मेधावीकृतं मृत्युञ्जयस्तोत्रम्
मेधावी उवाच -
ॐ नमः शम्भवे नित्यं मृत्युञ्जय नमोऽस्तु ते ॥ १८१।२॥
ॐ नमः पार्वतीनाथ शरणागतवत्सल ।
ॐ नमो विश्वरूपाय ॐ नमोऽनन्तमूर्तये ॥ १८२॥
ॐ नमो रूपहीनाय नानारूपाय ते नमः ।
ॐ नमो निष्कलेशाय ॐ नमो निर्गुणाय ते ॥ १८३॥
ॐ नमो निर्विकाराय शान्ताकाराय ते नमः ।
ॐ नमो निष्प्रपञ्चाय नमः श्रुत्यात्मकाय ते ॥ १८४॥
ॐ नमः कालरूपाय कालातीताय ते नमः ।
ॐ नमः श्रीमहेशाय सर्वाधाराय ते नमः ॥ १८५॥
ॐ नमः पुण्यरूपाय पुण्यातीताय ते नमः ॥
ॐ नमो भूस्वरूपाय ॐ नमोऽम्बुस्वरूपिणे ॥ १८६॥
ॐ नमोऽग्निस्वरूपायः ॐ नमो वायुमूर्तये ।
ॐ नमोः व्योमरूपाय दिव्यरूपाय ते नमः ॥ १८७॥
ॐ नमः कालरूपाय यज्वरूपाय ते नमः ।
ॐ नमो आनुरूपाय चन्द्ररूपाय ते नमः ॥ १८८॥
ॐ नमः सर्वरूपाय शरण्याय नमो नमः ॥ १८९॥
(नमस्ते रुद्र मन्यव उतोत इषवे नमः ।
इत्यादि त वो जम्भे दधामीति पर्यन्त नमकं पठित्वा पुनः स्तोत्रम्)
प्रणतोऽस्मि महादेव प्रपन्नोऽस्मि सदाशिव ।
निवारय महामृत्युं मृत्युञ्जय नमोऽस्तु ते ॥ १९०॥
कालकूटधर श्रीमन्कालकाल कृपानिधे ।
निवारय महामृत्युं मृत्युञ्जय नमोऽस्तु ते ॥ १९१॥
चन्द्रशेखर विश्वात्मन्करुणाकर शङ्कर ।
निवारय महामृत्युं मृत्युञ्जय नमोऽस्तु ते ॥ १९२॥
ऋग्यजुःसामरूपेश त्रिलोचन सुरोत्तम ।
निवारय महामृत्युं मृत्युञ्जय नमोऽस्तु ते ॥ १९३॥
अनन्तामेयकल्याण कल्याणगुणसंश्रय ।
निवारय महामृत्युं मृत्युञ्जय नमोऽस्तु ते ॥ १९४॥
सुरेश्वर सुराराध्य निर्दग्धत्रिपुरासुर ।
निवारय महामृत्युं मृत्युञ्जय नमोऽस्तु ते ॥ १९५॥
पाशाङ्कुशधर श्रीमन्नमो डमरुभूषण ।
निवारय महामृत्युं मृत्युञ्जय नमोऽस्तु ते ॥ १९६॥
भस्मोद्धूलितसर्वाङ्ग हर निर्धूतकल्मष ।
निवारय महामृत्युं मृत्युञ्जय नमोऽस्तु ते ॥ १९७॥
प्रदर्शय महाशूलं कल्पक्षयकरं हर ।
निवारय महामृत्युं मृत्युञ्जय नमोऽस्तु ते ॥ १९८॥
भुजङ्गभूषण श्रीमन्वृषभध्वज विश्वग ।
निवारय महामृत्युं मृत्युञ्जय नमोऽस्तु ते ॥ १९९॥
॥ इति शिवरहस्यान्तर्गते मेधावीकृतं मृत्युञ्जयस्तोत्रं सम्पूर्णम् ॥
- ॥ श्रीशिवरहस्यम् उग्राख्यः सप्तमांशः । अध्यायः १६ । १८१।२-१९९॥
- .. shrIshivarahasyam ugrAkhyaH saptamAMshaH . adhyAyaH 16 . 181.2-199 ..
Encoded and proofread by Ruma Dewan