% Text title            : AryAshatakam by Shri Appayya Dikshit
% File name             : AryAshatakamappayyA.itx
% Category              : shataka, shiva, appayya-dIkShita
% Location              : doc\_shiva
% Author                : Appayya Dixit
% Transliterated by     : shaivam.org, Sunder Hattangadi
% Proofread by          : Sunder Hattangadi Rajani
% Latest update         : August 4, 2016
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. AryAshatakam by Shri Appayya Dikshit ..}##
\itxtitle{.. AryAshatakam shrImadappayyadIkShitavirachitam ..}##\endtitles ##
dayayA yadIyayA vA~NnavarasaruchirA sudhAdhikodeti |
sharaNAgatachintitadaM taM shivachintAmaNiM vande || 1||

shirasi sitAMshukalADhyaM karuNApIyUShapUritaM nayane |
smitadugdhamugdhavadanaM lalanAkalitaM mahaH kalaye || 2||

ante chintayate yattattAmetIti cha tvayA gaditam |
shiva tava charaNadvandvadhyAnAnnirdvandvatA chitram || 3||

drutamuddhara hara saMhara saMhara bhavavairiNaM tvatitvarayA|
bhava bhavato.api bhavo.ayaM ripuretanninditaM jagati || 4||

chetasi chintaya vAmAM vA mAM vA na dvidhA sthitasyAham |
iti yadi vadasi dayAbdhe vAmArdhe sA tavApyasti || 5||

mitrakalatrasutAdIn dhyAyasyanishaM na mAM kShaNaM jAtu|
yadi kupyasi mayi dIne tulayAmi tvAM kathaM saha taiH || 6||

matkR^itaduShkR^itashAntirviShavahnijalAdiyAtanayA |
yadi nishchayastavAyaM preShaya garalAgniga~NgaughAn || 7||

bhogaM vihAya yogaM sAdhaya dAsye tavApi parabhAgam |
mama kiM na vAvakAshastvadbhUShAbhoginAM madhye || 8||

lalanAlolavilokanajitamityavamanyase kathaM mAM tvam|
tvayi jAyArdhasharIre shiva shiva nA.a.alokanAnubhavaH || 9||

smaraNAdanupadamIdR^igvismR^itishIlo na vallabho.asi mama|
utpAdyAshAM bha~NkturlagnA vR^ittistavaiveyam || 10||

putraH pitR^ivatputrI mAtR^ivaditthaM mamAtra ko doShaH |
ahamapi bhogAsaktaH prakR^itirjAtA viShAdavatI || 11||

vapurardhaM vAmArdhaM shirasi shashI so.api bhUShaNaM te.ardham |
mAmapi tavArdhabhaktaM shiva shiva dehe na dhArayasi  || 12||

stanapaM shishuM tvadIyaM pAlaya sAmba drutaM na pAsi yadi |
jagataH piteti gItaM yAtaM nAmeti jAnIhi || 13||

mAtari hitvA bAlaM kAryAkuladhIH pitA bahiryAti |
shiva bata shaknoShi kathaM svA~NgAnmanmAtaraM moktum || 14||

guNahInatAM tanUje mayi dR^iShTvA kiM parityajasyevam |
uchitaM guNinastvetannirguNarUpasya te.anuchitam || 15||

kAmakrodhakaTAbhyAM madajaladhArAM nira~Nkushe sravati |
matkR^itaduShkR^itakariNi prakaTA pa~nchAsyatA te.astu || 16||

tvaddhInaM mAM dInaM dR^iShTvA viShayAtirAgasambaddham |
dhAvatyakIrtireShA nAthaH shakto.apyudAsInaH || 17||

aribhirjitairashaktairvij~nApyaM sevakaiH prabhornItiH |
viShayairjito.asmi shambho tava yachChlAghyaM tadArachaya || 18||

saMrakShyate svadAsairyadyadvastu prabhorabhIShTataram |
dAsastaveShTakAmaH kAntAM kanakaM kathaM tyajeyamaham || 19||

pApI pApaM sukR^itI sukR^itaM bhu~Nkte mamAtra kiM nu gatam|
ityaudAsyamayuktaM bhR^ityAkIrtiH prabhoreva || 20||

vikale.atidInachitte viShayAshAmAtradhAriNi nitAntam |
mayi roShataH kiyat te vada vada shambho yasho bhAvi || 21||

svagR^ihe bhuvanatritaye yogakSheme mukhAni chatvAri |
matprativachanaM hi vinA pa~nchamavadanasya kutra gatiH || 22||

tava ko.ahaM tvaM mama kaH pa~nchasvevaM vichArayasveti |
brUShe dInadayAbdhe pa~nchamukhatvaM tvayi vyaktam|| 23||

yAchasvAnyaM dhaninaM bhavitA tava ko digambarAllAbhaH |
mAM mA pratArayaivaM khyAtaH shrIkaNThanAmAsi|| 24||

vasanAshanapradAtari mayi jIvati kiM samAkulastvamiti |
dohAya mochyamAno vatsaH kiM na tvarAmayate || 25||

pAtakarAshiritIdaM tvayAbhidhAnaM shrutaM na tad dR^iShTam|
taddarshanakutukaM yadi mAM draShTuM kiM vilambase deva || 26||

pAtakarAshirasi tvaM pashyAmyata eva nAhamiti vadasi |
pAtakarUpAj~nAne shiva tava sarvaj~natAbha~NgaH || 27||

pApaM pApamitIdaM karoShi shiva kiM mudhA budhAn bhrAntAn |
tatsatyaM chenna kathaM tvayAnubhUtaM na dR^iShTaM vA || 28||

pApe lokAnubhavaH sa eva mAnaM mamApyananubhUte |
na hi parakIyAnubhavaH j~nAtuM shakyaH pareNApi || 29||

lokAbhinnaH so.ahaM vaktuM vAkyaM hyupakramastava chet|
siddhA manorathA me tvattaH kasyApi lokasya || 30||

ativalganaM mamaitanmUDhatvaM yadyapi prabhoH purataH |
dInaH karomi kiM vA madviShaye ko nivedayati || 31||

laghurasi kiM tvayi dayayA mA mA maMsthAH shiveti sahasA tvam|
bhAro bhuvo.asmi dhR^itvA svakare tulayAshu mAM shambho|| 32||

sasye tR^iNe cha vR^iShTiM tulyAM devaH sadaiva vidadhAti |
devo mahAn bata tvaM gurulaghuvArtAM kathaM kuruShe || 33||

diShToddiShTaM dAsyAmyanyanneShTaM yadi sphuTaM vAkyam |
dattA kathaM tvayAsAvajarAmaratA mR^ikaNDujaneH || 34||

nAdattaM prApnotItyetadvAkyaM pratAraNAmAtram |
upamanyunA kadA vA kasmai dugdhodadhirdattaH || 35||

prabalataronmAdADhyaM tvAmapyagaNayya dhAvamAnaM cha |
machcheto.apasmAraM niyamaya shambho padAbhyAM te || 36||

AshApishAchikA mAM bhramayati parito dashasvapi dishAsu |
svIye pishAchavarge sevAyai kiM na yojayasi || 37||

yakShAdhInAM rakShAM tryakSha nidhInAM kuto nu vA kuruShe|
sAkShAnmanuShyadharmA.apyahaha kathaM nu vismR^itirmama te || 38||

dhanade sakhitvametat tava yat tatrAsti vismayaH ka iva |
mayi nirdhane tadAstAM trijagati chitraM kiyadbhAvi || 39||

sakhitArUpanidhAnaM vittanidhAnaM dvidhA dhanaM tava yat |
naikakare nR^ipanItistatrAnyatarannidhehi mayi || 40||

pAlaya vA mAM mA vA mattanubhUtA tu pa~nchabhUtatatiH |
poShyAvashyaM bhavatA bhavitA no chenna bhUtapatiH || 41||

atikomalaM manaste munibhirgItaM kuto.adhunA kaThinam |
manye viShAshanArthaM kaThinaM chetastvayA vihitam || 42||


mAM draShTumaShTamUrte karuNA te.adyApi kiM na vollasati |
bhikShAprasa~Ngato vA kiyatAM no yAsi sadanAni || 43||

vittAdhipaH sakhA te bhAryA dehe tavAnnapUrNAkhyA |
UrIkR^itaM na dUrIkuruShe bhikShATanamapIsha || 44||

nA~NgIkR^ito mayA tvaM tata eva na darshanaM mama tavAsti |
iti nottaraM pradeyaM shiva shiva vishveshanAmAsi || 45||

yadi dehageharUpaM dadAsi deshAdhikArakAryaM mama |
rasanAkhyalekhapatre sudR^iDhAM kuru nAmamudrAM te || 46||

rasanoktaM kuru sarvaM shiva tava nAmAdhimudritAstIyam |
gaNayasi mudrAM na hi chet prabhutochChinnA tavaiva syAt || 47||

atyATinaM karAlaM bhikShAyuktaM kapAlashUlakaram |
maddAridryaM bhairavarUpaM kuru chArdhachandrayutam || 48||

dAridryachaNDarashmau pratapati kedAravachcha mayi shuShke |
jaladharatAyAM satyAM tvayi shiva nAdyApi samupaiShi || 49||

dAridryAkhyamanobhUH klIbaM cheto.api mohayatyanisham |
enaM lInaM kartuM dhanyaH ko.anyastvadanyo.asti || 50||

bhAlAnalAkShiyuktastrijagati nAnyo madanya iti|
garvaM mA vaha yAvaddAridryAgniH kapAle me|| 51||

chetaH kuru mA kalahaM tava vaiklavye.api shambhunA prabhuNA|
na vadati yadyapi bhartA tavopakartA sa evAsti || 52||

ayi chitta vittaleshe sahajapremNA kiyannu lubdhamasi |
na tathApi tadviyogaH kevalamAste shivenApi || 53||


chetaH kIra vihAraM parihara paritaH svayaM prayatnena|
attuM kAlabiDAlo dhAvati shivapa~njaraM pravisha || 54||

chetaH sadAgate tvaM pratyAshAvAtyayAnugatamUrtiH|
mA vaha viShayAraNye lIno bhava sachchidAkAshe || 55||

chetaH shR^iNu madvachanaM mA kuru rachanaM manorathAnAM tvam |
sharaNaM prayAhi sharvaM sarvaM sakR^ideva so.arpayitA || 56||

bhrAtaH shR^iNu machcheto mA naya kAlaM tvitastato bhramaNAt |
kAlakShepechChA chedavalambaya kAlakAlaM tvam || 57||

ayi chetovihaga tvaM viShayAraNye bhramannasi shrAntaH |
vishrAmakAmanA chechChivakalparuhe chiraM tiShTha || 58||

chetomadhukara dUraM dUraM kamalAshayA kuto yAsi |
dhyAnAdanupadametachChivapadakamalaM tavAyAti || 59||

chetashchakora tApaM bhUpaM saMsevya kiM vR^ithA yAsi |
yadi chandrikAbhilASho nikaShA bhava chandrachUDasya || 60||

chetaHkura~Nga gIte raktaM chetastavAstvanavagIte |
bhagavadgItAgIte nagajAkalite tadArachaya || 61||

rasane nindAvyasane paishunye vA na vAgmitAM yAhi |
tripurArinAmamAlAM jitakAlAM shIlayAshu tvam || 62||

rasane rasAn samastAn rasayitvA tadvivechane kushalA |
asi tadvadAshu pashyeH shivanAmnaH ko raso.ayamiti || 63||

shivanAmasallatAM tvaM rasanApallava kadApi na vihAtum |
yadi vA~nChase tadA mA komalatAM sarvathA jahihi || 64||

hAlAhalasya tApaH shashinA ga~NgAmbunA na yadi yAti |
shiva mA gR^ihANa bhujagAn madrasanApallave svapihi || 65||

lochana ko.abhUllAbhaH sarvAneva dvilochanAn vIkShya |
dR^iShTastrilochanashchet saphalaM janmaiva te bhAvi || 66||

nAlokate yadi tvAM mannetraM kR^iShNamastu mukhamasya |
svAM tryakSha dakShatAM me darshaya nayanAvalokasya || 67||

tvaM lochanAndhakAre draShTuM vastvandhakArabhinnaM kim |
vAchChasyanena sa~Nge.addR^ishyamapIdaM tvayA dR^ishyam || 68||

shravaNa sakhe shR^iNu me tvaM yadyapi jAto bahushruto.asti bhavAn |
shabdAtItaM shrotuM shivamantrAt ko.aparo mantraH || 69||

ghrANa prANasakho me bhavasi bhavAn pArthivo.asti kimu vAnyat |
shivapadakamalAmode modaM gantAsi yadi shIghram || 70||

rAmAsparshasukhe te nitarAM bho vigrahAgraho.asti yadi |
Ali~NgayArdharAmaM rAmA.abhinnaH svayaM bhavasi || 71||

vigraha vigrahameva tvaM kuru devena nA.amunA sakhyam |
ruchirapyasmin shambhau janayatyaruchiM svadehe.api || 72||

sammIlayAshu rAmAM tvadvAmA~NgAnmayA samaM shambho |
jAtaM mamApi yasmAd duHkhenArdhaM sharIramidam || 73||

aparAdhakAriNaM mAM matvA shambho yadi tyajasyevam |
vyAdhaH shirasi padaM te datvA na jagAma kiM muktim || 74||

pArthaH kalahaM dhanuShA tADanamapi mUrdhni te na kiM kR^itavAn |
tatrApi te prasannaM chetaH sanne mayi kuto na || 75||

tvayi tuShTe ruShTe vA shiva kA chintA svaduHkhabha~Nge me |
uShNaM vAnuShNaM vA shamayati salilaM sadaivAgnim || 76||

doShAkare dvijihve ratimatishayitAM karoShi yadi shambho|
ahamasmi tathA vitathA kuruShe mAM dR^ikpathAtItam || 77||

cheto madIyametatsevAchaurye yadi prasaktaM te |
daNDaya nitarAM shambho sarvasvaM luNThayaitasya || 78||

sadanaM pratyAgamanaM kushalaprashnoktirastu dUratare |
Alokane.api shambho yadi sandehaH kathaM jIve || 79||

AvAhitaH svabhaktaistvarayaivAyAsi sarvapAShANe |
chittopale madIye he shiva vastuM kuto.asyalasaH || 80||



vR^iShabhe pashau dayA te kiyatI shambho pashupriyo.asi yadi |
viShayaviShAshanato.ahaM pashurevAsmIti mAM pAhi || 81||

tvayi dR^iShTvaudAsInyaM tatspardhAto vivardhate dainyam |
mayi tajjetuM tvarayA preShaya nikaTe.asti yat sainyam || 82||

paripAlayAmyahaM tvAM nikaTena mayA kimasti te kAryam |
maivaM dUre ramaNe subhR^itA.api na modate sAdhvI || 83||


katikativAraM jananaM tava no jAtaM na matsmR^itiH kvApi |
iti kupito.asi yadi tvatpadayornidadhAmi mUrdhAnam || 84||

shiva sha~Nkara smarAre ki~nchitpraShTavyamasti tatkathaya |
va~nchanameva kariShyasi kiM vA kAlAntare prItim || 85||

yo yanna vetti duHkhaM karma sa tasminniyojayatu shambho |
bhikShAduHkhaM jAnaMstatra kathaM mAM niyojayasi || 86 || 

kAkUktirmukhadainyaM shiva me bAShpastathAshrusampAtaH |
tvayyekasmin puruShe sarvamidaM niShphalaM bhavati || 87||

shiva dehi me svabhaktiM tR^iShNA svayameva yAsyati tato me |
patimanyatra viShaktaM dR^iShTvA kAntA na kiM tyajati || 88||

guNahIno.api shivAhaM tvatkaramukto.api tat padaM yAsye |
bhraShTo.api bhUpahastAdguNato.api sharo yathA lakShyam || 89||


bhaktajaneShvanuraktaM dharaNIdharakanyayA pariShvaktam |
prakhyAtanAmadheyaM jayatitarAM bhAgadheyaM me || 90||

phaNikuNDalaM vahantI shravaNe tATa~NkamapyaparabhAge |
sitashoNakAntiyuktA kAchinmadvAsanA jayati || 91||

Ali~Ngito.api savye shampAtatyA shivaH prakR^itito.ayam |
karuNAmbupUrNagarbhaH kashchiddhArAdharo jayati || 92||

jaTilaM shiraHpradeshe niTile kuTilaM gale tathA nIlam |
hR^idayIkR^itAdribAlaM vilasati kAlaM jayat tejaH || 93||

dhanurekatra pinAkaM sasharaM bibhrat tathA.aparatrA.api |
sharamaikShavaM cha chApaM ki~nchit tat prema me jayati || 94||

vA~nChitavitaraNashIlaM vichitralIlaM nirAlavAlaM cha |
lalanAlataikatAnaM kalaye shivakalpabhUmiruham || 95||

parihR^itadurjana timiraM nagajAnandaikasindhuvR^iddhikaram |
nanditabhaktachakoraM vande chandrodayaM ka~nchit || 96||

nikhilanigamaigadugdhAM dAnavidagdhAM shukAdimunidugdhAm |
vapuShA sadaiva mugdhAM kalaye shivakAmadhenumaham || 97||

nityaprabhAbhirAmaM vidalitakAmaM sadArdhadhR^itabhAmam |
hR^idi komalaM nikAmaM shrIshivachintAmaNiM vande || 98||

nirvyAdhi me sharIraM nirAdhi chetaH sadA samAdhiparam |
kuru sharva sarvadA tvaM nAnyaM kAmaM vR^iNe ka~nchit || 99||

AryApateH padAbje nihitaM shatapadyapatramayapuShpam |
AryAshataM sukR^itinAM hR^idayAmodaM sadA vahatu || 100||

|| iti bharadvAjakulatilakashrImadappayyadIkShita\-          
       virachitashaivAryAshatakaM sampUrNam || 

##
Proofread by Sunder Hattangadi


\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}