%@@1
% File name             : mrtyumaanasa.itx
%--------------------------------------------
% Text title            : shrImR^ityuJNjayamaanasikapuujaastotram
% Author                : 
% Language              : Sanskrit
% Subject               : philosophy/hinduism/religion
% Description/comments  : 
% Transliterated by     : P. P. Narayanaswami swami@math.mun.ca
% Proofread by          : Narayanaswami and Sunder Hattangadi sunderh@hotmail.com
% Translation by        :
% Latest update         : July 25, 2008
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskritdocuments.org
% http://sanskrit.gde.to/
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
% Commands upto engtitle are 
% needed for devanaagarii output and formatting.
%--------------------------------------------------------

\documentstyle[11pt,multicol,itrans]{article}
%\documentclass[11pt]{article}
%\usepackage{multicol}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{.. mRityuJNjaya maanasa puujaa stotram ..}##
\itxtitle{.. shrImR^ityuJNjayamaanasikapuujaastotram.h ..}##\endtitles ##
kailaase kamaniiyaratnakhachite kalpadrumuule sthitaM
    karpuurasphaTikendusundaratanuM kaatyaayaniisevitam.h |
gaN^gaatuN^gataraN^garaJNjitajaTaabhaaraM kR^ipaasaagaraM
    kaNThaala.nkR^itasheshhabhuushhaNamamuM mR^ityuJNjayaM bhaavaye || 1||
aagatya mR^ityuJNjaya chandramaule
    vyaaghraajinaala.nkR^ita shuulapaaNe |
svabhaktasa.nrakShaNakaamadheno
    prasiida vishveshvara paarvatiisha || 2||
bhaasvanmauktikatoraNe marakatastambhaayudhaala.nkR^ite
    saudhe dhuupasuvaasite maNimaye maaNikyadiipaaJNchite |
brahmendraamarayogipuN^gavagaNairyukte cha kalpadrumaiH
    shriimR^ityuJNjaya susthiro bhava vibho maaNikyasiMhaasane || 3||
mandaaramalliikaraviiramaadhavii\-
punnaaganiilotpalachampakaanvitaiH |
karpuurapaaTiirasuvaasitairjalai\-
raadhatsva mR^ityuJNjaya paadyamuttamam.h || 4||
sugandhapushhpaprakaraiH suvaasitai\-
rviyannadiishiitalavaaribhiH shubhaiH |
trilokanaathaartiharaarghyamaadaraa\-
dgR^ihaaNa mR^ityuJNjaya sarvavandita || 5||
himaambuvaasitaistoyaiH shiitalairatipaavanaiH |
mR^ityuJNjaya mahaadeva shuddhaachamanamaachara || 6||
guDadadhisahitaM madhuprakiirNaM
sughR^itasamanvitadhenudugdhayuktam.h |
shubhakara madhuparkamaahara tvaM
trinayana mR^ityuhara trilokavandya || 7||
paJNchaasra shaanta paJNchaasya paJNchapaatakasaMhara |
paJNchaamR^itasnaanamidaM kuru mR^ityuJNjaya prabho || 8||
jagattrayiikhyaata samastatiirtha\-
samaahR^itaiH kalmashhahaaribhishcha |
snaanaM sutoyaiH samudaachara tvaM
mR^ityuJNjayaanantaguNaabhiraama || 9||
aaniitenaatishubhreNa kausheyenaamaradrumaat.h |
maarjayaami jaTaabhaaraM shiva mR^ityuJNjaya prabho || 10||
naanaahemavichitraaNi chiirachiinaambaraaNi cha |
vividhaani cha divyaani mR^ityuJNjaya sudhaaraya || 11||
vishuddhamuktaaphalajaalaramyaM
manoharaM kaaJNchanahemasuutram.h |
yaGYopaviitaM paramaM pavitra\-
maadhatsva mR^ityuJNjaya bhaktigamya || 12||
shriigandhaM ghanasaarakuN^kumayutaM kastuurikaapuuritaM
    kaaleyena himaambunaa virachitaM mandaarasa.nvaasitam.h |
divyaM devamanoharaM maNimaye paatre samaaropitaM
    sarvaaN^geshhu vilepayaami satataM mR^ityuJNjaya shriivibho || 13||
akShatairdhavalairdivyaiH samyaktilasamanvitaiH |
mR^ityuJNjaya mahaadeva puujayaami vR^ishhadhvaja || 14||
champakapaN^kajakuravakakundaiH karaviiramallikaakusumaiH |
vistaaraya nijamakuTaM mR^ityuJNjaya puNDariikanayanaapta || 15||
maaNikyapaadukaadvandve maunihR^itpadmamandire |
paadau satpadmasadR^ishau mR^ityuJNjaya niveshaya || 16||
maaNikyakeyuurakiriiTahaaraiH
kaaJNchiimaNisthaapitakuNDalaishcha |
maJNjiiramukhyaabharaNairmanoGYai\-
raN^gaani mR^ityuJNjaya bhuushhayaami || 17||
gajavadanaskandadhR^ite\-
naatisvachchhena chaamarayugena |
galadalakaananapadmaM
mR^ityuJNjaya bhaavayaami hR^itpadme || 18||
muktaatapatraM shashikoTishubhraM
shubhapradaM kaaJNchanadaNDayuktam.h |
maaNikyasa.nsthaapitahemakumbhaM
suresha mR^ityuJNjaya te.arpayaami || 19||
maNimukure nishhpaTale trijagadgaaDhaandhakaarasaptaashve |
kandarpakoTisadR^ishaM mR^ityuJNjaya pashya vadanamaatmiiyam.h || 20||
karpuurachuurNaM kapilaajyapuutaM
daasyaami kaaleyasamaanvitaishcha |
samudbhavaM paavanagandhadhuupitaM
mR^ityuJNjayaaN^gaM parikalpayaami || 21||
vartitrayopetamakhaNDadiiptyaa
tamoharaM baahyamathaantaraM cha |
saajyaM samastaamaravargahR^idyaM
suresha mR^ityuJNjaya va.nshadiipam.h || 22||
raajaannaM madhuraanvitaM cha mR^idulaM maaNikyapaatre sthitaM
hiN^guujiirakasanmariichimilitaiH shaakairanekaiH shubhaiH |
shaakaM samyagapuupasuupasahitaM sadyoghR^itenaaplutaM
shriimR^ityuJNjaya paarvatiipriya vibho saaposhanaM bhujyataam.h || 23||
kuushhmaaNDavaartaakapaTolikaanaaM
phalaani ramyaaNi cha kaaravallyaa |
supaakayuktaani sasaurabhaaNi
shriikaNTha mR^ityuJNjaya bhakShayesha || 24||
shiitalaM madhuraM svachchhaM paavanaM vaasitaM laghu |
madhye sviikuru paaniiyaM shiva mR^ityuJNjaya prabho || 25||
sharkaraamilitaM snigdhaM dugdhaannaM goghR^itaanvitam.h |
kadaliiphalasaMmishraM bhujyataaM mR^ityusaMhara || 26||
kevalamatimaadhuryaM dugdhaiH snigdhaishcha sharkaraamilitaiH |
elaamariichamilitaM mR^ityuJNjaya deva bhuN^kShva paramaannam.h || 27||
rambhaachuutakapitthakaNThakaphalairdraakShaarasaasvaaduma\-
    tkharjuurairmadhurekShukhaNDashakalaiH sannaarikelaambubhiH |
karpuureNa suvaasitairguDajalairmaadhuryayuktairvibho
    shriimR^ityuJNjaya puuraya tribhuvanaadhaaraM vishaalodaram.h || 28||
manoGYarambhaavanakhaNDakhaNDitaa\-
nruchipradaansarshhapajiirakaa.nshcha |
sasaurabhaansaindhavasevitaa.nshcha
gR^ihaaNa mR^ityuJNjaya lokavandya || 29||
hiN^guujiirakasahitaM vimalaamalakaM kapitthamatimadhuram.h |
bisakhaNDaa.NllaavaNayutaanmR^ityuJNjaya te.arpayaami jagadiisha || 30||
elaashuNThiisahiitaM dadhyannaM chaaruhemapaatrastham.h |
amR^itapratinidhimaaDhyaM mR^ityuJNjaya bhujyataaM trilokesha || 31||
jambiiraniiraaJNchitashR^iN^gaberaM
manoharaanamlashalaaTukhaNDaan.h |
mR^iduupada.nshaansahasopabhuN^kShva
mR^ityuJNaya shriikaruNaasamudra || 32||
naagararaamaThayuktaM sulalitajambiiraniirasaMpuurNam.h |
mathitaM saindhavasahitaM piba hara mR^ityuJNjaya kratudhva.nsin.h || 33||
mandaarahemaambujagandhayuktai\-
rmandaakiniinirmalapuNyatoyaiH |
gR^ihaaNa mR^ityuJNjaya puurNakaama
shriimatparaaposhanamabhrakesha || 34||
gaganadhuniivimalajalairmR^ityuJNjaya padmaraagapaatragataiH |
mR^igamadachandanapuurNaM prakShaalaya chaaru hastapadayugmam.h || 35||
puMnaagamallikaakundavaasitairjaahnaviijalaiH |
mR^ityuJNjaya mahaadeva punaraachamanaM kuru || 36||
mauktikachuurNasametairmR^igamadaghanasaaravaasitaiH puugaiH |
parNaiH svarNasamaanairmR^ityuJNjaya te.arpayaami taambuulam.h || 37||
niiraajanaM nirmaladiiptimadbhi\-
rdiipaaN^kurairujjvalamuchchhritaishcha |
ghaNTaaninaadena samarpayaami
mR^ityuJNjayaaya tripuraantakaaya || 38||
viriJNchimukhyaamarabR^indavandite
sarojamatsyaaN^kitachakrachihnite |
dadaami mR^ityuJNjaya paadapaN^kaje
phaNiindrabhuushhe punararghyamiishvara || 39||
puMnaaganiilotpalakundajaajii\-
mandaaramalliikaraviirapaN^kajaiH |
pushhpaaJNjaliM bilvadalaistulasyaa
mR^ityuJNjayaaN^ghrau viniveshayaami || 40||
pade pade sarvatamonikR^intanaM
pade pade sarvashubhapradaayakam.h |
pradakShiNaM bhaktiyutena chetasaa
karomi mR^ityuJNjaya rakSha rakSha maam.h || 41||
namo gauriishaaya sphaTikadhavalaaN^gaaya cha namo
    namo lokeshaaya stutavibudhalokaaya cha namaH |
namaH shriikaNThaaya kShapitapuradaityaaya cha namo
    namaH phaalaakShaaya smaramadavinaashaaya cha namaH || 42||
sa.nsaare janitaaparogasahite taapatrayaakrandite
    nityaM putrakalatravittavilasatpaashairnibaddhaM dR^iDham.h |
garvaandhaM bahupaapavargasahitaM kaaruNyadR^ishhTyaa vibho
    shriimR^ityuJNjaya paarvatiipriya sadaa maaM paahi sarveshvara || 43||
saudhe ratnamaye navotpaladalaakiirNe cha talpaantare
    kausheyena manohareNa dhavalenaachchhaadite sarvashaH |
karpuuraaJNchitadiipadiiptimilite ramyopadhaanadvaye
    paarvatyaaH karapadmalaalitapadaM mR^ityuJNjayaM bhaavaye || 44||
chatushchatvaariMshadvilasadupachaarairabhimatai\-
    rmanaH padme bhaktyaa bahirapi cha puujaaM shubhakariim.h |
karoti pratyuushhe nishi divasamadhye.api cha pumaa\-
    nprayaati shriimR^ityuJNjayapadamanekaadbhutapadam.h || 45||
praatarliN^gamumaapateraharahaH sa.ndarshanaatsvargadaM
    madhyaahne hayamedhatulyaphaladaM saaya.ntane mokShadam.h |
bhaanorastamaye pradoshhasamaye paJNchaakSharaaraadhanaM
    tatkaalatrayatulyamishhTaphaladaM sadyo.anavadyaM dR^iDham.h || 46||
|| iti shrImachchhaN^karabhagavataH kR^itau
mR^ityuJNjayamaanasikapuujaastotraM saMpUrNam.h ||
##
Encoded and proofread by P. P. Narayanaswami swami@math.mun.ca
Proofread and corrected by Sunder Hattangadi sunderh@hotmail.com
\medskip\hrule\obeylines
\medskip
{\rm Please send corrections to sanskrit@cheerful.com}
{\rm Last updated \today}
\end{document}