%@@1
% File name             : uddhavagiitaa.itx
%--------------------------------------------
% Text title            : Uddhava Gita from Shrimad Bhagavata
% Author                : Vyasa
% Language              : Sanskrit
% Subject               : philosophy/hinduism/religion
% Description/comments  :
% Transliterated by     : Sunder Hattangadi sunderh at hotmail.com
% Proofread by          : Sunder Hattangadi sunderh at hotmail.com
% Latest update         : September 13, 2002
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :
% http://sanskrit.gde.to
% http://sanskritdocuments.org/
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
% Please ignore the following commands upto #indian and others with
% \ mark,
% which are needed for devanaagarii output and formatting.
%--------------------------------------------------------------------------

\documentstyle[11pt,multicol,itrans]{article}
%\documentclass[11pt]{article}
%\usepackage{multicol}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{Uddhava Gita}##
\itxtitle{.. uddhava\-gItA ..}##\endtitles ##
shrIrAdhAkR^iShNAbhyA.n namaH .
shrImadbhAgavatapurANam.h .
ekAdashaH skandhaH . uddhava gItA .
atha prathamo.adhyAyaH .
shrIbAdarAyaNiH uvAcha .
kR^itvA daityavadha.n kR^iShNaH saramaH yadubhiH vR^itaH .
bhuvaH avatAravat bhAra.n javiShThan janayan kalim.h .. 1..
ye kopitAH subahu pANDusutAH sapatnaiH
      durdyUtahelanakachagrahaNa AdibhiH tAn.h .
kR^itvA nimittam itara itarataH sametAn
      hatvA nR^ipAn niraharat kShitibhAram IshaH .. 2..
bhUbhArarAjapR^itanA yadubhiH nirasya
      guptaiH svabAhubhiH achintayat aprameyaH .
manye avaneH nanu gataH api agata.n hi bhAram
      yat yAdava.n kulam aho hi aviShahyam Aste .. 3..
na eva anyataH paribhavaH asya bhavet katha.nchit
      mat sa.nshrayasya vibhava unnahan asya nityam.h .
antaHkalim yadukulasya vidhhAya veNuH
      tambasya vahnim iva shAntim upaimi dhAma .. 4..
eva.n vyavasitaH rAjan satyasa.nkalpaH IshvaraH .
shApavyAjena viprANA.n sa.njahve svakula.n vibhuH .. 5..
svamUrtyA lokalAvaNyanirmuktyA lochana.n nR^iNAm.h .
gIrbhiH tAH smaratA.n chittaM padaiH tAn IkShatA.n kriyA .. 6..
AchChidya kIrti.n sushlokA.n vitatya hi a~njasA nu kau .
tamaH anayA tariShyanti iti agAt svaM padam IshvaraH .. 7..
rAjA uvAcha .
brahmaNyAnA.n vadAnyAnA.n nitya.n vR^iddhaupasevinAm.h .
viprashApaH katham abhUt vR^iShNInA.n kR^iShNachetasAm.h
.. 8..
yat nimittaH saH vai shApaH yAdR^ishaH dvijasattama .
katham ekAtmanAM bhedaH etat sarva.n vadasva me .. 9..
shrIshukaH uvAcha .
bibhrat vapuH sakalasundarasa.mnivesham
      karmAcharan bhuvi suma~Ngalam AptakAmaH .
AsthAya dhAma ramamANaH udArakIrtiH
     sa.nhartum aichChata kula.n sthitakR^ityasheShaH .. 10..
karmANi puNyanivahAni suma~NgalAni
     gAyat jagat kalimalApaharANi kR^itvA .
kAla AtmanA nivasatA yadudevagehe
     piNDAraka.n samagaman munayaH nisR^iShTAH .. 11..
vishvAmitraH asitaH kaNvaH durvAsAH bhR^iguH a~NgirAH .
kashyapaH vAmadevaH atriH vasiShThaH nArada AdayaH .. 12..
krIDantaH tAn upavrajya kumArAH yadunandanAH .
upasa.ngR^ihya paprachChuH avinItA vinItavat.h .. 13..
te veShayitvA strIveShaiH sAmba.n jAmbavatIsutam.h .
eShA pR^ichChati vaH viprAH antarvat nyasita IkShaNA .. 14..
praShTu.n vilajjati sAkShAt prabrUta amoghadarshanAH .
prasoShyanti putrakAmA ki.nsvit sa.njanayiShyati .. 15..
evaM pralabdhvA munayaH tAn UchuH kupitA nR^ipa .
janayiShyati vaH mandAH musala.n kulanAshanam.h .. 16..
tat shR^itvA te atisantrastAH vimuchya sahasodaram.h .
sAmbasya dadR^ishuH tasmin musala.n khalu ayasmayam.h .. 17..
ki.n kR^itaM mandabhAgyaiH ki.n vadiShyanti naH janAH .
iti vihvalitAH gehAn AdAya musala.n yayuH .. 18..
tat cha upanIya sadasi parimlAnamukhashriyaH .
rAj~naH AvedayAn chakruH sarvayAdavasa.nnidhau .. 19..
shrutvA amogha.n viprashApa.n dR^iShTvA cha musala.n nR^ipa .
vismitAH bhayasantrastAH babhUvuH dvArakaukasaH .. 20..
tat chUrNayitvA musala.n yadurAjaH saH AhukaH .
samudrasalile prAsyat loha.n cha asya avasheShitam.h .. 21..
kashchit matsyaH agrasIt loha.n chUrNAni taralaiH tataH .
uhyamAnAni velAyA.n lagnAni Asan kila airikAH .. 22..
matsyaH gR^ihItaH matsyaghnaiH jAlena anyaiH saha arNave .
tasya udaragata.n loha.n saH shalye lubdhakaH akarot.h .. 23..
bhagavAn j~nAtasarvArthaH IshvaraH api tadanyathA .
kartu.n na aichChat viprashApa.n kAlarUpI anvamodata .. 24..
iti shrImadbhAgavate mahApurANe pAramaha.nsyA.n
sa.nhitAyAmekAdashaskandhe viprashApo nAma prathamo.adhyAyaH
.. 1..
atha dvitIyo.adhyAyaH .
shrIshukaH uvAcha .
govindabhujaguptAyA.n dvAravatyA.n kurUdvaha .
avAtsIt nAradaH abhIkShNa.n kR^iShNaupAsanalAlasaH .. 1..
ko nu rAjan indriyavAn mukundacharaNAmbujam.h .
na bhajet sarvataH mR^ityuH upAsyam amarauttamaiH .. 2..
tam ekadA devarShi.n vasudevaH gR^iha  Agatam.h .
archita.n sukham AsInam abhivAdya idam abravIt.h .. 3..
vasudevaH uvAcha .
bhagavan bhavataH yAtrA svastaye sarvadehinAm.h .
kR^ipaNAnA.n yathA pitroH uttamashlokavartmanAm.h .. 4..
bhUtAnA.n devacharita.n duHkhAya cha sukhAya cha .
sukhAya eva hi sAdhUnA.n tvAdR^ishAm achyuta AtmanAm.h ..
5..
bhajanti ye yathA devAn devAH api tathA eva tAn.h .
ChAyA iva karmasachivAH sAdhavaH dInavatsalAH .. 6..
brahman tathA api pR^ichChAmaH dharmAn bhAgavatAn tava .
yAn shrutvA shraddhayA martyaH muchyate sarvataH bhayAt.h .. 7..
aha.n kila purA anantaM prajArthaH bhuvi muktidam.h .
apUjaya.n na mokShAya mohitaH devamAyayA .. 8..
yayA vichitravyasanAt bhavadbhiH vishvataH bhayAt.h .
muchyema hi a~njasA eva addhA tathA naH shAdhi suvrata .. 9..
shrIshukaH uvAcha .
rAjan eva.n kR^itaprashnaH vasudevena dhImatA .
prItaH tam Aha devarShiH hareH sa.nsmAritaH guNaiH .. 10..
nAradaH uvAcha .
samyak etat vyavasitaM bhavatA sAtvatarShabha .
yat pR^ichChase bhAgavatAn dharmAn tva.n vishvabhAvanAn.h ..
11..
shrutaH anupaThitaH dhyAtaH AdR^itaH vA anumoditaH .
sadyaH punAti saddharmaH devavishvadruhaH api .. 12..
tvayA paramakalyANaH puNyashravaNakIrtanaH .
smAritaH bhagavAn adya devaH nArAyaNaH mama .. 13..
atra api udAharanti imam itihAsaM purAtanam.h .
ArShabhANA.n cha sa.nvAda.n videhasya mahAtmanaH .. 14..
priyavrataH nAma sutaH manoH svAyambhuvasya yaH .
tasya agnIdhraH tataH nAbhiH R^iShabhaH tat sutaH smR^itaH .. 15..
tam AhuH vAsudevA.nsha.n mokShadharmavivakShayA .
avatIrNa.n sutashata.n tasya AsIt vedapAragam.h .. 16..
teShA.n vai bharataH jyeShThaH nArAyaNaparAyaNaH .
vikhyAta.n varSham etat yat nAmnA bhAratam adbhutam.h .. 17..
saH bhuktabhogA.n tyaktvA imA.n nirgataH tapasA harim.h .
upAsInaH tat padavI.n lebhe vai janmabhiH tribhiH .. 18..
teShA.n nava navadvIpapatayaH asya samantataH .
karmatantrapraNetAraH ekAshItiH dvijAtayaH .. 19..
nava abhavan mahAbhAgAH munayaH hi arthasha.nsinaH .
shramaNAH vAtaH ashanAH AtmavidyAvishAradAH .. 20..
kaviH hariH antarikShaH prabuddhaH pippalAyanaH .
AvirhotraH atha drumilaH chamasaH karabhAjanaH .. 21..
ete vai bhagavadrUpa.n vishva.n sadasad Atmakam.h .
AtmanaH avyatirekeNa pashyantaH vyacharat mahIm.h .. 22..
avyAhata iShTagatayAH surasiddhasiddhasAdhya
       gandharvayakShanarakinnaranAgalokAn.h .
muktAH charanti munichAraNabhUtanAtha
       vidyAdharadvijagavAM bhuvanAni kAmam.h .. 23..
taH ekadA nimeH satram upajagmuH yat R^ichChayA .
vitAyamAnam R^iShibhiH ajanAbhe mahAtmanaH .. 24..
tAn dR^iShTvA sUryasa~NkAshAn mahAbhagavatAn nR^ipaH .
yajamAnaH agnayaH viprAH sarvaH eva upatasthire .. 25..
videhaH tAn abhipretya nArAyaNaparAyaNAn.h .
prItaH saMpUjayAn chakre AsanasthAn yathA arhataH .. 26..
tAn rochamAnAn svaruchA brahmaputraupamAn nava .
paprachCha paramaprItaH prashraya avanataH nR^ipaH .. 27..
videhaH uvAcha .
manye bhagavataH sAkShAt pArShadAn vaH madhudviShaH .
viShNoH bhUtAni lokAnAM pAvanAya charanti hi .. 28..
durlabhaH mAnuShaH dehaH dehinA.n kShaNabha~NguraH .
tatra api durlabhaM manye vaikuNThapriyadarshanam.h .. 29..
ataH Atyantika.n kahemaM pR^ichChAmaH bhavataH anaghAH .
sa.nsAre asmin kShaNArdhaH api satsa~NgaH shevadhiH nR^iNAm.h ..
30..
dharmAn bhAgavatAn brUta yadi naH shrutaye kShamam.h .
yaiH prasannaH prapannAya dAsyati AtmAnam api ajaH .. 31..
shrInAradaH uvAcha .
eva.n te niminA pR^iShTA vasudeva mahattamAH .
pratipUjya abruvan prItyA sasadasi R^itvija.n nR^ipam.h .. 32..
kaviH uvAcha .
manye akutashchit bhayam achyutasya
     pAdAmbujaupAsanam atra nityam.h .
udvignabuddheH asat AtmabhAvAt
     vishvaAtmanA yatra nivartate bhIH .. 33..
ye vai bhagavatA proktAH upAyAH hi Atmalabdhaye .
a~njaH pu.nsAm aviduShA.n viddhi bhAgavatAn hi tAn.h .. 34..
yAn AsthAya naraH rAjan na pramAdyeta karhichit.h .
dhAvan nimIlya vA netre na skhalena patet iha .. 35..
kAyena vAchA manasA indriyaiH vA
     buddhyA AtmanA vA anusR^itasvabhAvAt.h .
karoti yat yat sakalaM parasmai
     nArAyaNAya iti samarpayet tat.h .. 36..
bhaya.n dvitIyAbhiniveshataH syAt
     IshAt apetasya viparyayaH asmR^itiH .
tat mAyayA ataH budhaH Abhajet taM
     bhaktyA eka Isha.n gurudevatAAtmA .. 37.
avidyamAnaH api avabhAti hi dvayoH
     dhyAtuH dhiyA svapnamanorathau yathA .
tat karmasa~NkalpavikalpakaM manaH
     budhaH nirundhyAt abhaya.n tataH syAt.h .. 38..
shruNvan subhadrANi rathA~NgapANeH
     janmAni karmANi cha yAni loke .
gItAni nAmAni tat arthakAni
     gAyan vilajjaH vicharet asa~NgaH .. 39..
eva.n vrataH svapriyanAmakIrtyA
     jAtAnurAgaH drutachittaH uchchaiH .
hasati athaH roditi rauti gAyati
     unmAdavat nR^ityati lokabAhyaH .. 40..
kha.n vAyum agni.n salilaM mahI.n cha
     jyotI.nShi sattvAni dishaH drumaAdIn.h .
sarit samudrAn cha hareH sharIra.n
     yatki~ncha bhUtaM praNamet ananyaH .. 41..
bhaktiH paresha anubhavaH viraktiH
     anyatra eSha trikaH ekakAlaH .
prapadyamAnasya yathA ashnataH syuH
     tuShTiH puShTiH kShut apAyaH anughAsam.h .. 42..
iti achyuta a~NghriM bhajataH anuvR^ittyA
     bhaktiH viraktiH bhagavat prabodhaH .
bhavanti vai bhAgavatasya rAjan
     tataH parA.n shAntim upaiti sAkShAt.h .. 43..
rAjA uvAcha .
atha bhAgavataM brUta yat dharmaH yAdR^ishaH nR^iNAm.h .
yathA charati yat brUte yaiH li~NgaiH bhagavat priyaH .. 44..
hariH uvAcha .
sarvabhUteShu yaH pashyet bhagavat bhAva AtmanaH .
bhUtAni bhAgavati Atmani eSha bhAgavatauttamaH .. 45..
Ishvare tat adhIneShu bAlisheShu dviShatsu cha .
premamaitrIkR^ipAupekShA yaH karoti sa madhyamaH .. 46..
archAyAm eva haraye pUjA.n yaH shraddhayA Ihate .
na tat bhakteShu cha anyeShu saH bhaktaH prAkR^itaH smR^itaH ..
47..
gR^ihItvA api indriyaiH arthAnyaH na dveShTi na hR^iShyati .
viShNoH mAyAm idaM pashyan saH vai bhAgavata uttamaH .. 48..
dehaindriyaprANamanaHdhiyA.n yaH
     janmApiayakShut bhayatarShakR^ichChraiH .
sa.nsAradharmaiH avimuhyamAnaH
     smR^ityA hareH bhAgavatapradhAnaH .. 49..
na kAmakarmabIjAnA.n yasya chetasi sambhavaH .
vAsudevaekanilayaH saH vai bhAgavata uttamaH .. 50..
na yasya janmakarmabhyA.n na varNAshramajAtibhiH .
sajjate asmin ahambhAvaH dehe vai saH hareH priyaH .. 51..
na yasya svaH paraH iti vitteShu Atmani vA bhidA .
sarvabhUtasamaH shAntaH saH vau bhAgavata uttamaH .. 52..
tribhuvanavibhavahetave api akuNThasmR^itiH
     ajitaAtmasuraAdibhiH vimR^igyAt.h .
na chalati bhagavat pada aravindAt
     lavanimiSha ardham api yaH saH vaiShNava agryaH .. 53..
bhagavataH uruvikrama a~NghrishAkhA
     nakhamaNichandrikayA nirastatApe .
hR^idi katham upasIdatAM punaH saH
     prabhavati chandraH iva udite arkatApaH .. 54..
visR^ijati hR^idaya.n na yasya sAkShAt
     hariH avasha abhihitaH api aghaughanAshaH .
praNayaH ashanayA dhR^ita a~NghripadmaH
     saH bhavati bhAgavatapradhAnaH uktaH .. 55..
iti shrImat bhAgavate mahApurANe pAramaha.nsyA.n
sa.nhitAyA.n ekAdashaskandhe nimijAyantasa.nvAde dvitIyaH
adhyAyaH .. 2..
atha tR^itIyo.adhyAyaH .
parasya viShNoH Ishasya mAyinAma api mohinIm.h .
mAyA.n veditum ichChAmaH bhagavantaH bruvantu naH .. 1..
na anutR^ipye juShan yuShmat vachaH harikathA amR^itam.h .
sa.nsAratApaniHtaptaH martyaH tat tApa bheShajam.h .. 2..
antarikShaH uvAcha .
ebhiH bhUtAni bhUtAtmA mahAbhUtaiH mahAbhuja .
sasarjot cha avachAni AdyaH svamAtraprasiddhaye .. 3..
eva.n sR^iShTAni bhUtAni praviShTaH pa~nchadhAtubhiH .
ekadhA dashadhA AtmAna.n vibhajan juShate guNAn.h .. 4..
guNaiH guNAn.h saH bhu~njAnaH AtmapradyoditaiH prabhuH .
manyamAnaH ida.n sR^iShTam AtmAnam iha sajjate .. 5..
karmANi karmabhiH kurvan sanimittAni dehabhR^it.h .
tat tat karmaphala.n gR^ihNan bhramati iha sukhaitaram.h .. 6..
ittha.n karmagatIH gachChan bahvabhadravahAH pumAn.h .
AbhUtasamplavAt sargapralayau ashnute avashaH .. 7..
dhAtu upaplavaH Asanne vyakta.n dravyaguNAtmakam.h .
anAdinidhanaH kAlaH hi avyaktAya apakarShati .. 8..
shatavarShAH hi anAvR^iShTiH bhaviShyati ulbaNA bhuvi .
tat kAla upachita uShNa arkaH lokAn trIn pratapiShyati
..9..
pAtAlatalam Arabhya sa~NkarShaNamukha analaH .
dahan UrdhvashikhaH viShvak vardhate vAyunA IritaH .. 10..
sA.nvartakaH meghagaNaH varShati sma shata.n samAH .
dhArAbhiH hastihastAbhiH lIyate salile virAT.h .. 11..
tataH virAjam utsR^ijya vairAjaH puruShaH nR^ipa .
avyakta.n vishate sUkShma.n nirindhanaH iva analaH .. 12..
vAyunA hR^itagandhA bhUH salilatvAya kalpate .
salila.n tat dhR^itarasa.n jyotiShTvAya upakalpate .. 13..
hR^itarUpa.n tu tamasA vAyau jyotiH pralIyate .
hR^itasparshaH avakAshena vAyuH nabhasi lIyate .
kAlAtmanA hR^itaguNa.n navaH Atmani lIyate .. 14..
indriyANi manaH buddhiH saha vaikArikaiH nR^ipa .
pravishanti hi aha~NkAra.n svaguNaiH aham Atmani .. 15..
eShA mAyA bhagavataH sargasthiti antakAriNI .
trivarNA varNitA asmAbhiH kiM bhUyaH shrotum ichChasi .. 16..
rAjA uvAcha .
yathA etAm aishvarIM mAyA.n dustarAm akR^itAtmabhiH .
taranti a~njaH sthUladhiyaH maharShaH idam uchyatAm .h .. 17..
prabuddhaH uvAcha .
karmANi ArabhamANAnA.n duHkhahatyai sukhAya cha .
pashyet pAkaviparyAsa.n mithunIchAriNA.n nR^iNAm.h .. 18..
nityArtidena vittena durlabhena AtmamR^ityunA .
gR^iha apatyaAptapashubhiH kA prItiH sAdhitaiH chalaiH ..
19..
eva.n loka.n para.n vidyAt nashvara.n karmanirmitam.h .
satulya atishaya dhva.nsa.n yathA maNDalavartinAm.h .. 20..
tasmAt guruM prapadyeta jij~nAsuH shreyaH uttamam.h .
shAbde pare cha niShNAtaM brahmaNi upashamaAshrayam.h .. 21..
tatra bhAgavatAn dharmAn shikShet guruAtmadaivataH .
amAyayA anuvR^ityA yaiH tuShyet AtmA AtmadaH hariH .. 22..
sarvataH manasaH asa~Ngam Adau sa~Nga.n cha sAdhuShu .
dayAM maitrIM prashraya.n cha bhUteShu addhA yathA uchitam.h
.. 23..
shaucha.n tapaH titikShA.n cha mauna.n svAdhyAyam Arjavam.h .
brahmacharya.n ahi.nsA.n cha samatva.n dvandvasa.nj~nayoH .. 24..
sarvatra Atmeshvara anvIkShA.n kaivalyam aniketatAm.h .
viviktachIravasana.n santoSha.n yena kenachit.h .. 25..
shraddhAM bhAgavate shAstre anindAm anyatra cha api hi .
manovAk karmadaNDa.n cha satya.n shamadamau api .. 26..
shravaNa.n kIrtana.n dhyAna.n hareH adbhutakarmaNaH .
janmakarmaguNAnA.n cha tadarthe akhilacheShTitam.h .. 27..
iShTa.n datta.n tapaH japta.n vR^itta.n yat cha AtmanaH priyam.h .
dArAn sutAn gR^ihAn prANAn yat parasmai nivedanam.h .. 28..
eva.n kR^iShNaAtmanAtheShu manuShyeShu cha sauhR^idam.h .
paricharyA.n cha ubhayatra mahatsu nR^iShu sAdhuShu .. 29..
paraspara anukathanaM pAvanaM bhagavat yashaH .
mithaH ratiH mithaH tuShTiH nivR^ittiH mithaH AtmanaH .. 30..
smarantaH smArayantaH cha mithaH aghaughahara.n harim.h .
bhaktyA sa~njAtayA bhaktyA bibhrati utpulakA.n tanum.h .. 31..
kvachit rudanti achyutachintayA kvachit.h
     hasanti nandanti vadanti alaukikAH .
nR^ityanti gAyanti anushIlayanti
     ajaM bhavanti tUShNIM param etya nirvR^itAH .. 32..
iti bhAgavatAn dharmAn shikShan bhaktyA tadutthayA .
nArAyaNaparaH mAyam a~njaH tarati dustarAm.h .. 33..
rAjA uvAcha .
nArAyaNa abhidhAnasya brahmaNaH paramAtmanaH .
niShThAm arhatha naH vaktu.n yUya.n hi brahmavittamAH .. 34..
pippalAyanaH uvAcha .
sthiti udbhavapralayahetuH ahetuH asya
     yat svapnajAgarasuShuptiShu sat bahiH cha .
deha indriyAsuhR^idayAni charanti yena
     sa~njIvitAni tat avehi para.n narendra .. 35..
na etat manaH vishati vAguta chakShuH AtmA
     prANendriyANi cha yathA analam archiShaH svAH .
shabdaH api bodhakaniShedhatayA AtmamUlam
     artha uktam Aha yadR^ite na niShedhasiddhiH .. 36..
satvam rajaH tamaH iti trivR^idekam Adau
     sUtraM mahAn aham iti pravadanti jIvam.h .
j~nAnakriyA arthaphalarUpatayoH ushakti
     brahma eva bhAti sat asat cha tayoH para.n yat.h .. 37..
na AtmA jajAna na mariShyati na edhate asau
     na kShIyate savanavit vyabhichAriNA.n hi .
sarvatra shasvadanapAyi upalabdhimAtraM
     prANaH yathA indriyavalena vikalpita.n sat.h .. 38..
aNDeShu peshiShu taruShu avinishchiteShu
     prANaH hi jIvam upadhAvati tatra tatra .
sanne yat indriyagaNe ahami cha prasupte
     kUTasthaH AshayamR^ite tat anusmR^itiH naH .. 39..
yaH hi abja nAbha charaNa eShaNayoH ubhaktyA
     chetomalAni vidhamet guNakarmajAni .
tasmin vishuddhaH upalabhyataH Atmatattvam
     sAkShAt yathA amaladR^ishaH savitR^iprakAshaH .. 40..

karmayoga.n vadata naH puruShaH yena sa.nskR^itaH .
vidhUya iha Ashu karmANi naiShkarmya.n vindate param.h .. 41..
evaM prashnam R^iShin pUrvam apR^ichChaM pituH antike .
na abruvan brahmaNaH putrAH tatra kAraNam uchyatAm.h .. 42..
AvirhotraH uvAcha .
karma akarmavikarma iti vedavAdaH na laukikaH .
vedasya cha IshvaraAtmatvAt tatra muhyanti sUrayaH .. 43..
parokShavAdaH vedaH ayaM bAlAnAm anushAsanam.h .
karmamokShAya karmANi vidhatte hi agada.n yathA .. 44..
na Acharet yaH tu veda ukta.n svayam aj~naH ajitendriyaH .
vikarmaNA hi adharmeNa mR^ityoH mR^ityum upaiti saH .. 45..
veda uktam eva kurvANaH niHsa~NgaH arpitam Ishvare .
naiShkarmyA.n labhate siddhi.n rochanArthA phalashrutiH .. 46..
yaH Ashu hR^idayagranthi.n nirjihIShuH parAtmanaH .
vidhinA upacharet deva.n tantra uktena cha keshavam.h .. 47..
labdha anugrahaH AchAryAt tena sandarshitaAgamaH .
mahApuruSham abhyarchet mUrtyA abhimatayA AtmanaH .. 48..
shuchiH saMmukham AsInaH prANasa.nyamanaAdibhiH .
piNDa.n vishodhya sa.nnyAsakR^itarakShaH archayet harim.h .. 49..
archaAdau hR^idaye cha api yathAlabdha upachArakaiH .
dravyakShitiAtmali~NgAni niShpAdya prokShya cha Asanam.h
.. 50..
pAdyaAdIn upakalpyA atha sa.nnidhApya samAhitaH .
hR^it AdibhiH kR^itanyAsaH mUlamantreNa cha archayet.h .. 51..
sA~NgopA~NgA.n sapArShadA.n tA.n tAM mUrti.n svamantrataH .
pAdya arghyaAchamanIyaAdyaiH snAnavAsaHvibhUShaNaiH
.. 52..
gandhamAlyAkShatasragbhiH dhUpadIpahArakaiH .
sA~Nga.n sampUjya vidhivat stavaiH stutvA namet harim.h .. 53..
AtmA.n tanmaya.n dhyAyan mUrti.n sampUjayet hareH .
sheShAm AdhAya shirasi svadhAmni udvAsya satkR^itam.h .. 54..
evam agni arkatoyaAdau atithau hR^idaye cha yaH .
yajati Ishvaram AtmAnam achirAt muchyate hi saH .. 55..
iti shrImadbhAgavate mahApurANe pAramaha.nsyA.n
sa.nhitAyAmekAdashaskandhe nimijAyantasa.nvAde
mAyAkarmabrahmanirUpaNa.n tR^itIyo.adhyAyaH .. 3..
atha chaturtho.adhyAyaH .
rAjA uvAcha .
yAni yAni iha karmANi yaiH yaiH svachChandajanmabhiH .
chakre karoti kartA vA hariH tAni bruvantu naH .. 1..
drumilaH uvAcha .
yaH vA anantasya guNAn anantAn
     anukramiShyan saH tu bAlabuddhiH .
rajA.nsi bhUmeH gaNayet katha~nchit
     kAlena na eva akhilashaktidhAmnaH .. 2..
bhUtaiH yadA pa~nchabhiH AtmasR^iShTaiH
     pura.n virAja.n virachayya tasmin.h .
svA.nshena viShTaH puruShAbhidhAna
     mavApa nArAyaNaH AdidevaH .. 3..
yat kAyaH eShaH bhuvanatrayasa.nniveshaH
     yasya indriyaiH tanubhR^itAm ubhayaindriyANi .
j~nAna.n svataH shvasanataH balam ojaH IhA
     sattvaAdibhiH sthitilayaudbhavaH AdikartA .. 4..
Adau abhUt shatadhR^itI rajasa asya sarge
     viShNu sthitau kratupatiH dvijadharmasetuH .
rudraH api ayAya tamasA puruShaH saH AdyaH
     iti udbhavasthitilayAH satataM prajAsu .. 5..
dharmasya dakShaduhitaryajaniShTaH mUrtyA
     nArAyaNaH naraH R^iShipravaraH prashAntaH .
naiShkarmyalakShaNam uvAcha chachAra karma
     yaH adya api cha Asta R^iShivaryaniShevitA~NghriH .. 6..
indraH visha~Nkya mama dhAma jighR^ikShati iti
     kAma.n nyayu~Nkta sagaNa.n saH badariupAkhyam.h .
gatvA apsarogaNavasantasumandavAtaiH
     strIprekShaNa iShubhiH avidhyatat mahij~naH .. 7..
vij~nAya shakrakR^itam akramam AdidevaH
     prAha prahasya gatavismayaH ejamAnAn.h .
mA bhaiShTa bho madana mAruta devavadhvaH
     gR^ihNIta naH balim ashUnyam ima.n kurudhvam.h .. 8..
itthaM bruvati abhayade naradeva devAH
     savrIDanamrashirasaH saghR^iNam tam UchuH .
na etat vibho tvayi pare avikR^ite vichitram
     svArAmadhIH anikarAnatapAdapadme .. 9..
tvA.n sevatA.n surakR^itA bahavaH antarAyAH
     svauko vila~Nghya parama.n vrajatA.n pada.n te .
na anyasya barhiShi balIn dadataH svabhAgAn
     dhatte pada.n tvam avitA yadi vighnamUrdhni .. 10..
kShut tR^iTtrikAlaguNamArutajaivhyashaishnyAn
     asmAn apArajaladhIn atitIrya kechit.h .
krodhasya yAnti viphalasya vasha pade goH
     majjanti dushcharatapaH cha vR^ithA utsR^ijanti .. 11..
iti pragR^iNatA.n teShA.n striyaH ati adbhutadarshanAH .
darshayAmAsa shushrUShA.n svarchitAH kurvatIH vibhuH .. 12..
te deva anucharAH dR^iShTvA striyaH shrIH iva rUpiNIH .
gandhena mumuhuH tAsA.n rUpa audAryahatashriyaH .. 13..
tAn Aha devadeva IshaH praNatAn prahasan iva .
AsAm ekatamA.n vR^i~Ngdhva.n savarNA.n svargabhUShaNAm.h ..
14..
om iti Adesham AdAya natvA ta.n suravandinaH .
urvashIm apsaraHshreShThAM puraskR^itya diva.n yayuH .. 15..
indrAya Anamya sadasi shruNvatA.n tridivaukasAm.h .
UchuH nArAyaNabala.n shakraH tatra Asa vismitaH .. 16..
ha.nsasvarUpI avadadat achyutaH Atmayogam
     dattaH kumAra R^iShabhaH bhagavAn pitA naH .
viShNuH shivAya jagatA.n kalayA avatIrNaH
     tena AhR^itAH madhubhidA shrutayaH hayAsye .. 17..
guptaH api aye manuH ilA oShadhayaH cha mAtsye
     krauDe hataH ditijaH uddharatA ambhasaH kShmAm.h .
kaurme dhR^itaH adriH amR^ita unmathane svapR^iShThe
     grAhAt prapannamibharAjam amu~nchat Artam.h .. 18..
sa.nstunvataH abdhipatitAn shramaNAn R^iShI.n cha
     shakra.n cha vR^itravadhataH tamasi praviShTam.h .
devastriyaH asuragR^ihe pihitAH anAthAH
     jaghne asurendram abhayAya satA.n nR^isi.nhe .. 19..
deva asure yudhi cha daityapatIn surArthe
     hatvA antareShu bhuvanAni adadhAt kalAbhiH .
bhUtvA atha vAmanaH imAm aharat baleH kShmAm
     yA~nchAchChalena samadAt aditeH sutebhyaH .. 20..
niHkShatriyAm akR^ita gA.n cha triHsaptakR^itvaH
     rAmaH tu haihayakula api ayabhArgava agniH .
saH abdhiM babandha dashavaktram ahan sala~Nkam
     sItApatiH jayati lokam alaghnakIrtiH .. 21..
bhUmeH bhara avataraNAya yaduShi ajanmA jAtaH
     kariShyati suraiH api duShkarANi .
vAdaiH vimohayati yaj~nakR^itaH atadarhAn
     shUdrA.n kalau kShitibhujaH nyahaniShyadante .. 22..
eva.nvidhAni karmANi janmAni cha jagat pateH .
bhUrINi bhUriyashasaH varNitAni mahAbhuja .. 23..
iti shrImadbhagavate mahApurANe pAramaha.nsyA.n
sa.nhitAyAmekAdashaskandhe nimijAyantasa.nvAde
chaturtho.adhyAyaH .. 4..
atha pa~nchamo.adhyAyaH .
rAjA uvAcha .
bhagavanta.n hariM prAyaH na bhajanti AtmavittamAH .
teShAm ashAntakAmAnA.n kA niShThA avijitAtmanAm.h .. 1..
chamasaH uvAcha .
mukhabAhUrUpaAdebhyaH puruShasya AshramaiH saha .
chatvAraH jaj~nire varNAH guNaiH vipraAdayaH pR^ithak.h .. 2..
yaH eShAM puruSha.n sAkShAt Atmaprabhavam Ishvaram.h .
na bhajanti avajAnanti sthAnAt bhraShTAH patanti adhaH .. 3..
dUre harikathAH kechit dUre cha achyutakIrrtanAH .
striyaH shUdraAdayaH cha eva te anukampyA bhavAdR^ishAm.h .. 4..
vipraH rAjanyavaishyau cha hareH prAptAH padAntikam.h .
shrautena janmanA atha api muhyanti AmnAyavAdinaH .. 5..
karmaNi akovidAH stabdhAH mUrkhAH paNDitamAninaH .
vadanti chATukAt mUDhAH yayA mAdhvyA gira utsukAH .. 6..
rajasA ghorasa~NkalpAH kAmukAH ahimanyavaH .
dAmbhikAH mAninaH pApAH vihasanti achyutapriyAn.h .. 7..
vadanti te anyonyam upAsitastriyaH
     gR^iheShu maithunyasukheShu cha AshiShaH .
yajanti asR^iShTAn avidhAn adakShiNam
     vR^ittyai para.n ghnanti pashUn atadvidaH .. 8..
shriyA vibhUtyA abhijanena vidyayA
     tyAgena rUpeNa balena karmaNA
     sataH avamanyanti haripriyAn khalAH .. 9..
sarveShu shashvat tanubhR^it svavasthitam
     yathA svam AtmAnam abhIShTam Ishvaram.h .
vedopagIta.n cha na shruNvate abudhAH
     manorathAnAM pravadanti vArtayA .. 10..
loke vyavAya AmiSham adyasevA
     nityAH tu jantoH na hi tatra chodanA .
vyavasthitiH teShu vivAhayaj~na
     surAgrahaiH Asu nivR^ittiH iShTA .. 11..
dhana.n cha dharmaekaphala.n yataH vai
     j~nAna.n savij~nAnam anuprashAnti .
gR^iheShu yu~njanti kalevarasya
     mR^ityu.n na pashyanti durantavIryam.h .. 12..
yat ghrANabhakShaH vihitaH surAyAH
     tathA pashoH Alabhana.n na hi.nsA .
eva.n vyavAyaH prajayA na ratyA
     iama.n vishuddha.n na viduH svadharmam.h .. 13..
ye tu aneva.nvidaH asantaH stabdhAH sat abhimAninaH .
pashUn druhyanti visrabdhAH pretya khAdanti te cha tAn.h .. 14..
dviShantaH parakAyeShu svAtmAna.n harim Ishvaram.h .
mR^itake sAnubandhe asmin baddhasnehAH patanti adhaH .. 15..
ye kaivalyam asamprAptAH ye cha atItAH cha mUDhatAm.h .
traivargikAH hi akShaNikAH AtmAna.n ghAtayanti te .. 16..
etaH AtmahanaH ashAntAH aj~nAne j~nAnamAninaH .
sIdanti akR^itakR^ityAH vai kAladhvastamanorathAH .. 17..
hitvA AtyAya asarachitAH gR^iha apatyasuhR^it shriyaH .
tamaH vishanti anichChantaH vAsudevaparA~NmukhAH .. 18..
rAjA uvAcha .
kasmin kAle saH bhagavAn ki.n varNaH kIdR^ishaH nR^ibhiH .
nAmnA vA kena vidhinA pUjyate tat iha uchyatAm.h .. 19..
karabhAjanaH uvAcha .
kR^ita.n tretA dvApara.n cha kaliH ityeShu keshavaH .
nAnAvarNa abhidhaAkAraH nAnA eva vidhinA ijyate .. 20..
kR^ite shuklaH chaturbAhuH jaTilaH valkalAmbaraH .
kR^iShNAjinaupavItAkShAn bibhrat daNDakamaNDalUn.h .. 21..
manuShyAH tu tadA shAntAH nirvairAH suhR^idaH samAH .
yajanti tapasA deva.n shamena cha damena cha .. 22..
ha.nsaH suparNaH vaikuNThaH dharmaH yogeshvaraH amalaH .
IshvaraH puruShaH avyaktaH paramAtmA iti gIyate .. 23..
tretAyA.n raktavarNaH asau chaturbAhuH trimekhalaH .
hiraNyakeshaH trayI AtmA sruksruvaAdi upalakShaNaH .. 24..
ta.n tadA manujA deva.n sarvadevamaya.n harim.h .
yajanti vidyayA trayyA dharmiShThAH brahmavAdinaH .. 25..
viShNuH yaj~naH pR^iShNigarbhaH sarvadevaH urukramaH .
vR^iShAkapiH jayantaH cha urugAya iti Iryate .. 26..
dvApare bhagavAn shyAmaH pItavAsA nijAyudhaH .
shrIvatsaAdibhiH a~NkaiH cha lakShaNaiH upalakShitaH .. 27..
ta.n tadA puruShaM martyA mahArAjaupalakShaNam.h .
yajanti vedatantrAbhyAM para.n jij~nAsavaH nR^ipa .. 28..
namaH te vAsudevAya namaH sa~NkarShaNAya cha .
pradyumnAya aniruddhAya tubhyaM bhagavate namaH .. 29..
nArAyaNAya R^iShaye puruShAya mahAtmane .
vishveshvarAya vishvAya sarvabhUtaAtmane namaH .. 30..
iti dvAparaH urvIsha stuvanti jagadIshvaram.h .
nAnAtantravidhAnena kalau api yathA shruNu .. 31..
kR^iShNavarNa.n tviShAkR^iShNa.n sA~NgaupA~NgAstra
pArShadam.h .
yaj~naiH sa~NkIrtanaprAyaiH yajanti hi sumedhasaH .. 32..
dhyeya.n sadA paribhavaghnam abhIShTadoham
     tIrthAspada.n shivaviri~nchinuta.n sharaNyam.h .
bhR^ityArtihan praNatapAla bhavAbdhipotam
     vande mahApuruSha te charaNAravindam.h .. 33..
tyaktvA sudustyajasuraipsitarAjyalakShmIm
     dharmiShThaH AryavachasA yat agAt araNyam.h .
mAyAmR^iga.n dayitayA ipsitam anvadhAvat
     vande mahApuruSha te charaNAravindam.h .. 34..
eva.n yugAnurUpAbhyAM bhagavAn yugavartibhiH .
manujaiH ijyate rAjan shreyasAm IshvaraH hariH .. 35..
kali.n sabhAjayanti AryA guNaj~nAH sArabhAginaH .
yatra sa~NkIrtanena eva sarvaH svArthaH abhilabhyate .. 36..
na hi ataH paramaH lAbhaH dehinA.n bhrAmyatAm iha .
yataH vindeta paramA.n shAnti.n nashyati sa.nsR^itiH .. 37..
kR^itaAdiShu prajA rAjan kalau ichChanti sambhavam.h .
kalau khalu bhaviShyanti nArAyaNaparAyaNAH .. 38..
kvachit kvachit mahArAja draviDeShu cha bhUrishaH .
tAmraparNI nadI yatra kR^itamAlA payasvinI .. 39..
kAverI cha mahApuNyA pratIchI cha mahAnadI .
ye pibanti jala.n tAsAM manujA manujeshvara .
prAyaH bhaktAH bhagavati vAsudevaH amala AshayAH .. 40..
devarShibhUtaAptanR^iNA pitR^INA.m
     na ki~NkaraH na aya.n R^iNI cha rAjan.h .
sarvaAtmanA yaH sharaNa.n sharaNyam
     gataH mukundaM parihR^itya kartum.h .. 41..
svapAdamUlaM bhajataH priyasya
     tyaktAnyabhAvasya hariH pareshaH .
vikarma yat cha utpatita.n katha.nchit
     dhunoti sarva.n hR^idi sa.nniviShTaH .. 42..
nAradaH uvAcha .
dharmAn bhAgavatAn ittha.n shrutvA atha mithileshvaraH .
jAyanta iyAn munIn prItaH sopAdhyAyaH hi apUjayat.h .. 43..
tataH antaH dadhire siddhAH sarvalokasya pashyataH .
rAjA dharmAn upAtiShThan avApa paramA.n gatim.h .. 44..
tvam api etAn mahAbhAga dharmAn bhAgavatAn shrutAn.h .
AsthitaH shraddhayA yuktaH niHsa~NgaH yAsyase param.h .. 45..
yuvayoH khalu dampatyoH yashasA pUrita.n jagat.h .
putratAm agamat yat vA.n bhagavAn IshvaraH hariH .. 46..
darshanaAli~NganaAlApaiH shayanaAsanabhojanaiH .
AtmA vAM pAvitaH kR^iShNe putrasneha prakurvatoH .. 47..
vaireNa ya.n nR^ipatayaH shishupAlapauNDra
     shAlvaAdayaH gativilAsavilokanaAdayaiH .
dhyAyantaH AkR^itadhiyaH shayanaAsanaAdau
     tat sAmyam ApuH anuraktadhiyAM punaH kim.h .. 48..
mA apatyabuddhim akR^ithAH kR^iShNe sarvaAtmanaIshvare .
mAyAmanuShyabhAvena gUDha aishvarye pare avyaye .. 49..
bhUbhArarAjanyahantave guptaye satAm.h .
avatIrNasya nirvR^ityai yashaH loke vitanyate .. 50..
shrIshukaH uvAcha .
etat shrutvA mahAbhAgaH vasudevaH ativismitaH .
devakI cha mahAbhAgAH jahatuH moham AtmanaH .. 51..
itihAsam imaM puNya.n dhArayet yaH samAhitaH .
saH vidhUya iha shamalaM brahmabhUyAya kalpate .. 52..
iti shrImadbhAgavate mahApurANe pAramaha.nsyA.n
sa.nhitAyAmekAdashaskandhe vasudevanAradasa.nvAde
pa~nchamo.adhyAyaH .. 5..
atha ShaShTho.adhyAyaH .
shrIshukaH uvAcha .
atha brahmA AtmajaiH devaiH prajeshaiH AvR^itaH abhyagAt.h .
bhavaH cha bhUtabhavyaIshaH yayau bhUtagaNaiH vR^itaH .. 1..
indraH marudbhiH bhagavAn AdityAH vasavaH ashvinau .
R^ibhavaH a~NgirasaH rudrAH vishve sAdhyAH cha devatAH .. 2..
gandharvApsarasaH nAgAH siddhachAraNaguhyakAH .
R^iShayaH pitaraH cha eva savidyAdharakinnarAH .. 3..
dvArakAm upasa~njagmuH sarve kR^iShNaAdidR^ikShavaH .
vapuShA yena bhagavAn naralokamanoramaH .
yashaH vitene lokeShu sarvalokamalApaham.h .. 4..
tasyA.n vibhrAjamAnAyA.n samR^iddhAyAM mahardhibhiH .
vyachakShata avitR^iptAkShAH kR^iShNam adbhutadarshanam.h ..
5..
svargaudyAnauapagaiH mAlyaiH ChAdayantaH yadu uttamam.h .
gIrbhiH chitrapadArthAbhiH tuShTuvuH jagat Ishvaram.h ..6..
devAH UchuH .
natAH sma te nAtha padAravindaM
    buddhIndriyaprANamanovachobhiH .
yat chintyate antarhR^idi bhAvayuktaiH
    mumukShubhiH karmamaya UrupAshAt.h .. 7..
tvaM mAyayA triguNayA Atmani durvibhAvyaM
    vyakta.n sR^ijasi avasi lumpasi tat guNasthaH .
na etaiH bhavAn ajita karmabhiH ajyate vai
    yat sve sukhe avyavahite abhirataH anavadyaH .. 8..
shuddhiH nR^iNA.n na tu tathA IDya durAshayAnAM
    vidyAshrutAdhyayanadAnatapakriyAbhiH .
sattvaAtmanAm R^iShabha te yashasi pravR^iddha
    sat shraddhayA shravaNasambhR^itayA yathA syAt.h .. 9..
syAt naH tava a~NghriH ashubhAshayadhUmaketuH
    kShemAya yaH munibhiH ArdrahR^idauhyamAnaH .
yaH sAtvataiH samavibhUtayaH AtmavadbhiH
    vyUhe architaH savanashaH svaH atikramAya .. 10..
yaH chintyate prayatapANibhiH adhvarAgnau
     trayyA niruktavidhinA Isha haviH gR^ihItvA .
adhyAtmayogaH uta yogibhiH AtmamAyAM
     jij~nAsubhiH paramabhAgavataiH parIShTaH .. 11..
paryuShTayA tava vibho vanamAlayA iyaM
     sa.nspardhinI bhagavatI pratipatnivat shrIH .
yaH supraNItam amuyArhaNam Adat annaH
     bhUyAt sadA a~NghriH ashubhaAshayadhUmaketuH .. 12..
ketuH trivikramayutaH tripat patAkaH
     yaH te bhayAbhayakaraH asuradevachamvoH .
svargAya sAdhuShu khalu eShu itarAya bhUman.h
     pAdaH punAtu bhagavan bhajatAm adha.n naH .. 13..
nasyotagAvaH iva yasya vashe bhavanti
     brahmaAdayaH anubhR^itaH mithurardyamAnAH .
kAlasya te prakR^itipUruShayaoH parasya
     sha.n naH tanotu charaNaH puruShottamasya .. 14..
asya asi hetuH udayasthitisa.nyamAnAM
     avyaktajIvamahatAm api kAlam AhuH .
saH aya.n triNAbhiH akhila apachaye pravR^ittaH
     kAlaH gabhIrarayaH uttamapUruShaH tvam.h .. 15..
tvattaH pumAn samadhigamya yayA svavIrya
     dhatte mahAntam iva garbham amoghavIryaH .
saH aya.n tayA anugataH AtmanaH ANDakoshaM
     haima.n sasarja bahiH AvaraNaiH upetam.h .. 16..
tattasthuShaH cha jagataH cha bhavAn adhIshaH
     yat mAyayA utthaguNavikriyayA upanItAn.h .
arthAn juShan api hR^iShIkapate na liptaH
     ye anye svataH parihR^itAt api bibhyati sma .. 17..
smAyA avalokalavadarshitabhAvahAri
     bhrUmaNDalaprahitasauratamantrashauNDaiH .
patnyaH tu ShoDashasahasram ana~NgabANaiH
     yasya indriya.n vimathitu.n karaNaiH vibhvyaH .. 18..
vibhvyaH tava amR^itakathA udavahAH trilokyAH
     pAdau anejasaritaH shamalAni hantum.h .
Anushrava.n shrutibhiH a~Nghrijam a~Ngasa~NgaiH
     tIrthadvaya.n shuchiShadastaH upaspR^ishanti .. 19..
bAdarAyaNiH uvAcha .
iti abhiShTUya vibudhaiH seshaH shatadhR^itiH harim.h .
abhyabhAShata govindaM praNamya ambaram AshritaH .. 20..
brahma uvAcha .
bhUmeH bhAra avatArAya purA vij~nApitaH prabho .
tvam asmAbhiH asheShaAtman tat tathA eva upapAditam.h .. 21..
dharmaH cha sthApitaH satsu satyasandheShu vai tvayA .
kIrtiH cha dikShu vikShiptA sarvalokamalaApahA .. 22..
avatIrya yadoH va.nshe bibhrat rUpam anuttamam.h .
karmANi uddAmavR^ittAni hitAya jagataH akR^ithAH .. 23..
yAni te charitAni Isha manuShyAH sAdhavaH kalau .
shR^iNvantaH kIrtayantaH cha tariShyanti a~njasA tamaH .. 24..
yaduva.nshe avatIrNasya bhavataH puruShottama .
sharat shata.n vyatIyAya pa~nchavi.nsha adhikaM prabhoH .. 25..
na adhunA te akhila AdhAra devakArya avasheShitam.h .
kula.n cha viprashApena naShTaprAyam abhUt idam.h .. 26..
tataH svadhAma parama.n vishasva yadi manyase .
salokAn lokapAlAn naH pAhi vaikuNThaki~NkarAn.h .. 27..
shrI bhagavAn uvAcha .
avadhAritam etat me yadAttha vibudheshvara .
kR^ita.n vaH kAryam akhilaM bhUmeH bhAraH avatAritaH .. 28..
tat ida.n yAdavakula.n vIryashauryashriyoddhatam.h .
loka.n jighR^ikShat ruddhaM me velayA iva mahArNavaH .. 29..
yadi asa.nhR^itya dR^iptAnA.n yadunA.n vipula.n kulam.h .
gantAsmi anena lokaH ayam udvelena vina~NkShyati .. 30..
idAnI.n nAshaH ArabdhaH kulasya dvijashApataH .
yAsyAmi bhavanaM brahman na etat ante tava Anagha .. 31..
shrI shukaH uvAcha .
iti uktaH lokanAthena svayambhUH praNipatya tam.h .
saha devagaNaiH devaH svadhAma samapadyata .. 32..
atha tasyAM mahotpAtAn dvAravatyA.n samutthitAn.h .
vilokya bhagavAn Aha yaduvR^iddhAn samAgatAn.h .. 33..
shrI bhagavAn uvAcha .
ete vai sumahotpAtAH vyuttiShThanti iha sarvataH .
shApaH cha naH kulasya AsIt brAhmaNebhyaH duratyayaH .. 34..
na vastavyam iha asmAbhiH jijIviShubhiH AryakAH .
prabhAsa.n sumahat puNya.n yAsyAmaH adya eva mA chiram.h .. 35..
yatra snAtvA dakShashApAt gR^ihItaH yakShmaNauDurAT.h .
vimuktaH kilbiShAt sadyaH bheje bhUyaH kalodayam.h .. 36..
vaya.n cha tasmin Aplutya tarpayitvA pitR^InsurAn.h .
bhojayitvA ushijaH viprAn nAnAguNavatA andhasA .. 37..
teShu dAnAni pAtreShu shraddhayA uptvA mahAnti vai .
vR^ijinAni tariShyAmaH dAnaiH naubhiH iva arNavam.h .. 38..
shrI shukaH uvAcha .
evaM bhagavatA AdiShTAH yAdavAH kulanandana .
gantu.n kR^itadhiyaH tIrtha.n syandanAn samayUyujan.h .. 39..
tat nirIkShya uddhavaH rAjan shrutvA bhagavatA uditam.h .
dR^iShTvA ariShTAni ghorANi nitya.n kR^iShNam anuvrataH .. 40..
viviktaH upasa~Ngamya jagatAm Ishvareshvaram.h .
praNamya shirasA pAdau prA~njaliH tam abhAShata .. 41..
uddhavaH uvAcha .
devadevesha yogesha puNyashravaNakIrtana .
sa.nhR^itya etat kula.n nUna.n loka.n santyakShyate bhavAn.h .
viprashApa.n samarthaH api pratyahan na yadi IshvaraH .. 42..
na aha.n tava a~Nghrikamala.n kShaNArdham api keshava .
tyaktu.n samutsahe nAtha svadhAma naya mAm api .. 43..
tava vikrIDita.n kR^iShNa nR^iNAM paramama~Ngalam.h .
karNapIyUSham AsvAdya tyajati anyaspR^ihA.n janaH .. 44..
shayyaAsanATanasthAnasnAnakrIDAshanaAdiShu .
katha.n tvAM priyam AtmAna.n vayaM bhaktAH tyajemahi .. 45..
tvayA upabhuktasrakgandhavAsaH ala~NkAracharchitAH .
uchChiShTabhojinaH dAsAH tava mAyA.n jayemahi .. 46..
vAtAshanAH yaH R^iShayaH shramaNA UrdhvamanthinaH .
brahmaAkhya.n dhAma te yAnti shAntAH sa.nnyAsinaH amalAH ..
47..
vaya.n tu iha mahAyogin bhramantaH karmavartmasu .
tvat vArtayA tariShyAmaH tAvakaiH dustara.n tamaH .. 48..
smarantaH kIrtayantaH te kR^itAni gaditAni cha .
gatiutsmitaIkShaNakShveli yat nR^ilokaviDambanam.h .. 49..
shrI shukaH uvAcha .
eva.n vij~nApitaH rAjan bhagavAn devakIsutaH .
ekAntinaM priyaM bhR^ityam uddhava.n samabhAShata .. 50..
iti shrImadbhAgavate mahApurANe pAramaha.nsyA.n
sa.nhitAyAmekAdashaskandhe devastutyuddhvavij~nApana.n nAma
ShaShTho.adhyAyaH .. 6..
atha saptamo.adhyAyaH .
shrI bhagavAn uvAcha .
yat Attha mAM mahAbhAga tat chikIrShitam eva me .
brahmA bhavaH lokapAlAH svarvAsaM me abhikA~NkShiNaH .. 1..
mayA niShpAdita.n hi atra devakAryam asheShataH .
yadartham avatIrNaH aham a.nshena brahmaNArthitaH .. 2..
kula.n vai shApanirdagdha.n na~NkShyati anyonyavigrahAt.h .
samudraH saptame ahnhyetAM purI.n cha plAvayiShyati .. 3..
yaH hi eva ayaM mayA tyaktaH lokaH aya.n naShTama~NgalaH .
bhaviShyati achirAt sAdho kalinA.api nirAkR^itaH .. 4..
na vastavya.n tvayA eva iha mayA tyakte mahItale .
janaH adharmaruchiH bhadraH bhaviShyati kalau yuge .. 5..
tva.n tu sarvaM parityajya sneha.n svajanabandhuShu .
mayi Aveshya manaH samyak samadR^ik vicharasva gAm.h .. 6..
yat idaM manasA vAchA chakShurbhyA.n shravaNaAdibhiH .
nashvara.n gR^ihyamANa.n cha viddhi mAyAmanomayam.h .. 7..
pu.nsaH ayuktasya nAnArthaH bhramaH saH guNadoShabhAk.h .
karmAkarmavikarma iti guNadoShadhiyaH bhidA .. 8..
tasmAt yuktaindriyagrAmaH yuktachittaH ida.n jagat.h .
Atmani IkShasva vitatam AtmAnaM mayi adhIshvare .. 9..
j~nAnavij~nAnasa.nyuktaH AtmabhUtaH sharIriNAm.h .
AtmAnubhavatuShTaAtmA na antarAyaiH vihanyase .. 10..
doShabuddhyA ubhayAtItaH niShedhAt na nivartate .
guNabuddhyA cha vihita.n na karoti yathA arbhakaH .. 11..
sarvabhUtasuhR^it shAntaH j~nAnavij~nAnanishchayaH .
pashyan madAtmaka.n vishva.n na vipadyeta vai punaH .. 12..
shrI shukaH uvAcha .
iti AdiShTaH bhagavatA mahAbhAgavataH nR^ipa .
uddhavaH praNipatya Aha tattvajij~nAsuH achyutam.h .. 13..
uddhavaH uvAcha .
yogesha yogavinnyAsa yogAtma yogasambhava .
niHshreyasAya me proktaH tyAgaH sa.nnyAsalakShaNaH .. 14..
tyAgaH aya.n duShkaraH bhUman kAmAnA.n viShayaAtmabhiH .
sutarA.n tvayi sarvaAtman na abhaktaiH iti me matiH .. 15..
saH ahaM mama aham iti mUDhamatiH vigADhaH
     tvat mAyayA virachita Atmani sAnubandhe .
tat tu a~njasA nigaditaM bhavatA yathA aham
     sa.nsAdhayAmi bhagavan anushAdhi bhR^ityam.h .. 16..
satyasya te svadR^ishaH AtmanaH AtmanaH anyam
     vaktAram Isha vibudheShu api na anuchakShe .
sarve vimohitadhiyaH tava mAyayA ime
     brahmaAdayaH tanubhR^itaH bahiH arthabhAvaH .. 17..
tasmAt bhavantam anavadyam anantapAram
     sarvaj~nam Ishvaram akuNThavikuNThadhiShNi ayam.h .
nirviNNadhIH aham u ha vR^ijanAbhitaptaH
     nArAyaNa.n narasakha.n sharaNaM prapadye .. 18..
shrI bhagavAn uvAcha .
prAyeNa manujA loke lokatattvavichakShaNAH .
samuddharanti hi AtmAnam AtmanA eva ashubhaAshayAt.h .. 19..
AtmanaH guruH AtmA eva puruShasya visheShataH .
yat pratyakSha anumAnAbhyA.n shreyaH asau anuvindate .. 20..
puruShatve cha mA.n dhIrAH sA~NkhyayogavishAradAH .
AvistarAM prapashyanti sarvashakti upabR^i.nhitam.h .. 21..
ekadvitrichatuShpAdaH bahupAdaH tathA apadaH .
bahvyaH santi puraH sR^iShTAH tAsAM me pauruShI priyA .. 22..
atra mAM mArgayantyaddhAH yuktAH hetubhiH Ishvaram.h .
gR^ihyamANaiH guNaiH li~NgaiH agrAhyam anumAnataH .. 23..
atra api udAharanti imam itihAsaM purAtanam.h .
avadhUtasya sa.nvAda.n yadoH amitatejasaH .. 24..
avadhUta.n dvija.n ka~nchit charantam akutobhayam.h .
kavi.n nirIkShya taruNa.n yaduH paprachCha dharmavit.h .. 25..
yaduH uvAcha .
kutaH buddhiH iyaM brahman akartuH suvishAradA .
yAm AsAdya bhavAn loka.n vidvAn charati bAlavat.h .. 26..
prAyaH dharmArthakAmeShu vivitsAyA.n cha mAnavAH .
hetunA eva samIhante AyuShaH yashasaH shriyaH .. 27..
tva.n tu kalpaH kaviH dakShaH subhagaH amR^itabhAShaNaH .
na kartA nehase ki~nchit jaDaunmattapishAchavat.h .. 28..
janeShu dahyamAneShu kAmalobhadavAgninA .
na tapyase agninA muktaH ga~NgAmbhasthaH iva dvipaH .. 29..
tva.n hi naH pR^ichChatAM brahman Atmani AnandakAraNam.h .
brUhi sparshavihInasya bhavataH kevala AtmanaH .. 30..
shrI bhagavAn uvAcha .
yadunA evaM mahAbhAgaH brahmaNyena sumedhasA .
pR^iShTaH sabhAjitaH prAha prashraya avanata.n dvijaH .. 31..
brAhmaNaH uvAcha .
santi me guravaH rAjan bahavaH buddhyA upAshritAH .
yataH buddhim upAdAya muktaH aTAmi iha tAn shruNu .. 32..
pR^ithivI vAyuH AkAsham ApaH agniH chandramA raviH .
kapotaH ajagaraH sindhuH pata~NgaH madhukR^id gajaH .. 33..
madhuhA hariNaH mInaH pi~NgalA kuraraH arbhakaH .
kumArI sharakR^it sarpaH UrNanAbhiH supeshakR^it.h .. 34..
ete me guravaH rAjan chaturvi.nshatiH AshritAH .
shikShA vR^ittibhiH eteShAm anvashikSham iha AtmanaH .. 35..
yataH yat anushikShAmi yathA vA nAhuShaAtmaja .
tat tathA puruShavyAghra nibodha kathayAmi te .. 36..
bhUtaiH AkramANaH api dhIraH daivavashAnugaiH .
tat vidvAn na chalet mArgAt anvashikSha.n kShiteH vratam.h .. 37..
shashvat parArthasarvehaH parArtha ekAntasambhavaH .
sAdhuH shikSheta bhUbhR^ittaH nagashiShyaH parAtmatAm.h ..
38..
prANavR^ittyA eva santuShyet muniH na eva indriyapriyaiH .
j~nAna.n yathA na nashyeta na avakIryeta vA~NmanaH .. 39..
viShayeShu Avishan yogI nAnAdharmeShu sarvataH .
guNadoShavyapeta AtmA na viShajjeta vAyuvat.h .. 40..
pArthiveShu iha deheShu praviShTaH tat guNaAshrayaH .
guNaiH na yujyate yogI gandhaiH vAyuH iva AtmadR^ik.h .. 41..
antaH hitaH cha sthiraja~NgameShu
      brahma AtmabhAvena samanvayena .
vyAptya avachChedam asa~Ngam AtmanaH
      muniH nabhaH tva.n vitatasya bhAvayet.h .. 42..
tejaH abannamayaiH bhAvaiH megha AdyaiH vAyunA IritaiH .
na spR^ishyate nabhaH tadvat kAlasR^iShTaiH guNaiH pumAn.h ..
43..
svachChaH prakR^ititaH snigdhaH mAdhuryaH tIrthabhUH nR^iNAm.h .
muniH punAti apAM mitram IkSha upasparshakIrtanaiH .. 44..
tejasvI tapasA dIptaH durdharShaudarabhAjanaH .
sarvabhakShaH api yukta AtmA na Adatte malam agnivat.h .. 45..
kvachit shannaH kvachit spaShTaH upAsyaH shreyaH ichChatAm.h .
bhu~Nkte sarvatra dAtR^INA.n dahan prAk  uttara ashubham.h ..
46..
svamAyayA sR^iShTam ida.n sat asat lakShaNa.n vibhuH .
praviShTaH Iyate tat tat svarUpaH agniH iva edhasi .. 47..
visargAdyAH shmashAnAntAH bhAvAH dehasya na AtmanaH .
kalAnAm iva chandrasya kAlena avyaktavartmanA .. 48..
kAlena hi oghavegena bhUtAnAM prabhava api ayau .
nityau api na dR^ishyete AtmanaH agneH yathA archiShAm.h .. 49..
guNaiH guNAn upAdatte yathAkAla.n vimu~nchati .
na teShu yujyate yogI gobhiH gAH iva gopatiH .. 50..
budhyate svena bhedena vyaktisthaH iva tat gataH .
lakShyate sthUlamatibhiH AtmA cha avasthitaH arkavat.h .. 51..
na atisnehaH prasa~NgaH vA kartavyaH kva api kenachit.h .
kurvan vindeta santApa.n kapotaH iva dInadhIH .. 52..
kapotaH kashchana araNye kR^itanIDaH vanaspatau .
kapotyA bhAryayA sArdham uvAsa katichit samAH .. 53..
kapotau snehaguNitahR^idayau gR^ihadharmiNau .
dR^iShTi.n dR^iShTyA~Ngam a~Ngena buddhiM buddhyA babandhatuH ..
54..
shayyAsanATanasthAnavArtAkrIDAshanaAdikam.h .
mithunIbhUya visrabdhau cheratuH vanarAjiShu .. 55..
ya.n ya.n vA~nChati sA rAjan tarpayanti anukampitA .
ta.n ta.n samanayat kAma.n kR^ichChreNa api ajitaindriyaH .. 56..
kapotI prathama.n garbha.n gR^ihNati kAlaH Agate .
aNDAni suShuve nIDe svapatyuH sa.nnidhau satI .. 57..
teShU kAle vyajAyanta rachitAvayavA hareH .
shaktibhiH durvibhAvyAbhiH komalA~NgatanUruhAH .. 58..
prajAH pupuShatuH prItau dampatI putravatsalau .
shR^iNvantau kUjita.n tAsA.n nirvR^itau kalabhAShitaiH .. 59..
tAsAM patatraiH susparshaiH kUjitaiH mugdhacheShTitaiH .
pratyudgamaiH adInAnAM pitarau mudam ApatuH .. 60..
snehAnubaddhahR^idayau anyonya.n viShNumAyayA .
vimohitau dInadhiyau shishUn pupuShatuH prajAH .. 61..
ekadA jagmatuH tAsAm annArtha.n tau kuTumbinau .
paritaH kAnane tasmin arthinau cheratuH chiram.h .. 62..
dR^iShTvA tAn lubdhakaH kashchit yadR^ichCha ataH vanecharaH .
jagR^ihe jAlam Atatya charataH svAlayAntike .. 63..
kapotaH cha kapotI cha prajApoShe sadA utsukau .
gatau poShaNam AdAya svanIDam upajagmatuH .. 64..
kapotI svAtmajAn vIkShya bAlakAn jAlasa.nvR^itAn.h .
tAn abhyadhAvat kroshantI kroshataH bhR^ishaduHkhitA .. 65..
sA asakR^it snehaguNitA dInachittA ajamAyayA .
svaya.n cha abadhyata shichA baddhAn pashyanti apasmR^itiH .. 66..
kapotaH cha AtmajAn baddhAn AtmanaH api adhikAn priyAn.h .
bhAryA.n cha AtmasamA.n dInaH vilalApa atiduHkhitaH .. 67..
aho me pashyata apAyam alpapuNyasya durmateH .
atR^iptasya akR^itArthasya gR^ihaH traivargikaH hataH .. 68..
anurUpA anukUlA cha yasya me patidevatA .
shUnye gR^ihe mA.n santyajya putraiH svaryAti sAdhubhiH .. 69..
saH aha.n shUnye gR^ihe dInaH mR^itadAraH mR^itaprajaH .
jijIviShe kimartha.n vA vidhuraH duHkhajIvitaH .. 70..
tAn tathA eva AvR^itAn shigbhiH mR^ityugrastAn vicheShTataH .
svaya.n cha kR^ipaNaH shikShu pashyan api abudhaH apatat.h .. 71..
ta.n labdhvA lubdhakaH krUraH kapota.n gR^ihamedhinam.h .
kapotakAn kapotI.n cha siddhArthaH prayayau gR^iham.h .. 72..
eva.n kuTumbI ashAnta AtmA dvandva ArAmaH patat trivat.h .
puShNan kuTumba.n kR^ipaNaH sAnubandhaH avasIdati .. 73..
yaH prApya mAnuSha.n loka.n muktidvAram apAvR^itam.h .
gR^iheShu khagavat saktaH tam ArUDhachyuta.n viduH .. 74..
iti shrImadbhAgavate mahApurANe pAramaha.nsyA.n
sa.nhitAyAmekAdashaskandhe shrIkR^iShNoddhavasa.nvAde
yadvadhUtetihAse saptamo.adhyAyaH .. 7..
athAsshTamo.adhyAyaH .
sukham aindriyaka.n rAjan svarge narakaH eva cha .
dehinaH yat yathA duHkha.n tasmAt na ichCheta tat budhAH .. 1..
grAsa.n sumR^iShTa.n virasaM mahAnta.n stokam eva vA .
yadR^ichChayA eva apatita.n graset AjagaraH akriyaH .. 2..
shayIta ahAni bhUrINi nirAhAraH anupakramaH .
yadi na upanamet grAsaH mahAhiH iva diShTabhuk.h .. 3..
ojaH sahobalayutaM bibhrat deham akarmakam.h .
shayAnaH vItanidraH cha neheta indriyavAn api .. 4..
muniH prasannagambhIraH durvigAhyaH duratyayaH .
anantapAraH hi akShobhyaH stimita udaH iva arNavaH .. 5..
samR^iddhakAmaH hInaH vA nArAyaNaparaH muniH .
na utsarpeta na shuShyeta saridbhiH iva sAgaraH .. 6..
dR^iShTvA striya.n devamAyA.n tat bhAvaiH ajitendriyaH .
pralobhitaH patati andhe tamasi agnau pata~Ngavat.h .. 7..
yoShit hiraNya AbharaNa ambarAdi\
     dravyeShu mAyArachiteShu mUDhaH .
pralobhitAtmA hi upabhogabuddhyA
     pata~Ngavat nashyati naShTadR^iShTiH .. 8..
stoka.n stoka.n graset grAsa.n dehaH varteta yAvatA .
gR^ihAn ahi.nsat na AtiShThet vR^ittiM mAdhukarIM muniH .. 9..
aNubhyaH cha mahadbhyaH cha shAstrebhyaH kushalaH naraH .
sarvataH sAram AdadyAt puShpebhyaH iva ShaTpadaH .. 10..
sAyantana.n shvastana.n vA na sa~NgR^ihNIta bhikShitam.h .
pANipAtra udarAmatraH makShikA iva na sa~NgrahI .. 11..
sAyantana.n shvastana.n vA na sa~NgR^ihNIta bhikShukaH .
makShikAH iva sa~NgR^ihNan saha tena vinashyati .. 12..
pada api yuvatIM bhikShuH na spR^ishet dAravIm api .
spR^ishan karIva badhyeta kariNyA a~Ngasa~NgataH .. 13..
na adhigachChet striyaM prAj~naH karhichit mR^ityum AtmanaH .
bala adhikaiH sa hanyeta gajaiH anyaiH gajaH yathA .. 14..
na deya.n na upabhogya.n cha lubdhaiH yat duHkha sa~nchitam.h .
bhu~Nkte tat api tat cha anyaH madhuheva arthavit madhu .. 15..
sukha duHkha upArjitaiH vittaiH AshAsAnA.n gR^iha AshiShaH .
madhuheva agrataH bhu~Nkte yatiH vai gR^ihamedhinAm.h .. 16..
grAmyagIta.n na shruNuyAt yatiH vanacharaH kvachit.h .
shikheta hariNAt vaddhAt mR^igayoH gItamohitAt.h .. 17..
nR^ityavAditragItAni juShan grAmyANi yoShitAm.h .
AsA.n krIDanakaH vashyaH R^iShyashR^i~NgaH mR^igIsutaH .. 18..
jihvayA atipramAthinyA janaH rasavimohitaH .
mR^ityum R^ichChati asat buddhiH mInaH tu baDishaiH yathA .. 19..
indriyANi jayanti AshuH nirAhArAH manIShiNaH .
varjayitvA tu rasana.n tat nirannasya vardhate .. 20..
tAvat jitendriyaH na syAt vijitAni indriyaH pumAn.h .
na jayet rasana.n yAvat jita.n sarva.n jite rase .. 21..
pi~NgalA nAma veshyA AsIt videhanagare purA .
tasyA me shikShita.n ki~nchit nibodha nR^ipanandana .. 22..
sA svairiNyekadA kAnta.n sa~Nketa upaneShyatI .
abhUtkAle bahirdvAri bibhratI rUpamuttamam.h .. 23..
mArga AgachChato vIkShya puruShAnpuruSharShabha .
tAn shulkadAnvittavataH kAntAnmene.arthakAmukA .. 24..
AgateShvapayAteShu sA sa~NketopajIvanI .
apyanyo vittavAnko.api mAmupaiShyati bhUridaH .. 25..
eava.n durAshayA dhvastanidrA dvAryavalambatI .
nirgachChantI pravishatI nishItha.n samapadyata .. 26..
tasyA vittAshayA shuShyadvaktrAyA dInachetasaH .
nirvedaH paramo jaj~ne chintAhetuH sukhAvahaH .. 27..
tasyA nirviNNachittAyA gIta.n shruNu yathA mama .
nirveda AshApAshAnAM puruShasya yathA hyasiH .. 28..
na hi a~NgAjAtanirvedaH dehabandha.n jihAsati .
yathA vij~nAnarahitaH manujaH mamatA.n nR^ipa .. 29..
pi~NgalA uvAcha .
aho me mohavitatiM pashyata avijita AtmanaH .
yA kAntAt asataH kAma.n kAmaye yena bAlishA .. 30..
santa.n samIpe ramaNa.n ratipradaM
     vittaprada.n nityam ima.n vihAya .
akAmada.n duHkhabhaya Adi shoka
     mohaprada.n tuchCham ahaM bhaje aj~nA .. 31..
aho mayAtmA paritApito vR^ithA
     sA~NketyavR^ittyA.ativigarhyavArtayA .
straiNAnnarAdyA.arthatR^iSho.anushochyA
     tkrItena vitta.n ratimAtmanechChatI .. 32..
yadasthibhirnirmitava.nshava.nshya
     sthUNa.n tvachA romanakhaiH pinaddham.h .
kSharannavadvAramagArametad
     viNmUtrapUrNaM madupaiti kAnyA .. 33..
videhAnAM pure hyasminnahamekaiva mUDhadhIH .
yA.anyasmichChantyasatyasmAdAtmadAtkAmamachyutAt.h .. 34..
suhR^itpreShThatamo nAtha AtmA chAya.n sharIriNAm.h .
ta.n vikrIyAtmanaivAha.n rame.anena yathA ramA .. 35..
kiyatpriya.n te vyabhajankAmA ye kAmadA narAH .
Adyantavanto bhAryAyA devA vA kAlavidrutAH .. 36..
nUnaM me bhagavAn prItaH viShNuH kena api karmaNA .
nirvedaH aya.n durAshAyA yat me jAtaH sukhAvahaH .. 37..
maiva.n syurmandabhagyAyAH kleshA nirvedahetavaH .
yenAnubandha.n nihR^itya puruShaH shamamR^ichChati .. 38..
tena upakR^itam AdAya shirasA grAmyasa~NgatAH .
tyaktvA durAshAH sharaNa.n vrajAmi tam adhIshvaram.h .. 39..
santuShTA shraddadhatyetadyathAlAbhena jIvatI .
viharAmyamunaivAhamAtmanA ramaNena vai .. 40..
sa.nsArakUpe patita.n viShayairmuShitekShaNam.h .
grasta.n kAlAhinA.a.atmAna.n ko.anyastrAtumadhIshvaraH .. 41..
AtmA eva hi AtmanaH goptA nirvidyeta yadAkhilAt.h .
apramattaH idaM pashyat grasta.n kAlAhinA jagat.h .. 42..
brAhmaNa uvAcha .
eava.n vyavasitamatirdurAshA.n kAntatarShajAm.h .
ChitvopashamamAsthAya shayyAmupavivesha sA .. 43..
AshA hi parama.n duHkha.n nairAshyaM parama.n sukham.h .
yathA sa.nChidya kAntAshA.n sukha.n suShvApa pi~NgalA .. 44..
iti shrImadbhAgavate mahApurANe pAramaha.nsyA.n
sa.nhitAyAmekAdashaskandhe pi~NgalopAkhyA.aneShTamo.adhyAyaH
.. 8..
atha navamo.adhyAyaH .
brAhmaNaH uvAcha .
parigrahaH hi duHkhAya yat yat priyatama.n nR^iNAm.h .
ananta.n sukham Apnoti tat vidvAn yaH tu aki~nchanaH .. 1..
sAmiSha.n kurara.n jaghnuH balinaH ye nirAmiShAH .
tat AmiShaM parityajya saH sukha.n samavindata .. 2..
na me mAnAvamAnau staH na chintA gehaputriNAm.h .
AtmakrIDaH AtmaratiH vicharAmi iha bAlavat.h .. 3..
dvau eva chintayA muktau parama AnandaH Aplutau .
yaH vimugdhaH jaDaH bAlaH yaH guNebhyaH para.n gataH .. 4..
kvachit kumArI tu AtmAna.n vR^iNAnAn gR^iham AgatAn.h .
svaya.n tAn arhayAmAsa kvApi yAteShu bandhuShu .. 5..
teSham abhyavahArArtha.n shAlIn rahasi pArthiva .
avaghnantyAH prakoShThasthAH chakruH sha~NkhAH svanaM mahat.h ..
6..
sA tat jugupsitaM matvA mahatI vrIDitA tataH .
babha~nja ekaikashaH sha~NkhAn dvau dvau pANyoH asheShayat.h ..
7..
ubhayoH api abhUt ghoShaH hi avaghnantyAH sma sha~NkhayoH .
tatra api eka.n nirabhidat ekasmAn na abhavat dhvaniH .. 8..
anvashikSham ima.n tasyAH upadesham arindama .
lokAn anucharan etAn lokatattvavivitsayA .. 9..
vAse bahUnA.n kalahaH bhavet vArtA dvayoH api .
ekaH eva charet tasmAt kumAryAH iva ka~NkaNaH .. 10..
manaH ekatra sa.nyujyAt jitashvAsaH jita AsanaH .
vairAgyAbhyAsayogena dhriyamANam atandritaH .. 11..
yasmin manaH labdhapada.n yat etat
    shanaiH shanaiH mu~nchati karmareNUn.h .
sattvena vR^iddhena rajaH tamaH cha
    vidhUya nirvANam upaiti anindhanam.h .. 12..
tat evam Atmani avaruddhachittaH
    na veda ki~nchit bahiH antara.n vA .
yathA iShukAraH nR^ipati.n vrajantam
    iShau gatAtmA na dadarsha pArshve .. 13..
ekachAryaniketaH syAt apramattaH guhAshayaH .
alakShyamANaH AchAraiH muniH ekaH alpabhAShaNaH .. 14..
gR^ihArambhaH atiduHkhAya viphalaH cha adhruvAtmanaH .
sarpaH parakR^ita.n veshma pravishya sukham edhate .. 15..
eko nArAyaNo devaH pUrvasR^iShTa.n svamAyayA .
sa.nhR^itya kAlakalayA kalpAnta idamIshvaraH .. 16..
eka evAdvitIyo.abhUdAtmAdhAro.akhilAshrayaH .
kAlenAtmAnubhAvena sAmya.n nItAsu shaktiShu .
sattvAdiShvAdipueruShaH pradhAnapuruSheshvaraH .. 17..
parAvarANAM parama Aste kaivalyasa.nj~nitaH .
kevalAnubhavAnandasandoho nirupAdhikaH .. 18..
kevalAtmAnubhAvena svamAyA.n triguNAtmikAm.h .
sa.nkShobhayansR^ijatyAdau tayA sUtramarindama .. 19..
tAmAhustriguNavyakti.n sR^ijantI.n vishvatomukham.h .
yasminprotamida.n vishva.n yena sa.nsarate pumAn.h .. 20..
yathA UrNanAbhiH hR^idayAt UrNA.n santatya vaktrataH .
tayA vihR^itya bhUyastAM grasati evaM maheshvaraH .. 21..
yatra yatra manaH dehI dhArayet sakala.n dhiyA .
snehAt dveShAt bhayAt vA api yAti tat tat sarUpatAm.h .. 22..
kITaH peshaskR^ita.n dhyAyan kuDyA.n tena praveshitaH .
yAti tat ssatmatA.n rAjan pUrvarUpam asantyajan.h .. 23..
eva.n gurubhyaH etebhyaH eSha me shikShitA matiH .
svAtmA upashikShitAM buddhi.n shruNu me vadataH prabho .. 24..
dehaH guruH mama viraktivivekahetuH
     bibhrat sma sattvanidhana.n satata artyut arkam.h .
tattvAni anena vimR^ishAmi yathA tathA api
     pArakyam iti avasitaH vicharAmi asa~NgaH .. 25..
jAyAtmajArthapashubhR^ityagR^ihAptavargAn.h
     puShNAti yat priyachikIrShayA vitanvan.h ..
svAnte sakR^ichChram avaruddhadhanaH saH dehaH
     sR^iShTvA asya bIjam avasIdati vR^ikShadharmA .. 26..
jihvA ekataH amum avakarShati karhi tarShA
     shishnaH anyataH tvak udara.n shravaNa.n kutashchit.h .
grANaH anyataH chapaladR^ik kva cha karmashaktiH
     bahvyaH sapatnyaH iva gehapati.n lunanti .. 27..
sR^iShTvA purANi vividhAni ajayA AtmashaktyA
     vR^ikShAn sarIsR^ipapashUnkhagada.nshamatsyAn.h .
taiH taiH atuShTahR^idayaH puruSha.n vidhAya
     brahmAvalokadhiShaNaM mudamApa devaH .. 28..
labdhvA sudurlabham idaM bahusambhavAnte
     mAnuShyamarthadamanityamapIha dhIraH .
tUrNa.n yateta na patet anumR^ityuH yAvat.h
     niHshreyasAya viShayaH khalu sarvataH syAt.h .. 29..
eva.n sa~njAtavairAgyaH vij~nAnaloka Atmani .
vicharAmi mahIm etAM muktasa~NgaH anaha~NkR^itiH .. 30..
na hi ekasmAt guroH j~nAna.n susthira.n syAt supuShkalam.h .
brahma etat advitIya.n vai gIyate bahudhA R^iShibhiH .. 31..
shrIbhagavAnuvAcha .
ityuktvA sa yadu.n viprastamAmantraya gabhIradhIH .
vandito.Abhyarthito rAj~nA yayau prIto yathAgatam.h .. 32..
avadhUtavachaH shrutvA pUrveShA.n naH sa pUrvajaH .
sarvasa~NgavinirmuktaH samachitto babhUva ha .. 33..
iti shrImadbhAgavate mahApurANe pAramaha.nsyA.n
sa.nhitAyAmekAdashaskandhe bhagavaduddhavasa.nvAde
navamo.adhyAyaH .. 9..
atha dashamo.adhyAyaH .
shrIbhagavAn uvAcha .
mayA uditeShu avahitaH svadharmeShu madAshrayaH .
varNAshramakula AchAram akAmAtmA samAcharet.h .. 1..
anvIkSheta vishuddhAtmA dehinA.n viShayAtmanAm.h .
guNeShu tattvadhyAnena sarvArambhaviparyayam.h .. 2..
suptasya viShayAlokaH dhyAyataH vA manorathaH .
nAnAmakatvAt viphalaH tathA bhedAtmadIH guNaiH .. 3..
nivR^itta.n karma seveta pravR^ittaM matparaH tyajet.h .
jij~nAsAyA.n sampravR^ittaH na adriyet karma chodanAm.h .. 4..
yamAnabhIkShNa.n seveta niyamAn matparaH kvachit.h .
madabhij~na.n gur.n shAntam upAsIta madAtmakam.h .. 5..
amAnyamatsaraH dakShaH nirmamaH dR^iDhasauhR^idaH .
asatvaraH arthajij~nAsuH anasUyauH amoghavAk.h .. 6..
jAyApatyagR^ihakShetrasvajanadraviNa AdiShu .
udAsInaH samaM pashyan sarveShu artham iva AtmanaH .. 7..
vilakShaNaH sthUlasUkShmAt dehAt AtmekShitA svadR^ik.h .
yathAgniH dAruNaH dAhyAt dAhakaH anyaH prakAshakaH .. 8..
nirodha utpatti aNu bR^ihan nAnAtva.n tatkR^itAn guNAn.h .
antaH praviShTaH AdhattaH eva.n dehaguNAn paraH .. 9..
yaH asau guNaiH virachitaH dehaH ayaM puruShasya hi .
sa.nsAraH tat nibandhaH ayaM pu.nsaH vidyAt ChidAtmanaH .. 10..
tasmAt jij~nAsayA AtmAnam AtmasthaM param.h .
sa~Ngamya niraset etat vastubuddhi.n yathAkramam.h .. 11..
AchAryaH araNiH AdyaH syAt antevAsi uttara araNiH .
tat sandhAnaM pravachana.n vidyA sandhiH sukhAvahaH .. 12..
vaishAradI sA ativishuddhabuddhiH
     dhunoti mAyA.n guNasamprasUtAm.h .
guNAn cha sandahya yat Atmam etat
     svaya.n cha shAmyati asamid yathA agniH .. 13..
atha eShA.n karmakartR^INAM bhoktR^INA.n sukhaduHkhayoH .
nAnAtvam atha nityatva.n lokakAlAgama AtmanAm.h .. 14..
manyase sarvabhAvAnA.n sa.nsthA hi autpattikI yathA .
tat tat AkR^itibhedena jAyate bhidyate cha dhIH .. 15..
evam api a~Nga sarveShA.n dehinA.n dehayogataH .
kAla avayavataH santi bhAvA janmAdayoH asakR^it.h .. 16..
atra api karmaNA.n kartuH asvAtantrya.n cha lakShyate .
bhoktuH cha duHkhasukhayoH kaH anvarthaH vivashaM bhajet.h .. 17..
na dehinA.n sukha.n ki~nchit vidyate viduShAm api .
tathA cha duHkhaM mUDhAnA.n vR^ithA aha~NkaraNaM param.h .. 18..
yadi prApti.n vighAta.n cha jAnanti sukhaduHkhayoH .
te api addhA na viduH yoga.n mR^ityuH na prabhavet yathA .. 19..
kaH anvarthaH sukhayati ena.n kAmaH vA mR^ityuH antike .
AghAta.n nIyamAnasya vadhyasi eva na tuShTidaH .. 20..
shruta.n cha dR^iShTavat duShTa.n spardhA asUyA atyayavyayaiH .
bahu antarAya kAmatvAt kR^iShivat cha api niShphalam.h .. 21..
antarAyaiH avihataH yadi dharmaH svanuShThitaH .
tenApi nirjita.n sthAna.n yathA gachChati tat shruNu .. 22..
iShtvA iha devatAH yaj~naiH svarloka.n yAti yAj~nikaH .
bhu~njIta devavat tatra bhogAn divyAn nija arjitAn.h .. 23..
svapuNya upachite shubhre vimAnaH upagIyate .
gandharvaiH viharanmadhye devInA.n hR^idyaveShadhR^ik.h .. 24..
strIbhiH kAmagayAnena ki~NkiNIjAlamAlinA .
krIDan na veda AtmapAta.n surAkrIDeShu nirvR^itaH .. 25..
tAvat pramodate svarge yAvat puNya.n samApyate .
kShINapuNyaH patati arvAk anichChan kAlachAlitaH .. 26..
yadi adharmarataH sa~NgAt asatA.n vA ajitendriyaH .
kAmAtmA kR^ipaNaH lubdhaH straiNaH bhUtavihi.nsakaH .. 27..
pashUn avidhinA Alabhya pretabhUtagaNAn yajan.h .
narakAn avashaH jantuH gatvA yAti ulbaNa.n tamaH .. 28..
karmANi duHkha udarkANi kurvan dehena taiH punaH .
deham Abhajate tatra ki.n sukhaM martyadharmiNaH .. 29..
lokAnA.n loka pAlAnAM madbhaya.n kalpajIvinAm.h .
brahmaNaH api bhayaM mattaH dviparAdhapara AyuShaH .. 30..
guNAH sR^ijanti karmANi guNaH anusR^ijate guNAn.h .
jIvaH tu guNasa.nyuktaH bhu~Nkte karmaphalAni asau .. 31..
yAvat syAt guNavaiShamya.n tAvat nAnAtvam AtmanaH .
nAnAtvam AtmanaH yAvat pAratantrya.n tadA eva hi .. 32..
yAvat asya asvatantratva.n tAvat IshvarataH bhayam.h .
yaH etat samupAsIran te muhyanti shuchArpitAH .. 33..
kAlaH AtmA AgamaH lokaH svabhAvaH dharmaH eva cha .
iti mAM bahudhA prAhuH guNavyatikare sati .. 34..
uddhavaH uvAcha  .
guNeShu vartamAnaH api dehajeShu anapAvR^itAH .
guNaiH na badhyate dehI badhyate vA katha.n vibho .. 35..
katha.n varteta viharet kaiH vA j~nAyeta lakShaNaiH .
kiM bhu~njIta uta visR^ijet shayIta AsIta yAti vA .. 36..
etat achyuta me brUhi prashna.n prashnavidA.n vara .
nityamuktaH nityabaddhaH ekaH eva iti me bhramaH .. 37..
iti shrImadbhAgavate mahApurANe pAramaha.nsyA.n
sa.nhitAyAmekAdashaskandhe bhagavaduddhavasa.nvAde
dashamo.adhyAyaH .. 10..
atha ekAdasho.adhyAyaH .
shrIbhagavAn uvAcha .
baddhaH muktaH iti vyAkhyA guNataH me na vastutaH  .
guNasya mAyAmUlatvAt na me mokShaH na bandhanam.h .. 1..
shokamohau sukha.n duHkha.n dehApattiH cha mAyayA .
svapnaH yathA AtmanaH khyAtiH sa.nsR^itiH na tu vAstavI .. 2..
vidyA avidye mama tanU viddhi uddhava sharIriNAm.h .
mokShabandhakarI Adye mAyayA me vinirmite .. 3..
ekasya eva mama a.nshasya jIvasya eva mahAmate .
bandhaH asya avidyayA anAdiH vidyayA cha tathA itaraH .. 4..
atha baddhasya muktasya vailakShaNya.n vadAmi te .
viruddhadharmiNoH tAta sthitayoH ekadharmiNi .. 5..
suparNau etau sadR^ishau sakhAyau
     yadR^ichChayA etau kR^itanIDau cha vR^ikShe .
ekaH tayoH khAdati pippalAnnam
     anyaH nirannaH api balena bhUyAn.h .. 6..
AtmAnam anya.n cha saH veda vidvAn
     apippalAdaH na tu pippalAdaH .
yaH avidyayA yuk sa tu nityabaddhaH
     vidyAmayaH yaH sa tu nityamuktaH .. 7..
dehasthaH api na dehasthaH vidvAn svapnAt yathA utthitaH .
adehasthaH api dehasthaH kumatiH svapnadR^ik yathA .. 8..
indriyaiH indriyArtheShu guNaiH api guNeShu cha .
gR^ihyamANeShu aha~NkuryAt na vidvAn yaH tu avikriyaH .. 9..
daivAdhIne sharIre asmin guNabhAvyena karmaNA .
vartamAnaH abudhaH tatra kartA asmi iti nibadhyate .. 10..
eva.n viraktaH shayanaH AsanATanamajjane .
darshanasparshanaghrANabhojanashravaNaAdiShu .. 11..
na tathA badhyate vidvAn tatra tatra Adayan guNAn.h .
prakR^itisthaH api asa.nsaktaH yathA kha.n savitA anilaH .. 12..
vaishAradyekShayA asa~NgashitayA Chinnasa.nshayaH .
pratibuddhaH iva svapnAt nAnAtvAt vinivartate .. 13..
yasya syuH vItasa~NkalpAH prANendriyamanodhiyAm.h .
vR^ittayaH saH vinirmuktaH dehasthaH api hi tat guNaiH .. 14..
yasya AtmA hi.nsyate hi.nsryaiH yena ki~nchit yadR^ichChayA .
archyate vA kvachit tatra na vyatikriyate budhaH .. 15..
na stuvIta na nindeta kurvataH sAdhu asAdhu vA .
vadataH guNadoShAbhyA.n varjitaH samadR^ik muniH .. 16..
na kuryAt na vadet ki~nchit na dhyAyet sAdhu asAdhu vA .
AtmArAmaH anayA vR^ittyA vicharet jaDavat muniH .. 17..
shabdabrahmaNi niShNAtaH na niShNAyAt pare yadi .
shramaH tasya shramaphalaH hi adhenum iva rakShataH .. 18..
gA.n dugdhadohAm asatI.n cha bhAryAm
     dehaM parAdhInam asatprajA.n cha .
vitta.n tu atIrthIkR^itam a~Nga vAcham
     hInAM mayA rakShati duHkhaduHkhI .. 19..
yasyA.n na me pAvanam a~Nga karma
     sthitiudbhavaprANa nirodhanam asya .
lIlAvatAraIpsitajanma vA syAt
     bandhyA.n gira.n tAM bibhR^iyAt na dhIraH .. 20..
eva.n jij~nAsayA apohya nAnAtvabhramam Atmani .
upArameta virajaM manaH mayi arpya sarvage .. 21..
yadi anIshaH dhArayituM manaH brahmaNi nishchalam.h .
mayi sarvANi karmANi nirapekShaH samAchara .. 22..
shraddhAluH me kathAH shR^iNvan subhadrA lokapAvanIH .
gAyan anusmaran karma janma cha abhinayan muhuH .. 23..
madarthe dharmakAmArthAn Acharan madapAshrayaH .
labhate nishchalAM bhaktiM mayi uddhava sanAtane .. 24..
satsa~NgalabdhayA bhaktyA mayi mA.n saH upAsitA .
saH vai me darshita.n sadbhiH a~njasA vindate padam.h .. 25..
uddhava uvAcha .
sAdhuH tava uttamashloka mataH kIdR^igvidhaH prabho .
bhaktiH tvayi upayujyeta kIdR^ishI sadbhiH AdR^itA .. 26..
etat me puruShAdhyakSha lokAdhyakSha jagat prabho .
praNatAya anuraktAya prapannAya cha kathyatAm.h .. 27..
tvaM brahma parama.n vyoma puruShaH prakR^iteH paraH .
avatIrNaH asi bhagavan svechChAupAttapR^ithak vapuH .. 28..
shrIbhagavAn uvAcha .
kR^ipAluH akR^itadrohaH titikShuH sarvadehinAm.h .
satyasAraH anavadyAtmA samaH sarvopakArakaH .. 29..
kAmaiH ahatadhIH dAntaH mR^iduH shuchiH aki~nchanaH .
anIhaH mitabhuk shAntaH sthiraH mat sharaNaH muniH .. 30..
apramattaH gabhIrAtmA dhR^itimA~njitaShaDguNaH .
amAnI mAnadaH kalpaH maitraH kAruNikaH kaviH .. 31..
Aj~nAya eva.n guNAn doShAnmayAdiShTAn api svakAn.h .
dharmAn santyajya yaH sarvAn mAM bhajeta saH sattamaH .. 32..
j~nAtvA aj~nAtvA atha ye vai mA.n yAvAn yaH cha asmi
yAdR^ishaH .
bhajanti ananyabhAvena te me bhaktatamAH matAH .. 33..
malli~NgamadbhaktajanadarshanasparshanArchanam.h .
paricharyA stutiH prahvaguNakarma anukIrtanam.h .. 34..
matkathAshravaNe shraddhA mat anudhyAnam uddhava .
sarvalAbha upaharaNa.n dAsyena Atmanivedanam.h .. 35..
majjanmakarmakathanaM mama parvAnumodanam.h .
gItatANDavavAditragoShThIbhiH madgR^iha utsavaH .. 36..
yAtrA balividhAna.n cha sarvavArShikaparvasu .
vaidikI tAntrikI dIkShA madIyavratadhAraNam.h .. 37..
mama archAsthApane shraddhA svataH sa.nhatya cha udyamaH .
udyAna upavanAkrIDapuramandirakarmaNi . 38..
saMmArjana upalepAbhyA.n sekamaNDalavartanaiH .
gR^ihashushrUShaNaM mahya.n dAsavadyadamAyayA .. 39..
amAnitvam adambhitva.n kR^itasya aparikIrtanam.h .
api dIpAvalokaM me na upayu~njyAt niveditam.h .. 40..
yat yat iShTatama.n loke yat cha atipriyam AtmanaH .
tat tat nivedayet mahya.n tat AnantyAya kalpate .. 41..
sUryaH agniH brAhmaNaH gAvaH vaiShNavaH khaM marut jalam.h .
bhUH AtmA sarvabhUtAni bhadra pUjApadAni me .. 42..
sUrye tu vidyayA trayyA haviShAgnau yajeta mAm.h .
Atithyena tu viprAgryaH goShva~Nga yavasAdinA .. 43..
vaiShNave bandhusatkR^ityA hR^idi khe dhyAnaniShThayA .
vAyau mukhyadhiyA toye dravyaiH toyapuraskR^itaiH .. 44..
sthaNDile mantrahR^idayaiH bhogaiH AtmAnam Atmani .
kShetraj~na.n sarvabhUteShu samatvena yajeta mAm.h .. 45..
dhiShNyeShu eShu iti madrUpa.n sha~NkhachakragadAmbujaiH .
yukta.n chaturbhuja.n shAnta.n dhyAyan archet samAhitaH .. 46..
iShTApUrtena mAm eva.n yaH yajeta samAhitaH .
labhate mayi sadbhaktiM matsmR^itiH sAdhusevayA .. 47..
prAyeNa bhaktiyogena satsa~Ngena vinA uddhava .
na upAyaH vidyate sadhrya~N prAyaNa.n hi satAm aham.h .. 48..
atha etat parama.n guhya.n shruNvataH yadunandana .
sugopyam api vakShyAmi tvaM me bhR^ityaH suhR^it sakhA .. 49..
iti shrImadbhAgavate mahApurANe pAramaha.nsyA.n
sa.nhitAyAmekAdashaskandhe shrIkR^iShNoddhavasa.nvAde
ekAdashapUjAvidhAnayogo nAma ekAdasho.adhyAyaH .. 11..
atha dvAdasho.adhyAyaH .
shrIbhagavAn uvAcha .
na rodhayati mA.n yogaH na ssA~Nkhya.n dharmaH eva cha .
na svAdhyAyaH tapaH tyAgaH na iShTApUrta.n na dakShiNA .. 1..
vratAni yaj~naH ChandA.nsi tIrthAni niyamAH yamAH .
yathA avarundhe satsa~NgaH sarvasa~Nga apahaH hi mAm.h .. 2..
satsa~Ngena hi daiteyA yAtudhAnaH mR^igAH khagAH .
gandharva apsarasaH nAgAH siddhAH chAraNaguhyakAH .. 3..
vidyAdharAH manuShyeShu vaishyAH shUdrAH striyaH antyajAH .
rajaH tamaH prakR^itayaH tasmin tasmin yuge anagha .. 4..
bahavaH matpadaM prAptAH tvAShTrakAyAdhavAdayaH .
vR^iShaparvA baliH vANaH mayaH cha atha vibhIShaNaH .. 5..
sugrIvaH hanumAn R^ikShaH gajaH gR^idhraH vaNikpathaH .
vyAdhaH kubjA vraje gopyaH yaj~napatnyaH tathA apare .. 6..
te na adhitashrutigaNAH na upAsitamahattamAH .
avratAtaptatapasaH matsa~NgAt mAm upAgatAH .. 7..
kevalena hi bhAvena gopyaH gAvaH nagAH mR^igAH .
ye anye mUDhadhiyaH nAgAH siddhAH mAm IyuH a~njasA .. 8..
ya.n na yogena sA~Nkhyena dAnavratatapaH adhvaraiH .
vyAkhyAH svAdhyAyasa.nnyAsaiH prApnuyAt yatnavAn api .. 9..
rAmeNa sArdhaM mathurAM praNIte
     shvAphalkinA mayi anuraktachittAH .
vigADhabhAvena na me viyoga
     tIvrAdhayaH anya.n dadR^ishuH sukhAya .. 10..
tAH tAH kShapAH preShThatamena nItAH
     mayA eva vR^indAvanagochareNa .
kShaNArdhavat tAH punara~Nga tAsAM
     hInA mAyA kalpasamA babhUvuH .. 11..
tAH na avidan mayi anuSha~Ngabaddha
     dhiyaH svamAtmAnam adaH tathA idam.h .
yathA samAdhau munayaH abdhitoye
     nadyaH praviShTAH iva nAmarUpe .. 12..
matkAmA ramaNa.n jAram asvarUpavidaH abalAH .
brahma mAM paramaM prApuH sa~NgAt shatasahasrashaH .. 13..
tasmAt tvam uddhava utsR^ijya chodanAM pratichodanAm.h .
pravR^itta.n cha nivR^itta.n cha shrotavya.n shrutam eva cha .. 14..
mAm ekam eva sharaNam AtmAna.n sarvadehinAm.h .
yAhi sarvAtmabhAvena mayA syAH hi akutobhayaH .. 15..
uddhavaH uvAcha .
sa.nshayaH shruNvataH vAcha.n tava yogeshvara Ishvara .
na nivartataH AtmasthaH yena bhrAmyati me manaH .. 16..
shrIbhagavAn uvAcha .
saH eSha jIvaH vivaraprasUtiH
     prANena ghoSheNa guhAM praviShTaH .
manomaya.n sUkShmam upetya rUpaM
     mAtrA svaraH varNaH iti sthaviShThaH .. 17..
yathA analaH khe anilabandhuH UShmA
     balena dAruNyadhimathyamAnaH .
aNuH prajAtaH haviShA samidhyate
     tathA eva me vyaktiH iya.n hi vANI .. 18..
eva.n gadiH karmagatiH visargaH
     ghrANaH rasaH dR^ik sparshaH shrutiH cha .
sa~Nkalpavij~nAnam atha abhimAnaH
     sUtra.n rajaH sattvatamovikAraH .. 19..
aya.n hi jIvaH trivR^it abjayoniH
     avyaktaH ekaH vayasA saH AdyaH .
vishliShTashaktiH bahudhA eva bhAti
     bIjAni yoniM pratipadya yadvat.h .. 20..
yasmin idaM protam asheSham otaM
     paTaH yathA tantuvitAnasa.nsthaH .
yaH eSha sa.nsArataruH purANaH
     karmAtmakaH puShpaphale prasUte .. 21..
dve asya bIje shatamUlaH trinAlaH
     pa~nchaskandhaH pa~ncharasaprasUtiH .
dasha ekashAkhaH dvisuparNanIDaH
     trivalkalaH dviphalaH arkaM praviShTaH .. 22..
adanti cha ekaM phalam asya gR^idhrA
     grAmecharAH ekam araNyavAsAH .
ha.nsAH yaH ekaM bahurUpam ijyaiH
     mAyAmaya.n veda saH veda vedam.h .. 23..
eva.n guru upAsanayA ekabhaktyA
     vidyAkuThAreNa shitena dhIraH .
vivR^ishchya jIvAshayam apramattaH
     sampadya cha AtmAnam atha tyaja astram.h .. 24..
iti shrImadbhAgavate mahApurANe pAramaha.nsyA.n
sa.nhitAyAmekAdashaskandhe shrIkR^iShNoddhavasa.nvAde
dvAdasho.adhyAyaH .. 12..
atha trayodasho.adhyAyaH .
shrIbhagavAn uvAcha .
sattva.n rajaH tamaH iti guNAH buddheH na cha AtmanaH .
sattvena anyatamau hanyAt sattva.n sattvena cha eva hi .. 1..
sattvAt dharmaH bhavet vR^iddhAt pu.nsaH madbhaktilakShaNaH .
sAtvika upAsayA sattva.n tataH dharmaH pravartate .. 2..
dharmaH rajaH tamaH hanyAt sattvavR^iddhiH anuttamaH .
Ashu nashyati tat mUlaH hi adharmaH ubhaye hate .. 3..
AgamaH apaH prajA deshaH kAlaH karma cha janma cha .
dhyAnaM mantraH atha sa.nskAraH dasha ete guNahetavaH .. 4..
tat tat sAtvikam eva eShA.n yat yat vR^iddhAH prachakShate .
nindanti tAmasa.n tat tat rAjasa.n tat upekShitam.h .. 5..
sAttvikAni eva seveta pumAn sattvavivR^iddhaye .
tataH dharmaH tataH j~nAna.n yAvat smR^itiH apohanam.h .. 6..
veNusa~NgharShajaH vahniH dagdhvA shAmyati tat vanam.h .
eva.n guNavyatyayajaH dehaH shAmyati tat kriyaH .. 7..
uddhavaH uvAcha .
vidanti martyAH prAyeNa viShayAn padam ApadAm.h .
tathA api bhu~njate kR^iShNa tat katha.n shva khara ajAvat.h .. 8..
shrIbhagavAn uvAcha .
aham iti anyathAbuddhiH pramattasya yathA hR^idi .
utsarpati rajaH ghora.n tataH vaikArikaM manaH .. 9..
rajoyuktasya manasaH sa~NkalpaH savikalpakaH .
tataH kAmaH guNadhyAnAt duHsahaH syAt hi durmateH .. 10..
karoti kAmavashagaH karmANi avijitendriyaH .
duHkhodarkANi sampashyan rajovegavimohitaH .. 11.
rajaH tamobhyA.n yat api vidvAn vikShiptadhIH punaH .
atandritaH manaH yu~njan doShadR^iShTiH na sajjate .. 12..
apramattaH anuyu~njItaH manaH mayi arpayan shanaiH .
anirviNNaH yathAkAla.n jitashvAsaH jitAsanaH .. 13..
etAvAn yogaH AdiShTaH mat shiShyaiH sanaka AdibhiH .
sarvataH manaH AkR^iShya mayyaddhA Aveshyate yathA .. 14..
uddhavaH uvAcha .
yadA tva.n sanaka AdibhyaH yena rUpeNa keshava .
yogam AdiShTavAn etat rUpam ichChAmi veditum.h .. 15..
shrIbhagavAn uvAcha .
putrAH hiraNyagarbhasya mAnasAH sanaka AdayaH .
paprachChuH pitara.n sUkShmA.n yogasya aikAntikI.n gatim.h ..
16..
sanaka AdayaH UchuH .
guNeShu Avishate chetaH guNAH chetasi cha prabho .
katham anyonyasantyAgaH mumukShoH atititIrShoH .. 17..
shrIbhagavAn uvAcha .
evaM pR^iShTaH mahAdevaH svayambhUH bhUtabhAvanaH .
dhyAyamAnaH prashnabIja.n na abhyapadyata karmadhIH .. 18..
saH mAm achintayat devaH prashnapAratitIrShayA .
tasya aha.n ha.nsarUpeNa sakAsham agama.n tadA .. 19..
dR^iShTvA mAm ta upavrajya kR^itvA pAda abhivandanam.h .
brahmANam agrataH kR^itvA paprachChuH kaH bhavAn iti .. 20..
iti ahaM munibhiH pR^iShTaH tattvajij~nAsubhiH tadA .
yat avocham aha.n tebhyaH tat uddhava nibodha me .. 21..
vastunaH yadi anAnAtvam AtmanaH prashnaH IdR^ishaH .
katha.n ghaTeta vaH viprAH vaktuH vA me kaH AshrayaH .. 22..
pa~nchAtmakeShu bhUteShu samAneShu cha vastutaH .
kaH bhavAn iti vaH prashnaH vAchArambhaH hi anarthakaH .. 23..
manasA vachasA dR^iShTyA gR^ihyate anyaiH api indriyaiH .
aham eva na mattaH anyat iti budhyadhvam a~njasA .. 24..
guNeShu Avishate chetaH guNAH chetasi cha prajAH .
jIvasya dehaH ubhaya.n guNAH chetaH mat AtmanaH .. 25..
guNeShu cha Avishat chittam abhIkShNa.n guNasevayA .
guNAH cha chittaprabhavAH mat rUpaH ubhaya.n tyajet.h .. 26..
jAgrat svapnaH suShupta.n cha guNataH buddhivR^ittayaH .
tAsA.n vilakShaNaH jIvaH sAkShitvena vinishchitaH .. 27..
yaH hi sa.nsR^itibandhaH ayam AtmanaH guNavR^ittidaH .
mayi turye sthitaH jahyAt tyAgaH tat guNachetasAm.h .. 28..
aha~NkArakR^itaM bandham AtmanaH arthaviparyayam.h .
vidvAn nirvidya sa.nsArachintA.n turye sthitaH tyajet.h .. 29..
yAvat nAnArthadhIH pu.nsaH na nivarteta yuktibhiH .
jAgarti api svapan aj~naH svapne jAgaraNa.n yathA .. 30..
asattvAt AtmanaH anyeShAM bhAvAnA.n tat kR^itA bhidA .
gatayaH hetavaH cha asya mR^iShA svapnadR^ishaH yathA .. 31..
yo jAgare bahiH anukShaNadharmiNaH arthAn
     bhu~Nkte samastakaraNaiH hR^idi tat sadR^ikShAn.h .
svapne suShuptaH upasa.nharate saH ekaH
     smR^iti anvayAt triguNavR^ittidR^ik indriya IshaH .. 32..
eva.n vimR^ishya guNataH manasaH tryavasthA
     mat mAyayA mayi kR^itA iti nishchitArthAH .
sa.nChidya hArdam anumAnast uktitIkShNa
     j~nAnAsinA bhajataH mA akhilasa.nshayAdhim.h .. 33..
IkSheta vibhramam idaM manasaH vilAsam
     dR^iShTa.n vinaShTam atilolam alAtachakram.h .
vij~nAnam ekam urudhA iva vibhAti mAyA
     svapnaH tridhA guNavisargakR^itaH vikalpaH .. 34..
dR^iShTi.n tataH pratinivartya nivR^ittatR^iShNaH
     tUShNIM bhavet nijasukha anubhavaH nirIhaH .
sandR^ishyate kva cha yadi idam avastubuddhyA
     tyaktaM bhramAya na bhavet smR^itiH AnipAtAt.h .. 35..
deha.n cha nashvaram avasthitam utthita.n vA
     siddhaH na pashyati yataH adhyagamatsvarUpam.h .
daivAt apetam uta daivashAt upetam
     vAsaH yathA parikR^itaM madirAmadAndhaH .. 36..
dehaH api daivavashagaH khalu karma yAvat
     svArambhakaM pratisamIkShataH eva sAsuH .
ta.n aprapa~ncham adhirUDhasamAdhiyogaH
     svApnaM punaH na bhajate pratibuddhavastuH .. 37..
mayA etat ukta.n vaH viprAH guhya.n yat sA~NkhyayogayoH .
jAnItam Agata.n yaj~na.n yuShmat dharmavivakShayA .. 38..
aha.n yogasya sA~Nkhyasya satyasyartasya tejasaH .
parAyaNa.n dvijashreShThAH shriyaH kIrteH damasya cha .. 39..
mAM bhajanti guNAH sarve nirguNa.n nirapekShakam.h .
suhR^idaM priyam AtmAna.n sAmya asa~Nga AdayaH guNAH .. 40..
iti me ChinnasandehAH munayaH sanaka AdayaH .
sabhAjayitvA parayA bhaktyA agR^iNata sa.nstavaiH .. 41..
taiH ahaM pUjitaH samyak sa.nstutaH parama R^iShibhiH .
pratyeyAya svaka.n dhAma pashyataH parameShThinaH .. 42..
iti shrImadbhAgavate mahApurANe pAramaha.nsyA.n
sa.nhitAyAmekAdashaskandhe shrIkR^iShNoddhavasa.nvAde
ha.nsagItAnirUpaNa.n nAma trayodasho.adhyAyaH .. 13..
atha chaturdasho.adhyAyaH .
uddhavaH uvAcha .
vadanti kR^iShNa shreyA.nsi bahUni brahmavAdinaH .
teShA.n vikalpaprAdhAnyam uta aho ekamukhyatA .. 1..
bhavat udAhR^itaH svAmin bhaktiyogaH anapekShitaH .
nirasya sarvataH sa~Nga.n yena tvayi Avishet manaH .. 2..
shrIbhagavAn uvAcha .
kAlena naShTA pralaye vANIya.n vedasa.nj~nitA .
mayA Adau brahmaNe proktA dharmaH yasyAM madAtmakaH .. 3..
tena proktA cha putrAya manave pUrvajAya sA .
tataH bhR^igu AdayaH agR^ihNan saptabrahmamaharShayaH .. 4..
tebhyaH pitR^ibhyaH tat putrAH devadAnavaguhyakAH .
manuShyAH siddhagandharvAH savidyAdharachAraNAH .. 5..
kindevAH kinnarAH nAgAH rakShaH kiMpuruSha AdayaH .
bahvyaH teShAM prakR^itayaH rajaHsattvatamobhuvaH .. 6..
yAbhiH bhUtAni bhidyante bhUtAnAM matayaH tathA .
yathAprakR^iti sarveShA.n chitrAH vAchaH sravanti hi .. 7..
eva.n prakR^itivaichitryAt bhidyante matayaH nR^iNAm.h .
pAramparyeNa keShA.nchit pAkhaNDamatayaH apare .. 8..
manmAyAmohitadhiyaH puruShAH puruSharShabha .
shreyaH vadanti anekAnta.n yathAkarma yathAruchi .. 9..
dharmam eke yashaH cha anye kAma.n satya.n dama.n shamam.h .
anye vadanti svArtha.n vA aishvarya.n tyAgabhojanam.h .
kechit yaj~natapodAna.n vratAni niyama anyamAn.h .. 10..
Adi antavantaH eva eShA.n lokAH karmavinirmitAH .
duHkha udarkAH tamoniShThAH kShudra AnandAH shucha arpitAH ..
11..
mayi arpita manaH sabhya nirapekShasya sarvataH .
mayA AtmanA sukha.n yat tat kutaH syAt viShaya AtmanAm.h ..
12..
aki.nchanasya dAntasya shAntasya samachetasaH .
mayA santuShTamanasaH sarvAH sukhamayAH dishaH .. 13..
na pArameShThya.n na mahendradhiShNyam
     na sArvabhauma.n na rasAdhipatyam.h .
na yogasiddhIH apunarbhava.n vA
     mayi arpita AtmA ichChati mat vinA anyat.h .. 14..
na tathA me priyatamaH AtmayoniH na sha~NkaraH .
na cha sa~NkarShaNaH na shrIH na eva AtmA cha yathA bhavAn.h
.. 15..
nirapekShaM muni.n shAta.n nirvaira.n samadarshanam.h .
anuvrajAmi aha.n nityaM pUyeyeti a~NghrireNubhiH .. 16..
niShki~nchanA mayi anuraktachetasaH
     shAntAH mahAntaH akhilajIvavatsalAH .
kAmaiH anAlabdhadhiyaH juShanti yat
     tat nairapekShya.n na viduH sukhaM mama .. 17..
bAdhyamAnaH api madbhaktaH viShayaiH ajitendriyaH .
prAyaH pragalbhayA bhaktyA viShayaiH na abhibhUyate .. 18..
yathA agniH susamR^iddha archiH karoti edhA.nsi bhasmasAt.h .
tathA madviShayA bhaktiH uddhava enA.nsi kR^itsnashaH .. 19..
na sAdhayati mA.n yogaH na sA~Nkhya.n dharmaH uddhava .
na svAdhyAyaH tapaH tyAgaH yathA bhaktiH mama UrjitA .. 20..
bhaktyA aham ekayA grAhyaH shraddhayA AtmA priyaH satAm.h .
bhaktiH punAti manniShThA shvapAkAn api saMbhavAt.h .. 21..
dharmaH satyadayA upetaH vidyA vA tapasAnvitA .
madbhktyApetam AtmAna.n na samyak prapunAti hi .. 22..
katha.n vinA romaharSha.n dravatA chetasA vinA .
vinAnanda ashrukalayA shudhyet bhaktyA vinAshayaH .. 23..
vAk gadgadA dravate yasya chittam
     rudati abhIkShNa.n hasati kvachit cha .
vilajjaH udgAyati nR^ityate cha
     madbhaktiyuktaH bhuvanaM punAti .. 24..
yathA agninA hema mala.n jahAti
     dhmAtaM punaH svaM bhajate cha rUpam.h .
AtmA cha karmAnushaya.n vidhUya
     madbhaktiyogena bhajati athaH mAm.h .. 25..
yathA yathA AtmA parimR^ijyate asau
     matpuNyagAthAshravaNa abhidhAnaiH .
tathA tathA pashyati vastu sUkShmam
     chakShuH yathA eva a~njanasaMprayuktam.h .. 26..
viShayAn dhyAyataH chitta.n viShayeShu viShajjate .
mAm anusmarataH chittaM mayi eva pravilIyate .. 27..
tasmAt asat abhidhyAna.n yathA svapnamanoratham.h .
hitvA mayi samAdhatsva manaH madbhAvabhAvitam.h .. 28..
strINA.n strIsa~NginA.n sa~Nga.n tyaktvA dUrataH AtmavAn.h .
kSheme viviktaH AsInaH chintayet mAm atandritaH .. 29..
na tathA asya bhavet kleshaH bandhaH cha anyaprasa~NgataH .
yoShit sa~NgAt yathA pu.nsaH yathA tat sa~Ngisa~NgataH .. 30..
uddhavaH uvAcha .
yathA tvAm aravindAkSha yAdR^isha.n vA yadAtmakam.h .
dhyAyet mumukShuH etat me dhyAnaM me vaktum arhasi .. 31..
shrIbhagavAn uvAcha .
samaH AsanaH AsInaH samakAyaH yathAsukham.h .
hastau utsa~NgaH AdhAya svanAsAgrakR^ita IkShaNaH . 32..
prANasya shodhayet mArgaM pUrakumbhakarechakaiH .
viparyayeNa api shanaiH abhyaset nirjitendriyaH .. 33..
hR^idi avichChinnam o~NkAra.n ghaNTAnAdaM bisorNavat.h .
prANena udIrya tatra atha punaH sa.nveshayet svaram.h .. 34..
evaM praNavasa.nyuktaM prANam eva samabhyaset.h .
dashakR^itvaH triShavaNaM mAsAt arvAk jita anilaH ..35..
hR^itpuNDarIkam antastham UrdhvanAlam adhomukham.h .
dhyAtvA Urdhvamukham unnidram aShTapatra.n sakarNikam.h .. 36..
karNikAyA.n nyaset sUryasomAgnIn uttarottaram.h .
vahnimadhye smaret rUpaM mama etat dhyAnama~Ngalam.h .. 37..
samaM prashAnta.n sumukha.n dIrghachAruchaturbhujam.h .
suchArusundaragrIva.n sukapola.n shuchismitam.h .. 38..
samAna karNa vinyasta sphuran makara kuNDalam.h .
hema ambara.n ghanashyAma.n shrIvatsa shrIniketanam.h .. 39..
sha~Nkha chakra gadA padma vanamAlA vibhUShitam.h .
nUpuraiH vilasat pAda.n kaustubha prabhayA yutam.h .. 40..
dyumat kirITa kaTaka kaTisUtra a~Ngada ayutam.h .
sarvA~Nga sundara.n hR^idyaM prasAda sumukha IkShaNam.h .. 41..
sukumAram abhidhyAyet sarvA~NgeShu manaH dadhat.h .
indriyANi indriyebhyaH manasA AkR^iShya tat manaH .
buddhyA sArathinA dhIraH praNayet mayi sarvataH .. 42..
tat sarva vyApaka.n chittam AkR^iShya ekatra dhArayet.h .
na anyAni chintayet bhUyaH susmitaM bhAvayet mukham.h .. 43..
tatra labdhapada.n chittam AkR^iShya vyomni dhArayet.h .
tat cha tyaktvA madArohaH na ki~nchit api chintayet.h .. 44..
eva.n samAhitamatiH mAm eva AtmAnam Atmani .
vichaShTe mayi sarvAtmat jyotiH jyotiShi sa.nyutam.h .. 45..
dhyAnena ittha.n sutIvreNa yu~njataH yoginaH manaH .
sa.nyAsyati Ashu nirvANa.n dravya j~nAna kriyA bhramaH .. 46..
iti shrImadbhAgavate mahApurANe pAramaha.nsyA.n
sa.nhitAyAmekAdashaskandhe shrIkR^iShNoddhavasa.nvAde
bhaktirahasyAvadhAraNayogo nAma chaturdasho.adhyAyaH .. 14..
atha pa~nchadasho.adhyAyaH .
shrIbhagavAn uvAcha .
jitendriyasya yuktasya jitashvAsasya yoginaH
mayi dhArayataH chetaH upatiShThanti siddhayaH .. 1..
uddhavaH uvAcha .
kayA dhAraNayA kAsvit katha.nsvit siddhiH achyuta .
kati vA siddhayaH brUhi yoginA.n siddhidaH bhavAn.h .. 2..
shrIbhagavAn uvAcha .
siddhayaH aShTAdasha proktA dhAraNAyogapAragaiH .
tAsAm aShTau mat pradhAnAH dashaH eva guNahetavaH .. 3..
aNimA mahimA mUrteH laghimA prAptiH indriyaiH .
prAkAmya.n shrutadR^iShTeShu shaktipreraNam IshitA .. 4..
guNeShu asa~NgaH vashitA yat kAmaH tat avasyati .
etAH me siddhayaH saumya aShTau utpattikAH matAH .. 5..
anUrmimattva.n dehe asmin dUrashravaNadarshanam.h .
manojavaH kAmarUpaM parakAyapraveshanam.h .. 6..
svachChandamR^ityuH devAnA.n sahakrIDAnudarshanam.h .
yathAsa~Nkalpasa.nsiddhiH Aj~nApratihatA gatiH .. 7..
trikAlaj~natvam advandvaM parachittAdi abhij~natA .
agni arka ambu viSha AdInAM pratiShTambhaH aparAjayaH .. 8..
etAH cha uddeshataH proktA yogadhAraNasiddhayaH .
yayA dhAraNayA yA syAt yathA vA syAt nibodha me .. 9..
bhUtasUkShma Atmani mayi tanmAtra.n dhArayet manaH .
aNimAnam avApnoti tanmAtra upAsakaH mama .. 10..
mahati Atman mayi pare yathAsa.nsthaM manaH dadhat.h .
mahimAnam avApnoti bhUtAnA.n cha pR^ithak pR^ithak.h .. 11..
paramANumaye chittaM bhUtAnAM mayi ra~njayan.h .
kAlasUkShmAtmatA.n yogI laghimAnam avApnuyAt.h .. 12..
dhArayan mayi aha.ntattve manaH vaikArike akhilam.h .
sarvendriyANAm AtmatvaM prAptiM prApnoti manmanAH .. 13..
mahati Atmani yaH sUtre dhArayet mayi mAnasam.h .
prAkAmyaM pArameShThyaM me vindate avyaktajanmanaH .. 14..
viShNau tryadhi Ishvare chitta.n dhArayet kAlavigrahe .
saH Ishitvam avApnoti kShetrakShetraj~nachodanAm.h .. 15..
nArAyaNe turIyAkhye bhagavat shabdashabdite .
manaH mayi Adadhat yogI mat dharmAH vahitAm iyAt.h .. 16..
nirguNe brahmaNi mayi dhArayan vishadaM manaH .
paramAnandam Apnoti yatra kAmaH avasIyate .. 17..
shvetadIpapatau chitta.n shuddhe dharmamaye mayi .
dhArayan shvetatA.n yAti ShaDUrmirahitaH naraH .. 18..
mayi AkAsha Atmani prANe manasA ghoSham udvahan.h .
tatra upalabdhA bhUtAnA.n ha.nsaH vAchaH shruNoti asau .. 19..
chakShuH tvaShTari sa.nyojya tvaShTAram api chakShuShi .
mA.n tatra manasA dhyAyan vishvaM pashyati sUkShmadR^ik.h .. 20..
manaH mayi susa.nyojya deha.n tadanu vAyunA .
maddhAraNa anubhAvena tatra AtmA yatra vai manaH .. 21..
yadA manaH upAdAya yat yat rUpaM bubhUShati .
tat tat bhavet manorUpaM madyogabalam AshrayaH .. 22..
parakAya.n vishan siddhaH AtmAna.n tatra bhAvayet.h .
piNDa.n hitvA vishet prANaH vAyubhUtaH ShaDa~Nghrivat.h .. 23..
pArShNyA ApIDya gudaM prANa.n hR^it uraH kaNTha mUrdhasu .
Aropya brahmarandhreNa brahma nItvA utsR^ijet tanum.h .. 24..
vihariShyan surAkrIDe matstha.n sattva.n vibhAvayet.h .
vimAnena upatiShThanti sattvavR^ittIH surastriyaH .. 25..
yathA sa~Nkalpayet buddhyA yadA vA matparaH pumAn.h .
mayi satye manaH yu~njan tathA tat samupAshnute .. 26..
yaH vai madbhAvam ApannaH IshituH vashituH pumAn.h .
kutashchit na vihanyeta tasya cha Aj~nA yathA mama .. 27..
madbhaktyA shuddhasattvasya yoginaH dhAraNAvidaH .
tasya traikAlikI buddhiH janma mR^ityu upabR^i.nhitA .. 28..
agni AdibhiH na hanyeta muneH yogam aya.n vapuH .
madyogashrAntachittasya yAdasAm udaka.n yathA .. 29..
madvibhUtiH abhidhyAyan shrIvatsa astrabibhUShitAH .
dhvajAtapatravyajanaiH saH bhavet aparAjitaH .. 30..
upAsakasya mAm eva.n yogadhAraNayA muneH .
siddhayaH pUrvakathitAH upatiShThanti asheShataH .. 31..
jitendriyasya dAntasya jitashvAsa AtmanaH muneH .
maddhAraNA.n dhArayataH kA sA siddhiH sudurlabhA .. 32..
antarAyAn vadanti etAH yu~njataH yogam uttamam.h .
mayA saMpadyamAnasya kAlakShepaNahetavaH .. 33..
janma oShadhi tapo mantraiH yAvatIH iha siddhayaH .
yogena Apnoti tAH sarvAH na anyaiH yogagati.n vrajet.h .. 34..
sarvAsAm api siddhInA.n hetuH patiH ahaM prabhuH .
aha.n yogasya sA~Nkhyasya dharmasya brahmavAdinAm.h .. 35..
aham AtmA antaraH bAhyaH anAvR^itaH sarvadehinAm.h .
yathA bhUtAni bhUteShu bahiH antaH svaya.n tathA .. 36..
iti shrImadbhAgavate mahApurANe pAramaha.nsyA.n
sa.nhitAyAmekAdashaskandhe shrIkR^iShNoddhavasa.nvAde
siddhanirUpaNayogo nAma pa~nchadasho.adhyAyaH .. 15..
atha ShoDasho.adhyAyaH .
uddhavaH uvAcha .
tvaM brahma parama.n sAkShAt anAdi anantam apAvR^itam.h .
sarveShAm api bhAvAnA.n trANasthiti apyaya udbhavaH .. 1..
uchchAvacheShu bhUteShu durj~neyam akR^ita AtmabhiH .
upAsate tvAM bhagavan yAthAtathyena brAhmaNAH .. 2..
yeShu yeShu cha bhAveShu bhaktyA tvAM paramarShayaH .
upAsInAH prapadyante sa.nsiddhi.n tat vadasva me .. 3..
gUDhaH charasi bhUtAtmA bhUtAnAM bhUtabhAvana .
na tvAM pashyanti bhUtAni pashyantaM mohitAni te .. 4..
yAH kAH cha bhUmau divi vai rasAyAm
     vibhUtayaH dikShu mahAvibhUte .
tAH mahyam AkhyAhi anubhAvitAH te
     namAmi te tIrtha pada a~Nghripadmam.h .. 5..
shrIbhagavAn uvAcha .
evam etat ahaM pR^iShTaH prashnaM prashnavidA.n vara .
yuyutsunA vinashane sapatnaiH arjunena vai .. 6..
j~nAtvA j~nAtivadha.n garhyam adharma.n rAjyahetukam.h .
tataH nivR^ittaH hantA aha.n hataH ayam iti laukikaH .. 7..
saH tadA puruShavyAghraH yuktyA me pratibodhitaH .
abhyabhAShata mAm eva.n yathA tva.n raNamUrdhani .. 8..
aham AtmA uddhava AmIShAM bhUtAnA.n suhR^it IshvaraH .
aha.n sarvANi bhUtAni teShA.n sthiti udbhava apyayaH .. 9..
aha.n gatiH gatimatA.n kAlaH kalayatAm aham.h .
guNAnA.n cha api aha.n sAmya.n guNinyA utpattikaH guNaH .. 10..
guNinAm api aha.n sUtraM mahatA.n cha mahAn aham.h .
sUkShmANAm api aha.n jIvaH durjayAnAm ahaM manaH .. 11..
hiraNyagarbhaH vedAnAM mantrANAM praNavaH trivR^it.h .
akSharANAm akAraH asmi padAni ChandasAm aham.h .. 12..
indraH aha.n sarvadevAnA.n vasUnAmasmi havyavAT.h .
AdityAnAm aha.n viShNU rudrANA.n nIlalohitaH .. 13..
brahmarShINAM bhR^iguH aha.n rAjarShINAm ahaM manuH .
devarShiNA.n nAradaH aha.n havirdhAni asmi dhenuShu .. 14..
siddheshvarANA.n kapilaH suparNaH ahaM patatriNAm.h .
prajApatInA.n dakShaH ahaM pitR^INAm aham aryamA .. 15..
mA.n viddhi uddhava daityAnAM prahlAdam asureshvaram.h .
soma.n nakShatra oShadhInA.n dhanesha.n yakSharakShasAm.h .. 16..
airAvata.n gajendrANA.n yAdasA.n varuNaM prabhum.h .
tapatA.n dyumatA.n sUryaM manuShyANA.n cha bhUpatim.h .. 17..
uchchaiHshravAH tura~NgANA.n dhAtUnAm asmi kA~nchanam.h .
yamaH sa.nyamatA.n cha aha.n sarpANAm asmi vAsukiH .. 18..
nAgendrANA.m anantaH ahaM mR^igendraH shR^i~Ngida.nShTriNAm.h .
AshramANAm aha.n turyaH varNAnAM prathamaH anagha .. 19..
tIrthAnA.n srotasA.n ga~NgA samudraH sarasAm aham.h .
AyudhAnA.n dhanuH aha.n tripuraghnaH dhanuShmatAm.h .. 20..
dhiShNyAnAm asmi ahaM meruH gahanAnA.n himAlayaH .
vanaspatInAm ashvatthaH oShadhInAm aha.n yavaH .. 21..
purodhasA.n vasiShThaH ahaM brahmiShThAnAM bR^ihaspatiH .
skandaH aha.n sarvasenAnyAm agraNyAM bhagavAn ajaH .. 22..
yaj~nAnAM brahmayaj~naH aha.n vratAnAm avihi.nsanam.h .
vAyu agni arka ambu vAk AtmA shuchInAm api aha.n shuchiH .. 23..
yogAnAm Atmasa.nrodhaH mantraH asmi vijigIShatAm.h .
AnvIkShikI kaushalAnA.n vikalpaH khyAtivAdinAm.h .. 24..
strINA.n tu shatarUpA ahaM pu.nsA.n svAyaMbhuvaH manuH .
nArAyaNaH munInA.n cha kumAraH brahmachAriNAm.h .. 25..
dharmANAm asmi sa.nnyAsaH kShemANAm abahiH matiH .
guhyAnA.n sUnR^itaM maunaM mithunAnAm ajaH tu aham.h .. 26..
sa.nvatsaraH asmi animiShAm R^itUnAM madhumAdhavau .
mAsAnAM mArgashIrShaH aha.n nakShatrANA.n tathA abhijit.h
.. 27..
aha.n yugAnA.n cha kR^ita.n dhIrANA.n devalaH asitaH .
dvaipAyanaH asmi vyAsAnA.n kavInA.n kAvyaH AtmavAn.h .. 28..
vAsudevaH bhagavatA.n tva.n bhAgavateShu aham.h .
kiMpuruShANA.n hanumAn vidyAghrANA.n sudarshanaH .. 29..
ratnAnAM padmarAgaH asmi padmakoshaH supeshasAm.h .
kushaH asmi darbhajAtInA.n gavyam Ajya.n haviShShu aham.h ..
30..
vyavasAyinAm aha.n lakShmIH kitavAnA.n ChalagrahaH .
titikShA asmi titikShaNA.n sattva.n sattvavatAm aham.h .. 31..
ojaH sahobalavatA.n karma aha.n viddhi sAttvatAm.h .
sAttvatA.n navamUrtInAm AdimUrtiH ahaM parA .. 32..
vishvAvasuH pUrvachittiH gandharva apsarasAm aham.h .
bhUdharANAm aha.n sthairya.n gandhamAtram ahaM bhuvaH .. 33..
apA.n rasaH cha paramaH tejiShThAnA.n vibhAvasuH .
prabhA sUrya indu tArANA.n shabdaH aha.n nabhasaH paraH .. 34..
brahmaNyAnAM baliH aha.n virANAm aham arjunaH .
bhUtAnA.n sthitiH utpattiH aha.n vai pratisa~NkramaH .. 35..
gati ukti utsarga upAdAnam Ananda sparsha lakShaNam.h .
AsvAda shruti avaghrANam aha.n sarvendriya indriyam.h .. 36..
pR^ithivI vAyuH AkAshaH ApaH jyotiH ahaM mahAn.h .
vikAraH puruShaH avyakta.n rajaH sattva.n tamaH param.h .
aham etat prasa~NkhyAna.n j~nAna.n sattvavinishchayaH .. 37..
mayA IshvareNa jIvena guNena guNinA vinA .
sarvAtmanA api sarveNa na bhAvaH vidyate kvachit.h .. 38..
sa.nkhyAnaM paramANUnA.n kAlena kriyate mayA .
na tathA me vibhUtInA.n sR^ijataH aNDAni koTishaH .. 39..
tejaH shrIH kIrtiH aishvarya.n hrIH tyAgaH saubhagaM bhagaH .
vIrya.n titikShA vij~nAna.n yatra yatra sa me a.nshakaH .. 40..
etAH te kIrtitAH sarvAH sa.nkShepeNa vibhUtayaH .
manovikArAH eva ete yathA vAchA abhidhIyate .. 41..
vAcha.n yachCha manaH yachCha prANAni yachCha indriyANi cha .
AtmAnam AtmanA yachCha na bhUyaH kalpase adhvane .. 42..
yaH vai vAk manasi samyak asa.nyachChan dhiyA yatiH .
tasya vrata.n tapaH dAna.n sravatyAmaghaTAmbuvat.h .. 43..
tasmAt manaH vachaH prANAn niyachChet mat parAyaNaH .
mat bhakti yuktayA buddhyA tataH parisamApyate .. 44..
iti shrImadbhAgavate mahApurANe pAramaha.nsyA.n
sa.nhitAyAmekAdashaskandhe shrIkR^iShNoddhavasa.nvAde
vibhUtiyogo nAma ShoDasho.adhyAyaH .. 16..
atha saptadasho.adhyAyaH .
uddhavaH uvAcha .
yaH tvayA abhitaH pUrva.n dharmaH tvat bhaktilakShaNaH .
varNAshrama AchAravatA.n sarveShA.n dvipadAm api .. 1..
yathA anuShThIyamAnena tvayi bhaktiH nR^iNAM bhavet.h .
svadharmeNa aravindAkSha tat samAkhyAtum arhasi .. 2..
purA kila mahAbAho dharmaM paramakaM prabho .
yat tena ha.nsarUpeNa brahmaNe abhyAttha mAdhava .. 3..
saH idAnI.n sumahatA kAlena amitrakarshana .
na prAyaH bhavitA martyaloke prAk anushAsitaH .. 4..
vaktA kartA avitA na anyaH dharmasya achyuta te bhuvi .
sabhAyAm api vairi~nchyA.n yatra mUrtidharAH kalAH .. 5..
kartrA avitrA pravaktrA cha bhavatA madhusUdana .
tyakte mahItale deva vinaShTa.n kaH pravakShyati .. 6..
tattva.n naH sarvadharmaj~na dharmaH tvat bhaktilakShaNaH .
yathA yasya vidhIyeta tathA varNaya me prabho .. 7..
shrIshukaH uvAcha .
ittha.n svabhR^ityamukhyena pR^iShTaH saH bhagavAn hariH .
prItaH kShemAya martyAnA.n dharmAn Aha sanAtanAn.h .. 8..
shrIbhagavAn uvAcha .
dharmyaH eSha tava prashnaH naiHshreyasakaraH nR^iNAm.h .
varNAshrama AchAravatA.n tam uddhava nibodha me .. 9..
Adau kR^itayuge varNaH nR^iNA.n ha.nsaH iti smR^itaH .
kR^itakR^ityAH prajAH jAtyAH tasmAt kR^itayuga.n viduH .. 10..
vedaH praNavaH eva agre dharmaH aha.n vR^iSharUpadhR^ik.h .
upAsate taponiShThA.n ha.nsaM mAM muktakilbiShAH .. 11..
tretAmukhe mahAbhAga prANAt me hR^idayAt trayI .
vidyA prAduH abhUt tasyAH aham Asa.n trivR^inmakhaH .. 12..
vipra kShatriya viT shUdrAH mukha bAhu uru pAdajAH .
vairAjAt puruShAt jAtAH yaH AtmAchAralakShaNAH .. 13..
gR^ihAshramaH jaghanataH brahmacharya.n hR^idaH mama .
vakShaHsthAnAt vane vAsaH nyAsaH shIrShaNi sa.nsthitaH .. 14..
varNAnAm AshramANA.n cha janmabhUmi anusAriNIH .
Asan prakR^itayaH nR^INA.n nIchaiH nIcha uttama uttamAH .. 15..
shamaH damaH tapaH shaucha.n santoShaH kShAntiH Arjavam.h .
madbhaktiH cha dayA satyaM brahmaprakR^itayaH tu imAH .. 16..
tejaH bala.n dhR^itiH shaurya.n titikShA audAryam udyamaH .
sthairyaM brahmaNi ata aishvarya.n kShatraprakR^itayaH tu imAH ..
17..
Astikya.n dAnaniShThA cha adambhaH brahmasevanam.h .
atuShTiH artha upachayaiH vaishyaprakR^itayaH tu imAH .. 18..
shushrUShaNa.n dvijagavA.n devAnA.n cha api amAyayA .
tatra labdhena santoShaH shUdraprakR^itayaH tu imAH .. 19..
ashaucham anR^ita.n steya.n nAstikya.n shuShkavigrahaH .
kAmaH krodhaH cha tarShaH cha svabhAvaH antevasAyinAm.h .. 20..
ahi.nsA satyam asteyam akAmakrodhalobhatA .
bhUtapriyahitehA cha dharmaH aya.n sArvavarNikaH .. 21..
dvitIyaM prApya anupUrvyAt janma upanayana.n dvijaH .
vasan gurukule dAntaH brahma adhIyIta cha AhutaH .. 22..
mekhalA ajina daNDa akSha brahmasUtra kamaNDalUn.h .
jaTilaH adhautadadvAsaH araktapIThaH kushAn dadhat.h .. 23..
snAna bhojana homeShu japa uchchAre cha vAgyataH .
na chChindyAt nakha romANi kakSha upasthagatAni api .. 24..
retaH na avariket jAtu brahmavratadharaH svayam.h .
avakIrNe avagAhya apsu yatAsuH tripadI.n japet.h .. 25..
agni arka AchArya go vipra guru vR^iddha surAn shuchiH .
samAhitaH upAsIta sandhye cha yatavAk japan.h .. 26..
AchAryaM mA.n vijAnIyAt na avamanyeta karhichit.h .
na martyabuddhi AsUyeta sarvadevamayaH guruH .. 27..
sAyaM prAtaH upAnIya bhaikShya.n tasmai nivedayet.h .
yat cha anyat api anuj~nAtam upayu~njIta sa.nyataH .. 28..
shushrUShamANaH AchArya.n sadA upAsIta nIchavat.h .
yAna shayyA Asana sthAnaiH na atidUre kR^itA~njaliH .. 29..
eva.nvR^ittaH gurukule vaset bhogavivarjitaH .
vidyA samApyate yAvat bibhrat vratam akhaNDitam.h .. 30..
yadi asau ChandasA.n lokam ArokShyan brahmaviShTapam.h .
gurave vinyaset deha.n svAdhyAyArtha.n vR^ihat vrataH .. 31..
agnau gurau Atmani cha sarvabhUteShu mAM param.h .
apR^ithak dhIH upAsIta brahmavarchasvI akalmaShaH .. 32..
strINA.n nirIkShaNa sparsha sa.nlApa kShvelana Adikam.h .
prANinaH mithunIbhUtAn agR^ihasthaH agrataH tyajet.h .. 33..
shaucham Achamana.n snAna.n sandhyA upAsanam Arjavam.h .
tIrthasevA japaH aspR^ishya abhakShya asaMbhAShya varjanam.h ..
34..
sarva Ashrama prayuktaH aya.n niyamaH kulanandana.
madbhAvaH sarbabhUteShu manovAkkAya sa.nyamaH .. 35..
evaM bR^ihat vratadharaH brAhmaNaH agniH iva jvalan.h .
madbhaktaH tIvratapasA dagdhakarma AshayaH amalaH .. 36..
atha anantaram AvekShyan yathA jij~nAsita AgamaH .
gurave dakShiNA.n dattvA snAyat guru anumoditaH .. 37..
gR^iha.n vana.n vA upavishet pravrajet vA dvija uttamaH .
AshramAt Ashrama.n gachChet na anyathA matparaH charet.h .. 38..
gR^ihArthI sadR^ishIM bhAryAm udvahet ajugupsitAm.h .
yavIyasI.n tu vayasA yA.n savarNAm anukramAt.h .. 39..
ijya adhyayana dAnAni sarveShA.n cha dvijanmanAm.h .
pratigrahaH adhyApana.n cha brAhmaNasya eva yAjanam.h .. 40..
pratigrahaM manyamAnaH tapaH tejoyashonudam.h .
anyAbhyAm eva jIveta shilaiH vA doShadR^ik tayoH .. 41..
brAhmaNasya hi dehaH aya.n kShudrakAmAya na iShyate .
kR^ichChrAya tapase cha iha pretya anantasukhAya cha .. 42..
shilo~nChavR^ittyA parituShTachittaH
     dharmaM mahAnta.n viraja.n juShANaH .
mayi arpitAtmA gR^ihaH eva tiShThan
     na atiprasaktaH samupaiti shAntim.h .. 43..
samuddharanti ye vipra.n sIdantaM matparAyaNam.h .
tAn uddhariShye na chirAt ApadbhyaH nauH iva arNavAt.h .. 44..
sarvAH samuddharet rAjA pitA iva vyasanAt prajAH .
AtmAnam AtmanA dhIraH yathA gajapatiH gajAn.h .. 45..
eva.nvidhaH narapatiH vimAnena arkavachasA .
vidhUya iha ashubha.n kR^itsnam indreNa saha modate .. 46..
sIdan vipraH vaNik vR^ittyA paNyaiH eva Apada.n taret.h .
khaDgena vA ApadAkrAntaH na shvavR^ittyA katha.nchana .. 47..
vaishyavR^ittyA tu rAjan yaH jIvet mR^igayayA Apadi .
charet vA viprarUpeNa na shvavR^ittyA katha.nchana .. 48..
shUdravR^ittiM bhajet vaishyaH shUdraH kArukaTapriyAm.h .
kR^ichChrAt muktaH na garhyeNa vR^itti.n lipseta karmaNA .. 49..
veda adhyAya svadhA svAhA bali anna AdyaiH yathA udayam.h .
devarShi pitR^ibhUtAni madrUpANi anvaha.n yajet.h .. 50..
yadR^ichChayA upapannena shuklena upArjitena vA .
dhanena apIDayan bhR^ityAn nyAyena eva Aharet kratUn.h .. 51..
kuTuMbeShu na sajjeta na pramAdyet kuTuMbi api .
vipashchit nashvaraM pashyet adR^iShTam api dR^iShTavat.h .. 52..
putra dArA Apta bandhUnA.n sa~NgamaH pAnthasa~NgamaH .
anudeha.n viyanti ete svapnaH nidrAnugaH yathA .. 53..
itthaM parimR^ishan muktaH gR^iheShu atithivat vasan.h .
na gR^ihaiH anubadhyeta nirmamaH niraha~NkR^itaH .. 54..
karmabhiH gR^iham edhIyaiH iShTvA mAm eva bhaktimAn.h .
tiShThet vana.n vA upavishet prajAvAn vA parivrajet.h .. 55..
yaH tu Asaktam atiH gehe putra vittaiShaNa AturaH .
straiNaH kR^ipaNadhIH mUDhaH mama aham iti badhyate .. 56..
aho me pitarau vR^iddhau bhAryA bAlAtmajA AtmajAH .
anAthAH mAm R^ite dInAH katha.n jIvanti duHkhitAH .. 57..
eva.n gR^iha Ashaya AkShipta hR^idayaH mUDhadhIH ayam.h .
atR^iptaH tAn anudhyAyan mR^itaH andha.n vishate tamaH .. 58..
iti shrImadbhAgavate mahApurANe pAramaha.nsyA.n
sa.nhitAyAmekAdashaskandhe shrIkR^iShNoddhavasa.nvAde
brahmacharyagR^ihasthakarmadharmanirUpaNe saptadasho.adhyAyaH ..
17..
atha aShTAdasho.adhyAyaH .
shrIbhagavAn uvAcha .
vana.n vivikShuH putreShu bhAryA.n nyasya saha eva vA .
vanaH eva vaset shAntaH tR^itIyaM bhAgam AyuShaH .. 1..
kandamUlaphalaiH vanyaiH medhyaiH vR^ittiM prakalpayet.h .
vasIta valkala.n vAsaH tR^iNaparNa ajinAni cha .. 2..
kesharomanakhashmashrumalAni bibhR^iyAt ataH .
na dhAvet apsu majjeta trikAla.n sthaNDileshayaH .. 3..
grIShme tapyeta pa~nchAgnIn varShAsvAsAraShAD jale .
AkaNThamagnaH shishiraH eva.nvR^ittaH tapashcharet.h .. 4..
agnipakva.n samashnIyAt kAlapakvam atha api vA .
ulUkhala ashmakuTTaH vA danta ulUkhalaH eva vA .. 5..
svaya.n sa.nchinuyAt sarvam AtmanaH vR^ittikAraNam.h .
deshakAlabala abhij~naH na AdadIta anyadA AhR^itam.h .. 6..
vanyaiH charupuroDAshaiH nirvapet kAlachoditAn.h .
na tu shrautena pashunA mA.n yajeta vanAshramI .. 7..
agnihotra.n cha darshaH cha pUrNamAsaH cha pUrvavat.h .
chAturmAsyAni cha muneH AmnAtAni cha naigamaiH .. 8..
eva.n chIrNena tapasA muniH dhamanisantataH .
mA.n tapomayam ArAdhya R^iShilokAt upaiti mAm.h .. 9..
yaH tu etat kR^ichChrataH chIrNa.n tapaH niHshreyasaM mahat.h .
kAmAya alpIyase yu~njyAt vAlishaH kaH aparaH tataH .. 10..
yadA asau niyame akalpaH jarayA jAtavepathuH .
Atmani agnIn samAropya machchittaH agni.n samAvishet.h .. 11..
yadA karmavipAkeShu lokeShu niraya Atmasu .
virAgaH jAyate samyak nyasta agniH pravrajet tataH .. 12..
iShTvA yathA upadeshaM mA.n dattvA sarvasvam R^itvije .
agnIn svaprANaH Aveshya nirapekShaH parivrajet.h .. 13..
viprasya vai sa.nnyasataH devAH dArAdirUpiNaH .
vighnAn kurvanti aya.n hi asmAn Akramya samiyAt param.h .. 14..
bibhR^iyAt chet muniH vAsaH kaupIna AchChAdanaM param.h .
tyakta.n na daNDapAtrAbhyAm anyat ki.nchit anApadi .. 15..
dR^iShTipUta.n nyaset pAda.n vastrapUtaM pibet jalam.h .
satyapUtA.n vadet vAchaM manaHpUta.n samAcharet.h .. 16..
mauna anIhA anila AyAmAH daNDAH vAk deha chetasAm.h .
nahi ete yasya santi a~NgaH veNubhiH na bhavet yatiH .. 17..
bhikShA.n chatuShu varNeShu vigarhyAn varjayan charet.h .
saptAgArAn asa.nklR^iptAn tuShyet labdhena tAvatA .. 18..
bahiH jalAshaya.n gatvA tatra upaspR^ishya vAgyataH .
vibhajya pAvita.n sheShaM bhu~njIta asheSham AhR^itam.h .. 19..
ekaH charet mahIm etA.n niHsa~NgaH sa.nyatendriyaH .
AtmakrIDaH AtmarataH AtmavAn samadarshanaH .. 20..
viviktakShemasharaNaH madbhAvavimalAshayaH .
AtmAna.n chintayet ekam abhedena mayA muniH .. 21..
anvIkSheta AtmanaH bandhaM mokSha.n cha j~nAnaniShThayA .
bandhaH indriyavikShepaH mokShaH eShA.n cha sa.nyamaH .. 22..
tasmAt niyamya ShaDvargaM madbhAvena charet muniH .
viraktaH kShullakAmebhyaH labdhvA Atmani sukhaM mahat.h .. 23..
puragrAmavrajAn sArthAn bhikShArthaM pravishan charet.h .
puNyadeshasarit shailavana AshramavatIM mahIm.h .. 24..
vAnaprastha Ashrama padeShu abhIkShNaM bhaikShyam Acharet.h .
sa.nsidhyatyAshvasaMmohaH shuddhasattvaH shilAndhasA .. 25..
na etat vastutayA pashyet dR^ishyamAna.n vinashyati .
asaktachittaH viramet iha amutra chikIrShitAt.h .. 26..
yat etat Atmani jagat manovAkprANasa.nhatam.h .
sarvaM mAyA iti tarkeNa svasthaH tyaktvA na tat smaret.h .. 27..
j~nAnaniShThaH viraktaH vA madbhaktaH vA anapekShakaH .
sali~NgAn AshramA.n tyaktvA charet avidhigocharaH .. 28..
budhaH bAlakavat krIDet kushalaH jaDavat charet.h .
vadet unmattavat vidvAn gocharyA.n naigamaH charet.h .. 29..
vedavAdarataH na syAt na pAkhaNDI na haitukaH .
shuShkavAdavivAde na ka.nchit pakSha.n samAshrayet.h .. 30..
na udvijeta janAt dhIraH jana.n cha udvejayet na tu .
ativAdAn titikSheta na avamanyeta ka.nchana .
deham uddishya pashuvat vaira.n kuryAt na kenachit.h .. 31..
ekaH eva paraH hi AtmA bhUteShu Atmani avasthitaH .
yathA induH udapAtreShu bhUtAni ekAtmakAni cha .. 32..
alabdhvA na viShIdeta kAle kAle ashana.n kvachit.h .
labdhvA na hR^iShyet dhR^itim Anubhaya.n daivatantritam.h .. 33..
AhArArtha.n samIheta yukta.n tat prANadhAraNam.h .
tattva.n vimR^ishyate tena tat vij~nAya vimuchyate .. 34..
yat R^ichChayA upapannAt annam adyAt shreShTham uta aparam.h .
tathA vAsaH tathA shayyAM prAptaM prAptaM bhajet muniH .. 35..
shaucham Achamana.n snAna.n na tu chodanayA charet.h .
anyAn cha niyamAn j~nAnI yathA aha.n lIlayA IshvaraH .. 36..
nahi tasya vikalpAkhyA yA cha madvIkShayA hatA .
AdehAntAt kvachit khyAtiH tataH saMpadyate mayA .. 37..
duHkha udarkeShu kAmeShu jAtanirvedaH AtmavAn.h .
ajij~nAsita maddharmaH guruM munim upAvrajet.h .. 38..
tAvat paricharet bhaktaH shraddhAvAn anasUyakaH .
yAvat brahma vijAnIyAt mAm eva gurum AdR^itaH .. 39..
yaH tu asa.nyata ShaDvargaH prachaNDa indriya sArathiH .
j~nAna vairAgya rahitaH tridaNDam upajIvati .. 40..
surAn AtmAnam Atmastha.n nihnute mA.n cha dharmahA .
avipakva kaShAyaH asmAt uShmAt cha vihIyate .. 41..
bhikShoH dharmaH shamaH ahi.nsA tapaH IkShA vanaukasaH .
gR^ihiNaH bhUtarakSha ijyAH dvijasya AchAryasevanam.h .. 42..
brahmacharya.n tapaH shaucha.n santoShaH bhUtasauhR^idam.h .
gR^ihasthasya api R^itau gantuH sarveShAM madupAsanam.h .. 43..
iti mA.n yaH svadharmeNa bhajan nityam ananyabhAk.h .
sarvabhUteShu madbhAvaH madbhakti.n vindate achirAt.h .. 44..
bhaktyA uddhava anapAyinyA sarvalokamaheshvaram.h .
sarva utpatti api ayaM brahma kAraNaM mA upayAti saH .. 45..
iti svadharma nirNikta sattvaH nirj~nAt madgatiH .
j~nAna vij~nAna saMpannaH na chirAt samupaiti mAm.h .. 46..
varNAshramavatA.n dharmaH eShaH AchAralakShaNaH .
saH eva madbhaktiyutaH niHshreyasakaraH paraH .. 47..
etat te abhihita.n sAdho bhavAn pR^ichChati yat cha mAm.h .
yathA svadharmasa.nyuktaH bhaktaH mA.n samiyAt param.h .. 48..
iti shrImadbhAgavate mahApurANe pAramaha.nsyA.n
sa.nhitAyAmekAdashaskandhe shrIkR^iShNoddhavasa.nvAde
vAnaprasthasa.nnyAsadharmanirUpaNa.n nAmAShTAdasho.adhyAyaH
.. 18..
atha ekonavi.nshaH adhyAyaH .
shrIbhagavAn uvAcha .
yaH vidyAshrutasaMpannaH AtmavAn na anumAnikaH .
mAyAmAtram ida.n j~nAtvA j~nAna.n cha mayi sa.nnyaset.h .. 1..
j~nAninaH tu aham eva iShTaH svArthaH hetuH cha saMmataH .
svargaH cha eva apavargaH cha na anyaH arthaH madR^ite priyaH .. 2..
j~nAnavij~nAnasa.nsiddhAH pada.n shreShTha.n viduH mama .
j~nAnI priyatamaH ataH me j~nAnena asau bibharti mAm.h .. 3..
tapaH tIrtha.n japaH dAnaM pavitrANi itarANi cha .
na ala.n kurvanti tA.n siddhi.n yA j~nAnakalayA kR^itA .. 4..
tasmAt j~nAnena sahita.n j~nAtvA svAtmAnam uddhava .
j~nAnavij~nAnasaMpannaH bhaja mAM bhaktibhAvataH .. 5..
j~nAnavij~nAnayaj~nena mAm iShTvA AtmAnam Atmani .
sarvayaj~napatiM mA.n vai sa.nsiddhiM munayaH agaman.h.. 6..
tvayi uddhava Ashrayati yaH trividhaH vikAraH
     mAyAntarA Apatati na Adi apavargayoH yat.h .
janmAdayaH asya yat amI tava tasya ki.n syuH
     Adi antayoH yat asataH asti tat eva madhye .. 7..
uddhavaH uvAcha .
j~nAna.n vishuddha.n vipula.n yathA etat
     vairAgyavij~nAnayutaM purANam.h .
AkhyAhi vishveshvara vishvamUrte
     tvat bhaktiyoga.n cha mahat vimR^igyam.h .. 8..
tApatrayeNa abhihatasya ghore
     santapyamAnasya bhavAdhvanIsha .
pashyAmi na anyat sharaNa.n tavA~Nghri
     dvandva AtapatrAt amR^ita abhivarShAt.h .. 9..
daShTa.n jana.n saMpatitaM bile asmin
     kAlAhinA kShudrasukhoH utarSham.h .
samuddhara ena.n kR^ipayA apavargyaiH
     vachobhiH Asi~ncha mahAnubhAva .. 10..
shrIbhagavAn uvAcha .
ittham etat purA rAjA bhIShma.n dharmabhR^itA.n varam.h .
ajAtashatruH paprachCha sarveShA.n naH anushruNvatAm.h .. 11..
nivR^itte bhArate yuddhe suhR^it nidhanavihvalaH .
shrutvA dharmAn bahUn pashchAt mokShadharmAn apR^ichChata ..
12..
tAn aha.n te abhidhAsyAmi devavratamukhAt shrutAn.h .
j~nAnavairAgyavij~nAnashraddhAbhakti upabR^i.nhitAn.h .. 13..
nava ekAdasha pa~ncha trIn bhAvAn bhUteShu yena vai .
IkSheta atha ekam api eShu tat j~nAnaM mama nishchitam.h .. 14..
etat eva hi vij~nAna.n na tathA ekena yena yat.h .
sthiti utpatti api ayAn pashyet bhAvAnA.n triguNa AtmanAm.h ..
15..
Adau ante cha madhye cha sR^ijyAt sR^ijya.n yat anviyAt.h .
punaH tat pratisa.nkrAme yat shiShyeta tat eva sat.h .. 16..
shrutiH pratyakSham aitihyam anumAna.n chatuShTayam.h .
pramANeShu anavasthAnAt vikalpAt saH virajyate .. 17..
karmaNAM pariNAmitvAt Aviri~nchAt ama~Ngalam.h .
vipashchit nashvaraM pashyet adR^iShTam api dR^iShTavat.h .. 18..
bhaktiyogaH purA eva uktaH prIyamANAya te anagha .
punaH cha kathayiShyAmi madbhakteH kAraNaM param.h .. 19..
shraddhA amR^itakathAyAM me shashvat mat anukIrtanam.h .
pariniShThA cha pUjAyA.n stutibhiH stavanaM mama .. 20..
AdaraH paricharyAyA.n sarvA~NgaiH abhivandanam.h .
madbhaktapUjAbhyadhikA sarvabhUteShu manmatiH .. 21..
madartheShu a~NgacheShTA cha vachasA madguNeraNam.h .
mayyarpaNa.n cha manasaH sarvakAmavivarjanam.h .. 22..
madarthe artha parityAgaH bhogasya cha sukhasya cha .
iShTa.n datta.n huta.n japtaM madartha.n yat vrata.n tapaH .. 23..
eva.n dharmaiH manuShyANAm uddhava AtmanivedinAm.h .
mayi sa.njAyate bhaktiH kaH anyaH arthaH asya avashiShyate .. 24..
yadA Atmani arpita.n chitta.n shAnta.n sattva upabR^i.nhitam.h .
dharma.n j~nAna.n savairAgyam aishvarya.n cha abhipadyate .. 25..
yat arpita.n tat vikalpe indriyaiH paridhAvati .
rajasvala.n cha Asan niShTha.n chitta.n viddhi viparyayam.h .. 26..
dharmaH madbhaktikR^it proktaH j~nAna.n cha ekAtmyadarshanam.h .
guNeShu asa~NgaH vairAgyam aishvarya.n cha aNim AdayaH .. 27..
uddhavaH uvAcha .
yamaH katividhaH proktaH niyamaH vA arikarshana .
kaH shamaH kaH damaH kR^iShNa kA titikShA dhR^itiH prabho .. 28..
ki.n dAna.n ki.n tapaH shaurya.n ki.n satyam R^itam uchyate .
kaH tyAgaH ki.n dhana.n cheShTa.n kaH yaj~naH kA cha dakShiNA ..
29..
pu.nsaH ki.nsvit bala.n shrIman bhagaH lAbhaH cha keshava .
kA vidyA hrIH parA kA shrIH ki.n sukha.n duHkham eva cha ..
30..
kaH paNDitaH kaH cha mUrkhaH kaH panthAH utpathaH cha kaH .
kaH svargaH narakaH kaH svit kaH bandhuH uta ki.n gR^iham.h .. 31..
kaH ADhyaH kaH daridraH vA kR^ipaNaH kaH IshvaraH .
etAn prashnAn mama brUhi viparItAn cha satpate .. 32..
shrIbhagavAn uvAcha .
ahi.nsA satyam asteyam asa~NgaH hrIH asa.nchayaH .
AstikyaM brahmacharya.n cha mauna.n sthairya.n kShamA abhayam.h ..
33.
shaucha.n japaH tapaH homaH shraddhA AtithyaM mat archanam.h .
tIrthATanaM parArthehA tuShTiH AchAryasevanam.h .. 34..
ete yamAH saniyamAH ubhayoH dvAdasha smR^itAH .
pu.nsAm upAsitAH tAta yathAkAma.n duhanti hi .. 35..
shamaH mat niShThatA buddheH damaH indriyasa.nyamaH .
titikShA duHkhasaMmarShaH  jihvA upasthajayaH dhR^itiH .. 36..
daNDanyAsaH para.n dAna.n kAmatyAgaH tapaH smR^itam.h .
svabhAvavijayaH shaurya.n satya.n cha samadarshanam.h .. 37..
R^ita.n cha sUnR^itA vANI kavibhiH parikIrtitA .
karmasvasa~NgamaH shaucha.n tyAgaH sa.nnyAsaH uchyate .. 38..
dharmaH iShTa.n dhana.n nR^INA.n yaj~naH ahaM bhagavattamaH .
dakShiNA j~nAnasandeshaH prANAyAmaH paraM balam.h .. 39..
bhagaH me aishvaraH bhAvaH lAbhaH madbhaktiH uttamaH .
vidyA Atmani bhida abAdhaH jugupsA hrIH akarmasu .. 40..
shrIH guNAH nairapekShya AdyAH sukha.n duHkhasukha atyayaH .
duHkha.n kAmasukha apekShA paNDitaH bandhamokShavit.h .. 41..
mUrkhaH deha Adi ahaM buddhiH panthAH mat nigamaH smR^itaH .
utpathaH chittavikShepaH svargaH sattvaguNa uadayaH .. 42..
narakaH tamaH unnahaH bandhuH guruH aha.n sakhe .
gR^iha.n sharIraM mAnuShya.n guNADhyaH hi ADhyaH uchyate .. 43..
daridraH yaH tu asantuShTaH kR^ipaNaH yaH ajitendriyaH .
guNeShu asaktadhIH IshaH guNasa~NgaH viparyayaH .. 44..
etaH uddhava te prashnAH sarve sAdhu nirUpitAH .
ki.n varNitena bahunA lakShaNa.n guNadoShayoH .
guNadoSha dR^ishiH doShaH guNaH tu ubhayavarjitaH .. 45..
iti shrImadbhAgavate mahApurANe pAramaha.nsyA.n
sa.nhitAyAmekAdashaskandhe bhagavadudhavasa.nvAde
ekonavi.nsho.adhyAyaH .. 19..
atha vi.nshaH adhyAyaH .
uddhavaH uvAcha .
vidhiH cha pratiShedhaH cha nigamaH hi Ishvarasya te .
avekShate aravindAkSha guNa.n doSha.n cha karmaNAm.h .. 1..
varNAshrama vikalpa.n cha pratiloma anulomajam.h .
dravya desha vayaH kAlAn svarga.n narakam eva cha .. 2..
guNa doSha bhidA dR^iShTim antareNa vachaH tava .
niHshreyasa.n katha.n nR^INA.n niShedha vidhi lakShaNam.h .. 3..
pitR^idevamanuShyANA.n vedaH chakShuH tava Ishvara .
shreyaH tu anupalabdhe arthe sAdhyasAdhanayoH api .. 4..
guNadoShabhidAdR^iShTiH nigamAt te na hi svataH .
nigamena apavAdaH cha bhidAyAH iti hi bhramaH .. 5..
shrIbhagavAn uvAcha .
yogAH trayaH mayA proktA nR^INA.n shreyovidhitsayA .
j~nAna.n karma cha bhaktiH cha na upAyaH anyaH asti kutrachit.h ..
6..
nirviNNAnA.n j~nAnayogaH nyAsinAm iha karmasu .
teShu anirviNNachittAnA.n karmayogaH ti kAminAm.h .. 7..
yadR^ichChayA mat kathA Adau jAtashraddhaH tu yaH pumAn.h .
na nirviNNaH na atisaktaH bhaktiyogaH asya siddhidaH .. 8..
tAvat karmANi kurvIta na nirvidyeta yAvatA .
mat kathAshravaNa Adau vA shraddhA yAvat na jAyate .. 9..
svadharmasthaH yajanyaj~naiH anAshIH kAmaH uddhava .
na yAti svarganarakau yadi anyatra samAcharet.h .. 10..
asmin loke vartamAnaH svadharmasthaH anaghaH shuchiH .
j~nAna.n vishuddham Apnoti madbhakti.n vA yadR^ichChayA .. 11..
svargiNaH api etam ichChanti loka.n nirayiNaH tathA .
sAdhaka.n j~nAnabhaktibhyAm ubhaya.n tat asAdhakam.h .. 12..
na naraH svargati.n kA.nkShet nArakI.n vA vichakShaNaH .
na ima.n loka.n cha kA.nkSheta deha AveshAt pramAdyati .. 13..
etat vidvAn purA mR^ityoH abhavAya ghaTeta saH .
apramattaH ida.n j~nAtvA martyam api arthasiddhidam.h .. 14..
ChidyamAna.n yamaiH etaiH kR^itanIDa.n vanaspatim.h .
khagaH svaketam utsR^ijya kShema.n yAti hi alampaTaH .. 15..
ahorAtraiH ChidyamAnaM buddhvAyuH bhayavepathuH .
muktasa~NgaH paraM buddhvA nirIha upashAmyati .. 16..
nR^ideham Adya.n sulabha.n sudurlabham
     plava.n sukalpa.n gurukarNadhAram.h .
mayA anukUlena nabhasvateritam
     pumAn bhavAbdhi.n na taret saH AtmahA .. 17..
yadA ArambheShu nirviNNaH viraktaH sa.nyatendriyaH .
abhyAsena AtmanaH yogI dhArayet achalaM manaH .. 18..
dhAryamANaM manaH yaH hi bhrAmyadAshu anavasthitam.h .
atandritaH anurodhena mArgeNa Atmavasha.n nayet.h .. 19..
manogati.n na visR^ijet jitaprANaH jitendriyaH .
sattvasaMpannayA buddhyA manaH Atmavasha.n nayet.h .. 20..
eShaH vai paramaH yogaH manasaH sa.ngrahaH smR^itaH .
hR^idayaj~natvam anvichChan damyasya eva arvataH muhuH .. 21..
sA.nkhyena sarvabhAvAnAM pratiloma anulomataH .
bhava api ayau anudhyayet manaH yAvat prasIdati .. 22..
nirviNNasya viraktasya puruShasya uktavedinaH .
manaH tyajati daurAtmya.n chintitasya anuchintayA .. 23..
yama AdibhiH yogapathaiH AnvIkShikyA cha vidyayA .
mama archopAsanAbhiH vA na anyaiH yogya.n smaret manaH .. 24..
yadi kuryAt pramAdena yogI karma vigarhitam.h .
yogena eva dahet a.nhaH na anyat tatra kadAchana .. 25..
sve sve adhikAre yA niShThA saH guNaH parikIrtitaH .
karmaNA.n jAti ashuddhAnAm anena niyamaH kR^itaH .
guNadoShavidhAnena sa~NgAnA.n tyAjanechChayA .. 26..
jAtashraddaH matkathAsu nirviNNaH sarvakarmasu .
veda duHkhAtmakAn kAmAn parityAge api anIshvaraH .. 27..
tataH bhajeta mAM prItaH shraddhAluH dR^iDhanishchayaH .
juShamANaH cha tAn kAmAn duHkha udarkAn cha garhayan.h .. 28..
proktena bhaktiyogena bhajataH mA asakR^it muneH .
kAmAH hR^idayyAH nashyanti sarve mayi hR^idi sthite .. 29..
bhidyate hR^idayagranthiH Chidyante sarvasa.nshayAH .
kShIyante cha asya karmANi mayi dR^iShTe akhila Atmani .. 30..
tasmAt madbhaktiyuktasya yoginaH vai mat AtmanaH .
na j~nAna.n na cha vairAgyaM prAyaH shreyaH bhavet iha .. 31..
yat karmabhiH yat tapasA j~nAnavairAgyataH cha yat.h .
yogena dAnadharmeNa shreyobhiH itaraiH api .. 32..
sarva.n madbhaktiyogena madbhaktaH labhate a~njasA .
svarga apavargaM mat dhAma katha.nchit yadi vA~nChati .. 33..
na ki.nchit sAdhavaH dhIrAH bhaktAH hi ekAntinaH mama .
vA~nChati api mayA datta.n kaivalyam apunarbhavam.h .. 34..
nairapekShyaM paraM prAhuH niHshreyasam analpakam.h .
tasmAt nirAshiShaH bhaktiH nirapekShasya me bhavet.h .. 35..
na mayi ekAntabhaktAnA.n guNadoSha udbhavAH guNAH .
sAdhUnA.n samachittAnAM buddheH param upeyuShAm.h .. 36..
evam etat mayA AdiShTAn anutiShThanti me pathaH .
kShema.n vindanti mat sthAna.n yat brahma parama.n viduH .. 37..
iti shrImadbhAgavate mahApurANe pAramaha.nsyA.n
sa.nhitAyAmekAdashaskandhe bhagavaduddhavasa.nvAde
vedatrayIvibhAgayogo nAma vi.nsho.adhyAyaH .. 20..
atha ekavi.nshaH adhyAyaH .
shrIbhagavAn uvAcha .
yaH etAn matpathaH hitvA bhaktij~nAnakriyAtmakAn.h .
kShudrAn kAmAn chalaiH prANaiH juShantaH sa.nsaranti te .. 1..
sve sve adhikAre yA niShThA saH guNaH parikIrtitaH .
viparyayaH tu doShaH syAt ubhayoH eShaH nishchayaH .. 2..
shuddhi ashuddhI vidhIyete samAneShu api vastuShu .
dravyasya vichikitsArtha.n guNadoShau shubha ashubhau .. 3..
dharmArtha.n vyavahArArtha.n yAtrArtham iti cha anagha .
darshitaH ayaM mayA AchAraH dharmam udvahatA.n dhuram.h .. 4..
bhUmi ambu agni anila AkAshAH bhUtAnAM pa~ncha dhAtavaH .
Abrahma sthAvara AdInA.n sharIrAH Atmasa.nyutAH .. 5..
vedena nAmarUpANi viShamANi sameShu api .
dhAtuShu uddhava kalpyantaH eteShA.n svArthasiddhaye .. 6..
desha kAla Adi bhAvAnA.n vastUnAM mama sattama .
guNadoShau vidhIyete niyamArtha.n hi karmaNAm.h .. 7..
akR^iShNasAraH deshAnAm abrahmaNyaH ashuchiH bhavet.h .
kR^iShNasAraH api asauvIra kIkaTa asa.nskR^iteriNam.h .. 8..
karmaNyaH guNavAn kAlaH dravyataH svataH eva vA .
yataH nivartate karma saH doShaH akarmakaH smR^itaH .. 9..
dravyasya shuddhi ashuddhI cha dravyeNa vachanena cha .
sa.nskAreNa atha kAlena mahattva alpatayA athavA .. 10..
shaktyA ashaktyA athavA buddhyA samR^iddhyA cha yat Atmane .
agha.n kurvanti hi yathA desha avasthA anusArataH .. 11..
dhAnya dAru asthi tantUnA.n rasa taijasa charmaNAm.h .
kAla vAyu agni mR^ittoyaiH pArthivAnA.n yuta ayutaiH .. 12..
amedhyalipta.n yat yena gandha.n lepa.n vyapohati .
bhajate prakR^iti.n tasya tat shaucha.n tAvat iShyate .. 13..
snAna dAna tapaH avasthA vIrya sa.nskAra karmabhiH .
mat smR^ityA cha AtmanaH shaucha.n shuddhaH karma Acharet dvijaH
.. 14..
mantrasya cha parij~nAna.n karmashuddhiH madarpaNam.h .
dharmaH saMpadyate ShaDbhiH adharmaH tu viparyayaH .. 15..
kvachit guNaH api doShaH syAt doShaH api vidhinA guNaH .
guNadoShArthaniyamaH tat bhidAm eva bAdhate .. 16..
samAnakarma AcaraNaM patitAnA.n na pAtakam.h .
autpattikaH guNaH sa~NgaH na shayAnaH patati adhaH .. 17..
yataH yataH nivarteta vimuchyeta tataH tataH .
eShaH dharmaH nR^INA.n kShemaH shokamohabhaya apahaH .. 18..
viShayeShu guNAdhyAsAt pu.nsaH sa~NgaH tataH bhavet.h .
sa~NgAt tatra bhavet kAmaH kAmAt eva kaliH nR^INAm.h .. 19..
kaleH durviShahaH krodhaH tamaH tam anuvartate .
tamasA grasyate pu.nsaH chetanA vyApinI drutam.h .. 20..
tayA virahitaH sAdho jantuH shUnyAya kalpate .
tataH asya svArthavibhra.nshaH mUrchChitasya mR^itasya cha .. 21..
viShayAbhiniveshena na AtmAna.n veda na aparam.h .
vR^ikShajIvikayA jIvan vyarthaM bhastra iva yaH shvasan.h .. 22..
phalashrutiH iya.n nR^INA.n na shreyaH rochanaM param.h .
shreyovivakShayA prokta.n yathA bhaiShajyarochanam.h .. 23..
utpatti eva hi kAmeShu prANeShu svajaneShu cha .
AsaktamanasaH martyA AtmanaH anarthahetuShu .. 24..
na tAn aviduShaH svArthaM bhrAmyataH vR^ijinAdhvani .
katha.n yu~njyAt punaH teShu tAn tamaH vishataH budhaH .. 25..
eva.n vyavasita.n kechit avij~nAya kubuddhayaH .
phalashruti.n kusumitA.n na vedaj~nAH vadanti hi .. 26..
kAminaH kR^ipaNAH lubdhAH puShpeShu phalabuddhayaH .
agnimugdhA dhumatAntAH sva.n loka.n na vindanti te .. 27..
na te mAm a~NgaH jAnanti hR^idistha.n yaH ida.n yataH .
ukthashastrAH hi asutR^ipaH yathA nIhArachakShuShaH .. 28..
te me matam avij~nAya parokSha.n viShayAtmakAH .
hi.nsAyA.n yadi rAgaH syAt yaj~naH eva na chodanA .. 29..
hi.nsAvihArAH hi alabdhaiH pashubhiH svasukhaechChayA .
yajante devatAH yaj~naiH pitR^ibhUtapatIn khalAH .. 30..
svapn upamam amu.n lokam asanta.n shravaNapriyam.h .
AshiShaH hR^idi sa~Nkalpya tyajanti arthAn yathA vaNik.h .. 31..
rajaHsattvatamoniShThAH rajaHsattvatamojuShaH .
upAsataH indramukhyAn devAdIn na tathA eva mAm.h .. 32..
iShTvA iha devatAH yaj~naiH gatvA ra.nsyAmahe divi .
tasya antaH iha bhUyAsmaH mahAshAlA mahAkulAH .. 33..
eva.n puShpitayA vAchA vyAkShiptamanasA.n nR^INAm.h .
mAninAn cha atistabdhAnAM madvArtA api na rochate .. 34..
vedAH brahmAtmaviShayAH trikANDaviShayAH ime .
parokShavAdAH R^iShayaH parokShaM mama cha priyam.h .. 35..
shabdabrahma sudurbodhaM prANa indriya manomayam.h .
anantapAra.n gambhIra.n durvigAhya.n samudravat.h .. 36..
mayA upabR^i.nhitaM bhUmnA brahmaNA anantashaktinA .
bhUteShu ghoSharUpeNa biseShu UrNa iva lakShyate .. 37..
yathA UrNanAbhiH hR^idayAt UrNAm udvamate mukhAt.h .
AkAshAt ghoShavAn prANaH manasA sparsharUpiNA .. 38..
ChandomayaH amR^itamayaH sahasrapadavIM prabhuH .
o~NkArAt vya~njita sparsha svara uShma antastha bhUShitAm.h ..
39..
vichitrabhAShAvitatA.n ChandobhiH chatura uttaraiH .
anantapArAM bR^ihatI.n sR^ijati AkShipate svayam.h .. 40..
gAyatrI uShNik anuShTup cha bR^ihatI pa~NktiH eva cha .
triShTup jagatI atichChandaH hi atyaShTi atijagat virAT.h .. 41..
ki.n vidhatte kim AchaShTe kim anUdya vikalpayet.h .
iti asyAH hR^idaya.n loke na anyaH mat veda kashchana ..42..
mA.n vidhatte abhidhatte mA.n vikalpya apohyate tu aham.h .
etAvAn sarvavedArthaH shabdaH AsthAya mAM bhidAm.h .
mAyAmAtram anUdya ante pratiShidhya prasIdati .. 43..
iti shrImadbhAgavate mahApurANe pAramaha.nsyA.n
sa.nhitAyAmekAdashaskandhe bhagavadddhavasa.nvAde
vedatrayavibhAganirUpaNa.n nAma ekavi.nsho.adhyAyaH .. 21..
atha dvAvi.nshaH adhyAyaH .
uddhavaH uvAcha .
kati tattvAni vishvesha sa.nkhyAtAni R^iShibhiH prabho .
nava ekAdasha pa~ncha trINi Attha tvam iha shushruma .. 1..
kechit ShaDvi.nshatiM prAhuH apare pa~nchavi.nshatim.h .
sapta eke nava ShaT kechit chatvAri ekAdasha apare .
kechit saptadasha prAhuH ShoDasha eke trayodasha .. 2..
etAvat tvam hi sa.nkhyAnAm R^iShayaH yat vivakShayA .
gAyanti pR^ithak AyuShman ida.n naH vaktum arhasi .. 3..
shrIbhagavAn uvAcha .
yukta.n cha santi sarvatra bhAShante brAhmaNAH yathA .
mAyAM madIyAm udgR^ihya vadatA.n ki.n nu durghaTam.h .. 4..
na etat eva.n yathA Attha tva.n yat aha.n vachmi tat tathA .
eva.n vivadatA.n hetu.n shaktayaH me duratyayAH .. 5..
yAsA.n vyatikarAt AsIt vikalpaH vadatAM padam.h .
prApte shamadame api eti vAdastamanu shAmyati .. 6..
parasparAn anupraveshAt tattvAnAM puruSharShabha .
paurva aparya prasa.nkhyAna.n yathA vaktuH vivakShitam.h .. 7..
ekasmin api dR^ishyante praviShTAni itarANi cha .
pUrvasmin vA parasmin vA tattve tattvAni sarvashaH .. 8..
paurva aparyam ataH amIShAM prasa.nkhyAnam abhIpsatAm.h .
yathA vivikta.n yat vaktra.n gR^ihNImaH yuktisaMbhavAt.h .. 9..
anAdi avidyAyuktasya puruShasya Atmavedanam.h .
svataH na saMbhavAt anyaH tattvaj~naH j~nAnadaH bhavet.h .. 10..
puruSha IshvarayoH atra na vailakShaNyam aNu api .
tat anyakalpanApArthA j~nAna.n cha prakR^iteH guNaH .. 11..
prakR^itiH guNasAmya.n vai prakR^iteH na AtmanaH guNAH .
sattva.n rajaH tamaH iti sthiti utpatti antahetavaH .. 12..
sattva.n j~nAna.n rajaH karma tamaH aj~nAnam iha uchyate .
guNavyatikaraH kAlaH svabhAvaH sUtram eva cha .. 13..
puruShaH prakR^itiH vyaktam aha.nkAraH nabhaH anilaH .
jyotiH ApaH kShitiH iti tattvAni uktAni me nava .. 14..
shrotra.n tvak darshana.n ghrANaH jihvA iti j~nAnashaktayaH .
vAk pANi upastha pAyu a.nghriH karmANya~Nga ubhayaM manaH .. 15..
shabdaH sparshaH rasaH gandhaH rUpa.n cha iti arthajAtayaH .
gati ukti utsarga shilpAni karma Ayatana siddhayaH .. 16..
sarga Adau prakR^itiH hi asya kArya kAraNa rUpiNI .
sattva AdibhiH guNaiH dhatte puruShaH avyaktaH IkShate .. 17..
vyakta AdayaH vikurvANAH dhAtavaH puruSha IkShayA .
labdhavIryAH sR^ijanti aNDa.n sa.nhatAH prakR^iteH balAt.h .. 18..
sapta eva dhAtavaH iti tatra arthAH pa~ncha khAdayaH .
j~nAnam AtmA ubhaya AdhAraH tataH deha indriya AsavaH .. 19..
ShaD iti atra api bhUtAni pa~ncha ShaShThaH paraH pumAn.h .
taiH yuktaH AtmasaMbhUtaiH sR^iShTvA ida.n samupAvishat.h .. 20..
chatvAri eva iti tatra api tejaH ApaH annam AtmanaH .
jAtAni taiH ida.n jAta.n janma avayavinaH khalu .. 21..
sa.nkhyAne saptadashake bhUtamAtra indriyANi cha .
pa~nchapa~ncha eka manasA AtmA saptadashaH smR^itaH .. 22..
tadvat ShoDashasa.nkhyAne AtmA eva manaH uchyate .
bhUtendriyANi pa~ncha eva manaH AtmA trayodashaH .. 23..
ekAdashatvaH AtmA asau mahAbhUtendriyANi cha .
aShTau prakR^itayaH cha eva puruShaH cha nava iti atha .. 24..
iti nAnA prasa.nkhyAna.n tattvAnAm R^iShibhiH kR^itam.h .
sarva.n nyAyya.n yuktimatvAt  viduShA.n kim ashobhanam.h .. 25..
uddhavaH uvAcha .
prakR^itiH puruShaH cha ubhau yadi api AtmavilakShaNau .
anyonya apAshrayAt kR^iShNa dR^ishyate na bhidA tayoH .
prakR^itau lakShyate hi AtmA prakR^itiH cha tathA Atmani .. 26..
evaM me puNDarIkAkSha mahAnta.n sa.nshaya.n hR^idi .
Chettum arhasi sarvaj~na vachobhiH nayanaipuNaiH .. 27..
tvattaH j~nAna.n hi jIvAnAM pramoShaH te atra shaktitaH .
tvam eva hi Atma mAyAyA gati.n vettha na cha aparaH .. 28..
shrIbhagavAn uvAcha .
prakR^itiH puruShaH cha iti vikalpaH puruSharShabha .
eShaH vaikArikaH sargaH guNavyatikarAtmakaH .. 29..
mama a~Nga mAyA guNamayI anekadhA
      vikalpabuddhIH cha guNaiH vidhatte .
vaikArikaH trividhaH adhyAtmam ekam
      atha adhidaivam adhibhUtam anyat.h .. 30..
dR^ik rUpam Arka.n vapuH atra randhre
       paraspara.n sidhyati yaH svataH khe .
AtmA yat eSham aparaH yaH AdyaH
       svayA anubhUtya akhilasiddhasiddhiH .
eva.n tvak Adi shravaNAdi chakShuH
       jihva Adi nAsa Adi cha chittayuktam.h .. 31..
yaH asau guNakShobhakR^itau vikAraH
       pradhAnamUlAt mahataH prasUtaH .
aha.n trivR^it mohavikalpahetuH
       vaikArikaH tAmasaH aindriyaH cha .. 32..
AtmAparij~nAnamayaH vivAdaH
       hi asti iti na asti iti bhidArthaniShThaH .
vyarthaH api na eva uparameta pu.nsAM
       mattaH parAvR^ittadhiyA.n svalokAt.h .. 33..
uddhavaH uvAcha .
tvattaH parAvR^ittadhiyaH svakR^itaiH karmabhiH prabho .
uchcha avachAn yathA dehAn gR^ihNanti visR^ijanti cha .. 34..
tat mama AkhyAhi govinda durvibhAvyam anAtmabhiH .
na hi etat prAyashaH loke vidvA.nsaH santi va~nchitAH .. 35..
shrIbhagavAn uvAcha .
manaH karmamaya.n nR^iNAm indriyaiH pa~nchabhiH yutam.h .
lokAt lokaM prayAti anyaH AtmA tat anuvartate .. 36..
dhyAyan manaH anuviShayAn dR^iShTAn vA anushrutAn atha .
udyat sIdat karmatantra.n smR^itiH tat anushAmyati .. 37..
viShaya abhiniveshena na AtmAna.n yat smaret punaH .
jantoH vai kasyachit hetoH mR^ityuH atyantavismR^itiH .. 38..
janma tu AtmatayA pu.nsaH sarvabhAvena bhUrida .
viShaya svIkR^itiM prAhuH yathA svapnamanorathaH .. 39..
svapnaM manoratha.n cha itthaM prAktana.n na smarati asau .
tatra pUrvam iva AtmAnam apUrva.n cha anupashyati .. 40..
indriya Ayana sR^iShTyA ida.n traividhyaM bhAti vastuni .
bahiH antaH bhidAhetuH janaH asat janakR^it yathA .. 41..
nityadA hi a~NgaH bhUtAni bhavanti na bhavanti cha .
kAlena alkShyavegena sUkShmatvAt tat na dR^ishyate .. 42..
yathA archiShA.n srotasA.n cha phalAnA.n vA vanaspateH .
tathA eva sarvabhUtAnA.n vayaH avasthA AdayaH kR^itAH .. 43..
saH aya.n dIpaH archiShA.n yadvat srotasA.n tat ida.n jalam.h .
saH ayaM pumAn iti nR^iNAM mR^iShAH gIH dhIH mR^iShA
AyuShAm.h .. 44..
mA svasya karmabIjena jAyate saH api ayaM pumAn.h .
mriyate vAmaraH bhrAntyA yathA agniH dAru sa.nyutaH .. 45..
niShekagarbhajanmAni bAlyakaumArayauvanam.h .
vayomadhya.n jarA mR^ityuH iti avasthAH tanoH nava .. 46..
etAH manorathamayIH hi anyasya uchchAvachAH tanUH .
guNasa~NgAt upAdatte kvachit kashchit jahAti cha .. 47..
AtmanaH pitR^iputrAbhyAm anumeyau bhavApyayau .
na bhavApyayavastUnAm abhij~naH dvayalakShaNaH .. 48..
taroH bIjavipAkAbhyA.n yaH vidvAt janmasa.nyamau .
taroH vilakShaNaH draShTA eva.n draShTA tanoH pR^ithak.h .. 49..
prakR^iteH evam AtmAnam avivichya abudhaH pumAn.h .
tattvena sparshasaMmUDhaH sa.nsAraM pratipadyate .. 50..
sattvasa~NgAt R^iShIn devAn rajasA asuramAnuShAn.h .
tamasA bhUtatiryaktvaM bhrAmitaH yAti karmabhiH .. 51..
nR^ityataH gAyataH pashyan yathA eva anukaroti tAn.h .
evaM buddhiguNAn pashyan anIhaH api anukAryate .. 52..
yathA ambhasA prachalatA taravaH api chalAH iva .
chakShuShA bhrAmyamANena dR^ishyate bhramati iva bhUH .. 53..
yathA manorathadhiyaH viShayAnubhavaH mR^iShA .
svapnadR^iShTAH cha dAshArha tathA sa.nsAraH AtmanaH .. 54..
arthe hi avidyamAne api sa.nsR^itiH na nivartate .
dhyAyataH viShayAn asya svapne anartha AgamaH yathA .. 55..
tasmAt uddhava mA bhu~NkShva viShayAn asat indriyaiH .
AtmA agrahaNanirbhAtaM pashya vaikalpikaM bhramam.h .. 56..
kShiptaH avamAnitaH asadbhiH pralabdhaH asUyitaH athavA .
tADitaH sa.nnibaddhaH vA vR^ittyA vA parihApitaH .. 57..
niShThitaH mUtritaH bahudhA evaM prakampitaH .
shreyaskAmaH kR^ichChragataH AtmanA AtmAnam uddharet.h .. 58..
uddhavaH uvAcha .
yathA evam anubuddhyeya.n vada naH vadatA.n vara .
suduHsaham imaM manyaH Atmani asat atikramam.h .. 59..
viduSham api vishvAtman prakR^itiH hi balIyasI .
R^ite tvat dharmaniratAn shAntAH te charaNAlayAn.h .. 60..
iti shrImadbhAgavate mahApurANe pAramaha.nsyA.n
sa.nhitAyAmekAdashaskandhe bhagavaduddhavasa.nvAde
dvAvi.nsho.adhyAyaH .. 22..
atha trayovi.nshaH adhyAyaH .
bAdarAyaNiH uvAcha .
saH evam Asha.nsitaH uddhavena
       bhAgavatamukhyena dAshArhamukhyaH .
sabhAjayan bR^ityavachaH mukundaH
       tam AbabhAShe shravaNIyavIryaH .. 1..
shrIbhagavAn uvAcha .
barhaspatya saH vai na atra sAdhuH vai durjan IritaiH .
duruktaiH bhinnam AtmAna.n yaH samAdhAtum IshvaraH .. 2..
na tathA tapyate viddhaH pumAn bANaiH sumarmagaiH .
yathA tudanti marmasthAH hi asatAM paruSheShavaH .. 3..
kathayanti mahatpuNyam itihAsam iha uddhava .
tam aha.n varNayiShyAmi nibodha susamAhitaH .. 4..
kenachit bhikShuNA gItaM paribhUtena durjanaiH .
smaratAH dhR^itiyuktena vipAka.n nijakarmaNAm.h .. 5..
avaniShu dvijaH kashchit AsIt ADhyatamaH shriyA .
vArtAvR^ittiH kadaryaH tu kAmI lubdhaH atikopanaH .. 6..
j~nAtayaH atithayaH tasya vA~NmAtreNa api na architAH .
shUnya avasathaH AtmA api kAle kAmaiH anarchitaH .. 7..
duHshIlasya kadaryasya druhyante putrabAndhavAH .
dArA duhitaraH bhR^ityAH viShaNNAH na Acharan priyam.h .. 8..
tasya eva.n yakShavittasya chyutasya ubhayalokataH .
dharmakAmavihInasya chukrudhuH pa~nchabhAginaH .. 9..
tat avadhyAna visrasta puNya skandhasya bhUrida .
arthaH api agachChan nidhanaM bahu AyAsa parishramaH .. 10..
j~nAtayaH jagR^ihuH ki.nchit ki.nchit asyavaH uddhava .
daivataH kAlataH ki.nchit brahmabandhoH nR^ipArthivAt.h .. 11..
saH eva.n draviNe naShTe dharmakAmavivarjitaH .
upekShitaH cha svajanaiH chintAm Apa duratyayAm.h .. 12..
tasya eva.n dhyAyataH dIrgha.n naShTarAyaH tapasvinaH .
khidyataH bAShpakaNThasya nirvedaH sumahAn abhUt.h .. 13..
saH cha Aha idam aho kaShTa.n vR^ithA AtmA me anutApitaH .
na dharmAya na kAmAya yasya artha AyAsaH IdR^ishaH .. 14..
prAyeNa arthAH kadaryANA.n na sukhAya kadAchana .
iha cha AtmopatApAya mR^itasya narakAya cha .. 15..
yashaH yashasvinA.n shuddha.n shlAghyAH ye guNinA.n guNAH .
lobhaH svalpaH api tAn hanti shvitraH rUpam iva ipsitam.h .. 16..
arthasya sAdhane siddhaH utkarShe rakShaNe vyaye .
nAsha upabhogaH AyAsaH trAsaH chintA bhramaH nR^iNAm.h .. 17..
steya.n hi.nsA anR^ita.n dambhaH kAmaH krodhaH smayaH madaH .
bhedaH vairam avishvAsaH sa.nspardhA vyasanAni cha .. 18..
ete pa~nchadashAn arthAH hi arthamUlAH matAH nR^iNAm.h .
tasmAt anartham arthAkhya.n shreyaH arthI dUrataH tyajet.h .. 19..
bhidyante bhrAtaraH dArAH pitaraH suhR^idaH tathA .
ekAsnigdhAH kAkiNinA sadyaH sarve arayaH kR^itAH .. 20..
arthena alpIyasA hi ete sa.nrabdhA dIptam anyavaH .
tyajanti Ashu spR^idhaH ghnanti sahasA utsR^ijya sauhR^idam.h ..
21..
labdhvA janma amaraprArthyaM mAnuShya.n tat dvija agryatAm.h .
tat anAdR^itya ye svArtha.n ghnanti yAnti ashubhA.n gatim.h ..
22..
svarga apavargayoH dvAraM prApya lokam imaM pumAn.h .
draviNe kaH anUShajjeta martyaH anarthasya dhAmani .. 23..
devarShi pitR^i bhUtAni j~nAtIn bandhUn cha bhAginaH .
asa.nvibhajya cha AtmAna.n yakShavittaH patati adhaH .. 24..
vyarthayA arthehayA vittaM pramattasya vayaH balam.h .
kushalAH yena sidhyanti jaraThaH ki.n nu sAdhaye .. 25..
kasmAt sa.nklishyate vidvAn vyarthayA arthehayA asakR^it.h .
kasyachit mAyayA nUna.n lokaH aya.n suvimohitaH .. 26..
ki.n dhanaiH dhanadaiH vA ki.n kAmaiH vA kAmadaiH uta .
mR^ityunA grasyamAnasya karmabhiH vA uta janmadaiH .. 27..
nUnaM me bhagavAn tuShTaH sarvadevamayaH hariH .
yena nItaH dashAm etA.n nirvedaH cha AtmanaH plavaH .. 28..
saH aha.n kalau asheSheNa shoShayihhye a~Ngam AtmanaH .
apramattaH akhilasvArthe yadi syAt siddhaH Atmani .. 29..
tatra mAm anumoderan devAH tribhuvaneshvarAH .
muhUrtena brahmaloka.n khaTvA~NgaH samasAdhayat.h .. 30..
shrIbhagavAn uvAcha .
iti abhipretya manasA hi AvantyaH dvijasattamaH .
unmuchya hR^idayagranthIn shAntaH bhikShuH abhUt muniH .. 31..
saH chachAra mahIm etA.n sa.nyata Atmendriya anilaH .
bhikShArtha.n nagara grAmAn asa~NgaH alakShitaH avishat.h .. 32..
ta.n vai pravayasaM bhikShum avadhUtam asajjanAH .
dR^iShTvA paryabhavan bhadraH bahvIbhiH paribhUtibhiH .. 33..
kechit triveNu.n jagR^ihuH eke pAtra.n kamaNDalum.h .
pITha.n cha eke akShasUtra.n cha kanthA.n chIrANi kechana .. 34..
pradAya cha punaH tAni darshitAni AdaduH muneH .
anna.n cha bhaikShyasampannaM bhu~njAnasya sarit taTe .. 35..
mUtrayanti cha pApiShThAH ShThIvanti asya cha mUrdhani .
yatavAcha.n vAchayanti tADayanti na vakti chet .. 36..
tarjayanti apare vAgbhiH stenaH ayam iti vAdinaH .
badhnanti rajjvA ta.n kechit badhyatAM badhyatAm iti .. 37..
kShipanti eke avajAnantaH eShaH dharmadhvajaH shaThaH .
kShINavittaH imA.n vR^ittim agrahIt svajana ujjhitaH .. 38..
aho eShaH mahAsAraH dhR^itimAn giriH ADiva .
maunena sAdhayati artha.n bakavat dR^iDhanishchayaH .. 39..
iti eke vihasanti enam eke durvAtayanti cha .
taM babandhuH nirurudhuH yathA krIDanaka.n dvijam.h .. 40..
eva.n saH bhautika.n duHkha.n daivika.n daihika.n cha yat.h .
bhoktavyam AtmanaH diShTaM prAptaM prAptam abudhyata .. 41..
paribhUtaH imA.n gAthAm agAyata narAdhamaiH .
pAtayadbhiH svadharmasthaH dhR^itim AsthAya sAtvikIm.h .. 42..
dvijaH uvAcha .
na aya.n janaH me sukhaduHkhahetuH
       na devatAtmA grahakarmakAlAH .
manaH para.n kAraNam Amananti
       sa.nsArachakraM parivartayet yat.h .. 43..
manaH guNAn vai sR^ijate balIyaH
       tataH cha karmANi vilakShaNAni .
shuklAni kR^iShNAni atha lohitAni
       tebhyaH savarNAH sR^itayaH bhavanti .. 44..
anIhaH AtmA manasA samIhatA
       hiraNmayaH matsakhaH udvichaShTe .
manaH svali~NgaM parigR^ihya kAmAn
       juShan nibaddhaH guNasa~NgataH asau .. 45..
dAna.n svadharmaH niyamaH yamaH cha
       shruta.n cha karmANi cha sadvratAni .
sarve manonigrahalakShaNAntAH
       paraH hi yogaH manasaH samAdhi .. 46..
samAhita.n yasya manaH prashAntam
       dAnAdibhiH ki.n vada tasya kR^ityam.h .
asa.nyata.n yasya manaH vinashyat
       dAnAdibhiH chet apara.n kimebhiH .. 47..
manovashe anye hi abhavan sma devAH
       manaH cha na anyasya vasha.n sameti .
bhIShmaH hi devaH sahasaH sahIyAn
       yu~njyAt vashe ta.n saH hi devadevaH .. 48..
ta.n durjaya.n shatrum asahyavega.n
       maruntuda.n tat na vijitya kechit.h .
kurvanti asat vigraham atra martyaiH
       mitrANi udAsIna ripUn vimUDhAH .. 49..
dehaM manomAtram ima.n gR^ihItvA
       mama aham iti andha dhiyaH manuShyAH .
eShaH aham anyaH ayam iti bhrameNa
       durantapAre tamasi bhramanti .. 50..
janaH tu hetuH sukhaduHkhayoH chet
       kim AtmanaH cha atra ha bhaumayoH tat.h .
jihvA.n kvachit sandashati svadadbhiH
       tat vedanAyA.n katamAya kupyet.h .. 51..
duHkhasya hetuH yadi devatAH tu
       kim AtmanaH tatra vikArayoH tat.h .
yat a~Ngam a~Ngena nihanyate kvachit
       krudhyeta kasmai puruShaH svadehe .. 52..
AtmA yadi syAt sukhaduHkhahetuH
       kim anyataH tatra nijasvabhAvaH .
na hi AtmanaH anyat yadi tat mR^iShA syAt
       krudhyeta kasmAt na sukha.n na duHkham.h .. 53..
grahAH nimitta.n sukhaduHkhayoH chet
       kim AtmanaH ajasya janasya te vai .
grahaiH grahasya eva vadanti pIDAm
       krudhyeta kasmai puruShaH tataH anyaH .. 54..
karmAH tu hetuH sukhaduHkhayoH chet
       kim AtmanaH tat hi jaDAjaDatve .
dehaH tu achitpuruShaH aya.n suparNaH
       krudhyeta kasmai na hi karmamUlam.h .. 55..
kAlaH tu hetuH sukhaduHkhayoH chet
       kim AtmanaH tatra tat AtmakaH asau .
na agneH hi tApaH na himasya tat syAt
       krudhyeta kasmai na parasya dvandvam.h .. 56..
na kenachit kva api katha.nchana asya
       dvandva uparAgaH parataH parasya .
yathAhamaH sa.nsR^itirUpiNaH syAt
       evaM prabuddhaH na bibheti bhUtaiH .. 57..
etA.n saH AsthAya parAtmaniShThAm
       adhyAsitAM pUrvatamaiH maharShibhiH .
aha.n tariShyAmi durantapAram
       tamaH mukunda a~NghriniShevayA eva .. 58..
shrIbhagavAn uvAcha .
nirvidya naShTadraviNaH gataklamaH
       pravrajya gAM paryaTamAnaH ittham.h .
nirAkR^itaH asadbhiH api svadharmAt
       akampitaH amuM muniH Aha gAthAm.h .. 59..
sukhaduHkhapradaH na anyaH puruShasya AtmavibhramaH .
mitra udAsInaripavaH sa.nsAraH tamasaH kR^itaH .. 60..
tasmAt sarvAtmanA tAta nigR^ihANa mano dhiyA .
mayi AveshitayA yuktaH etAvAn yogasa.ngrahaH .. 61..
yaH etAM bhikShuNA gItAM brahmaniShThA.n samAhitaH .
dhArayan shrAvayan shruNvan dvandvaiH na eva abhibhUyate .. 62..
iti shrImadbhAgavate mahApurANe pAramaha.nsyA.n
sa.nhitAyAmekAdashaskandhe bhagavaduddhavasa.nvAde
bikShugItanirUpaNa.n nAma trayovi.nsho.adhyAyaH .. 23..
atha chaturvi.nsho.adhyAH .
shrIbhagavAn uvAcha .
atha te saMpravakShyAmi sA.nkhyaM pUrvaiH vinishchitam.h .
yat vij~nAya pumAn sadyaH jahyAt vaikalpikaM bhramam.h .. 1..
AsIt j~nAnam athaH hi arthaH ekam eva avikalpitam.h .
yadA vivekanipuNAH Adau kR^itayuge ayuge .. 2..
tat mAyAphalarUpeNa kevala.n nirvikalpitam.h .
vA~NmanaH agochara.n satya.n dvidhA samabhavat bR^ihat.h .. 3..
tayoH ekataraH hi arthaH prakR^itiH sobhayAtmikA .
j~nAna.n tu anyataraH bhAvaH puruShaH saH abhidhIyate .. 4..
tamaH rajaH sattvam iti prakR^iteH abhavan guNAH .
mayA prakShobhyamANAyAH puruSha anumatena cha .. 5..
tebhyaH samabhavat sUtraM mahAn sUtreNa sa.nyutaH .
tataH vikurvataH jAtaH yaH aha.nkAraH vimohanaH .. 6..
vaikArikaH taijasaH cha tAmasaH cha iti aha.n trivR^it.h .
tanmAtra indriya manasA.n kAraNa.n chit achit mayaH .. 7..
arthaH tanmAtrikAt jaj~ne tAmasAt indriyANi cha .
taijasAt devatAH Asan ekAdasha cha vaikR^itAt.h .. 8..
mayA sa.nchoditAH bhAvAH sarve sa.nhati akAriNaH .
aNDam utpAdayAmAsuH mama Ayatanam uttamam.h .. 9..
tasmin aha.n samabhavam aNDe salilasa.nsthitau .
mama nAbhyAm abhUt padma.n vishvAkhya.n tatra cha AtmabhUH ..
10..
saH asR^ijat tapasA yuktaH rajasA mat anugrahAt.h .
lokAn sapAlAn vishvAtmA bhUH bhuvaH svaH iti tridhA .. 11..
devAnAm okaH AsIt svaH bhUtAnA.n cha bhuvaH padam.h .
martya AdInA.n cha bhUH lokaH siddhAnA.n tritayAt param.h ..
12..
adhaH asurANA.n nAgAnAM bhUmeH okaH asR^ijat prabhuH .
trilokyA.n gatayaH sarvAH karmaNA.n triguNa AtmanAm.h .. 13..
yogasya tapasaH cha eva nyAsasya gatayaH amalAH .
mahaH janaH tapaH satyaM bhaktiyogasya madgatiH .. 14..
mayA kAlAtmanA dhAtrA karmayuktam ida.n jagat.h .
guNapravAhaH etasmin unmajjati nimajjati .. 15..
aNuH bR^ihat kR^ishaH sthUlaH yaH yaH bhAvaH prasidhyati .
sarvaH api ubhayasa.nyuktaH prakR^ityA puruSheNa cha .. 16..
yaH tu yasya AdiH antaH cha saH vai madhya.n cha tasya san.h .
vikAraH vyavahArArthaH yathA taijasa pArthivAH .. 17..
yat upAdAya pUrvaH tu bhAvaH vikurute aparam.h .
AdiH antaH yadA yasya tat satyam abhidhIyate .. 18..
prakR^itiH hi asya upAdAnam AdhAraH puruShaH paraH .
sataH abhivya~njakaH kAlaH brahma tat tritaya.n tu aham.h .. 19..
sargaH pravartate tAvat paurva aparyeNa nityashaH .
mahAn guNavisarga arthaH sthiti antaH yAvat IkShaNam.h .. 20..
virAT mayA AsAdyamAnaH lokakalpavikalpakaH .
pa~nchatvAya visheShAya kalpate bhuvanaiH saha .. 21..
anne pralIyate martyam anna.n dhAnAsu lIyate .
dhAnAH bhUmau pralIyante bhUmiH gandhe pralIyate .. 22..
apsu pralIyante gandhaH ApaH cha svaguNe rase .
lIyate jyotiShi rasaH jyotI rUpe pralIyate .. 23..
rUpa.n vAyau saH cha sparshe lIyate saH api cha ambare .
ambara.n shabdatanmAtraH indriyANi svayoniShu .. 24..
yoniH vaikArike saumya lIyate manasi Ishvare .
shabdaH bhUtAdim api eti bhUtAdiH mahati prabhuH .. 25..
saH lIyate mahAn sveShu guNeShu guNavattamaH .
te avyakte saMpralIyante tatkale lIyate avyaye .. 26..
kAlaH mAyAmaye jIve jIvaH Atmani mayi aje .
AtmA kevalaH AtmasthaH vikalpa apAya lakShaNaH .. 27..
evam anvIkShamANasya katha.n vaikalpikaH bhramaH .
manasaH hR^idi tiShTheta vyomni iva arka udaye tamaH .. 28..
eShaH sA.nkhyavidhiH proktaH sa.nshayagranthibhedanaH .
pratiloma anulomAbhyAM parAvaradR^ishA mayA .. 29..
iti shrImadbhAgavate mahApurANe pAramaha.nsyA.n
sa.nhitAyAmekAdashaskandhe shrIkR^iShNoddhavasa.nvAde
prakR^itipuruShasA~Nkhyayogo nAma chaturvi.nsho.adhyAyaH .. 24..
atha pa~nchavi.nsho.adhyAyaH .
shrIbhagavAnuvAcha .
guNAnAm asamishrANAM pumAnyena yathA bhavet.h .
tanme puruShavarya iadam upadhAraya sha.nsataH .. 1..
samaH damaH titikShA IkShA tapaH satya.n dayA smR^itiH .
tuShTiH tyAgaH aspR^ihA shraddhA hrIH dayA AdiH svanirvR^itiH
.. 2..
kAmaH IhA madaH tR^iShNA stambhaH AshIH bhidA sukham.h .
mada utsAhaH yashaH prItiH hAsya.n vIryaM bala udyamaH .. 3..
krodhaH lobhaH anR^ita.n hi.nsA yA~nchA dambhaH klamaH kaliH .
shokamohau viShAdArtI nidrA AshA bhIH anudyamaH .. 4..
sattvasya rajasaH cha etAH tamasaH cha anumUrvashaH .
vR^ittayaH varNitaprAyAH sa.nnipAtam athaH shruNu .. 5..
sa.nnipAtaH tu aham iti mama iti uddhava yA matiH .
vyavahAraH sa.nnipAtaH manomAtra indriyAsubhiH .. 6..
dharme cha arthe cha kAme cha yadA asau pariniShThitaH .
guNAnA.n sa.nnikarShaH aya.n shraddhAH atidhanAvahaH .. 7..
pravR^ittilakShaNe niShThA pumAn yaH hi gR^ihAshrame .
svadharme cha anutiShTheta guNAnA.n samitiH hi sA .. 8..
puruSha.n sattvasa.nyuktam anumIyAt shama AdibhiH .
kAmAdibhI rajoyukta.n krodhAdyaiH tamasA yutam.h .. 9..
yadA bhajati mAM bhaktyA nirapekShaH svakarmabhiH .
ta.n sattvaprakR^iti.n vidyAt puruSha.n striyam eva vA .. 10..
yadA AshiShaH AshAsya mAM bhajeta svakarmabhiH .
ta.n rajaHprakR^iti.n vidyAt hi.nsAm AshAsya tAmasam.h .. 11..
sattva.n rajaH tamaH iti guNAH jIvasya na eva me .
chittajA yaiH tu bhUtAnA.n sajjamAnaH nibadhyate .. 12..
yadetarau jayet sattvaM bhAsvara.n vishada.n shivam.h .
tadA sukhena yujyeta dharmaj~nAna AdibhiH pumAn.h .. 13..
yadA jayet tamaH sattva.n rajaH sa~Nga.n bhidA chalam.h .
tadA duHkhena yujyeta karmaNA yashasA shriyA .. 14..
yadA jayet rajaH sattva.n tamaH mUDhaH laya.n jaDam.h .
yujyeta shokamohAbhyA.n nidrayA hi.nsayA AshayA .. 15..
yadA chittaM prasIdeta indriyANA.n cha nirvR^itiH .
dehe abhayaM manosa~Nga.n tat sattva.n viddhi matpadam.h .. 16..
vikurvan kriyayA cha adhIra nirvR^itiH cha cetasAm.h .
gAtrAsvAsthyaM manaH bhrAnta.n rajaH etaiH nishAmaya .. 17..
sIdat chitta.n vilIyeta chetasaH grahaNe akShamam.h .
manaH naShTa.n tamaH glAniH tamaH tat upadhAraya .. 18..
edhamAne guNe sattve devAnAM balam edhate .
asurANA.n cha rajasi tamasi uddhava rakShasAm.h .. 19..
sattvAt jagaraNa.n vidyAt rajasA svapnam Adishet.h .
prasvApa.n tamasA jantoH turIya.n triShu santatam.h .. 20..
uparyupari gachChanti sattvena AbrahmaNaH janAH .
tamasA adhaH adhaH AmukhyAt rajasA antarachAriNaH .. 21..
sattve pralInAH svaH yAnti naraloka.n rajolayAH .
tamolayAH tu niraya.n yAnti mAm eva nirguNAH .. 22..
madarpaNa.n niShphala.n vA sAtvika.n nijakarma tat.h .
rAjasaM phalasa~Nkalpa.n hi.nsAprAyAdi tAmasam.h .. 23..
kaivalya.n sAtvika.n j~nAna.n rajaH vaikalpika.n cha yat.h .
prAkR^ita.n tAmasa.n j~nAnaM manniShTha.n nirguNa.n smR^itam.h
.. 24..
vana.n tu sAtvikaH vAsaH grAmaH rAjasaH uchyate .
tAmasa.n dyUtasadanaM manniketana.n tu nirguNam.h .. 25..
sAtvikaH kArakaH asa~NgI rAgAndhaH rAjasaH smR^itaH .
tAmasaH smR^itivibhraShTaH nirguNaH madapAshrayaH .. 26..
sAttvikI AdhyAtmikI shraddhA karmashraddhA tu rAjasI .
tAmasyadharme yA shraddhA matsevAyA.n tu nirguNA .. 27..
pathyaM pUtam anAyaH tam AhArya.n sAttvika.n smR^itam.h .
rAjasa.n cha indriyapreShTha.n tAmasa.n cha Artida ashuchi .. 28..
sAttvika.n sukham Atmottha.n viShayottha.n tu rAjasam.h .
tAmasaM mohadainottha.n nirguNaM madapAshrayam.h .. 29..
dravya.n deshaH phala.n kAlaH j~nAna.n karma cha kArakAH .
shraddhA avasthA AkR^itiH niShThA traiguNyaH sarvaH eva hi ..
30..
sarve guNamayAH bhAvAH puruSha avyakta dhiShThitAH .. 31..
etAH sa.nsR^itayaH pu.nsaH guNakarmanibandhanAH .
yena ime nirjitAH saumya guNAH jIvena chittajAH .
bhaktiyogena manniShThaH madbhAvAya prapadyate .. 32..
tasmAt aham ima.n labdhvA j~nAnavij~nAnasaMbhavam.h .
guNasa~Nga.n vinirdhUya mAM bhajantu vichakShaNAH .. 33..
niHsa~NgaH mAM bhajet vidvAn apramattaH jitendriyaH .
rajaH tamaH cha abhijayet sattvasa.nsevayA muniH .. 34..
sattva.n cha abhijayet yuktaH nairapekShyeNa shAntadhIH .
saMpadyate guNaiH muktaH jIvaH jIva.n vihAya mAm.h .. 35..
jIvaH jIvavinirmuktaH guNaiH cha AshayasaMbhavaiH .
mayA eva brahmaNA pUrNaH na bahiH na antaraH charet.h .. 36..
iti shrImadbhAgavate mahApurANe pAramaha.nsyA.n
sa.nhitAyAmekAdashaskandhe shrIkR^iShNoddhavasa.nvAde
guNanirguNanirUpaNa.n nAma pa~nchavi.nsho.adhyAyaH .. 25..
atha ShaDvi.nsho.adhyAyaH .
shrIbhagavAn uvAcha .
mat lakShaNam ima.n kAya.n labdhvA maddharmaH AsthitaH .
AnandaM paramAtmAnam Atmastha.n samupaiti mAm.h ..1..
guNamayyAH jIvayonyAH vimuktaH j~nAnaniShThayA .
guNeShu mAyAmAtreShu dR^ishyamAneShu avastutaH .
vartamAnaH api na pumAn yujyate avastubhiH guNaiH .. 2..
sa~Nga.n na kuryAt asatA.n shishna udara tR^ipA.n kvachit.h .
tasya anugataH tamasi andhe patati andha anugAndhavat.h .. 3..
ailaH samrAT imA.n gAthAm agAyata bR^ihachChravAH .
urvashI virahAt muhyan nirviNNaH shokasa.nyame .. 4..
tyaktvA AtmAna.n vrajantI.n tA.n nagnaH unmattavat nR^ipaH .
vilapan anvagAt jAye ghore tiShTha iti viklavaH .. 5..
kAmAn atR^iptaH anujuShan kShullakAn varShayAminIH .
na veda yAntIH na ayAntIH urvashI AkR^iShTacheatanaH .. 6..
ailaH uvAcha .
aho me mohavistAraH kAmakaShmalachetasaH .
devyAH gR^ihItakaNThasya na AyuHkhaNDAH ime smR^itAH .. 7..
na aha.n veda abhinirmuktaH sUryaH vA abhyuditaH amuyA .
muShitaH varShapUgAnAM bata ahAni gatAni uta .. 8..
aho me AtmasaMmohaH yena AtmA yoShitA.n kR^itaH .
krIDAmR^igaH chakravartI naradevashikhAmaNiH .. 9..
saparichChadam AtmAna.n hitvA tR^iNam iva Ishvaram.h .
yAntI.n striya.n cha anvagama.n nagnaH unmattavat rudan.h .. 10..
kutaH tasya anubhAvaH syAt tejaH Ishatvam eva vA .
yaH anvagachCha.n striya.n yAntI.n kharavat pAdatADitaH .. 11..
ki.n vidyayA ki.n tapasA ki.n tyAgena shrutena vA .
ki.n viviktena maunena strIbhiH yasya manaH hR^itam.h .. 12..
svArthasya akovida.n dhi~N mAM mUrkhaM paNDita mAninam.h .
yaH aham IshvaratAM prApya strIbhiH go kharavat jitaH .. 13..
sevataH varShapUgAt me urvashyaH adharAsavam.h .
na tR^ipyati AtmabhUH kAmaH vahniH AhutibhiH yathA .. 14..
pu.nshchalyA apahR^ita.n chitta.n konvanyaH mochituM prabhuH .
AtmArAmeshvaram R^ite bhagavantam adhokShajam.h .. 15..
bodhitasya api devyA me sUktavAkyena durmateH .
manogataH mahAmohaH na apayAti ajitAtmanaH .. 16..
kim etayA naH apakR^ita.n rajjvA vA sarpachetasaH .
rajjusvarUpa aviduShaH yaH aha.n yat ajitendriyaH .. 17..
kva ayaM malomasaH kAyaH daurgandhi Adi AtmakaH ashuchiH .
kva guNAH saumanasya AdyAH hi adhyAsaH avidyayA kR^itaH .. 18..
pitroH ki.n sva.n nu bhAryAyAH svAminaH agneH shvagR^idhrayoH .
kim AtmanaH ki.n suhR^idAm iti yaH na avasIyate .. 19..
tasmin kalevare amedhye tuchChaniShThe viShajjate .
aho subhadra.n sunasa.n susmita.n cha mukha.n striyaH .. 20..
tva~N mA.nsa rudhira snAyu medo majjA asthi sa.nhatau .
viNmUtrapUye ramatA.n kR^imINA.n kiyat antaram.h .. 21..
atha api na upasajjeta strIShu straiNeShu cha arthavit.h .
viShaya indriya sa.nyogAt manaH kShubhyati na anyathA .. 22..
adR^iShTAt ashrutAt bhAvAt na bhAvaH upajAyate .
asaMprayu~njataH prANAn shAmyati stimitaM manaH .. 23..
tasmAt sa~NgaH na kartavyaH strIShu straiNeShu cha indriyaiH .
viduShA.n cha api avishrabdhaH ShaDvargaH kimu mAdR^ishAm.h ..
24..
shrIbhagavAn uvAcha .
evaM pragAyan nR^ipadevadevaH
       saH urvashIlokam athaH vihAya .
AtmAnam Atmani avagamya mA.n vai
       upAramat j~nAnavidhUtamohaH .. 25..
tataH duHsa~Ngam utsR^ijya satsu sajjeta buddhimAn.h .
santaH etasya Chindanti manovyAsa~NgamuktibhiH .. 26..
santaH anapekShAH machchittAH prashAntAH samadarshinaH .
nirmamAH niraha~NkArAH nirdvandvAH niShparigrahAH .. 27..
teShu nityaM mahAbhAgaH mahAbhAgeShu matkathAH .
saMbhavanti hitA nR^INA.n juShatAM prapunanti agham.h .. 28..
tAH ye shruNvanti gAyanti hi anumodanti cha adR^itAH .
matparAH shraddadhAnAH cha bhakti.n vindanti te mayi .. 29..
bhakti.n labdhavataH sAdhoH kim anyat avashiShyate .
mayi anantaguNe brahmaNi Ananda anubhava Atmani .. 30..
yathA upashrayamANasya bhagavanta.n vibhAvasum.h .
shItaM bhaya.n tamaH api eti sAdhUn sa.nsevataH tathA .. 31..
nimajjya unmajjyatA.n ghore bhavAbdhau parama ayanam.h .
santaH brahmavidaH shAntAH nauH dR^iDha iva apsu majjatAm.h .. 32..
anna.n hi prANinAM prANaH ArtAnA.n sharaNa.n tu aham.h .
dharmaH vitta.n nR^iNAM pretya santaH arvAk bibhyataH araNam.h ..
33..
santaH dishanti chakShU.nShi bahiH arkaH samutthitaH .
devatAH bAndhavAH santaH santaH AtmA aham eva cha .. 34..
vaitasenaH tataH api evam urvashyA lokaniHspR^ihaH .
muktasa~NgaH mahIm etAm AtmArAmaH chachAra ha .. 35..
iti shrImadbhAgavate mahApurANe pAramaha.nsyA.n
sa.nhitAyAmekAdashaskandhe shrIkR^iShNoddhavasa.nvAde
ailagIta.n nAma ShaDvi.nsho.adhyAyaH .. 26..
atha saptavi.nsho.adhyAyaH .
uddhavaH uvAcha .
kriyAyoga.n samAchakShva bhavat ArAdhanaM prabho .
yasmAt tvA.n ye yathA archanti sAtvatAH sAtvatarShabha .. 1..
etat vadanti munayaH muhuH niHshreyasa.n nR^iNAm.h .
nAradaH bhagavAn vyAsaH AchAryaH a~NgirasaH sutaH .. 2..
niHsR^ita.n te mukhAmbhojAdyat Aha bhagavAn ajaH .
putrebhyaH bhR^igumukhyebhyaH devyai cha bhagavAn bhavaH .. 3..
etat vai sarvavarNAnAm AshramANA.n cha saMmatam.h .
shreyasAm uttamaM manye strIshUdrANA.n cha mAnada .. 4..
etat kamalapatrAkSha karmabandhavimochanam.h .
bhaktAya cha anuraktAya brUhi vishveshvara Ishvara .. 5..
shrIbhagavAn uvAcha .
nahi antaH anantapArasya karmakANDasya cha uddhava .
sa.nkShipta.n varNayiShyAmi yathAvat anupUrvashaH .. 6..
vaidikaH tAntrikaH mishraH iti me trividhaH makhaH .
trayANAm Ipsitena eva vidhinA mA.n samarchayet.h .. 7..
yadA svanigamena ukta.n dvijatvaM prApya pUruShaH .
yathA yajeta mAM bhaktyA shraddhayA tat nibodha me .. 8..
archAyA.n sthaNDile agnau vA sUrye vA apsu hR^idi dvijaH .
dravyeNa bhaktiyuktaH archet svaguruM mAm amAyayA .. 9..
pUrva.n snAnaM prakurvIta dhautadantaH a~Ngashuddhaye .
ubhayaiH api cha snAnaM mantraiH mR^idgrahaNAdinA .. 10..
sandhyA upAsti Adi karmANi vedena achoditAni me .
pUjA.n taiH kalpayet samyak sa.nkalpaH karmapAvanIm.h .. 11..
shailI dArumayI lauhI lepyA lekhyA cha saikatI .
manomayI maNimayI pratimA aShTavidhA smR^itA .. 12..
chala achala iti dvividhA pratiShThA jIvamandiram.h .
udvAsa AvAhane na staH sthirAyAm uddhava archane .. 13..
asthirAyA.n vikalpaH syAt sthaNDile tu bhavet dvayam.h .
snapana.n tu avilepyAyAm anyatra parimArjanam.h .. 14..
dravyaiH prasiddhyaiH mat yAgaH pratimAdiShu amAyinaH .
bhaktasya cha yathAlabdhaiH hR^idi bhAvena cha eva hi .. 15..
snAna ala.nkaraNaM preShTham archAyAm eva tu uddhava .
sthaNDile tattvavinyAsaH vahnau Ajyapluta.n haviH .. 16..
sUrye cha abhyarhaNaM preShTha.n salile salila AdibhiH .
shraddhayA upAhR^itaM preShThaM bhaktena mama vAri api .. 17..
bhUryapi abhakta upahR^ita.n na me toShAya kalpate .
gandhaH dhUpaH sumanasaH dIpaH anna Adya cha kiM punaH .. 18..
shuchiH saMbhR^itasaMbhAraH prAk darbhaiH kalpita AsanaH .
AsInaH prAk udak vA archet archAyAm atha saMmukhaH .. 19..
kR^itanyAsaH kR^itanyAsAM madarchAM pANinA mR^ijet.h .
kalashaM prokShaNIya.n cha yathAvat upasAdhayet.h .. 20..
tat adbhiH devayajana.n dravyANi AtmAnam eva cha .
prokShya pAtrANi trINi adbhiH taiH taiH dravyaiH cha sAdhayet.h
.. 21..
pAdya argha AchamanIyArtha.n trINi pAtrANi daishikaH .
hR^idA shIrShNA atha shikhayA gAyatryA cha abhimantrayet.h ..
22..
piNDe vAyu agni sa.nshuddhe hR^itpadmasthAM parAM mama .
aNvI.n jIvakalA.n dhyAyet nAda ante siddhabhAvitAm.h .. 23..
tayA AtmabhUtayA piNDe vyApte saMpUjya tanmayaH .
AvAhya archa AdiShu sthApya nyasta a~NgaM mAM prapUjayet.h ..
24..
pAdya upasparsha arhaNa AdIn upachArAn prakalpayet.h .
dharmAdibhiH cha navabhiH kalpayitvA AsanaM mama .. 25..
padmam aShTadala.n tatra karNikAkesara ujjvalam.h .
ubhAbhyA.n vedatantrAbhyAM mahya.n tu ubhayasiddhaye .. 26..
sudarshanaM pA~nchajanya.n gadAsIShudhanuH halAn.h .
musala.n kaustubhaM mAlA.n shrIvatsa.n cha anupUjayet.h .. 27..
nanda.n sunanda.n garuDaM prachaNDa.n chaNDam eva cha .
mahAbalaM bala.n cha eva kumuda.n kumudekShaNam.h .. 28..
durgA.n vinAyaka.n vyAsa.n viShvaksena.n gurUn surAn.h .
sve sve sthAne tu abhimukhAn pUjayet prokShaNa AdibhiH .. 29..
chandana ushIra karpUra ku~Nkuma agaru vAsitaiH .
salilaiH snApayet mantraiH nityadA vibhave sati .. 30..
svarNagharma anuvAkena mahApuruShavidyayA .
pauruSheNa api sUktena sAmabhIH rAjanAdibhiH .. 31..
vastra upavIta AbharaNa patra srak gandha lepanaiH .
ala.nkurvIta saprema madbhaktaH mA.n yathA uchitam.h .. 32..
pAdyam AchamanIya.n cha gandha.n sumanasaH akShatAn.h .
dhUpa dIpa upahAryANi dadyAt me shraddhayA archakaH .. 33..
guDapAyasasarpI.nShi shaShkuli ApUpa modakAn.h .
sa.nyAva dadhi sUpA.n cha naivedya.n sati kalpayet.h .. 34..
abhya~Nga unmardana Adarsha dantadhau abhiShechanam.h .
annadya gIta nR^ityAdi parvaNi syuH utAnvaham.h .. 35..
vidhinA vihite kuNDe mekhalAgartavedibhiH .
agnim AdhAya paritaH samUhet pANinA uditam.h .. 36..
paristIrya atha paryukShet anvAdhAya yathAvidhi .
prokShaNyA AsAdya dravyANi prokShyAgnau bhAvayeta mAm.h .. 37..
taptajAmbUnadaprakhya.n sha~NkhachakragadAmbujaiH .
lasat chaturbhuja.n shAntaM padmaki~njalkavAsasam.h .. 38..
sphurat kirITa kaTaka kaTisUtravara a~Ngadam.h .
shrIvatsavakShasaM bhrAjat kaustubha.n vanamAlinam.h .. 39..
dhyAyan abhyarchya dArUNi haviShA abhighR^itAni cha .
prAsya AjyabhAgau AghArau dattvA cha Ajyapluta.n haviH .. 40..
juhuyAt mUlamantreNa ShoDasharcha avadAnataH .
dharmAdibhyaH yathAnyAyaM mantraiH sviShTikR^itaM budhaH .. 41..
abhyarchya atha namaskR^itya pArShadebhyaH bali.n haret.h .
mUlamantra.n japet brahma smaran nArAyaNa Atmakam.h .. 42..
dattvA Achamanam uchCheSha.n viShvaksenAya kalpayet.h .
mukhavAsa.n surabhimat tAmbUlAdyam atha arhayet.h .. 42..
upagAyan gR^iNan nR^ityan karmANi abhinayan mama .
matkathAH shrAvayan shruNvan muhUrta.n kShaNikaH bhavet.h .. 44.
stavaiH uchchAvachaiH stotraiH paurANaiH prakR^itaiH api .
stutvA prasIda bhagavan iti vandeta daNDavat.h .. 45..
shiraH mat pAdayoH kR^itvA bAhubhyA.n cha parasparam.h .
prapannaM pAhi mAm Isha bhItaM mR^ityugraha arNavAt.h .. 46..
iti sheShAM mayA dattA.n shirasi AdhAya sAdaram.h .
udvAsayet chet udvAsya.n jyotiH jyotiShi tat punaH .. 47..
archAdiShu yadA yatra shraddhA mA.n tatra cha archayet.h .
sarvabhUteShu Atmani cha sarva AtmA aham avasthitaH .. 48..
eva.n kriyAyogapathaiH pumAn vaidikatAntrikaiH .
archan ubhayataH siddhiM mattaH vindati abhIpsitAm.h .. 49..
madarchAM saMpratiShThApya mandira.n kArayet dR^iDham.h .
puShpa udyAnAni ramyANi pUjA yAtrA utsava AshritAn.h .. 50..
pUjAdInAM pravAhArthaM mahAparvasu atha anvaham.h .
kShetrApaNapuragrAmAn dattvA mat sArShTitAm iyAt.h .. 51..
pratiShThayA sArvabhauma.nsadmanA bhuvanatrayam.h .
pUjAdinA brahmaloka.n tribhiH mat sAmyatAm iyAt.h .. 52..
mAm eva nairapekShyeNa bhaktiyogena vindati .
bhaktiyoga.n saH labhate  eva.n yaH pUjayeta mAm.h .. 53..
yaH svadattAM paraiH datta.n hareta suraviprayoH .
vR^itti.n saH jAyate viDbhuk varShANAm ayutAyutam.h .. 54..
kartuH cha sAratheH hetoH anumodituH eva cha .
karmaNAM bhAginaH pretya bhUyaH bhUyasi tatphalam.h .. 55..
iti shrImadbhAgavate mahApurANe pAramaha.nsyA.n
sa.nhitAyAmekAdashaskandhe shrIkR^iShNoddhavasa.nvAde
saptavi.nsho.adhyAyaH .. 27..
atha aShTavi.nshaH adhyAyaH .
shrIbhagavAn uvAcha .
parasvabhAvakarmANi na prasha.nset na garhayet.h .
vishvam ekAtmakaM pashyan prakR^ityA puruSheNa cha .. 1..
parasvabhAvakarmANi yaH prasha.nsati nindati .
saH Ashu bhrashyate svArthAt asatya abhiniveshataH .. 2..
taijase nidrayA Apanne piNDasthaH naShTachetanaH .
mAyAM prApnoti mR^ityu.n vA tadvat nAnArthadR^ik pumAn.h .. 3..
kiM bhadra.n kim abhadra.n vA dvaitasya avastunaH kiyat.h .
vAchA udita.n tat anR^itaM manasA dhyAtam eva cha .. 4..
ChAyApratyAhvayAbhAsA hi asantaH api arthakAriNaH .
eva.n dehAdayaH bhAvAH yachChanti AmR^ityutaH bhayam.h .. 5..
AtmA eva tat ida.n vishva.n sR^ijyate sR^ijati prabhuH .
trAyate trAti vishvAtmA hriyate harati IshvaraH .. 6..
tasmAt nahi AtmanaH anyasmAt anyaH bhAvaH nirUpitaH .
nirUpiteya.n trividhA nirmUlA bhAtiH Atmani .
ida.n guNamaya.n viddhi trividhaM mAyayA kR^itam.h .. 7..
etat vidvAn madudita.n j~nAnavij~nAnanaipuNam.h .
na nindati na cha stauti loke charati sUryavat.h .. 8..
pratyakSheNa anumAnena nigamena Atmasa.nvidA .
Adi antavat asat j~nAtvA niHsa~NgaH vicharet iha .. 9..
uddhavaH uvAcha .
na eva AtmanaH na dehasya sa.nsR^itiH draShTR^idR^ishyayoH .
anAtmasvadR^ishoH Isha kasya syAt upalabhyate .. 10..
AtmA avyayaH aguNaH shuddhaH svaya.njyotiH anAvR^itaH .
agnivat dAruvat dehaH kasya iha sa.nsR^itiH .. 11..
shrIbhagavAn uvAcha .
yAvat deha indriya prANaiH AtmanaH sa.nnikarShaNam.h .
sa.nsAraH phalavAn tAvat apArthaH api avivekinaH .. 12..
arthe hi avidyamAne api sa.nsR^itiH na nivartate .
dhyAyataH viShayAn asya svapne anartha AgamaH yathA .. 13..
yathA hi apratibuddhasya prasvApaH bahu anarthabhR^it.h .
saH eva pratibuddhasya na vai mohAya kalpate .. 14..
shoka harSha bhaya krodha lobha moha spR^ihAdayaH .
aha.nkArasya dR^ishyante janma mR^ityuH cha na AtmanaH .. 15..
deha indriya prANa manaH abhimAnaH
       jIvaH antarAtmA guNakarma mUrtiH .
sUtraM mahAn iti urudhA iva gItaH
       sa.nsAraH AdhAvati kAlatantraH .. 16..
amUlam etat bahurUpa rUpitaM
       manovachaHprANasharIrakarma .
j~nAnAsinA upAsanayA shitena
       ChittvA muniH gA.n vicharati atR^iShNaH .. 17..
j~nAna.n vivekaH nigamaH tapaH cha
       pratyakSham aitihyam atha anumAnam.h .
Adi antayoH asya yat eva kevalam
       kAlaH cha hetuH cha tat eva madhye .. 18..
yathA hiraNya.n svakR^itaM purastAt
       pashchAt cha sarvasya hiraNmayasya .
tat eva madhye vyavahAryamANam
       nAnApadeshaiH aham asya tadvat.h .. 19..
vij~nAnam etat triyavastam a~Nga
       guNatraya.n kAraNa kArya kartR^i .
samanvayena vyatirekataH cha
       yena eva turyeNa tat eva satyam.h .. 20..
na yat purastAt uta yat na pashchAt
       madhye cha tat na vyapadeshamAtram.h .
bhUtaM prasiddha.n cha pareNa yadyat
       tat eva tat syAt iti me manIShA .. 21..
avidyamAnaH api avabhAsate yaH
       vaikArikaH rAjasasargaH eShaH .
brahma svaya.njyotiH ataH vibhAti
       brahma indriya artha Atma vikAra chitram.h .. 22..
eva.n sphuTaM brahmavivekahetubhiH
       parApavAdena vishAradena .
ChittvA Atmasandeham upArameta
       svAnandatuShTaH akhila kAmukebhyaH .. 23..
na AtmA vapuH pArthivam indriyANi
       devAH hi asuH vAyujala.n hutAshaH .
manaH annamAtra.n dhiShaNA cha sattvam
       aha.nkR^itiH kha.n kShitiH arthasAmyam.h .. 24..
samAhitaiH kaH karaNaiH guNAtmabhiH
       guNaH bhavet matsuviviktadhAmnaH .
vikShipyamANaiH uta ki.n na dUShaNam
       ghanaiH upetaiH vigataiH raveH kim.h .. 25..
yathA nabhaH vAyu anala ambu bhU guNaiH
       gatAgataiH vartuguNaiH na sajjate .
tathA akShara.n sattva rajaH tamaH malaiH
       ahaMmateH sa.nsR^itihetubhiH param.h .. 26..
tathApi sa~NgaH parivarjanIyaH
       guNeShu mAyArachiteShu tAvat.h .
madbhaktiyogena dR^iDhena yAvat
       rajaH nirasyeta manaHkaShAyaH .. 27..
yathA AmayaH asAdhu chikitsitaH nR^iNAm
       punaH punaH santudati prarohan.h .
evaM manaH apakva kaShaya karma
       kuyogina.n vidhyati sarvasa~Ngam.h .. 28..
kuyoginaH ye vihita antarAyaiH
       manuShyabhUtaiH tridasha upasR^iShTaiH .
te prAktana abhyAsabalena bhUyaH
       yu~njanti yoga.n na tu karmatantram.h .. 29..
karoti karma kriyate cha jantuH
       kenApi asau choditaH AnipAtAt.h .
na tatra vidvAnprakR^itau sthitaH api
       nivR^itta tR^iShNaH svasukha anubhUtyA .. 30..
tiShThantam AsInam uta vrajantam
       shayAnam ukShantam adantam annam.h .
svabhAvam anyat kim api ihamAnam
       AtmAnam AtmasthamatiH na veda .. 31..
yadi sma pashyati asat indriya atha
       nAnA anumAnena viruddham anyat.h .
na manyate vastutayA manIShI
       svApna.n yathA utthAya tirodadhAnam.h .. 32..
pUrva.n gR^ihIta.n guNakarmachitram
       aj~nAnam Atmani aviviktam a~Nga .
nivartate  tat punaH IkShayA eva
       na gR^ihyate na api visR^ijya AtmA .. 33..
yathA hi bhAnoH udayaH nR^ichakShuShAm
       tamaH nihanyAt na tu sadvidhatte .
eva.n samIkShA nipuNA satI me
       hanyAt tamisraM puruShasya buddheH .. 34..
eShaH svaya.njyotiH ajaH aprameyaH
       mahAnubhUtiH sakalAnubhUtiH .
ekaH advitIyaH vachasA.n virAme
       yena IshitA vAk asavaH charanti .. 35..
etAvAn AtmasaMmohaH yat vikalpaH tu kevale .
Atman nR^ite svamAtmAnam avalambaH na yasya hi ..36..
yat nAma AkR^itibhiH grAhyaM pa~nchavarNam abAdhitam.h .
vyarthena api arthavAdaH aya.n dvayaM paNDitamAninAm.h .. 37..
yoginaH apakvayogasya yu~njataH kAyaH utthitaiH .
upasargaiH vihanyeta tatra aya.n vihitaH vidhiH .. 38..
yogadhAraNayA kA.nshchit AsanaiH dhAraNa anvitaiH .
tapomantrauShadhaiH kA.nshchit upasargAn vinirdahet.h .. 39..
kA.nshchit mama anudhyAnena nAmasa.nkIrtana AdibhiH .
yogeshvara anuvR^ittyA vA hanyAt ashubhadAn shanaiH .. 40..
kechit deham ima.n dhIrAH sukalpa.n vayasi sthiram.h .
vidhAya vividha upAyaiH atha yu~njanti siddhaye .. 41..
na hi tat kushalAt dR^itya.n tat AyAsaH hi apArthakaH .
antavattvAt sharIrasya phalasya iva vanaspateH .. 42..
yoga.n niShevataH nitya.n kAyaH chet kalpatAm iyAt.h .
tat shraddadhyAt na matimAn yogam utsR^ijya matparaH .. 43..
yogacharyAm imA.n yogI vicharan mat vyapAshrayaH .
na antarAyaiH vihanyeta niHspR^ihaH svasukhAnubhUH .. 44..
iti shrImadbhAgavate mahApurANe pAramaha.nsyA.n
sa.nhitAyAmekAdashaskandhe bhagavaduddhavasa.nvAde
paramArthanirNayo nAma aShTAvi.nsho.adhyAyaH .. 28..
atha ekonatri.nshaH adhyAyaH .
sudustarAm imAM manye yogacharyAm anAtmanaH .
yathA a~njasA pumAn sihyet tat me brUhi a~njasA achyuta .. 1..
prAyashaH puNDarIkAkSha yu~njantaH yoginaH manaH .
viShIdanti asamAdhAnAt manonigrahakarshitAH .. 2..
atha ataH AnandadughaM padAmbujam
       ha.nsAH shrayeran aravindalochana .
sukha.n nu vishveshvara yogakarmabhiH
       tvat mAyayA amI vihatAH na mAninaH .. 3..
ki.n chitram achyuta tava etat asheShabandhaH
       dAseShu ananyasharaNeShu yat Atma sAttvam.h .
yaH arochayatsaha mR^igaiH svayam IshvarANAm
       shrImat kirITa taTa pIDita pAda pIThaH .. 4..
ta.n tvA akhila Atmadayita Ishvaram AshritAnAm
       sarva arthada.n svakR^itavit visR^ijeta kaH nu .
kaH vA bhajet kim api vismR^itaye anu bhUtyai
       ki.n vA bhavet na tava pAdarajojuShA.n naH .. 5..
na eva upayanti apachiti.n kavayaH tava Isha
       brahmAyuShA api kR^itam R^idhamudaH smarantaH .
yaH antarbahiH tanubhR^itAm ashubha.n vidhunvan
       AchAryachaityavapuShA svagat.n vyanakti .. 6..
shrIshukaH uvAcha .
iti uddhavena ati anurakta chetasA
       pR^iShTaH jagatkrIDanakaH svashaktibhiH .
gR^ihIta mUrtitrayaH Ishvara IshvaraH
       jagAda saprema manoharasmitaH .. 7..
shrIbhagavAn uvAcha .
hanta te kathayiShyAmi mama dharmAn suma~NgalAm.h .
yAn shraddhayA Acharan martyaH mR^ityu.n jayati durjayam.h .. 8..
kuryAt sarvANi karmANi madartha.n shanakaiH smaran.h .
mayi arpita manaH chittaH mat dharma AtmamanoratiH .. 9..
deshAn puNyAn Ashrayeta madbhaktaiH sAdhubhiH shritAn.h .
deva Asura manuShyeShu madbhakta AcharitAni cha .. 10..
pR^ithak satreNa vA mahyaM parvayAtrA mahotsavAn.h .
kArayet gItanR^itya AdyaiH mahArAja vibhUtibhiH .. 11..
mAm eva sarvabhUteShu bahiH antaH apAvR^itam.h .
IkSheta Atmani cha AtmAna.n yathA kham amala AshayaH .. 12..
iti sarvANi bhUtAni madbhAvena mahAdyute .
sabhAjayan manyamAnaH j~nAna.n kevalam AshritaH .. 13..
brAhmaNe pulkase stene brahmaNye arke sphuli~Ngake .
akrUre krUrake cha eva samadR^ik paNDitaH mataH .. 14..
nareShu abhIkShNaM madbhAvaM pu.nsaH bhAvayataH achirAt.h .
spardhA asUyA tiraskArAH sAha~NkArAH viyanti hi .. 15..
visR^ijya smayamAnAn svAn dR^isha.n vrIDA.n cha daihikIm.h .
praNamet daNDavat bhUmau Ashva chANDAla go kharam.h .. 16..
yAvat sarveShu bhUteShu madbhAvaH na upajAyate .
tAvat evam upAsIta vA~N mana kAya vR^ittibhiH .. 17..
sarvaM brahmAtmaka.n tasya vidyayA Atma manIShayA .
paripashyan uparamet sarvataH mukta sa.nshayaH .. 18..
aya.n hi sarvakalpAnA.n sadhrIchInaH mataH mama .
madbhAvaH sarvabhUteShu manovAkkAyavR^ittibhiH .. 19..
na hi a~Nga upakrame dhva.nsaH maddharmasya uddhava aNu api .
mayA vyavasitaH samyak nirguNatvAt anAshiShaH .. 20..
yaH yaH mayi pare dharmaH kalpyate niShphalAya chet.h .
tat AyAsaH nirarthaH syAt bhayAdeH iva sattma .. 21..
eShA buddhimatAM buddhiH manIShA cha manIShiNAm.h .
yat satyam anR^itena iha martyena Apnoti mA amR^itam.h .. 22..
eSha te abhihitaH kR^itsnaH brahmavAdasya sa.ngrahaH .
samAsavyAsavidhinA devAnAm api durgamaH .. 23..
abhIkShNashaH te gadita.n j~nAna.n vispaShTayuktimat .
etat vij~nAya muchyeta puruShaH naShTasa.nshayaH .. 24..
suvivikta.n tava prashnaM mayA etat api dhArayet.h .
sanAtanaM brahmaguhyaM paraM brahma adhigachChati .. 25..
yaH etat mama bhakteShu saMpradadyAt supuShkalam.h .
tasya ahaM brahmadAyasya dadAmi AtmAnam AtmanA .. 26..
yaH etat samadhIyIta pavitraM parama.n shuchi .
saH pUyeta ahaH ahaH mA.n j~nAnadIpena darshayan.h .. 27..
yaH etat shraddhayA nityam avyagraH shruNuyAt naraH .
mayi bhaktiM parA.n kurvan karmabhiH na saH badhyate .. 28..
api uddhava tvayA brahma sakhe samavadhAritam.h .
api te vigataH mohaH shokaH cha asau manobhavaH .. 29..
na etat tvayA dAmbhikAya nAstikAya shaThAya cha .
ashushrUShoH abhaktAya durvinItAya dIyatAm.h .. 30..
etaiH doShaiH vihInAya brahmaNyAya priyAya cha .
sAdhave shuchaye brUyAt bhaktiH syAt shUdra yoShitAm.h .. 31..
na etat vij~nAya jij~nAsoH j~nAtavyam avashiShyate .
pItvA pIyUSham amR^itaM pAtavya.n na avashiShyate .. 32..
j~nAne karmaNi yoge cha vArtAyA.n daNDadhAraNe .
yAvAn arthaH nR^iNA.n tAta tAvAn te aha.n chaturvidhaH .. 33..
martyaH yadA tyakta samastakarmA
       niveditAtmA vichikIrShitaH me .
tadA amR^itatvaM pratipadyamAnaH
       mayA AtmabhUyAya cha kalpate vai .. 34..
shrIshukaH uvAcha .
saH evam Adarshita yogamArgaH
       tadA uttama shlokavachaH nishamya .
baddha a~njaliH prIti uparuddha kaNThaH
       na ki.nchit UcheH ashru paripluta akShaH .. 35..
viShTabhya chittaM praNaya avaghUrNam
       dhairyeNa rAjan bahu manyamAnaH .
kR^itA~njaliH prAha yadupravIram
       shIrShNA spR^ishan tat charaNa aravindam.h .. 36..
uddhavaH uvAcha .
vidrAvitaH moha mahA andhakAraH
       yaH AshritaH me tava sannidhAnAt.h .
vibhAvasoH ki.n nu samIpagasya
       shIta.n tamaH bhIH prabhavanti aja adya .. 37..
pratyarpitaH me bhavatA anukampinA
       bhR^ityAya vij~nAnamayaH pradIpaH .
hitvA kR^itaj~naH tava pAdamUlam
       kaH anyat samIyAt sharaNa.n tvadIyam.h .. 38..
vR^ikNaH cha me sudR^iDhaH snehapAshaH
       dAshArha vR^iShNi andhaka sAtvateShu .
prasAritaH sR^iShTivivR^iddhaye tvayA
       svamAyayA hi Atma subodha hetinA .. 39..
namaH astu te mahAyogin prapannam anushAdhi mAm.h .
yathA tvat charaNa ambhoje ratiH syAt anapAyinI .. 40..
shrIbhagavAn uvAcha .
gachCha uddhava mayA AdiShTaH badari AkhyaM mama Ashramam.h .
tatra mat pAda tIrthode snAna upasparshanaiH shuchiH .. 41..
IkShayA alakanandAyA vidhUta asheSha kalmaShaH .
vasAnaH valkalAni a~Nga vanyabhuk sukha niHspR^ihaH .. 42..
titikShauH dvandvamAtrANA.n sushIlaH sa.nyatendriyaH .
shAntaH samAhitadhiyA j~nAnavij~nAnasa.nyutaH .. 43..
mattaH anushikShita.n yat te viviktamanubhAvayan.h .
mayi Aveshita vAk chittaH maddharma nirataH bhava .
ativrajya gatIH tisraH mAm eShyasi tataH param.h .. 44..
shrIshukaH uvAcha .
saH evam uktaH harimedhasA uddhavaH
       pradakShiNa.n taM parisR^itya pAdayoH .
shiraH nidhAya ashrukalAbhiH ArdradhIH
       nyaShi~nchat advandvaparaH api upakrame .. 45..
sudustyaja sneha viyoga kAtaraH
       na shaknuvan taM parihAtum AturaH .
kR^ichChra.n yayau mUrdhani bhartR^ipAduke
       bibhran namaskR^itya yayau punaH punaH .. 46..
tataH tam antarhR^idi sa.nniveshya
       gataH mahAbhAgavataH vishAlAm.h .
yathA upadiShTA.n jagat ekabandhunA
       tataH samAsthAya hareH agAt gatim.h .. 47..
yaH eatat Ananda samudra saMbhR^itam
       j~nAnAmR^itaM bhAgavatAya bhAShitam.h .
kR^iShNeNa yogeshvara sevitA~NghriNA
       sachChraddhayA Asevya jagat vimuchyate .. 48..
bhavabhaya apahantu.n j~nAnavij~nAnasAram
       nigamakR^it upajahe bhR^i~Ngavat vedasAram.h .
amR^itam udadhitaH cha apAyayat bhR^ityavargAn
       puruSham R^iShabham Adya.n kR^iShNasa.nj~na.n nataH asmi
.. 49..
iti shrImadbhAgavate mahApurANe pAramaha.nsyA.n
sa.nhitAyAmekAdashaskandhe bhagavaduddhavasa.nvAde
paramArthaprAptisugamopAyakathanoddhavabadarikAshramapravesho
nAma ekonatri.nsho.adhyAyaH .. 29..
atha tri.nshaH adhyAyaH .
rAjA uvAcha .
tataH mahAbhAgavate uddhave nirgate vanam.h .
dvAravatyA.n kim akarot bhagavAn bhUtabhAvanaH .. 1..
brahmashApa upasa.nsR^iShTe svakule yAdavarShabhaH .
preyasI.n sarvanetrANA.n tanu.n saH katham atyajat.h .. 2..
pratyAkraShTu.n nayanam abalA yatra lagna.n na shekuH
       karNAviShTa.n na sarati tataH yat satAm Atmalagnam.h .
yat shrIH vAchA.n janayati rati.n ki.n nu mAna.n kavInAm
       dR^iShTvA jiShNoH yudhi rathagata.n yat cha tat sAmyam
IyuH .. 3..
R^iShiH uvAcha .
divi bhuvi antarikShe cha mahotpAtAn samutthitAn.h .
dR^iShTvA AsInAn sudharmAyA.n kR^iShNaH prAha yadUn idam.h
.. 4..
shrIbhagavAn uvAcha .
ete ghorAH mahotpAtAH dvArvatyA.n yamaketavaH .
muhUrtam api na stheyam atra naH yadupu~NgavAH .. 5..
striyaH bAlAH cha vR^iddhAH cha sha~NkhoddhAra.n vrajantvitaH .
vayaM prabhAsa.n yAsyAmaH yatra pratyak sarasvatI .. 6..
tatra abhiShichya shuchaya upoShya susamAhitAH .
devatAH pUjayiShyAmaH snapana Alepana arhaNaiH ..7..
brAhmaNAn tu mahAbhAgAn kR^itasvastyayanA vayam.h .
go bhU hiraNya vAsobhiH gaja ashvaratha veshmabhiH .. 8..
vidhiH eShaH hi ariShTaghnaH ma~Ngala Ayanam uttamam.h .
deva dvija gavAM pUjA bhUteShu paramaH bhavaH .. 9..
iti sarve samAkarNya yaduvR^iddhAH madhudviShaH .
tathA iti naubhiH uttIrya prabhAsaM prayayU rathaiH .. 10..
tasmin bhagavatA AdiShTa.n yadudevena yAdavA .
chakruH parabhayA bhaktyA sarvashreya upabR^i.nhitam.h .. 11..
tataH tasmin mahApAnaM papuH maireyakaM madhu .
diShTa vibhra.nshita dhiyaH yat dravaiH bhrashyate matiH .. 12..
mahApAna abhimattAnA.n vIrANA.n dR^iptachetasAm.h .
kR^iShNamAyA vimUDhAnA.n sa.ngharShaH sumahAn abhUt.h .. 13..
yuyudhuH krodhasa.nrabdhA velAyAm AtatAyinaH .
dhanubhiH asibhiH mallaiH gadAbhiH tAm ararShTibhiH .. 14..
patatpatAkai rathaku~njarAdibhiH
       khara uShTra gobhiH mahiShaiH naraiH api .
mithaH sametya ashvataraiH sudurmadA
       nyahan sharardadbhiH iva dvipA vane .. 15..
pradyumna sAmbau yudhi rUDhamatsarau
       akrUra bhojau aniruddha sAtyakI .
subhadra sa.ngrAmajitau sudAruNau
       gadau sumitrA surathau samIyatuH .. 16..
anye cha ye vai nishaTha ulmuka AdayaH
       sahasrajit shatajit bhAnu mukhyAH .
anyonyam AsAdya madAndhakAritA
       jaghnuH mukundena vimohitA bhR^isham.h .. 17..
dAshArha vR^iShNi andhaka bhoja sAtvatA
       madhu arbudA mAthurashUrasenAH .
visarjanAH kukurAH kuntayaH cha
       mithaH tataH te atha visR^ijya sauhR^idam.h .. 18..
putrAH ayudhyan pitR^ibhiH bhrAtR^ibhiH cha
       svastrIya dauhitra pitR^ivyamAtulaiH .
mitrANi mitraiH suhR^idaH suhR^idbhiH
       j~nAtI.nstvahan j~nAtayaH eva mUDhAH .. 19..
shareShu kShIyamANeShu bhajyamAneShu dhanvasu .
shastreShu kShIyamANeShu muShTibhiH jahruH erakAH .. 20..
tAH vajrakalpAH hi abhavan parighAH muShTinAH bhR^itAH .
jaghnuH dviShaH taiH kR^iShNena vAryamANAH tu ta.n cha te .. 21..
pratyanIkaM manyamAnAH balabhadra.n cha mohitAH .
hantu.n kR^itadhiyaH rAjan ApannAH AtatAyinaH .. 22..
atha tau api sa.nkruddhau udyamya kurunandana .
erakA muShTi parighau jarantau jaghnatuH yudhi .. 23..
brahmashApa upasR^iShTAnA.n kR^iShNamAyAvR^ita AtmanAm.h .
spardhAkrodhaH kShaya.n ninye vaiNavaH agniH yathA vanam.h .. 24..
eva.n naShTeShu sarveShu kuleShu sveShu keshavaH .
avatAritaH bhuvaH bhAraH iti mene avasheShitaH .. 25..
rAmaH samudravelAyA.n yogam AsthAya pauruSham.h .
tat tyAja lokaM mAnuShya.n sa.nyojya AtmAnam Atmani .. 26..
rAmaniryANam Alokya bhagavAn devakIsutaH .
niShasAda dharopasthe tUShNIm AsAdya pippalam.h .. 27..
bibhrat chaturbhuja.n rUpaM bhrAjiShNu prabhayA svayA .
dishaH vitimArAH kurvan vidhUmaH iva pAvakaH .. 28..
shrIvatsA~Nka.n ghanashyAma.n tapta hATaka varchasam.h .
kausheya ambara yugmena parivIta.n suma~Ngalam.h .. 29..
sundara smita vaktra abja.n nIla kuntala maNDitam.h .
puNDarIka abhirAmAkSha.n sphuran makara kuNDalam.h .. 30..
kaTisUtra brahmasUtra kirITa kaTaka a~NgadaiH .
hAra nUpura mudrAbhiH kaustubhena virAjitam.h .. 31..
vanamAlA parItA~NgaM mUrtimadbhiH nija AyudhaiH .
kR^itvA urau dakShiNe pAdam AsInaM pa~Nkaja aruNam.h .. 32..
musalau asheShAyaH khaNDakR^iteShuH lubdhakaH jarAH .
mR^igAsya AkAra.n tat charaNa.n vivyAdha mR^igasha~NkayA .. 33..
chaturbhuja.n taM puruSha.n dR^iShTvA saH kR^ita kilbiShaH .
bhItaH papAta shirasA pAdayoH asuradviShaH .. 34..
ajAnatA kR^itam idaM pApena madhusUdana .
kShantum arhasi pApasya uttamashlokaH me anagha .. 35..
yasya anusmaraNa.n nR^INAm aj~nAna dhvAnta nAshanam.h .
vadanti tasya te viShNo mayA asAdhu kR^itaM prabho .. 36..
tat mA Ashu jahi vaikuNTha pApmAnaM mR^iga lubdhakam.h .
yathA punaH aha.n tu eva.n na kuryA.n sat atikramam.h .. 37..
yasya Atma yoga rachita.n na viduH viri~nchaH
       rudra AdayaH asya tanayAH patayaH girA.n ye .
tvat mAyayA pihita dR^iShTayaH etat a~njaH
       ki.n tasya te vayam asat gatayaH gR^iNImaH .. 38..
shrIbhagavAn uvAcha .
mA bhaiH jare tvam uttiShTha kAmaH eShaH kR^itaH hi me .
yAhi tvaM mat anuj~nAtaH svarga.n sukR^itinAM padam.h .. 39..
iti AdiShTaH bhagavatA kR^iShNena ichChA sharIriNA .
triH parikramya ta.n natvA vimAnena diva.n yayau .. 40..
dArukaH kR^iShNapadavIm anvichChan adhigamyatAm.h .
vAyu.n tulasikAmodam AghrAya abhimukha.n yayau .. 41..
ta.n tatra tigmadyubhiH AyudhaiH vR^itam
       hi ashvatthamUle kR^itaketanaM patim.h .
snehaplutAtmA nipapAta pAdayo
       rathAt avaplutya sabAShpalochanaH .. 42..
apashyataH tvat charaNa ambujaM prabho
       dR^iShTiH praNaShTA tamasi praviShTA .
dishaH na jAne na labhe cha shAntim
       yathA nishAyam uDupe praNaShTe .. 43..
iti bruvate sUte vai rathaH garuDalA~nChanaH .
kham utpapAta rAjendra sAshvadhvajaH udIkShataH .. 44..
tam anvagachChan divyAni viShNupraharaNAni cha .
tena ati vismita AtmAna.n sUtam Aha janArdanaH .. 45..
gachCha dvAravatI.n sUta j~nAtInA.n nidhanaM mithaH .
sa.nkarShaNasya niryANaM bandhubhyaH brUhi mat dashAm.h .. 46..
dvArakAyA.n cha na stheyaM bhavadbhiH cha svabandhubhiH .
mayA tyaktA.n yadupurI.n samudraH plAvayiShyati .. 47..
sva.n svaM parigraha.n sarve AdAya pitarau cha naH .
arjunena AvitAH sarva indraprastha.n gamiShyatha .. 48..
tva.n tu mat dharmam AsthAya j~nAnaniShThaH upekShakaH .
manmAyA rachanAm etA.n vij~nAya upashama.n vraja .. 49..
iti uktaH taM parikramya namaskR^itya punaH punaH .
tat pAdau shIrShNi upAdhAya durmanAH prayayau purIm.h .. 50..
iti shrImadbhAgavate mahApurANe pAramaha.nsyA.n
sa.nhitAyAmekAdashaskandhe yadukulasa.nkShayo nAma
tri.nsho.adhyAyaH .. 30..
atha ekatri.nshaH adhyAyaH .
shrIshukaH uvAcha .
atha tatra Agamat brahmA bhavAnyA cha samaM bhavaH .
mahendrapramukhAH devAH munayaH saprajeshvarAH .. 1..
pitaraH siddhagandharvAH vidyAdhara mahoragAH .
chAraNAH yakSharakShA.nsi ki.nnara apsarasaH dvijAH .. 2..
draShTukAmAH bhagavataH nirvANaM parama utsukAH .
gAyantaH cha gR^iNantaH cha shaureH karmANi janma cha .. 3..
vavarShuH puShpavarShANi vimAna AvalibhiH nabhaH .
kurvantaH sa.nkula.n rAjan bhaktyA paramayA yutAH .. 4..
bhagavAn pitAmaha.n vIkShya vibhUtiH AtmanaH vibhuH .
sa.nyojya Atmani cha AtmAnaM padmanetre nyamIlayat.h .. 5..
lokAbhirAmA.n svatanu.n dhAraNA dhyAna ma~Ngalam.h .
yogadhAraNayA AgneyyA adagdhvA dhAma Avishat svakam.h .. 6..
divi dundubhayaH neduH petuH sumanaH cha khAt.h .
satya.n dharmaH dhR^itiH bhUmeH kIrtiH shrIH cha anu ta.n vayuH
.. 7..
deva AdayaH brahmamukhyAH na vishanta.n svadhAmani .
avij~nAtagati.n kR^iShNa.n dadR^ishuH cha ativismitAH .. 8..
saudAmanyAH yathA AkAshe yAntyAH hitvA abhramaNDalam.h .
gatiH na lakShyate martyaiH tathA kR^iShNasya daivataiH .. 9..
brahma rudra AdayaH te tu dR^iShTvA yogagati.n hareH .
vismitAH tAM prasha.nsantaH sva.n sva.n loka.n yayuH tadA .. 10..
rAjan parasya tanubhR^it jananApyayehA
       mAyAviDambanam avehi yathA naTasya .
sR^iShTvA AtmanA idam anuvishya vihR^itya cha ante
       sa.nhR^itya cha Atma mahinA uparataH saH Aste .. 11..
martyena yaH gurusuta.n yamalokanItam
       tvA.n cha Anayat sharaNadaH parama astra dagdham.h .
jigye antaka antakam api Isham asau avanIshaH
       ki.n svAvane svaranayan mR^igayu.n sadeham.h .. 12..
tathA api asheshA sthiti sambhava api
       ayeShu ananya hetuH yat asheSha shaktidhR^ik.h .
na ichChat praNetu.n vapuH atra sheShitam
       martyena ki.n svasthagatiM pradarshayan.h .. 13..
yaH etAM prAtaH utthAya kR^iShNasya padavIM parAm.h .
prayataH kIrtayet bhaktyA tAm eva Apnoti anuttamAm.h .. 14..
dArukaH dvArakAm etya vasudeva ugrasenayoH .
patitvA charaNAvasraiH nyaShi~nchat kR^iShNavichyutaH .. 15..
kathayAmAsa nidhana.n vR^iShNInA.n kR^itsnashaH nR^ipa .
tat shrutvA udvigna hR^idayAH janAH shoka vimUrchChitAH .. 16..
tatra sma tvaritA jagmuH kR^iShNa vishleSha vihvalAH .
vyasavAH sherate yatra j~nAtayaH ghnantaH Ananam.h .. 17..
devakI rohiNI cha eva vasudevaH tathA sutau .
kR^iShNa rAma avapashyantaH shoka ArtAH vijahuH smR^itim.h .. 18..
prANAn cha vijahuH tatra bhagavat viraha AturAH .
upaguhya patIn tAta chitAm AruruhuH striyaH .. 19..
rAmapatnyaH cha tat deham upaguhya agnim Avishan.h .
vasudevapatnyaH tat gAtraM pradyumna AdIn hareH snuShAH .
kR^iShNapatnyaH Avishan agni.n rukmiNi AdyAH tadAtmikAH .. 20..
arjunaH preyasaH sakhyuH kR^iShNasya viraha AturaH .
AtmAna.n sAntvayAmAsa kR^iShNagItaiH saduktibhiH .. 21..
bandhUnA.n naShTagotrANAm arjunaH sAmparAyikam.h .
hatAnA.n kArayAmAsa yathAvat anupUrvashaH .. 22..
dvArakA.n hariNA tyaktA samudraH aplAvayat kShaNAt.h .
varjayitvA mahArAja shrImat bhagavat Alayam.h .. 23..
nitya.n sa.nnihitaH tatra bhagavAn madhusUdanaH .
smR^ityA asheShA ashubhahara.n sarva ma~Ngalam ama~Ngalam.h .. 24..
strI bAla vR^iddhAn AdAya hatasheShAn dhana~njayaH .
indraprastha.n samAveshya vajra tatra abhyaShechayat.h .. 25..
shrutvA suhR^it vadha.n rAjan arjunAt te pitAmahAH .
tvA.n tu va.nshadhara.n kR^itvA jagmuH sarve mahApatham.h .. 26..
yaH etat devadevasya viShNoH karmANi janma cha .
kIrtayet shraddhayA martyaH sarvapApaiH pramuchyate .. 27..
ittha.n hareH bhagavataH ruchira avatAra\
       vIryANi bAlacharitAni cha shantamAni .
anyatra cha iha cha shrutAni gR^iNan manuShyaH
       bhaktiM parAM paramaha.nsagatau labheta .. 28..
iti shrImadbhAgavate mahApurANe pAramaha.nsyA.n
sa.nhitAyAmekAdashaskandhe mausalopAkhyAna.n nAma
ekatri.nsho.adhyAyaH .. 31..
.. iti uddhavagItA nAma ekAdashaskandhaH samAptaH ..
##      \medskip\hrule\medskip
Encoded by Sunder Hattangadi sunderh at hotmail.com
\medskip\hrule\obeylines
\medskip
{\rm Please send corrections to sanskrit@cheerful.com}
{\rm Last updated \today}
{\rm http://sanskritdocuments.org}
\end{document}