% Text title            : Shrikrishnakritam Shiva Stotram
% File name             : kRRiShNakRRitaMshivastotram.itx
% Category              : shiva, stotra
% Location              : doc\_shiva
% Proofread by          : PSA Easwaran
% Description/comments  : from Kurmapurana, kUrmapurANe pUrvabhAge 24/60-77
% Latest update         : August 13, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shrikrishnakritam Shiva Stotram ..}##
\itxtitle{.. shrIkR^iShNakR^itaM shivastotram ..}##\endtitles ##
shrIkR^iShNa uvAcha |
namo.astu te shAshvata sarvayone
      brahmAdhipaM tvAmR^iShayo vadanti |
tapashcha sattvaM cha rajastamashcha
      tvAmeva sarvaM pravadanti santaH || 1||
tvaM brahmA hariratha vishvayoni\-
      ragniH saMharttA dinakaramaNDalAdhivAsaH |
prANastvaM hutavahavAsavAdibheda\-
      stvAmekaM sharaNamupaimi devamIsham || 2||
sA~NkhyAstvAmaguNamathAhurekarUpaM
      yogasthaM satatamupAsate hR^idistham |
vedAstvAmabhidadhatIha rudramagniM
      tvAmekaM sharaNamupaimi devamIsham || 3||
tvatpAde kusumamathApi patramekaM
      dattvAsau bhavati vimuktavishvabandhaH |
sarvAghaM praNudati siddhayogijuShTaM
      smR^itvA te padayugalaM bhavatprasAdAt || 4||
yasyAsheShavibhAgahInamamalaM hR^idyantarAvasthitaM
      te tvAM yonimanantamekamachalaM satyaM paraM sarvagam |
sthAnaM prAhuranAdimadhyanidhanaM yasmAdidaM jAyate
      nityaM tvAhamupaimi satyavibhavaM vishveshvaraM taM shivam || 5||
OM namo nIlakaNThAya trinetrAya cha raMhase |
mahAdevAya te nityamIshAnAya namo namaH || 6||
namaH pinAkine tubhyaM namo muNDAya daNDine |
namaste vajrahastAya digvastrAya kapardine || 7||
namo bhairavanAdAya kAlarUpAya daMShTriNe |
nAgayaj~nopavItAya namaste vahniretase || 8||
namo.astu te girIshAya svAhAkArAya te namaH |
namo muktATTahAsAya bhImAya cha namo namaH || 9||
namaste kAmanAshAya namaH kAlapramAthine |
namo bhairavaveShAya harAya cha niSha~NgiNe || 10||
namo.astu te tryambakAya namaste kR^ittivAsase |
namo.ambikAdhipataye pashUnAM pataye namaH || 11||
namaste vyomarUpAya vyomAdhipataye namaH |
naranArIsharIrAya sA~Nkhyayogapravarttine || 12||
namo bhairavanAthAya devAnugatali~Ngine |
kumAragurave tubhyaM devadevAya te namaH || 13||
namo yaj~nAdhipataye namaste brahmachAriNe |
mR^igavyAdhAya mahate brahmAdhipataye namaH || 14||
namo haMsAya vishvAya mohanAya namo namaH |
yogine yogagamyAya yogamAyAya te namaH || 15||
namaste prANapAlAya ghaNTAnAdapriyAya cha |
kapAline namastubhyaM jyotiShAM pataye namaH || 16||
namo namo namastubhyaM bhUya eva namo namaH |
mahyaM sarvAtmanA kAmAn prayachCha parameshvara || 17||
sUta uvAcha |
evaM hi bhaktyA deveshamabhiShTUya sa mAdhavaH |
papAta pAdayorviprA devadevyoH sa daNDavat || 18||

iti kUrmapurANe pUrvabhAge chatvAriMshAdhyAyAntargataM
shrIkR^iShNakR^itaM shivastotraM samAptam |
kUrmapurANe pUrvabhAge 24/60\-77
##
Proofread by PSA Easwaran 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}