho.avatAnmAM IshAna UrdhvaM paramaprakAshaH || 34|| 3\. OM tatpuruShAya namaH | puruShaM ku~NkumAkAraM varadAbhItihastakam | khaDga parashusaMyuktaM jaTAmakuTashobhitam || 35|| raktavasraparItA~NgaM soShNIShayaj~nasUtrakam | prasannavadanaM saumyaM raktapadmopashobhitam || 36|| netratrayasamAyuktaM pUrvAsyaM cha chaturmukham | sarvAbhIShTapradaM vande sarvadA sukhadAyakam || 37|| sphaTikAbhaM jagaddhetuM trinetraM chandramaulinam | bhaje tatpuruShaM kAntaM trishUlAbhayadhAriNam || 38|| saMvartAgnitaTitpradIptakanakapraspardhitejo.aruNaM gambhIradhvanisAmavedajanakaM tAmrAdharaM sundaram | ardhendudyutilolapi~NgalajaTAbhAraprabaddhodakaM vande siddhasurAsurendranamitaM pUrvaM mukhaM shUlinaH || 39|| pradIptavidyutkanakAvabhAso vidyAvarAbhItikuThArapANiH | chaturmukhastatpuruShasriNetraH prAchyAM sthito rakShatu mAmajasram || 40|| 4\. OM vAmadevAya namaH | vAmadeva mahAdevaM varadAbhayahastakam | nAgaghaNTAravopetaM raktA~NgaM raktalochanam || 41|| bhasmarudrAkShashobhADhyaM yaj~nasUtravirAjitam | tu~NganAsaM cha soShNIShaM mandahAsamukhAnvitam || 42|| raktapadmAsanAsInaM mAlyavasropashobhitam | vande vA~nChitalAbhAya sarvAbhIShTaphalapradam || 43|| vAmadevaM suraktAbhaM mAlyavasropavItakam | dhyAyet shivaM shivAnAthaM khaDgakheTakadhAriNam || 44|| gauraM ku~Nkumapa~NkilaM sutilakaM ApANDugaNDasthalaM bhrUvikShepakaTAkShavIkShaNalasatsaMsaktakarNotpalam | snigdhaM bimbaphalAdharaM prahasitaM nIlAlakAla~NkR^itaM vande yAjuShavedaghoShajanakaM vaktraM harasyottaram || 45|| varAkShamAlA.abhayaTa~NkahastaH sarojaki~njalkasamAnavarNaH | trilochanaH chAru chaturmukho mAM pAyAdudIchyAM dishi vAmadevaH || 46|| 5\. || OM sadyojAtAya namaH || sadyojAtaM cha gokShIrasa~NkAshamatisundaram | varadAbhayahastaM cha pAshA~NkushadharaM shivam || 47|| yaj~nasUtrasamAyuktaM bhasmarudrAkShabhUShitam | sitasraggandhabhUShADhyaM sitoShNIShaM sitAmbaram || 48|| saumyaM maulIndusampannaM bAlAkAraM trilochanam | sarvalakShaNasampannaM sadyojAtaM vibhAvaye || 49|| sadyojAtaM mahAdevaM R^igvedapriyamIshvaram | sarvalakShaNasampannaM shivayA sahitaM bhaje || 50|| prAleyAmalamindukundadhavalaM gokShIraphenaprabhaM bhasmAbhya~Ngamana~NgadehadahanajvAlAvalIlochanam | viShNubrahmamarudgaNArchitapadaM chargvedanAdodayaM vande.ahaM sakalaM kala~NkarahitaM sthANormukhaM pashchimam || 51|| kundendusha~NkhasphaTikAvabhAso vedAkShamAlAvaradAbhayA~NkaH | tryakShashchaturvaktra urupratApaH sadyo.adhijAto.avatu mAM pratIchyAm || 52|| a~NganyAsadevatAH OM asrAya namaH | OM kavachAya namaH | OM netratrayAya namaH | OM shikhAyai namaH | OM shirase namaH | OM hR^idayAya namaH | 1\. OM astrAya namaH | samproktA asavaH prANAH trAyate hi cha tAn sadA | prANAnAM trANahetoshcha astramityabhidhIyate || 53|| yaj~nasya rakShaNArthAya vighnavidhvaMsanAya cha | ashuddha shuddhakaraNAyAsramadya namAmyaham || 54|| shuddhasphaTikasa~NkAshaM pa~nchavaktraM sasomakam | vaktre vaktre triNetraM cha dashabAhuM sushobhitam || 55|| dukUlAbharaNopetaM bhasmarudrAkShabhUShitam | lasanmauktikasa~NkAshaM jaTAmakuTashobhitam | dantapa~NktilasadvaktraM saumyamastraM bhajAmyaham || 56|| vinAstrarAjaM na shivasya yAtrA vinAstrarAjaM na cha majjanAdi | vinAstrarAjaM na maho bhavasya tamastrarAjaM praNamAmi mUrdhnA || 57|| 2\. OM kavachAya namaH kavachaM hR^idayatrANaM astrashastranivArakam | ala~NkArAya sandhAryaM kavachaM samudAhR^itam || 58|| tasmAttad.hdhyAnataH sarvarakShA bhavati sarvadA | kavachaM shubhravarNaM cha ekavaktraM chaturbhujam || 59|| varaM kapAlaM vAme chAbhayaM shUlaM cha dakShiNe | bibhrANaM shUlanetraM cha bhasmarudrAkShabhUShitam | sarvAbharaNasaMyuktaM vande mAlAsushobhitam || 60|| 3\. OM netratrayAya namaH sUryAchandramasau vahniH shivanetratrayaM smR^itam | tasmAnnetratrayaM proktaM tad.hdhyAnaM cha prakIrtitam || 61|| tena netraprakAshaH syAt kANatvaM cha nivartate | nirmalaM netrarUpaM cha nityaM shyAmAbjasannibham || 62|| ekAsyaM cha trishUlAhI hastayordadhataM shubham | shyAmavastraparIdhAnaM nIlotpalavibhUShitam || 63|| saumyAsyaM saumyarUpaM cha somavatpriyadarshanam | nIlameghasamAkAraM dR^ikkriyechChAtmakaM vibhoH || 64|| tritattvarUpavahnyAdimaNDalatritayAkShayam | vande.ahamiShTalAbhAya jagannetR^itvalakShitam || 65|| 4\. OM shikhAyai namaH | vAmadevAdhidaivatyA shikhA proktA sadAshivA | ala~NkArashatairyuktA kaparda iti cha smR^itA || 66|| sA brahmaNApi na j~nAtA AkAshagamanena cha | tasmAtsarvottamA dhyeyA shikhAvAnpuruSho vibhuH || 67|| shikhAM sindUravarNAbhAM shuklavastrottarIyakAm | trinetrAM jaTilAM savye kapAlaM varameva cha || 68|| shUlAbhayaM dadhAnAM cha vAme rudrAkShabhUShitAm | vande.ahaM sarvalAbhAya uShNIShasahitAM shivAm || 69|| 5\. OM shirase namaH | dvAdashAntamiti proktaM shira eva sanAtanam | sahasrAdhikanADInAM samudAyo.atra vartate || 70|| shiraH pradhAnaM sarveShu a~NgeShu parikIrtitam | ga~NgApannagachandrAshcha shivasya shirasi sthitAH || 71|| evaM dhyeyaM shiraHsthAnaM sarvAdhAraM cha kIrtitam | mahAdevAdhidaivatyaM shira etadudAhR^itam || 72|| shiraH kA~nchanavarNAbhaM ekavaktraM trilochanam | varaM kapAlaM vAme cha dakShe shUlAbhaye vare || 73|| jaTAmakuTashobhADhyaM bhasmapANDaravigraham | sarvAbharaNasaMyuktaM sarvamAlyairala~NkR^itam | bhaje ma~NgalasamprAptyai sarvashreShThaM purAtanam || 74|| 6\. OM hR^idayAya namaH | hR^idi ayaM iti proktaH shiva eva sanAtanaH | shataM chaikA hR^idayasya nADyaH tAsAM mUrdhAnamabhinissR^itaikA || 75|| dehamadhyasthitaM hyetat jIvAdhAramiti smR^itam | jIvo brahmaiva nAparaH paramAtmetyudAhR^itaH || 76|| paramaM cha rahasyaM cha bodhayat etadeva hi | hR^idayaM shivadaivatyaM iti mantreNa kIrtitam || 77|| evaM cha hR^idayaM dhyeyaM dhyAnAvasthitachetasA | hR^idayaM shuklavarNAbhaM triNetraM chaikavaktrakam | shUlAbhaye savyahaste dakShe varakapAlake || 78|| kadalIpuShpasa~NkAshaM hR^idayaM sarvadehinAm | tasya madhyasthitaM padmaM aShTapatraM sakarNikam || 79|| vitastimAtraM hR^idayaM kamalaM chatura~Ngulam | aShTA~NgulapramANAntaM nAbherUrdhvaM vyavasthitam || 80|| padmanAlaM navadvAraM samantAt kaNTakAnvitam | a~NguShThaparvatulyA.atra karNikA sA sakesarA || 81|| karNikAyAM bhavetsUryaH tasya madhye tu chandramAH | chandramadhye bhavedvahniH saure chAnAhataM smaret || 82|| amanaskaM cha some cha shivamagnau vibhAvayet | pUjAhomasamAdhInAM trividhaM mUrtibhedakam || 83|| anAhatashive pUjA amanaskashivaM hunet | shive vilInakaM kR^itvA samAdhiM paribhAvayet || 84|| || dvitIyAvaraNadevatAdhyAnam || OM anantAya namaH | OM ekanetrAya namaH | OM ekarudrAya namaH | OM trimUrtaye namaH | OM shikhaNDine namaH | OM shivottamAya namaH | OM shrIkaNThAya namaH | OM sUkShmAya namaH | 1\. OM anantAya namaH | ananteshaM chaturvaktraM jaTAmakuTamaNDitam | khaNDendumaulinaM ga~NgAdharaM padmAsanasthitam || 85|| khaDgakheTadhanurbANakamaNDalvakShasUtrakAn | varAbhaye cha bibhrANaM bhasmarudrAkShabhUShitam || 86|| 2\. OM ekanetrAya namaH | bhR^i~NgAbhamekanetraM cha sAkShamAlAkamaNDalum | khaDgakheTadhanurbANavaradAbhayashUlakam || 87|| induga~NgAdharaM devaM prasannavadanAnvitam | sarvAbharaNasaMyuktaM pa~Nkajopari saMsthitam || 88|| 3\. OM ekarudrAya namaH | ekarudraM shashA~NkAbhaM ga~NgAchandrakalAdharam | khaDgakheTadhanurbANAnakShamAlAM kamaNDalum || 89|| pAshaM shUlaM cha bibhrANaM mandasmitamanoharam | sarvAbharaNasaMyuktaM bhasmarudrAkShashobhitam || 90|| 4\. OM trimUrtaye namaH | himA~Nga~ncha trimUrtishcha jaTAmakuTashobhitam | abhayAkShavarAn khaDgaM dhanurbANa~ncha kheTakam | gaNDikA~ncha tathA shUlaM dadhAnaM padmasaMsthitam || 91|| 5\. OM shikhaNDine namaH | shikhaNDinaM shubhravarNaM khaDgakheTakasaMyutam | dhanurbANasamAyuktaM varAbhayasamanvitam | akShashUladhara~nchaiva bhasmarudrAkShabhUShitam || 92|| 6\. OM shivottamAya namaH | shivottamaM nIlavarNaM ga~NgAchandrajaTAdharam | chApabANavarAbhItikhaDgakheTAkShashUlakAn || 93|| pANipadmeShvAdadhAnaM prasannAsyaM trinetrakam | padmAsane samAsInaM sarvAbharaNabhUShitam || 94|| 7\. shrIkaNThAya namaH | shrIkaNThaM raktavarNa~ncha ga~NgAsomajaTAnvitam | abhayAkShavarAsIMshcha kheTakaM chApabANakau || 95|| shUlaM vahantaM hasteShu kuNDalAdyupashobhitam | raktavastraparItA~NgaM raktapadmAsane sthitam || 96|| 8\. OM sUkShmAya namaH | raktA~NgaM sUkShmadehaM cha varAbhayakarAnvitam | shUlAkShagaNDikAM chaiva dhanurbANAsidhAriNam | padmAsane samAsInaM padmamAlAvibhUShitam || 97|| || tR^itIyAvaraNadevatA dhyAnam || OM chaNDeshvarAya namaH | OM gauryai namaH | OM nandine namaH | OM bhR^i~Ngine namaH | OM mahAkAlAya namaH | OM viShNave namaH | OM vR^iShabhAya namaH | OM ShaNmukhAya namaH | 1\. OM chaNDeshvarAya namaH | chaNDeshvaraH sthANusamAnatejAH rudreNa sa~NkShiptasamastabhAraH | yasya prasAdAtsaphalA shivArchA taM chaNDikeshaM praNamAmi devam || 98|| chaNDeshvaraM chaturbAhuM chaturvaktraM trilochanam | dadhataM kamaNDaluM shUlaM akShasUtraM parashvadham || 99|| mahoragopavItADhyaM tannirvartitaka~NkaNam | vande navAmbudAbhAsaM samayAdiniyAmakam || 100|| 2\. OM gauryai namaH | gaurIM cha sphaTikAbhAsAM puNDarIkadalekShaNAm | triNetrAM chaikavaktrAM cha sAbhayAM varadAnvitAm || 101|| mR^igashUlasamAyuktAM sarvAbharaNabhUShitAm | siMhopari sthitAM pItAM karaNDamakuTAnvitAm | devIM sadA prapadye.ahaM muktAmAlAvirAjitAm || 102|| 3\. OM nandine namaH | shUlAkShamAle dadhataM karAbhyAM vAmetarAbhyAM jaTilaM triNetram | dvArdakShiNasthAM samavApya shAkhAM raktasmitaM nandinamAshrayAmi || 103|| dharmastvaM vR^iSharUpeNa jagadAnandakArakam | aShTamUrteradhiShThAnaM shivatulyaM sanAtanam || 104|| chAmIkarAchalaprakhyaM sarvAbharaNabhUShitam | bAlendumakuTaM saumyaM triNetraM cha chaturbhujam || 105|| mR^igavetradharaM devaM chandranimbasamAnanam | suyashApatimIshasya dhyAnaikanirataM shubham | namAmi parayA bhaktyA sarvalokairabhiShTutam || 106|| 4\. OM bhR^i~Ngine namaH | nirmAMsavigraho bhR^i~NgI shveto daNDAkShasUtrabhR^it | nR^ityan triNetraH sashikhaH devAlokanatatparaH || 107|| ardhanArIshvarashivorumadhye bhramarIkR^itaH | pradakShiNaM shivaM kurvan ambayA shApitaH kila || 108|| tasmAt nirmAMsadeho.abhUt shivadhyAnaikanishchalaH | taM vande parameshAnabhaktavaryaM sanAtanam || 109|| 5\. OM mahAkAlAya namaH | maheshasavyasthitakR^iShNavarNaM nAgopavItaM jaTilaM triNetram | kapAlashUlAnvitavAmadakShakaraM mahAkAlamahaM prapadye || 110|| triNetraM pItakR^iShNA~NgaM babhrushmashrushiroruham | daNDakhaDgau kheTashUle dadhataM shivarakShakam | mahAkAlaM mahAtmAnaM praNamAmi sadA mudA || 111|| 6\. OM viShNave namaH | viShNuM chaturbhujaM sha~NkhagadAchakrAbjahastakam | nIlAmbudharasa~NkAshaM bhasmoddhUlitavigraham | ramayA ramamANaM cha jagadrakShakamAshraye || 112|| shrImAn kShIrArNavAntaH phaNipati shayane chandrakhaNDAtigaure bhUmAnIlAsametaH sakalabhuvana saMrakShaNopAyachintaH | nidrAvyAjena kurvan niravadhimahimA nityamuktAbhivandyaH shete yaH shrInivAsaH pradishatu sutarAM santataM ma~NgalaM naH || 113|| 7\. OM vR^iShabhAya namaH | rajatanibhasharIraM vedapAdaM triNetraM aruNamuditashobhaM shyAmamunnamravaktram | vividhamaNivibhUShaM ki~NkiNIshobhikaNThaM hariharavidhirUpaM chAdidevaM vR^iShesham || 114|| vR^iShaM vR^iShapatiM tryakShaM rudraikagatamAnasam | sAkShAt dharmasvarUpaM cha shuddhasphaTikanirmalam | vande cha shivasevAyai shivApareti vishrutam || 115|| 8\. OM ShaNmukhAya namaH | ShaDvaktraM shikhivAhanaM triNayanaM chitrAmbarAla~NkR^itaM vajraM shaktimasiM trishUlamabhayaM kheTaM dhanushchakrakam | pAshaM kukkuTama~NkushaM cha varadaM dorbhirdadhAnaM sadA vande siddhidamIshvaraM shivasutaM skandaM surArAdhitam || 116|| umAkomalahastAbja sambhAvitalalATikam | mahAdevaguruM vande kumAraM puShkarasrajam || 117|| || chaturthAvaraNadevatA dhyAnam || OM agnaye namaH | OM indrAya namaH | OM IshAnAya namaH | OM kuberAya namaH | OM nirR^itaye namaH | OM brahmaNe namaH | OM yamAya namaH | OM varuNAya namaH | OM vAyave namaH | OM viShNave namaH | 1\. OM agnaye namaH | saptArchiShaM cha bibhrANaM akShamAlAM kamaNDalum | jvAlAmAlAkulaM raktaM shaktihastaM ajAsanam || 118|| svAhAdevIsamAyuktaM svarNavarNamupAsmahe | 2\. OM indrAya namaH | airAvatagajArUDhaM shachIjAniM kirITinam || 119|| sahasranayanaM shakraM vajrapANiM vibhAvaye | 3\. OM IshAnAya namaH | IshAnaM vR^iShabhArUDhaM trishUlavyAladhAriNam || 120|| pArvatIskandavighneshavIrabhadrayutaM shivam | sharachandranibhaM vande chandramauliM trilochanam || 121|| 4\. OM kuberAya namaH | kuberaM manujAsInaM sakharvaM kharvavigraham | pArvatIshasakhaM devaM chitralekhApatiM shubham | svarNachChAyaM gadAhastaM uttarAshApatiM smaret || 122|| 5\. OM nirR^itaye namaH | raktanetraM shavArUDhaM nIlotpala dalaprabham || 123|| kR^ipANapANimasraughaM pibantaM rAkShaseshvaram | dIrghAdevIsamAyuktaM yAtudhAnamahaM bhaje | 6\. OM brahmaNe namaH | haMsArUDhaM chaturvaktraM sarasvatIpatimavyayam | rudrAkShapustakAbhItivarahastaM vichintaye || 124|| 7\. OM yamAya namaH | kR^itAntaM mahiShArUDhaM daNDahastaM bhayAnakam | kAlapAshadharaM kR^iShNaM dhyAyet dakShiNadikpatim | devyAM shyAmalayA yuktaM dharmarAjaM mahAbalam || 125|| 8\. OM varuNAya namaH | nAgapAshadharaM sR^iShTaM ratnaughadyutivigraham | shashA~NkaM dhavalaM dhyAyet varuNaM makarAsanam | kAlikApatimIshAnaM hR^idA dhyAyet jalAdhipam || 126|| 9\. OM vAyave namaH | ApIta haritachChAyaM viloladhvajadhAriNam | prANabhUta~ncha bhUtAnAM hariNasthaM samIraNam | a~njanApatimIDyaM cha sadA sa~nchAriNaM bhaje || 127|| 10\. OM mahAviShNave namaH || garuDArUDhaM mahAviShNuM mahAlakShmIdhavaM harim | sha~Nkha chakragadApadmadharaM vande manoharam || 128|| || pa~nchamAvaraNadevatA dhyAnam || OM a~NkushAya namaH | OM khaDgAya namaH | OM gadAyai namaH | OM chakrAya namaH | OM trishUlAya namaH | OM daNDAya namaH | OM padmAya namaH | OM pAshAya namaH | OM vajrAya namaH | OM shaktaye namaH | 1\. OM a~NkushAya namaH | a~NkushaM puruShaM pItaM dvibhujaM cha dvinetrakam | karaNDamakuTopetaM IShaddaMShTraM kR^itA~njalim | puShpahastaM punItaM cha gajaprerakamAshraye || 129|| 2\. OM khaDgAya namaH | khaDgaM cha puruShaM shyAmaM dvibhujaM cha dvinetrakam | karaNDamakuTopetaM ki~nchit daMShTrAsamanvitam | viShNuhaste vIrabhadrakare saMsthaM namAmyaham || 130|| 3\. OM gadAyai namaH | dvinetrAM dvibhujAM nIlAM karaNDamakuTAnvitAm | sarvAbharaNasaMyuktAM gadAM karNAkR^itiM smaret | viShNuhaste bhImahaste A~njaneyakare sthitAm || 131|| 4\. OM chakrAya namaH | navInAmbudasa~NkAshaM indusundaravigraham | chakraM satArasaMyuktaM maNDalaM hR^idi bhAvaye | viShNuhaste tathA lakShmIhaste sthitaM shubham || 132|| 5\. OM trishUlAya namaH | trishUlaH puruSho divyo dvinetrashcha kR^itA~njaliH | jImUtasannibho raudraH ki~nchiddaMShTro dvibAhukaH | trimUrtismArako yashcha taM vande shivahastagam || 133|| 6\. OM daNDAya namaH | vidyutkAntiprabhaM sUkShmaM daNDaM puruSharUpiNam | kR^itA~njalipuTopetaM karaNDamakuTAnvitam | subrahmaNyakare saMsthaM bhaje duShTanivArakam || 134|| 7\. OM padmAya namaH | padmaM koshojvalaM mauliM sha~Nkhakundendusannibham | mahAtmashaktisaMyuktaM sarvAbharaNabhUShitam | padmAkAraM mahAviShNulakShmIhastasthitaM bhaje || 135|| 8\. OM pAshAya namaH | pAshaH saptaphaNaH sarpaH puruShaH puchChasaMyutaH | kR^itA~njalipuTopetaH dvibhujashcha dvilochanaH || dvijihva dharmarAjasya yamasya varuNasya cha | karasthaH kIrtyate yashcha taM vande devarUpiNam || 136|| 9\. OM vajrAya namaH | vajraM tu puruShAkAraM mR^iDaM karkashavigraham | dadhattriNetraM shaktiM cha karaNDamakuTAnvitam || 137|| 10\. OM shaktaye namaH | strIrUpAM triguNAkArAM ki~nchiddaMShTrAsamanvitAm | dvinetrAM dvibhujAM shaktiM karaNDamakuTAnvitAm | subrahmaNyakare saMsthAM vande shaktipradAyinIm || 138|| iti shrI bhR^i~NgiriTisaMhitAyAM pa~nchAvaraNastotraM samAptam | ## Proofread by Aruna Narayanan \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}