% Text title            : Naradaproktam Kashimahatmyam
% File name             : kAshImAhAtmyamnAradaproktaM.itx
% Category              : shiva, shivarahasya, tIrthakShetra
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | ugrAkhyaH saptamAMshaH | adhyAyaH 13 | 447-463.1||
% Latest update         : April 28, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Naradaproktam Kashimahatmyam ..}##
\itxtitle{.. nAradaproktaM kAshImAhAtmyam ..}##\endtitles ##
kAshIparataraM kShetraM kShetrANAmadhidaivatam |
bhuktimuktipradaM puNyaM pAvanAnAM cha pAvanam || 447||
tapodAnAdidharmANAmanantAnAM paraM phalam |
yatprAptyA.a.ahushcha sA kAshI kAshyate sarvadA yataH || 448||
parAtparataraM yattu tatparAtparataH shivaH |
sa eva kAshI kAshIti kathyate kiM tato.adhikam || 449||
kAshI smR^itApi saMsAramUlanirmUlanakShamA |
sA sAkShAtsevitA shaivairmokShadA bhavati dhruvam || 450||
hantyaghaM smR^itimAtreNa dR^iShTvA puNyaM tanoti yA |
sA nirvANaikanilayA kAshI vishveshvarAlayA || 451||
yasyAM shivo.api satataM shrImadvishveshvarAbhidhe |
li~Nge jAgarti sA kAshI kalikalmaShanAshinI || 452||
chaturdashApi bhuvanAnyekatastulitAnyapi |
kAshIkoTyamshakoTyamshatulyAni na kadAchana || 453||
ke vA varNayituM shaktA kAshIM muktipradAyinIm |
kAshIprabhAvo vedaishchApyabhiShTotuM na shakyate || 454||
tiraskriyante brahmAdyAH kAshIsthairmashakairapi |
ata etAdR^ishIM kAshIM ko nu varNayituM kShamaH || 455||
chyavante brahmasadanAdvaikuNThAdapi vastutaH |
mahApralayakAle.api na kAshIvAsinAM chyutiH || 456||
ekArNave.api sa~njAte trishUlAgreNa kAshikA |
UrdhvaM na yAti vishveshaH sA kAshI kenamIyate || 457||
tR^iNAya manyate hIndraM kAshIsthaH pulkaso.apyataH |
kAshIpurIsamaM vastu kutra kenopamIyate || 458||
yasyAM bhavAnI satataM bhavabhImabhayApahA |
dadAti paramAmR^iddhiM sA kAshI bhuktimuktidA || 459||
yasyAM tanuvyaye jantormuktirhastagatA dhruvam |
sadyo bhavati shuddhasya sA kAshI sevyate budhaiH || 460||
kAshInArapradAnena pitaraH pUrvamAdarAt |
nAradastvaM nArado.asItyuktvA muktAstataH param || 461||
kiM vaktavyaM mayA tattvaM kAshyA yA kalmaShApahA |
etAvadeva yatkAshItattvaM j~nAtaM mayAdhunA || 462||
idaM shivaprasAdasya leshenetyavagamyatAm | 463.1|

|| iti shivarahasyAntargate nAradaproktaM kAshImAhAtmyaM sampUrNam ||

\- || shrIshivarahasyam ugrAkhyaH saptamAMshaH | adhyAyaH 13 | 447\-463.1||
##
- .. shrIshivarahasyam ugrAkhyaH saptamAMshaH . adhyAyaH 13 . 447-463.1 ..

Notes:
Devarṣi Nārada ##devarShi nArada## details to Himvāna ##himavAna## about the glories of Kāśī ##kAshI## - viz. KāśīMāhātmyam ##kAshImAhAtmyam##; and that one can attain Kāśī ##kAshI## only by Grace of Śiva ##shiva## i.e. Śivānugraha ##shivAnugraha##.##
##
Encoded and proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}