% Text title            : Ramakavacham 1
% File name             : raamakavachaAnanda.itx
% Category              : kavacha, raama, vAlmIki
% Location              : doc\_raama
% Author                : Valmiki
% Transliterated by     : Antaratma antaratma at Safe-mail.net
% Proofread by          : Antaratma, PSA Easwaran
% Description-comments  : from Anandaramayana
% Latest update         : May 2, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shrirama Kavacham ..}##
\itxtitle{.. shrIrAmakavacham ..}##\endtitles ##
|| shrImadAnandarAmAyaNe manoharakANDAntargataM shrIrAmakavacham ||
|| OM shrI rAmAya tubhyaM namaH ||
agastiruvAcha\-
AjAnubAhumaravindadaLAyatAkShamAjanmashuddharasahAsamukhaprasAdam |
shyAmaM gR^ihItasharachApamudArarUpaM rAmaM sarAmamabhirAmamanusmarAmi || 1||
shR^iNu vakShyAmyahaM sarvaM sutIkShNa munisattama |
shrIrAmakavachaM puNyaM sarvakAmapradAyakam || 2||
advaitAnandachaitanyashuddhasattvaikalakShaNaH |
bahirantaH sutIkShNAtra rAmachandraH prakAshate || 3||
tattvavidyArthino nityaM ramante chitsukhAtmani |
iti rAmapadenAsau parabrahmAbhidhIyate || 4||
jaya rAmeti yannAma kIrtayannabhivarNayet |
sarvapApairvinirmukto yAti viShNoH paraM padam || 5||
shrIrAmeti paraM mantraM tadeva paramaM padam |
tadeva tArakaM viddhi janmamR^ityubhayApaham |
shrIrAmeti vadan brahmabhAvamApnotyasaMshayam || 6||
OM asya shrIrAmakavachasya agastya R^iShiH | anuShTup ChandaH |
sItAlakShmaNopetaH shrIrAmachandro devatA |
shrIrAmachandraprasAdasid.hdhyarthaM jape viniyogaH ||
atha dhyAnaM pravakShyAmi sarvAbhIShTaphalapradam |
nIlajImUtasa~NkAshaM vidyudvarNAmbarAvR^itam || 1||
komalA~NgaM vishAlAkShaM yuvAnamatisundaram |
sItAsaumitrisahitaM jaTAmakuTadhAriNam || 2||
sAsitUNadhanurbANapANiM dAnavamardanam |
yadA chorabhaye rAjabhaye shatrubhaye tathA || 3||
dhyAtvA raghupatiM yuddhe kAlAnalasamaprabham |
chIrakR^iShNAjinadharaM bhasmoddhULitavigraham || 4||
AkarNAkR^iShTasasharakodaNDabhujamaNDitam |
raNe ripUn rAvaNAdIn tIkShNamArgaNavR^iShTibhiH || 5||
saMharantaM mahAvIramugramaindrarathasthitam |
lakShmaNAdyairmahAvIrairvR^itaM hanumadAdibhiH || 6||
sugrIvAdyairmAhAvIraiH shailavR^ikShakarodyataiH |
vegAt karAlahu~NkAraiH bhugbhukkAramahAravaiH || 7||
nadadbhiH parivAdadbhiH samare rAvaNaM prati |
shrIrAmashatrusa~NghAnme hana mardaya ghAtaya || 8||  (khAdaya)

bhUtapretapishAchAdIn shrIrAmAshu vinAshaya |
evaM dhyAtvA japedrAmakavachaM siddhidAyakam || 9||
sutIkShNa vajrakavachaM shR^iNu vakShyAmyahaM shubham |
shrIrAmaH pAtu me mUrdhni pUrve cha raghuvaMshajaH || 10||
dakShiNe me raghuvaraH pashchime pAtu pAvanaH |
uttare me raghupatiH bhAlaM dasharathAtmajaH || 11||
bhruvordUrvAdaLashyAmaH tayormadhye janArdanaH |
shrotraM me pAtu rAjendro dR^ishau rAjIvalochanaH || 12||
ghrANaM me pAtu rAjarShiH gaNDaM me jAnakIpatiH |
karNamUle kharadhvaMsI bhAlaM me raghuvallabhaH || 13||
jihvAM me vAkpatiH pAtu dantAvalyau raghUttamaH |
oShThau shrIrAmachandro me mukhaM pAtu parAtparaH || 14||
kaNThaM pAtu jagadvandyaH skandhau me rAvaNAntakaH |
dhanurbANadharaH pAtu bhujau me vAlimardanaH || 15||
sarvANya~NguLiparvANi hastau me rAkShasAntakaH |
vakSho me pAtu kAkutsthaH pAtu me hR^idayaM hariH || 16||
stanau sItApatiH pAtu pArshvau me jagadIshvaraH |
madhyaM me pAtu lakShmIsho nAbhiM me raghunAyakaH || 17||
kausalyeyaH kaTiM pAtu pR^iShThaM durgatinAshanaH |
guhyaM pAtu hR^iShIkeshaH sakthinI satyavikramaH || 18||
UrU shAr~NgadharaH pAtu jAnunI hanumatpriyaH |
ja~Nghe pAtu jagadvyApI pAdau me tATakAntakaH || 19||
sarvA~NgaM pAtu me viShNuH sarvasandhInanAmayaH |
j~nAnendriyANi prANAdIn pAtu me madhusUdanaH || 20||
pAtu shrIrAmabhadro me shabdAdIn viShayAnapi |
dvipadAdIni bhUtAni matsambandhIni yAni cha || 21||
jAmadagnyamahAdarpadalanaH pAtu tAni me |
saumitripUrvajaH pAtu vAgAdInIndriyANi cha || 22||
romA~NkurANyasheShANi pAtu sugrIvarAjyadaH |
vA~Nmanobud.hdhyaha~NkAraiH j~nAnAj~nAnakR^itAni cha || 23||
janmAntarakR^itAnIha pApAni vividhAni cha |
tAni sarvANi dagdhvA.a.ashu harakodaNDakhaNDanaH || 24||
pAtu mAM sarvato rAmaH shAr~NgabANadharaH sadA |
iti shrIrAmachandrasya kavachaM vajrasammitam || 25||
guhyAdguhyatamaM divyaM sutIkShNa munisattama |
yaH paThet shR^iNuyAdvApi shrAvayedvA samAhitaH || 26||
sa yAti paramaM sthAnaM rAmachandraprasAdataH |
mahApAtakayukto vA goghno vA bhrUNahA tathA || 27||
shrIrAmachandrakavachapaThanAt siddhimApnuyAt |  (shuddhimApnuyAt)
brahmahatyAdibhiH pApairmuchyate nAtra saMshayaH || 28||

iti shrIshatakoTirAmacharitAntargate shrImadAnandarAmAyaNe
vAlmikIye manoharakANDe trayodashasargAntargataM shrIrAmakavachaM
sampUrNam ||

hanumat\-lakShmaNa\-sItA\-rAma\-bharata\-shatrughna
ShaT kavachAni paThanIyam |
ShaT kavachAni paThituM ashaktashchet 
hanumat\-lakShmaNa\-sItA\-rAma – 
athavA hanumat\-sItA\-rAma
athavA hanumat\-rAma / sItA\-rAma kavachAni |
athavA shrIrAmakavachameva paThanIyam ||
##
All the six kavachas
hanumat-lakShmaNa-sItA-rAma-bharata-shatrughna
from AnandarAmAyaNa should be recited together.
If one is unable to recite all the six,
then he/she can recite in the decreasing order
hanumat-lakShmaNa-sItA-rAma
hanumat-sItA-rAma
hanumat-rAma
sItA-rAma
If this is not possible, then one should at least
recite Shri Rama Kavacham.


Encoded by Antaratma antaratma at Safe-mail.net
Proofread by Antaratma, PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}