% Text title            : Uttara-Gita
% File name             : uttaragiitaa.itx
% Category              : gItA, giitaa, vyAsa
% Location              : doc\_giitaa
% Author                : Vyasa
% Transliterated by     : Sunder Hattangadi
% Proofread by          : Sunder Hattangadi, PSA Easwaran
% Latest update         : December 30, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Uttara Gita ..}##
\itxtitle{.. uttaragItA ..}##\endtitles ##
\section{atha prathamo.adhyAyaH}
(akhaNDaM sachchidAnandamavA~Nmanasagocharam |
AtmAnamakhilAdhAramAshraye.abhIShTasiddhaye ||)
arjuna uvAcha \-
yadekaM niShkalaM brahma vyomAtItaM nira~njanam |
apratarkyamavij~neyaM vinAshotpattivarjitam || 1||
kaivalyaM kevalaM shAntaM shuddhamatyantanirmalam |
kAraNaM yoganirmuktaM hetusAdhanavarjitam || 2||
hR^idayAmbujamadhyasthaM j~nAnaj~neyasvarUpakam |
tatkShaNAdeva muchyeta yajj~nAnAdbrUhi keshava || 3||
shrIbhagavAnuvAcha \-
sAdhu pR^iShTaM mahAbAho buddhimAnasi pANDava
yanmAM pR^ichChasi tattvArthamasheShaM pravadAmyaham || 4||
Atmamantrasya haMsasya parasparasamanvayAt |
yogena gatakAmAnAM bhAvanA brahma chakShate || 5||
sharIriNAmajasyAntaM haMsatvaM pAradarshanam |
haMso haMsAkSharaM chaitatkUTasthaM yattadakSharam |
tadvidvAnakSharaM prApya jahyAnmaraNajanmanI || 6||
kAkImukhaM kakArAntamukArashchetanAkR^itiH |
akArasya tu luptasya ko.arthaH sampratipadyate || 7||
gachChaMstiShThansadA kAlaM vAyusvIkaraNaM param |
sarvakAlaprayogena sahasrAyurbhavennaraH || 8||
yAvatpashyetkhagAkAraM tadAkAraM vichintayet |
khamadhye kuru chAtmAnamAtmamadhye cha khaM kuru |
AtmAnaM khamayaM kR^itvA na ki~nchidapi chintayet || 9||
sthirabuddhirasammUDho brahmavidbrahmaNi sthitaH |
bahirvyomasthitaM nityaM nAsAgre cha vyavasthitam |
niShkalaM taM vijAnIyAchChvAso yatra layaM gataH || 10||
puTadvayavinirmukto vAyuryatra vilIyate |
tatra saMsthaM manaH kR^itvA taM dhyAyetpArtha Ishvaram | 11
nirmalaM taM vijAnIyAtShaDUrmirahitaM shivam |
prabhAshUnyaM manaHshUnyaM buddhishUnyaM nirAmayam | 12
sarvashUnyaM nirAbhAsaM samAdhistasya lakShaNam |
trishUnyaM yo vijAnIyAtsa tu muchyeta bandhanAt | 13
svayamuchchalite dehe dehI nyastasamAdhinA |
nishchalaM tadvijAnIyAtsamAdhisthasya lakShaNam | 14
amAtraM shabdarahitaM svaravya~njanavarjitam |
bindunAdakalAtItaM yastaM veda sa vedavit | 15
prApte j~nAnena vij~nAne j~neye cha hR^idi saMsthite |
labdhashAntipade dehe na yogo naiva dhAraNA | 16
yo vedAdau svaraH prokto vedAnte cha pratiShThitaH |
tasya prakR^itilInasya yaH paraH sa maheshvaraH | 17
nAvArthI cha bhavettAvadyAvatpAraM na gachChati |
uttIrNe cha saritpAre nAvayA kiM prayojanam || 18||
granthamabhyasya medhAvI j~nAnavij~nAnatatparaH |
palAlamiva dhAnyArthI tyajedgranthamasheShataH || 19||
ulkAhasto yathA kashchiddravyamAlokya tAM tyajet |
j~nAnena j~neyamAlokya pashchAjj~nAnaM parityajet || 20||
yathAmR^itena tR^iptasya payasA kiM prayojanam |
evaM taM paramaM j~nAtvA vedairnAsti prayojanam || 21||
j~nAnAmR^itena tR^iptasya kR^itakR^ityasya yoginaH |
na chAsti ki~nchitkartavyamasti chenna sa tattvavit || 22||
tailadhArAmivAchChinnaM dIrghaghaNTAninAdavat |
avAchyaM praNavasyAgraM yastaM veda sa vedavit || 23||
AtmAnamaraNiM kR^itvA praNavaM chottarAraNim |
dhyAnanirmathanAbhyAsAdevaM pashyennigUDhavat || 24||
tAdR^ishaM paramaM rUpaM smaretpArtha hyananyadhIH |
vidhUmAgninibhaM devaM pashyedantyantanirmalam || 25||
dUrastho.api na dUrasthaH piNDasthaH piNDavarjitaH |
vimalaH sarvadA dehI sarvavyApI nira~njanaH || 26||
kAyastho.api na kAyasthaH kAyastho.api na jAyate |
kAyastho.api na bhu~njAnaH kAyastho.api na badhyate || 27||
(kAyastho.api na liptaH syAtkAyastho.api na bAdhyate |)
tilamadhye yathA tailaM kShIramadhye yathA ghR^itam |
puShpamadhye yathA gandhaH phalamadhye yathA rasaH | 28
tathA sarvagato dehI dehamadhye vyavasthitaH |
manastho deshinAM devo manomadhye vyavasthitaH |
kAShThAgnivatprakAsheta AkAshe vAyuvachcharet || 29||
manasthaM manamadhyasthaM madhyasthaM manavarjitam |
manasA mana Alokya svayaM sidhyanti yoginaH || 30||
AkAshaM mAnasaM kR^itvA manaH kR^itvA nirAspadam |
nishchalaM tadvijAnIyAtsamAdhisthasya lakShaNam || 31||
yogAmR^itarasaM pItvA vAyubhakShaH sadA sukhI |
yamamabhyasyate nityaM samAdhirmR^ityunAshakR^it || 32||
UrdhvashUnyamadhaHshUnyaM madhyashUnyaM yadAtmakam |
sarvashUnyaM sa Atmeti samAdhisthasya lakShaNam |
shUnyabhAvitabhAvAtmA puNyapApaiH pramuchyate || 33||
arjuna uvAcha\-
adR^ishye bhAvanA nAsti dR^ishyametadvinashyati |
avarNamasvaraM brahma kathaM dhyAyanti yoginaH || 34||
shrIbhagavAnuvAcha\-
UrdhvapUrNamadhaHpUrNaM madhyapUrNaM yadAtmakam |
sarvapUrNaM sa Atmeti samAdhisthasya lakShaNam || 35||
arjuna uavAcha\-
sAlambasyApyanityatvaM nirAlambasya shUnyatA |
ubhayorapi duShTatvAtkathaM dhyAyanti yoginaH || 36||
shrIbhagavAnuvAcha\-
hR^idayaM nirmalaM kR^itvA chintayitvApyanAmayam |
ahameva idaM sarvamiti pashyetparaM sukham || 37||
arjuna uvAcha\-
akSharANi samAtrANi sarve bindusamAshritAH |
bindubhirbhidyate nAdaH sa nAdaH kena bhidyate || 38||
shrIbhagavAnuvAcha\-
anAhatasya shabdasya tasya shabdasya yo dhvaniH |
dhvanerantargataM jyotirjyotirantargataM manaH |
tanmano vilayaM yAti tadviShNoH paramaM padam || 39||
O~NkAradhvaninAdena vAyoH saMharaNAntikam |
nirAlambaM samuddishya yatra nAdo layaM gataH || 40||
arjuna uvAcha\-
bhinne pa~nchAtmake dehe gate pa~nchasu pa~nchadhA |
prANairvimukte dehe tu dharmAdharmau kva gachChataH || 41||
shrIbhagavAnuvAcha\-
dharmAdharmau manashchaiva pa~nchabhUtAni yAni cha |
indriyANi cha pa~nchaiva yAshchAnyAH pa~ncha devatAH || 42||
tAshchaiva manasA sarve nityamevAbhimAnataH |
jIvena saha gachChanti yAvattattvaM na vindati || 43||
arjuna uvAcha\-
sthAvaraM ja~NgamaM chaiva yatki~nchitsacharAcharam |
jIvA jIvena sidhyanti sa jIvaH kena sidhyati || 44||
shrIbhagavAnuvAcha\-
mukhanAsikayormadhye prANaH sa~ncharate sadA |
AkAshaH pibate prANaM sa jIvaH kena jIvati || 45||
arjuna uvAcha\-
brahmANDavyApitaM vyoma vyomnA chAveShTitaM jagat |
antarbahishcha tadvyoma kathaM devo nira~njanaH || 46||
shrIbhagavAnuvAcha\-
AkAsho hyavakAshashcha AkAshavyApitaM cha yat |
AkAshasya guNaH shabdo niHshabdo brahma uchyate || 47||
arjuna uvAcha\-
dantoShThatAlujihvAnAmAspadaM yatra dR^ishyate |
akSharatvaM kutasteShAM kSharatvaM vartate sadA || 48||
aghoShamavya~njanamasvaraM chApyatAlukaNThoShThamanAsikaM cha |
arekhajAtaM paramUShmavarjitaM tadakSharaM na kSharate katha~nchit || 49||
arjuna uvAcha\-
j~nAtvA sarvagataM brahma sarvabhUtAdhivAsitam |
indriyANAM nirodhena kathaM sidhyanti yoginaH || 50||
shrIbhagavAnuvAcha\-
indriyANAM nirodhena dehe pashyanti mAnavAH |
dehe naShTe kuto buddhirbuddhinAshe kuto j~natA || 51||
tAvadeva nirodhaH syAdyAvattattvaM na vindati |
vidite tu pare tattve ekamevAnupashyati || 52||
navachChidrakR^itA dehAH sravanti galikA iva |
naiva brahma na shuddhaM syAtpumAnbrahma na vindati || 53||
atyantamalino deho dehI chAtyantanirmalaH |
ubhayorantaraM j~nAtvA kasya shauchaM vidhIyate || 54||

iti uttaragItAyAM prathamo.adhyAyaH |
\section{atha dvitIyo.adhyAyaH}
(arUDhasyArurukShoshcha svarUpe parikIrtite |
tatrArUDhasya bimbaikyaM kathaM syAditi pR^ichChati ||)
arjuna uvAcha\-
j~nAtvA sarvagataM brahma sarvaj~naM parameshvaram |
ahaM brahmeti nirdeShTuM pramANaM tatra kiM bhavet || 1||
shrIbhagavAnuvAcha\-
yathA jalaM jale kShiptaM kShIre kShIraM ghR^ite ghR^itam |
avisheSho bhavettadvajjIvAtmaparamAtmanoH || 2||
jIve pareNa tAdAtmyaM sarvagaM jyotirIshvaram |
pramANalakShaNairj~neyaM svayamekAgravedinA || 3||
arjuna uvAcha\-
j~nAnAdeva bhavejj~neyaM viditvA tatkShaNena tu |
j~nAnamAtreNa muchyeta kiM punaryogadhAraNA || 4||
shrIbhagavAnuvAcha\-
j~nAnena dIpite dehe buddhirbrahmasamanvitA |
brahmaj~nAnAgninA vidvAnnirdahetkarmabandhanam || 5||
tataH pavitraM parameshvarAkhyamadvaitarUpaM vimalAmbarAbham |
yathodake toyamanupraviShTaM tathAtmarUpo nirupAdhisaMsthaH || 6||
AkAshavatsUkShmasharIra AtmA na dR^ishyate vAyuvadantarAtmA |
sa bAhyamabhyantaranishchalAtmA antarmukhaM pashyati tattvamaikyam || 7||
yatra yatra mR^ito j~nAnI yena kenApi mR^ityunA |
yathA sarvagataM vyoma tatra tatra layaM gataH || 8||
(sharIravyApitaM vyoma bhuvanAni chaturdasha |
nishchalo nirmalo dehI sarvavyApI nira~njanaH || 9||)
sharIravyApi chaitanyaM jAgradAdi prabhedataH |
na tvekadeshavarttvaM anvayavyatirekataH || 9||
muhUrtamapi yo gachChennAsAgre manasA saha |
sarvaM tarati pApmAnaM tasya janma shatArjitam || 10||
dakShiNe pi~NgalA nADI vahnimaNDalagocharA |
devayAnamiti j~neyA puNyakarmAnusAriNI || 11||
ilA cha vAmanishvAsasomamaNDalagocharA |
pitR^iyAnamiti j~neyaM vAmamAshritya tiShThati || 12||
gudasya pR^iShThabhAge.asminvINAdaNDasya dehabhR^it |
dIrghAsthi mUrdhniparyantaM brahmadaNDIti kathyate || 13||
tasyAnte suShiraM sUkShmaM brahmanADIti sUribhiH || 14||
ilApi~Ngalayormadhye suShumnA sUkShmarUpiNI |
sarvaM pratiShThitaM yasminsarvagaM sarvatomukham || 15||
tasya madhyagatAH sUryasomAgniparameshvarAH |
bhUtalokA dishaH kShetrasamudrAH parvatAH shilAH ||
dvIpAshcha nimnagA vedAH shAstravidyAkalAkSharAH |
svaramantrapurANAni guNAshchaite cha sarvashaH ||
bIjaM bIjAtmakAsteShAM kShetraj~nAH prANavAyavaH |
suShumnAntargataM vishvaM tasminsarvaM pratiShThitam || 16||
nAnAnADIprasavakaM sarvabhUtAntarAtmani |
UrdhvamUlamadhaH shAkhaM vAyumArgeNa sarvagam || 17||
dvisaptatisahasrANi nADyaH syurvAyugocharAH |
karmamArgeNa suShirAstirya~nchaH suShirAtmakAH || 18||
adhashchordhvagatAstAsu navadvArANi shodhayan |
vAyunA saha jIvordhvaj~nAnI mokShamavApnuyAt || 19||
amarAvatIndraloko.asminnAsAgre pUrvato dishi |
agniloko hR^idi j~neyashchakShustejovatI purI || 20||
yAmyA saMyamanI shrotre yamalokaH pratiShThitaH |
nairR^ito hyatha tatpArshve nairR^ito loka AshritaH || 21||
vibhAvarI pratIchyAM tu pR^iShThe vAruNikA purI |
vAyorgandhavatI karNapArshve lokaH pratiShThitaH || 22||
saumyA puShpavatI saumye somalokastu kaNThataH |
vAmakarNe tu vij~neyo dehamAshritya tiShThati || 23||
vAme chakShuShi chaishAnI shivaloko manonmanI |
mUrdhni brahmapurI j~neyA brahmANDaM dehamAshritam || 24||
pAdAdadhaH shivo.anantaH kAlAgnipralayAtmakaH |
anAmayamadhashchordhvaM madhyamaM tu bahiH shivam || 25||
adhaH pado.atalaM vidyAtpAdaM cha vitalaM viduH |
nitalaM pAdasandhishcha sutalaM ja~Nghamuchyate || 26||
mahAtalaM tu jAnu syAdUrudesho rasAtalam |
kaTistAlatalaM proktaM sapta pAtAlasa.nj~nayA || 27||
kAlAgninarakaM ghoraM mahApAtAlasa.nj~nayA |
pAtAlaM nAbhyadhobhAgo bhogIndraphaNimaNDalam |
veShTitaH sarvato.anantaH sa bibhrajjIvasa.nj~nakaH || 28||
bhUlokaM nAbhideshaM tu bhuvarlokaM tu kukShitaH |
hR^idayaM svargalokaM tu sUryAdigrahatArakAH || 29||
sUryasomasunakShatraM budhashukrakujA~NgirAH |
mandashcha saptamo hyeSha dhruvo.ataH svargalokataH |
hR^idaye kalpayanyogI tasminsarvasukhaM labhet || 30||
hR^idayasya maharlokaM janolokaM tu kaNThataH |
tapolokaM bhruvormadhye mUrdhni satyaM pratiShThitam || 31||
brahmANDarUpiNI pR^ithvI toyamadhye vilIyate |
agninA pachyate toyaM vAyunA grasyate.analaH || 32||
AkAshaM tu pibedvAyuM manashchAkAshameva cha |
bud.hdhyaha~NkArachittaM cha kShetraj~naH paramAtmani || 33||
ahaM brahmeti mAM dhyAyedekAgramanasA sakR^it |
sarvaM tarati pApmAnaM kalpakoTishataiH kR^itam || 34||
ghaTasaMvR^itamAkAshaM nIyamAne ghaTe yathA |
ghaTo nashyati nAkAshaM tadvajjIva ihAtmani || 35||
ghaTAkAshamivAtmAnaM vilayaM vetti tattvataH |
sa gachChati nirAlambaM j~nAnAlokyaM na saMshayaH || 36||
tapedvarShasahasrANi ekapAdasthito naraH |
ekasya dhyAnayogasya kalAM nArhanti ShoDashIm ||
AloDya chaturo vedAndharmashAstrANi sarvadA |
yo vai brahma na jAnAti darvI pAkarasaM yathA ||
yathA kharashchandanabhAravAhI
       sArasya vAhI na tu chandanasya |
evaM hi shAstrANi bahUnyadhItya
       sAraM tvajAnankharavadvahetsaH || 37||
anantakarma shauchaM cha japo yaj~nastathaiva cha |
tIrthayAtrAdigamanaM yAvattattvaM na vindati || 38||
svayamuchchalite dehe ahaM brahmAtra saMshayI |
chaturvedadharo vipraH sUkShmaM brahma na vindati || 39||
gavAmanekavarNAnAM kShIraM syAdekavarNakam |
kShIravaddR^ishyate j~nAnaM dehinAM cha gavAM yathA || 40||
AhAranidrAbhayamaithunaM cha samAnametat pashubhirnarANAm |
j~nAnaM narANAmadhikaM visheSho j~nAnena hInAH pashubhiH samAnAH || 41||
prAtaramutra purIShAbhyAM madhyAhne kShutpipAsayA |
tR^iptAH kAmena vardhante chAnte vA nishi nidrayA || 42||
nAdabindusahasrANi jIvakoTishatAni cha |
sarvaM cha bhasmanirdhUtaM yatra devo nira~njanaH || 43||
ahaM brahmeti niyato mokShaheturmahAtmanAm || 44||
dve pade bandhamokShAya na mameti mameti cha |
mameti badhyate janturna mameti vimuchyate || 45||
manaso hyunmanIbhAvAddvaitaM naivopalabhyate |
yadA yAtyunmanIbhAvaM tadA tatparamaM padam || 46||
hanyAnmuShTibhirAkAshaM kShudhArtaH khaNDayettuSham |
nAhaM brahmeti jAnAti tasya muktirna jAyate || 47||

iti uttaragItAyAM dvitIyo.adhyAyaH ||
\section{tR^itIyo.adhyAyaH}
(yogI vyarthakriyAlApaparityAgena shAntadhIH |
tR^itIye sharaNaM yAyAddharimeveti kIrtyate ||)
shrIbhagavAnuvAcha\-
anantashAstraM bahuveditavyamalpashcha kAlo bahavashcha vighnAH |
yatsArabhUtaM tadupAsitavyaM haMso yathA kShIramivAmbumishram || 1||
purANaM bhArataM vedashAstrANi vividhAni cha |
putradArAdisaMsAro yogAbhyAsasya vighnakR^it || 2||
idaM j~nAnamidaM j~neyaM yaH sarvaM j~nAtumichChati |
api varShasahasrAyuH shAstrAntaM nAdhigachChati || 3||
vij~neyo.akSharatanmAtraM jIvitaM chApi cha~nchalam |
vihAya shAstrajAlAni yatsatyaM tadupAsyatAm || 4||
pR^ithivyAM yAni bhUtAni jihvopasthanimittikam |
jihvopasthaparityAge pR^ithivyAM kiM prayojanam || 5||
tIrthAni toyapUrNAni devAnpAShANamR^iNmayAn |
yogino na prapadyante AtmadhyAnaparAyaNAH || 6||
agnirdevo dvijAtInAM munInAM hR^idi daivatam |
pratimA svalpabuddhInAM sarvatra samadarshinAm || 7||
sarvatrAvasthitaM shAntaM na prapashyejjanArdanam |
j~nAnachakShurvihInatvAdandhaH sUryamivoditam || 8||
yatra yatra mano yAti tatra tatra paraM padam |
tatra tatra paraM brahma sarvatra samavasthitam || 9||
dR^ishyante dR^ishi rUpANi gaganaM bhAti nirmalam |
ahamityakSharaM brahma paramaM viShNumavyayam || 10||
ahamekamidaM sarvaM iti pashyet paraM sukham |
dR^ishyate tatkhagAkAraM khagAkAraM vichintayet ||
sakalaM niShkalaM sUkShmaM mokShadvAreNa nirgatam |
apavargasya nirvANaM paramaM viShNumavyayam ||
sarvato jyotirAkAshaM sarvabhUtAdhivAsinam |
sarvatra paramAtmAnaM brahmAtmA paramAtmanAm || 11||
ahaM brahmeti yaH sarvaM vijAnAti naraH sadA |
hanyAtsvayamimAnkAmAnsarvAshI sarvavikrayI || 12||
nimiShaM nimiShArdhaM vA yatra tiShThanti yoginaH |
tatra tatra kurukShetraM prayAgo naimiShaM vanam ||
nimiShaM nimiShArdhaM vA prANino.adhyAtmachintakAH |
kratukoTisahasrANAM dhyAnamekaM vishiShyate || 13||
brahmaj~nAnAnnAnyadasti nirdahet puNyapApake |
mitrAmitre sukhaM duHkhaM iShTAniShTe shubhAshubhe |
evaM mAnApamAne cha tathA nindAprashaMsane || 14||
shatachChidrAnvitA kanthA shItAshItanivAraNA |
achalA keshave bhaktirvibhavaiH kiM prayojanam || 15||
bhikShAnnaM deharakShArthaM vastraM shItanivAraNam |
ashmAnaM cha hiraNyaM cha shAkaM shAlyodanaM tathA |
samAnaM chintayedyogI yadi chintyamapekShate || 16||
bhUtavastunyashochitve punarjanma na vidyate || 17||
(Atmayogamavochadyo bhaktiyogashiromaNim |
taM vande paramAnandaM nandanandanamIshvaram ||)

iti uttaragItAyAM tR^itIyo.adhyAyaH ||

iti uttaragItA samAptA |
##

Encoded by Sunder Hattangadi
Proofread by Sunder Hattangadi, PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}