% Text title            : ahalyAkRitaM rAmastotram
% File name             : ahalyaaraamstotra.itx
% Category              : raama, stotra
% Location              : doc\_raama
% Author                : ahalyA
% Transliterated by     : WebD
% Proofread by          : Ravin Bhalekar ravibhalekar at hotmail.com
% Description-comments  : adhyAtmarAmAyaNa sarga 5, shloka 43-65
% Latest update         : August 5, 2015
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. ahalyAkRitaM rAmastotram ..}##
\itxtitle{.. shrIrAmastotraM ahalyAkR^itam ..}##\endtitles ##

shrI gaNeshAya namaH |
ahalyovAchaH |
aho kR^itArthA.asmi jagannivAsa te pAdAbjasa.nlagnarajaHkaNAdaham |
spR^ishAmi yatpadmajasha~NkarAdibhirvimR^igyate randhitamAnasaiH sadA || 1||
aho vichitraM tava rAma cheShTitaM manuShyabhAvena vimohitaM jagat |
chalasyajasraM charaNAdivarjitaH sampUrNa Anandamayo.atimAyikaH || 2||
yatpAdapa~NkajaparAgapavitragAtrA bhAgIrathI bhavaviri~nchimukhAnpunAti |
sAkShAtsa eva mama dR^igviShayo yadAste kiM varNyate mama purAkR^itabhAgadheyam || 3||
martyAvatAre manujAkR^itiM hariM rAmAbhidheyaM ramaNIyadehinam |
dhanurdharaM padmavishAlalochanaM bhajAmi nityaM na parAnbhajiShye || 4||
yatpAdapa~NkarajaH shrutibhirvimR^igyaM yannAbhipa~NkajabhavaH kamalAsanashcha |
yannAmasArarasiko bhagavAnpurAristaM rAmachandramanishaM hR^idi bhAvayAmi || 5||
yasyAvatAracharitAni viri~nchiloke gAyanti nAradamukhA bhavapadmajAdyAH |
AnandajAshrupariShiktakuchAgrasImA vAgIshvarI cha tamahaM sharaNaM prapadye || 6||
so.ayaM parAtmA puruShaH purANa eShaH svaya.njyotirananta AdyaH | ##var ## ekaH
mAyAtanuM lokavimohanIyAM dhatte parAnugraha eSha rAmaH || 7||
ayaM hi vishvodbhavasa.nyamAnAmekaH svamAyAguNabimbito yaH |
viri~nchiviShNvIshvaranAmabhedAn dhatte svatantraH paripUrNa AtmA || 8||
namo.astu te rAma tavA~Nghripa~NkajaM shriyA dhR^itaM vakShasi lAlitaM priyAt |
AkrAntamekena jagattrayaM purA dhyeyaM munIndrairabhimAnavarjitaiH || 9||
jagatAmAdibhUtastvaM jagattvaM jagadAshrayaH |
sarvabhUteShvasa.nyukta eko bhAti bhavAnparaH || 10||
o.nkAravAchyastvaM rAma vAchAmaviShayaH pumAn |
vAchyavAchakabhedena bhavAneva jaganmayaH || 11||
kAryakAraNakartR^itvaphalasAdhanabhedataH |
eko vibhAsi rAma tvaM mAyayA bahurUpayA || 12||
tvanmAyAmohitadhiyastvAM na jAnanti tattvataH |
mAnuShaM tvA.abhimanyante mAyinaM parameshvaram || 13||
AkAshavattvaM sarvatra bahirantargato.amalaH |
asa~Ngo hyachalo nityaH shuddho buddhaH sadavyayaH || 14||
yoShinmUDhA.ahamaj~nA te tattvaM jAne kathaM vibho |
tasmAtte shatasho rAma namaskuryAmananyadhIH || 15||
deva me yatra kutrApi sthitAyA api sarvadA |
tvatpAdakamale saktA bhaktireva sadA.astu me || 16||
namaste puruShAdhyakSha namaste bhaktavatsala |
namaste.astu hR^iShIkesha nArAyaNa namo.astu te || 17||
bhavabhayaharamekaM bhAnukoTiprakAshaM
        karadhR^itasharachApaM kAlameghAvabhAsam |
kanakaruchiravastraM ratnavatkuNDalADhyaM
        kamalavishadanetraM sAnujaM rAmamIDe || 18||
stutvaivaM puruShaM sAkShAdrAghavaM purataH sthitam |
parikramya praNamyAshu sA.anuj~nAtA yayau patim || 19||
ahalyayA kR^itaM stotraM yaH paThedbhaktisa.nyutaH |
sa muchyate.akhilaiH pApaiH paraM brahmAdhigachChati || 20||
putrAdyarthe paThedbhaktyA rAmaM hR^idi nidhAya cha |
sa.nvatsareNa labhate vandhyA api suputrakam || 21||
sarvAnkAmAnavApnoti rAmachandraprasAdataH || 22||
brahmaghno gurutalpago.api puruShaH steyI surApo.api vA
mAtR^ibhrAtR^ivihi.nsako.api satataM bhogaikabaddhAturaH |
nityaM stotramidaM japan raghupatiM bhaktyA hR^idisthaM smaran
dhyAyanmuktimupaiti kiM punarasau svAchArayukto naraH || 23||
|| iti shrImadadhyAtmarAmAyaNe ahalyAvirachitaM shrIrAmachandrastotraM sampUrNam ||
##
Proofread by Ravin Bhalekar ravibhalekar at hotmail.com

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}