% Text title            : Aghoramurti Stotram
% File name             : aghoramUrtistotram.itx
% Category              : shiva,
% Location              : doc\_shiva
% Transliterated by     : Sivakumar Thyagarajan Iyer shivakumar24 at gmail.com
% Proofread by          : Sivakumar Thyagarajan Iyer, PSA Easwaran
% Latest update         : January 15, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Aghoramurti Stotram ..}##
\itxtitle{.. aghoramUrtistotram ..}##\endtitles ##
aghorastotraM
OM shrIgaNeshAya namaH |
shrIbhairava uvAcha\-
kailAshashikharAsInaM bhaktAnugrahakAmyayA |
paprachCha praNatA devI bhairavaM vigatAmayam || 1||
brahmAdikAraNAtItaM svashaktyA nandinirbharam |
namAmi parameshAnaM svachChandaM vIranAyakam || 2||
shrIdevI uvAcha\-
prAyashchitteShu sarveShu samayolla~NghaneShu cha |
mahAbhayeShu ghoreShu tIvropadravabhUmiShu || 3||
ChidrasthAneShu sarveShu upAyaM vada me prabho |
yenAyAsena rahito nirdoShashcha bhavennaraH || 4||
shrIbhairava uvAcha \-
shR^iNu  devi paraM guhyaM rahasyaM paramAdbhutam |
sarvapApaprashamanaM sarvaduHkhAbhayapradam || 5||
prAyashchitteShu sarveShu tIvreShvapi vishodhanam |
sarvachChidrApaharaNaM sarvArtivinivAraNam || 6||
samayolla~Nghane ghore japAdeva vimochanam |
bhogamokShapradaM chaiva sarvasiddhiphalAvaham || 7||
shataM jApyena shud.hdhyanti mahApAtakino.api ye |
tadarddhaM pAtakaM hanti tatpAdenopapAtakam || 8||
kAyikaM vAchikaM chaiva mAnasaM sparshadoShajam |
prasAdAdichChayA vApi sakR^ijjapena shud.hdhyati || 6||
yAgArambhe cha yAgAnte paThitavyaM prayatnataH |
nitye naimittake kAmye parasyApyAtmano.api vA || 10||
niChidrakaraNaM proktamabhAvaparipUrakam |
dravyahIne mantrahIne j~nAnayogavivarjite || 11||
bhaktishraddhAvirahite shuddhishUnye visheShataH |
manovikShepadoShe cha vilome pashuvIkShite || 12||
vidhihIne pramAde cha japtavyaM sarvakarmasu |
nAtaH parataro mantro nAtaH paratarA stutiH || 13||
nAtaH paratarA kAchitsamyak satyaM girA priye |
iyaM samayavidyAnAM rAjarAjeshvarI stutiH || 14||
paramApyAyanaM devi bhairavasya prakIrtitam |
prINanaM sarvadevAnAM sarvasaubhAgyavardhanam || 15||
stavarAjamimaM puNyaM shR^iNuShvAvahitA priye |
OM namaH paramAkAshashAyine paramAtmane || 16||
shivAya paramaM shAntaM girAnandapadAya te |
avAchyAya prameyAya pramAtre vishvahetave || 17||
mahAsAmAnyarUpAya sattAmAtraikarUpiNe |
ghoShAdidashadhA shabdabIjabhUtAya shambhave || 18||
namaH shAntograghorAdi mantrasaMrambhagarbhiNe |
revatIsraja vishrambha samAshleShavilAsine || 16||
namaH samarasAsvAdaparAnandopabhogine |
bhogapANaye namastubhyaM yogIsha pUjitAtmane || 20||
dvayanirmUlanodyogasamullAsitamUrtaye |
haraprasaravikShobhavispaShTAkSharamUrttaye || 21||
namo mAyAsvarUpAya sthANave parameShThine |
ghorasaMsArasambhogadAyine sthitikAriNe || 22||
kAlAdi kShitiparyantaM pAline vibhave namaH |
rohaNAya mahAmohadhvAntavidhvaMsahetave || 23||
hR^idayAmbujasa~Nkochabhedine shiva mAnave |
bhogamokShaphalaprAptihetuyogavidhAyine || 24||
namaH paramanirvANadAyine chandramaulaye |
ghoShyAya sarvamantrANAM sarvavA~NmayamUrtaye || 25||
namaH sharvAya sarvAya sarvapApApahAriNe |
ravaNAya ravAntAya namo.atarAvarAviNe || 26||
nityAya suprabuddhAya sarvAntaratamAya te |
ghoShAya paranAdAntacharAya khacharAya te || 27||
namo vAkpataye tubhyaM bhagAya pararUpiNe |
ravaNAya ratIshAr~Ngadehine chitrakarmaNe || 28||
namaH shailasutAmAtre vishvakartre mahAtmane |
namo mArapratiShThAya sarvantipadagAya te || 26||
namaH samastatattvAya vyApine chitsvarUpiNe |
khedvArAya bhadrAya namaste rUparUpiNe || 30||
parAparaparispandamandirAya namo.astu te |
bharitAkhilavishvAya yogagamyAya yogine || 31||
namaH sarveshvareshAya mahAhaMsAya shambhave |
charvyAya charvaNIyAya charvakAya charAya cha || 32||
ravIndusandhisaMsthAya mahAchakresha te namaH |
sarvAnusyUtarUpAya sarvAchChAdakashaktaye || 33||
sarvabhakShAya sharvAya namaste sarvarUpiNe |
ramyAya vallabhAkrAntadehArdhAya vinodine || 34||
namaH prasannaduShprApasaubhAgyaphaladAyine |
tanmaheshAya tattvAya vedine bhavabhedine || 35||
mahAbhairavanAthAya bhaktigamyAya te namaH |
shaktigarbhaprabodhAya sharaNyAya sharIriNe || 36||
shAntipuShTyAdisAdhyAya sAdhakAya namo namaH |
ravatkuNDalinIgarbhaprabodhaprAptashaktaye || 37||
tatsphoTanapaTuprauDhaparamAkShararUpiNe |
samastavyastasa~NgrastarashmijAlodayAtmane || 38||
namastubhyaM mahAsenarUpiNe vishvagarbhiNe |
revAravasamudbhUtavahnijvAlAvabhAsine || 36||
ghanIbhUtavikalpAndhyavishvabandhavilApine |
bhoginIspandanArUDhaprauDhamAlabdhagarviNe || 40||
namaste sarvabhakShAya paramAmR^italobhine |
nabhakoTisamAveshabharitAkhilasR^iShTaye  || 41||
namaH shaktisharIrAya koTidvitayasa~Ngine |
mahAmohasamAkrAntajIvavargavibodhine || 42||
maheshvarAya jagatAM namaH kAraNabandhave |
stenonmUlanadakShaikatritaye vishvamUrttaye || 43||
namaste.astu mahAdevanAmne parasudhAtmane |
rugdrAviNe mahAvIrya ruruvaMshavinAshine || 44||
rudrAya drAvitAsheShabandhanAya namo namaH |
dravatyararasAsvAdacharvaNodyuktaye namaH || 45||
namastridashapUjyAya sarvakAraNahetave |
rUpAtIta namastubhyaM namaste bahurUpiNe || 46||
tryambakAya tridhA mAtashchAriNe cha trichakShuShe |
peshalopAyalabhyAya bhaktibhAjAM mahAtmanAm || 47||
durlabhAya mahAkrAntachetasAM tu namo namaH |
bhayapradAya duShTAnAM bhavAya bhayabhedine || 48||
bhavyAya tvanmayAnAM tu sarvadAya namo namaH |
aNUnAM muktaye ghoraghorasaMsAradAyine || 46||
ghorAtighoramUDhAnAM tiraskartre namo.astu te |
ityevaM stotrarAjendraM mahAbhairavabhAShitam || 50||
yoginInAM paraM sAraM na dadyAdyasya kasyAchit |
adIkShite shaThe  krUre nissatye shuchivarjite || 51||
nAstike cha khale mUrkhe pramatte vilupte.alase |
gurushAstrasadAchAradUShake kalahapriye || 52||
nirdaye chumbake kShudre samayaghne.atha dAmbhike |
dAkShiNyarahite pApe dharmahIne.atha garvite || 53||
pashUnAM sannidhau devi nochchAryaM sarvathA kvachit |
asya saMsmR^itamAtrasya vighnA nashyanti sarvashaH || 54||
guhyakA yAtudhAnAshcha vetAlA rAkShasAdayaH |
DAmarAshcha pishAchAshcha krUrasattvAshcha pUtanAH || 55||
byAdhidurbhikShadaurbhAgyamArimohaviShAdayaH |
gajavyAghrAdayo duShTAH palAyante cha sarvashaH |
sarve duShTAH praNashyanti ityAj~nA pArameshvarI || 56||

|| iti aghorastotraM samAptam ||
|| shubhamastu ||
##
Encoded by Sivakumar Thyagarajan Iyer shivakumar24 at gmail.com
Proofread by Sivakumar Thyagarajan Iyer, PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}