% Text title            : shampAkagItA
% File name             : shampaakagiitaa.itx
% Category              : gItA, giitaa
% Location              : doc\_giitaa
% Transliterated by     : Professor Tokunaga in Kyoto system(?)
% Proofread by          : Sunder Hattangadi
% Latest update         : June 2, 1998
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shaMpAkagItA ..}##
\itxtitle{.. shampAkagItA ..}##\endtitles ##

 adhyayaH 176
  yudhiShThira uvAcha .
dhaninashchAdhanA ye cha vartayante svatantriNaH .
sukhaduHkhAgamasteShA.n kaH katha.n vA pitAmaha .. 1..
  bhIShma uvAcha .
atrApyudAharantImamitihAsaM purAtanam.h .
shaMpAkeneha muktena gIta.n shAntigatena cha .. 2..
abravInmAM purA kashchidbrAhmaNastyAgamAshritaH .
klishyamAnaH kudAreNa kuchailena bubhuxayA .. 3..
utpannamiha loke vai janmaprabhR^iti mAnavam.h .
vividhAnyupavartante duHkhAni cha sukhAni cha .. 4..
tayorekatare mArge yadenamabhisannayet.h .
na sukhaM prApya sa.nhR^iShyennAsuHkhaM prApya sa~njvaret.h .. 5..
na vai charasi yachChreya Atmano vA yadIshiShe .
akAmAtmApi hi sadA dhuramudyamya chaiva ha .. 6..
aki~ncanaH paripatansukhamAsvAdayiShyasi .
aki~ncanaH sukha.n shete samuttiShThati chaiva ha .. 7..
Aki~ncanya.n sukhaM loke pathyaM shivamanAmayam.h .
anamitrapatho hyeSha durlabhaH sulabho mataH .. 8..
aki~ncanasya shuddhasya upapannasya sarvataH .
avexamANastrI.NllokAnna tulyamiha laxaye .. 9..
Aki~ncanya.n cha rAjyaM cha tulayA samatolayam.h .
atyarichyata dAridrya.n rAjyAdapi guNAdhikam.h .. 10..
Aki~ncanye cha rAjye cha visheShaH sumahAnayam.h .
nityodvigno hi dhanavAnmR^ityorAsya gato yathA .. 11..
naivAsyAgnirna chAriShTo na mR^ityurna cha dasyavaH .
prabhavanti dhanatyAgAdvimuktasya nirAshiShaH .. 12..
ta.n vai sadA kAmacharamanupastIrNashAyinam.h .
bAhUpadhAna.n shAmyantaM prasha.nsanti divaukasaH .. 13..
dhanavAnkrodhalobhAbhyAmAviShTo naShTa chetanaH .
tiryagIxaH shuShkamukhaH pApako bhrukuTImukhaH .. 14..
nirdashannadharoShTha.n cha kruddho dAruNabhAShitA .
kastamichChetparidraShTu.n dAtumichChati chenmahIm.h .. 15..
shriyA hyabhIxNa.n sa.nvAso mohayatyavichaxaNam.h .
sA tasya chitta.n harati shAradAbhramivAnilaH .. 16..
athaina.n rUpamAnashcha dhanamAnashcha vindati .
abhijAto.asmi siddho.asmi nAsmi kevalamAnuShaH .. 17
ityebhiH kAraNaistasya tribhishchittaM pramAdyati .
samprasaktamanA bhogAnvisR^ijya pitR^isa~ncitAn.h .
parixINaH parasvAnAmAdAna.n sAdhu manyate .. 18..
tamatikrAntamaryAdamAdadAna.n tatastataH .
pratiShedhanti rAjAno lubdhA mR^igamiveShubhiH .. 19..
evametAni duHkhAni tAni tAnIha mAnavam.h .
vividhAnyupapAnte gAtrasa.nsparshajAnyapi .. 20..
teShAM paramaduHkhAnAM buddhyA bhaiShajyamAcharet.h .
lokadharmamavaGYAya dhruvANAmadhruvaiH saha .. 21..
nAtyaktvA sukhamApnoti nAtyaktvA vindate param.h .
nAtyaktvA chAbhayaH shete tyaktvA sarva.n sukhI bhava .. 22..
ityetaddhAstinapure brAhmaNenopavarNitam.h .
shaMpAkena purA mahya.n tasmAttyAgaH paro mataH .. 23..
   iti shrImahAbhArate shAntiparvaNi moxadharmaparvaNi
  shaMpAkagItAyA.n ShaT.hsaptyatyadhikashatatamo.adhyAyaH .. 176..

.. iti..
##
Adhyaya numbers 179 in shAntiparva, Mahabharata critical edition
(Bhandarkar Oriental Research Institute BORI).
In Kinjavadekar's edition they are 176.

Sunder Hattangadi 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}