% Text title : Hakinishvara Ashtottara Sahasranama Stotra % File name : hAkinIshvarasahasra.itx % Category : sahasranAma, shiva, stotra % Location : doc\_shiva % Author : Traditional % Transliterated by : Mark S.G. Dyczkowski muktAbodha % Proofread by : Ravin Bhalekar ravibhalekar at hotmail.com % Description-comments : rudrayAmale uttaratantre bhairava bhairavI sa.nvAde 87th paTala % Latest update : May 25, 2009 % Send corrections to : Sanskrit@cheerful.com % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Hakinishvara Ashtottara Sahasranama Stotra ..}## \itxtitle{.. hAkinIshvarAShTottarasahasranAmastotra ..}##\endtitles ## paranAthAShTottarasahasranAmastotram shrIAnandabhairava uvAcha | Anandabhairavi prANavallabhe jagadIshvari | tava prasAdavAkyena shrutaM nAmasahasrakam || 1 || hAkinyAH kulayoginyAH paramAdbhutama~Ngalam | idAnIM shrotumichChAmi paranAthasya vA~nChitam || 2 || sahasranAmayogA~NgamaShTottarasamAkulam | bhrUpadmabhedanArthAya hAkinIyogasiddhaye || 3 || paranAthasya yogAdhisiddhaye kulabhairavi | kR^ipayA vada me prItA dharmasiddhinibandhanAt || 4 || mama deharakShaNAya pAtivrAtyaprasiddhaye | mahAviShahare shIghraM vada yogini vistarAt || 5 || tvatprasAdAt khecharANAM bhairavANAM hi yoginAm | nAtho.ahaM jagatIkhaNDe sudhAkhaNDe vada priye || 6 || punaH punaH staumi nitye tvameva supriyA bhava | shrIAnandabhairavI uvAcha atha yogeshvara prANanAtha yogendra siddhida || 7 || idAnIM kathaye te.ahaM nijadehasusiddhaye | sarvadA hi paThasva tvaM kAlamR^ityuM vashaM naya || 8 || kR^ipayA tava nAthasya snehapAshaniyantritA | tavAj~nApAlanArthAya kAlakUTavinAshanAt || 9 || bhuktimuktikriyAbhaktisiddhaye tachChR^iNu prabho | nityAmR^itakhaNDarasollAsanAmasahasrakam || 10 || aShTottaraM prayatnena yoginAM hi hitAya cha | kathayAmi siddhanAmaj~nAnanirNayasAdhanam || 11 || OM hsau sAM pareshashcha parAshaktiH priyeshvaraH | shivaH paraH pAribhadraH paresho nirmalo.advayaH || 12 || svayaMjyotiranAdyanto nirvIkAraH parAtparaH | paramAtmA parAkAsho.aparo.apyaparAjitaH || 13 || pArvatIvallabhaH shrImAn dInabandhustrilochanaH | yogAtmA yogadaH siddheshvaro vIraH svarAntakaH || 14 || kapilesho gururgItaH svapriyo gItamohanaH | gabhIro gAdhanasthashcha gItavAdyapriya~NkaraH || 15 || gurugItApavitrashcha gAnasammAnatojjhitaH | gayAnAtho dattanAtho dattAtreyapatiH shivaH || 16 || AkAshavAhako nIlo nIlA~njanasharIradhR^ik | khagarUpI khecharashcha gaganAtmA gabhIragaH || 17 || gokoTidAnakarttA cha gokoTidugdhabhojanaH | abhayAvallabhaH shrImAn paramAtmA nirAkR^itiH || 18 || sa~NkhyAdhArI nirAkArI nirAkaraNavallabhaH | vAyvAhArI vAyurUpI vAyugantA svavAyupAH || 19 || vAtaghno vAtasampattirvAtAjIrNo vasantavit | vAsanIsho vyAsanAtho nAradAdimunIshvaraH || 20 || nArAyaNapriyAnando nArAyaNanirAkR^itiH | nAvamAlo nAvakartA nAvasaMj~nAnadhArakaH || 21 || jalAdhAro j~neya indro nirindriyaguNodayaH | tejorUpI chaNDabhImo tejomAlAdharaH kulaH || 22 || kulatejA kulAnandaH shobhADhyo vedarashmidhR^ik | kiraNAtmA kAraNAtmA kalpachChAyApatiH shashI || 23 || paraj~nAnI parAnandadAyako dharmajitprabhuH | trilochanAmbhojarAjo dIrghanetro manoharaH || 24 || chAmuNDeshaH prachaNDeshaH pAribhadreshvaro haraH | gopitA mohito goptA guptistho gopapUjitaH || 25 || gopanAkhyo godhaneshashcha chAruvaktro digambaraH | pa~nchAnanaH pa~nchamIsho vishAlo garuDeshvaraH || 26 || ardhanArIshvareshashcha nAyikeshaH kulAntakaH | saMhAravigrahaH pretabhUtakoTiparAyaNaH || 27 || anantesho.apyanantAtmA maNichUDo vibhAvasuH | kAlAnalaH kAlarUpI vedadharmeshvaraH kaviH || 28 || bhargaH smaraharaH shambhuH svayambhuH pItakuNDalaH | jAyApatiryAjajUko vilAshIshaH shikhApatiH || 29 || parvateshaH pArvaNAkhyaH kShetrapAlo mahIshvaraH | vArANasIpatirmAnyo dhanyo vR^iShasuvAhanaH || 30 || amR^itAnandito mugdho vanamAlIshvaraH priyaH | kAshIpatiH prANapatiH kAlakaNTho maheshvaraH || 31 || kambukaNThaH krAntivargo vargAtmA jalashAsanaH | jalabudbudavakShashcha jalarekhAmayaH pR^ithuH || 32 || pArthivesho mahIkartA pR^ithivIparipAlakaH | bhUmistho bhUmipUjyashcha kShauNIvR^indArakArchItaH || 33 || shUlapANiH shaktihasto padmagarbho hiraNyabhR^it | bhUgartasaMsthito yogI yogasambhavavigrahaH || 34 || pAtAlamUlakartA cha pAtAlakulapAlakaH | pAtAlanAgamAlADhyo dAnakartA nirAkulaH || 35 || bhrUNahantA pAparAdhinAgakaH kAlanAgakaH | kapilogratapaHprIto lokopakArakR^innR^ipaH || 36 || nR^ipArchIto nR^ipArthastho nR^ipArthakoTidAyakaH | pArthivArchanasantuShTo mahAvegI pareshvaraH || 37 || parApArApArataro mahAtarunivAsakaH | tarumUlasthito rudro rudranAmaphalodayaH || 38 || raudrIshaktipatiH krodhI kopanaShTo virochanaH | asaMkhyeyAkhyayuktashcha pariNAmavivarjitaH || 39 || pratApI pavanAdhAraH prashaMsyaH sarvanirNayaH | vedajApI mantrajApI devatA gururIshvaraH || 40 || shrInAtho gurudevashcha paranAtho guruH prabhuH | parAparagururj~nAnI tantraj~no.arkashataprabhAH || 41 || tIrkShyo gamanakArI cha kAlabhAvI nira~njanaH | kAlakUTAnalaH shrotaH pu~njapAnaparAyaNaH || 42 || parivAragaNADhyashcha pArAshAShisutasthitaH | sthitisthApakarUpashcha rUpAtIto.amalApatiH || 43 || patIsho bhAgurishchaiva kAlashchaiva haristathA | vaiShNavaH premasindhushcha taralo vAtavittahA || 44 || bhAvasvarUpo bhagavAn nirAkAshaH sanAtanaH | avyayaH puruShaH sAkShI chAchyuto mandarAshrayaH || 45 || mandarAdrikriyAnando vR^indAvanatanUdbhavaH | vAchyAvAchyasvarUpashcha nirmalAkhyo vivAdahA || 46 || vaidyo vedaparo grantho vedashAstraprakAshakaH | smR^itimUlo vedayuktiH pratyakShakuladevatA || 47 || parIkShako vAraNAkhyo mahAshailaniShevitaH | viri~nchapremadAtA cha janyollAsakaraH priyaH || 48 || prayAgadhArI payo.arthI gA~NgAga~NgAdharaH smaraH | ga~NgAbuddhipriyo devo ga~NgAsnAnaniShevitaH || 49 || ga~NgAsalilasaMstho hi ga~NgApratyakShasAdhakaH | giro ga~NgAmaNimaro mallikAmAladhArakaH || 50 || mallikAgandhasupremo mallikApuShpadhArakaH | mahAdrumo mahAvIro mahAshUro mahoragaH || 51 || mahAtuShTirmahApuShTirmahAlakShmIshubha~NkaraH | mahAshramI mahAdhyAnI mahAchaNDeshvaro mahAn || 52 || mahAdevo mahAhlAdo mahAbuddhiprakAshakaH | mahAbhakto mahAshakto mahAdhUrto mahAmatiH || 53 || mahAchChatradharo dhArodharakoTigataprabhA | advaitAnandavAdI cha mukto bha~Ngapriyo.apriyaH || 54 || atigandhashchAtimAtro niNItAntaH parantapaH | niNIto.aniladhArI cha sUkShmAnilanirUpakaH || 55 || mahAbhaya~Nkaro golo mahAvivekabhUShaNaH | sudhAnandaH pIThasaMstho hi~NgulAdeshvaraH suraH || 56 || naro nAgapatiH krUro bhaktAnAM kAmadaH prabhuH | nAgamAlAdharo dharmI nityakarmI kulInakR^it || 57 || shishupAleshvaraH kIrtivikArI li~NgadhArakaH | tR^iptAnando hR^iShIkesheshvaraH pA~nchAlavallabhaH || 58 || akrUreshaH patiH prItivardhako lokavardhakaH | atipUjyo vAmadevo dAruNo ratisundaraH || 59 || mahAkAlaH priyAhlAdI vinodI pa~nchachUDadhR^ik | AdyAshaktipatiH pAnto vibhAdhArI prabhAkaraH || 60 || anAyAsagatirbuddhipraphullo nandipUjitaH | shIlAmUrtIsthito ratnamAlAmaNDitavigrahaH || 61 || budhashrIdo budhAnando vibudho bodhavardhanaH | aghoraH kAlahartA cha niShkala~Nko nirAshrayaH || 62 || pIThashaktipatiH premadhArako mohakArakaH | asamo visamo bhAvo.abhAvo bhAvo nirindriyaH || 63 || nirAloko bilAnando bilastho viShabhukpatiH | durgApatirdurgahartA dIrghasiddhAntapUjitaH || 64 || sarvo durgApativIpro viprapUjAparAyaNaH | brAhmaNAnandanirato brahmakarmasamAdhivit || 65 || vishvAtmA vishvabhartA cha vishvavij~nAnapUrakaH | vishvAntaHkAraNasthashcha vishvasaMj~nApratiShThitaH || 66 || vishvAdhAro vishvapUjyo vishvastho.achIta indrahA | alAbubhakShaNaH kShAntirakSho rakShanivAraNaH || 67 || titikShArahito hUtiH puruhUtapriya~NkaraH | puruShaH puruShashreShTho vilAlasthaH kulAlahA || 68 || kuTilastho vidhiprANo viShayAnandapAragaH | brahmaj~nAnaprado brahmaj~nAnI brahmaguNAntaraH || 69 || pAlakesho virAjashcha vajradaNDo mahAstradhR^ik | sarvAstrarakShakaH shrIdo vidhibuddhiprapUraNaH || 70 || Aryaputro devarAjapUjito munipUjitaH | gandharvapUjitaH pUjyo dAnavaj~nAnanAshanaH || 71 || apsarogaNapUjyashcha martyalokasupUjitaH | mR^ityujidripUjit plakSho mR^ityu~njaya iShupriyaH || 72 || tribIjAtmA nIlakaNThaH kShitIsho roganAshanaH | jitAriH premasevyashcha bhaktigamyo nirudyamaH || 73 || nirIho nirayAhlAdaH kumAro ripupUjitaH | ajo devAtmajo dharmo.asanto mandamAsanaH || 74 || mandahAso mandanaShTo mandagandhasuvAsitaH | mANikyahAranilayo muktAhAravibhUShitaH || 75 || muktido bhaktidashchaiva nirvANapadadAnadaH | nirvikalpo modadhArI nirAta~Nko mahAjanaH || 76 || muktAvidrumamAlADhyo muktAdAmalasatkaTiH || 77 || ratneshvaro dhaneshashcha dhaneshaprANavallabhaH | dhanajIvI karmajIvI saMhAravigrahojjvalaH || 78 || saM~NketArthaj~nAnashUnyo mahAsa~NketapaNDitaH | supaNDitaH kShemadAtA bhavadAtA bhavAnvayaH || 79 || ki~Nkaresho vidhAtA cha vidhAtuH priyavallabhaH | kartA hartA kArayitA yojanAyojanAshrayaH || 80 || yukto yogapatiH shraddhApAlako bhUtasha~NkaraH | bhUtAdhyakSho bhUtanAtho bhUtapAlanatatparaH || 81 || vibhUtidAtA bhUtishcha mahAbhUtivivardhanaH | mahAlakShmIshvaraH kAntaH kamanIyaH kalAdharaH || 82 || kamalAkAnta IshAno yamo.amaro manojavaH | manayogI mAnayogI mAnabha~Ngo nirUpaNaH || 83 || avyaktAnandanirato vyaktAvyaktanirUpitaH | AtmArAmapatiH kR^iShNapAlako rAmapAlakaH || 84 || lakShaNesho lakShabhartA bhAvatIshaH prajAbhavaH | bharatAkhyo bhAratashcha shatrughno hanumAn kapiH || 85 || kapichUDAmaNiH kShetrapAlesho dikkarAntaraH | dishAMpatidIshIshashcha dikpAlo hi digambaraH || 86 || anantaratnachUDADhyo nAnAratnAsanasthitaH | saMvidAnandanirato vijayo vijayAtmajaH || 87 || jayAjayavichArashcha bhAvachUDAmaNIshvaraH | muNDamAlAdharastantrI sAratantraprachArakaH || 88 || saMsArarakShakaH prANI pa~nchaprANo mahAshayaH | garuDadhvajapUjyashcha garuDadhvajavigrahaH || 89 || gAruDIsho mantriNIsho maitraprANahitAkaraH | siddhimitro mitradevo jagannAtho nareshvaraH || 90 || narendreshvarabhAvastho vidyAbhAvaprachAravit | kAlAgnirudro bhagavAn prachaNDeshvarabhUpatiH || 91 || alakShmIhArakaH kruddho ripUNAM kShayakArakaH | sadAnandamayo vR^iddho dharmasAkShI sudhAMshudhR^ik || 92 || sAkSharo ripuvargastho daityahA muNDadhArakaH | kapAlI ruNDamAlADhyo mahAbIjaprakAshakaH || 93 || ajeyograpatiH svAhAvallabho hetuvallabhaH | hetupriyAnandadAtA hetubIjaprakAshakaH || 94 || shrutikShipramaNirato brahmasUtraprabodhakaH | brahmAnando jayAnando vijayAnanda eva cha || 95 || sudhAnando budhAnando vidyAnando balIpatiH | j~nAnAnando vibhAnando bhAvAnando nR^ipAsanaH || 96 || sarvAsanogrAnandashcha jagadAnandadAyakaH | pUrNAnando bhavAnando hyamR^itAnanda eva cha || 97 || shItalo.ashItivarShastho vyavasthAparichAyakaH | shIlADhyashcha sushIlashcha shIlAnando parAshrayaH || 98 || sulabho madhurAnando madhurAmodamAdanaH | abhedyo mUtrasa~nchArI kalahAkhyo viSha~NkaTaH || 99 || vAshabhADhyaH parAnando visamAnanda ulbaNaH | adhipo vAruNImatto mattagandharvashAsanaH || 100 || shatakoTisharushrIdo vIrakoTisamaprabhaH | ajAvibhAvarInAtho viShamApUShNipUjitaH || 101 || vidyApatirvedapatiraprameyaparAkramaH | rakShopatirmahAvIrapatiH premopakArakaH || 102 || vAraNAvipriyAnando vAraNesho vibhusthitaH | raNachaNDo rasheshashcha raNarAmapriyaH prabhuH || 103 || raNanAthI raNAhlAdaH saMgrAmapretavigrahaH | devIbhakto devadevo divi dAruNatatparaH || 104 || khaDgI cha kavachI siddhaH shUlI dhUlistrishUladhR^ik | dhanuShmAn dharmachittesho.achinnanAgasumAlyadhR^ik || 105 || artho.anarthapriyo.aprAyo malAtIto.atisundaraH | kA~nchanADhyo hemamAlI kA~nchanashR^i~NgashAsanaH || 106 || kandarpajetA puruShaH kapitthesho.arkashekharaH | padmagandho.atisadgandhashchandrashekharabhR^it sukhI || 107 || pavitrAdhAranilayo vidyAvadvarabIjabhR^it | kandarpasadR^ishAkAro mAyAjid vyAghracharmadhR^ik || 108 || atisaundaryachUDADhyo nAgachitramaNipriyaH | atigaNDaH kumbhakarNaH kurujetA kavIshvaraH || 109 || ekamukho dvituNDashcha dvividho vedashAsanaH | AtmAshrayo gurumayo gurumantrapradAyakaH || 110 || shaurInAtho j~nAnamArgI siddhamArgI prachaNDagaH | nAmagaH kShetragaH kShetro gaganagranthibhedakaH || 111 || gANapatyavasAchChanno gANapatyavasAdavaH | gambhIro.atisusUkShmashcha gItavAdyapriyaMvadaH || 112 || AhlAdodrekakArI cha sadAhlAdI manogatiH | shivashaktipriyaH shyAmavarNaH paramabAndhavaH || 113 || atithipriyakaro nityo govindesho harIshvaraH | sarvesho bhAvinInAtho vidyAgarbho vibhANDakaH || 114 || brahmANDarUpakartA cha brahmANDadharmadhArakaH | dharmArNavo dharmamArgI dharmachintAsusiddhidaH || 115 || asthAsthito hyAstikashcha svastisvachChandavAchakaH | annarUpI annakastho mAnadAtA mahAmanaH || 116 || AdyAshaktiprabhurmAtR^ivarNajAlaprachArakaH | mAtR^ikAmantrapUjyashcha mAtR^ikAmantrasiddhidaH || 117 || mAtR^ipriyo mAtR^ipUjyo mAtR^ikAmaNDaleshvaraH | bhrAntihantA bhrAntidAtA bhrAntastho bhrAntivallabhaH || 118 || ityetat kathitaM nAtha sahasranAmama~Ngalam | aShTottaraM mahApuNyaM svargIyaM bhuvi durlabham || 119 || yasya shravaNamAtreNa naro nArAyaNo bhavet | aprakAshyaM mahAguhyaM devAnAmapyagocharam || 120 || phalaM koTivarShashatairvaktuM na shakyate budhaiH | yasya smaraNamAkR^itya yoginIyogapAragaH || 121 || sokShaNaH sarvasiddhinAM trailokye sacharAchare | devAshcha bahavaH santi yoginastattvachintakAH || 122 || paThanAddhAraNAjj~nAnI mahApAtakanAshakaH | AyurArogyasampattibR^iMhito bhavati dhruvam || 123 || saMgrAme grahabhItau cha mahAraNye jale bhaye | vAramekaM paThedyastu sa bhaved devavallabhaH || 124 || sarveShAM mAnasambha~NgI yogirAD bhavati kShaNAt | pUjAM kR^itvA visheSheNa yaH paThenniyataH shuchiH || 125 || sa sarvalokanAthaH syAt paramAnandamApnuyAt | ekapIThe japedyastu kAmarUpe visheShataH || 126 || trikAlaM vAtha ShaTkAlaM paThitvA yogirAD bhavet | AkAshagAminIM siddhiM guTikAsiddhimeva cha || 127 || prApnoti sAdhakendrastu rAjatvaM hi dine dine | sarvadA yaH paThennityaM sarvaj~naH sukushAgradhIH || 128 || avashyaM yoginAM shreShThaH kAmajetA mahItale | aj~nAnI j~nAnavAn sadyo.adhanI cha dhanavAn bhavet || 129 || sarvadA rAjasammAnaM pa~nchatvaM nAsti tasya hi | gale dakShiNabAhau cha dhArayedyastu bhaktitaH || 130 || achirAttasya siddhiH syAnnAtra kAryA vichAraNA | avadhUteshvaro bhUttvA rAjate nAtra saMshayaH || 131 || araktachandanayuktena haridrAku~Nkumena cha | sephAlikApuShpadaNDairdalasa~NkulavarjitaiH || 132 || militvA yo likhet stotraM kevalaM chandanAmbhasA | sa bhavet pArvatIputraH kShaNAdvA dvAdashAhani || 133 || ekamAsaM dvimAsaM vA trimAsaM varShameva cha | jIvanmukto dhArayitvA sahasranAmakIrtanam || 134 || paThitvA tad dviguNashaH puNyaM koTiguNaM labhet | kimanyaM kathayiShyAmi sArvabhaumeshvaro bhavet || 135 || tribhuvanagaNanAtho yoginIsho dhanADhyo matisuvimalabhAvo dIrghakAlaM vaset saH | iha paThati bhavAnIvallabhaH stotrasAraM dashashatamabhidheyaM j~nAnamaShTottaraM cha || 136 | || iti shrIrudrayAmale uttaratantre bhairavIbhairavasaMvAde parashivahAkinIshvarAShTottarasahasranAmastotraM sampUrNam || shrIrudrayAmale uttaratantre saptAshItitanaH paTalaH ## Proofread by Ravin Bhalekar ravibhalekar@hotmail.com \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}