% Text title            : dakShiNAmUrtidhyAnam
% File name             : dakShiNAmUrtidhyAnam.itx
% Category              : shiva, major\_works, sadAshivabrahmendra, dhyAnam
% Location              : doc\_shiva
% Author                : Sadashivendra Sarasvati
% Proofread by          : Sunder Hattangadi
% Latest update         : December 2, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Dakshinamurti Dhyanam ..}##
\itxtitle{.. shrIdakShiNAmUrtidhyAnam ..}##\endtitles ##
vaTasyAdhaH ka~nchitkarakamalachinmudramachalaM
     niTAlAkShaM sUkShmaM punivaragaNAsevyacharaNam |
chidAnandAkAraM madanaharamApUrNamamalaM
     sadA dhyAyedantaH paramashivamAchAryavapuSham || 1||
kailAsashikhare ramye kamanIyamaNiprabhe |
vaTadrumataTe nityaM nivasantaM jagadgurum || 2||
dakShiNAmUrtimIshAnaM dadhataM maunamuttamam |
vyAlambitajaTAkoTighaTitArdhakalAdharam || 3||
phAlabhUtilakIbhUtaruchirAmbhojalochanam |
kAruNyarasapUraikapUritAkShiyugAmbujam || 4||
shuktikAkArasa~NkAshakarNadvandvapuTojjvalam |
maNidarpaNadarpaghnakapolaphalakaprabham || 5||
navachampakapuShpAbhanAsAdaNDAvirAjitam |
darahAsalasanmugdhamukhonnidrasaroruham || 6||
dADigIvIjasandohasandehadaradAvalim |
bimbasambhramadhikArimadhurAdharama~njulam || 7||
grIvodArashriyodastakambusaubhAgyasantatim |
shritakalpalatIbhUtabhujavallIchatuShTayam || 8||
vidyAmudrAkShamAlaikalasatpANiyugAmbujam |
vINApustojjvaloddAmakaradvandvasaroruham || 9||
vigaDhajannuvibhrAjivipulottu~NgavakShasam |
AvartanAbhisubhagaM trivalIlalitodaram || 10||
visha~NkaTakaTishroNikarabhorudvayojjvalam |
chArujAnuyugaM valguja~NghAyugalara~njitam || 11||
gUDhagulphAruNanakhavrAtadIdhitishobhitam |
dashA~NgulIdalodArapadadvandvasaroruham || 12||
dakShiNorUparinyastasavyapAdAmbusambhavam |
apasavyapadAmbhojabha~njitApasmaraM param || 13||
yogapaTTAbhirAmaM taM yogivR^indaniShevitam |
pATIrakundachandrAbhapANDarA~NgaikabhAsuram || 14||
chandanAgarukarpUracharchitAvayavojjvalam |
mandArachampakAshokamallikAdAmabhUShitam || 15||
taTidvalayasa~NkAshamaNikuNDalamaNDitam |
kaTakA~NgadakeyUrahAragraiveyakojjvalam || 16||
pratyuptadivyamANikyaprasphuranmekhalAvR^itam |
kalanisvanama~njIrapadaka~NkaNara~njitam || 17||
trailokyAdbhutasaundaryaparipAkamanoharam |
kandarpakoTilAvaNyagarvanirvApaNAkR^itim || 18||
ka~njAsanamahendrAdikalitA~Nghrisaroruham |
devakinnaragandharvasaMstutodAravaibhavam || 19||
sakR^itprapannalokaughasaroruhadivAkaram |
saMsArAshIviShAlImR^itasa~njIvanauShadham || 20||
paramAdvaitavij~nAnamahodadhisudhAkaram |
aj~nAnadhvAntasantAnamArtaNDodAramaNDalam || 21||
anantabhavakAntAradahanogradavAnalam |
mohAnalalasajjAlAjAlakIlAlasAgaram || 22||
saMsArasaurasantApasantaptodArabhUruham |
pa~nchAkSharadalollAsipraNavAmbujaShaTpadam || 23||
ShaTtriMshattattvasopAnasvAtmaprAsAdabhUpatim |
dakShAdhvaravibhettAraM shikShitAndhakaduHsthitim || 24||
dAritAntakadaurAtmyaM dalitAsurasantatim |
lIlAvijitakandarpaM hAlAhaladharaM haram || 25||
pAlitAkhilabhaktaughaM velAtItaguNArNavam |
bhR^i~NgAvalIkAlakaNThaM ma~NgalAdhAramadbhutam || 26||
ga~NgAdharaM vR^iShArUDhaM sa~NgItarasashevadhim |
bhasmoddhUlitasarvA~NgaM bhavarogabhiShagvaram || 27||
bhavAnIbhAvanAgamyaM bhaktachittApahAriNam |
nAsA~nchalahitAbjAkShaM nAgAbharaNabhUShitam || 28||
vasAnaM charma vaiyAghraM vairAgyabharamantharam |
vINAnAdAnusandhAnavikasadvadanAmbujam || 29||
vishvAtItasukhAmbhojavilasadbhramarApriyam |
saMsArasarpasandaShTajanajA~Ngalikottamam || 30||
mahAdevaM mahAtmAnaM mahAyogIshvareshvaram |
shAshvataishvaryasampUrNaM sha~NkaraM lokasha~Nkaram || 31||
kAraNaM jagatAmekamanekAkArabhAsuram |
kAlatrayAparichChedyaM kArakagrAmavarjitam || 32||
niHsImaparamAnandanijadhAmani saMsthitam |
nigamAntaikasaMsiddhashuddhavidyaikagocharam || 33||
avidyAkAryanirmuktamavA~Nmanasagocharam |
advayAnandavij~nAnaghanaM paramapAvanam || 34||
AdimadhyAntarahitamapohitaguNatrayam |
avedyaM jagatAM hR^idyamAntarAntaramavyayam || 35||
niravadyaM nirAbhAsaM niShkriyaM nirupaplavam |
nirvikalpaM nirAta~NkaM niHsa~NgaM niHsamIhitam || 36||
nistraiguNyaphalaM ki~nchinnirvANasukhasAgaram |
nirdvandvAnandasandohamasandehamanUpamam || 37||
nirguNaM niShkalaM nityaM nirvikAraM nira~njanam |
nIrAgaM nirupAsa~NgaM niraha~NkAramakSharam || 38||
niShprapa~nchaM nirAlambaM nirAkAraM nirAshrayam |
avabodharasaikAtmyaM dhyAyedAdimadeshikam || 39||
iti shrIdakShiNAmUrtidhyAnaM paramapAvanam |
putrapautrAyurArogyamahAsampatpradAyakam || 40||
chatuHShaShTikalAvidyApradaM pApapraNAshanam |
aNimAdimahAsiddhividhAnachaturaM shubham || 41||
kShayagulmapramehAdivyAdhInAmekabheShajam |
bhaktij~nAnaviraktInAM nidAnaM muktisAdhanam || 42||
yaH paThechChR^iNuyAdvApi nityaM bhaktisamanvitaH |
sa yathoktaphalAnyAdau labdhvA mukto bhaveddhruvam || 43||
brahmAdidevavandyAya sarvalokAshrayAya te |
dakShiNAmUrtirUpAya sha~NkarAya namo namaH || 44||
sharaNaM taruNendushekharaH sharaNaM me girirAjakanyakA |
sharaNaM punareva tAvubhau sharaNaM nAnyadupaimi daivatam || 45||

iti shrIsadAshivendrasarasvatyA virachitaM shrIdakShiNAmUrtidhyAnaM sampUrNam |

|| hariH OM ||

##
Proofread by Sunder Hattangadi

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}