% Text title            : bhogApureshAShTakam
% File name             : bhogApureshAShTakam.itx
% Category              : aShTaka, hanumaana
% Location              : doc\_hanumaana
% Transliterated by     : Processed by Shree Devi Kumar
% Proofread by          : PSA Easwaran psaeaswaran at gmail
% Description/comments  : From Hanumatstutimanjari, Mahaperiaval Publication
% Latest update         : December 8, 2016
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIbhogApureshAShTakam ..}##
\itxtitle{.. shrIbhogApureshAShTakam ..}##\endtitles ##

shrImadbhogApuresho bhavatu bhavagururbhUtaye me dayAluH
j~nAnaM bhaktiM viraktiM pradita shamadamAdya~NgajAtaM sukhAya |
stotuM vA.a.arAdhituM tvAM na cha mama sumatiH kalyadInendriyeshaiH
sanmArgAdbhrAntito.ayaM puruguNa dayayA pAhi bhogApuresha || 1||

mUDho.ahaM j~nAnahInastava padayugale bhaktihIno durAtmA-
thApi tvAmeva jAne guruvara vachasA svAminaM nAparaM vA |
tasmAdasmatkR^itAgaH kShamaya kuru kR^ipAM sattvasindho hanUman
dAsyaM me dehi nityaM dasharathatanayaprIta bhogApuresha || 2||

tvaddhR^itpadmAntara~Nge sakalaguNagaNAla~NkR^itA~Ngo vidoShaH
svAmI vedAntavedyo mama manasi tathA vartatAM shrImanoj~naH |
shrImadbhogApureshAnilatanaya hitaM mAmakaM vetsi sarvaM
kiM me vij~nApanIyaM sakalamapi sadA jAnataH pUrNashakteH || 3||

rakShaHputrapraNAsho jalanidhitaraNaM droNagiryAhR^itishche-
tyAdyaM duHsAdhyakarma tvayi kR^itavati me saMshayaM yAti chetaH |
yadyasmanmAnasasthaprabalataramahAkAmamukhyArinAsho
bhUyAchChIghraM tvayAyaM sakalamapi balaM vedmi te satyameva || 4||

sarvAtmaprerakeshAdbhutabalanikhilaprANivR^indapraviShTA\-
nekai rUpai rameshaM paricharasi hare vetti kaste mahattvam |
vatsAnukroshadR^iShTirbhavatu mayi chiraM saMsR^itivyAdhirugNe
shrImadbhogApureshAbhayada virativij~nAnabhaktyAdipUrNa || 5||

bhagne bimbe kadAchit punarapi gurusatpANilabdhapratiShThaH
sAnnidhyaM vya~njituM yo nihitadyutimahAdIpatapto vyatAnIt |
sarvatrAddhA pata~NgAn muhuratha sujanaiH prArthitaH sa~njahAra
shrImadbhogApureshaM tamakhilaphaladaM sambhaje pUrvajyeShTham || 6||

durbuddhiM durvikAraM hara hara hanuman pApajAlaM madIyaM
tvatsevaikopayuktAM shriyamapi disha me yogyatAM nAtila~Nghya |
bhUyo vR^iddhiryathA syAttava padayugaladvandvabhakterajasraM
narte tvAM me gatiH syAditi dhR^itamanasA pAlaya svaprapannam || 7||

iShTAniShTAptinAshaprakaTitanijasadbhaktivargAtmashaktiH
svasvAntadhyAtasItAramaNasucharaNo muktivighnebhasiMhaH |
smR^ityAsheShAghahartAbhilaShitaphaladaH sheSharudrAdivandyaH
pAyAdbhogApureshashcharaNasurashiroratnamasmAn sudInAn || 8||

shrImadbhogApureshastutimiti kR^itavAn bhaktipUtAntarAtmA
prANashlokAShTakena tridashamunisamAdiShTamantrA~NgajanmA |
yastAM bhaktyA sametaH shuchiriha paThate nityamasyAkhileShTaM
datvAniShTaM cha hanti prathitasumahimA prANivR^indapraNetA || 9||

iti shrIbhogApureshAShTakam |
##
From Hanumatstutimanjari, Mahaperiaval Publication
Proofread by PSA Easwaran psaeaswaran at gmail

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}