% Text title            : Dakshinamurti Stotram 2
% File name             : dakshina2.itx
% Category              : shiva, stotra
% Location              : doc\_shiva
% Author                : Traditional
% Transliterated by     : Subramanian Ganesh sgesh at hotmail.com
% Proofread by          : Subramanian Ganesh sgesh at hotmail.com, Sunder  Hattangadi, Avinsah Sathaye
% Latest update         : March 15, 2001, July 9, 2010
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Dakshinamurti Stotram 2 ..}##
\itxtitle{.. shrIdakShiNAmUrtistotram 2 ..}##\endtitles ##
upAsakAnAM yadupAsanIyamupAttavAsaM vaTashAkhimUle |
taddhAma dAkShiNyajuShA svamUrtyA jAgartu chitte mama bodharUpam || 1||
adrAkShamakShINadayAnidhAnamAchAryamAdyaM vaTamUlabhAge |
maunena mandasmitabhUShitena maharShilokasya tamo nudantam || 2||
vidrAvitAsheShatamogaNena mudrAvisheSheNa muhurmunInAm |
nirasya mAyAM dayayA vidhatte devo mahAMstattvamasIti bodham || 3||
apArakAruNyasudhAtara~NgairapA~NgapAtairavalokayantam |
kaThorasaMsAranidAghataptAnmunInahaM naumi guruM gurUNAm || 4||
mamAdyadevo vaTamUlavAsI kR^ipAvisheShAtkR^itasannidhAnaH |
o.nkArarUpAmupadishya vidyAmAvidyakadhvAntamapAkarotu || 5||
kalAbhirindoriva kalpitA~NgaM muktAkalApairiva baddhamUrtim |
Alokaye deshikamaprameyamanAdyavidyAtimiraprabhAtam || 6||
svadakShajAnusthitavAmapAdaM pAdodarAla.nkR^itayogapaTTam |
apasmR^iterAhitapAdama~Nge praNaumi devaM praNidhAnavantam || 7||
tattvArthamantevasatAmR^iShINAM yuvA.api yaH sannupadeShTumIShTe |
praNaumi taM prAktanapuNyajAlairAchAryamAshcharyaguNAdhivAsam || 8||
ekena mudrAM parashuM kareNa kareNa chAnyena mR^igaM dadhAnaH |
svajAnuvinyastakaraH purastAdAchAryachUDAmaNirAvirastu || 9||
AlepavantaM madanA~NgabhUtyA shArdUlakR^ittyA paridhAnavantam |
Alokaye ka~nchana deshikendramaGYAnavArAkaravADavAgnim || 10||
chArusmitaM somakalAvataMsaM vINAdharaM vyaktajaTAkalApam |
upAsate kechana yoginastvAmupAttanAdAnubhavapramodam || 11||
upAsate yaM munayaH shukAdyA nirAshiSho nirmamatAdhivAsAH |
taM dakShiNAmUrtitanuM maheshamupAsmahe mohamahArtishAntyai || 12||
kAntyA ninditakundakandalavapurnyagrodhamUle vasa \-
     nkAruNyAmR^itavAribhirmunijanaM saMbhAvayanvIkShitaiH |
mohadhvAntavibhedanaM virachayanbodhena tattAdR^ishA
     devastattvamasIti bodhayatu mAM mudrAvatA pANinA || 13||
agauragAtrairalalATanetrairashAntaveShairabhuja~NgabhUShaiH |
abodhamudrairanapAstanidrairapUrNakAmairamarairalaM naH || 14||
daivatAni kati santi chAvanau naiva tAni manaso matAni me |
dIkShitaM jaDadhiyAmanugrahe dakShiNAbhimukhameva daivatam || 15||
muditAya mugdhashashinAvataMsine bhasitAvaleparamaNIyamUrtaye |
jagadIndrajAlarachanApaTIyase mahase namo.astu vaTamUlavAsine || 16||
vyAlambinIbhiH parito jaTAbhiH kalAvasheSheNa kalAdhareNa |
pashya.NllalATena mukhendunA cha prakAshase chetasi nirmalAnAm || 17||
upAsakAnAM tvamumAsahAyaH pUrNendubhAvaM prakaTIkaroShi |
yadadya te darshanamAtrato me dravatyaho mAnasachandrakAntaH || 18||
yaste prasannAmanusandadhAno mUrtiM mudA mugdhashashA~NkamauleH |
aishvaryamAyurlabhate cha vidyAmante cha vedAntamahArahasyam || 19||
	|| iti dakShiNAmUrtistotraM (2) sampUrNam||
##
\medskip\hrule\medskip
Encoded by Subramanian Ganesh sgesh@hotmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}