% Text title            : mahAdevAShTakam 1
% File name             : mahAdevAShTakam.itx
% Category              : aShTaka, shiva
% Location              : doc\_shiva
% Author                : Raghunathasharma
% Proofread by          : PSA Easwaran
% Description-comments  : Brihatstotraratnakara 1 newer, Narayana Ram Acharya, Nirnayasagar, stotrasankhyA 225
% Latest update         : March 25, 2017
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. mahAdevAShTakam ..}##
\itxtitle{.. mahAdevAShTakam ..}##\endtitles ##
shrIgaNeshAya namaH ||
shivaM shAntaM shuddhaM prakaTamakala~NkaM shrutinutaM
     maheshAnaM shambhuM sakalasurasaMsevyacharaNam |
girIshaM gaurIshaM bhavabhayaharaM niShkalamajaM
     mahAdevaM vande praNatajanatApopashamanam || 1||
sadA sevyaM bhaktairhR^idi vasantaM girishaya\-
     mumAkAntaM kShAntaM karadhR^itapinAkaM bhramaharam |
trinetraM pa~nchAsyaM dashabhujamanantaM shashidharaM
     mahAdevaM vande praNatajanatApopashamanam || 2||
chitAbhasmAliptaM bhujagamukuTaM vishvasukhadaM
     dhanAdhyakShasyA~NgaM tripuravadhakartAramanagham |
karoTIkhaTvA~Nge hyarasi cha dadhAnaM mR^itiharaM
     mahAdevaM vande praNatajanatApopashamanam || 3||
sadotsAhaM ga~NgAdharamachalamAnandakaraNaM
     purArAtiM bhAtaM ratipatiharaM dIptavadanam |
jaTAjUTairjuShTaM rasamukhagaNeshAnapitaraM
     mahAdevaM vande praNatajanatApopashamanam || 4||
vasantaM kailAse suramunisabhAyAM hi nitarAM
     bruvANaM saddharmaM nikhilamanujAnandajanakam |
maheshAnI sAkShAtsanakamunidevarShisahitA
     mahAdevaM vande praNatajanatApopashamanam || 5||
shivAM sve vAmA~Nge guhagaNapatiM dakShiNabhuje
     gale kAlaM vyAlaM jaladhigaralaM kaNThavivare |
lalATe shvetenduM jagadapi dadhAnaM cha jaThare
     mahAdevaM vande praNatajanatApopashamanam || 6||
surANAM daityAnAM bahulamanujAnAM bahuvidhaM
     tapaHkurvANAnAM jhaTiti phaladAtAramakhilam |
sureshaM vidyeshaM jalanidhisutAkAntahR^idayaM
     mahAdevaM vande praNatajanatApopashamanam || 7||
vasAnaM vaiyAghrIM mR^idulalalitAM kR^ittimajarAM
     vR^iShArUDhaM sR^iShTyAdiShu kamalajAdyAtmavapuSham |
atarkyaM nirmAyaM tadapi phaladaM bhaktasukhadaM
     mahAdevaM vande praNatajanatApopashamanam || 8||
idaM stotraM shambhorduritadalanaM dhAnyadhanadaM
     hR^idi dhyAtvA shambhuM tadanu raghunAthena rachitam |
naraH sAyamprAtaH paThati niyataM tasya vipadaH
     kShayaM yAnti svargaM vrajati sahasA so.api muditaH || 9||

iti paNDitaraghunAthasharmaNA virachitaM shrImahAdevAShTakaM samAptam |

##
Proofread by PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}